గొంతు క్యాన్సర్ - Throat Cancer in Telugu

Dr. Ayush PandeyMBBS,PG Diploma

December 17, 2018

September 11, 2020

గొంతు క్యాన్సర్
గొంతు క్యాన్సర్

సారాంశం

గొంతు క్యాన్సర్ ను బాధపడుతున్న ప్రదేశాన్ని బట్టి వివిధ పేర్లతో చెప్పవచ్చు. దీని ప్రాథమిక లక్షణాలు తినునప్పుడు లేదా మ్రింగునప్పుడు, గొంతులో నొప్పి, మాటలాడుటలో  ఇబ్బందులు మరియు నిరంతర దగ్గు మొదలగునవి.  వయస్సు, స్త్రీ లేక పురుషుడు మరియు జన్యు దుర్బలత్వముల వంటి అనేక ప్రమాద కారకములు ఒక వ్యక్తిని కాన్సర్ కి గురిచేయుటకు కారణమగును. పొగాకు మరియు మద్యమును అతిగా సేవించుట అనునవి కూడా  గొంతు కాన్సరుతో సంబంధమును కలిగి ఉండును. నివారణే కీలకము; ఎటువంటి రకమైన గొంతు కాన్సరునైనను నివారించుటకు ప్రధాన మార్గము  ప్రమాద కారకములైన మద్యము మరియు పొగాకులను నివారించుట. గొంతు కాన్సరు శారీరక పరీక్ష, రక్త పరీక్షలు, ఇమేజింగ్ పరీక్షలు మరియు బయాప్సీలచే నిర్ధారణ చేయబడును. కీమోథెరపీ, రేడియేషన్ థెరపీ, టార్గెటెడ్ థెరపీ మరియు శస్త్రచికిత్స మొదలైనవి గొంతు కాన్సరు చికిత్స ఎంపికలు. పలురకములైన శస్త్ర సంబంధిత పద్ధతుల ద్వారా క్యాన్సరు చికిత్స అనునది అనేక దుష్ప్రభావములతో సంబంధమును కలిగి ఉండును. ఈ దుష్ప్రభావములు వైద్యులు,  సలహాదారులు మరియు కుటుంబ సభ్యుల సహాయముతో నిర్వహించబడగలవు. ప్రారంభములోనే క్యాన్సరును గుర్తించినట్లయితే మనుగడకు ఎక్కువ అవకాశము ఉండును.

గొంతు క్యాన్సర్ అంటే ఏమిటి? - What is Throat Cancer in Telugu

గొంతు క్యాన్సరు,  గొంతులో కాన్సరు కణాల లేదా అసాధారణ కణాల పెరుగుదలను సూచిస్తుంది. ఇది మాట్లాడుట లేదా తినుట వంటి సంక్లిష్టమైన ఇబ్బందులను కలగచేస్తుంది. సాధారణంగా దీని పరిమాణము ప్రారంభములో చిన్నదిగా ఉండి కాలక్రమేణా పెద్దదిగా మారుతుంది. పెరుగుదల హఠాత్తుగా వేగవంతము కావచ్చును లేదా అనేక నెలలు పట్టవచ్చును. గొంతు  క్యాన్సరు స్వరపేటిక (వాయిస్ బాక్స్), అంగుడి లేదా గొంతులోని ఇతర భాగాలను ప్రభావితం చేయవచ్చును.

గొంతు క్యాన్సర్ యొక్క లక్షణాలు - Symptoms of Throat Cancer in Telugu

గొంతు క్యాన్సరు యొక్క లక్షణములు క్యాన్సరు యొక్క స్థానము మరియు అది ఉన్న దశ మీద ఆధారపడి ఉండును. గొంతు క్యాన్సరు యొక్క ప్రారంభ లక్షణములలో కొన్ని:

  • స్వరములో మార్పులు (గొంతు రాపిడి లేదా స్పష్టముగా మాట్లాడుటలో అసమర్ధత).
  • సుదీర్ఘ దగ్గు.
  • గొంతులో మంట.
  • గొంతులో నొప్పి.
  • మ్రింగుటలో ఇబ్బంది.
  • గొంతులో అవరోధము.
  • ఆకస్మికంగా బరువు తగ్గిపోవుట.
  • కళ్ళు, దవడ మరియు గొంతులో వాపు.
  • కఫములో రక్తము.
  • చెవిలో నొప్పి.
  • చెవులలో మోత.
  • గొంతులో ఏదో చిక్కుకున్న భావన.

ఈ లక్షణాలలో చాలా వరకు లక్షణాలు సాధారణ గొంతు రోగాల లక్షణాలతో గందరగోళాన్ని కలిగిస్తాయి. ఏదేమైనప్పటికీ, గొంతు క్యాన్సరు దీర్ఘకాలిక లక్షణాలను కలిగిస్తుంది, అది క్యాన్సర్ ఎక్కువ అయినప్పుడు మాత్రమే  మరింత స్పష్టమవుతుంది.

గొంతు క్యాన్సర్ యొక్క చికిత్స - Treatment of Throat Cancer in Telugu

గొంతు క్యాన్సర్ చికిత్స యొక్క కోర్సు,  క్యాన్సర్ యొక్క స్థానం,  విధానము మరియు పరిమాణము  మీద ఆధారపడి ఉంటుంది. చికిత్స ఎంపికలు:

  • రేడియేషన్ చికిత్స
    క్యాన్సరు కొరకు రేడియేషన్ థెరపీ,  ప్రత్యేక ప్రాంతాలలో క్యాన్సర్ కణాలను గుర్తించి నాశనం చేయుటకు  గామా కిరణాల వంటి కిరణాలను నియంత్రిత మోతాదులలో ఉపయోగిస్తుంది.
  • కీమోథెరపీ
    కీమోథెరపీ, క్యాన్సర్ కణాలను తొలగించుటలో సహాయపడు కొన్ని ఔషధాల వినియోగాన్ని కలిగి ఉంటుంది. కీమోథెరపీని క్యాన్సర్ చికిత్స కొరకు  తరచుగా  రేడియోథెరపీతో కలిపి ఉపయోగిస్తారు.
  • శస్త్రచికిత్స
    శస్త్ర చికిత్స ద్వారా, కణితిని తొలగించవచ్చును. కణితిని వదిలించుకొనుటకు, ఇతర కణజాలాలు లేదా థైరాయిడ్ వంటి భాగాలు  తొలగింపబడవలసివచ్చును. ఇది పెరుగుతున్న కణితి యొక్క పరిమాణముపై ఆధారపడి ఉంటుంది. క్యాన్సర్ వ్యాప్తిని నివారించుటకు పక్కన ఉన్న శోషరస గ్రంథులు తొలగింపబడవలసివచ్చును.
  • బహుళవిధాన  చికిత్సలు
    ఇది శస్త్రచికిత్స తర్వాత రేడియోథెరపీ లేదా కీమోథెరపీ యొక్క వినియోగమును కలిగి ఉంటుంది.  ఇది సాధారణంగా పెద్ద కణితుల కొరకు నిర్వహించబడుతుంది.
  • పునర్వవస్థీకరణ చికిత్స
    క్యాన్సరు యొక్క   పునర్వవస్థీకరణ చికిత్స మరియు వైద్య చికిత్స ఒకదానితో ఒకటి సంబంధమును కలిగి ఉండును. ఇది ఆహార, ప్రసంగ మరియు మానసిక ఆరోగ్య పరమైన సహాయాన్ని కలిగి ఉంటుంది. సలహాదారులు, సామాజిక కార్యకర్తలు మరియు మనస్తత్వవేత్తలు తీవ్రమైన క్యాన్సర్ చికిత్సను తీసుకొనుట వలన కలిగే మానసిక ఒత్తిడి నుండి కోలుకొనుటకు సహాయపడతారు.

చికిత్స పద్ధతుల యొక్క దుష్ప్రభావాలు:

  • వికారం మరియు వాంతులు
    కీమోథెరపీ మందులు మరియు రేడియేషన్ థెరపీ వలన వికారం మరియు వాంతులు కలుగుతాయి.
  • మాట్లాడుటలో ఇబ్బందులు
    గొంతు యొక్క శస్త్రచికిత్స స్వరం మీద ప్రభావం చూపుతుంది. స్వరంలో మార్పుల వంటి దుష్ప్రభావాలు ఉండవచ్చును, ఇది సమయానుసారం మెరుగుపడవచ్చును లేదా మెరుగుపడక పోవచ్చును.
  • మచ్చలు
    గొంతు యొక్క ఇతర భాగాల కణజాలము తొలగింపబడిన సందర్భములో, అది మచ్చలు లేదా కొంత వైకల్యమును కలుగజేయవచ్చును.

జీవనశైలి నిర్వహణ

కొన్ని సందర్భాలలో, క్యాన్సర్ ముదిరి ఖచ్చితమైన నివారణ సాధ్యము  కాకపోవచ్చును. ఇటువంటి సందర్భాలలో, నొప్పి మరియు లక్షణాలను నిర్వహించుటకు ఉపశమన సాధనములు ఉపయోగింపబడును. ఉపశాంతి సాధనముల యొక్క కొన్ని అంశాలు:

  • నొప్పి నిర్వహణ
    ఇది వ్యక్తి యొక్క అవసరాలు మరియు చికిత్స యొక్క తీవ్రతను మనస్సులో ఉంచుకొనుట ద్వారా ప్రణాళిక చేయబడును. నొప్పి ఉపశమనమునకు నొప్పిని తగ్గించు మందులను వాడవచ్చును.
  • కుటుంబ సభ్యుల నుండి మద్దతు
    కుటుంబ సభ్యుల మరియు స్నేహితులచే అందించబడిన మద్దతు చికిత్స పొందడంలో వ్యక్తికి ఉపయోగపడునందున ఇది కీలక పాత్రను పోషిస్తుంది.
  • సలహా ఇచ్చుట
    క్యాన్సరుతో బాధపడుతున్న వ్యక్తులతో వ్యవహరించే వృత్తి పరమైన మానసిక నిపుణులచే సలహాలు మానసిక మద్దతు అందించుటలో సహాయకారిగా ఉండును. మానసిక మరియు ఆధ్యాత్మిక సలహాలు సౌకర్యాన్ని కల్పించుటలో సహాయపడును.

చికిత్సకు సంబంధించిన కోర్సులో దుష్ప్రభావాలు ఏర్పడును, వీటికి సంరక్షణ మరియు నిర్వహణ అవసరము:

  • క్యాన్సర్ చికిత్స వలన కలిగిన అలసటతో వ్యవహరించుటకు, కొద్దిగా నడక వంటి తేలికపాటి వ్యాయామములో పాల్గొనవచ్చు మరియు ఇతర కార్యకలాపాలను చేయవచ్చు, ఇవి శ్రమను కలిగించవు.
  • క్యాన్సర్ చికిత్స  జ్ఞాపకశక్తిని కూడా ప్రభావితం చేస్తుంది. క్యాన్సరుతో బాధపడుతున్న వ్యక్తులు, తాము చేసే పనులను లేదా విషయములను  వ్రాసుకొనవచ్చు మరియు అవసరమైన అంశముల జాబితా లేదా రిమైండర్లను కూడా ఉంచుకొనవచ్చును. షాపింగ్ లేదా డ్రైవింగ్ వంటి పనులు చేయుటకు స్నేహితులు మరియు కుటుంబ సభ్యుల సహాయమును తీసుకొనవచ్చును.
  • గొంతు క్యాన్సర్ చికిత్స సాధారణ పరీక్షల ద్వారా అనుసరింపబడుతుంది. పురోగతిని గుర్తించుటకు మరియు ఏ ఇతర కొనసాగుతున్న లక్షణాల యొక్క నిర్వహణ కొరకు  కొన్ని నెలలకు ఒకసారి వైద్యుడిని సందర్శించే ప్రణాళిక చేయవచ్చును.


వనరులు

  1. MedlinePlus Medical Encyclopedia: US National Library of Medicine; Throat Cancer
  2. National Cancer Institute [Internet]. Bethesda (MD): U.S. Department of Health and Human Services; Head and Neck Cancers
  3. Sloan Kettering cancer institute. [Internet]. Gerstner Sloan Kettering Graduate School of Biomedical Sciences. Throat Cancer Stages Share.
  4. Healthdirect Australia. Throat Cancer. Australian government: Department of Health
  5. American Cancer Society [internet]. Atlanta (GA), USA; Can Laryngeal and Hypopharyngeal Cancers Be Prevented?
  6. American Cancer Society [internet]. Atlanta (GA), USA; Living as a Laryngeal or Hypopharyngeal Cancer Survivor
  7. MedlinePlus Medical Encyclopedia: US National Library of Medicine; Throat or larynx cancer

గొంతు క్యాన్సర్ వైద్యులు

David K Simson David K Simson Oncology
11 वर्षों का अनुभव
Dr. Nilesh Ranjan Dr. Nilesh Ranjan Oncology
3 वर्षों का अनुभव
Dr. Ashok Vaid Dr. Ashok Vaid Oncology
31 वर्षों का अनुभव
Dr. Ashu Abhishek Dr. Ashu Abhishek Oncology
12 वर्षों का अनुभव
ఆడియో కొద్దిగా ఆలస్యం కావచ్చు

గొంతు క్యాన్సర్ కొరకు మందులు

గొంతు క్యాన్సర్ के लिए बहुत दवाइयां उपलब्ध हैं। नीचे यह सारी दवाइयां दी गयी हैं। लेकिन ध्यान रहे कि डॉक्टर से सलाह किये बिना आप कृपया कोई भी दवाई न लें। बिना डॉक्टर की सलाह से दवाई लेने से आपकी सेहत को गंभीर नुक्सान हो सकता है।