வலி தருகிற சிறுநீர் கழித்தல் - Painful Urination in Tamil

ஒரு சராசரி, ஆரோக்கியமான வயது வந்த நபர் ஒரு நாளைக்கு குறைந்தபட்சம் ஐந்து அல்லது ஆறுமுறை சிறுநீரை வெளியேற்றுகிறார். மேலும், வழக்கமாக 1.2 முதல் 1.5 லி. சிறுநீர் தினந்தோறும் வெளியேற்றப்படுகிறது. சிறுநீர் கழிக்க ஆரம்பிக்கும் போது அல்லது சிறுநீர் கழித்துக் கொண்டிருக்கும் நேரம் முழுவதும் வலி அல்லது அசௌகரியம் சேர்ந்து இருந்தால், அது டைசுரியா (வலி தருகிற சிறுநீர் கழித்தல்) என அறியப்படுகிறது. சிறுநீர் தொகுதியில் ஏற்படும் நோய்களின் மிகவும் வழக்கமான அறிகுறிகளாகக் கூறப்படுவனவற்றில் இதுவும் ஒன்று.

சிறுநீர் கழித்தல் அத்துடன் பல்வேறு அறிகுறிகளோடு இணைந்து தோன்றலாம். அவை கீழே விவரிக்கப்படுள்ளன:

• வலி
  வலி தருகிற சிறுநீர் கழித்தலின் அறிகுறிகள் பெரும்பாலும் சிறுநீர் கழிக்கும் போது காணப்படுகிறது. சிறுநீர் கழிக்க ஆரம்பிக்கும் போது அல்லது சிறுநீர் கழிக்கும் மொத்த நேரமும் நீங்கள் வலியை உணரக் கூடும்.அந்த வலி பெரும்பாலும் கூர்மையானதாக, விரும்பாததகாத மற்றும் அசௌகரியத்தை ஏற்படுத்துவதாக இருக்கும்.சிறுநீர் கழித்த பிறகு உங்கள் வலி நீடிக்கலாம் அல்லது நீடிக்காமலும் இருக்கலாம்.  

• காய்ச்சல்
  உங்கள் சிறுநீர் பாதையில் நோய்த்தொற்று ஏற்பட்டிருந்தால், நீங்கள் உங்கள் உடல் வெப்பநிலை அடிக்கடி உயர்வதை உ(ணரலாம். உங்கள் காய்ச்சல் மிதமான அளவிலிருந்து நடுத்தரமான அளவு (38.5⁰ செல்சியஸ்க்கு மேல் ) இருக்கலாம். உங்கள் காய்ச்சல் குளிரோடு சேர்ந்தும் கூட இருக்கலாம்.

• மங்கலான அல்லது இரத்தம் கலந்த சிறுநீர்
  வலியுடன் கூடவே, நீங்கள் சிறுநீரின் நிறத்தில் ஒரு மாற்றத்தைக் கவனிக்கலாம். உங்கள் சிறுநீர் தெளிவாக, வெளிர் மஞ்சள் நிறத்தில் இல்லாமல், மங்கலாக அல்லது  சிறுநீர் கழிக்கும் போது வரும் இரத்தத்தால், சிகப்பு கலந்தது போன்று தோன்றக் கூடும்.
   
• சீழ்/ இரத்தம்/ வேறு ஏதாவது திரவத்தின் அசாதாரணமான வெளியேற்றம்
  சிலநேரங்களில், சிறுநீர் கழிக்கும் போதோ அல்லது அதன் பிறகோ, திரவம், இரத்தம் அல்லது சீழ் வெளியேறுவதையும் நீங்கள் உணரக் கூடும்.  

• வாடை
  உங்கள் சிறுநீரில் ஒரு நெடி மிகுந்த மற்றும் விரும்பத்தகாத மணமும் இருக்கலாம்.

• அடிக்கடி சிறுநீர் கழித்தல்
  சில நேரங்களில், வலி தருகிற சிறுநீர் கழித்தல், அதிகரிக்கப்பட்ட அளவில் சிறுநீர் கழித்தல் அடிக்கடி நிகழ்வது மற்றும் சிறுநீர் கழிக்கும் உந்துதல் அதிகரிப்பதோடு சேர்ந்து இருக்கிறது.

• பக்கவாட்டு வலி
  பக்கவாட்டு வலி என்பது, விலா எலும்புகளுக்கும் இடுப்புப் பகுதிக்கும் (இடுப்பெலும்புக்கு அருகே; இரண்டு பக்கமும் இருக்கிற இடுப்பு எலும்பின் ஒரு பகுதி) இடையே தோன்றுகிற வலி அல்லது அசௌகரியம் ஆகும்.

• சொறிகள், அரிப்பு, எரிச்சல்
  ஒரு மறைமுகமான நோய்த்தொற்றோடு இணைந்த வலி தருகிற சிறுநீர் கழித்தல், அடிக்கடி சொறிகள், சிவந்து போதல், மற்றும் எரிச்சல் உணர்வைக் கொண்டு இருக்கிறது, மற்றும் அந்த நபர் இடுப்புப் பகுதியில் உணர்கிற அரிப்பிலிருந்து சற்று விடுபட சொறிவதால் எரிச்சல் உணர்வு உண்டாகிறது.

• கொப்புளங்கள்/புண்கள்
  கொப்புளங்கள் மற்றும் புண்கள், பால்வினை நோய்களின் காரணமாக ஏற்படும் வலி தருகிற சிறுநீர் கழித்தலில் காணப்படும். இந்தக் கொப்புளங்கள், இடுப்புப் பகுதியில் பெண்ணுறுப்பை சுற்றியும் மற்றும் ஆண்குறியின் மீதும் தோன்றுகிறது.

வலி தருகிற சிறுநீர் கழித்தலுக்கான சிகிச்சை, மறைந்திருக்கும் மருத்துவ காரணத்தை சார்ந்திருக்கிறது.

மருத்துவங்கள்
சிறுநீர் பாதை அல்லது இனப்பெருக்க அமைப்பில் ஏற்பட்ட  நோய்த்தொற்று ஒரு காரணமாக இருந்தால், உங்கள் மருத்துவர் சில மருந்துகளை (நுண்ணுயிர் எதிர்ப்பு மருந்துகள் அல்லது வைரஸ் எதிர்ப்பு மருந்துகள்)  பரிந்துரைக்கலாம். பரிந்துரைக்கப்பட்ட கால அளவிற்கு மருந்துகளை எடுத்துக் கொண்ட பிறகு, உங்கள்  மருத்துவர் தொடர்ந்து பின்பற்றவும், அறிகுறிகள் குறைந்து விட்டதா என அறிய மீண்டும் உங்களை பரிசோதிக்குமாறும் கூறக் கூடும்.

சிறுநீரக கற்கள் காரணமாக இருந்தால், கற்களின் அளவைப் பொறுத்து சிகிச்சை மாறுபடும். உங்கள் சிறுநீரக கல்லின் அளவு சிறியதாக இருந்தால், உங்கள் மருத்துவர் சிறுநீரில் அந்தக் கற்களை நீங்கள் வெளியேற்றும் வரை காத்திருக்குமாறு கூறலாம். கற்களை கரைப்பதற்கு சில மருந்துகளும் கூட பரிந்துரைக்கப்படலாம்.

அறுவை சிகிச்சை
பெரிய சிறுநீரக கற்கள், ஒரு அடைப்பு, ஒரு கட்டி அல்லது சிறுநீர் பாதை குறுக்கம் இருக்கும் பட்சத்தில், அதை சரி செய்ய உங்கள் மருத்துவர் ஒரு அறுவைசிகிச்சை மேற்கொள்ள உங்களை அறிவுறுத்தலாம்.