தோல் சிவத்தல் (ஃபிளஷிங் ) - Flushing in Tamil

ஃபிளஷிங் என்றால் என்ன?

தோல் சிவத்தலாகிய ஃபிளஷிங் என்பது இரத்த நாளங்கள் விரிவடைவதால் ஏற்படுவது. ஃபிளஷிங் இரண்டு வகைப்படும்:

• ஈர ஃபிளஷிங்: இதில் நரம்புகள் இரத்த நாளங்களை பாதித்து வியர்வையோடு கூடிய தோல் சிவத்தலை உண்டாக்கும்.
• உலர் ஃபிளஷிங்: இதில் சில காரணிகள் இரத்த நாளங்களை நேரடியாகத்தாக்கி வியர்வையற்ற தோல்  சிவத்தலை உண்டாக்கும்.

நோயின் முக்கிய தாக்கங்கள் மற்றும் அறிகுறிகள் யாவை?

ஃபிளஷிங் உடன் தொடர்புடையவை அறிகுறிகள் பின்வருமாறு:

• முக வீக்கம் (நீர்க்கட்டு).
• மூச்சுத்திணறல் (மூச்சுவிடும் பொழுது விசில் அடிப்பது போன்ற சத்தம் வருதல்).
• ஹைப்பர்டென்ஷன் (உயர் இரத்த அழுத்தம்).
• தலைவலி.
• தோல் அரிப்புத் தடிப்பு அல்லது படை நோய்.
• படபடப்பு அல்லது உரத்த ஒழுங்கற்ற இதயத்துடிப்பு.
• வியர்த்தல்.
• ஹைபோடென்ஷன் (குறைந்த இரத்த அழுத்தம்).

நோய் தாக்குதலுக்கான முக்கிய காரணங்கள் என்ன?

இதற்கான பொதுவான காரணங்கள் பின்வருமாறு:

• மருந்துகள்: ஃபிளஷிங், இரத்தநாள விரிவுமருந்து (இரத்த நாள விரிவாக்கிகள்), மார்பின் மற்றும் பல மருந்துகளின் பக்கவிளைவுகளால் ஏற்படக்கூடும்.
• மது: டிசூழ்பிறாம், கிளோர்ப்ரோபமைட் ஆகிய மருந்துகளையும், காளான் போன்ற உணவுகளையும் மது அருந்தும் போது உண்பது ஃபிளஷிங்கை ஏற்படுத்தும்.
• உணவு சேர்ப்பிகள்: மாமிசம் மற்றும் பன்றி இறைச்சியில் உள்ள சோடியம் நைட்ரேட் சிலருக்கு ஃபிளஷிங்கை ஏற்படுத்தும். கள் மற்றும் மதுவில் உள்ள சல்ஃபைட் ஃபிளஷிங்கை ஏற்படுத்தும்.
• உணவுகள்: காரசாரமான உணவுகள், சூடான பானங்கள் ஆகியவை சிலருக்கு ஃபிளஷிங்கை ஏற்படுத்தும்.
• நரம்பியல் பிரச்சனைகள்: பதற்றம், ஒற்றைத்தலைவலி, சாதாரண கட்டி ஆகியவைக்கூட ஃபிளஷிங்கை ஏற்படுத்தலாம்.

இது எப்படி கண்டறியப்பட்டு சிகிச்சை அளிக்கப்படுகிறது?

பலருக்கு ஃபிளஷிங் ஏற்படுவதற்கான காரணத்தை கண்டறிதல் தேவைப்படுவதில்லை. ஒழுங்குமுறை சீர்குலைவு ஃபிளஷிங்கின் காரணமாக மருத்துவர் கருதினால் அவர் முழு மருத்துவ பரிசோதனையை செய்து கீழ்வரும் சோதனைகளை பரிந்துரைப்பார்:

• இரத்த பரிசோதனை.
• 24 மணிநேர சிறுநீர் பரிசோதனை.
• மார்பு எக்ஸ்-கதிர்கள் (எக்ஸ் - ரே) போன்ற இயல்நிலை வரைவு.

ஃபிளஷிங்கை சமாளிக்க மருத்துவர் கீழ்கண்ட சிகிச்சைகளை பரிந்துரைப்பார்:

• தெரிந்த காரணிகளால் ஏற்படும் ஃபிளஷிங்: ஃபிளஷிங்கை ஏற்படுத்தும் உணவு, மது போன்ற தெரிந்த காரணிகளை குறைத்தல் அல்லது தவிர்த்தல்.
• மருந்தூட்டத்ததால் ஏற்படும் ஃபிளஷிங்: ஃபிளஷிங்கிற்கு காரணமான மருந்துகளின் அளவை குறைதல் அல்லது முழுவதுமாக நிறுத்துதல்.
• குறிப்பிட்ட காரணிகளால் ஏற்படும் ஃபிளஷிங்: காரணத்தின் அடிப்படையில் குறிப்பிட்ட சிகிச்சை தேவைப்படும். உதாரணம்: மாதவிடாய் நிற்றலால் ஏற்படும் ஃபிளஷிங்கிற்கு க்ளோனிடைன், நலோக்ஷோன் ஆகியவை பரிந்துரைக்கப்படும்.

இரத்த நாளங்களை கட்டுப்படுத்துவதாலும்,ஃபிளஷிங்கை குறைப்பதாலும் பீட்டா ப்ளாக்கரை மருத்துவர் பரிந்துரை செய்யலாம்.

1. DermNet NZ. What is flushing?. New Zealand Trust. [internet].
2. Leonid Izikson, Joseph C, Matthew J. Zirwas. The flushing patient: Differential diagnosis, workup, and treatment. j am acad dermatol August 2006; Volume 55.
3. Primary Care Dermatology Society. Flushing. Rickmansworth, England. [internet].
4. Better health channel. Department of Health and Human Services [internet]. State government of Victoria; Blushing and flushing
5. Hannah-Shmouni F, Stratakis CA, Koch CA. Flushing in (Neuro)endocrinology. Rev Endocr Metab Disord. 2016 Sep;17(3):373-380. PMID: 27873108