लघवीत आग होणे - Painful Urination in Marathi

मूत्रविसर्जनात खालीलप्रमाणें संलग्न लक्षणेही असू शकतात:

• वेदना
  रुग्णामध्ये वेदनायुक्त लघवीची लक्षणे बहुतांशी लघवी करतांना दिसतात. लघवीमध्ये सुरवातीच्या वेळी किंवा संपूर्ण मूत्रविसर्जनाच्या काळावधीमध्ये वेदना होऊ शकते. ही वेदना अधिकतर खोचक, अप्रिय आणि गैरसोयीची असते. वेदना लघवीनंतर थांबू अगर नाहीही थांबू शकत.  
• ताप
  मूत्रनलिकेत संक्रमण असल्यास, शरिराचे तापमान वाढू शकते. ताप सौम्य ते मध्यम अंशाचे असू शकते (38. 5⁰C पेक्षा अधिक). तापासोबत कंपही सुटू शकतात.
• धुळसर किंवा रक्तयुक्त लघवी
  वेदनेसोबत, लघवीच्या रंगामध्येही बदल घडू शकतो. लघवी स्वच्छ किंवा पिवळसर असे नसून धूळसर किंवा हलकी लालसर दिसू शकते, जे लघवीत रक्त निघत असल्याने असेल.
• पू/रक्त/ इतर द्रव्याची असामान्य गळती
  मूत्रविसर्जनाच्या वेळी किंवा नंतर इतर द्रव्याची, रक्त, पू असामान्य गळती लक्षात येऊ शकते.  
• गंध
  लघवीचे रंग अत्यंत तीव्र व अप्रियही असू शकते.
• मूत्रविसर्जनाची वारंवारता
  काही वेळेस, वेदनेसह मूत्रविसर्जनाची वारंवारता किंवा लघवी करण्याची आचही वाढू शकते 
• पोटाच्या वरच्या भागेत दुखणे
  ही वेदना किंवा गैरसोय बरगड्या आणि ओटीपोटीच्या भागाच्या मध्ये होते (लिलॅक बोनजवळ, जो दोन्ही बाजूला असणारा मांडीच्या हाडाचा भाग असतो)
• ओरखडे, खाज, जळजळ
  अंतर्निहित संक्रंमणाशी निगडीत वेदनायुक्त लघवीमध्ये, ओटीपोट या भागात अधिकतर ओरखडे, लालसरपणा आणि जळजळ याची जाणीव होते आणि म्हणून हे आजार असलेली व्यक्ती काही आराम मिळण्यासाठी तिथे खाजवत राहते.
• फोड
  लैंगिक संबंधातून पसरणार्र्या आजारांने झालेली असल्यास वेदनायुक्त लघवीमध्ये साधारणपणें फोडी दिसतात. या फोडी रुग्ण स्त्रीच्या योनीच्या भोवती आणि रुग्ण पुरुषाच्या लिंगावर असू शकतात.

वेदनायुक्त लघवीचे उपचार अंतर्निहित वैद्यकीय कारणावर अवलंबून असते.

औषधोपचार
वेदनायुक्त लघवीचे कारण मूत्रनलिका किंवा प्रजननतंत्रातील संक्रमण असे असल्यास, तुमचे चिकित्सक काही औषधोपचारांचा सल्ला देऊ शकतात (प्रतिजैविके किंवा विषाणूरोधके). विहित काळावधीसाठी औषधे घेतल्यानंतर, तुमचे डॉक्टर, लक्षणे कमी झालीत की नाही हे पाहण्यासाठी, तुम्हाला पाठपुरावा करण्यास आणि परत तपासणी करून घ्यायला सांगतात.

मूत्रपिंडातील खडा हे कारण असल्यास, खड्याच्या आकाराप्रमाणे उपचार वेगळा आहे. आकार लहान असल्यास, तुमचे डॉक्टर तो मूत्रपिंडातील खडा लघवीमारफत निघण्याची वाट बघतील. खडा विरघळावा म्हणून काही औषधेही दिली जाऊ शकतात.

शस्त्रक्रिया
रुग्णाच्या शरिरात मूत्रपिंडाचे मोठे खडे, अडसर, गाठ किंवा मूत्रनलिका अरुंद झाल्यास, कोणत्याही रुग्णावरील उपचार करणारे चिकित्सक शस्त्रक्रियेचा सल्ला देऊ शकतात.

एक निरोगी प्रौढ व्यक्ती दिवसांतून औसत कमीत कमी पाच ते सहा वेळा आणि दिवसातून 1.2 ते 1.5 L मूत्र विसर्जन करते. लघवीमध्ये सुरवातीच्या वेळी किंवा संपूर्ण मूत्रविसर्जनाच्या काळावधीमध्ये वेदना किंवा गैरसोय येत असल्यास, या अवस्थेला डायस्युरिआ (वेदनायुक्त लघवी) असे म्हणतात. मूत्रनलिकेच्या आजारांपैकी हे सर्वांत प्रचलित तक्रार आहे.