Download App
கர்ப்ப கால இடுப்பு வலி என்றால் என்ன?
ஒரு பெண்ணின் உடலானது கர்ப்ப காலத்தில் பல மாற்றங்களுக்கு உள்ளாகின்றது, மற்றும் கர்ப்ப காலத்தில் இடுப்பு வலி ஏற்படுவது அசாதாரணமானதன்று. குழந்தை வளர்ச்சி அடைவதால், கர்ப்பிணிகளின் இடுப்பு எலும்பானது விரிவடைந்து குழந்தை வளர்வதற்கான இடத்தை அளிப்பதால், அசௌகரியம் மற்றும் வலி ஏற்படுகிறது. எனினும், சில சமயங்களில், இது ஏதோ தவறு நிகழ்ந்திருக்கறது என்பதை சுட்டிக்காட்டும் அறிகுறியாகக்கூட இருக்கலாம். உடல் மற்றும் அது வெளிப்படுத்தும் அறிகுறிகளை புரிந்து கொண்டு எப்போது மருத்துவ சிகிச்சை தேவைப்படும் என்பதை தெரிந்திருக்க வேண்டியது மிகவும் அவசியமாகும்.
நோயின் முக்கிய தாக்கங்கள் மற்றும் அறிகுறிகள் யாவை?
கர்ப்ப காலத்தில் இடுப்பு வலி ஏற்படுவதற்கு பல காரணங்கள் இருக்கலாம். கர்ப்பிணிப் பெண், குறிப்பாக மாடிப்படி ஏறும் போது, நீண்ட தூரம் நடக்கும் போது, தூக்கத்தில் ஒரு பக்கம் திரும்பும்போது அல்லது குனியும்போது வலியினை உணரலாம். கர்ப்ப கால இடுப்பு வலியின் சில தனித்தன்மையான அறிகுறிகளாவன:
- கீழ் முதுகில் வலி - ஒரு பக்கத்தில் அல்லது இரு பக்கங்களிலும்.
- கழிவிடத்தில் வலி - ஆசனவாய் மற்றும் யோனி இடையே உள்ள பகுதியில் வலி.
- இடுப்புப் பகுதிக்கு சற்று மேல் உள்ள அடிவயிற்றில் வலி.
நோய் தாக்குதலுக்கான முக்கிய காரணங்கள் என்ன?
கர்ப்ப கால இடுப்பு வலிக்கான காரணங்கள் மாறுபடுகின்றன. மிகவும் பொதுவான காரணம், குழந்தை வளர்ச்சி அடைவதால் உடல் அதற்கேற்ப விரிவடைந்து இடைவெளியை உருவாக்குகிறது, மற்றும் இந்த செயல்பாட்டிற்கேற்ப மற்ற அனைத்து உறுப்புகளும் சரிப்படுத்திக்கொள்வதால் வலி ஏற்படுகிறது. கர்ப்ப கால இடுப்பு அசௌகரியம் மற்றும் வலியின் வேறு சில காரணங்களாவன:
- கருப்பையில் உள்ள நீர்க்கட்டிகள் குறிப்பாக வலிமிகுந்ததாக இருக்கலாம், முக்கியமாக அவை வளர்ந்து பெரியதாக ஆவது அல்லது உடைந்து/கிழிந்து போவதனால் இருக்கலாம். உங்களுக்கு ஏற்கனவே கருப்பை நீர்க்கட்டி இருந்திருந்தால், நீங்கள் இந்த கட்டத்தில் குறிப்பாக கவனமாக இருக்க வேண்டும்.
- குழந்தை வளரும் போது கருப்பைத் தசைநார்களில் வலி ஏற்படலாம், மற்றும் கருப்பையின் கோணத்தில் ஏற்படும் மாற்றத்தால் தசைநார்கள் நீட்டிக்க தொடங்குகிறது.
- குழந்தை வளர்ச்சி அடையும் போது கருப்பைத் தசைநார்களில் வலி ஏற்படலாம், மற்றும் கருப்பையின் கோணத்தில் ஏற்படும் மாற்றம் தசைநார்களை விரிவடையத் தொடங்குகிறது.
- சில நேரங்களில் வலியானது குழந்தை வளர்ச்சி அடைந்து அடி வயிற்றில் அழுத்தம் கொடுப்பதன் விளைவாக இருக்கலாம் பருவமுறா நிலை சுருக்கங்கள்,போலி சுருக்கங்கள் அல்லது பிராக்ஸ்டன் ஹிக்ஸ் சுருக்கங்கள் என்று அறியப்படுபவை, கர்ப்ப காலத்தில் ஏற்படுவது சாதாரணமானது மற்றும் பொதுவானதாகும், மேலும் அவை இடுப்பு பகுதிகளில் வலியையும் அசெளகரிய உணர்வையும் ஏற்படுத்தலாம்.
- சிறுநீர் பாதை நோய்த்தொற்று மற்றும் மலச்சிக்கல் போன்ற பிரச்சனைகள் கர்ப்பகாலத்தில் பொதுவானவை மற்றும் வலியை அதிகரிக்கக் கூடியதாகும், மேலும் சில நேரங்களில் இது மிகவும் கடுமையாகவும் இருக்கலாம்.
- பிற சிக்கல்களில் அடங்குவன இடம் மாறிய கர்ப்பம், கருச்சிதைவு, குறிப்பிட்ட காலத்துக்கு முன் ஏற்படும் (பொய்) பிரசவ வலி, கருப்பையில் உள்ள நார்த்திசுக்கட்டிகள், சிறுநீரகக் கற்கள், குடல்வால் அழற்சி அல்லது நஞ்சுக்கொடி முன்கூட்டியே அற்றுவிழுதல் (நஞ்சுக்கொடி கருப்பையில் இருந்து அற்றுவிழும் நிலை).
இது எப்படி கண்டறியப்பட்டு சிகிச்சையளிக்கப்படுகின்றது?
நீங்கள் எந்த ஒரு அசாதாரணமான அசௌகரியத்தை உணரும்போது ஆரம்பத்திலேயே அதனை கண்டறிதல் முக்கியமானதாகும். குழந்தை பிறக்கும் வரை வலி முற்றிலும் போகாது, ஆனால் சில நிவாரணங்களை வழங்க முடியும். மருத்துவர்கள் வழக்கமாக உடல் பரிசோதனை செய்து வலிக்கான சரியான காரணத்தை கண்டறியும் பொருட்டு அல்ட்ராசவுண்ட் ஒன்றை எடுக்கச் சொல்லலாம்.
கர்ப்பகாலத்தில் இடுப்பு வலியால் பாதிக்கப்படும் போது, கருமுற்றிய நிலையில் அடிவயிறுக்கு ஆதரவாக மருத்துவர்கள் ஒரு பெல்ட் அல்லது ஊன்றுகோல் வழங்கலாம். அவர்கள் இடுப்பு மற்றும் அதனைச் சுற்றியுள்ள பகுதிகளில் உள்ள தசைகளை வலுப்படுத்த சிகிச்சை பரிந்துரைக்கலாம், அல்லது இடுப்பு மற்றும் மூட்டுகளின் மென்மையான இயக்கத்திற்கு சில எளிய பயிற்சிகளை பரிந்துரைக்கலாம். மற்ற எளிய வழிமுறைகளாவன இடுப்பு வலியைப் போக்கக் கூடிய சரியான தூங்கும் நிலையை கண்டறிதல், செளகரியமான காலணி அணிதல், போதுமான ஓய்வை உறுதிப்படுத்துதல், போதுமான உடற்பயிற்சிக்கு அனுமதித்தல், உடலை வளைப்பதை தவிர்த்தல், பாதுகாப்பான முறையில் உடலுறவு கொள்ளுதல், படிகளில் ஏறும்போது கவனமாக இருத்தல் மற்றும் அடிவயிற்றில் உள்ள வலியையும் வீக்கத்தையும் போக்க ஐஸ் ஒத்தடம் கொடுத்தல் முதலியன ஆகும்.
