కొబ్బరి నీళ్ల ప్రయోజనాలు, కేలరీలు, ఉపయోగాలు, పోషక విలువలు, దుష్ప్రభావాలు - Benefits, Calories, Uses, Nutrition facts, Side effects of Coconut Water in Telugu

కొబ్బరి నీళ్లు, నీరు మరియు ఎలెక్ట్రోలైట్ల తో సమృద్ధిగా ఉండడంవల్ల, శరీరం కోల్పోయిన ఖనిజాలు మరియు ద్రవాలను సమర్థవంతంగా తిరిగి తీసుకురావచ్చు. పని తర్వాత తాగే పానీయాలకు సహజ ప్రత్యామ్నాయ పానీయంగా కొబ్బరి నీటి ఉపయోగం పెరుగుతుంది. కొబ్బరి నీటి ప్రభావాన్ని అంచనా వేయడానికి, కార్బోహైడ్రేట్-ఎలక్ట్రోలైట్ సంతులనం మరియు స్వచ్చమైన నీటిని కలిగిన ఒక పానీయంతో పోల్చి ఒక అధ్యయనం నిర్వహించబడింది,అది కొబ్బరి నీరు రుచిలో తియ్యగా ఉందని మరియు దాని వినియోగం వికారం కలిగించలేదు అని ఆ అధ్యయనం సూచించింది. ఇది కడుపు నిండిన భావనను ప్రోత్సహించింది మరియు కడుపు తిప్పును కలిగించలేదు. ఈ అధ్యయనం, కొబ్బరి నీటిని వ్యాయామం తరువాత రీహైడ్రేషన్ కోసం మంచి వనరుగా ఉపయోగించుకోవచ్చని తేల్చింది.

స్వేచ్ఛా రాశులు (free radicles) అనేవి శరీర యొక్క సహజ జీవక్రియ విధుల నుండి ఉత్పత్తి ఐన అస్థిరమైన అణువులు (unstable molecules). కానీ ఈ రియాక్టివ్ ఆక్సిజన్ జాతుల అధిక మోతాదు శరీరం కణాలను దెబ్బతీస్తుంది మరియు ఆక్సీకరణ ఒత్తిడిని పెంచుతుంది. క్యాన్సర్, అథెరోస్క్లెరోసిస్ మరియు మధుమేహం వంటి వివిధ వ్యాధులకు అధిక ఆక్సీకరణ ఒత్తిడి కారణం అవుతుంది. కాబట్టి స్వేచ్ఛా రాశులు చేరికను ఎలా నిరోదించాలి?

యాంటీఆక్సిడెంట్లు శరీరంలోని స్వేచ్ఛా రాశుల చేరికను నివారించే పదార్థాలు. పరిశోధన కొబ్బరి నీటిలో ఆక్సీకరణ ఒత్తిడి నిరోధించడానికి సహాయపడే అధిక యాంటీఆక్సిడెంట్లు ఉన్నాయని సూచిస్తుంది. కొబ్బరి నీటిలో ఆస్కార్బిక్ ఆమ్లం (ascorbic acid), కాఫీక్ ఆమ్లం( caffeic acid) మరియు అనేక రకాల ఫినాల్ కాంపౌండ్స్ ఉన్నాయి, ఇవి స్వేచ్ఛా రాశులను తుడిచివేయడానికి బాధ్యత వహిస్తాయి. కొబ్బరి నీటిలో ఉండే యాంటీఆక్సిడెంట్లు రక్తపోటు, రక్తంలో గ్లూకోజ్ స్థాయి మరియు ట్రైగ్లిజరైడ్ స్థాయి మరియు శరీరంలోని కొవ్వు ఆమ్ల స్థాయిలను సమర్ధవంతంగా తగ్గిస్తాయని మరియు శరీర సహజ యాంటీఆక్సిడెంట్ కార్యకలాపాలను గణనీయంగా మెరుగుపరుస్తాయని ఒక ప్రీక్లినికల్ అధ్యయనం తెలిపింది.

(మరింత సమాచారం: యాంటీఆక్సిడెంట్లు అధికంగా ఉండే ఆహారాలు)

బరువు పెరగడానికి  ప్రధాన కారణాలలో ఒకటి  కేలరీలను అధికంగా తీసుకోవడం. గ్యాస్ ఉన్న పానీయాలు మరియు రసాలలో అధిక చక్కెర పదార్థాలు ఉంటాయి మరియు ఈ పానీయాలు  క్యాలరీలను అధికం చేస్తాయి, అయినప్పటికీ ఆకలిని తగ్గించవు కూడా. కొబ్బరి నీరు రసాలు, శీతల పానీయాల, మరియు స్పోర్ట్స్ పానీయాలు (sports drinks) కంటే తక్కువ చక్కెరలను కలిగి ఉంటుంది. ఆ అదనపు కేలరీలను నివారించాలని కోరుకుంటే దానికి కొబ్బరినీరు సహాయం చేస్తుంది. కొబ్బరి నీరు సేవించడం అనేది  బరువు తగ్గడానికి సహాయపడుతుంది. కొబ్బరి నీరు డైటరీ ఫైబర్ కు ఒక గొప్ప మూలం, అది  జీర్ణం అవ్వడానికి సమయం పడుతుంది  అందుకే అది శరీరంలో అధిక సమయం పాటు ఉంటుంది మరియు సంపూర్ణమైన భావనను కలిగిస్తుంది. అందువల్ల,  ఆకలి తక్కువ వేస్తుంది మరియు తక్కువ తినవచ్చు.

(మరింత సమాచారం: ఊబకాయం చికిత్స)

మూత్రపిండాల రాళ్ళు అనేవి మూత్రపిండాల్లో ఏర్పడిన ఘన స్ఫటికాలు (solid crystals) అవి మూత్రం విసర్జన చేస్తున్నపుడు తీవ్రమైన కడుపు నొప్పి మరియు మంటని కలిగిస్తాయి. ఇది హెమటూరియా (మూత్రంలో రక్తం) ను కూడా కలిగి ఉంటుంది, ఇది మూత్ర వ్యవస్థ గోడలపై రాళ్ళ యొక్క రాపిడి ద్వారా సంభవిస్తుంది. ఏడు వారాల పాటు జంతు నమూనాలపై జరిపిన ఒక అధ్యయనం కొబ్బరి నీటి వినియోగం మూత్రపిండాల రాళ్ళను తగ్గించిందని మరియు మూత్రంలో ఏర్పడిన స్ఫటికాల (crystals) సంఖ్యను తగ్గిస్తుందని వెల్లడించింది. ఈ పరిశోధన కొబ్బరి నీటిని మూత్రపిండాల రాళ్ల చికిత్స కోసం ఒక సహజ కర్తగా ఉపయోగించవచ్చని సూచిస్తుంది.

సాధారణ అంటువ్యాధులు, కాలుష్యం మరియు హానికరమైన UV కిరణాల నుంచి రక్షించే మొట్టమొదటి రక్షణ శ్రేణి మన చెర్మం. ఇది అత్యంత ముఖ్యమైన అవయవాలలో ఒకటి. సర్వోత్తమంగా ఆరోగ్యాన్ని కాపాడుకోవటానికి, చర్మ వ్యాధులు, నల్లబడటం మరియు హానికరమైన స్వేచ్ఛారాశులు వంటి వివిధ సమస్యల నుండి దీనిని కాపాడటం చాలా అవసరం. ఒక ప్రకాశవంతమైన, ఆరోగ్యకరమైన మరియు దోషరహిత చర్మం కోసం ఏమి చెయ్యాలంటే? చర్మం నల్లబడడాన్ని తగ్గించేందుకు కొబ్బరి నీటిని ఉపయోగించవచ్చని పరిశోధనలో తేలింది. కొబ్బరి నీరు విటమిన్ సి తో సమృద్ధిగా ఉంటుంది, ఇది ఒక ఉపయోగకరమైన ప్రతిక్షకారిణి (యాంటీఆక్సిడెంట్).

చర్మం UV కిరణాలుకు, వాపుకు మరియు ఇన్ఫెక్షన్లకు గురికావడం వలన చర్మంనల్లబడటం, చర్మ వృద్ధాప్య లక్షణాలు సంభవిస్తాయి. వాటి నివారణకు కొబ్బరి నీటిలో ఉన్న విటమిన్ సి ను ఉపయోగించవచ్చు అని పరిశోధనలు తెలుపుతున్నాయి.

మరోక అధ్యయనం కొబ్బరి నీరు అనేక రకాల యాంటీ బాక్టీరియల్ మరియు యాంటీ ఫంగల్ లక్షణాలతో సమృద్ధిగా ఉందని సూచించింది, ఇది సాధారణ చర్మ వ్యాధుల నుండి చర్మాన్ని రక్షించగలదు.

కొబ్బరి నీరు జుట్టు కోసం అనేక ప్రయోజనాలను కలిగి ఉంది.యాంటీఆక్సిడెంట్లు అధికంగా ఉండటం వల్ల జుట్టుకి నష్టం జరగకుండా మరియు త్వరగా జుట్టు నెరవడాన్ని తగ్గించవచ్చు. ఒక పరిశోధన కొబ్బరి నీటిని జుట్టుకు పూస్తే, జుట్టుకు తేమను మరియు జుట్టు మేరవాడానికి సహాయపడుతుందని తెలిపింది. అదనంగా, కొబ్బరి నీటిలో ఉండే కాప్రిలిక్ ఆమ్లం (caprylic acid) చుండ్రు నివారించడానికి ఉపయోగకరంగా ఉండే యాంటీ ఫంగల్ లక్షణాలను కలిగి ఉంది అని తెలిసింది.

హైపర్లిపిడెమియా (hyperlipidemia) అనేది రక్తంలో అధికంగా కొవ్వు శాతం ఉండే ఒక పరిస్థితి. గుండె జబ్బులు, గుండె పోటు మొదలైన సమస్యల ప్రమాదాన్ని ఇది పెంచుతుంది. కొబ్బరి నీరు శరీరంలో కొలెస్ట్రాల్ స్థాయిని తగ్గించగలదని పరిశోధన సూచిస్తుంది. కాల్షియం, పొటాషియం మరియు మెగ్నీషియం వంటి ముఖ్యమైన ఖనిజాలు మరియు ఆస్కార్బిక్ ఆమ్లం (ascorbic acid) మరియు ఐ-ఆర్గిన్ (i - arginine) వంటివి కొవ్వు స్థాయిలపై సానుకూల ప్రభావాలను కలిగి ఉంటాయి.

కొబ్బరి నీరు మొత్తం కొలెస్ట్రాల్ స్థాయి (TC), చెడ్డ కొలెస్ట్రాల్ స్థాయి (LDL) స్థాయిని తగ్గించి మరియు మంచి కొలెస్ట్రాల్ స్థాయిని (HDL) పెంచుతుందని ఒక ప్రీక్లినికల్ అధ్యయనం వెల్లడించింది.

మీకు పార్టీలు ఇష్టమైతే , కొబ్బరి నీటి ఈ ప్రయోజనం గురించి మీకు తెలిసే ఉంటుంది. కొబ్బరి నీరు హ్యాంగోవర్ కోసం ఒక అద్భుతమైన చిట్కాలా పనిచేస్తుంది. మద్యం వలన  శరీరం నుండి బయటకు పోయిన ముఖ్య ద్రవాలను తిరిగి శరీరానికి చేరుస్తుంది.    

మధుమేహం అనేది రక్తంలో చక్కెర జీవక్రియను నిర్వహించడంలో శరీర అసమర్థత కారణంగా దీర్ఘకాలిక హైపర్గ్లైసీమియా (Hyper glycemia) (రక్తంలో గ్లూకోజ్ అధికంగా ఉంటుంది) వలన సంభవించే ఒక పరిస్థితి. అనేక అధ్యయనాలు కొబ్బరి నీటి హైపోగ్లైసీమిక్ (రక్తం లో చెక్కెర స్థాయిని తగ్గించే) సంభావ్యతను సూచిస్తున్నాయి. జంతు నమూనాలపై జరిపిన ఒక అధ్యయనం కొబ్బరి నీరు రక్తం గ్లూకోజ్ స్థాయిని మరియు గ్లైకోసైల్డ్ హేమోగ్లోబిన్ (glycosylated haemoglobin) స్థాయిని తగ్గిస్తుందని చూపించింది, గ్లైకోసైల్డ్ హేమోగ్లోబిన్ అనేది ఒక వ్యక్తి యొక్క సగటు రక్త గ్లూకోస్ స్థాయి యొక్క కొలత.

వివిధ రకాల కారణాల వల్ల కండరాల తిమ్మిరి కలుగుతుంది. మెగ్నీషియం యొక్క లోపం వలన కండరాల తిమ్మిరి కలుగుతుందని అని అధ్యయనాలు సూచిస్తున్నాయి. మెగ్నీషియం అధికంగా ఉన్న ఆహారం మీ కండరాలు బలంగా ఉండిపోతాయి. అధిక వ్యాయామం కూడా కండరాల తిమ్మిరికి కారణం కావచ్చు. చెమట శరీరంలో ద్రవాలను కోల్పోయేలా చేస్తుంది, ఇది కండరాల తిమ్మిరికి కారణమవుతుంది. ఈ కండరాల తిమ్మిరిని ఎలెక్ట్రోలైట్స్ తీసుకోవడం ద్వారా తగ్గించవచ్చు. కొబ్బరి నీరు మెగ్నీషియం మరియు ఎలెక్ట్రోలైట్స్ లో  పుష్కలంగా ఉంటుంది, ఇది  శరీరంలో నుండి  కోల్పోయిన ద్రవ పదార్ధాలను భర్తీ చేయడానికి సహాయపడుతుంది. ఇది క్రీడా పానీయాలకు (sports drinks) తగిన ప్రత్యామ్నాయంగా ఉపయోగపడుతుంది.

కొబ్బరి నీరు విటమిన్లు మరియు పోషకాలకు మంచి వనరు. దీనిలో విటమిన్ సి అధికంగా ఉంటుంది, విటమిన్ సి యాంటీబోడీలను ఉత్త్పత్తి చేసేందుకు ఉపయోగపడుతుంది అవి వ్యాధికారకక్రిముల పై వ్యతిరేకంగా పనిచేస్తాయి. కొబ్బరి నీరుకి  యాంటీ బాక్టీరియాల్  మరియు  యాంటీవైరల్ లక్షణాలు ఉన్నాయి అవి వ్యాధి నిరోధకశక్తిని మెరుగుపరుస్తాయి మరియు ఫ్లూ , జలుబు వంటి లక్షణాలు తగ్గించడంలో సహాయపడతాయి.      

దంత క్షయం అంటే పళ్ళు పుచ్చిపోవడం అని అర్ధం. ఇది ప్రధానంగా S. మ్యుటాన్స్ (S. mutans.) అని పిలువబడే ఒక రకం బాక్టీరియా కారణంగా సంభవిస్తుంది. కొబ్బరి నీరు యాంటీ బాక్టీరియల్ లక్షణాలను కలిగి ఉందని పరిశోధన వెల్లడించింది. ఇది సాధారణంగా కొబ్బరి నీటిలో లారిక్ ఆమ్లం (lauric acid) వలన అని పరిశోధన సూచిస్తుంది.

నోటి పూతల వంటి కొన్ని నోటి సమస్యలను నివారించడానికి కొబ్బరి నీటి యొక్క యాంటిమైక్రోబియాల్ ప్రభావం సహాయపడుతుంది. కొబ్బరి నీటిలో ఉండే సుక్రోజ్ మోనోలారేట్ (sucrose monolaurate) మరియు గ్లైకోపిడ్ (glycolipid) భాగాలు, S. మ్యుటాన్స్ (S.mutans) యొక్క పెరుగుదలను నిరోధిస్తూ దంత క్షయాలను నివారించడంలో సహాయపడతాయని అధ్యయనాలు నివేదించాయి.