கருப்பை நீர்க்கட்டிகள் - Ovarian Cysts in Tamil

செயல்பாட்டு நீர்க்கட்டிகள் எந்த அறிகுறிகளையும் உருவாக்க முயற்சிக்காது. இருப்பினும், நோய்க்குறி சார்ந்த நீர்க்கட்டிகளில் தோன்றக் கூடிய பொதுவான அறிகுறிகள் இவற்றை உள்ளடக்கியது

• அடிவயிற்றில் கூர்மையான அல்லது மந்தமான இயல்புடைய வலி.
• வயிறு வீங்குதல்.
• குமட்டல்.
• வாந்தி.
• பசியுணர்வு குறைதல்.
• மலச்சிக்கல்.
• முறையற்ற மாதவிடாய் சுழற்சி.
• அடிவயிற்றில் வீக்கம் மற்றும் கன்னிப் போகுதல்.

கருப்பை நீர்க்கட்டிகளின், குறைவாக ஏற்படும் பொதுவான அறிகுறிகள் உள்ளடக்கியது:

• இடுப்புப் பகுதியில் வலி.
• உடலுறவின் போது வலி.
• விவரிக்க முடியாத யோனி இரத்தப்போக்கு.
• மார்பகங்களில் இலேசான வலி அல்லது கன்னிப் போகுதல். (மேலும் படிக்க - மார்பக வலிக்கான காரணங்கள்)
• அடிக்கடி சிறுநீர் கழித்தல்.
• தொடைகள் மற்றும் பின்முதுகில் வலி.
• திடீரென்று எடை அதிகரித்தல்.

பெரும்பாலான பெண்களுக்கு, கருப்பை நீர்க்கட்டிகள் மூலம் கருவுறுதல் பாதிக்கப்படாமல் இருக்கிறது என்றாலும், சில பெண்கள் கருவுறுதலில் பிரச்சினையை சந்திக்கக் கூடும்.

பெரும்பாலும், கருப்பை நீர்க்கட்டிகள் எந்த சிகிச்சையும் இல்லாமல் ஒரு சில மாதங்களில் குணமாகிறது. அது போன்ற நிலைகளில் எந்த அறிகுறிகளும் தோன்றாமல் இருக்கலாம்.

நோய் நீக்குதல் அல்லது சிகிச்சையின் தேவை இவற்றைச் சார்ந்தது:

• நீர்க்கட்டியின் அளவு.
• அது உருவாக்கும் அறிகுறிகள்.
• அந்தப் பெண்ணுக்கு மாதவிடாய் நின்று விட்டதா என்பது.

சில நாட்களுக்கு நீர்க்கட்டிகளைக் கண்காணித்தல்

பெரும்பாலான நிலைமைகளில், மருத்துவர் உங்களை எந்த ஒரு சிகிச்சையும் உடனடியாகப் பெற வேண்டாம், ஆனால், நீர்க்கட்டிகள் தானே குணமாகிக் கொண்டு இருக்கிறதா என சோதிக்க, அல்ட்ராசவுண்ட்கள் போன்ற மருத்துவப் பரிசோதனைகளுக்கு தொடர்ந்து போக வேண்டும் என அறிவுறுத்தலாம். மாதவிடாய் நின்று போன பெண்களுக்கு கருப்பை புற்றுநோய் வரும் அபாயம் அதிகளவில் இருப்பதால், குறைந்தபட்சம் ஒரு வருடத்திற்கு, நான்கு மாதங்களுக்கு ஒருமுறை அல்ட்ரா சவுண்ட் ஸ்கேன்கள் எடுக்க அறிவுறுத்தப்படக் கூடும். நீர்க்கட்டிகள் உருவாகவில்லை என அல்ட்ரா சவுண்ட் ஸ்கேன்கள் தெரியப்படுத்தினால் தொடர்ந்து சிகிச்சை தேவைப்படாது.

மருந்துகள்

மருத்துவர், கருமுட்டை உற்பத்தியை நிறுத்துவதற்காக ஹார்மோன்கள் கொண்ட மருந்துகளைப் (கருத்தடை மாத்திரைகள்) பரிந்துரைக்கலாம். இது எந்த ஒரு செயல்பாட்டு நீர்க்கட்டிகள் உருவாவதையும் தடுக்கும்.

அறுவை சிகிச்சை

வலி மற்றும் கட்டி அல்லது வீக்கம் போன்ற அறிகுறிகளை வெளிப்படுத்தும், பெரிய அளவிலான நீர்க்கட்டிகள், அறுவை சிகிச்சை மூலம் நீக்கப்படக் கூடியதாக இருக்கலாம். அறுவை சிகிச்சை இரண்டு மாறுபட்ட வழிகளில் செய்ய இயலும்:

• லேப்ரோஸ்கோப்பி
  புற்றுநோயோடு தொடர்பற்ற சிறிய நீர்க்கட்டிகளுக்கு லேப்ராஸ்கோப்பி அறுவை சிகிச்சை செய்யப்படலாம். இந்த அறுவை சிகிச்சையில், மருத்துவர் தொப்புளுக்கு அருகில் ஒரு சிறிய கீறல் வழியாக ஒரு கருவியை உள்ளே செலுத்தி நீர்க்கட்டியை பிரித்து எடுக்கிறார்.
• லேப்ரோட்டமி
  லேப்ரோட்டமி என்பது, அளவில் பெரிய மற்றும் புற்றுநோயோடு தொடர்புடையதாகக் கூட இருக்கக் கூடிய, நீர்க்கட்டியை நீக்குவதற்கு பயன்படுத்தப்படுகிற ஒரு அறுவை சிகிச்சை முறை. இந்த அறுவை சிகிச்சை மருத்துவருக்கு கட்டியை நீக்குவதற்கும் மற்றும் அதை,  தொடர்ந்த பரிசோதனைக்கு அனுப்பவும் வாய்ப்பளிக்கிறது. ஒருவேளை அந்த நீர்க்கட்டி புற்றுநோயோடு தொடர்புடையதாக இருந்தால், பிறகு ஒரு புற்றுநோய் நிபுணர் தொடர்ந்த சிகிச்சையை வழங்குவார். அதன் தீவிரத்தைப் பொறுத்து, கருப்பை நீக்கம் செய்வதும் அவசியமாகலாம்           .

அறுவை சிக்கிச்சைக்குப் பின், நீங்கள் வயிறுப்பகுதியில் ஒரு இலேசான அசௌகரியத்தை உணரலாம். இருப்பினும், அறுவை சிகிச்சையினால் ஏற்படும் வலி ஒரு சில நாட்களில் சரியாகி விடும். மீண்டு வரும் நாட்கள் லேப்ராஸ்கோப்பியில் இரண்டு வாரங்களாக இருக்கிறது,  அதேநேரத்தில் லேப்ராட்டமிக்கு எட்டு வாரங்களாக இருக்கக் கூடும்.

அறுவை சிகிச்சைக்குப் பிறகு, ஒரு நோய்த்தொற்றை சுட்டிக்காட்டுகிற, பின்வரும் அறிகுறிகளில் ஏதேனும் தோன்றினால் உடனடியாக தெரிவிக்கப்பட வேண்டும்:

• அறுவை சிகிச்சை செய்யப்பட்ட இடத்தில் இரத்தப் போக்கு.
• கடுமையான வயிற்று வலி.
• அறுவை சிகிச்சை செய்யப்பட்ட பகுதியில் வீக்கம்.
• காய்ச்சல்.
• அசாதரணமான யோனிவழி வெளியேற்றம்.

வாழ்க்கைமுறை நிர்வாகம்

கருப்பை நீர்க்கட்டிகளைக் கையாள்வதில் மிகவும் பெரிய அளவில் உதவும், உதவிகரமான பல்வேறுபட்ட படிநிலைகள் உள்ளன. உடல்நலப் பராமரிப்பின் ஒரு பகுதியாக செய்யக்கூடியவை மற்றும் செய்யக்கூடாதவை பற்றிய ஒரு பட்டியலை இவை கொண்டிருக்கின்றன:

• புகைப்பிடித்தலைக் கைவிடுதல்
  புகைபிடிக்கும் பெண்கள் எளிதில் கருப்பை நீர்க்கட்டிகளால் பாதிக்கப்பட மிகவும் வாய்ப்புள்ளதாக ஆரய்ச்சிகள் தெரிவிக்கின்றன. எனவே, அளவுக்கதிகமான புகைப்பிடித்தலும் மது அருந்துதலும் எப்படியாயினும் கண்டிப்பாகத் தவிர்க்கப்பட வேண்டும்.
• காஃபின் எடுத்துக்கொள்வதைக் குறைத்தல்
  காஃபின், கருப்பை நீர்க்கட்டிகள் வளர்ச்சியைத் தூண்டுவதாக செயல்படக் கூடும், எனவே அது மிதமான அளவில் தான் எடுத்துக் கொள்ளப்பட வேண்டும்.
• சர்க்கரை எடுத்துக்கொள்வதைக் குறைத்தல்
  அளவுக்கு அதிகமாக உபயோகப்படுத்தப்படும் சர்க்கரை, கட்டி மற்றும் வீக்கத்துக்கு வழிவகுக்கக் கூடும். கூடவே, நீங்கள் ஏற்கனவே நீர்க்கட்டிகளால் பாதிக்கப்பட்டு இருந்தால், சர்க்கரை மற்றும் சுத்திகரிக்கப்பட்ட கார்போஹைட்ரேட் பொருட்கள் அதிகமான வலி ஏற்படக் காரணமாகக் கூடும். ஆகவே, சர்க்கரை எடுத்துக் கொள்வது கட்டுப்படுத்தப்பட வேண்டும். கூடவே பதப்படுத்தப்பட்ட உணவுகளை சாப்பிடுவதும் தவிர்க்கப்பட வேண்டும்.
• ஈஸ்ட்ரோஜென் எடுத்துக் கொள்வதைக் குறைத்தல்
  சோயா மற்றும் உணவு கூட்டுப் பொருட்கள் போன்ற உணவு ஆதாரங்கள்  அதிக அளவில் ஈஸ்ட்ரோஜென் மற்றும் எக்ஸ்னோஈஸ்ட்ரோஜென்களைக் கொண்டிருக்கின்றன. உடம்பில் அளவுக்கதிகமான ஈஸ்ட்ரோஜென் அளவுகள் ஹார்மோன் சமநிலையின்மைக்கு வழிவகுக்கக் கூடும், அதன் காரணமாக கருப்பை நீர்க்கட்டிகளுக்கு வழிவகுக்க முடியும்.
• ஸ்டெராய்டு மருந்துகளைத் தவிர்த்தல்
  ஸ்டெராய்டு மருந்துகள், அதே கருப்பை நீர்க்கட்டிகள் உருவாக்கத்தை ஆரம்பிக்கும், ஹார்மோன் சமநிலையின்மைக்கு காரணமாகக் கூடும், அதனால் கண்டிப்பாகத் தவிர்க்கப்பட வேண்டும். வலி நிவாரணத்திற்கு, வழக்கமான வலி நிவாரணிகளுக்குப் பதிலாக பாராசிட்டமால் பயன்படுத்தலாம்.
• சரிவிகித உணவை உண்ணுதல்
  நீங்கள் ஏற்கனவே கருப்பை நீர்க்கட்டிகளோடு போராடிக்கொண்டு இருந்தால், ஒரு ஆரோக்கியமான மற்றும் சரிவிகித உணவு பெறும் அடிப்படையில் சிறப்பு கவனம் எடுத்துக் கொள்ளப்பட வேண்டும். கருப்பை நீர்க்கட்டிகள் திரும்ப வருவதைத் தடுக்க, அந்த உணவில் கண்டிப்பாக பழங்கள், காய்கறிகள் மற்றும் பருப்பு வகைகள் இடம்பெற வேண்டும். தவிர,  இந்த உணவுகள், கருப்பை நீர்க்கட்டிகளை இயற்கையாக குணப்படுத்தக்கூடிய மற்றும் திரும்ப அவை வருவதை குறைக்கக்கூடிய நார்ச்சத்து அதிகம் கொண்டவை.
• ஒரு உடற்பயிற்சி ஒழுங்குமுறையை உருவாக்குதல் 
  யோகா மற்றும் உடலை வளைத்து செய்யும் பயிற்சிகள் கருப்பை நீர்க்கட்டிகளைக் குணப்படுத்த உதவுவது மட்டுமல்ல, மாதவிடாய் வலி மற்றும் வயிற்றிலும் முதுகிலும் ஏற்படும் பிடிப்பு போன்ற, மாதவிடாய் அசௌகரியங்களைக் குறைக்கவும் உதவுகிறது. முறையான உடற்பயிற்சிகள் மன அழுத்தம் அளவுகளைக் குறைக்கவும், உடல் முழுவதும் இரத்த ஓட்டத்தை அதிகரிக்கவும் கூட உதவுகிறது, அதன் காரணமாக, கருப்பை நீர்க்கட்டிகளைக் குறைப்பதன் அடிப்படையில் நேர்மறையான விளைவு ஏற்படுகிறது.
• மாதவிடாயின் போது, சௌகரியமான உடைகளை அணிதல்
  உங்கள் மாதவிடாயின் போது இறுக்கமான மற்றும் அசௌகரியமான உடைகளை அணிவது வயிற்றில் அழுத்தத்தைக் கொடுத்து, வலியைத் தூண்டக் கூடும். அதனால், சௌகரியமான, தொளதொளப்பான ஆடைகளை அணிய அறிவுறுத்தப்படுகிறது.
• அதிக அளவு தண்ணீர் குடித்தல்
  ஒரு நாளைக்கு 7-8 கிளாஸ்கள் தண்ணீர் அருந்துவது நச்சுப்பொருட்களை உடலில் இருந்து வெளியேற்றவும், அதே போல் வீக்கத்தைக் குறைக்கவும் உதவும். அதனால், உங்களுக்கு நீர்ச்சத்து குறையாமல் பார்த்துக் கொள்வது முக்கியமானது.
• தளர்வு நுணுக்கங்களைப் பயிற்சி செய்தல்
  மன அழுத்தம் மற்றும் கவலை இரண்டும், ஹார்மோன் சமநிலையின்மையில் பங்குபெறுவதால் நமது உடலுக்குக் கேடு விளைவிக்கும் ஒரு பாதிப்பைக் கொண்டிருக்கிறது. மன அழுத்தமும் செயல்பாட்டு கருப்பை நீர்க்கட்டிகளுக்கு ஒரு பொதுவான காரணமாகும். ஆகவே, மூச்சுப்பயிற்சி, தியானம், உடற்பயிற்சி அல்லது ஒரு ஆலோசனையைப் பெறுவது கூட, இது போன்ற தளர்வு நுணுக்கங்களைப் பயிற்சி செய்வதன் மூலம் உடலும் மனமும் ஒரு சமநிலைக்குத் திரும்பும்.