கர்ப்பகால மார்பக வலி - Breast pain in pregnancy in Tamil

கர்ப்பகால மார்பக வலி என்றால் என்ன?

நீங்கள் கர்ப்பமாக இருக்கும் அந்த கணத்தில் இருந்து, உங்கள் உடல் கிட்டத்தட்ட புரிந்துகொள்ள முடியாத பல மாற்றங்களுக்கு உள்ளாகின்றது. பெரும்பாலான மாற்றங்கள் உட்புறமாக ஏற்படும் போதிலும், சில மாற்றங்கள் காணக்கூடியவையாக இருக்கும் மற்றும் சில மாற்றங்கள் வெளிப்படையாக இல்லாமல் இருக்கலாம் ஆனால் அதை அனுபவிக்கலாம் அல்லது உணரலாம். குழந்தை குதித்தல் என்பது இறுதி கட்டத்தில் காணப்படும் அறிகுறி என்றாலும் ​​மார்பின் வலி அல்லது உணர்திறன் என்பது ஆரம்ப கட்டத்தில் காணக்கூடிய அறிகுறிகளாகும்.

மாதவிடாய்க்கு முன் இருக்கும் மார்பக வலியை ஒத்த மார்பக வலியைத் தவிர, மார்பகங்கள் பெரிதாக, மென்மையாக மற்றும் பாரமாக தோன்றும்.

நோயின் முக்கிய தாக்கங்கள் மற்றும் அறிகுறிகள் யாவை?

உடலில் பல மாற்றங்கள் ஏற்படுகின்றன என்று கூறினாலும் மார்பகங்கங்ளில் வலி ஏற்படுதல் மட்டுமே இதன் அறிகுறி இல்லை. இதனுடன் பல மாற்றங்கள் உங்கள் மார்பகங்கங்ளில் தென்படலாம். அவை பின்வருமாறு:

• மார்பகங்களின் பெரிதாகுதல் மற்றும் வளர்ச்சி அடைதல், மார்பக காம்புகளின் வெளித்துருத்தல்/புடைத்து இருத்தல் மற்றும் மார்பக காம்புகளை சுற்றியுள்ள சருமம் விரிவடைதல்.
• மார்பகங்களின் நரம்புகள், மார்பக காம்புகள் மற்றும் அதனைச் சுற்றியுள்ள சருமம் கருமையடைதல்.
• சிறிய புடைப்புகள் போலத் தோன்றும் சிறு டியூபர்க்கிள் அல்லது சுரப்பிகள் மார்பக காம்புகளை சுற்றியுள்ள சருமத்தில் தோன்றுகின்றன. இவை மாண்ட்கோமரி’ஸ் டியூபர்க்கிள் என்று அழைக்கப்படுகின்றன.
• மிகவும் மென்மையான மற்றும் உணர்வுத்திறம் வாய்ந்த மார்பகங்கள்.
• பொதுவாக கர்ப்பம் அடைந்த பின் கடைசி சில மாதங்களில், சில சந்தர்ப்பங்களில் முலைக்காம்புகளிலிருந்து ஒரு தடிமனான, மஞ்சள் நிறமான பொருள் கசியலாம்.
• மார்பகங்களிலும் அதனைச் சுற்றியுள்ள பகுதிகளில் நீட்டிப்பு தழும்பு மற்றும் அரிப்பு போன்ற அறிகுறிகள்.

(மேலும் படிக்க: ஆரம்ப மற்றும் பிற்பகுதி கர்ப்ப காலத்தில் ஏற்படும் மார்பக மாற்றங்கள்)

நோய் தாக்குதலுக்கான முக்கிய காரணங்கள் என்ன?

பெரும்பாலான கர்ப்ப கால தாக்கங்கள் மற்றும் அறிகுறிகள், குழந்தையின் பராமரிப்பு, பாதுகாப்பு மற்றும் வளர்ச்சிக்கு ஏதுவாக மிகவும் கடினமாக உழைக்கும் பெண் ஹார்மோன்களில் ஏற்படும் மாற்றங்களுடன் தொடர்புடையதாகும். மிக முக்கியமாக, மார்பகங்கள் என்பது குழந்தை பிறந்த பின்பு, பல மாதங்களுக்கு ஊட்டச்சத்து அளிப்பதாகும். சில அல்லது எல்லா அறிகுறிகளுக்கும் பொறுப்பான சில காரணங்கள் பின்வருமாறு:

• புரோஜெஸ்ட்டிரோன் அல்லது ஈஸ்ட்ரோஜென் அளவுகளில் அதிகரிப்பு.
• மார்பகங்களின் முக்கிய நரம்புகளுக்கு செல்லும் இரத்த ஓட்டத்தின் அளவு அதிகரிப்பது மற்றும் மார்பக காம்புகள் மற்றும் அதனைச் சுற்றியுள்ள சருமம் கருமையடைவது.
• கொழுப்பு உயிரணுக்கள் கட்டியெழும்புவதால், மார்பகங்கள் பெரிதாகி, நீட்டிப்பு தழும்புகள் ஏற்படுகின்றன.

இதன் பரிசோதனை முறைகள் மற்றும் சிகிச்சை முறைகள் யாவை?

இந்த கட்டத்தில் ஏற்படும் வலி மற்றும் கோளாறுகளை பொறுத்து நோய் கண்டறிதல் அமைந்துள்ளது. மருத்துவர்கள் பொதுவாக மருந்துகளை பரிந்துரைப்பதை தவிர்க்கின்றனர் மற்றும் மார்பகங்களின் மீது மேற்பூச்சு பயன்படுதத்துவதைப் பற்றியும் எச்சரிக்கையாக இருக்கிறார்கள். அவர்கள் உங்களை பொறுமையாக இருக்கும்படி அறிவுரை கூறுவார்கள் மேலும் உங்களின் சௌகரியத்தை மேம்படுத்த பல வழிகளில் முயற்சி செய்வார்கள். இத்தகைய முறைகள் சில பின்வருமாறு:

• பருத்தி போன்ற இயற்கையான, மூச்சி விடுவதற்கு எளிதான துணிகளால் ஆன பெரிய, ஆதரவான மற்றும் சௌகரியமான மார்புக்கச்சையை (பிரா) பயன்படுத்துதல்.
• வெடிப்பு அல்லது நீட்டிப்பு தழும்புகளை தடுக்கக்கூடிய வைட்டமின் இ அல்லது மற்ற செறிவூட்டிய எண்ணெய்களை பயன்படுத்துதல், ஆனால் மருத்துவரின் ஆலோசனைக்கு பிறகு மட்டுமே.
• எரிச்சல் மற்றும் மென்மை வலியுணர்வை ஆற்றும் வகையில் ஐஸ் பேக்குகளை பயன்படுத்துதல்.
• குறிப்பாக உடலுறவின்போது, கணவர் மனைவியிடத்தில் காணப்படும் மாற்றங்கள் மற்றும் தேவைகளை அறிந்து, மாறுபட்ட நிலைக்குத் தக்கவாறு செயல்படுதல்.

1. MedlinePlus Medical Encyclopedia: US National Library of Medicine; Breast pain
2. MedlinePlus Medical Encyclopedia: US National Library of Medicine; Breast pain
3. The Eunice Kennedy Shriver National Institute of Child Health and Human Development. What are some common signs of pregnancy?. United States Department of Health and Human Services. [internet].
4. Office on women's health [internet]: US Department of Health and Human Services; Getting a good latch
5. Family health service. Breast Changes During Pregnancy. Department of health, government of Hong Kong