மாரடைப்பு - Cardiac Arrest in Tamil

மாரடைப்பு என்றால் என்ன?

மாரடைப்பு என்பது இதயத்தின் செயல்பாடு திடீரென்று தடைபடுவதினால் ஏற்படும் விளைவு ஆகும், இது சுவாச மற்றும் நினைவு இழப்பு ஆகியவற்றை ஏற்படுத்துகிறது. இதயத்தின் பகுதிகளுக்குக் குருதியோட்டம் தடைப்பட்டு இதயம் துடிப்பதை நிறுத்தி, அதன் விளைவாக உடலின் மற்ற பகுதிகளுக்கு செல்லும் இரத்த ஓட்டம் தடைப்படும் போது தான் இந்த நிலை ஏற்படுகிறது.

பல மக்கள் மாரடைப்பை நெஞ்சுவலியுடன் குழப்பிக்கொள்கிறார்கள்; இதயத்தின் தசைக்கு செல்லும் இரத்த ஓட்டம் தடைபடும் போது நெஞ்சுவலி நிகழும். நெஞ்சுவலி மாரடைப்பை தூண்டக்கூடும், ஆனால் அதனை மாரடைப்பாக தவறாக எண்ணி விடக்கூடாது. மாரடைப்பு, உடனடி சிகிச்சை அளிக்கப்படாத போது, ​​மரணத்திற்கு வழிவகுக்கிறது.

நோயின் முக்கிய தாக்கங்கள் மற்றும் அறிகுறிகள் யாவை?

மாரடைப்பின் அறிகுறிகள் குறிப்பிடத்தக்கதாகவும் ஆபத்தானதாகவும் உள்ளன. அவை பின்வருமாறு:

• மூச்சு இழப்பு.
• நாடித்துடிப்பு இன்மை.
• திடீர் நிலைகுலைவு.
• உடனடி நினைவு இழப்பு.
• வெளிறிய மற்றும் குளிர்ந்த சருமம்.

நோய் தாக்குதலுக்கான முக்கிய காரணங்கள் என்ன?

இதய இலயமின்மை அல்லது இதய துடிப்பு சீராக இல்லாத போது, இதயத்தின் மின் முறைமை தூண்டப்பட்டு மாரடைப்பிற்கு வழிவகுக்கிறது. இதய இலயமின்மை என்பது இதயத்திற்கு மின்னோட்டத்தை பாய்ச்சும் முனையங்கள் முடக்கப்பட்டிருக்கும் போது ஏற்படுகின்றது.  சில சந்தர்ப்பங்களில், இது ஒரு நொடி மட்டுமே ஏற்படும்; அதனால் இது பாதிப்பில்லாதது. இது தீவிரமாக ஏற்படும்போது, ​​ மரணம் விளைவிக்கும் மாரடைப்பை ஏற்படுத்தும்.

இதய இலயமின்மையின் மிக பொதுவான வடிவம் இதய இடக் கீழறை உதறல் துடிப்பு ஆகும், இதில் தூண்டுதல்கள் வேகமாவதால், இதயக்கீழறையில் இரத்த ஓட்டத்திற்கு பதிலாக நடுக்கம் ஏற்படுகிறது.

ஆரோக்கியமான உடலில் உள்ள ஆரோக்கியமான இதயத்திற்கு மாரடைப்பு ஏற்படுவதற்கான சாத்தியம் இல்லை. இது அதிர்ச்சி, போதைப்பொருட்களின் பயன்பாடு, புறஅதிர்ச்சி அல்லது முன்னர் ஏற்பட்டிருந்த இதய குறைபாடுகள் போன்ற வெளிப்புற தூண்டுதல் மூலமாக எழலாம். 

இது எப்படி கண்டறியப்பட்டு சிகிச்சையளிக்கப்படுகின்றது?

மாரடைப்பு ஏற்படுவதற்கான அடிப்படை காரணத்தை மருத்துவர்கள் கண்டுபிடிப்பது அவசியம். அதனைத் தீர்மானிக்கத் தேவையான சோதனைகள் பின்வருமாறு:

• இதயம் துடிக்கும் முறை மற்றும் விகிதத்தில் உள்ள அசாதாரணங்கள் மற்றும் இதயத்தின் செயல்பாட்டை கண்காணிக்க எலக்ட்ரோகார்டியோகிராஃபி (ஈ.சி.ஜி).
• கனிமங்கள், இரசாயனங்கள் மற்றும் ஹார்மோன்களின் அளவை தீர்மானிக்க இரத்த பரிசோதனைகள்.

இதயத்தின் வடிவம், அளவு, ஆரோக்கியம் மற்றும் ஏதேனும் சேதம் இருக்கின்றதா என்பதையெல்லாம் சரிபார்க்க இயல்நிலை வரைவு சோதனைகள் மேற்கொள்ளப்படுகின்றன. அவை கீழ்கண்டவாறு:

• ஒலி அலைகளை கொண்டு எக்கோகார்டியோகிராம் பயன்படுத்தி, இதயம் இரத்தத்தை உடல் முழுவதும் செலுத்தும் தன்மை மற்றும் இதய ஒரதரில் ஏற்படும் அசாதாரணங்களை சோதிக்க பயன்படுத்தப்படுகிறது
• இரத்த ஓட்டத்தை பரிசோதிக்க அணுசக்தி (நூக்லியர்) ஸ்கேன்.
• இதய ஆரோக்கியம் மற்றும் இதய செயலிழப்பை பரிசோதிக்க மார்பக எக்ஸ்-கதிர்கள் (எக்ஸ் - ரே) சோதனை.

ஆஞ்சியோகிராம் சோதனை, எலெக்ட்ரோபிசியோலாஜிக்கல் வரைபடம் மற்றும் சோதனை மற்றும் வெளியேற்றல் பின்னம் சோதனை போன்ற சோதனைகள், இதய இலயமின்மை மற்றும் அடைப்புகள் ஏற்படுவதற்கான மூலத்தையும் இதயத்தின் வலிமையையும் கண்டறிய உதவுகின்றன.

இதற்கான சிகிச்சை 2 வகைப்படும்:

நோயாளியை உயிருடன் பாதுகாத்து, உயிர் பிழைக்கச் செய்ய உடனடியாக சிகிச்சை அளிக்க வேண்டும்.

• உடலில் உள்ள ஆக்ஸிஜன் ஓட்டத்தை சீராக்க மற்றும் தகுந்த உதவி பெறும் வரை, நோயாளியை காப்பாற்றும் பொருட்டு, இதய இயக்க மீட்பு (சி.பி.ஆர்) மாரடைப்பு ஏற்பட்ட சில நிமிடங்களிலேயே முதலுதவி அளிப்பது மிக முக்கியமானதாகும்.
• நுண்ணிழைப் பிரிப்புத் தடுப்பு என்பது மின் அதிர்ச்சி மூலம் வழங்கப்படுகிறது, இது இதயம்   மீண்டும் வழக்கமாக துடிப்பதற்கு உதவுகிறது.

தொடர்ச்சியான சிகிச்சையானது, நடைமுறைகளையும் மருந்துகளையும் பயன்படுத்தி, மாரடைப்பு மீண்டும் மீண்டும் ஏற்படும் அபாயத்தை குறைத்து இதயத்தை நல்ல ஆரோக்கியத்த்துடன் வைத்திருப்பதே ஆகும்.

• பீட்டா பிளாக்கர்ஸ் என்று அழைக்கப்படும் இதய இலயமின்மைக்கான மருந்துகள்.
• ஐ.சி.டி (உள்வைக்கக்கூடிய இதய நுண்ணிழை பிரிப்புத் தடுப்பான்) - இதய துடிப்பின் ஓசையை  கண்காணிக்கக்கூடிய ஒரு பேட்டரி மூலம் இயங்கும் சாதனம்; இதய இலயமின்மையை  கண்டறிந்து, அதிர்ச்சி அலைகளை அனுப்பி அதனை உடனடியாக சரிசெய்ய இந்த சாதனம் காறையெலும்பின் உள்வைக்கப்படலாம்.
• குருதிக்குழாய்ச் சீரமைப்பு/ஆஞ்சியோபிளாஸ்ட்டி அல்லது இரத்தக் குழாய் சார்ந்த பைபாஸ் அறுவை சிகிச்சை அடைப்புகளை திறக்கவும் இதய தசைகளுக்கு செல்லும் இரத்த ஓட்டத்தை சீராக்கவும் பயன்படுகிறது.
• இதயத்தில் அல்லது அடைப்பான்களில் உள்ள குறைபாடுகளை சரிசெய்ய மற்றும் நீண்ட கால ஆபத்தை குறைப்பதற்காக சரியான அறுவை சிகிச்சை மேற்கொள்ளப்படுகின்றது.

1. National Heart, Lung and Blood Institute [Internet]. Bethesda (MD): U.S. Department of Health and Human Services; Sudden Cardiac Arrest
2. American Heart Association, American Stroke Association [internet]: Texas, USA AHA: Heart Attack or Sudden Cardiac Arrest: How Are They Different?
3. MedlinePlus Medical Encyclopedia: US National Library of Medicine; Cardiac Arrest
4. Center for Disease Control and Prevention [internet], Atlanta (GA): US Department of Health and Human Services; Cardiac Arrest
5. American Heart Association, American Stroke Association [internet]: Texas, USA AHA: Quality Research and Publications