स्बकंजंक्टीव्हल हॅमरेज - Subconjunctival Hemorrhage in Marathi

Dr. Ayush PandeyMBBS,PG Diploma

May 03, 2019

July 31, 2020

स्बकंजंक्टीव्हल हॅमरेज
स्बकंजंक्टीव्हल हॅमरेज

स्बकंजंक्टीव्हल हॅमरेज म्हणजे काय?

डोळ्याच्या आत असंख्य रक्तवाहिन्या आहेत. जर दुखापतीमुळे किंवा इतर कोणत्याही कारणामुळे रक्तवाहिन्या तुटल्या तर डोळ्याखाली जो पारदर्शक थर आहे जो डोळ्याला आच्छादित करतो, तिथे अंतर्गत रक्तस्त्राव होणे म्हणजे कॉंजेटीव्हा होतो. यात स्बकंजंक्टीव्हल थराखाली रक्त जमा होत असल्यामुळे याला स्बकंजंक्टीव्हल हॅमरेज म्हणून ओळखले जाते.

याची मुख्य चिन्हे आणि लक्षणे काय आहेत?

कधीकधी आपल्याला कळतही नाही की आपल्याला बऱ्याच काळासाठी स्बकंजंक्टीव्हल हॅमरेज असतो.

  • याचे सर्वात सामान्य लक्षण म्हणजे डोळ्याच्या (स्क्लेरा) पांढऱ्या भागात लाल पॅच विकसित होतो.
  • प्रभावित डोळ्यात थोडी खाज जाणवू शकते.
  • वेदना आणि जळजळ होणे अशी लक्षणे अत्यंत दुर्मिळ आहेत आणि बहुतेक वेळा लोकांना अशा प्रकारची अस्वस्थता होत नाही.
  • कालांतराने, लाल पॅचचा रंग तपकिरी किंवा पिवळा होतो.

याची मुख्य कारणं काय आहेत?

  • बरेच स्बकंजंक्टीव्हल हॅमरेज सहजगत्या होतात आणि विशिष्ट ट्रिगर किंवा कारणाशिवाय उद्भवतात.
  • कधीकधी जोराची शिंका किंवा खोकला हे याला ट्रिगर करू शकतात, यामुळे डोळ्याला त्रासदायक दुखापत होऊ शकते.
  • वैद्यकीय परिस्थिती जसे रक्तस्राव विकार, मधुमेह आणि उच्च रक्तदाब हे या स्थितीसाठी गंभीर धोका आहेत.
  • जोराने डोळे चोळल्यामुळे रक्तवाहिन्या तुटू शकतात आणि रक्त येऊ शकते.
  • क्वचितच, मोतीबिंदू शस्त्रक्रिया किंवा लासिक सारखी लेसर सर्जरी यासारख्या सर्जरीचा दुष्परिणाम हॅमरेज होऊ शकतो.

याचे निदान आणि उपचार कसे केले जातात?

  • आपल्या डोळ्याची तपासणी करुन डॉक्टर स्बकंजंक्टीव्हल हॅमरेजचे  निदान करतात.
  • आपले ब्लड प्रेशर तपासले जाते.
  • कोणतीही गंभीर स्थिती नसेल तर इतर कोणत्याही निदान चाचणीची आवश्यकता नसते.
  • हे प्रकरण असल्यास, रोगनिदान करण्यासाठी एक संपूर्ण वैद्यकीय इतिहास आणि शारीरिक तपासणी आवश्यक आहे.

उपचार :

  • सामान्यतः, उपचाराची गरज नसते.
  • जे रक्त जमा झाले असते, ते एक किंवा दोन आठवड्यांतच बरे होते.
  • आपल्या डोळ्याच्या काही काळजीशिवाय इतर कोणत्याही वैद्यकीय उपचारांची आवश्यकता नसते.
  • जर डोळ्यात जळजळ होत असेल किंवा खाज येत असेल तर त्या संवेदना शांत करण्यासाठी डॉक्टर आय ड्रॉप्सची शिफारस करू शकतात.


 



संदर्भ

  1. Bercin Tarlan, Hayyam Kiratli. Subconjunctival hemorrhage: risk factors and potential indicators . Clin Ophthalmol. 2013; 7: 1163–1170. PMID: 23843690
  2. Mimura T et al. Subconjunctival hemorrhage and conjunctivochalasis. Ophthalmology. 2009 Oct;116(10):1880-6. PMID: 19596440
  3. MedlinePlus Medical Encyclopedia: US National Library of Medicine; Subconjunctival hemorrhage
  4. National Health Portal [Internet] India; Sub-conjunctival Haemorrhage
  5. Merck Manual Consumer Version [Internet]. Kenilworth (NJ): Merck & Co. Subconjunctival Hemorrhage.
  6. Center for Disease Control and Prevention [internet], Atlanta (GA): US Department of Health and Human Services; International Notes Acute Hemorrhagic Conjunctivitis -- Mexico