myUpchar प्लस+ के साथ पूरेे परिवार के हेल्थ खर्च पर भारी बचत

உங்கள் தினசரி உணவுப் பழக்கத்தில், கொஞ்சம் கூடுதல் மொறுமொறுப்பு மற்றும் சுவையை சேர்ப்பதற்காக இருக்கின்ற சிறந்த வழிகளில் பருப்புகளும் ஒன்றாகும். அவை, ஊட்டச்சத்துக்களை அளிப்பது மட்டும் அல்லாமல், நோய்களில் இருந்து குணமளிப்பதிலும் மற்றும் ஆரோக்கியத்தை மேம்படுத்துவதிலும் உதவக் கூடிய உயிரி செயல்பாட்டு மூலக்கூறுகளையும், ஏராளமான அளவில் கொண்டிருக்கின்றன. அக்ரூட்டும் அவற்றில் இருந்து வேறுபட்டது அல்ல. நம்மில் பெரும்பாலானோர், நமது மூளை மற்றும் இதயம் இரண்டுக்கும், அக்ரூட் அளிக்கின்ற நன்மைகளைப் பற்றி நன்கு அறிந்து இருப்போம். ஆனால் இந்தப் பருப்புகள், உங்கள் ஆரோக்கியத்துக்காக அளிக்கக் கூடிய நன்மைகள் மேலும் ஏராளமாக உள்ளன.

அவை, உங்கள் உணவுப்பழக்கத்தில் சேர்த்துக் கொள்ளப்படும் ஆரோக்கியமான கூடுதல் உணவுகளில் ஒன்றாக அவற்றை ஆக்கக் கூடிய வகையில், நார்ச்சத்து, ஆக்சிஜனேற்ற எதிர்ப்பிகள் மற்றும் செறிவற்ற கொழுப்புகள் ஆகியவற்றின் நல்ல ஒரு ஆதாரமாக இருக்கின்றன. அதன் பயன்களில், உணவு, மருந்து, சாயம் மற்றும் விளக்கு எண்ணெய் ஆகியவை அடங்கும். அக்ரூட்டை, அது இருக்கிற மாதிரியே அல்லது வறுத்து, ஊறுகாயாக செய்து அல்லது அக்ரூட் வெண்ணை வடிவில் எனப் பல விதத்தில் உண்ணலாம். அக்ரூட்கள், பிரவுனி உணவு செய்முறைகள், கேக்குகள், இனிப்பு பண்டங்கள், ஐஸ் க்ரீம்கள் ஆகியவற்றில், மற்றும் சில குறிப்பிட்ட உணவுகளில் அவற்றை அலங்கரிக்கும் ஒரு பொருளாகக் கூட, மிகவும் பிரபலமாகப் பயன்படுத்தப்படுகின்றன. உணவு மிருதுவாக்கிகளில் பயன்படுத்தப்படும், பாலாடை நிறைந்த அக்ரூட் பால் தயாரித்து உட்கொள்வது, அக்ரூட் உட்கொள்வதற்கு மற்றும் ஒரு வழி ஆகும்.

அக்ரூட் பருப்புகள் கி.மு 700 ஆம் ஆண்டு கால கட்டத்தில் இருந்து இருப்பதாக நம்பப்படுகிறது. கி.பி 4 ஆம் நூற்றாண்டில் பண்டைய ரோமானியர்கள், பெரும்பாலான ஐரோப்பிய நாடுகளுக்கு அக்ரூட்டை அறிமுகம் செய்தனர். அப்போது இருந்து அது அந்த நாடுகளில் வளர்க்கப்பட்டு வருகிறது. இன்றைய நாட்களில் வணிக ரீதியாக விற்பனைக்குக் கிடைக்கின்ற, நாம் பயன்படுத்துகின்ற அக்ரூட், இந்தியா மற்றும் காஸ்பியன் கடலை சுற்றியுள்ள பகுதிகளை சார்ந்தது ஆகும். ஆங்கிலேய வணிகர்கள் வியாபாரத்துக்காக அதை உலகம் முழுவதும் எடுத்துச் சென்ற பிறகு, அது ஆங்கிலேய அக்ரூட் என்று அழைக்கப்பட்டது. கருப்பு அக்ரூட் என்பது, வட அமெரிக்காவை மட்டுமே சார்ந்த மற்றொரு வகை ஆகும். தற்சமயத்தில் அக்ரூட், சீனா, ஈரான், மற்றும் ஐக்கிய அமெரிக்க நாடுகளுக்குள் கலிபோர்னியா மற்றும் அரிசோனா ஆகிய பகுதிகளில் வளர்க்கப்படுகின்றன.

உங்களுக்குத் தெரியுமா?

மற்ற பருப்புகளைப் போல் அல்லாமல் அக்ரூட், உண்மையில் பருப்பு அல்ல, அது அக்ரூட் மரத்தில் இருந்து பெறப்படும் ஒற்றை விதையைக் கொண்ட கனி ஆகும். அக்ரூட் என்று நமக்குத் தெரிந்த அது, உண்மையில் அக்ரூட் பழத்தில் உள்ள விதைகளை இரண்டாகப் பிளந்து, அதிலிருந்து பெறப்படுவது ஆகும்.

அக்ரூட் பற்றிய சில அடிப்படை விவரங்கள்:

  • தாவரவியல் பெயர்: ஜூக்லன்ஸ் ரெஜியா (ஆங்கில அக்ரூட்)
  • குடும்பம்: ஜூக்லாண்டாசியயி.
  • பொதுவான பெயர்கள்: வால்நட், அக்ரூட்
  • பயன்படும் பாகங்கள்: அக்ரூட் கொட்டைக்குள் இருக்கும் பருப்பு பகுதியே பெரும்பாலும் பயன்படுத்தப்படுகிறது. இருப்பினும், அதன் மேல் தோல் மற்றும் இலைகளும் ஆரோக்கியம் அளிக்கும் நன்மைகளைக் கொண்டிருப்பதாகப் கூறப்படுகிறது.
  • சொந்த பிராந்தியம் மற்றும் புவியியல் பரவுதல்: ஒரு காலத்தில் அக்ரூட்கள், இந்தியா மற்றும் வட அமெரிக்காவின் பகுதிகளை சார்ந்தவையாக இருந்தாலும் கூட, தற்போது அவை வணிக ரீதியிலான விற்பனைக்காக, சீனா, ஈரான், துருக்கி, மெக்ஸிகோ, உக்ரைன், சிலி, மாற்று அமெரிக்க ஐக்கிய நாடுகளில் வளர்க்கப்படுகின்றன. சீனா, உலக அளவில் மிகப் பெரிய அக்ரூட் உற்பத்தியாளராக இருக்கிறது. 2016-17 வருடத்தில், உலகத்தின் மொத்த அக்ரூட் உற்பத்தியில், சீனா 50% பங்களிப்பை அளித்திருக்கிறது. இந்தியாவில், அக்ரூட்டுகள், வடக்கு மற்றும் வட கிழக்கு மாநிலங்களான ஜம்மு & காஷ்மீர், உத்தராஞ்சல், இமாச்சலப் பிரதேசம் மற்றும் அருணாச்சலப் பிரதேசம் ஆகிய மாநிலங்களில் உற்பத்தி செய்யப்படுகின்றன. இந்திய அளவில், ஜம்மு & காஷ்மீர் மாநிலம், மிகப் பெரிய அக்ரூட் உற்பத்தியாளராக விளங்குகிறது.
  • சுவாரசியமான தகவல்: முந்தைய ரோமானிய காலத்தில், அக்ரூட்டுகள் கடவுள்களின் ஒரு உணவாகக் கருதப்பட்டன, மேலும் ஜுபிடர் கடவுளின் பெயர் சூட்டப்பட்டதால், அவற்றின் அறிவியல் பெயர் ஜூக்லான்ஸ் ரெஜியா ஆகும்.
  1. அக்ரூட் ஊட்டச்சத்து விவரங்கள் - Walnuts nutrition facts in Tamil
  2. அக்ரூட்டின் ஆரோக்கியம் அளிக்கும் நன்மைகள் - Walnuts health benefits in Tamil
  3. அக்ரூட்டுகளின் பக்க விளைவுகள் - Walnuts Side effects in Tamil
  4. முக்கியக் குறிப்புகள் - Takeaway in Tamil

அக்ரூட்டுகள், ஆக்சிஜனேற்ற எதிர்ப்பிகள் மற்றும் வைட்டமின் இ ஆகியவற்றை செறிவாகக் கொண்டிருக்கின்றன. மேலும் அவை பன்மை செறிவற்ற கொழுப்புக்களையும் ஒரு நல்ல அளவில் கொண்டு இருக்கின்றன. அவை, 65% கொழுப்புகள் மற்றும் 15% புரதம் மற்றும் குறைந்த அளவு கார்போஹைட்ரேட்டுகளைக் கொண்டிருக்கின்றன. மேலும் அவை, நார்ச்சத்தையும் செறிவாகக் கொண்டிருக்கின்றன. மற்ற பருப்புகளைப் போலவே அக்ரூட்களின் கலோரிகளும், அவற்றின் உயர் கொழுப்பு உட்பொருளின் மூலமாகக் கிடைக்கின்றன. அது அவற்றை ஒரு ஆற்றல் நிறைந்த மற்றும் கலோரிகள் அதிகம் உள்ள உணவாக ஆக்குகிறது.

கால் பங்கு குவளை அளவு உள்ள அக்ரூட்டுகள், தினசரி எடுத்துக் கொள்ள அறிவுறுத்தப்படும் தாவரம்-சார்ந்த ஒமேகா-3 கொழுப்புகளின் அளவில் 100% க்கும் அதிகமாகவும், அத்துடன் சேர்ந்து அதிக அளவிலான தாமிரம், மெக்னீசியம், மாலிப்டினம், மற்றும் பயோட்டின் ஆகியவற்றையும் வழங்குகிறது.

யு.எஸ்.டி.ஏ தேசிய ஊட்டச்சத்து தகவல்தளத்தின் படி, 100கி அக்ரூட் பின்வரும் அளவுகளில் ஊட்டச்சத்துக்களைக் கொண்டிருக்கிறது:

ஊட்டச்சத்து 100 கிராமில் உள்ள அளவு
தண்ணீர் 6.28 கி
ஆற்றல் 500 கி.கலோரி
புரதம் 8.28 கி
கொழுப்புகள் 35.71 கி
கார்போஹைட்ரேட்டு 47.59 கி
நார்ச்சத்து 3.6 கி
சர்க்கரைகள் 32.14 கி
தாதுக்கள்  
சுண்ணாம்புச்சத்து 71 மி.கி
இரும்புச்சத்து 1.29 மி.கி
பொட்டாசியம் 232 மி.கி
சோடியம் 446 மி.கி
கொழுப்புகள்/ கொழுப்பு அமிலங்கள்  
செறிவுற்றவை 3.571 கி
ஒற்றை செறிவற்றவை 5.357 கி
பன்மை செறிவற்றவை 25 கி

சாசுரேட்டேட் 6.279 கிராம் மோனோஅன்சாசுரேட்டேட் 24.426 கிராம் பாலிஅன்சாசுரேட்டேட் 15.558 கிராம்

அக்ரூட், உங்கள் ஆரோக்கியத்துக்கும் மற்றும் நல்வாழ்வுக்கும் பல்வேறு நன்மைகளைக் கொண்டிருக்கின்றது. ஆனால், நீங்கள் ஆரோக்கியமாக இருக்க அது சரியாக எவ்வாறு உதவுகிறது? அதை நீங்கள் இந்தப் பிரிவில் கண்டறியலாம்:

  • மூளைக்காக: அக்ரூட், அதிக அளவிலான ஆக்சிஜனேற்ற எதிர்ப்பிகள் மற்றும் பன்மை செறிவுறாக் கொழுப்பு அமிலங்களைக் கொண்டிருக்கிறது. அவை, அக்ரூட்டை உங்கள் மூளைக்கு ஏற்ற ஒரு மிகச்சிறந்த உணவாக மாற்றுகின்றன. டி.எச்.ஏ மற்றும் ஏ.எல்.ஏ. ஆகியவை, மூளையின் கட்டமைப்பு மற்றும் செயல்பாட்டினை மேம்படுத்த, அதன் மூலம் நினைவாற்றலை அதிகரிக்க, மற்றும் பகல் இரவு சுழற்சியைப் பராமரிக்க உதவுகின்றன. மேலும் அவை, பார்க்கின்ஸன் நோய் மற்றும் அல்சைமர் நோய் ஆகியவை ஏற்படும் அபாயத்தைக் குறைக்கின்றன மற்றும் வலிப்பு நோய்கள் மற்றும் கை கால் வலிப்பு ஏற்படாமல் தடுக்கின்றன.
  • உடல் எடைக் குறைப்புக்காக: அக்ரூட்டுகள், நார்ச்சத்தின் ஒரு செறிவான ஆதாரம் ஆகும். அவை, ஒரு ஆரோக்கியமான சிற்றுண்டியாக, உங்களுக்கு நீண்ட நேரத்துக்கு வயிறு நிரம்பிய உணர்வைக் கொடுக்கின்றன. மேலும் அவை, உடலின் செரிமானம் மற்றும் கொழுப்பு வளர்சிதை மாற்ற செயல்பாடுகளை மேம்படுத்தவும் கூட உதவுகின்றன.
  • இதயத்துக்காக:ஆக்சிஜனேற்ற எதிர்ப்பிகளின் ஒரு செறிவான ஆதாரமாக இருப்பதால் அக்ரூட்டுகள், உங்கள் இதய ஆரோக்கியத்துக்கு நன்மை அளிக்கக் கூடியவை ஆகும். அவை இரத்த அழுத்த கொழுப்புகளைக் குறைக்க உதவுகின்றன, அதன் மூலம் இதயநாள கோளாறுகள் ஏற்படும் அபாயத்தைக் குறைக்கின்றன.
  • முதுமை-தடுப்பு காரணியாக: அதன் ஆக்சிஜனேற்ற உட்பொருள், அதனை ஒரு முதுமை -எதிர்ப்பு உணவாகவும் ஆக்குகிறது. அது, சருமம் மற்றும் முடியில் ஏற்படும் முதுமைக்கான உடலியல் சார்ந்த அறிகுறிகளைக் குறைக்க உதவுவது மட்டும் அல்லாமல் கூடவே, வயதாவதால் ஏற்படும் நினைவாற்றல் பிரச்சினைகளைத் தவிர்த்து, நினைவாற்றலை மேம்படுத்தவும் உதவுகிறது.
  • நீரிழிவுக்காக: மருத்தவ ஆய்வுகளில் தெரிவிக்கப்பட்ட படி அக்ரூட்டுகள், நீரிழிவைத் தடுப்பதில் உதவிகரமாக இருக்கக் கூடும்.
  • புற்றுநோய்க்கு எதிராக: அக்ரூட்டுகளை சாப்பிடுவது, புற்று நோய் ஏற்படும் அபாயத்தை, குறிப்பாக, ப்ரோஸ்டேட் சுரப்பி அல்லது மலக்குடலில் ஏற்படும் புற்றுநோய் அபாயத்தைக் குறைப்பதில் உதவலாம்.
  • கருத்தரித்தலுக்காக: அக்ரூட்டுகள், விந்தணுக்களின் தரம் மற்றும் எண்ணிக்கையை அதிகரிப்பதன் மூலம், ஆண்களின் பாலுறவு செயல்பாட்டினை மேம்படுத்துவதில் உதவக் கூடும்.
  1. மூளை ஆரோக்கியத்துக்காக அக்ரூட்டுகள் - Walnuts for brain health in Tamil

மூளை ஆரோக்கியத்துக்காக அக்ரூட்டுகள் - Walnuts for brain health in Tamil

அக்ரூட்டுகள், நமது மூளைக்கான ஒரு சிறப்பான உணவு ஆகும். ஆராய்ச்சி சான்றுகள், அக்ரூட்டுகளை உட்கொள்வது, உங்கள் மூளையின் ஆரோக்கியத்தைப் பராமரிக்கவும் மற்றும் முதுமை தொடர்பான நரம்பு சிதைவு பிரச்சினை உங்களை நெருங்காமல் காக்கவும் உதவுகிறது என்று தெரிவிக்கின்றன. உங்கள் மூளைக்கு அக்ரூட்டுகள் அளிக்கின்ற, அறிவியல்ரீதியாக நிரூபணமான நன்மைகளைப் பற்றி, நாம் இப்பொழுது ஒரு பார்வை பார்க்கலாம்.

  • அவை, மூளையின் செல் கட்டுமானம் மற்றும் செயல்பாட்டினைப் பராமரிக்க மிகவும் முக்கியமானவையான பன்மை செறிவுறா கொழுப்பு அமிலங்கள், டி.எச்.ஏ. மற்றும் ஏ.எல்.ஏ. ஆகியவற்றை செறிவாகக் கொண்டிருக்கிறது .கூடவே அவை, மூளையில் ஏற்படுகின்ற ஆக்சிஜனேற்ற நச்சுத்தன்மையைக் குறைத்து, அதன் மூலம் அறிவாற்றல் மற்றும் நினைவாற்றலை அதிகரிக்கிறது.
  • அக்ரூட்டுகளில் இருக்கின்ற பாலிபெனோல்கள், உங்கள் நினைவாற்றல் செயல்பாட்டினை வலிமையாக வைத்திருக்க உதவுகின்றன.
  • மெலடோனின் என்பது, அக்ரூட்டுகளில் காணப்படும் மற்றும் ஒரு மூலக்கூறு ஆகும். அவை, பகல் இரவு சுழற்சியைப் பராமரிக்க முக்கியமானவை ஆகும். அதாவது, அக்ரூட்டுகளை உண்பது, ஒரு நல்ல இரவு உறக்கத்தை நீங்கள் பெற, உதவக் கூடியது ஆகும்.
  • பார்க்கின்ஸன் மற்றும் அல்சைமர் நோய்கள், உலகம் முழுக்க மிகவும் வழக்கமான நரம்பு சிதைவு குறைபாடுகள் ஆகும். ஆராய்ச்சியின் அடிப்படையில், அக்ரூட்டுகளைத் தொடர்ந்து உட்கொண்டு வருவதன் மூலம், இந்த நரம்பு சிதைவு நோய்கள் ஏற்படாமல் தடுக்க இயலும் என்று தெரிவிக்கப்பட்டு உள்ளது. உங்கள் உணவுப் பழக்கத்தில் அக்ரூட்டுகளை சேர்த்துக் கொள்வது, அழற்சி, உள்மூலக்கூறு சேதாரம் மற்றும் அதனால் ஏற்படும் முதுமை தொடர்பான மூளை கோளாறுகள் ஆகியவற்றில் இருந்து உங்கள் மூளையைப் பாதுகாக்கக் கூடியது ஆகும்.
  • விலங்குகள் மீது நடத்தப்பட்ட ஆய்வுகள், அக்ரூட்டுகளை உட்கொள்வது, உடலின் சில சமிஞ்கை பாதைகளை மறித்து, கை கால் வலிப்பு மற்றும் வலிப்பு ஏற்படும் அபாயத்தைக் குறைக்கக் கூடும் என்று சுட்டிக் காட்டுகின்றன.
  • அக்ரூட்டுகள் சில நபர்களுக்கு ஒவ்வாமை விளைவுகளை ஏற்படுத்தக் கூடும். அந்த விளைவுகளின் கடுமை நபருக்கு நபர் வேறுபடலாம். நாக்கு மற்றும் வாயில் அரிப்பு, படை, தொண்டையில் வீக்கம், ஆஸ்துமா தாக்குதல் மற்றும் பிறழ்வு அதிர்ச்சி ஆகியவை, அக்ரூட் ஒவ்வாமையின் பொதுவான அறிகுறிகளில் சிலவாகும்.

  • அளவுக்கு அதிகமாக அக்ரூட்டுகளை உட்கொள்வது, சில நபர்களுக்கு, குறிப்பாக மற்ற பருப்பு வகைகளுக்கு ஒவ்வாமையைக் கொண்டவர்களாக இருக்கும் நபர்களுக்கு, உடல் அரிப்பு மற்றும் வீக்கம் ஏற்படக் காரணமாகக் கூடும்.

  • அக்ரூட்டுகள், உணவுசார் நார்ச்சத்துக்கான மிகச் சிறந்த ஒரு ஆதாரமாக அறியப்படுகின்றன. இருந்தாலும், அதிகமான அளவில் எடுத்துக் கொள்ளப்படும் பொழுது இந்த நார்ச்சத்துக்கள், வயிற்றுப் போக்கு மற்றும் பிற வயிற்றுப் பிரச்சினைகள் ஏற்படக் காரணமாகக் கூடும்.

  • அக்ரூட்டுகளில் காணப்படும் ஹிஸ்டமைன் போன்ற ஒவ்வாமை கூறுகள், ஆரோக்கிய பிரச்சினைகளை, குறிப்பாக கர்ப்பிணிப் பெண்களுக்கு, மேலும் மோசமடைய செய்யக் கூடும். இது, குமட்டல் மற்றும் வயிற்று வலி போன்ற எதிர்விளைவுகளுக்குக் காரணமாகலாம்.

  • அக்ரூட்டுகள், ஆஸ்துமாவால் பாதிக்கப்பட்டவர்களுக்கு ஆபத்தானதாக இருக்கக் கூடியவை ஆகும். அவை, மூச்சு விடுதலில் பிரச்சினைகள், நாக்கு மற்றும் தொண்டையில் வீக்கம் ஆகியவற்றை ஏற்படுத்துகின்றன.

அக்ரூட்டுகள், மூளை ஆரோக்கியத்தை மேம்படுத்துகின்றன, மற்றும் இதய நோய்கள் மற்றும் புற்றுநோய் ஏற்படுவதைத் தடுக்க உதவுகின்றன. அக்ரூட்டுகள், நார்ச்சத்துக்கள், ஒமேகா-3 கொழுப்பு அமிலங்கள் போன்ற அமிலங்கள், மற்றும் பிற தாதுக்கள் மற்றும் ஊட்டச்சத்துக்களை செறிவாகக் கொண்டிருக்கின்றன. தினசரி அடிப்படையில் ஒரு மிதமான அளவில் அக்ரூட்டுகளை உட்கொள்வது, நிச்சயமாக அற்புதங்களை நிகழ்த்தும். இருந்தாலும், சில நபர்களுக்கு அக்ரூட்டுகள் ஒவ்வாமையை உண்டாக்கலாம். நீங்கள் மற்ற பருப்புகளுக்கு ஒவ்வாமையைக் கொண்டவர் என்றால், அக்ரூட்டுகளை உட்கொள்ளும் முன்னர், ஒரு ஒவ்வாமை பரிசோதனை செய்து கொள்வது மிகவும் நல்லதாகும்.

और पढ़ें ...

References

  1. Shibu M. Poulose Marshall G. Miller Barbara Shukitt-Hale. Role of Walnuts in Maintaining Brain Health with Age . The Journal of Nutrition, Volume 144, Issue 4, April 2014, Pages 561S–566S
  2. United States Department of Agriculture Agricultural Research Service. Basic Report: 12156, Nuts, walnuts, glazed. National Nutrient Database for Standard Reference Legacy Release [Internet]
  3. Bi D et al. Phytochemistry, Bioactivity and Potential Impact on Health of Juglans: the Original Plant of Walnut. Nat Prod Commun. 2016 Jun;11(6):869-80. PMID: 27534138
  4. Sujatha Rajaram et al. The Walnuts and Healthy Aging Study (WAHA): Protocol for a Nutritional Intervention Trial with Walnuts on Brain Aging. Front Aging Neurosci. 2016; 8: 333. PMID: 28119602
  5. Yin TP et al. Tannins and Antioxidant Activities of the Walnut (Juglans regia) Pellicle. Nat Prod Commun. 2015 Dec;10(12):2141-4. PMID: 26882685
  6. W. Elaine Hardman. Walnuts Have Potential for Cancer Prevention and Treatment in Mice. J Nutr. 2014 Apr; 144(4): 555S–560S. PMID: 24500939
  7. Bamberger C et al. A Walnut-Enriched Diet Affects Gut Microbiome in Healthy Caucasian Subjects: A Randomized, Controlled Trial. Nutrients. 2018 Feb 22;10(2). pii: E244. doi: 10.3390/nu10020244. PMID: 29470389
  8. Hu ED et al. High fiber dietary and sodium butyrate attenuate experimental autoimmune hepatitis through regulation of immune regulatory cells and intestinal barrier. Cell Immunol. 2018 Jun;328:24-32. PMID: 29627063
  9. Jackson CL, Hu FB. Long-term associations of nut consumption with body weight and obesity. Am J Clin Nutr. 2014 Jul;100 Suppl 1:408S-11S. PMID: 24898229
  10. Kim Y, Keogh JB, Clifton PM. Benefits of Nut Consumption on Insulin Resistance and Cardiovascular Risk Factors: Multiple Potential Mechanisms of Actions. Nutrients. 2017 Nov 22;9(11). pii: E1271. doi: 10.3390/nu9111271. PMID: 29165404
  11. Robbins WA et al. Walnuts improve semen quality in men consuming a Western-style diet: randomized control dietary intervention trial. Biol Reprod. 2012 Oct 25;87(4):101. PMID: 22895856
  12. Bitok E et al. Favourable nutrient intake and displacement with long-term walnut supplementation among elderly: results of a randomised trial. Br J Nutr. 2017 Aug;118(3):201-209. PMID: 28831957
  13. Stanford Health Care [Internet]. Stanford Medicine, Stanford University; Avoiding Asthma Triggers
  14. An Pan et al. [Walnut Consumption Is Associated with Lower Risk of Type 2 Diabetes in Women. J Nutr. 2013 Apr; 143(4): 512–518. PMID: 23427333
  15. Nakanishi M et al. Effects of Walnut Consumption on Colon Carcinogenesis and Microbial Community Structure. Cancer Prev Res (Phila). 2016 Aug;9(8):692-703. PMID: 27215566