కాల్షియం అధికంగా ఉండే భారతీయ ఆహారాలు - Calcium Rich Indian Food in Telugu

పాలు మరియు పాల ఉత్పత్తులు మీ ఆహారంలో కాల్షియంను జోడించడానికి సులభంగా లభించే మరియు తక్కువ ఖర్చుతో కూడుకున్న మార్గాలలో ఉత్తమమైనవి. మీకు శాస్త్రీయ ఆధారాల గురించి అంతగా తెలియనప్పటికీ, పాలలో అధిక కాల్షియం ఉంటుంది అనే విషయాన్నీ గురించి మీరు వినే ఉంటారు. ఎముక నిర్మాణాన్ని నిర్వహించడంపై పాల ఉత్పత్తుల ప్రయోజనాల గురించి  విస్తృతంగా పరిశోధనలు జరగడం దీనికి కారణం.

రోజూ పాలు తాగే పిల్లలు మరియు యువకులు మరియు పెద్దలలో ఆస్టియోపోరోసిస్ వచ్చే ప్రమాదం చాలా తక్కువగా ఉంటుందని అధ్యయనాలు సూచిస్తున్నాయి. ఇప్పటికే ముందు జాగ్రత్త తెసుకోవాల్సిన వయస్సును దాటిపోయారని మీరు బాధపడవలసిన అవసరం లేదు. ఎముక సాంద్రతను కాపాడటానికి మరియు మెరుగుపరచడానికి మరియు అదనపు కాల్షియం సప్లిమెంట్ అవసరం లేకుండానే పాలు మీకు ఎప్పుడైనా సహాయపడతాయి. మెటా-ఎనాలిసిస్ ప్రకారం, పరీక్షా సందర్భంలో పాల వినియోగం కాల్షియం స్థాయిలను పునరుద్ధరించడమే కాక సాధారణ సందర్భాలలో కూడా (సాధారణంగా ఇంటిలో పాలు త్రాగడం) అదే ఫలితాలు కలుగుతాయని గుర్తించబడింది.

ఆహారం నుండి సరైన కాల్షియం శోషణకు విటమిన్ డి అవసరం. ‘న్యూట్రిషన్ రీసెర్చ్ అండ్ ప్రాక్టీస్’ లో ప్రచురితమైన క్లినికల్ అధ్యయనం విటమిన్ డి స్థాయిల పెరుగుదలతో పాటు కాల్షియం స్థాయిలలో పెరుగుదలను కూడా గమనించినట్లు తెలిపింది. కాబట్టి, పాల ఉత్పత్తులలో కాల్షియం సమృద్ధిగా ఉండటమే కాక శరీరంలో కాల్షియం శోషణను కూడా సులభతరం చేస్తాయి.

ఈ ప్రయోజనాలన్నీ ఉన్నప్పటికీ, సాధారణంగా పాల ఉత్పత్తులను కొంచెం దూరం పెట్టడం జరుగుతుంది. అదనపు కొవ్వులు మరియు గుండె జబ్బులు వచ్చే ప్రమాదం ఉందనే భయం దీనికి కారణం. ఈ విషయం మీకు ఆందోళన కలిగిస్తున్నట్లయితే, మీరు తక్కువ కొవ్వు ఉన్న పాలను ఎంచుకోవచ్చు, వీటిలో కూడా మీకు అవసరమైన కాల్షియం అంతా లభిస్తుంది. అలాగే, ఇది ఆరోగ్యానికి పెద్దగా ముప్పు కలిగించదు మరియు లాక్టోస్ అసహనం ఉన్నవారికి ఎల్లప్పుడూ పెరుగు మరియు చీజ్ యొక్క ఎంపిక ఉంటుంది.

రోజుకు పాల ఉత్పత్తుల యొక్క 2 నుండి 3 సేర్విన్గ్స్ సురక్షితమని అధ్యయనాలు సూచిస్తున్నాయి.

కాల్షియం వనరుల గురించి ఆలోచిస్తూ ఉన్నవారికి పండ్లు కూడా ముఖ్యమైన ఎంపికలు. ఎండు అంజూర పండ్లలో ఒక గ్లాసు పాలలో ఉండే కంటే ఎక్కువ కాల్షియం ఉంటుందని తెలిస్తే మీరు ఆశ్చర్యపోవచ్చు. రోజూ ముఖ్య ఖనిజాలు తీసుకోవడం వలన రక్తంలో ఖనిజ పదార్థ శాతం పెరుగుతుందని అధ్యయనాలు సూచిస్తున్నాయి. కమల పండు కూడా కాల్షియం అధికంగా ఉండే మరొక పండు, ఇది శరీరంలో కాల్షియం మరియు విటమిన్ డి స్థాయిలను పెంచుతుందని కనుగొనబడింది.

బొప్పాయి, అంజూర పళ్ళు, నారింజ, స్ట్రాబెర్రీ మరియు ఆప్రికాట్ పండు వంటి పండ్లను కలిపి  సలాడ్ చేసుకుని తినడం ద్వారా కాల్షియంను పొందవచ్చు లేదా వాటిని స్మూతీ లేదా జ్యూస్ లా  తయారు చేసుకుని వియోగించవచ్చు.

ఆకుకూరలు మరియు బ్రాసికెసి కుటుంబం (క్యాబేజీ మరియు బ్రోకలీ) లోని కూరగాయలు కాల్షియం యొక్క ఉత్తమ వనరులు. వాస్తవానికి, ఈ కూరగాయల యొక్క చేదు రుచి వీటిలో ఉండే అధిక కాల్షియం కారణంగా ఉండవచ్చని ఊహించబడింది. బ్రోకలీ, కాలే మరియు బచ్చలికూర వంటి కూరగాయలు ఆస్టియోపోరోసిస్ విషయంలో  వాటి వైద్య ప్రయోజనాల కోసం ప్రత్యేకంగా గుర్తించబడతాయి.

కాబట్టి, ఆ కూరగాయలని మీ ప్లేట్ నుండి పక్కకు  తీసేయడం ఆపి తినడం మొదలు పెట్టండి.

నట్స్, ముఖ్యంగా బాదం మరియు పిస్తా మరొక రకమైన కాల్షియం అధికంగా ఉండే ఆహారాలు. కొన్ని నట్స్ కాల్షియంను అందించడమే కాక, విటమిన్ డిలో కూడా సమృద్ధిగా ఉంటాయి అంటే అవి ఎముక సాంద్రతను పెంచడంలో సహాయపడతాయి మరియు కాల్షియం శోషణ మరియు సమీకరణ (శరీరంలో కలుపుకోవడం)లో కూడా పాత్ర పోషిస్తాయి.

కొన్ని జన్యువుల వ్యక్తికరణను తగ్గించడం ద్వారా బాదం పిక్కలు ఎముకలు విరిగే ప్రమాదాన్ని తగ్గిస్తాయని అధ్యయనాలు సూచిస్తున్నాయి, తద్వారా ఎముక వ్యాధులు మరియు ఫ్రాక్చర్లు సంభవించే అవకాశాలు తగ్గుతాయి. మరోవైపు, నువ్వులు, కాల్షియం యొక్క అధిక వనరులలో ఒకటి. ఒక టీస్పూన్ నువ్వులలో 130 మి.గ్రా కాల్షియం ఉంటుంది. ఫ్రూట్ సలాడ్‌లలో నువ్వులను చేర్చవచ్చు లేదా మీరు దీన్ని వంటకాల్లో కూడా జోడించవచ్చు.

గోధుమ వంటి ధాన్యపు ఆహారాలు కాల్షియం యొక్క అధిక జీవ లభ్యతను కలిగి ఉంటాయి, ఇది పాలకు సమానం. అయినప్పటికీ, వంటలో, వారు అందుబాటులో ఉన్న కాల్షియం చాలావరకు కోల్పోతారు.

టోఫు మరియు సోయా పాలు వంటి సోయా ఉత్పత్తులు కాల్షియంకు మంచి ఆహార పదార్ధాలుగా పరిగణించబడుతున్నప్పటికీ, ఈ ఉత్పత్తుల యొక్క కాల్షియం పరిమాణం చాలా వైవిధ్యంగా ఉంటుందని తేలినందున వీటిపై పూర్తిగా ఆధారపడరాదు. అలాగే, చాలావరకు వీటిలో కాల్షియం ఆక్సలేట్ల రూపంలో లభిస్తుంది, ఇవి తక్కువగా జీర్ణమవుతాయి ఆ కారణంగా శరీరంలో పేరుకుపోతాయి. కాబట్టి, సోయా పాలు మరియు టోఫులు వాటి యొక్క కాల్షియం మరియు పోషక విలువను పెంచడానికి ఫోర్టిఫై చేయబడుతున్నాయి.

కాల్షియం అధికంగా ఉండే ఆహారాలను తినడమే కాకుండా, తృణధాన్యాలు మరియు పెరుగు వంటి కొన్ని ఆహారాలలో కాల్షియం పరిమాణాన్ని పెంచడానికి ఫోర్టిఫై (విటమిన్లు, ఖనిజాలు వంటివి ఆహారాలకు అదనంగా జోడించడం) చేయబడతాయి. అయినప్పటికీ, ఆహార ఫోర్టిఫికేషన్ అవసరమైన పోషకాల కంటే ఎక్కువ ఇస్తుందా అనే  విషయం పై చాలా చర్చలు జరుగుతున్నాయి. కాల్షియం ఫోర్టిఫికేషన్ అనేది కాల్షియంను సరఫరా చేయడానికి సురక్షితమైన మార్గం అని అధ్యయనాలు సూచిస్తున్నాయి. అయినప్పటికీ, కొన్ని అధ్యయనాల ప్రకారం అధిక కాల్షియం వినియోగం ఎముక ఫ్రాక్చర్ల అవకాశాలను పెద్దగా తగ్గించదని తెలుస్తుంది. కాల్షియం ఫోర్టిఫై  చేసిన ఆహారం యొక్క ప్రయోజనాల గురించి మరింత తెలుసుకోవడానికి పోషకాహార నిపుణుడిని సంప్రదించడం మంచిది.