తొడనొప్పి - Thigh Pain in Telugu

తొడ నొప్పి అంటే ఏమిటి?

తొడకు గాయమవడం లేదా తొడలో మరేదైనా ఆరోగ్య స్థితి కారణంగా గాని “తొడ నొప్పి” క్రమంగా సంభవించొచ్చు లేదా నొప్పి అప్పుడప్పుడు వచ్చ్ పోతూ ఉండవచ్చు.  సాధారణంగా, ఈ తొడ నొప్పి కొన్ని వారాల్లోనే పైపూత మందులు లేదా నోటిద్వారా కడుపుకిచ్చే నొప్పి-ఉపశమన మందులతో తగ్గిపోతుంది. ఫుట్బాల్, సాకర్, బాస్కెట్బాల్, లాంగ్ జంప్ వంటి క్రీడల్లో పాల్గొనే ఆటగాళ్లకు, దూకేటపుడు వారికి ఎదురయ్యే అడ్డంకులు (జంపింగ్ హర్డిల్స్) మరియు ఇతర భౌతిక కార్యకలాపాలు చేసే వ్యక్తులకు తొడ నొప్పి వస్తుంది.

దీని ప్రధాన సంబంధిత సంకేతాలు మరియు లక్షణాలు ఏమిటి?

తొడ నొప్పికి సంబంధించిన ప్రధాన సంకేతాలు మరియు లక్షణాలు:

• కమిలిన గాయాలవడం
• వాపు
• జలదరింపు
• పుండ్లు పడడం
• కండరాల సంకోచం (పట్టేయడం)
• బలహీనత
• తిమ్మిరి
• దురద
• సున్నితత్వం
• బాహ్య తొడలో మంటతో కూడిన నొప్పి (బర్నింగ్ పెయిన్)

దీని ప్రధాన కారణాలు ఏమిటి?

తొడ నొప్పి యొక్క ప్రధాన కారణాలు:

• కండరాల ఒత్తిడి
• నల్లగా ఉబ్బుకొన్ననరాలు (అనారోగ్య సిరలు)
• బిగువైన దుస్తులు
• కండరాల గాయం
• మితిమీరిన గాయాలు
• నేరుగా తగిలిన దెబ్బ లేదా కింద పడటం
• ఒత్తిడితో కూడిన పగుళ్లు
• ఆస్టియోఆర్థరైటిస్
• గర్భం
• ఊబకాయం లేదా అధిక బరువు ఉండటం
• ఇలియతిబియల్ బ్యాండ్ రాపిడి రుగ్మత
• పునరావృత వ్యాయామాలు చేయడం, ఉదాహరణకు, పరుగు తీయడం మరియు సైక్లింగ్
• డీప్ సిర రంధ్రం
• డయాబెటిక్ నరాలవ్యాధి (అదుపులేని రక్తంలో చక్కెర స్థాయిలు తిమ్మిరి మరియు నొప్పికి కారణమవుతుంది)
• క్రీడల గాయాలు
• రుమటాయిడ్ ఆర్థరైటిస్
• తొడ ఎముక పగులు
• ఆస్టియోపొరోసిస్
• తొడ కండరాలలో రక్తం గడ్డకట్టడం
• మెరాల్జియా పారాస్టీటికా (తొడలో మంటతో కూడిన నొప్పికి కారణమవుతుంది)
• స్థానబద్ధ (సెడెంటరీ) జీవనశైలి
• బలహీనమైన ఎముకలు
• సోడియం, విటమిన్ డి మరియు కాల్షియం వంటి పోషకాల లోపము
• స్ట్రోక్
• మరొక కాలుకైన గాయం నుండి నొప్పి బదిలీ

దీనిని ఎలా నిర్ధారణ చేస్తారు మరియు దీనికి చికిత్స ఏమిటి?

కింది పద్ధతులను ఉపయోగించి తొడ నొప్పిని నిర్ధారణ చేస్తారు.

డాక్టర్ వ్యాధి లక్షణాలను గమనించి తొడ నొప్పికి గల కారణాన్ని కనుగొనేందుకు వైద్య చరిత్ర గురించి అడిగి తెలుసుకుంటారు. అటుపైన, డాక్టర్ గాయాలు, వాపు లేదా సున్నితత్వం కోసం తొడను పరిశీలిస్తారు. ఎముకకు గాయం అయిఉన్నట్లయితే, x- రే లేదా ఒక CT స్కాన్ తనిఖీ చేయవలసిందిగా డాక్టర్ ఆదేశించవచ్చు. తొడ యొక్క కదలిక మరియు కదలిక యొక్క శ్రేణిని కూడా డాక్టర్ పరీక్షిస్తారు.

అంతర్లీన కారణం మీద ఆధారపడి చికిత్స వివిధ రకాలుగా ఉంటుంది. తొడనొప్పికి క్రింద పేర్కొన్న కొన్ని సాధారణ చికిత్సా పద్ధతులున్నాయి:

• నొప్పి మరియు వాపును తగ్గించడానికి విశ్రాంతి (రెస్ట్), మంచు తాపడం, మరియు ఎత్తిపెట్టడం ఎలివేషన్ (RICE) పద్ధతి
• నొప్పి నివారిణులు (పెయిన్కిల్లర్స్) - నోటిద్వారా కడుపుకిచ్చే మందులు, పైపూతమందులు లేదా సూది మందులు
• సాగదీసే వ్యాయామాలు
• బరువు నిర్వహణ
• బలం చేకూర్చే వ్యాయామాలు
• వేడి

1. Orthoinfo [internet]. American Academy of Orthopaedic Surgeons, Rosemont IL. Muscle Strains in the Thigh.
2. MedlinePlus Medical Encyclopedia: US National Library of Medicine; Leg pain.
3. Orthoinfo [internet]. American Academy of Orthopaedic Surgeons, Rosemont IL. Burning Thigh Pain (Meralgia Paresthetica).
4. National Health Information Service [Internet]. Government of Scotland; Thigh problems.
5. Healthdirect Australia. Leg pain. Australian government: Department of Health