தோள்பட்டை வலி - Shoulder Pain in Tamil

Dr. Nadheer K M (AIIMS)MBBS

February 06, 2019

March 06, 2020

தோள்பட்டை வலி
தோள்பட்டை வலி

சுருக்கம்

தோள்பட்டை வலி, தோளின் அமைப்பில் உள்ள மூன்று எலும்புகளில் ஏதேனும் ஒன்றில், தசை நார்களில் அல்லது குருத்தெலும்பில் ஏற்படும் சேதத்தின் காரணமாக ஏற்படக்கூடும். தோள்பட்டை வலியின் பொதுவான நிலைகள், சுழலும் சுற்றுப்பட்டை குறைபாடுகள், தோள் பட்டை எலும்பு முறிவு, தோள்பட்டை இடப்பிறழ்வு மற்றும் உறைந்த தோள்பட்டை ஆகியனவாகும். தோள்பட்டை வலியுடன் இணைந்த ஆபத்துக் காரணிகள், முதுமையடைதல், முழு பலத்தை உபயோகிப்பதால் ஏற்படும் தோள்பட்டை காயங்கள், இதய நோய்களின் அபாய காரணிகளான, அதிக கொழுப்பு, உயர் இரத்த அழுத்தம் மற்றும் நீரிழிவு போன்றவை, புகைப்பிடித்தல் மற்றும் குறிப்பிட்ட மருந்துகளைப் பயன்படுத்துதல் ஆகியனவாகும். இழுத்து நீட்டும் மற்றும் வலுவாக்கும் உடற்பயிற்சிகளுடன் இணைந்த சரியான நிலையில் இருப்பது, பெரும்பாலான தோள்பட்டை பிரச்சினைகளைத் தடுக்கிறது. தோள்பட்டை வலிக்கான சிகிச்சை, பின்னால் மறைந்திருக்கும் காரணத்தையும், பிரச்சினையின் கடுமையையும் பொறுத்து இருக்கிறது. பெரும்பாலான தோள்பட்டை பிரச்சினைகளுக்கு, மருந்துகள், ஓய்வு மற்றும் உடற்பயிற்சிகளின் ஒரு கூட்டு சேர்க்கை மூலம் சிகிச்சையளிக்கப்படுகிற பொழுது; எலும்பு முறிவு போன்ற மற்றவற்றிக்கு அறுவை சிகிச்சை தேவைப்படலாம். சரியான நேரத்தில் பரிசோதித்து, பிரச்சினைக்குப் பொருத்தமான சிகிச்சையளிப்பது, ஒரு நல்ல நோய் கண்டறிதலுக்கு ஒரு திறவுகோல் ஆகும். நிலையான சிகிச்சை மாதிரிகளில், தோள்பட்டை வலி நன்றாக குணமாகிறது, மேலும் பெரும்பாலானவர்கள் ஒரு சில வாரங்களில் அல்லது மாதங்களில் நிவாரணத்தை உணர்கிறார்கள். தோள்பட்டை வலியின் சிக்கல்கள் அரிதானவை மற்றும் வழக்கமாக, ஒரு உடலியல் காயத்தின் விளைவாக ஏற்படுகின்றன. இருந்தாலும், அதிக சிக்கலான பிரச்சினைகளில் கூட, அறுவை சிகிச்சை மிகவும் வெற்றிகரமாக இருக்கின்றன. அரிதான நிலைகளில், தோள்பட்டை வலி, அவசர மருத்துவ கவனிப்பு தேவைப்படும் மாரடைப்பு போன்ற, மற்றொரு தீவிரமான பிரச்சினையை சுட்டிக்காட்டுவதாக இருக்கக் கூடும்.

தோள்பட்டை வலி காரணங்கள் என்ன - Causes of Shoulder Pain in Tamil

காரணங்கள்

தோள்பட்டை வலி பல காரணங்களால் ஏற்படலாம். தோள்பட்டை வலியின் மிகவும் பொதுவான காரணங்கள் பின்வருமாறு:

  • சுழலும் சுற்றுப்பட்டை குறைபாடுகள்
    சுழலும் சுற்றுப்பட்டை குறைபாடுகள், தோள்பட்டை வலியின் மிகவும் வழக்கமான காரணங்களில் ஒன்று. சுழலும் சுற்றுப்பட்டை என்பது, தோள்பட்டை பந்து இணைப்பை சுற்றியிருக்கும் நான்கு தசை நார்கள் இருக்கும் இடமாகும். ஒரு சுழலும் சுற்றுப்பட்டைக் காயம், சுழலும் சுற்றுப்பட்டையில் கிழிதல்கள் வடிவில் இருக்கக் கூடும். பெரும்பாலான சுழலும் சுற்றுப்பட்டைக் காயங்கள், மூப்படைதல் மற்றும், ஒரு சுற்றுப்பட்டை கெட்டுப் போவதால் ஏற்படும் தேய்மானம் மற்றும் கிழிதல்களின் விளைவாக ஏற்படுகின்றன என்றாலும், அவை ஒரு விபத்தின் காரணமாகக் கூட ஏற்படக் கூடும்.
  • தோள்பட்டை எலும்பு முறிவு
    ஒரு விபத்தின் காரணமாக தோள்பட்டை எலும்புகள் காயமடையக் கூடும். காரை எலும்பில் (கழுத்துப்பட்டை எலும்பு) ஏற்படும் ஒரு எலும்பு முறிவு, எலும்பு முறிவின் மிகவும் வழக்கமான வகையாக இருக்கிறது. பெரு எலும்பில் (மேல் கை) ஏற்படும் எலும்பு முறிவுகள், வயதானவர்களிடம், குறிப்பாக 65 வயதைத் தாண்டிய நபர்களிடம் மிகவும் வழக்கமானது.
  • தோள்பட்டை இடப்பிறழ்வு
    தோள்பட்டை இடப்பிறழ்வு, தோள்பட்டை மூட்டுப் பந்து, அது இருக்கும் பையில் இருந்து வெளியே தள்ளப்படும் பொழுது ஏற்படுகிறது. இது, வழக்கமாக, கீழே விழுதல் அல்லது ஒரு விளையாட்டுக்களில் அடிபடுவதன் காரணமாக ஏற்படுகிறது. தோள்பட்டையை சுற்றியிருக்கும் மென்மையான திசுக்கள் கிழிபடுகின்றன. சில நேரங்களில், எலும்புகளும் இதே போல் காயமடைகின்றன. ஒரு முழுமையான இடப்பிறழ்வில், கையின் பந்து முழுமையாகப் பையில் இருந்து வெளியே வரும் பொழுது, பகுதி இடப்பிறழ்வில், கையின் பந்து, பகுதியளவே வெளியே வருகின்றது. இந்தப் பிரச்சினை, நாள்பட்ட தோள்பட்டை நிலைப்பின்மை எனவும் அறியப்படுகிறது.
  • உறைந்த தோள்பட்டைகள்
    உறைந்த தோள்பட்டை என்பது, தோள்பட்டைகளில் எந்தவித அசைவும் இல்லாத ஒரு பிரச்சினையாகும். தோள்பட்டையின் உட்புறமுள்ள, உள்வரித் தோலில் அல்லது தோள்பட்டை உறையில் அழற்சி இருக்கும் பொழுது, இது நிகழ்கிறது. அழற்சியின் காரணமாக, தோள்பட்டை பை இறுக்கமாகவும் விறைப்பாகவும் மாறி, வலிக்கு காரணமாகிறது.
  • தோள்பட்டைகளின் மூட்டழற்சி
    • தோள்பட்டையின் மூட்டழற்சி, பல்வேறுபட்ட வகைகளில் இருக்கக் கூடும். மிகவும் பொதுவான வகை கீல்வாதம் ஆகும். இது, தோள்பட்டை எலும்புகளின் முனைகளை மூடியிருக்கும், மென்மையான குருத்தெலும்புகள் தேய்மானம் அடைந்து, வலியை ஏற்படுத்தும் படி, எலும்புகள் ஒன்றுடன் ஒன்று உரசுவதால் ஏற்படுகிறது.
    • மற்றொரு வகை மூட்டழற்சியானது, மூட்டு உறை (மூட்டுக்களுக்கு இலகுத்தன்மை அளிக்கும் உட்புற தோல்) வீங்க ஆரம்பித்து, வலி மற்றும் இறுக்கத்திற்கு இட்டுச் செல்லும், ஒரு தானே இயங்கக்கூடிய  நோயெதிர்ப்பு வியாதியான, வாத நோய் மூட்டழற்சி ஆகும்.
    • அடிபடுதலுக்குப் பிறகான மூட்டழற்சி, ஒரு உடலியல் காயத்திற்குப் பிறகு தோன்றுகிற மூட்டழற்சியின் ஒரு வடிவமாகும்.
    • சுழலும் சுற்றுப்பட்டை கிழிவு ஆர்த்ரோபதி, எலும்புகளின் பரப்பு சேதமடையும் பொழுது, மூட்டழற்சிக்கு காரணமாகக் கூடும்.
    • ஒரு அரிதான பிரச்சினையான, இரத்தநாள திசு அழுகல், கை எலும்பின் மேல்பகுதிக்கு போதுமான இரத்த அளிப்பு இல்லாத போது, இறுதியாக மூட்டழற்சிக்கு வழிவகுக்கிறது.
  • மேல் கை உள்தசை தசைநார் அழற்சி
    மேல் கை உள்தசை தசைநார் அழற்சி என்பது, மேல் கை உள்தசையிலுள்ள தசை நார்கள் அழற்சியுறும் ஒரு பிரச்சினையாகும். இந்தப் பிரச்சினை, சுழலும் சுற்றுப்பட்டை தசைநார் சிதைவோடு, அவ்வப்போது தோன்றுகிறது. இந்தப் பிரச்சினை, தலைக்கு மேலான இயக்கம், மீண்டும் மீண்டும் தேவைப்படும் செயல்பாடுகளின் காரணமாக ஏற்படக்கூடும்.
  • மேல் கை உள்தசை தசைநார் கிழிவு
    தசைநார்கள், தசைகளை தோள்பட்டை எலும்புகளோடு இணைக்கின்றன. ஒரு மேல் கை உள்தசை தசைநார் கிழிவு, அடிபடுவதன் மூலமாகவோ அல்லது தொடர்ந்த பயன்பாட்டினால் தசைநாரின் வலிமையை குறைக்கின்ற, இயல்பான முதுமையடைதல் நிகழ்வுகளின் காரணமாகவோ ஏற்படக் கூடும்.

தோள்பட்டை வலி சிகிச்சை - Treatment of Shoulder Pain in Tamil

தோள்பட்டை வலிக்கான சிகிச்சை, வலியின் காரணத்தை சார்ந்து இருக்கிறது. தோள்பட்டையின் கூடுதலான சேதத்தைத் தடுக்க, சரியான நேரத்தில் கண்டறிந்து சிகிச்சையளிப்பது அவசியமானது.

  • சுழலும் சுற்றுப்பட்டை காயம்
    • ஒரு சுழலும் சுற்றுப்பட்டை காயம், சுழலும் சுற்றுப்பட்டை கிழிதலின் ஒரு வடிவமாக இருக்கக் கூடும். ஒருவேளை காயத்திற்கு சரியான நேரத்தில் சிகிச்சை அளிக்கப்படவில்லை என்றால், மேலும் ஒருவர், அதிகரிக்கும் வலி இருந்த போதிலும், தோள்பட்டையைத் தொடர்ந்து பயன்படுத்தினால், அந்தக் கிழிசல் பெரிதாகக் கூடும். உங்கள் மருத்துவர், வலியின் கடுமையைப் பொறுத்து, அறுவை சிகிச்சையற்ற, குறிப்பிட்ட மாற்று வழிகளைப் பரிந்துரைக்கலாம்.
    • ஒரு காயம்பட்ட கை, அதனைப் பாதுகாக்கவும், அதன் இயக்கத்தைத் தடுக்கவும், உங்கள் தோள்பட்டை அசைவற்று இருக்கக் கூடும்.      
    • தோள்பட்டை வலியை ஏற்படுத்தக்கூடிய, குறிப்பிட்ட செயல்பாடுகளைத் தவிர்க்குமாறு உங்களுக்கு அறிவுறுத்தப்படலாம்.
  • வாய்வழி மருந்துகள் மற்றும் ஊசி மூலம் செலுத்தப்படுபவை
    உங்கள் மருத்துவர், அழற்சி மற்றும் வீக்கத்திலிருந்து நிவாரணமளிக்கக் கூடிய, குறிப்பிட்ட மருந்துகளைப் பரிந்துரைக்கலாம். வாய்வழி மருந்துகள், அறிகுறிகளை மேம்படுத்தாத பொழுது, உங்கள் மருத்துவர் ஸ்டெராய்டு ஊசிகளைப் பரிந்துரைக்கக் கூடும். இந்த ஊசிகள், தோள்பட்டை மூட்டுக்களிலும், அதனை சுற்றியுள்ள திசுக்களிலும், வீக்கத்தைக் குறைக்க உதவுவதன் மூலம் அறிகுறிகளை மேம்படுத்துகின்றன.
  • உடற்பயிற்சிகள்
     உங்கள் மருத்துவர், ஒரு தோள்பட்டை காயம் அல்லது அறுவை சிகிச்சைக்குப் பிறகு, ஒரு உடற்பயிற்சி நிகழ்ச்சி திட்டத்தைப் பரிந்துரைக்கலாம். ஒரு நன்கு வடிவமைக்கப்பட்ட உடற்பயிற்சி நிகழ்ச்சித் திட்டம், தசைகளின் வலிமையை அதிகரிக்கவும், நெகிழ்வுத் தன்மையை அதிகரிக்கவும் உதவுகிறது. வலிமையான தசைகள் வலியை இலகுவாக்கவும், அதிகரித்த நெகிழ்வுத்தன்மை தசை வேதனைகளைக் குறைக்கவும், இயக்கத்தின் வரம்பை திரும்பக் கொணரவும் உதவுகின்றன.
  • அறுவை சிகிச்சை
    மற்ற சிகிச்சை வாய்ப்புகள் தோல்வியுறும் பொழுது, அறுவை சிகிச்சை கவனத்தில் எடுத்துக் கொள்ளப்படலாம். காயத்தின் தன்மையைப் பொறுத்து, தோள்பட்டை வலிக்கு பல்வேறு வகையான அறுவை சிகிச்சை முறைகள் உள்ளன.
    • முழுமையான தோள்பட்டை மாற்று அறுவை சிகிச்சை
      பொதுவாக, மற்ற மருத்துவ முறைகள், முற்றிலும் சோர்வடையும் பொழுது அல்லது பயன்படுத்த முடியாத போது, ஒரு முழுமையான தோள்பட்டை மாற்று அறுவை சிகிச்சை பரிந்துரைக்கப்படலாம். , கீல்வாதம், வாத நோய் மூட்டழற்சி, அடிபடுதலுக்குப் பிறகான மூட்டழற்சி, சுழலும் சுற்றுப்பட்டை கிழிவு உள்ளவர்களும், குறிப்பிட்ட வகை கடுமையான எலும்பு முறிவுகளையும் கொண்டவர்களும், அறுவை சிகிச்சைக்கு உட்படுமாறு அறிவுறுத்தப்படுகிறார்கள்.
    • தலைகீழ் முழுமையான தோள்பட்டை மாற்று அறுவை சிகிச்சை
      தலைகீழ் முழுமையான தோள்பட்டை மாற்று அறுவை சிகிச்சை என்பது, தோள்வலியோடு உள்ள நபருக்கு, வழக்கமான முழுமையான தோள்பட்டை மாற்று அறுவை சிகிச்சை பலனளிக்காத போது, பரிந்துரைக்கப்படும் ஒரு அறுவை சிகிச்சை நடைமுறையாகும். இந்த அறுவை சிகிச்சை, கைகளை அசைக்க,சுழலும் சுற்றுப் பட்டை தசைகளுக்குப் பதிலாக, மாறுபட்ட தசைகளை  நம்பியிருக்கும் விதமாக, ஒரு வழக்கமான முழுமையான தோள்பட்டை மாற்று அறுவை சிகிச்சையை விட வித்தியாசமானது. ஒரு குணப்படுத்த முடியாத கிழிந்த சுழலும் சுற்றுப்பட்டை, தோள்பட்டையில் ஒரு சிக்கலான எலும்பு முறிவு, தோள்பட்டையில் கட்டி மற்றும் ஒரு வெற்றியடையாத வழக்கமான தோள்பட்டை மாற்று அறுவை சிகிச்சை ஆகியவற்றுக்கு தலைகீழ் முழுமையான தோள்பட்டை மாற்று அறுவை சிகிச்சை மூலம் சிகிச்சையளிக்கப்படலாம். உங்கள் பிரச்சினையைப் பொறுத்து, உங்கள் மருத்துவர் இந்த நடைமுறையைப் பரிந்துரைக்கலாம்.
    • தோள்பட்டை ஆர்த்ரோஸ்கோப்பி
      தோள்பட்டை ஆர்த்ரோஸ்கோப்பி என்பது, திறந்த அறுவை சிகிச்சையில் தேவைப்படும் பெரிய வெட்டுக்களுக்கு நேர்மாறாக, சிறிய வெட்டுக்களைப் பயன்படுத்தும், ஒரு குறைந்த அளவு துளையிடும் அறுவை சிகிச்சையாகும். ஒரு சில சிறிய வெட்டுக்கள் வெட்டப்பட்டு, அதன் வழியாக ஒரு சிறிய கேமரா தோள்பட்டை மூட்டுக்குள் சொருகப்படுகிறது. அந்தக் கேமரா, திரையில் படங்களைக் காட்டுகிறது. அறுவை சிகிச்சை நிபுணர் அந்தப் படங்களை, மிகச்சிறிய அறுவை சிகிச்சைக் கருவிகளை வழிநடத்தவும், நகர்த்தவும் மற்றும் அந்த தோள்பட்டை மூட்டை சரி செய்யவும் பயன்படுத்துகிறார். இந்த வகை அறுவை சிகிச்சை நடைமுறை, வியக்கும் வகையில் நோயாளிகளின் சரியாகும் காலத்தைக் குறைக்கிறது.

வாழ்க்கைமுறை மேலாண்மை

பெரும்பாலான தோள்பட்டை பிரச்சினைகள் மெதுவாக உருவாக முனைகின்றன. சரியான நிலையில் இருத்தல், நீட்டி இழுத்தல், மற்றும் தோள்பட்டைகளை வலிமையாக்குதல் போன்ற வாழ்க்கைமுறை மாற்றங்களைப் பின்பற்றுவது, நீண்ட காலத்திற்கு தோள்பட்டை வலியைத் தடுக்க மற்றும் குறைக்கவும் கூட உதவுகின்றன. நீட்டி இழுத்தல் மற்றும் தயாராக்கும் உடற்பயிற்சிகள், இடப்பிறழ்வு போன்ற தீவிரமான தோள்பட்டை பிரச்சினைகளைத் தடுப்பதில், தனிச்சிறப்பான பலனளிக்கின்றன.



மேற்கோள்கள்

  1. Arthritis Foundation National Office [Internet] Atlanta,GA; Shoulder Anatomy
  2. American Society for Surgery of the Hand [Internet] Chicago; Shoulder pain
  3. Caroline Mitchell, Ade Adebajo, Elaine Hay, Andrew Carr. Shoulder pain: diagnosis and management in primary care. BMJ. 2005 Nov 12; 331(7525): 1124–1128. PMID: 16282408
  4. American Society for Surgery of the Hand [Internet] Chicago; Rotator cuff injuries
  5. American Academy of Orthopaedic Surgeons [Internet] Rosemont, Illinois, United States; Shoulder Pain and Common Shoulder Problems.
  6. American Academy of Orthopaedic Surgeons [Internet] Rosemont, Illinois, United States; Chronic Shoulder Instability.
  7. American Society for Surgery of the Hand [Internet] Chicago; Shoulder arthritis
  8. American Academy of Orthopaedic Surgeons [Internet] Rosemont, Illinois, United States; Arthritis of the Shoulder.
  9. American Academy of Orthopaedic Surgeons [Internet] Rosemont, Illinois, United States; Biceps Tendinitis.
  10. American Academy of Orthopaedic Surgeons [Internet] Rosemont, Illinois, United States; Biceps Tendon Tear at the Shoulder.
  11. Daniëlle A W M van der Windta, Elaine Thomasb, Daniel P Popeb, Andrea F de Wintera, Gary J Macfarlanec, Lex M Boutera, Alan J Silmanb. Occupational risk factors for shoulder pain: a systematic review . Bmj journels [Internet]
  12. Health Harvard Publishing. Harvard Medical School [Internet]. Possible link between shoulder problems and heart disease risk: Published: February, 2017. Harvard University, Cambridge, Massachusetts.
  13. American Academy of Orthopaedic Surgeons [Internet] Rosemont, Illinois, United States; Rotator Cuff Tears.
  14. Health Harvard Publishing. Harvard Medical School [Internet]. Keep your shoulders strong to stay independent; Published: December, 2015. Harvard University, Cambridge, Massachusetts.
  15. American Academy of Orthopaedic Surgeons [Internet] Rosemont, Illinois, United States; Rotator Cuff and Shoulder Conditioning Program.
  16. American Academy of Orthopaedic Surgeons [Internet] Rosemont, Illinois, United States; Shoulder Joint Replacement.
  17. American Academy of Orthopaedic Surgeons [Internet] Rosemont, Illinois, United States; Reverse Total Shoulder Replacement.
  18. American Academy of Orthopaedic Surgeons [Internet] Rosemont, Illinois, United States; Shoulder Arthroscopy.
  19. Better health channel. Department of Health and Human Services [internet]. State government of Victoria; Shoulder pain

தோள்பட்டை வலி டாக்டர்கள்

Dr. Tushar Verma Dr. Tushar Verma Orthopedics
5 वर्षों का अनुभव
Dr. Urmish Donga Dr. Urmish Donga Orthopedics
5 वर्षों का अनुभव
Dr. Sunil Kumar Yadav Dr. Sunil Kumar Yadav Orthopedics
3 वर्षों का अनुभव
Dr. Deep Chakraborty Dr. Deep Chakraborty Orthopedics
10 वर्षों का अनुभव
ஒரு டாக்டரிடம் ஆலோசனைப் பெறுங்கள்

தோள்பட்டை வலி க்கான மருந்துகள்

தோள்பட்டை வலி के लिए बहुत दवाइयां उपलब्ध हैं। नीचे यह सारी दवाइयां दी गयी हैं। लेकिन ध्यान रहे कि डॉक्टर से सलाह किये बिना आप कृपया कोई भी दवाई न लें। बिना डॉक्टर की सलाह से दवाई लेने से आपकी सेहत को गंभीर नुक्सान हो सकता है।