Download App
ப்ளூரல் கசிவு டாக்டர்கள் 
ப்ளூரல் கசிவு என்றால் என்ன?
ப்ளூரல் கசிவு என்பது நுரையீரலின் உறைகளுக்கிடையே உள்ள இடைவெளியில் ஏற்படும் திரவ உருவாக்கத்தின் மருத்துவ நிலையை குறிக்கிறது. பொதுவாக, ப்ளூரல் ஸ்பேஸ் என்று அழைக்கப்படும் இந்த இடம் ஏற்கனவே குறைந்த திரவங்களை கொண்டதாகும். இது சுவாச செயல்பாட்டின் போது நுரையீரல் விரிவடையும் போதும், சுருங்கும் போதும் உராய்வு ஏற்படாமல் தடுக்க உதவுகிறது. இந்த ப்ளூரல் கசிவு நோயினால் பாதிக்கப்பட்ட ஒருவருக்கு ப்ளூரல் பகுதியில் தேவையற்ற திரவங்களின் அதிகப்படியான குவியலினால் தீவிர மார்பக வலி ஏற்படுகிறது.
நோயின் முக்கிய தாக்கங்கள் மற்றும் அறிகுறிகள் யாவை?
ப்ளூரல் கசிவு நோயின் அறிகுறிகள் ப்ளூரல் பகுதியில் தேவையற்ற திரவங்களின் அதிகப்படியானகுவிதலை காண்பிக்க துவங்குகின்றன. இதன் அறிகுறிகள் பின்வருமாறு:
- வறண்ட மற்றும் தொடர்ந்து இருமல்.
- சுவாசிப்பதில் சிரமம்.
- நெஞ்சு வலி.
- காய்ச்சல்.
- விக்கல்கள்.
- வேகமாக சுவாசித்தல்.
சில நபர்களில், ப்ளூரல் கசிவு நோயானது நோய் முற்றிய நிலையை எட்டும் வரை எந்த ஒரு அறிகுறிகளையும் உருவாக்காமல் இருக்கலாம்.
நோய் தாக்குதலுக்கான முக்கிய காரணங்கள் என்ன?
ப்ளூரல் கசிவு நோய் ஏற்படுவதற்கான காரணங்கள் பின்வருமாறு:
- இதய செயலிழப்பு.
- நுரையீரல் தொற்று.
- நுரையீரல் புற்றுநோய்.
- கல்லீரல் செயலிழப்பு.
- சிறுநீரக நோய்கள்.
- மார்பு மற்றும் நுரையீரல் பகுதியில் காயம்.
அதிகமாக புகைப்பிடித்தல் மற்றும் அதிகமாக மது அருந்துதல் ப்ளூரல் கசிவு நோய் ஏற்படுவதற்கான ஆபத்தினை அதிகரிக்கிறது. சில நோயாளிகளில், அறுவை சிகிச்சையின் போது ஏற்படும் காயம் கூட ப்ளூரல் கசிவு நோய் ஏற்படுவதற்கு வழிவகுக்கிறது.
இது எப்படி கண்டறியப்பட்டு சிகிச்சையளிக்கப்படுகின்றது?
ப்ளூரல் கசிவு நோயின் நோயறிதல் பொதுவாக உடலில் ஏற்படும் அறிகுறிகளின் அடிப்படையில் தொடங்குகிறது. இந்நோயினை கண்டறிவதற்கு செய்யப்படும் பிற சோதனைகள் பின்வருமாறு:
- மார்பக சி.டி ஸ்கேன்.
- மார்பக எக்ஸ்-கதிர்கள் சோதனை.
- இரத்தப் பரிசோதனைகள்.
- நுரையீரல் திசுப் பரிசோதனை.
- ப்ளூரல் திரவத்தின் ஆய்வக சோதனை.
இந்நோய் ஏற்படுவதற்கான காரணத்தை கண்டறிந்த பிறகு, அதிகப்படியாக குவிந்துள்ள தேவையற்ற திரவத்தை அகற்றி, பின்னர் இந்த தேவையற்ற திரவம் மறுபடியும் குவியாமல் தடுப்பதற்கான சிகிச்சையை மருத்துவர் துவங்குவார். இந்த நோய் மீண்டும் உருவாகாமல் தடுக்க இந்நோய் ஏற்படுவதற்கான சரியான காரணத்தை தீர்மானிக்க மருத்துவர் விரும்புவார்.
இதய செயலிழப்பு காரணமாக இந்த திரவ குவிதல் நிகழ்கிறது என்றால், சிறுநீர் நீக்க ஊக்கி மருந்துகள் பரிந்துரைக்கப்படலாம். ப்ளூரல் கசிவு நோயின் காரணமாக ஏற்படும் தொற்றுகளுக்கு சிகிச்சை அளிக்க நுண்ணுயிர் எதிர்ப்பி மருந்துகள் பயன்படுத்தப்படலாம்.
ப்ளூரல் பகுதியில் உள்ள திரவங்களை வடிகட்ட மார்பு குழாய் வடிகட்டி பயன்படுத்தப்படலாம்.
ப்ளூரல் கசிவு நோய்க்கு சிகிச்சையளிக்காவிட்டால், இந்நோய் மேலும் மோசமடைந்து தீவிர சிக்கல்களுக்கு வழிவகுக்கும்.
