க்யூ காய்ச்சல் என்றால் என்ன?
க்யூ காய்ச்சல், என்பது காக்ஸியெல்லா பெர்னீட்டீ எனப்படும் வகை பாக்டீரியாவால் உடலில் ஏற்படக்கூடிய ஒரு நோய் நிலை. இந்த பாக்டீரியா வழக்கமாக மாடுகள், ஆடுகள் மற்றும் செம்மறியாடு போன்ற பண்ணை விலங்குகளில் காணப்படும். இந்த பாக்டீரியாவால் பாதிக்கப்படுகிறவர்கள் கால்நடை மருத்துவர்கள், விவசாயிகள் மற்றும் இந்த பாக்டீரியாக்களை பரிசோதிக்கும் ஆய்வுகூடத்தில் உள்ளவர்கள். பொதுவாக இந்த பாக்டீரியாக்கள் தாக்கும் பொழுது எந்த அறிகுறிகளும் இருக்காது அல்லது லேசான அறிகுறிகள் காணப்படும். சில சந்தர்ப்பங்களில் இக்கிருமியால் மோசமான உடல் நிலை உருவாகலாம், ஆனால் அதை சிகிச்சை முறைகள் மூலம் குணப்படுத்த முடியும்.
அதன் முக்கிய அடையாளங்களும் அறிகுறிகளும் என்ன?
க்யூ காய்ச்சலின் அறிகுறிகள் உடனடியாக தெரியாது. உடலில் பாக்டீரியாக்கள் இருக்குமானால் அதனுடைய அறிகுறிகள் காணப்படுவதற்கு சில வாரங்கள் எடுக்கும். பொதுவான அறிகுறிகள்:
- காய்ச்சல்.
- வியர்வை அல்லது குளிர்.
- இருமல் மற்றும் சுருங்கிய மார்பு.
- தலைவலி.
- வயிற்றுப்போக்கு, மங்கலான அல்லது களிமண் நிறமுள்ள மலம்.
- குமட்டல் மற்றும் வயிற்றில் வலி.
- மஞ்சள் காமாலை.
முக்கிய காரணங்கள் என்ன?
க்யூ காய்ச்சலை ஏற்படுத்தும் பாக்டீரியாக்கள் பொதுவாக கால்நடை, ஆடுகள் மற்றும் செம்மறியாடுகளில் காணப்படும். பாக்டீரியாவின் தாக்கம் பொதுவாக மிருகங்களின் சிறுநீரில், மலம், மேலே குறிப்பிடப்பட்டுள்ள விலங்குகளின் பால் போன்றவற்றில் இருக்கும் .பெரும்பாலும் தூசி மூலமாக, அவற்றை சுவாசிக்கும் மிருகங்களுக்கும் பரவுகிறது.க்யூ காய்ச்சல் ஒருவரிடமிருந்து இன்னொருவருக்கு பரவுவதற்கு சாத்தியம் இல்லை.
இது எப்படி கண்டறியப்படுகிறது மற்றும் சிகிச்சையளிக்கப்படுகிறது?
அறிகுறிகள் பெரும்பாலும் பொதுவானதாக இருப்பதால்,க்யூ காய்ச்சலை உடனடியாகக் கண்டறிய கடினமாக இருக்கலாம். இருப்பினும்,க்யூ காய்ச்சலின் பொதுவான அறிகுறிகளுக்கு நேர்மறையான உடல் பரிசோதனை மற்றும் விலங்குகளை சுற்றி வேலை செய்யும் ஒரு நோயாளியின் மருத்துவ பின்புலம் ஆகியவை மருத்துவருக்கு போதுமான மதிப்பீட்டை கொடுக்கலாம்.க்யூ காய்ச்சலைக் கண்டறிவதற்கு ஆன்டிபாடி சோதனை சிறந்த வழியாகும், ஆனால் 10 நாட்களுக்குள் தொற்றுநோய்க்குள்ளானால் அது வழக்கமாக எதிர்மறையாகத் திரும்பும்.
க்யூ காய்ச்சல் மிதமாக இருந்தால், பொதுவாக மருந்துகள் இல்லாமல் ஒரு சில நாட்களுக்குள் இது குறையும். காய்ச்சல் அதிகமாக இருந்தால், சிலநேரங்களில் ஆய்வக முடிவுகளே இல்லாமல் கூட நுண்ணுயிர் எதிர்ப்பிகள் 2 முதல் 3 வாரங்களுக்கு பரிந்துரைக்கப்படலாம். தீவிரமான நோய் நிலையில், நுண்ணுயிர் எதிர்ப்பிகள் (ஆண்டிபயாடிக்ஸ்) 18 மாதங்களுக்கு தொடர்ந்து வழங்கப்படலாம்.