ஜோக்ரன் நோய்த்தாக்கம் - Sjogren's Syndrome in Tamil

Dr. Ayush PandeyMBBS,PG Diploma

May 14, 2019

March 06, 2020

ஜோக்ரன் நோய்த்தாக்கம்
ஜோக்ரன் நோய்த்தாக்கம்

ஜோக்ரன் நோய்த்தாக்கம் என்றால் என்ன?

1933 ஆம் ஆண்டில், டாக்டர் ஹென்றிக் ஜோக்ரன் முதன்முதலில் இந்த நோயை அடையாளம் கண்டார்.இது உடலில் ஈரப்பதத்தை உருவாக்கும் செல்களை அழிக்கும் ஒரு தற்சார்பு எமக்கோளாறு ஆகும்.இது பெரும்பாலும் 40 வயதிற்கு மேலானவர்களிடையே காணப்படுகிறது மற்றும் இதனால் பெண்களே அதிகம் பாதிக்கப்படுகின்றனர். பெரும்பாலும், இது முடக்கு வாதம் அல்லது லூபஸ் போன்ற மற்ற தற்சார்பு எமக்கோளாறு நோய்களினால் தோன்றும் ஒரு சிக்கலாகும்.

நோயின் முக்கிய தாக்கங்கள் மற்றும் அறிகுறிகள் யாவை?

முக்கிய அறிகுறிகள் பின்வருமாறு.

  • உலர்ந்த கண்கள் -  எரிச்சல், அரிப்பு, வலி மற்றும் மங்கலான பார்வையுடன் கூடிய கண்களின் வீக்கம் ஆகியவற்றை ஏற்படுத்தும்.
  • உலர்ந்த வாய் பின்வருவனவற்றை ஏற்படுத்தும்:
    • வாய் அல்லது தொண்டையில் உணவு ஒட்டிக்கொள்வது.
    • கம்மிய குரல் மற்றும் வழுவழுப்பான சிவந்த நாக்கு.
    • உலர்ந்த வெடிப்புகள் கொண்ட உதடுகளின் மூலைகள்.
    • மாற்றமடைந்த சுவை உணர்வு.
    • பற்களில் சிதைவு, வாய்ப்புண்கள், வாய் வெண்புண்கள்.
  • உலர்ந்த அரிப்புடைய சருமம்.
  • மூட்டு மற்றும் தசை வலி.
  • வீங்கிய உமிழ்நீர் சுரப்பிகள்.
  • பெண்களில் உலர்ந்த யோனி.
  • சூரியவெளிச்சம் காரணமாக வேனற்கட்டி.

நோய்தாக்குதலுக்கான முக்கியக் காரணங்கள் என்ன?

இதன் காரணம் இன்னும் கண்டுபிடிக்கப்படவில்லை என்றாலும் இந்நோயால் பாதிக்கப்படும் பெரும்பாலானவர்களின் இரத்தத்தில் ஒரு மாறுபட்ட புரதம் காணப்படுகிறது.நோயெதிர்ப்பு சக்தி முதலில் மூக்கு, கண்கள் மற்றும் வாயைச் சுற்றியுள்ள ஈரப்பதத்தை உற்பத்தி செய்யும் சுரப்பிகளை தாக்குகிறது.

இது எப்படி கண்டறியப்பட்டு சிகிச்சையளிக்கப்படுகின்றது?

உங்கள் கண்களையும் வாயையும் அறிகுறிகளுக்காக மருத்துவர் பரிசோதிப்பார்.சில மருந்துகள் காரணமாக வாய் மற்றும் கண்களின் வறட்சி போன்ற பக்க விளைவுகள் ஏற்படுவதால், இந்நோயைக் கண்டறிவது சில நேரங்களில் கடினமாக இருக்கிறது.இரத்த பரிசோதனைகள், கண் பரிசோதனை, சயோலோகிராபி (உமிழ்நீர் ஓட்டத்தை சரிபார்க்க உமிழ்நீர் சுரப்பியில் சாயம் செலுத்தி எக்ஸ்-ரே செய்யப்படுகிறது), உமிழ்நீர் சிண்டிகிராபி (உமிழ்நீர் சுரப்பியை அடைய தேவையான நேரத்தை கண்டறிய ஒரு கதிரியக்க ஐசோடோப்பை ஊசி மூலம் உட்செலுத்துதல்) மற்றும் உதடு பயாப்ஸி போன்ற பரிசோதனைகள் நோய் உள்ளதா என்பதை உறுதிப்படுத்த செய்யப்படுகின்றன.

கண்களின் வறட்சியை கண் சொட்டு மருந்துகளின் மூலம் ஈரப்பதமூட்டி நிர்வகிக்கலாம்.அடிக்கடி தண்ணீர் உட்கொள்ளல், சவைக்கும் சவ்வு மற்றும் உமிழ்நீர் மாற்றுங்கள் ஆகியவை வாயின் வறட்சியை குறைக்க பயன்படுத்தலாம்.வாயின் ஈஸ்ட் தொற்றிற்கு சிகிச்சையளிப்பதற்காக புஞ்சை எதிர்ப்பு மருந்துகள் பயன்படுத்தப்படுகின்றன.சில சமயங்களில், நோயெதிர்ப்பு மருந்துகள் நோய் எதிர்ப்பு சக்தியை கட்டுப்படுத்த பயன்படுத்தப்படுகின்றன.



மேற்கோள்கள்

  1. Rheumatology Research Foundation [Internet]. Georgia: American College of Rheumatology. Sjögren's Syndrome.
  2. Sjögren's India [Internet]. Gujarat. What is Sjögren's syndrome?
  3. National Health Service [Internet]. UK; Symptoms.
  4. National Institute of Arthritis and Musculoskeletal and Skin Disease. [Internet]. U.S. Department of Health & Human Services; Sjögren’s Syndrome.
  5. National Institutes of Health; [Internet]. U.S. National Library of Medicine. Sjögren syndrome.