పుట్టగొడుగు అనేది ఒక రకమైన బూజు (శిలీంధ్రాలు) రకం, ఇది నేలపైన లేదా చెట్ల బెరడుపై పెరుగుతుంది. 3000 కంటే ఎక్కువ రకాల పుట్టగొడుగులన్నాయి, వాటిలో కొన్ని మాత్రమే తినడానికి పనికొస్తాయి. తినదగిన పుట్టగొడుగులు తరచుగా రంగులేనివి లేదా తెలుపు రంగుతో ఉంటాయి. ఇవి గొడుగు ఆకారంలో ఉంటాయి. తరచుగా, పుట్టగొడుగులను ఒక మొక్కగా భావిస్తారు. మొక్కలలో ‘క్లోరోఫిల్’ అనే ఆకుపచ్చ వర్ణద్రవ్యం ఉంటుంది, ఈ వర్ణద్రవ్యం  సూర్యరశ్మితో పాటు, కార్బోహైడ్రేట్ల రూపంలో శక్తిని నిల్వ చేయడానికి సహాయపడుతుంది. మరోవైపు, పుట్టగొడుగులలో క్లోరోఫిల్ ఉండదు, అందువల్ల అవి శక్తిని ఉత్పత్తి చేయలేవు. పుట్టగొడుగులు తమ పోషకాలను పొందడానికి సేంద్రీయ వ్యర్థాల వంటి ఇతర వనరులపై ఆధారపడతాయి.

తినడానికి ఎక్కువగా ఉపయోగించే పుట్టగొడుగుల రకాల్లో ఒకటి ‘అగారికస్ బిస్పోరస్ (Agaricus bisporus)’ లేదా దీన్నే సాధారణ పుట్టగొడుగు అని వ్యవహరిస్తారు. ఇది ఉత్తర అమెరికా మరియు యూరప్ నుండి ఉద్భవించిందని నమ్ముతారు. ప్రస్తుతం, ఈ రకమైన పుట్టగొడుగులను 70 కి పైగా దేశాలలో సాగు చేస్తున్నారు.

పుట్టగొడుగులను వివిధ రకాల వంటకాల్లో విస్తృతంగా ఉపయోగిస్తారు. వీటిని సూప్ మరియు సలాడ్లలో ఉపయోగిస్తారు, గుడ్లు వంటి ఇతర ఆహార పదార్థాలతో, ఆకలిని ప్రేరేపించడానికి, శాండ్‌విచ్‌లలో ఇతర కూరగాయలతో పాటు కలుపుతారు మరియు పిజ్జాల కోసం పాస్తా సాస్ మరియు టాపింగ్స్‌ను తయారు చేయడానికి కూడా ఉపయోగిస్తారు. పుట్టగొడుగులకు అధిక పోషక విలువలు ఉన్నాయి. ఇవి 92% నీటిని కలిగి ఉంటాయి మరియు పొటాషియం మరియు సోడియం యొక్క మంచి సమతుల్యతను కలిగి ఉంటాయి. పుట్టగొడుగులలో కూడా అనేక విటమిన్లు పుష్కలంగా ఉన్నాయి.

పుట్టగొడుగుల గురించిన కొన్ని ప్రాథమిక వాస్తవాలు:

  • బొటానికల్ పేరు: అగారికస్ బిస్పోరస్ (Agaricus bisporus)
  • కుటుంబం: అగారికేసి, రుసులేసి
  • సాధారణ పేరు: సాధారణ పుట్టగొడుగు
  • సంస్కృత నామం: छत्राकम् (చత్రకం)
  • ఉపయోగించే భాగాలు: పుట్టగొడుగు కండ (flesh), కాండం,పై కప్పు 
  • స్థానిక ప్రాంతం మరియు భౌగోళిక విస్తీర్ణం: పుట్టగొడుగులు సాధారణంగా అడవిలో పెరుగుతాయి. కనీసం 60 దేశాలలో ఇరవై రకాల తినదగిన పుట్టగొడుగులను వాణిజ్యపరంగా సాగు చేస్తున్నారు. చైనా, ఫ్రాన్స్, పోలాండ్, నెదర్లాండ్స్ మరియు యునైటెడ్ స్టేట్స్ ప్రపంచంలోనే అతిపెద్ద ప్రమాణంలో పుట్టగొడుగులను సాగు చేసే దేశాలు.
  • ఆసక్తికరమైన విషయాలు: పుట్టగొడుగులు సూర్యరశ్మికి గురైనప్పుడు మనుషుల మాదిరిగానే విటమిన్ డిని ఉత్పత్తి చేస్తాయి. పుట్టగొడుగులను ఎనిమిది గంటలు సూర్యరశ్మికి గురిచేస్తే, దాని విటమిన్ డి కంటెంట్ 4,600 రెట్లు పెరుగుతుంది.
  1. పుట్టగొడుగుల పోషక వాస్తవాలు - Mushrooms’ nutrition facts in Telugu
  2. పుట్టగొడుగుల ఆరోగ్య ప్రయోజనాలు - Health benefits of mushrooms in Telugu
  3. పుట్టగొడుగుల దుష్ప్రభావాలు - Mushrooms side effects in Telugu
  4. ఉపసంహారం - Takeaway in Telugu

పుట్టగొడుగులలో శరీరానికి ఆరోగ్యకరమైనవిగా భావించే అనేక పోషకాలు ఉన్నాయి. పొటాషియం, భాస్వరం, మెగ్నీషియం, సోడియం మరియు కాల్షియం వంటి ఖనిజాలు వీటిలో అధికంగా ఉంటాయి. పుట్టగొడుగులలో విటమిన్ బి 3, బి 9, డి వంటి అనేక విటమిన్లు ఉంటాయి. అవి కూడా కేలరీలను తక్కువగా కల్గి ఉంటాయి మరియు కొవ్వులు కూడా చాలా తక్కువగా (అంటే పరిగణించతగని పరిమాణంలో) ఉంటాయి.

‘యుఎస్‌డిఎ న్యూట్రియంట్ డేటాబేస్’ ప్రకారం 100 గ్రాముల ముడి తెలుపు పుట్టగొడుగుల్లో ఉండే పోషక విలువలు క్రింది విధంగా ఉంటాయి:

పోషకాలు

100 గ్రాముల విలువ

నీరు 

92.45 గ్రా

శక్తి

22 కిలో కేలరీలు

కొవ్వులు (ఫాట్స్)

0.34 గ్రా

ప్రోటీన్

3.09 గ్రా

కార్బోహైడ్రేట్

3.26 గ్రా

పీచుపదార్థాలు (ఫైబర్)

1.0 గ్రా

చక్కెరలు

1.98 గ్రా

 

మినరల్స్

100 గ్రా విలువ

కాల్షియం

3 మి.గ్రా

ఐరన్ (ఇనుము)

0.50 మి.గ్రా

పొటాషియం

318 మి.గ్రా

మెగ్నీషియం

9 మి.గ్రా

సోడియం

5 మి.గ్రా

భాస్వరం

86 మి.గ్రా

జింక్

0.52 మి.గ్రా

 

విటమిన్లు

100 గ్రా విలువ

విటమిన్ బి 1

0.081 మి.గ్రా

విటమిన్ బి 2

0.402 మి.గ్రా

విటమిన్ బి 3

3.607 మి.గ్రా

విటమిన్ బి 6

0.104 మి.గ్రా

విటమిన్ బి 9

17 µg

విటమిన్ బి 12

0.04 .g

విటమిన్ సి

2.1 మి.గ్రా

విటమిన్ డి

0.2 .g

విటమిన్ ఇ

0.01 మి.గ్రా

 

కొవ్వులు / కొవ్వు ఆమ్లాలు

100 గ్రా విలువ

సాచ్యురేటెడ్

0.050 గ్రా

పాలీఅన్శాచ్యురేటెడ్

0.160 గ్రా

myUpchar doctors after many years of research have created myUpchar Ayurveda Madhurodh Capsule by using 100% original and pure herbs of Ayurveda. This ayurvedic medicine has been recommended by our doctors to lakhs of people for diabetes with good results.
Sugar Tablet
₹899  ₹999  10% OFF
BUY NOW
  • కొలెస్ట్రాల్ కోసం:అనేక అధ్యయనాలు పుట్టగొడుగులు కొలెస్ట్రాల్ స్థాయిలను తగ్గిస్తాయని తెలిపాయి. పుట్టగొడుగులలో బీటా-గ్లూకాన్స్ అధికంగా ఉంటాయి అవి హైపోకొలెస్టమిక్ లక్షణాలను కలిగి ఉంటాయి. పుట్టగొడుగులు మంచి కొలెస్ట్రాల్ స్థాయిలను కూడా పెంచినట్లు జంతు ఆధారిత అధ్యయనాలలో తెలిసింది.
  • మధుమేహం కోసం: వివిధ రకాల ఎడిబుల్ (తినగలిగిన) పుట్టగొడుగులపై జరిపిన ప్రీ క్లినికల్ అధ్యయనాలు పుట్టగొడుగులు రక్త చెక్కర స్థాయిలను తగ్గించడంలో ప్రభావంతంగా ఉన్నాయని ఇవి హైపోగ్లైసెమిక్ లక్షణాలను కలిగి ఉంటాయని తెలిపాయి.
  • రక్తహీనత కోసం: ఓయెస్టర్ మష్రూమ్ వంటి కొన్ని రకాల  పుట్టగొడుగులు ఐరన్ కు మంచి మూలంగా ఉంటాయి అవి రక్తహీనతను నివారించడానికి సహాయపడతాయి. అలాగే కొన్ని రకాలలో కాపర్ కూడా అధికంగా ఉంటుంది. కాపర్ శరీరం ఐరన్ను శోషించడంలో సహాయపడుతుంది అది కూడా రక్తహీనత చికిత్సకు అవసరం. 
  • ఊబకాయం కోసం: పుట్టగొడుగులలో ఉండే ఎరిటాడెనిన్ మరియు బీటా-గ్లూకాన్లు హైపోలిపిడెమిక్ లక్షణాలు కలిగి ఉన్నట్లు ప్రీ క్లినికల్ అధ్యయనాలు సూచించాయి ఇవి ఊబకాయాన్ని తగ్గించడంలో సహాయపడతాయి. అంతేకాక బీటా-గ్లూకాన్లు కడుపు నిండిన భావనను  కలిగించి తక్కువ తినేలా చేస్తాయి. అలాగే ఇవి కొలెస్ట్రాల్ స్థాయిలను కూడా అదుపులో ఉంచుతాయి.
  • కాన్సర్: అనేక రకాల క్యాన్సర్లకు వ్యతిరేకంగా వివిధ రకాల పుట్టగొడుగులు ప్రభావవంతంగా పని చేస్తాయని ఒక సమీక్షా వ్యాసం తెలిపింది. ప్లూరోటస్ జాతికి చెందిన పుట్టగొడుగు సారాలు పెద్దప్రేగు క్యాన్సర్‌కు వ్యతిరేకంగా పనిలో చేస్తాయి. అగారికస్ అనే పుట్టగొడుగు రొమ్ము క్యాన్సర్‌కు వ్యతిరేకంగా పనిచేస్తుంది.
  • పుట్టగొడుగులు మాక్రోఫేజ్లు మరియు నాచురల్ కిల్లర్ సెల్స్ వంటి ఇమ్యూన్ కణాల పనితీరును  మెరుగుపరచడం ద్వారా రోగనిరోధక శక్తిని మెరుగుపరుస్తాయి. అలాగే ఇవి ఆస్టియోపోరోసిస్ వంటి ఎముకల సమస్యలను తగ్గించడంలో కూడా సహాయపడతాయి

కొలెస్ట్రాల్ కు పుట్టగొడుగులు - Mushrooms for cholesterol in Telugu

కొవ్వులు (కొలెస్ట్రాల్) ఎల్లప్పుడూ శరీరానికి చెడు కల్గించేవిగా ఉండవు. మన శరీరం సరిగ్గా పనిచేయడానికి కొంత కొలెస్ట్రాల్ అవసరం. కానీ తక్కువ సాంద్రత కలిగిన లిపోప్రొటీన్ (ఎల్‌డిఎల్) లేదా చెడు కొలెస్ట్రాల్ స్థాయిలు శరీరంలో పెరిగినప్పుడు గుండె జబ్బులకు దారితీస్తుంది మరియు గుండెపోటు (స్ట్రోక్) వచ్చే ప్రమాదాన్ని పెంచుతుంది.

పుట్టగొడుగుల్లో కొవ్వు తక్కువగా ఉంటుంది (100 గ్రాముల పుట్టగొడులకు 0.34 గ్రాముల కొవ్వు మాత్రం ఉంటుంది). శరీరంలోని కొలెస్ట్రాల్ స్థాయిలను తగ్గించడానికి పుట్టగొడుగులు సహాయపడతాయని అనేక అధ్యయనాలు చెబుతున్నాయి. పుట్టగొడుగులలో బీటా-గ్లూకాన్లు పుష్కలంగా ఉంటుంది, ఇవి హైపోకోలెస్టెరోలెమిక్ లక్షణాలను కలిగి ఉన్నట్లు కనుగొనబడింది. బీటా-గ్లూకాన్లు ప్రేగులలో కొలెస్ట్రాల్‌ను పీల్చుకోవడాన్ని నిరోధిస్తాయని అధ్యయనాలు సూచిస్తున్నాయి, తద్వారా హైపర్లిపిడెమియాను (పేగుల్లో కొవ్వులు పేరుకుపోవడాన్ని) నివారిస్తుంది. పుట్టగొడుగులు తినడంవల్ల మొత్తం కొలెస్ట్రాల్ స్థాయిలను (టిసి) మరియు ఎల్‌డిఎల్ (చెడు కొలెస్ట్రాల్) స్థాయిలను గణనీయంగా తగ్గిస్తుందని వైద్య (ప్రీక్లినికల్) అధ్యయనాలు సూచిస్తున్నాయి. ఈ జంతువులలో హెచ్‌డిఎల్ (మంచి కొలెస్ట్రాల్) స్థాయిలు కూడా పెరిగాయి.

(మరింత చదవండి: అధిక కొలెస్ట్రాల్ చికిత్స)

చక్కెరవ్యాధికి పుట్టగొడుగులు - Mushrooms for diabetes in Telugu

చక్కెరవ్యాధి (డయాబెటిస్) అనేది రక్తంలో అధిక స్థాయి గ్లూకోజ్ జమవడంతో వచ్చే రుగ్మత. శరీరం తగినంత ఇన్సులిన్ ఉత్పత్తి చేయలేకపోవడం లేదా శరీరం ఇన్సులిన్ సరిగా ఉపయోగించలేకపోవడం వల్ల చక్కెరవ్యాధి సంభవిస్తుంది. చక్కెరవ్యాధి (వచ్చింతరువాత) ని సరైన ఆహారం మరియు మందులతో నియంత్రణలో ఉంచవచ్చు. రక్తంలో గ్లూకోజ్ స్థాయిని అదుపులో ఉంచడంలో వివిధ రకాల తినదగిన పుట్టగొడుగులు ప్రభావవంతంగా పని చేస్తాయని వైద్య (ప్రిక్లినికల్) అధ్యయనాలు చెబుతున్నాయి.  సుమారు 10 తినదగిన పుట్టగొడుగు రకాలపై చేసిన ఒక పరిశోధన, పుట్టగొడుగులలో ఉన్న కొన్ని ప్రభావవంతమైన సమ్మేళనాలు సంభావ్య హైపోగ్లైసీమిక్ ప్రభావాన్ని (రక్తంలో చక్కెర స్థాయిని తగ్గించడం) ప్రదర్శించినట్లు సూచిస్తున్నాయి . ఈ సమ్మేళనాలలో కొన్ని కలప చెవి పుట్టగొడుగు (wood ear mushroom) మరియు రీషి పుట్టగొడుగులలో వివిధ పాలిసాకరైడ్లు (polysaccharides), బాదం పుట్టగొడుగులో బీటా గ్లూకాన్లు మరియు హెన్-ఆఫ్-ది-వుడ్స్ పుట్టగొడుగుల్లో ఆల్ఫా-గ్లూకాన్ ఉంటాయి. దీనిపై వైద్య అధ్యయనం లేనప్పటికీ, జంతువులపై జరిపిన (ప్రిక్లినికల్) అధ్యయనాలు మంచి ఫలితాలను చూపుతాయి.

పుట్టగొడుగులు రోగనిరోధక శక్తిని పెంచుతాయి - Mushrooms boost immune system in Telugu

రోగనిరోధక వ్యవస్థ శరీరాన్ని వ్యాధులు మరియు అంటువ్యాధుల (ఇన్ఫెక్షన్ల) నుండి రక్షించడానికి బాధ్యత వహిస్తుంది. రోగనిరోధక శక్తిని పెంచడంలో పుట్టగొడుగులు ప్రభావవంతంగా ఉంటాయని పరిశోధనలు చెబుతున్నాయి. పుట్టగొడుగులలో బీటా-గ్లూకాన్, ఒక రకమైన పాలిసాకరైడ్లు అధికంగా ఉంటాయి. ఈ పాలిసాకరైడ్లు రోగనిరోధక వ్యవస్థను ఉత్తేజపరచడం ద్వారా రోగనిరోధక శక్తిని పెంచే సామర్థ్యాన్ని కలిగి ఉంటాయి, ఇది రోగనిరోధక వ్యవస్థలో ఒక భాగం, హానికరమైన వ్యాధికారక క్రిములపై ​​దాడి చేయడానికి ప్రతిరోధకాల సామర్థ్యాన్ని మెరుగుపరచడానికి బాధ్యత వహిస్తుంది. ఈ పాలిసాకరైడ్లు శరీరంలోని మాక్రోఫేజెస్ (macrophages) మరియు నేచురల్ కిల్లర్ కణాల (రోగనిరోధక వ్యవస్థ కణాలు) పనితీరును మెరుగుపరచడానికి కూడా కారణమవుతాయి.

(మరింత చదవండి: రోగనిరోధక శక్తిని పెంచే ఆహారాలు)

ఎముకలకు పుట్టగొడుగులు - Mushrooms for bones in Telugu

బోలు ఎముకల వ్యాధి (Osteoporosis) బలహీనమైన మరియు పెళుసైన ఎముకలతో సంబంధం ఉన్న ఒక ఎముకల రుగ్మత, ఈ రుగ్మత పురుషులు మరియు మహిళలు ఇద్దరినీ దెబ్బ తీస్తుంది, కానీ, మహిళలు ముఖ్యంగా మెనోపాజ్ తర్వాత దీనికి ఎక్కువగా గురవుతారు. కొన్ని రకాల పుట్టగొడుగుల నుండి సేకరించే సారం ఈ రుగ్మతకు వ్యతిరేకంగా ప్రభావవంతంగా పనిచేస్తుందని పరిశోధన సూచించింది. ఎముకల నష్టాన్ని నివారించడంలోనే గాక పుట్టగొడుగుల సారం కొత్త ఎముకల ఉత్పత్తిని మెరుగుపరుస్తాయని అనేక పూర్వ వైద్య అధ్యయనాలు తెలిపాయి.

రక్తహీనతకు పుట్టగొడుగులు - Mushrooms for anemia in Telugu

ఇనుము లోపంతో వచ్చే రక్తహీనత చికిత్స చేయదగిన రుగ్మత, శరీరం ఇనుమును సరిగ్గా గ్రహించలేకపోవడం వల్ల వస్తుందిది. ఓస్టెర్ (oyster) మష్రూమ్ వంటి కొన్ని రకాల పుట్టగొడుగులు ఇనుముకు మంచి మూలం. జంతువుల నమూనాలపై చేసిన ఒక అధ్యయనంలో ఓస్టెర్ పుట్టగొడుగులు రక్తంలో ఇనుము స్థాయిని పెంచడానికి సహాయపడ్డాయని తెలిపింది.

రక్తంలో ఇనుమును సరిగ్గా గ్రహించడానికి మరియు శరీరం ఈ ఇనుమును ఉపయోగించుకోవటానికి రాగి ఒక ముఖ్యమైన అంశం అని మరొక అధ్యయనం పేర్కొంది. కొన్ని రకాల పుట్టగొడుగులలో రాగి కంటెంట్ అధికంగా ఉంటుంది. అందువల్ల, పుట్టగొడుగులను క్రమం తప్పకుండా తీసుకోవడంవల్ల ఈ రాగి-ఆధారిత ప్రక్రియల పనితీరుకు సహాయపడుతుంది.

(మరింత చదవండి: రక్తహీనత రకాలు)

సెలీనియం మూలంగా పుట్టగొడుగులు - Mushrooms as selenium source in Telugu

సెలీనియం అనేది ఓ ముఖ్యమైన పోషకం, ఇది థైరాయిడ్ గ్రంథి యొక్క సరైన పనితీరు, DNA ఉత్పత్తి మరియు స్వేచ్చారాశుల (ఫ్రీ రాడికల్స్) వల్ల కలిగే నష్టానికి వ్యతిరేకంగా శరీరాన్ని రక్షించే బాధ్యతను నిర్వహిస్తుంది. తినదగిన పుట్టగొడుగులన్నింటిలోనూ సెలీనియం అంశం సహజంగా తక్కువగా ఉంటుంది. కొన్ని అడవి పుట్టగొడుగులలో సెలీనియం పుష్కలంగా ఉందని పరిశోధనలు సూచిస్తున్నాయి. అల్బట్రెల్లస్-పెస్- కెప్రేయి (Albatrellus pes- caprae) అనే రకం పుట్టగొడుగులో సెలీనియం అంశం అత్యధిక పరిమాణంలో ఉంటుందని కనుగొనబడింది. ముందస్తు వైద్య అధ్యయనం ప్రకారం, అగారికస్ బిస్పోరస్ పుట్టగొడుగులోని సెలీనియం కంటెంట్ జీర్ణశయాంతర ప్రేగులను ఆక్సీకరణ ఒత్తిడి వలన కలిగే నష్టం నుండి రక్షించడానికి సహాయపడింది.

బరువు తగ్గడానికి పుట్టగొడుగులు - Mushrooms for weight loss in Telugu

ఊబకాయం అనేది శరీరంలో కొవ్వు అధికంగా చేరడం అనే పరిస్థితిని లక్షణంగా వివరించబడుతుంది. ఊబకాయం అధిక రక్తపోటు మరియు గుండె జబ్బులు వంటి వివిధ ఆరోగ్య సమస్యలకు దారితీస్తుంది. ఊబకాయం యొక్క కొన్ని సాధారణ కారణాలు ఏవంటే అధికంగా తినడం, తక్కువ శారీరక శ్రమ లేక అసలు శారీరక శ్రమ ఏమాత్రం లేకుండా ఉండడం మరియు ఒత్తిడి. వివిధ రకాలైన పుట్టగొడుగులు సహజంగా బరువు తగ్గడానికి సహాయపడతాయని అనేక అధ్యయనాలు ఘోషిస్తున్నాయి. బరువు తగ్గడంపై షిటేక్ పుట్టగొడుగు పొడి యొక్క ప్రభావాన్ని ప్రాప్తి చేయడానికి చేసిన ఒక ముందస్తు అధ్యయనం హైపోలిపిడెమిక్ (శరీరంలోని కొవ్వు స్థాయిలను తగ్గించే సామర్థ్యం) ప్రభావాన్ని నివేదించింది. ఈ ప్రభావం బీటా-గ్లూకాన్ మరియు ఎరిటాడెనిన్ వంటి కొన్ని సమ్మేళనాల ఉనికికి కారణమని చెప్పవచ్చు. బీటా-గ్లూకాన్ సంతృప్తిని పెంచే సామర్ధ్యం కలిగి ఉందని మరియు శరీరంలోని పోషకాలను గ్రహించడంలో ఆలస్యం చేస్తుందని, తద్వారా అతిగా తినడం నివారించవచ్చని మరింత నివేదించబడింది.

మరొక అధ్యయనం కాలేయంలో కొవ్వు నిక్షేపాల్ని తగ్గించడంలో చిటోసాన్ పుట్టగొడుగు యొక్క ప్రభావాన్ని వివరించింది. మొత్తం కొలెస్ట్రాల్ స్థాయి (టిసి), చెడు కొలెస్ట్రాల్ (ఎల్‌డిఎల్) లో తగ్గుదల మరియు మంచి కొలెస్ట్రాల్ స్థాయి (హెచ్‌డిఎల్) పెరుగుదల కూడా గుర్తించబడ్డాయి. ఊబకాయంతో వ్యవహరించడంలో సమతుల్య కొలెస్ట్రాల్ స్థాయిలు చాలా సహాయపడతాయి. 

రోజువారీ ఆహారంలో ఎర్ర మాంసా (red meat)నికి పుట్టగొడుగులు మంచి ప్రత్యామ్నాయం అవుతాయేమో తెలుసుకోవడానికి ఓ వైద్య (క్లినికల్) అధ్యయనం జరిగింది. ఒక సంవత్సరం పాటు పుట్టగొడుగుల్ని తిన్న వ్యక్తులు తక్కువ శరీర బరువు మరియు మరింత సమతుల్య కొవ్వుల (కొలెస్ట్రాల్) స్థాయిలను సాధించగలిగారు. దిగువ శరీర ద్రవ్యరాశి సూచిక (బాడీ మాస్ ఇండెక్స్-బిఎమ్‌ఐ) మరియు నడుము చుట్టుకొలతను కూడా ఈ అధ్యయనంలో పాల్గొన్న వ్యక్తులలో గమనించబడింది.

(మరింత చదవండి: బరువు తగ్గడానికి డైట్ చార్ట్)

పుట్టగొడుగులు న్యూరోడిజెనరేషన్ను నివారిస్తాయి - Mushrooms prevent neurodegeneration in Telugu

నరాల నిష్క్రియతో (న్యూరోడిజెనరేటివ్) ముడిపడిన వ్యాధులు మెదడు కణాలు (న్యూరాన్లు) దెబ్బతినడం వలన సంభవిస్తాయి. అల్జీమర్స్ వ్యాధి మరియు పార్కిన్సన్ వ్యాధి నరాల నిష్క్రియ (న్యూరోడిజెనరటివ్) వ్యాధులకు కొన్ని ఉదాహరణలు. వయస్సు-సంబంధిత నరాల నిష్క్రియ (న్యూరోడెజెనరేషన్‌)కు వ్యతిరేకంగా కొన్ని రకాల పుట్టగొడుగులు ప్రభావవంతంగా పనిచేస్తాయని పరిశోధనలు చెబుతున్నాయి. ఒక అధ్యయనం ప్రకారం, కొన్ని బయోఆక్టివ్ మెటాబోలైట్స్ ఉండటం వల్ల కొన్ని తినదగిన పుట్టగొడుగుల జాతుల  నుండి సేకరించిన సారాల్లో న్యూరోప్రొటెక్టివ్ మరియు యాంటీ న్యూరోఇన్ఫ్లమేటరీ లక్షణాలు ఉన్నాయి. అందువల్ల వయస్సు-సంబంధిత న్యూరోడెజెనరేటివ్ వ్యాధుల చికిత్సలో పుట్టగొడుగులను మంచి చికిత్సా ఏజెంట్‌గా పరిగణించే అవకాశం ఉంది.

పుట్టగొడుగులు క్యాన్సర్‌ను నివారిస్తాయి - Mushrooms prevent cancer in Telugu

ప్రపంచవ్యాప్తంగా మరణాలకు ప్రధాన కారణాలలో క్యాన్సర్ ఒకటి. కెమోథెరపీ మరియు రేడియేషన్ వంటి క్యాన్సర్ చికిత్సలు ప్రస్తుతం కొనసాగుతున్న అలాగే దీర్ఘకాలిక దుష్ప్రభావాలను కలిగిస్తాయి. అనేక అధ్యయనాలు పుట్టగొడుగులలోని యాంటిక్యాన్సర్ లక్షణాలను సూచిస్తాయి. పుట్టగొడుగుల్లో పాలిసాకరైడ్లు, ఆల్కలాయిడ్స్, ఫ్లేవనాయిడ్లు, కెరోటినాయిడ్లు మరియు సేంద్రీయ ఆమ్లాలు వంటి కొన్ని జీవసంబంధ సమ్మేళనాలు పుట్టగొడుగు యొక్క క్యాన్సర్ నిరోధక లక్షణాలకు కారణమని పరిశోధనలు సూచిస్తున్నాయి. 

ఒక సమీక్షా కథనం ప్రకారం, అనేక రకాల క్యాన్సర్లకు వ్యతిరేకంగా వివిధ రకాల పుట్టగొడుగులు ప్రభావవంతంగా పని చేస్తాయి. ఉదాహరణకు, ప్లూరోటస్ జాతికి చెందిన పుట్టగొడుగు నుండి సేకరించిన సారాలు పెద్దప్రేగు క్యాన్సర్‌కు వ్యతిరేకంగా ప్రభావవంతంగా పనిలో చేస్తాయి. అగారికస్ అనే పుట్టగొడుగు రొమ్ము క్యాన్సర్‌కు వ్యతిరేకంగా పనిచేస్తుంది. పుట్టగొడుగులు క్యాన్సర్ కణాల పెరుగుదలను నిరోధిస్తాయని మరియు క్యాన్సర్ కణ అపోప్టోసిస్ (సెల్ డెత్) ను ప్రేరేపిస్తుందని సూచించబడింది. ఈ పరిశోధనలు యాంటీకాన్సర్ ఔషధాల అభివృద్ధిలో పుట్టగొడుగు యొక్క సామర్థ్యాన్ని చూపుతాయి.

మరొక పరిశోధన ప్రకారం, పుట్టగొడుగులలో ఉండే లెంటినన్ మరియు క్రెస్టిన్ వంటి పాలిసాకరైడ్లు దాని యొక్క గడ్డలకు వ్యతిరేకంగా (యాంటీటూమర్) నిర్వర్తించే కార్యకలాపాలకు కారణమవుతాయి. ఈ పాలిసాకరైడ్లు నేరుగా క్యాన్సర్ కణాలపై పనిచేయవు, బదులుగా అవి కణితి కణాలకు వ్యతిరేకంగా రోగనిరోధక వ్యవస్థ చర్యను ప్రేరేపిస్తాయి.

  • పుట్టగొడుగుల వల్ల చర్మ అసహనీయతలు  (అలెర్జీ): కొన్ని రకాల పుట్టగొడుగులతో స్పర్శ కల్గినపుడు అసహనీయతలకు (అలెర్జీ) కారణమవుతుంది. పుట్టగొడుగుల అసహనీయతల యొక్క లక్షణాల్లో చర్మం ఎర్రబడటం, వాపు మరియు దురద ఉంటాయి. ఈ దుష్ప్రభావ ప్రతిచర్యలు సాధారణంగా ప్రాణాంతకం కానప్పటికీ, అవి ఒక వారం వరకు ఉంటాయి. ప్రపంచంలో ఎక్కువగా వినియోగించే పుట్టగొడుగులలో ‘షిటాకే పుట్టగొడుగు’ ఒకటి. షిటాకే పుట్టగొడుగుకు అలెర్జీ ప్రతిచర్యలు చర్మం విస్ఫోటనం ద్వారా వర్గీకరించబడతాయి, ఇవి 10 రోజుల వరకు ఉంటాయి. 

  • పుట్టగొడుగుల వల్ల ఆహార విషతుల్యమవడం: అన్ని రకాల పుట్టగొడుగులు తినదగినవి కావు. ప్రపంచంలోని వివిధ ప్రాంతాల్లో పుట్టగొడుగుల విషతుల్యం అయినట్లు నివేదించబడిన అనేక కేసులు నమోదయ్యాయి. అందువల్ల, మీరు తినే రకరకాల పుట్టగొడుగులు ఏవేవి అనేది నిర్ధారించుకోవాలి.

Karela Jamun Juice
₹494  ₹549  10% OFF
BUY NOW

అనేక ఖనిజాలు, విటమిన్లు మరియు బీటా-గ్లూకాన్ వంటి పోలిసకరైడ్లు (carbohydrates) ఉన్నందున పుట్టగొడుగులు అధిక పోషకమైన ఆహారం. ఇవి బరువు తగ్గడానికి సహాయపడతాయి, ఆక్సీకరణ నష్టాన్ని నివారించగలవు, రోగనిరోధక శక్తిని పెంచుతాయి మరియు బోలు ఎముకల వ్యాధి వంటి ఎముక వ్యాధుల ప్రమాదాన్ని తగ్గించడంలో సహాయపడతాయి. అయినప్పటికీ, పుట్టగొడుగులను తినేటప్పుడు జాగ్రత్త వహించడం మంచిది, ఎందుకంటే కొన్ని అడవి రకాల పుట్టగొడుగులు విషపూరితమైనవి మరియు కొన్ని రకాల పుట్టగొడుగులు అలెర్జీకి కారణమవుతాయి.


Medicines / Products that contain Mushroom

వనరులు

  1. United States Department of Agriculture Agricultural Research Service. Basic Report: 11260, Mushrooms, white, raw. National Nutrient Database for Standard Reference Legacy Release [Internet]
  2. Rondanelli M, Opizzi A, Monteferrario F. [The biological activity of beta-glucans]. Minerva Med. 2009 Jun;100(3):237-45. PMID: 19571787
  3. Petr Sima, Luca Vannucci, Vaclav Vetvicka. β-glucans and cholesterol (Review) . Int J Mol Med. 2018 Apr; 41(4): 1799–1808. PMID: 29393350
  4. Jeong SC et al. White button mushroom (Agaricus bisporus) lowers blood glucose and cholesterol levels in diabetic and hypercholesterolemic rats. Nutr Res. 2010 Jan;30(1):49-56. PMID: 20116660
  5. Seema Patel, Arun Goyal. Recent developments in mushrooms as anti-cancer therapeutics: a review . 3 Biotech. 2012 Mar; 2(1): 1–15. PMID: 22582152
  6. Phan CW et al. neurodegenerative diseases: diversity, metabolite, and mechanism. Crit Rev Biotechnol. 2015;35(3):355-68. PMID: 24654802
  7. Akramiene D et al. Effects of beta-glucans on the immune system. Medicina (Kaunas). 2007;43(8):597-606. PMID: 17895634
  8. Erjavec I et al. Mushroom Extracts Decrease Bone Resorption and Improve Bone Formation. Int J Med Mushrooms. 2016;18(7):559-69. PMID: 27649725
  9. Erjavec I et al. Mushroom Extracts Decrease Bone Resorption and Improve Bone Formation. Int J Med Mushrooms. 2016;18(7):559-69. PMID: 27649725
  10. James F. Collins et al. Copper . Adv Nutr. 2011 Nov; 2(6): 520–522. PMID: 22332094
  11. Falandysz J. Selenium in edible mushrooms. J Environ Sci Health C Environ Carcinog Ecotoxicol Rev. 2008 Jul-Sep;26(3):256-99. PMID: 18781538
  12. Tebo Maseko et al. Selenium-Enriched Agaricus bisporus Mushroom Protects against Increase in Gut Permeability ex vivo and Up-Regulates Glutathione Peroxidase 1 and 2 in Hyperthermally-Induced Oxidative Stress in Rats . Nutrients. 2014 Jun; 6(6): 2478–2492. PMID: 24962481
  13. Camila Nemoto de Mendonça et al. Shiitake dermatitis. An Bras Dermatol. 2015 Mar-Apr; 90(2): 276–278. PMID: 25831007
  14. Sevki Hakan Eren et al. Mushroom poisoning: retrospective analysis of 294 cases . Clinics (Sao Paulo). 2010 May; 65(5): 491–496. PMID: 20535367
Read on app