இடுப்பு வலி - Pelvic Pain in Tamil

Dr. Nadheer K M (AIIMS)MBBS

May 04, 2019

March 06, 2020

இடுப்பு வலி
இடுப்பு வலி

இடுப்பு வலி என்றால் என்ன?

இடுப்பு வலி என்பது தொப்புளுக்கு கீழே உள்ள எந்த பகுதியிலும் இடுப்புகளில் உள்ள உறுப்புகளில் ஏதேனும் சீர்குலைவு காரணமாக ஏற்படும்வலியை குறிக்கிறது.இது பெண்களில், கருப்பை, சூலகங்கள் அல்லது கருக்குழாய்கள் மற்றும் ஆண்களில், விந்துப்பை (புரோஸ்டேட்) பிரச்சினைகள் காரணமாக இடுப்பு வலிக்கு வழிவகுக்கும்.இரண்டு பாலினங்களிலும் சிறுநீர் பாதை நோய்த்தொற்று, இடுப்பு எலும்பு மற்றும் தசை கோளாறுகள் காரணமாக வலி இருக்கலாம்.இருப்பினும், இது பெண்களுக்கு மிகவும் அடிக்கடி வருவதாகும். 

அதன் முக்கிய அடையாளங்கள் மற்றும் அறிகுறிகள் யாவை?

வலி முக்கியமாக அடிவயிற்றுப் பகுதியில் பரவலாக இருக்கும்.வலி லேசாக அல்லது கடுமையாகவோ (இடைப்பட்ட வலி) வந்து போகும்.வலி பொதுவாக அல்லது குறிப்பிட்ட (பரவலாக) இடங்களில் மட்டும் இருக்கும்.ஒரு குறிப்பிட்ட பகுதியில் ஏற்படும் வலியின் காரணம்,இயல்பு மற்றும் வலியின் தீவிரத்தைப் பொறுத்து வலிக்கான காரணம் அறியப்படுகிறது.வலியுடன்  சிறுநீரில் எரிச்சல், சிறுநீரில் இரத்தம், குமட்டல், வாந்தியெடுத்தல் மற்றும் பல தொடர்புடையதாக இருக்கலாம். 

அதன்  முக்கிய காரணங்கள் என்ன?

ஆண்கள் மற்றும் பெண்களுக்கு பொதுவான காரணங்களாக சிறுநீரகக் கற்கள், பெருங்குடல் வீக்கம் (கொலிட்டிஸ்), இடுப்பு தசைகளில் இழுப்பு , சிறுநீர்க்குழாய் நோய்த்தொற்று, எலும்புப்புரை (மாதவிடாய்க்குப் பிறகு எலும்பு தாது அடர்த்தியை குறைத்தல்) மற்றும் பாலியல் தொடர்பு  மூலம்  பரவும் நோய்கள் ஆகியன அடங்கும்.

பெண்களுக்கு வரும் காரணங்கள்:

ஆண்களுக்கு வரும் காரணங்கள்:

  • ஆண்மைச்சுரப்பி அழற்சி (ப்ரோஸ்டாடிடிஸ்) (முன்னிற்கும் (புரோஸ்டேட்) சுரப்பி வீக்கம்).
  • விரை வீக்கம் (எபிடிடைமிடிஸ்) (விந்தணு முதிர்ச்சிப்பையில்(எப்பிடிடயமிஸ்) வீக்கம்).
  • விரைச்சிரை நோய்த்தொற்று.
  • விரைகளில் முறுக்கம்.

இடுப்பு பகுதியில் உள்ள இடத்தில் வலி ஏற்படுவது, எலும்புக் கோளாறு அல்லது எலும்பு முறிவு ஆகியவை சாத்தியமான காரணத்தைக் குறிக்கிறது, இதனை அறிய மேற்கொண்டு பரிசோதனை தேவைப்படுகிறது.வலது பக்க வலி  ஒரு கருப்பை நீர்க்கட்டி அல்லது அழற்சி அல்லது வீங்கிய குடல்வாலினில் குடல்வால் அழற்சி (அப்பெண்டிசிட்டிஸ்) இருந்து வெளிப்படலாம்.

இது எப்படி கண்டறியப்படுகிறது மற்றும் சிகிச்சையளிக்கப்படுகிறது?

இடுப்பு வலிக்கு காரணமான நோயறியப்படுதல் சவாலாக இருக்கலாம்,எனவே உங்கள் மருத்துவரின் முக்கிய நோக்கம் எப்போதும் உங்கள் மருத்துவ பின்புலம் மற்றும் தற்போதைய ஆய்வின் மூலம் கண்டறியப்படலாம்.இது தொடர்பான காரணங்கள் உங்கள் வலியின் சரியான தன்மையைப் புரிந்து கொள்ள உதவுகிறது.உங்கள் மருத்துவர் சில இரத்த பரிசோதனைகள் மற்றும் சிறுநீர் பரிசோதனையை எடுக்கச் சொல்வார்.மேலும், அவர்/அவள் தேவைப்பட்டால் இடுப்பின் அமைப்புகளைபார்க்க ஒரு மீயொலிவரைவி (அல்ட்ராசோனோகிராபி) மற்றும் குறுக்கு வெட்டுத்தோற்றத்தின் கதிரியக்கப் படம் (சி.டீ.ஸ்கேன்) உள்ளிட்ட சில இடுப்பு ஊடு கதிர்ப்படங்களை எடுக்கச் சொல்லலாம்.வலிக்கான காரணத்தை பொறுத்து சிகிச்சை முறை வேறுபடலாம்.கடுமையான மற்றும் தீவிரமான வலியைக் கட்டுப்படுத்த வலி நிவாரணிகள் வழங்கப்படுகின்றன.தசைப்பிடிப்புகளுக்கு (ஸ்பாசம்ஸ்) தசை தளர்த்திகள் (ரிலாக்சான்ட்ஸ்) மற்றும் வீக்க எதிர்ப்பு மருந்துகள் வழங்கப்படுகின்றன.வடு உருவாகும் சந்தர்ப்பங்களில்,அறுவை சிகிச்சை பரிந்துரைக்கப்படுகிறது.

ஒருவரது சுய பராமரிப்பில், நல்ல இருக்கை நிலை மற்றும் வழக்கமான உடற்பயிற்சி ஆகியவை முக்கிய நோய்த்தடுப்பு காரணிகளில் அடங்கும்.பிற சிகிச்சைகளில் அக்யூப்ரெசர், வைட்டமின் ஊசிகள் மற்றும் யோகா ஆகியவை அடங்கும்.தொடர் சிகிச்சையானது நலம் பயக்கிற மற்றும் விரைவான உடல் மீட்பு நிலைக்கு பரிந்துரைக்கப்படுகிறது.



மேற்கோள்கள்

  1. Petros P.P. (2010) Chronic Pelvic Pain: A Different Perspective. In: Santoro G.A., Wieczorek A.P., Bartram C.I. (eds) Pelvic Floor Disorders. Springer, Milano
  2. Howard FM. The role of laparoscopy in chronic pelvic pain: promise and pitfalls. Obstet Gynecol Sum1993;48:357–387. PMID: 8327235
  3. Ling FW. Management of chronic pelvic pain. Obstet Gynecol Clin North Am. 1993;20:XI PMID:8115094
  4. Koninckx PR, Lesaffre E, Meuleman C, et al. Suggestive evidence that pelvic endometriosis is a progressive disease whereas deeply infiltrating endometriosis is associated with pelvic pain. Fertil Steril. 1991;55:759–765. PMID: 2010001
  5. Martin DC, Hubbert GD, VanderZwaag R, et al. Laparoscopic Treatment of Endometriosis. Fertil Steril 1989;51:63–67. Practical Manual of Operative Laparoscopy and Hysteroscopy
  6. National Institute of Child Health and Human development [internet]. US Department of Health and Human Services; Pelvic Pain.

இடுப்பு வலி க்கான மருந்துகள்

Medicines listed below are available for இடுப்பு வலி. Please note that you should not take any medicines without doctor consultation. Taking any medicine without doctor's consultation can cause serious problems.