இலவங்கப்பட்டை, கிட்டத்தட்ட அனைத்து சமயலறைகளிலும் ஒரு வாசனை மசாலாவாக காணப்படுகிறது. இலவங்கப்பட்டையின் பலமான வாசனை மற்றும் சுவை, அதனை இனிப்பு மற்றும் காரம் இரண்டு விதமான பதார்த்தங்களுக்கும், ஒரு பொருத்தமான சுவையூட்டும் பொருளாக ஆக்குகிறது. ஆனால், இந்த மசாலா சமையலறை அலமாரிகளோடு மட்டும் வரையறுக்கப்பட்டது அல்ல. ஆயுர்வேதம் மற்றும் பாரம்பரிய சீன மருத்துவத்தில் (டி.சி.எம்), இலவங்கப்பட்டை, அதன் குணமளிக்கும் நன்மைகளுக்காக நீண்ட காலமாக புகழப்படுகிறது. பாரம்பரிய மேற்கத்திய மருத்துவ அமைப்பும் கூட இந்த மசாலாவினை உயர்ந்த மதிப்புடன் வைத்திருக்கிறது. சமீபத்திய விஞ்ஞான ஆய்வுகளின் படி, கிராம்புக்கு அடுத்தபடியாக இலவங்கப்பட்டை தான் சிறந்த ஆக்சிஜனேற்ற எதிர்ப்பி ஆகும். இந்த மசாலா, ஒரு நீண்ட மற்றும் வளமான வரலாற்றைக் கொண்டிருக்கிறது என அறிந்தால், அது உங்கள் ஆர்வத்தைத் தூண்டும். இலவங்கப்பட்டை முதன்முதலில் பயன்படுத்தப்பட்ட காலம், ஏறத்தாழ கி.மு. 2000-2500 ஆகும். இலவங்கப்பட்டை ஒரு பூசுகின்ற காரணி என ஜெவிஸ் பைபிளில் குறிப்பிடப்பட்டு இருக்கிறது, மேலும் அது, எகிப்தியர்களால், அவர்களின் பிணங்களை மம்மியாக்கும் நடைமுறைகளில் பயன்படுத்தப்பட்டு இருக்கிறது. ரோமில், இறந்த உடல்களில் இருந்து தோன்றும் வாடையை விரட்ட, இலவங்கப்பட்டை இறுதிச் சடங்குகளில் பயன்படுத்தப்பட்டது. சொல்லப் போனால் இந்த மசாலா, பணக்காரர்களின் பொருளாக இருக்கும் அளவுக்கு, ரோமில் அதன் விலை மிக அதிகமாக இருந்தது.

உங்களுக்குத் தெரியுமா?

சில வரலாற்றியலாளர்கள், உண்மையில் வாஸ்கோடகாமா மற்றும் கொலம்பஸ் இருவரும், மசாலாப் பொருட்கள் மற்றும் மூலிகைகளை, குறிப்பாக இலவங்கப்பட்டையைத் தேடியே தங்கள் கடற்பயணத்தைத் தொடங்கினர் எனக் கூறுகின்றனர். அது உண்மை தான், இலவங்கப்பட்டை இலங்கையைச் சார்ந்தது, உண்மையில் அது போர்த்துகீசியர்களால் கண்டறியப்பட்டது. மேலும், இன்றைய தேதி வரை மிக விலை உயர்ந்ததாக நீடிக்கிறது. ஆயினும் அது, உலகம் முழுவதும் உள்ள சமையல்கலை நிபுணர்கள் மற்றும், ரொட்டி மற்றும் இனிப்புப் பொருட்களைத் தயாரிப்பவர்களுக்கு மிகவும் பிடித்தமான மசாலாக்களில் ஒன்றாக இருக்கிறது. இலவங்கப்பட்டை, இலவங்க மரத்தின் உள் பட்டையில் இருந்து பெறப்படுகிறது. இது, உலகத்தின் வெப்ப மண்டலப் பிரதேங்களில் காணப்படும், ஒரு என்றும் பசுமையான (நீண்ட காலத்துக்கு இருக்கக் கூடிய) மரம் ஆகும். இந்த இலவங்க மரம் 18 மீட்டர்கள் வரை வளரக் கூடியவை. ஆனால் வேறு ஏதேனும் இடத்திற்கு கொண்டு சென்று பயிரிடப்படும் வகைகள் 2-3 மீட்டர் வரை வளரக் கூடும். இது, இரண்டு முனைகளிலும் இணையுமாறு இருக்கின்ற இணையான நரம்புகளோடு கூடிய, தனித்துவமான தோல் போன்ற இலைகளைக் கொண்டிருக்கிறது (நறுமண இலைகள் அல்லது தேஜ் பட்டாவில் இருப்பது போன்று). இலவங்க மரத்தின் மலர்கள், அழகான மஞ்சள் வண்ண கொத்துக்களாக தோன்றுகின்றன மற்றும் இலவங்க மர பழம், பழுக்கும்போது கருப்பு வண்ணத்தில் மாறுகின்ற ஒரு காயாகும்.

இலவங்கப்பட்டை பற்றிய சில அடிப்படைத் தகவல்கள்:

  • தாவரவியல் பெயர்: சின்னமோமும் வெரும், சின்னமோமும் சைலாணிகம்
  • குடும்பம்: லவுரசியயி
  • பொதுவான பெயர்கள்: இலவங்கப்பட்டை, இலவங்கப் பட்டை
  • சமஸ்கிருத பெயர்தருசிதா
  • பயன்படும் பாகங்கள்: பட்டை
  • சொந்த பிராந்தியம் மற்றும் புவியியல் பரவுதல்: இலவங்கப்பட்டை தெற்கு ஆசியாவைச் சார்ந்தது, ஆனால் அது, உலகத்தின் பெரும்பாலான வெப்ப மண்டல பிரதேசங்களில் அறிமுகப்படுத்தப்பட்டு இருக்கிறது. உண்மையான இலவங்கப்பட்டை, பெரும்பாலும் இலங்கை, மடகாஸ்கர் குடியரசு மற்றும் செஷல்ஸ் தீவுகள் ஆகியவற்றில் இருந்து பெறப்படுகிறது. இந்தியாவில், கேரளாவில் உண்மையான இலவங்கப்பட்டை பயிரிடப்படுகிறது.
  • ஆற்றலியல்: வெப்பமடைதல். வாதம் மற்றும் கபத்தை சமன் செய்கிற அதே வேளையில், பித்தத்தை அதிகரிக்கிறது.
  1. இலவங்கப்பட்டையின் வகைகள் - Types of Cinnamon in Tamil
  2. இலவங்கப்பட்டையின் ஆரோக்கியம் சார்ந்த நன்மைகள் - Health benefits of Cinnamon in Tamil
  3. இலவங்கப்பட்டையை எவ்வாறு பயன்படுத்துவது - How to use cinnamon in Tamil
  4. இலவங்கப்பட்டை எடுத்துக் கொள்ள பாதுகாப்பான அளவு - Safe dosage of cinnamon in Tamil
  5. இலவங்கப்பட்டையின் பக்க விளைவுகள் - Cinnamon side effects in Tamil

இலவங்கப்பட்டையின் வகைகள்: இலவங்கப்பட்டை பல வகைகளைக் கொண்டு இருக்கிறது. ஆனால், மிகவும் வழக்கமான இரண்டு இலவங்கப்பட்டை வகைகளாவன: இலங்கை இலவங்கப்பட்டை: உண்மையான இலவங்கப்பட்டை எனவும் அறியப்படுகிறது. இது, இலங்கையில் மிக ஏராளமாகப் பயிரிடப்படுகிறது, மேலும் மிகவும் விலை உயர்ந்தது. இது ஒரு இனிய சுவை மற்றும் மிதமான வாசனையைக் கொண்டிருக்கிறது. இலங்கை இலவங்கப்பட்டை, மெல்லிய காகிதங்கள் ஒன்றின் மேல் ஒன்று சுற்றப்பட்டு இருப்பது போன்று, ஒரு வெற்றுக் குழாய் போன்ற வடிவத்தில் இருக்கிறது மேலும் நிறத்தில் லேசானதாக இருக்கிறது. கொன்றை இலவங்கப்பட்டை: அதன் தோன்றிய இடத்தைக் கொண்டு, சீன இலவங்கப்பட்டை எனவும் அறியப்படுகிறது. இது தான் மிகவும் வழக்கமாகப் பயன்படுத்தப்படும் இலவங்கப்பட்டையின் வடிவம் ஆகும். கொன்றை இலவங்கப்பட்டை, நிறத்தில் கரும் பழுப்பு சாயலில் மற்றும் ஒரு திடமான வாசனையும் காரமான சுவையும் கொண்டு இருக்கிறது. இந்த வகையின் குச்சிகள், ஒன்று அல்லது இரண்டு பக்கமும் இருந்து நடுப்பகுதியை நோக்கி சுற்றிப் படரும் வகையில், ஒரு தடித்த ஒற்றை தாள் போன்று உருவாக்குகின்றன. இது, இலங்கை இலவங்கப்பட்டையை விட, அதிக அளவில் கவ்மரினைக் கொண்டிருக்கிறது. அதனால் கல்லீரலுக்கு அதிக அளவில் நச்சுத்தன்மை உடையதாக இருக்கிறது.

myUpchar doctors after many years of research have created myUpchar Ayurveda Urjas Capsule by using 100% original and pure herbs of Ayurveda. This ayurvedic medicine has been recommended by our doctors to lakhs of people for sex problems with good results.
Long Time Capsule
₹719  ₹799  10% OFF
BUY NOW

இலவங்கப்பட்டை, பாரம்பரிய சீன மருத்துவம், மேற்கத்திய பாரம்பரிய மூலிகை சிகிச்சை முறை மற்றும் ஆயுர்வேதத்தில் உள்ள மிகவும் முக்கியமான நறுமணப் பொருட்களில் ஒன்று ஆகும். ஆனால், நவீன மருத்துவம், இதனுடைய பல ஆரோக்கியம் அளிக்கும் மற்றும் குணமளிக்கும் நன்மைகளைக் கண்டறிவதில் இன்னமும் பின்தங்கியே  இருக்கிறது. இந்த அபூர்வமான நறுமணப் பொருளை பற்றி எங்களுக்குத் தெரிந்தவற்றை, இப்பொழுது நாம் காணலாம்.

  • வயிற்றுப் பிரச்சினைகளில் இருந்து நிவாரணம் அளிக்கிறது: இலவங்கப்பட்டை, பெரும்பாலான வயிற்றுப் பிரச்சினைகளைத் தீர்க்க உங்களுக்கு உதவுகிறது. அது, வயிறு வீக்கம், மலச்சிக்கல் மற்றும் குமட்டலில் இருந்து விடுபட பயன்படுத்தப்படுகிறது. இலவங்கப்பட்டை, வயிற்றுப் புண்கள் வராமல் தடுக்கவும் மற்றும் பசியுணர்வை அதிகரிக்கவும் கூட உதவிகரமாக இருக்கிறது.
  • நீரிழிவு-எதிர்ப்பு பண்பு: இலவங்கப்பட்டை, பல்வேறு மருத்துவ ஆய்வுகளில், இன்சுலினின் உணர்திறனை அதிகரித்து, அதனால் இரத்த சர்க்கரை அளவுகளை முறையாக வைத்திருக்க உதவுவதாகக் குறிப்பிடப்படும், செயல்திறன் மிக்க சேர்மங்களைக் அதிக அளவில் கொண்டிருக்கிறது எனக் கண்டறியப்பட்டு இருக்கிறது
  • உடல் எடைக் குறைப்பை ஊக்குவிக்கிறது: இலவங்கப்பட்டையில் காணப்படும் சின்னமல்டீஹைட், உடல் எடையைக் குறைக்க உதவும் வகையில், உடலில் உள்ள கொழுப்புகளை எரிப்பதை ஊக்குவிக்கிறது என விஞ்ஞானரீதியாக நிரூபிக்கப்பட்டு இருக்கிறது. இலவங்கப்பட்டை, பசி வேட்கையை மற்றும் அளவுக்கு அதிகமாக உண்பதைக் குறைக்கவும் கூடஉதவுகிறது.
  • இதயத்துக்கு நல்லது: இலவங்கப்பட்டை, கொழுப்பு அளவுகளைக் குறைத்து, இரத்தக் குழாய்களில் உறைகட்டிகள் உருவாவதைத் தடுக்கிறது. இவ்வாறு இதய நோய்கள் வரும் அபாயத்தைக் குறைக்கிறது.
  • மாதவிடாய் பிரச்சினைகளில் இருந்து நிவாரணமளிக்கிறது:   இலவங்கப்பட்டை உட்கொள்வது, மாதவிடாய் சமயத்தில் ஏற்படும் தசைப்பிடிப்புகள் மற்றும் வலியைக் குறைப்பதோடு மட்டும் அல்லாமல், கூடவே மாதவிடாயின் போது ஏற்படும் குமட்டலைத் தடுக்கவும் உதவிகரமாக இருக்கிறது என மருத்துவ ஆய்வுகள் மூலம் வெளிப்படுத்தப்பட்டு இருக்கிறது.
  • முகப்பருக்களைக் குறைக்கிறது:  இலவங்கப்பட்டை, ஒரு இயற்கையான அழற்சி-எதிர்ப்பு பொருள் மற்றும் ஆக்சிஜனேற்ற எதிர்ப்பி ஆகும். முகத்துக்கு பூசிக் கொள்ளும் பொழுது, முகப்பருவினால் ஏற்படும் வலி மற்றும் வீக்கத்தைக் குறைக்கின்ற அதே வேளையில், முகப்பருவினால் ஏற்படும் தழும்புகளையும் அது தடுக்கிறது.
  • வாய் சுகாதாரத்தை மேம்படுத்துகிறது: பல்வலியில் இருந்து விடுபட, பாரம்பரியமாக, இலவங்கப்பட்டை எண்ணெய் கிராம்புடன் சேர்த்து பயன்படுத்தப்படுகிறது. இலவங்கப்பட்டை, ஈறு வீக்கத்தின் அறிகுறிகளைத் தடுக்க மற்றும் நீக்க, சில வணிகரீதியான மருந்துகள் போன்றே, மிகவும் பயன்மிக்கது என ஆய்வுகள் தெரிவிக்கின்றன

கேண்டிடா நோய்த்தொற்றுக்களுக்காக இலவங்கப்பட்டை - Cinnamon for Candida infections in Tamil

கேண்டிடா என்பது, மனித உடலில் இயற்கையாகக் காணப்படுகிற ஒரு பூஞ்சை ஆகும். ஆனால், தோலின் பி.எச் அளவுகளில் ஏற்படும் ஒரு சமநிலையின்மை, கேண்டிடா ஒரு அசாதாரணமான வகையில் பரவவும் மற்றும் அதனை கேண்டிட்டியாசிஸ் என்ற ஒரு மருத்துவப் பிரச்சினையாக மாற்றுவதற்கும் காரணமாகிறது. பாரம்பரிய மேற்கத்திய மூலிகை சிகிச்சை முறையில் இலவங்கப்பட்டை, கேண்டிடா இனங்களுக்கு எதிரான அதன் பூஞ்சை எதிர்ப்பு பண்புகளுக்காக நன்றாக அறியப்பட்டு இருக்கிறது. ஆய்வுக்கூட ஆய்வுகள் இலவங்கப்பட்டை எண்ணெய், அனைத்து வகையான கேண்டிடா நோய்த்தொற்றுக்களுக்கு (கேண்டிடா- அறியப்பட்ட ஒரு பெண்ணுறுப்பு ஈஸ்ட் நோய்த்தொற்று மற்றும் ஆல்பிகன்கள் எதிர்ப்பு வகை கேண்டியா) எதிராக குறிப்பிடும்படியான பூஞ்சை எதிர்ப்பு செயல்பாடுகளைக் காட்டுகிறது என சுட்டிக் காட்டுகின்றன. இருந்தாலும், எந்த ஒரு வகை நோய்த்தொற்றுக்களுக்கும் நிவாரணம் பெற, இலவங்கப்பட்டை எண்ணெய் அல்லது இலவங்கப்பட்டையை எந்த ஒரு வடிவத்திலும் பயன்படுத்தும் முன்னர் உங்கள் மருத்துவரிடம் கலந்து ஆலோசிப்பது விரும்பத்தக்கது.

ஒரு திறன்மிக்க புற்றுநோய்-எதிர்ப்பு காரணியாக இலவங்கப்பட்டை - Cinnamon as a potential anti-cancer agent in Tamil

செரிமானப்பாதை மற்றும் தோல் புற்றுநோய் மீதான இலவங்கப்பட்டையின் புற்றுநோய்-எதிர்ப்பு திறனை சோதிக்க விரிவான ஆய்வுகள் மேற்கொள்ளப்பட்டு இருக்கின்றன. அந்த ஆய்வுகளில் ஒன்றில், இலவங்கப்பட்டை சாறு, புற்று நோய் செல்கள் உயிர் வாழ்வதையும் மற்றும் அவை பரவுவதையும் மிகவும் திறம்படக் குறைக்கிறது எனக் கண்டறியப்பட்டு இருக்கிறது. தோல் புற்றுநோய் செல்களின் மீது நடத்தப்பட்ட மற்றொரு ஆய்வு, இலவங்கப்பட்டை, மனிதர்களுக்கு ஏற்படும் தோல் புற்றுநோயைப் பரப்புகின்ற பொறுப்பையுடைய, புரோயோஜியோஜெனிக் காரணியை (உடலில் உள்ள ஒரு உயிரிவேதிப் பொருள்) குறைக்கிறது என சுட்டிக் காட்டுகிறது. அந்த ஆய்வு மேலும், இலவங்கப்பட்டை, உடலில் தோன்றும் அந்நிய செல்களைக் கண்டறிந்து கொல்லும் பொறுப்புடைய, ஒரு வகை எதிர்மங்களான சி.டி.8 டி செல்களைத் தூண்டுகிறது எனத் தெரிவிக்கிறது. அதனால் வருங்காலத்தில், இலவங்கப்பட்டை, புற்றுநோய் எதிர்ப்பு சிகிச்சையில் ஒரு ஆற்றலைக் கொண்டிருக்கலாம்.

(மேலும் படிக்க: புற்றுநோய் வகைகள் மற்றும் சிகிச்சை)

வாய் துர்நாற்றத்துக்காக இலவங்கப்பட்டை - Cinnamon for mouth odour in Tamil

வாய் துர்நாற்றம் என்பது ஒரு வெறுக்கப்படும் பிரச்சினை மற்றும் சில நேரங்களில் சமாளிக்கக் கடினமான ஒரு பிரச்சினை ஆகும். மருத்துவர்களின் கருத்துப் படி, வாய் துர்நாற்றத்துக்கு மிகவும் பொதுவான காரணம், பற்களின் குழிகளில் சேரும் அதிகமான நுண்ணுயிரிகளின் அளவு ஆகும். அதிர்ஷ்டவசமாக, இலவங்கப்பட்டையில் உள்ள சின்னமிக் அமிலம், நமது வாயில் தோன்றுகிற நுண்ணுயிரிகளைக் கொல்வதில் திறன்மிக்கதாக இருக்கக் கூடும் என ஆய்வுகள் தெரிவிக்கின்றன. எனவே, போய் வா வாய் துர்நாற்றமே. கனடாவில் நடத்தப்பட்ட ஒரு ஆய்வில், இலவங்கப்பட்டை பபுள்கம் எடுத்துக் கொள்ளும் நபர்களுக்கு, சாதாரண பபுள்கம் எடுத்து கொள்ளும் நபர்களை விட. வாயில் நுண்ணுயிரிகள் தோன்றுவது குறைவாக இருப்பதாகக் கண்டறியப்பட்டு இருக்கிறது. இருந்தாலும், இலவங்கப்பட்டையின் இந்தத் திறனை உறுதி செய்வதற்கு, மேலும் பல ஆய்வுகள் செய்ய வேண்டிய தேவை இருக்கிறது.

வாய் சுகாதாரத்துக்காக இலவங்கப்பட்டை - Cinnamon for oral health in Tamil

ஆயுர்வேதத்தில், பல்வலியைப் போக்குவதற்காக கிராம்பு மற்றும் இலவங்கப்பட்டை எண்ணெய் கலந்த ஒரு கலவை பயன்படுத்தப்படுகிறது. மருத்துவ மற்றும் பல் மருத்துவ ஆராய்ச்சிக்கான நாளேட்டில் வெளியிடப்பட்ட ஒரு ஆய்வுக் கட்டுரையின் படி, இலவங்கப்பட்டை, பல் ஈறு வீக்கத்துக்கு (நோய்த்தொற்றுக்கு உள்ளான ஈறுகளைக் கொண்டு குறிக்கப்படுகிற ஒரு பிரச்சினை) நிவாரணம் அளிப்பதில் மிகவும் திறன்மிக்கதாகும். அந்த ஆய்வு மேலும், இலவங்கப்பட்டையின் ஈறு வீக்கத்துக்கு எதிரான திறன், இந்தப் பிரச்சினைக்கு நிவாரணம் அளிக்கப் பயன்படுத்தப்படும் வழக்கமான மருந்தான குளோரக்ஸிடன் திறனுக்கு சமமாக இருப்பதாகத் தெரிவிக்கிறது.

மாதவிடாய் பிரச்சினைகளுக்காக இலவங்கப்பட்டை - Cinnamon for menstrual problems in Tamil

இலவங்கப்பட்டை, பெண்களுக்கு ஏற்படும் மாதவிடாய் பிரச்சினைகளோடு இணைந்த, மாதவிடாய் கால தசைப்பிடிப்புகள், குமட்டல் மற்றும் வாந்திக்கான சிகிச்சைக்காக, ஆயுர்வேதத்தில் மற்றும் மூலிகை மருத்துவத்தில் நீண்ட காலமாக பயன்படுத்தப்பட்டு வருகிறது. சமீபத்தில், ஒரே மாதவிடாய் கால வயதுள்ள 76 பெண்களைக் கொண்ட ஒரு குழுவில் நடத்தப்பட்டஒரு ஆய்வில், ஒரு நாளைக்கு மூன்று முறை இலவங்கப்பட்டை மாத்திரைகளை (420 மி.கி) எடுத்துக் கொள்வது, பெண்களுக்கு ஏற்படும் தசைப்பிடிப்புகள், உதிரப்போக்கு, குமட்டல் மற்றும் வாந்தியைக் குறைப்பதில் திறன்மிக்கதாக இருப்பதாகக் கண்டறியப்பட்டு உள்ளது.

இருமல் மற்றும் ஜலதோஷத்துக்காக இலவங்கப்பட்டை - Cinnamon for cough and cold in Tamil

ஆயுர்வேதத்தில், இலவங்கப்பட்டை, உடலில் உள்ள கபம் மற்றும் வாதத்தைக் குறைத்து, பித்தத்தை அதிகரிப்பதாக அறியப்படுகிறது. இதனால், அது உடலில் உள்ள கபத்தை நீர்த்துப் போகச் செய்து அதனை கிரகிக்கவும் செய்கிறது. இலவங்கப்பட்டை எண்ணெய்யின் ஒரு மூலக்கூறான சின்னமிக் அமிலம், மனிதர்களுக்கு ஏற்படும் காசநோய் உருவாவதற்கு காரணமான காரணியான, மைக்கோபாக்டீரியம் டியூபர்குளோசிஸ்ஸைக் கொல்வதில் செயல்திறன் மிக்கதாக இருக்கக் கூடும் என ஆய்வுகள் தெரிவிக்கின்றன. இருப்பினும், இந்த நுண்ணுயிருக்கு எதிரான சின்னமிக் அமிலத்தின் சரியான செயல்பாடு மற்றும் செயல்முறையைத் தீர்மானிக்க, மேலும் பல ஆய்வுகள் இப்போதும் தேவைப்படுகின்றன. மேலும் இலவங்கப்பட்டை, ஒரு வெப்பமூட்டும் விளைவைக் கொண்டிருக்கிறது. எனவே அது, ஜலதோஷத்துக்கு ஒரு நிவாரணியாக பாரம்பரிய மூலிகை சிகிச்சை முறை மற்றும் பாரம்பரிய சீன மருத்துவத்தில் பயன்படுத்தப்படுகிறது.

சருமத்துக்கான இலவங்கப்பட்டையின் நன்மைகள் - Cinnamon benefits for skin in Tamil

இலவங்கப்பட்டையின் ஆக்சிஜனேற்ற எதிர்ப்பு மற்றும் அழற்சி எதிர்ப்பு பண்புகள், அதனை சருமத்துக்கு ஒரு சிறந்த உணவாக ஆக்குகின்றன. இந்தப் பண்புகள் இணைந்து முகப்பரு போன்ற சருமப் பிரச்சினைகளுக்கான வாய்ப்புக்களைக் குறைப்பதோடு மட்டும் அல்லாமல், கூடவே சுருக்கங்கள், கரும்புள்ளிகள் மற்றும் மற்ற முதுமை தொடர்பான சரும அறிகுறிகள் ஏற்படுவதைத் தாமதப்படுத்தவும் உதவுகிறது. இலவங்கப்பட்டை ஒரு திறன்மிக்க அழற்சி எதிர்ப்பு பொருளாக இருந்தாலும், அது அதன் சொந்தமான ஊட்டமளிக்கும் பண்புகள் எதையும் கொண்டிருக்கவில்லை. ஆகவே, பாரம்பரிய மூலிகை சிகிச்சை முறையானது, முகப்பருவை ஆற்றவும் மற்றும் சருமத்துக்கு ஒரு ஊட்டமான பளபளப்பைக் கொடுக்கவும், இலவங்கப்பட்டையும் தேனும் கலந்து ஒரு கலவையாகப் பயன்படுத்துகிறது.

இரத்த சுழற்சிக்காக இலவங்கப்பட்டை - Cinnamon for blood circulation in Tamil

உடலின் செயல்பாட்டுக்கு முறையான இரத்த சுழற்சி அவசியமானதாகும். குறிப்பிட்ட உடல் அல்லது உடலியல் பிரச்சினைகள், இரத்தக் குழாய்களில் இரத்தம் உறைவதன் மூலம் முறையற்ற இரத்த சுழற்சிக்கு வழிவகுக்கக் கூடும். மருத்துவர்களின் கருத்துப் படி, இலவங்கப்பட்டையில் உள்ள கவ்மரின் (ஒரு உயிரிவேதியியல் காரணி), ஒரு இயற்கையான இரத்த மெலிதாக்கி மற்றும் ஒரு உறைவு எதிர்ப்பி (இரத்தம் உறைதலைத் தடுக்கிறது) ஆகும். இலவங்கப்பட்டையை உட்கொள்வது, இரத்தம் உறையும் அபாயம் ஏற்படுவதைக் குறைப்பதுடன், நமது உடலில் இரத்த சுழற்சியையும் அதிகரிக்கக் கூடும். இருப்பினும், கவ்மரினை அதிக அளவில் எடுத்துக் கொள்வது கல்லீரலுக்கு தீங்கு விளைவிக்கக் கூடும். எனவே இலவங்கப்பட்டையை எடுத்துக் கொள்ளும் முன்னர், உங்கள் மருத்துவரிடம் ஆலோசிப்பது அறிவுறுத்தப்படுகிறது.

இதயத்துக்காக இலவங்கப்பட்டை - Cinnamon for heart in Tamil

பாரம்பரிய மூலிகை சிகிச்சை முறை, இலவங்கப்பட்டையை ஒரு மிகச் சிறந்த கொழுப்பு அளவைக் குறைக்கும் காரணியாகக் கருதுகிறது. பல ஆய்வுகளில், இலவங்கப்பட்டை, உடலின் குறை-அடர்த்தி லிப்போபுரோட்டீன் அல்லது கெட்ட கொழுப்பைக் குறைப்பதில் உதவிகரமாக இருக்கிற அதே வேளையில் அது, உடலில் உள்ள உயர்-அடர்த்தி லிப்போபுரோட்டீன் (நல்ல கொழுப்பு) அளவுகளைத் திறம்பட அதிகரிக்கிறது எனத் தெரிவிக்கப்பட்டு இருக்கிறது. இருந்தாலும், கொழுப்பு அளவைக் குறைக்கும் செயலின் சரியான நடைமுறை அல்லது அதற்கு பொறுப்பான உட்கூறு பற்றி கண்டறியப்படவில்லை. இது, நேரடியாக இதய ஆரோக்கியத்தை மேம்படுத்த உதவவில்லை என்றாலும் கூட, இலவங்கப்பட்டை, உடலில்  உயர் கொழுப்பு அளவுகள் பரவுவதோடு இணைந்து இருக்கிற, பொதுவான இதயப் பிரச்சினைகள் வருவதற்கான அபாயத்தைக் குறைக்கக் கூடும்.

நுண்ணுயிர் எதிர்ப்புக் காரணியாக இலவங்கப்பட்டை - Cinnamon as antibacterial agent in Tamil

இலவங்கப்பட்டையின் நுண்ணுயிர் எதிர்ப்பு விளைவுகளை சோதிக்க எண்ணற்ற ஆய்வுகள் நடத்தப்பட்டு இருக்கின்றன. அவை, இலவங்கப்பட்டை ஒரு திறன்மிக்க நுண்ணுயிர் எதிர்ப்புக் காரணி எனத் தெரிவிக்கின்றன. இலவங்கப்பட்டையில் இருக்கின்ற ஒரு அத்தியாவசியமான மூலக்கூறான சின்னமல்டீஹைட், அனைத்து வகை நுண்ணுயிர், பூஞ்சை, ஒட்டுண்ணிகளைக் கொல்வதில் மிகவும் சக்தி வாய்ந்தது என ஆராய்ச்சி சுட்டிக் காட்டுகிறது. மேலும் அது, பேன்களின் (பெடிகுலஸ் ஹ்யுமனஸ் காபிடிஸ்) முட்டைகள் மற்றும் வளர்ந்த பேன்களுக்கு எதிராகத் திறன்வாய்ந்தது எனவும் நம்பப்படுகிறது. பொதுவான நுண்ணுயிர் நோய்த்தொற்றுக்களுக்கு சிகிச்சை அளிப்பதில், இலவங்கப்பட்டையின் சரியான செயல்படும் முறை மற்றும் பயனை அறிந்து கொள்ள, மேலும் விரிவான ஆய்வுகள் நடத்தப்பட்டுக் கொண்டு இருக்கின்றன.

உடல் எடைக் குறைப்புக்காக இலவங்கப்பட்டை - Cinnamon powder for weight loss in Tamil

இலவங்கப்பட்டை, உடல் எடைக்குறைப்புக்கான மிகவும் பிரபலமான பாரம்பரிய தீர்வுகளில் ஒன்று ஆகும். சமீப காலத்துக்கு முன்பு வரை, உடல் எடைக் குறைப்புக்கும் இலவங்கப்பட்டைக்கும் இடையேயான ஒரு நேரடித் தொடர்பை உருவாக்கக் கூடிய, அறிவியல்பூர்வ ஆதாரங்கள் எதுவும் இல்லை. ஆனால், வாழ்வியல் அறிவியலின் மிக்சிகன் பல்கலைக்கழகத்தில் நடத்தப்பட்ட சமீபத்திய ஆய்வு ஒன்று, இலவங்கப்பட்டையின் ஒரு மூலக்கூறான சின்னமல்டீஹைட்டால், கொழுப்புகளை திறம்பட எரிக்க முடியும் எனத் தெரிவிக்கிறது. இந்த ஆராய்ச்சியின் படி, சின்னமல்டீஹைட், உடலில் வெப்பத்தை உருவாக்கி, சக்திக்காக கொழுப்புத் திசுக்களை ( கொழுப்பு செல்கள்) அதிக கொழுப்புகளை எரிக்கச் செய்ய காரணமாக இருக்கிறது. ஆய்வகத்தில் மற்றும் விலங்குகள் மீது நடத்தப்பட்ட ஆய்வுகள், இலவங்கப்பட்டையை எடுத்துக் கொள்வது செரிமான செயல்முறையைத் தாமதப்படுத்தி, உங்களை நீண்ட நேரத்துக்கு வயிறு நிரம்பியிருப்பது போன்று உணரச் செய்கிறது என சுட்டிக் காட்டுகின்றன. எனவே, உடல் எடைக் குறைப்புத் திட்டத்தில் பிற்சேர்க்கைப் பொருளாக இலவங்கப்பட்டையை சேர்ப்பது, அதன் நன்மைகளைக் கொண்டிருக்கக் கூடும். இருப்பினும், இலவங்கப்பட்டையை எடுத்துக் கொள்ளும் முன்னரும் மற்றும் இலவங்கப்பட்டையைத் தேவைக்கு அதிகமாக எடுத்துக் கொண்டால், கல்லீரலில் நச்சுத்தன்மையை அதிகரிக்கக் கூடும் என்பதால், எடுத்துக் கொள்ள வேண்டிய சரியான அளவைத் தெரிந்து கொள்ளவும், உங்கள் மருத்துவரிடம் ஆலோசிப்பது நல்லது. 

(மேலும் படிக்க: உடல் எடைக் குறைப்பு உணவுப்பழக்க அட்டவணை)

நீரிழிவுக்காக இலவங்கப்பட்டை - Cinnamon for diabetes in Tamil

நச்சுத்தன்மை அழுத்தம், நீரிழிவு ஏற்படுவதற்கான காரணங்களில், ஒரு முக்கியமான குற்றவாளி என ஆய்வுகள் தெரிவிக்கின்றன. மேலும் நச்சுத்தன்மை அழுத்தத்துக்கு எதிரான சிறந்த பாதுகாப்பு என்பது ஆக்சிஜனேற்ற எதிர்ப்பிகள் போன்ற, எதிர்வினை ஆக்சிஜன் இனங்களை நீக்கி, மூலக்கூறு சேதாரம் ஏற்படும் அபாயங்களைப் போக்குகின்ற, அடிப்படை மூலக்கூறுகள் தான் என நம்பப்படுகிறது. ஒரு ஆக்சிஜனேற்ற எதிர்ப்பியாக இலவங்கப்பட்டை, நீரிழிவு நோயுடன் வாழ்பவர்களுக்கு ஒரு வரப்பிரசாதத்துக்கு கொஞ்சமும் குறைவானது கிடையாது. உண்மையில் இது, நறுமணப் பொருட்களின் உலகத்தில் கிராம்புக்கு அடுத்தபடியாக செறிவான ஆக்சிஜனேற்ற எதிர்ப்பிகளைக் கொண்ட ஆதாரம் ஆகும். நீரிழிவு நோயுடன் இருக்கும் 500 நபர்களிடம் நடத்தப்பட்ட ஒரு ஆய்வில், அவர்களுக்கு 4-18 வாரங்கள் கால அளவுக்கு, ஒவ்வொரு நாளுக்கும் 6கி இலவங்கப்பட்டை வழங்கப்பட்டது, பிறகு, தொடர்ச்சியாக இலவங்கப்பட்டை உட்கொள்வது, உணவுக்கு முந்திய இரத்த சர்க்கரை அளவுகளைக் குறிப்பிடத்தக்க வகையில் குறைக்கிறது எனக் கண்டறியப்பட்டது. மற்றொரு ஆய்வு, 5கி அளவில் இலவங்கப்பட்டை எடுத்துக் கொள்வது, இன்சுலின் உணர்திறனை அதிகரிக்கிறது மற்றும் இந்த ஹார்மோன், இரத்தத்தில் இருந்து அதிக சர்க்கரையை எடுத்துக் கொள்வதற்கு காரணமாக இருக்கின்றது எனக் கூறுகிறது. இலவங்கப்பட்டையின் சர்க்கரைக்குறைப்பு (இரத்த சர்க்கரை அளவைக் குறைத்தல்) விளைவுகள், அதனை உண்மையில் எடுத்துக் கொண்ட 12 மணி நேரத்துக்குப் பின்னர், செயல்திறன் மிக்கதாக இருப்பது கவனிக்கப்பட்டது. கூடுதலாக, மெத்திலிஹைட்ராக்சிசால்கோன் என்ற ஒரு வேதியியல் சேர்மம், இன்சுலின் ஹார்மோன் போன்று திறம்பட செயல்பட்டு, உடலில் இரத்த சர்க்கரை அளவுகளைக் குறைப்பதில் உதவுகிறது.

வயிற்றுக் கோளாறுக்காக இலவங்கப்பட்டை - Cinnamon for stomach upset in Tamil

இலவங்கப்பட்டை, அனைத்து வகை இரைப்பை பிரச்சினைக்கும், சிறந்த நிவாரணமாக இல்லாமல் இருக்கலாம். ஆனால், வயிற்றின் ஆரோக்கியத்துக்கும் மற்றும் வயிறு நலமாக இருப்பதற்கும் பயன்படுத்தப்பட்டு இருக்கிற, ஒரு நீண்ட வரலாறை அது கொண்டிருக்கிறது. பாரம்பரிய மேற்கத்திய மூலிகை சிகிச்சை முறை, இலவங்கப்பட்டையை, ஒரு இரைப்பை வலிநீக்கி மற்றும், ஒரு வயிற்று வலிநீக்கி என அழைக்கிறது. இரைப்பை வலிநீக்கி என்பது, வயிற்றுப் பொருமலை (வயிறு வீக்கம்) சமாளிக்க உதவுகிற வேளையில், வயிற்று வலிநீக்கியானது உணவை எளிதாக செரிமானம் ஆக்குவதன் மூலம், பசியுணர்வை மேம்படுத்துகிற ஒரு மூலிகை ஆகும். மேலும், இலவங்கப்பட்டையில் இருக்கின்ற கேட்டசின்கள், குமட்டலைப் போக்க உதவிகரமா இருப்பதாக அறியப்பட்டு உள்ளது. குமட்டல் அறிகுறிகளில் இருந்து விடுபட, இலவங்கப்பட்டை பொதுவாக தேநீர் வடிவில் பயன்படுத்தப்படுகிறது. இயற்கை மருத்துவத்தில் இலவங்கப்பட்டை, ஒரு மலமிளக்கியாகப் (மலச்சிக்கலை நீக்குகிறது)  பயன்படுத்தப்படுகிறது. ஆயுர்வேதத்தில் இலவங்கப்பட்டை, வயிற்றுப் பிடிப்புகள், வயிற்றுப்போக்கு மற்றும் பெருங்குடல் அழற்சி போன்றவற்றுக்கு சிகிச்சை அளிக்கப் பயன்படுத்தப்படுகிறது. அஜீரணத்துக்கு (செரிமானமின்மை) சிகிச்சையளிப்பதில் இலவங்கப்பட்டையின் செயல்திறனை பரிசோதனைக்கூட ஆய்வுகள் தெரிவிக்கின்றன. தொடர்ந்த ஆய்வுகள், இலவங்கப்பட்டை தயிர், வயிற்றுப் புண்ணுக்கு மிகவும் வழக்கமான காரணமான, ஹெலிகோபாக்டெர் பைலோரி நுண்ணுயிரியை எதிர்க்க மிகவும் பயனுள்ளது எனத் தெரிவிக்கின்றன. இருந்தாலும், இந்த நறுமணப் பொருளின் அனைத்து பாரம்பரிய பயன்களையும் உறுதிப்படுத்த, இன்னும் பல ஆய்வுகள் தேவைப்படுகின்றன. எனவே உங்கள் மருத்துவரிடம் ஆலோசிப்பது நல்லது.

இலவங்கப்பட்டை, வணிகரீதியில் மிகவும் வழக்கமாக இலவங்க "தண்டுகள்" என அறியப்படும் குச்சிகள் வடிவத்தில் பயன்படுத்தப்படுகிறது. இலவங்க "தண்டுகள்" என்பவை இலவங்க மரத்தின், ஒரு வெற்றுக் குழாயை உருவாக்கும் விதத்தில் ஒன்றின் மேல் ஒன்று போர்த்தியிருக்கின்ற உட்புற மரப்பட்டைகளின் சீவல்கள் ஆகும். பின்னர் இந்த வெற்றுக் குழாய்கள், உலர்ந்த இலவங்கப்பட்டைகளின் சிறிய சீவல்களால் நிரப்பப்படுகிறது. இலவங்கப்பட்டையின் சிறிய அளவிலான சீவல்கள் தனியாக "சிறுதண்டுகள்" என விற்பனை செய்யப்படுகின்றன. இலவங்கப்பட்டை சீவல்கள், பொடி மற்றும் இலவங்கப் பட்டையின் எண்ணெய் ஆகியவையும் சந்தையில் கிடைக்கின்றன.

இலவங்கப்பட்டை, ஒரு சுவையூட்டியாக இனிப்புப் பண்டங்களிலும் மற்றும் மிட்டாய் வகைகளிலும் பரவலாகப் பயன்படுத்தப்படுகிறது. உங்களில் சிலர், ஐரோப்பா மற்றும் அமெரிக்காவைச் சார்ந்த, ஆனால் உலகத்தின் அனைத்துப் பகுதிகளிலும் சுவைக்கப்படுகிற "இலவங்கப்பட்டை சுருள்கள்" எனப்படும், ஒரு பிரபலமான இனிப்பு உணவை ருசி பார்த்து இருப்பீர்கள் என நான் உறுதியாகக் கூறுகிறேன். வரலாற்றியலாளர்களின் கூற்றுப் படி, ஐரோப்பாவின் சில பகுதிகளில், இலவங்கப்பட்டை பாலுணர்வுத்தூண்டி எனக் கருதப்பட்டு இருந்தது. இலவங்கப்பட்டையின் இனிய நறுமணம், இன்னமும் அழகுசாதனத் தயாரிப்புத் தொழிலில் வாசனைத் திரவியங்கள் தயாரிக்க பயன்படுத்தப்படுகிறது. இலவங்கப்பட்டை எண்ணெய்யின் பயன்பாடும் மிகவும் வழக்கமானது.

இருந்தாலும், உங்கள் வீட்டிலேயே உங்கள் சொந்த நிவாரணிகளைத் தயாரிக்க நீங்கள் விரும்பினால், இலவங்கப்பட்டையை, உட்செலுத்தப்பட்ட எண்ணெய், ஈரக்கட்டி (ஒரு தடவும் மருந்து தயாரிப்பு), கஷாயங்கள் ((எரிசாராய சாறு) அல்லது ஒரு தேநீர் வடிவத்தில் (வழக்கமாக இலவங்கப்பட்டை பொடியுடன்) தயாரிக்கப் பயன்படுத்த முடியும். இன்னமும், இலவங்கப்பட்டை சமயலறையில் எந்த ஜாடியில் இருக்கிறது எனத் தெரியவில்லை? நீங்கள் ஒரு இலவங்கப்பட்டை குச்சியைக் காண முடியவில்லை என்றால், அதன் தனித்துவமான கிறிஸ்துமஸ் போன்ற வாசனை மூலம் நீங்கள் அதனைக் கண்டு கொள்ள முடியும். சொல்லப் போனால், மக்களிடம் எடுக்கப்பட்ட  ஒரு கருத்துக்கணிப்பு, இலவங்கப்பட்டை குளிர்காலங்கள் மற்றும் கிறிஸ்துமஸ் காலத்தோடு மிகவும் அடிக்கடி இணைந்திருக்கிறது எனக் கூறுகிறது. அப்புறம் ஏன் இல்லை. இது, கிறிஸ்துமஸ் கேக்குகள், இனிப்புகள் மற்றும் கிறிஸ்துமஸ் மர அலங்காரத்தில், முதன்மையான சுவையூட்டும் பொருட்களில் ஒன்றாகும்.

இங்கே, ஒரு சுவை மிகுந்த இலவங்கப்பட்டை தேநீரின், எளிதான தயாரிப்பு முறை கொடுக்கப்பட்டு இருக்கிறது:

  • ஒரு பாத்திரத்தில் தண்ணீரைக் கொதிக்க வையுங்கள்.
  • கொதிக்கும் தண்ணீரில் ஒரு இலவங்கப்பட்டை குச்சியைப் போட்டு, மிதமான சூட்டில் 15-20 நிமிடங்கள் சூடுபடுத்துங்கள்.
  • அடுப்பினை அணைத்து விட்டு, 15 நிமிடங்களுக்கு இலவங்கப்பட்டையை ஊற விடுங்கள்.
  • வடிகட்டிய பின்பு அருந்துங்கள்.

வழக்கமாக, இலங்கை இலவங்கப்பட்டையின் ஒரு குச்சி, 1-2 கோப்பை தேநீர் தயாரிக்கப் போதுமானது.

வழக்கமாக, ½-1 மேஜைக்கரண்டி அளவுக்கு இலவங்கப்பட்டையை, பெரிய பக்க விளைவுகள் ஏதும் இன்றி எடுத்துக் கொள்ள இயலும். ஆனால், இலவங்கப்பட்டை, கல்லீரலுக்கு நச்சுத்தன்மை அளிக்கக் கூடிய கவ்மரினைக் கொண்டிருப்பதால் மிதமான போக்கு அவசியமானது. உங்கள் உடல்வாகுக்கு ஏற்ற இலவங்கப்பட்டை எடுத்துக் கொள்ளும் அளவைத் தீர்மானிக்க, உங்கள் ஆயுர்வேத மருத்துவரைக் கலந்து பேசுவது நல்லது

myUpchar doctors after many years of research have created myUpchar Ayurveda Kesh Art Hair Oil by using 100% original and pure herbs of Ayurveda. This Ayurvedic medicine has been recommended by our doctors to more than 1 lakh people for multiple hair problems (hair fall, gray hair, and dandruff) with good results.
Bhringraj Hair Oil
₹599  ₹850  29% OFF
BUY NOW
  1. இலவங்கப்பட்டை ஒரு இயற்கையான வெப்பமூட்டும் விளைவினைக் கொண்டு இருக்கிறது. எனவே, தேவைக்கு அதிகமாக இலவங்கப்பட்டையை எடுத்துக் கொள்வது, வயிற்றில் எரிச்சலை ஏற்படுத்தலாம்.
  2. இலவங்கப்பட்டை, கவ்மரின் எனப்படும் ஒரு மூலக்கூறினைக் கொண்டிருக்கிறது. அது அதிகமாக எடுத்துக் கொள்ளப்படும் பொழுது, கல்லீரல் சேதத்தை ஏற்படுத்தலாம்.
  3. சிலர் இயல்பாகவே இலவங்கப்பட்டைக்கு ஒவ்வாமையைக் கொண்டு இருக்கிறார்கள். இலவங்கப்பட்டையில் உள்ள சின்னமல்டிஹைட் ஒரு ஒவ்வாமையூக்கி (ஒவ்வாமைக்குக் காரணமான காரணி) என ஆய்வுகள் காட்டுகின்றன. மேலும் அது, சுலபமாகப் பாதிக்கக் கூடிய நபர்களுக்கு வாய் புண்கள் ஏற்படக் காரணமாகிறது எனவும் அறியப்படுகிறது.
  4. இலவங்கப்பட்டை, ஒரு இயற்கையான சர்க்கரைகுறைப்பான் (இரத்த சர்க்கரையைக் குறைத்தல்) ஆகும். எனவே, உங்களுக்கு நீரிழிவு நோய் இருந்து, நீங்கள் நீரழிவு எதிர்ப்பு மருந்துகளை எடுத்துக் கொள்பவராய் இருந்தால், இலவங்கப்பட்டையை உங்கள் உணவுப் பழக்கத்தில் சேர்த்துக் கொள்ளும் முன்னர், உங்கள் மருத்துவரிடம் கேட்பது மிகவும் விரும்பத்தக்கது.
  5. இலவங்கப்பட்டை ஒரு இரத்த மெலிதாக்கி. எனவே நீங்கள் ஏதேனும் அறுவை சிகிச்சை செய்து கொள்ளப் போவதாக இருந்தால் அல்லது சமீபத்தில் ஒரு அறுவை சிகிச்சை உங்களுக்கு செய்யப்பட்டு இருந்தால், சில காலத்துக்கு இலவங்கப்பட்டையைப் பயன்படுத்தாமல் இருப்பது விரும்பத்தக்கது.
  6. நீர்த்துப் போக வைக்காத இலவங்கப்பட்டை எண்ணெய், ஒரு சரும எரிச்சலூட்டியாக அறியப்படுகிறது. அதனால், உடல் முழுவதும் அதனைத் தடவுவதற்கு முன்னால், ஒரு குறிப்பிட்ட இடத்தில் மாதிரி சோதனை செய்து கொள்ளுமாறு நீங்கள் அறிவுறுத்தப்படுகிறீர்கள்.

Medicines / Products that contain Cinnamon

மேற்கோள்கள்

  1. Rafie Hamidpour, Mohsen Hamidpour, Soheila Hamidpour, Mina Shahlaria. Cinnamon from the selection of traditional applications to its novel effects on the inhibition of angiogenesis in cancer cells and prevention of Alzheimer's disease, and a series of functions such as antioxidant, anticholesterol, antidiabetes, antibacteri. J Tradit Complement Med. 2015 Apr; 5(2): 66–70. J Tradit Complement Med. 2015 Apr; 5(2): 66–70.
  2. Shan B, Cai YZ, Sun M, Corke H. Antioxidant capacity of 26 spice extracts and characterization of their phenolic constituents.. J Agric Food Chem. 2005 Oct 5;53(20):7749-59. PMID: 16190627
  3. Robert W. Allen et al. Cinnamon Use in Type 2 Diabetes: An Updated Systematic Review and Meta-Analysis. Ann Fam Med. 2013 Sep; 11(5): 452–459. PMID: 24019277
  4. Ferdinando Giacco and Michael Brownlee. Oxidative stress and diabetic complications. Circ Res. 2010 Oct 29; 107(9): 1058–1070. PMID: 21030723
  5. Fatmah A Matough, Siti B Budin, Zariyantey A Hamid, Nasar Alwahaibi, Jamaludin Mohamed. The Role of Oxidative Stress and Antioxidants in Diabetic Complications. Sultan Qaboos Univ Med J. 2012 Feb; 12(1): 5–18. PMID: 22375253
  6. Jarvill-Taylor KJ1, Anderson RA, Graves DJ. A hydroxychalcone derived from cinnamon functions as a mimetic for insulin in 3T3-L1 adipocytes.. J Am Coll Nutr. 2001 Aug;20(4):327-36. PMID: 11506060
  7. Solomon TP1, Blannin AK. Effects of short-term cinnamon ingestion on in vivo glucose tolerance.. Diabetes Obes Metab. 2007 Nov;9(6):895-901. PMID: 17924872
  8. Adisakwattana S, Lerdsuwankij O, Poputtachai U, Minipun A, Suparpprom C. Inhibitory activity of cinnamon bark species and their combination effect with acarbose against intestinal α-glucosidase and pancreatic α-amylase.. Plant Foods Hum Nutr. 2011 Jun;66(2):143-8. PMID: 21538147
  9. Mohamed Sham Shihabudeen H, Hansi Priscilla D, Thirumurugan K. Cinnamon extract inhibits α-glucosidase activity and dampens postprandial glucose excursion in diabetic rats. Nutr Metab (Lond). 2011 Jun 29;8(1):46. PMID: 21711570
  10. Nidhi Goel, Hina Rohilla, Gajender Singh, Parul Punia. Antifungal Activity of Cinnamon Oil and Olive Oil against Candida Spp. Isolated from Blood Stream Infections. J Clin Diagn Res. 2016 Aug; 10(8): DC09–DC11. PMID: 27656437
  11. Health Harvard Publishing. Harvard Medical School [Internet]. Inflammation: A unifying theory of disease. Harvard University, Cambridge, Massachusetts.
  12. Gunawardena D et al. Anti-inflammatory activity of cinnamon (C. zeylanicum and C. cassia) extracts - identification of E-cinnamaldehyde and o-methoxy cinnamaldehyde as the most potent bioactive compounds. Food Funct. 2015 Mar;6(3):910-9. PMID: 25629927
  13. Liao JC et al. Anti-Inflammatory Activities of Cinnamomum cassia Constituents In Vitro and In Vivo. Evid Based Complement Alternat Med. 2012;2012:429320. PMID: 22536283
  14. Seyed Fazel Nabavi et al . Antibacterial Effects of Cinnamon: From Farm to Food, Cosmetic and Pharmaceutical Industries. Nutrients. 2015 Sep; 7(9): 7729–7748. PMID: 26378575
  15. Lowenthal J, Birnbaum H. Vitamin K and coumarin anticoagulants: dependence of anticoagulant effect on inhibition of vitamin K transport.. Science. 1969 Apr 11;164(3876):181-3. PMID: 5774189
  16. O'Reilly RA1, Aggeler PM. Studies on coumarin anticoagulant drugs. Initiation of warfarin therapy without a loading dose. Circulation. 1968 Jul;38(1):169-77. PMID: 11712286
  17. O'Reilly RA1, Aggeler PM. Studies on coumarin anticoagulant drugs. Initiation of warfarin therapy without a loading dose. Circulation. 1968 Jul;38(1):169-77. PMID: 11712286
  18. Molouk Jaafarpour, Masoud Hatefi, Fatemeh Najafi, Javaher Khajavikhan, Ali Khani. The Effect of Cinnamon on Menstrual Bleeding and Systemic Symptoms With Primary Dysmenorrhea. Iran Red Crescent Med J. 2015 Apr; 17(4): e27032. PMID: 26023350
  19. Pallavi Kawatra, Rathai Rajagopalan. Cinnamon: Mystic powers of a minute ingredient. Pharmacognosy Res. 2015 Jun; 7(Suppl 1): S1–S6. PMID: 26109781
Read on app