myUpchar प्लस+ के साथ पूरेे परिवार के हेल्थ खर्च पर भारी बचत

గసగసాలనేవి నూనె కల్గి ఉండే విత్తనాలు. ఇవి ఎక్కువ పోషకపదార్థాల్ని కల్గి ఉంటాయి. గసాలను వంటల్లో రుచిప్రేరకంగా ఉపయోగిస్తారు. గసగసాల గింజలు ఒకింత ఒగరుతో (nutty) కూడిన ఆహ్లాదకరమైన రుచిని కల్గి ఉంటాయి. తెల్లగా, చాలా చిన్నవిగా ఉండే ఈ గసగసాల గింజల్ని పండిన గసగసాల మొక్కలకు కాచే కాయలనుండి సేకరిస్తారు. ఆసక్తికరంగా, పండైన గసగసాల కాయలు నల్లమందు (అభిని) గసగసాలని కూడా ఉత్పత్తి చేస్తాయి. ఈ ‘నల్లమందు గసగసాలు’ మోర్ఫిన్ వంటి వైద్యపరమైన మత్తుమందుల్లో ఉపయోగించే ఒక ఉపయోగకరమైన మత్తు మందు. అయితే, గసగసాల గింజలు నల్లమందు గసగసాలు కల్గించే ఎలాంటి దుష్ప్రభావాలనూ కల్గించదు, అంటే గసగసాలు దుష్ప్రభావాల.నుండి స్వేచ్ఛను కల్గిఉందన్నమాటే. ఈ నూనె గింజలు ముఖ్యంగా పాపవర్ సొమింఫెర్మ్, అనే గసగసాల జాతి మొక్క నుండి లభిస్తాయి .

గసగసాల మొక్క ‘పాపవేరసెయే’ కుటుంబానికి చెందినది. ఇది తూర్పు మధ్యధరా ప్రాంతం మరియు ఆసియా మైనర్కు ప్రాంతానికి చెందిన మొక్క మరియు ప్రతి రెండు సంవత్సరాలకు ఒకసారి పండుతుంది. సరైన సూర్యకాంతి మరియు సారవంతమైన నేల ఉన్నట్టయితే, గసగసాల మొక్కలు 5 అడుగుల పొడవు వరకు పెరుగుతాయి. మూత్రపిండాల ఆకారంలో గసగసాల విత్తనాలు 4 నుంచి 6 సెంమీ పొడవు మరియు 3 నుండి 4 సెంమీ వ్యాసం కలిగిన పండిన అండాకారపు గసగసాల కాయల్లో పెరుగుతాయి. గసగసాల మొక్కలు వసంతకాలంలో పూలు పూస్తాయి. గసగసాల మొక్క యొక్క వివిధ రకాలపై ఆధారపడి, దీని పుష్పాలు లేత ఊదా రంగు ( దాసానిపువ్వు లేదా జిల్లేడు పూలరంగులో-lilac), నీలం, ఎరుపు లేదా తెలుపు రంగుల్లో ఉంటాయి.

కొందరు చరిత్రకారుల అభిప్రాయం ప్రకారం, చిన్నగా, మూత్రపిండ-ఆకారపు గస గసాల విత్తనాలు వేలాది సంవత్సరాల నుండి పండించడం జరుగుతోంది. గసగసాల విత్తనాలను  పురాతన ఈజిప్షియన్లు ఆరోగ్యకరమైన ఆహారంగా భావించారు. అరబ్ వ్యాపారుల ద్వారానే నల్లమందు (opium) సాగును భారతదేశం, పురాతన ఖొరాసాన్ మరియు పర్షియాకు వ్యాపించింది. నేటి ప్రపంచంలో, గసగసాల్ని వాణిజ్య పంటగా జర్మనీ, భారతదేశం, తూర్పు ఐరోపా ప్రాంతం, ఫ్రాన్స్, టర్కీ మరియు చెక్ రిపబ్లిక్ ల వంటి  ప్రపంచంలోని అనేక ప్రాంతాల్లో బాగా పండిస్తున్నారు, అందుకే ఇది ఓ మంచి వాణిజ్యపంటగా బాగా అభివృద్ధి చెందింది.

గసగసాల గింజలు నల్లమందు (అభిని) గసగసాల్లో ఉండే విషపూరిత అంశాలను అతి స్వల్ప పరిమాణంలో, అంటే ఉపేక్షించదగ్గ విధంగా,  కలిగి ఉన్నందున గసగసాలను తినడం చాలా సురక్షితం (ప్రమాదకరం కాదు). గసగసాల నుండి నూనె తీయడం మరియు దీన్నొక మసాలా దినుసులాగా ఉపయోగించడం బాగా ప్రసిద్ధి చెందింది.

గసగసాలు గురించిన కొన్ని ప్రాథమిక వాస్తవాలు:

  • వృక్షశాస్త్రం (బొటానికల్) పేరు: పాపవర్ సోమ్నిఫెరం (Papaver Somniferum)
  • కుటుంబం: పాపవెరాసెయే
  • సాధారణ పేర్లు: పోస్టా దనా, ఖుస్ ఖుస్
  • భౌగోళిక విస్తీర్ణం: ఓపియం గసగసాల పంటను ఆక్స్ ఫర్డ్ షైర్, హాంప్షైర్, లింకన్ షైర్, బెర్క్షైర్ మరియు విల్ట్షైర్లలో ఓ వాణిజ్యపంట గా  పండించబడుతోంది.
  • ఉపయోగించే భాగాలు: విత్తనాలు, కాయలు లేదా పండ్లు, మరియు పువ్వులు
  1. గసగసాల గురించిన ఆసక్తికరమైన విషయాలు - Interesting facts about poppy seeds in Telugu
  2. గసగసాల విత్తనాలు పోషక వాస్తవాలు - Poppy seeds nutrition facts in Telugu
  3. గసగసాల ఆరోగ్య ప్రయోజనాలు - Poppy seeds health benefits in Telugu
  4. గసగసాల దుష్ప్రభావాలు - Poppy seeds side effects in Telugu
  5. ఉపసంహారం - Takeaway in Telugu
  • ప్రతి గసగసాల మొక్క 10,000 నుండి 60,000 గింజల్ని కలిగి ఉంటుంది.
  • గసగసాల మొక్కల్ని వ్యవసాయ భూములలో కలుపుమొక్కగా కంటబడినా దాన్ని స్వాగతించారు, ఎందుకంటే, అవి భూసారాన్నిచ్చి పంటలకు మరింతగా తోడ్పడుతాయి కాబట్టి.
  • కెనడా దేశపు $ 20 నోట్ల వెనుకవైపున, గసగసాల పూలు ప్రదర్శించబడ్డాయి.
  • సింగపూర్ దేశంలోని విదేశాల పర్యాటకులకు నిషేధిత వస్తువుల జాబితా కింద గసగసాలను కూడా చేర్చారు, ఎందుకంటే అవి ఓపియం ఆల్కలాయిడ్స్ కలిగివుంటాయి కాబట్టి, వాటినిసేవించినట్లైతే వీటి కారణంగా, అలా సేవించినవ్యక్తి మాదకద్రవ్యాల  పరీక్షలో విఫలం కావడం ఖాయం, వాటికా సామర్థ్యం ఉంది.

గసగసాల విత్తనాలు 100 గ్రాముల పరిమాణంలో 525 కేలరీలు మాత్రమే అందిస్తాయి. ఇవి కాల్షియం, ఫాస్ఫరస్, మాంగనీస్, మెగ్నీషియం, జింక్ మరియు ఐరన్ వంటి ముఖ్యమైన ఖనిజాలను కలిగి ఉంటాయి, వీటిలో గణనీయమైన పరిమాణంలో థయామిన్ మరియు ఫోలేట్ ఉన్నాయి. ఈ గసగసాల విత్తనాలు లినోలెయిక్ ఆమ్లం కలిగి ఉంటాయి, ఇది ఒక ఆరోగ్యకరమైన గుండెకు అవసరమైన ఒమేగా -6 కొవ్వు ఆమ్లం కల్గి ఉంటుంది. గసగసాలలో 42% కొవ్వు, 28% కార్బోహైడ్రేట్లు, 21% ప్రోటీన్ మరియు 6% నీరు ఉంటాయి.

USDA న్యూట్రియెంట్ డేటాబేస్ ప్రకారం, గసగసాల 100 గ్రాములు కింది విలువలను కలిగి ఉంటాయి:

పోషకాలు

100 g లకు విలువ

నీరు

5.95 గ్రా

శక్తి

525 కిలో కేలరీలు

ప్రోటీన్

17.99 గ్రా

కొవ్వులు(ఫాట్స్)

41.56 గ్రా

కార్బోహైడ్రేట్లు

28.13 గ్రా

పీచుపదార్థాలు (ఫైబర్లు)

19.5 గ్రా

చక్కెరలు

2.99 గ్రా

మినరల్స్

 

కాల్షియం

1438 mg

ఐరన్

9.76 mg

మెగ్నీషియం

347 mg

ఫాస్ఫరస్

870 mg

పొటాషియం

719 mg

సోడియం

26 mg

జింక్

7.90 mg

విటమిన్లు

 

విటమిన్ సి

1.0 mg

విటమిన్ B1

0.854 mg

విటమిన్ B2

0.100 mg

విటమిన్ B3

0.896 mg

విటమిన్ B6

0.247 mg

విటమిన్ B9

82 μg

విటమిన్ ఇ

1.77 mg

కొవ్వులు / కొవ్వు ఆమ్లాలు

 

సాచ్యురేటెడ్

4.517 గ్రా

అన్శాచ్యురేటెడ్

5.982 గ్రా

పాలీఅన్శాచ్యురేటెడ్

28.569 గ్రా

 

గసగసాల గింజలు మీ వంటగదిలో కేవలం మరొక మసాలా పదార్ధం (సంభారం) కాదు; అవి జీవసంబంధ-క్రియాశీలక సమ్మేళనాలతో నిండి ఉంటాయి, ఇవి సాధారణ రుగ్మతల్ని నివారించడానికి మరియు ఉపశమనం కలిగించటానికి సహాయపడతాయి, ఇంకా మొత్తం శరీర శ్రేయస్సును ప్రోత్సహిస్తాయి. ఈ చిన్న చిన్న విత్తనాలు మన ఆరోగ్యానికి ఎలాంటి లాభాలను అందిస్తాయో ఇపుడు చూద్దాం.

  • నిద్రను ప్రోత్సహిస్తుంది: గసగసాల విత్తనాలు నిద్ర సమస్యలను తగ్గించడానికి ఉన్న ఉత్తమ పరిష్కారాలలో ఒకటి. ప్రశాంతతను ప్రేరేపించడం మరియు ఒత్తిడిని తగ్గించడం ద్వారా నిద్ర నాణ్యతను మెరుగుపరచడంలో గసగసాలు సహాయపడుతుంది.
  • మలబద్ధకానికి ఉపశమనకారి: గసగసాలలో పీచుపదార్థం ఒక గొప్ప వనరుగా ఉండటం వలన, గసగసాలు పేగుల్లోగాత్రాన్ని కల్పిస్తాయి, అందువల్ల అవి మీ ప్రేగుల్లో కదలికల్ని సులభంగా జరిగేట్టుప్రోత్సహిస్తుంది. ఇది మలవిసర్జనాల్ని పెంచి మలబద్ధకం యొక్క ఉపశమనాన్ని పెంచుతుంది.
  • మహిళల్లో సంతానోత్పత్తి శక్తిని పెంచుతుంది: గసగసాల నూనెతో పాలియోపియన్ గొట్టాల్లో ఉండే వ్యర్థాల్ని మరియు అడ్డంకుల్ని తొలగించి శుభ్రం చేయడంవల్ల ఆడవాళ్ళల్లో వంధ్యత్వాన్ని తొలగిస్తుంది. ఆడవాళ్ళలో వంధత్వానికి ప్రధాన కారణాల్లో ఒకటి ఏందంటే పాలియోపియన్ గొట్టాల్లో ఇలా శిధిలాలు మరియు అడ్డంకులేర్పడ్డామే, వాటిని తొలగించడంలో గగసాల నూనె సహాయపడుతుంది. ఇంకా ఇది లైంగికశక్తిని (లిబిడో) మరియు మొత్తం లైంగిక ఆరోగ్యాన్ని కూడా మెరుగుపరుస్తుంది.  
  • దృష్టిని మెరుగుపరచడానికి సహాయం చేస్తుంది: గసగసాల విత్తనాలు జింక్ ను కల్గి ఉంటాయి కాబట్టి ఇవి దృష్టిని మెరుగుపరచడానికి మరియు కళ్ళవెనక ఉండే “మాకులా” అనబడే మచ్చ యొక్క క్షీణతను తగ్గిస్తుంది, తద్వారా వయసు పెరిగేకొద్దీ వచ్చే దృష్టి క్షీణతను తగ్గిస్తుంది. ఈ గసగసాల్లో ఉండే అనామ్లజనకాలు కంటి కణాలపై ఆక్సీకరణ ఒత్తిడిని తగ్గించడం ద్వారా వయసు సంబంధిత దృష్టి నష్టం ప్రమాదాన్ని తగ్గించడంలో మరింత సహాయాన్ని అందిస్తాయి.

పైన చెప్పిన ప్రయోజనాలే కాకుండా, గసగసాలు రోగనిరోధక శక్తిని మెరుగుపరచడానికి మరియు నోటి పూతలను తగ్గించడంలో కూడా సహాయం చేస్తాయి, అయితే ఈ ప్రయోజనాల కోసం ఎటువంటి నిర్ధారణతో కూడిన ఆధారాలు లేవు.

  • మాదకద్రవ్య (drug) ఔషధ పరీక్ష కోసం గసగసాలు
    గసగసాల గింజలు మత్తు కల్గించే మాదకద్రవ్య రాశి అయిన అభిని-నల్లమందు (opiate morphine) సానుకూల పఠనాన్ని (positive reading) ప్రేరేపిస్తాయి. గసగసాల గింజల్ని కొద్ది పరిమాణంలో తిన్నా సరే, అంటే గసగసాల కేక్ కావచ్చు లేదా బేకరీ రొట్టె మీద చల్లిన కొన్ని గసగసాల విత్తనాలు కావచ్చు-వీటిని తిన్నపుడు డోప్-టెస్ట్ (మత్తు మందు జీవన పరీక్ష) లో విఫలం అయ్యే అవకాశం ఉంది. మాదకద్రవ్యాల అలవాటు లేని వ్యక్తి కూడా గసగసాల్ని కొద్దిగా తిన్నా సరే ఈ డోప్-టెస్ట్ లో పట్టుబడిపోవడం ఖాయం.
  • గసగసాల్ని మితం మించి తినడం చాలా ప్రమాదకరం, విషపూరితమవుతుంది
    ఒక కేసును నమ్మినట్లయితే, గసగసాలు విరగడం వలన ప్రేగులకు ఆటంకం కలిగించగలవు మరియు మరణం వలన కలిగే మత్తుమందు స్థాయిలు పెరుగుతాయి. అయినప్పటికీ, అలాంటి కేసులకు చాలా గుర్తింపు లేదు మరియు గసగసాలు విపరీతమైనవి కాదా అనే విషయంలో సందేహం లేదు. గసగసాల విత్తనాలను తప్పించుకోవాలి
  • మోర్ఫిన్ ద్వారా విషపూరితం
    గసగసాల మొక్కలో మోర్ఫిన్, కోడైన్, పాపావేరైన్, తెబాయిన్, నార్కోటిన్, నార్కోటోలిన్ మరియు నర్సీన్ వంటి ఆల్కలాయిడ్స్ చాలా ఉన్నాయి. ఒక అధ్యయనంలో కనుగొన్న వాస్తవం ప్రకారం, మాదకద్రవ్యాల్ని విపరీతంగా సేవిస్తే అవి ఏవిధంగా విషంగా మారతాయో అదేవిధంగా గసగసాలను మోతాదును మించి తింటే ఇవి కూడా విషపూరితమై వ్యక్తికి  మారకప్రమాదంగా మారుతుంది.
  • అలెర్జీ వ్యక్తులు
    కొందరికి గసగసాల విత్తనాల సేవనం సహజంగానే దుష్ప్రభావాన్ని అభివృద్ధి చేయవచ్చు. గింజలు తింటే అలెర్జీ కలిగేవాళ్ళు కూడా గసగసాల గింజలు తినే ముందు జాగ్రత్త వహించాలి.

గసగసాలను గరిష్టంగా ప్రతి సంవత్సరం భారీ పరిమాణంలో పండిస్తారు. దీని సుగంధవాసనతోకూడిన నూనెలు మరియు ఒకింత ఒగరుతో కూడిన సువాసన కారణంగా దీన్ని అనేక వంటకాల్లో సువాసనకోసం వాడుతారు. గసగసాల గింజల యొక్క వివిధ భాగాలు హృదయ వ్యాధులు, జీర్ణ రుగ్మతలు మరియు చాలా ఇతర ఆరోగ్య సమస్యలను నయం చేస్తుందని విశ్వసిస్తారు. గసగసాలు మానవ శరీరానికి వివిధ ప్రయోజనాలను అందిస్తున్నప్పటికీ, గసగసాల గింజల్లో ఉన్న అధిక మత్తుమందుల గుణం (అభిని మత్తుమందు లాగా) కారణంగా ఈ మసాలా దినుసుకు అపకీర్తి కూడా వచ్చింది, దాంతో సింగపూర్, తైవాన్, చైనా, సౌదీ అరేబియా మరియు యునైటెడ్ అరబ్ వంటి పలు దేశాల్లో గసగసాల ఉత్పత్తిపై నిషేధం ఏర్పడింది. యునైటెడ్ అరబ్ ఎమిరేట్స్ దేశం యొక్క ప్రయాణికులు పర్యాటకంలో వారితోపాటు గసగసాల విత్తనాలను తీసుకెళ్లడం  నిషేధించబడ్డాయి మరియు ఈ నిషేధ నియమాలను ఉల్లంఘన చేసిన వారిని ఆ దేశ ప్రభుత్వం ఖైదు చేయగలదు. అంతేకాకుండా, గసగసాల్లో ఉన్న మత్తుమందు పదారథాన్ని మితం మించి అతిగా సేవిస్తే తీవ్రమైన వ్యాధులకు కారణం కావచ్చు. వ్యాధి వచ్చాక దాన్ని మాన్పడం కంటే అది రాకుండా నివారించడమే మేలు గదా, అందువల్ల, గసగసాలను వాడేటప్పుడు వాటిని మితంగా వాడటం మంచిదని గుర్తించుకోండి.

और पढ़ें ...