Download App
விலா எலும்பு முறிவு என்றால் என்ன?
விலா எலும்பு முறிவு என்பது மார்பின் பாதுகாப்புக்கூடாக விளங்கும் விலா எலும்பில் ஏற்படும் விரிசல் அல்லது முறிவு ஆகும். பல விலா எலும்புகளில் முறிவு ஏற்பட்டால், அது ஃபிலேயில் நெஞ்சு (முறிவு ஏற்பட்ட பகுதியானது மார்பக சுவற்றில் இருந்து பிரிந்துவிடும்) என்ற நிலைக்கு வழிவகுக்கும். விலா எலும்பு உடையாவிட்டாலும் விலா எலும்பை நெஞ்செலும்புடன் இணைக்கும் திசு அல்லது குருத்தெலும்பில் ஏற்படும் முறிவும் விலா எலும்பு முறிவு என்று அழைக்கப்படுகிறது.
மார்பின் உள்ளே இருக்கும் முக்கிய உறுப்புகளை விலா எலும்புகள் பாதுகாக்கின்றன. அவை நுரையீரலை சுற்றியுள்ள இடைவெளிகளை தக்கவைத்து, அதனுள் காற்று எளிதாக நிரம்ப உதவி செய்கின்றன. விலா எலும்பை முறியவைக்கும் அளவிற்கு சக்திவாய்ந்த ஒரு அடி ஏற்பட்டால், அதன் உள்ளே இருக்கும் உள்ளுறுப்புகளையும் அது பாதிக்கலாம். நுரையீரல்களில் துளையோ அல்லது தகர்தலோ (நுமோதோராக்ஸ்) விலா எலும்பு முறிவுடன் சேர்ந்து மிகவும் பொதுவாக ஏற்படலாம்.
நோயின் முக்கிய தாக்கங்கள் மற்றும் அறிகுறிகள் யாவை?
விலா எலும்பு முறிவானது கீழ்கண்ட பாதிப்புகளை ஏற்படுத்தும்:
- நெஞ்செலும்பின் மீது யாரவது அழுத்தம் கொடுத்தால், அதனை சுற்றியுள்ள இடங்களில் வலி உண்டாதல்.
- மிதமான வலி முதல் கடுமையான தொடர் வலி.
- மூச்சுவிடும்பொழுது வலித்தல்.
- சுவாசத்தில் ஏற்படும் சிரமம் காரணமாக மூச்சுத்திணறல், தலைசுற்றல், தலைவலி, அமைதியின்மை மற்றும் பதற்றம் உண்டாகும்.
இதன் முக்கிய காரணங்கள் யாவை?
மார்பின் மீது நேரடியாக அடி விழுந்தால் விலா எலும்பு முறிவு ஏற்படும். தீவிர மற்றும் கடுமையான இருமல் அல்லது மெட்டஸ்டாடிக் புற்றுநோய் ஆகியவை சில அறிய சந்தர்ப்பங்களில் விலா எலும்பு முறிவை ஏற்படுத்தும் என்றாலும், விலா எலும்பு முறிவின் முக்கியமான காரணங்கள் பின்வருமாறு:
- விபத்துகள் அல்லது அதிர்ச்சி.
- கால்பந்து மற்றும் ஹாக்கி போன்ற கடுமையான விளையாட்டுகள்.
- எலும்புத்துளைநோய் (ஆஸ்டியோபோரோசிஸ்).
- கார்டியோபல்மோனரி ரிசஸ்சிடேசன் (சி.பி.ஆர்) முறையில் இதயத்தை உயிரூட்ட மருத்துவ நிபுணர்களால் கொடுக்கப்படும் அழுத்தம் காரணமாக வில்லா எலும்பு முறிவு ஏற்படலாம்.
இது எவ்வாறு கண்டறியப்பட்டு சிகிச்சையளிக்கப்படுகிறது?
உங்கள் அறிகுறிகள் மற்றும் விபத்து அல்லது கீழே விழுந்த வரலாறு ஆகியவற்றை மருத்துவர் சோதிப்பார். மருத்துவர், மார்பிலுள்ள காயங்கள் மற்றும் வீக்கத்தின் அளவை ஆய்வு செய்வார். எக்ஸ்-கதிர்கள் சோதனை நோயறிதலை உறுதி செய்ய உதவும். ஆனால், எக்ஸ்-கதிர்கள் சோதனை இடம்பெயராத எலும்புமுறிவுகளை தவிர்ப்பதால் சி .டி ஸ்கேன் தேவைப்படலாம்.
நோயறிதலை தொடர்ந்து, விலா எலும்பு முறிவுகளுக்கு அறுவைசிகிச்சை திருத்தம் மற்றும் செயற்கை உயிர்ப்பு அமைப்பின் ஆதரவும் தேவைப்படும். அழற்சி எதிர்ப்பு மற்றும் வலிநிவாரண மருந்துகள் அசௌகரியத்தை குறைக்க உதவும். முறிந்த விலா எலும்பு குணமாக சுமார் 6 மாதங்கள் ஆகும். நீங்கள் ஓய்வெடுக்கும் பொழுது, நிமோனியா அல்லது நுரையீரலின் பகுதி தகர்ப்பை தவிர்க்க ஒரு மணி நேரத்திற்கு ஒருமுறை ஆழ்ந்து மூச்சுவிட வேண்டும். குணமாகிக்கொண்டிருக்கும் பொழுது விளையாட்டுகளை தவிர்ப்பது நல்லது. மேலும் குணமாகிவரும்பொழுது விலா எலும்புகளின் மீது எதையும் அழுத்தமாக சுற்றக்கூடாது என்று அறிவுறுத்தப்படுகிறது.
