கல்லீரல் நோய் - Liver Disease in Tamil

ஆரம்ப நிலை கல்லீரல் நோய்யின் பொது எந்த வித அறிகுறிகளும் காணமுடியாது, அவை இருந்தாலும் கூட தெளிவற்றதாக, குறிப்பிட முடியாததாக தோன்றும். ஆயினும் கல்லீரல் அணுக்கள் காயம் அடைந்தாலோ அல்லது பாதிக்கபட்டலோ சில பொதுவான அறிகுறிகள் தோன்றும். அவை  

கடுமையான கல்லீரல் உடலுறு அல்லது கடுமையான ஹெபடைடிஸின் அறிகுறிகள்::

• அதிகப்படியான  காய்ச்சல்
• குமட்டல்
• வாந்தி
• மஞ்சள் காமாலை
• தோல் அரிப்பு
• கருநிற மஞ்சள் சிறுநீர்
• கண்-வெள்ளை மஞ்சள் நிறமாக மாறுதல்

நாள்பட்ட கல்லீரல் நோய் அறிகுறிகள்::

• மஞ்சள் காமாலை
• வயிற்றுவலி மற்றும் வீக்கம்
• குமட்டல்
• வாந்தி
• ல்கல்கள் மற்றும் முட்டியில் வீக்கம்
• அரிப்பு
• சிலந்தி நேவி (தோலில் சிறிய சிலந்தி போல் உருவத்தில்
  இரத்த நாளம் தோன்றும்)
• பசியிழப்பு
• எடை இழப்பு
• சிறு செயலிலும் தளர்ச்சி ஏற்படுவது
• எளிதில் காயம் கன்றிபோகும் .

கல்லீரல் நோயானது, இழைநார்  வளர்ச்சி கட்டத்தை அடைந்துவிட்டது என்றால், புதிய அறிகுறிகள் தோன்றலாம். அவை:

• வாந்தியில் இரத்தம் (ஹெமடேமேசிஸ்)
• மலவாயிலிருந்து இரத்தப்போக்கு.
•  அடிவயிற்றில் திரவம் குவிதல் (அசிடேஸ்)
•  குழப்பம்.

சில கல்லீரல் நோய்களில் அதற்குரிய தனிப்பட்ட அறிகுறிகளுடன் மேற்கூறப்பட்ட அறிகுறிகளும் தோன்றலாம். கல்லீரல் இழைநார்  வளர்ச்சிக்கு சிகிச்சை அளிக்காமல் இருந்தால் கல்லீரல் செயலிழந்து விடும் ,அது அவசர மருத்துவ நிலையாகும், அதனால் அதிகமான மதிமயக்கநிலை, புலன் மரத்த நிலை(கோமா)  இவைகளுடன் கடுமையான திசைதிருப்பல், குழப்பம், மற்றும் வாய் துர்நாற்றம்  போன்ற அறிகுறிகளுடன் தோன்றலாம் .

கல்லீரல் நோய்களுக்கு நோய் கண்டறிந்து அதன் படி சிகிச்சை அளிக்கப்படுகின்றன.நோய் முதிர்ச்சி அடைந்த சந்தர்ப்பங்களில், குணப்படுத்தும் சிகிச்சை பொருந்தாத பொது, நோய்த்தொற்றுகளின் தீவிரத்தை குறைக்க அல்லது சிக்கல்களின் காரணமாக நோய்த்தாக்குதலை தடுக்க நோய் தடுப்பு பாதுகாப்பு சிகிச்சை பரிந்துரைக்கப்படுகிறது. அதில் பொதுவாக பயன்படுத்தப்படும் சிகிச்சை முறைகளில் சிலது இவையாகும்::

• வைரஸ் தடுப்பு சிகிச்சை                                       
  நாள்பட்ட ஹெபடைடிஸ் பி மற்றும் சி வைரஸ் தொற்றுக்களுக்கு பொதுவாக வைரஸ் எதிர்ப்பு மருந்துகள் நீண்ட காலத்திற்கு பரிந்துரைக்கப்படுகின்றன  .
• ஆண்டிபயாடிக் சிகிச்சை                                  
  கல்லீரல் சேதத்திற்கு வாய்வழி நுண்ணுயிர் எதிர்ப்பி சிகிச்சை தேவைப்படுகிறது, ஆனால் தீவிரமான  சந்தர்ப்பங்களில், சீழ் வடிகால் மற்றும் நரம்புகளில்  நுண்ணுயிர் எதிர்ப்பிகள்  செலுத்தி விரைவான மற்றும் முழுமையான சிகிச்சை அழைக்கபடுகின்றன
• கூட்டு சிகிச்சை                                      
  ஆட்டோ இம்யூன் ஹெபடைடிஸ் நோயிற்க்கு இது பயன்படுத்தப்படுகிறது. இந்த சிகிச்சையில். இதற்க்கு கார்டிகோஸ்டீராய்டுகள், தடுப்பாற்றல் மற்றும் அழற்சி எதிர்ப்பு மருந்துகள் ஆகியவை கொடுக்கபடுகிறது. இந்த மருந்துகள் நோயெதிர்ப்பு மண்டலத்தின் அதிகமான இயக்கத்தை குறைத்து  கல்லீரலில் வீக்கத்தை குறைக்கின்றன
• செலேஷன் தெரபி
  வில்சன் நோய் தாக்குதலில் பெனிசிலில்மின் வகைகளைப் பயன்படுத்தி செப்பு செதுக்கப்பட்டுள்ளது. செப்புகளின் அயன்கள் மருந்துகளுடன் இணைந்து சிறுநீரில் வெளியேற்றப்படுகின்றன. சமீபகாலமாக குறைவான பக்க விளைவுகளைக் கொண்ட ட்ரீயேண்டின் பயன்படுத்தப்படுகிறது
• தொடர்ச்சியான பிளேபோட்டமி
  இது பரம்பரைக் ஹிமொச்ரோமடோசிஸின்  போது செய்யப்படுகிறது. பிளாபெட்டோமி என்பது உடலில் உள்ள சிரைவிலிருந்து உயர் இரும்பு அளவுகளை குறைப்பதற்கான ஒரு செயல்முறையாகும்.
• துணை மருத்துவம்
  சில கல்லீரல் என்சைம்கள் அல்லது புரதங்கள் ஈரல் செல்களின் சுமையை குறைக்க, துணை மருந்துகளாக வழங்கப்படுகின்றன.
• அறுவை சிகிச்சை அல்லது கல்லீரல் மாற்று அறுவை சிகிச்சை
  நோய் தீவிரமாக மற்றும் குணப்படுத்த முடியாத நிலை என்றால், கல்லீரல் மாற்று சிகிச்சை செய்யப்படுகிறது. இதில் ஒரு வாழும் நன்கொடையாளரிடமிருந்து பகுதியளவு கல்லீரல்-திசு பரிமாற்றம் அல்லது ஒரு இறந்தவரின் முழு கல்லீரல் மாற்றம் செய்யப்படும்

பெரும்பாலான சந்தர்ப்பங்களில், வாழ்க்கை முறை மாற்றங்களுடன் சேர்த்து கூட்டு சிகிச்சை, கல்லீரல் நோய்களைக் சரிசெய்ய உதவும். முறைப்பட்ட கல்லீரல் செயல்பாடு கண்காணிப்பு மற்றும் அல்ட்ராசவுண்ட் மதிப்பாய்வு அவசியம்  

வாழ்க்கைமுறை மேலாண்மை

ஒருவரின் தினசரி வாழ்க்கையை கல்லீரல் நோய் பாதிக்கலாம். குறிப்பாக, நாட்பட்ட நோய் என்றால் அதன் தொடர்புடைய சிக்கல்கள் மேலும் முன்னேறாமல் தவிர்க்க வாழ்க்கை முறை மாற்றங்கள் நிறைய வேண்டும். சில நோய்களை  மது உட்கொள்ளுதல், எடை குறைப்பு, ஒரு சிறந்த BMI ஐப் பெறுதல் போன்ற வாழ்க்கை மாற்றங்களினால் சரி செய்து விடலாம் கல்லீரல் நோய்க்கான வாழ்க்கை முறை மாற்றங்கள் இவையாகும்::

• மது உட்கொள்ளுதலை கட்டுபடுத்தவும்
  மது உட்கொள்ளுதல் என்பது கல்லீரல் நோயை உண்டக்குவதிலோ அல்லது அதனை தீவிரம் அடைய செய்வதிலோ மிகவும் பொதுவான காரணிகளில் ஒன்று, அதனால் மது உட்கொள்ளுவதை முற்றிலுமாக தவிர்க்கவும் அல்லது குறைக்கவும்  .
• உணவு முறை
  அதிக உணவு அல்லது அதிக கொழுப்பு சத்து நிறைந்த உணவை உட்கொள்ளும் பொது  கல்லீரலில் உண்டாகும் சுமை குறைக்க சிறிய அளவில் அடுத்து அடுத்தாக உணவு உட்கொள்ளவேண்டும்
• உணவு மாற்றம்
  கல்லீரல் புரதம் வளர்சிதை மாற்றத்துடன் தொடர்புடையது, கல்லீரலின் சீர்குலைவுகள் அதைத் தடுக்கின்றன. ஒரு நீண்ட கால ஆற்றலை வழங்குவதற்கு, உணவில் அதிக மாவுசத்து சேர்க்கப்படுவது முக்கியம். போதுமான அளவு வளர்சிதை மாற்றம் பெறாமல் இருந்தால் உணவில் புரதத்தை தவிர்க்கவேண்டும். இதன் விளைவாக, சில நச்சு சார்ந்த பொருட்கள் உடலில் குவிந்து மூளை பாதிக்கலாம். ஹீமோகுரோமாட்டோசிஸ் பாதிப்பு என்றால், உணவில் இருந்து இரும்பு உறிஞ்சுதலை அதிகரிக்கும் வைட்டமின் சி உட்கொள்ளுவதை குறைக்க வேண்டும்
• வலிப்பு நோய் நிவாரணி அல்லது வலி நிவாரணிகளின் பயன்பாடு:
  கிட்டத்தட்ட அனைத்து வலிநிவாரணிகளும் கல்லீரலில் வளர்சிதை மாற்றமடைகின்றன, அவற்றில் பெரும்பாலானவை ஹெபடடோடாக்சிக்காக (கல்லீரலுக்கு  தீங்கு விளைவிக்கும் காரணிகள்) உள்ளன. எனவே, எல்லா வலி நிவாரணிகளை தவிர்ப்பது எப்போதுமே நல்லது. மருத்துவரின் ஆலோசனையின் பின் மட்டுமே அவற்றை எடுத்துக் கொள்ள வேண்டும்
• புகைபிடித்தல் தவிர்க்கவும்
  புகைபிடித்தல் கல்லீரல் சேதத்தை ஏற்படுத்தக்கூடிய முக்கிய காரணிகளில் ஒன்றாகும். எனவே, கல்லீரல் பாதிப்பை தவிர்ப்பதற்கு, புகைப்பதை தவிர்ப்பது நல்லது.
• எடை பராமரிப்பு
  எடை குறைப்பு அல்லது இலக்கு BMI ஐ அடைந்தால்  கொழுப்பு குவிப்பு குறைத்து கல்லீரல் செதத்தை தடுக்க உதவும். அத்தோடு அதன்  தொடர்புடைய சிக்கல்களை தடுக்கவும் உதவும். (மேலும் படிக்க - எடை இழப்பு உணவு விளக்கப்படம்)
• நோய்த்தடுப்பு
  சேதமடைந்த கல்லீரல் ஹெபடைடிஸ் வைரஸால் எளிதில் பாதிக்கப்படுவதற்க்கு வாய்ப்புண்டு, வைரஸ் நோய் தொற்றினால் கல்லீரலில் புற்றுநோய் வரலாம் எனவே ஹெபடைடிஸ் வைரஸ் எதிராக தடுப்பூசி  எடுத்துக்கொண்டால் சிக்கல்களை தவிர்க்க முக்கியம்