டெஸ்டோஸ்டிரோன் அதிகரிக்க இயற்கை வைத்தியங்கள் - Natural Remedies to Boost Testosterone in Tamil

டெஸ்டோஸ்டிரோன் மற்றும் உடல்பருமன் இரண்டுக்கும் இடையேயான தொடர்பை அடிப்படையாகக் கொண்ட ஒரு ஆய்வு, ஆணினவியலுக்கான ஆசிய குறிப்பேட்டில் வெளியிடப்பட்டு இருந்தது. அந்த ஆணினவியலுக்கான ஆசிய குறிப்பேடு, உடல்பருமன் உள்ள ஆண்கள், குறைவான டெஸ்டோஸ்டிரோன் அளவைக் கொண்டிருக்கின்றனர் எனத் தெரிவித்தது. ஒரு நபர் உடல்பருமனாக இருக்கும் பொழுது, உடலின் இன்சுலினுக்கு எதிரான திறன் அதிகரிக்கிறது. அதன் விளைவாக, டெஸ்டோஸ்டிரோன் உடன்  சேர்ந்து இருக்கும் புரதங்களும் குறைகின்றன, அதனால் உடலில் டெஸ்டோஸ்டிரோன் அளவு குறைந்திருக்கும் ஒரு நிலையை ஏற்படுத்துகிறது.

அதனால், உடல் எடையைக் குறைப்பது, உங்கள் ஊன் நீரில் டெஸ்டோஸ்டெரோன் அளவை அதிகரிக்க உதவும். உங்கள் விருப்பம் மற்றும் உடல் அமைப்புக்குப் பொருந்தக் கூடிய, பல்வேறு உடற்பயிற்சிகளில் இருந்து தேர்ந்தெடுப்பதன் மூலம் உங்கள் உடல் எடையைத் திறம்படக் குறைக்க, உடலியல் செயல்பாட்டின் அளவு மற்றும் நேரத்தை நீங்கள் அதிகரிக்கலாம். ஒரு சமச்சீரான உணவை உண்பதுடன், சக்தி யோகா, சைக்கிள் ஓட்டுதல், மெது ஓட்டம், நீச்சல், டாய்-ச்சி போன்ற கார்டியோ பயிற்சிகள் உட்பட, உடற்பயிற்சிகளை செய்வது, உடல் பருமனைக் குறைப்பதில் மிகவும் திறன்மிக்கதாக இருப்பதாகக் கணடறியப்பட்டு உள்ளது. 

(மேலும் படிக்க: உடல்பருமன் சிகிச்சை)

ஊன் நீர் டெஸ்டோஸ்டிரோன் அளவுகளின் மீதான உடற்பயிற்சியின் விளைவை அடிப்படையாகக் கொண்ட ஒரு ஆய்வு, உடலியல் செயல்பாடு மற்றும் உடற்பயிற்சி ஆகியவை, இரத்த ஊன் நீரில் டெஸ்டோஸ்டிரோன் அளவுகளைக் கணிசமாக அதிகரிக்கிறது எனத் தெரிவிக்கிறது. அதே போன்ற ஒரு ஆய்வு, உடற்பயிற்சிக்கு பிறகு டெஸ்டோஸ்டிரோன் அளவுகளில் ஏற்படும் மாற்றங்களைக் காண, 102 ஆண்கள் மீது 12 மாத கால அளவுக்கு மேற்கொள்ளப்பட்டது.

அந்த ஆய்வில் ஆண்களுக்கு, உடற்பயிற்சிக்குப் பிறகு டெஸ்டோஸ்டிரோன் ஊன் நீர் அதிகரித்து இருப்பது கண்டறியப்பட்டது. அத்துடன், பாலுறவு ஹார்மோனுடன் சேர்ந்து இருக்கும் புரதத்தின் ஊன் நீர் அளவு, மற்றும் இதயத்தின் ஆற்றல் ஆகியவையும் அதிகரித்து இருந்தது. அதனால், நீங்கள் தவறாமல் உடற்பயிற்சி செய்து வருதல், உங்கள் உடல் வலிமைக்கு ஏற்றவாறு பளு தூக்குதல் அல்லது உங்கள் உடற்பயிற்சி நடைமுறையை அமைக்க ஒரு பயிற்சியாளரை நியமித்தல் ஆகியவை உண்மையிலேயே நன்மை அளிக்கக் கூடியவையாக இருக்கும். இதை ஒரு காலகட்டத்திற்கு மேல் செய்து வரும் போது, அது உங்கள் உடலில் டெஸ்டோஸ்டிரோன் அளவை இயல்பாக்குகிறது.

ஆண்களின் உடலில் டெஸ்டோஸ்டிரோன் தூக்கத்தின் போது அதிகமாக சுரக்கப்படுகிறது. டெஸ்டோஸ்டிரோன் அளவுகளின் மீதான தூக்கத்தின் பாதிப்புகளை சோதிக்க, 2011 ஆம் ஆண்டு ஒரு ஆய்வு மேற்கொள்ளப்பட்டது. அந்த ஆய்வில், தூக்கம்  குறைவான நபர்கள், தூக்கத்தில் இடையூறு அல்லது தூக்கமின்மையைக் கொண்ட நபர்கள் ஆகியோருக்கு, டெஸ்டோஸ்டிரோன் அளவுகள் கணிசமான அளவில் குறைந்து இருப்பது கண்டறியப்பட்டது.

உங்கள் உடலில் பாலுறவு ஹார்மோன் அளவுகளை அதிகரிக்க நீங்கள், தவறாமல் 7-8 மணி நேரம் நன்கு தூங்க வேண்டும். தூக்கம் டெஸ்டோஸ்டிரோன் ஊன் நீரின் அளவு அதிகரிக்க உதவுவதோடு மட்டும் அல்லாமல், கூடவே உடலின் மற்ற பல்வேறு வளர்சிதை செயல்பாடுகளை முறைப்படுத்துவதிலும் உதவுகிறது.

டெஸ்டோஸ்டிரோன், மன உற்சாகத்துடன் இணைந்த ஒன்றாக இருப்பதாக அறியப்படுகிறது. 2013 ஆம் ஆண்டு வெளியிடப்பட்ட ஒருஆய்வுக் கட்டுரை, பாலுறவு ஹார்மோன்கள் மீதான மன அழுத்தம் மற்றும் பதற்றம் ஆகியவற்றின் பாதிப்புகளை சுட்டிக் காட்டுகிறது. அந்த ஆய்வு, உணர்ச்சிரீதியான மற்றும் உளவிவியல்ரீதியான பிரச்சினைகளைக் கொண்டிருக்கும் ஆண்கள் மற்றும் பெண்கள் இருபாலினத்தவருக்கும், பாலியல் ஆர்வம் குறைவு மற்றும் பாலுறவு ஹார்மோன்கள் குறைவு ஆகியவை கண்டறியப்பட்டதாக சுட்டிக் காட்டுகிறது.

அதனால், உணர்வுரீதியான மற்றும் உளவியல்ரீதியான பிரச்சினைகளைக் கொண்டிருக்கும் நபர்கள், குறைவான வீரியம் மற்றும் குறைவான அளவு பாலுறவு ஹார்மோன்கள் ஆகியவை தொடர்பாக மன அழுத்தத்தை ஏற்படுத்திக் கொள்ளாமல், அதற்குப் பதிலாக எளிமையான மற்றும் தொந்தரவற்ற மன அழுத்த நீக்க நடவடிக்கைகளை செயல்படுத்துமாறு ஊக்குவிக்கப்படுகின்றனர்.

இசை, தவறாத நடைப்பயிற்சி, உடற்பயிற்சி, யோகா, தியானம், நடனம், அல்லது உங்களை நன்றாக உணர வைக்கும் எந்த ஒன்றின் உதவியையும் நீங்கள் நாடலாம். அதற்காக ஒரு சிகிச்சையாளரிடம் கூட நீங்கள் ஆலோசனை செய்யலாம். அது, உங்கள் உடலில் டெஸ்டோஸ்டிரோன் அளவுகளை இயல்பாக வைக்க உதவக் கூடும்.

(மேலும் படிக்க: மன அழுத்தத்தின் அறிகுறிகள்)

ஆணினவியலுக்கான ஆசிய குறிப்பேட்டில், கொழுப்பு அமிலம் எடுத்துக் கொள்ளப்படுவது மற்றும் பாலுறவு ஹார்மோன் அளவுகளுக்கு இடையே உள்ள தொடர்பைப் பற்றிய ஒரு கட்டுரை வெளியிடப்பட்டது. அது, செறிவற்ற பாலி கொழுப்பு அமிலங்களை உட்கொள்வது, பாலுறவு ஆரோக்கியம் மற்றும் பாலுறவு ஹார்மோன்களை முறைப்படுத்துவது ஆகியவற்றுக்கு மிகவும் பயனளிக்கக் கூடியது என்று தெரிவித்துள்ளது. மேலும் அது, டிரான்ஸ் கொழுப்பு அமிலங்கள், டெஸ்டோஸ்டிரோன் அளவுகளில் ஒரு எதிர்மறையான விளைவைக் கொண்டிருக்கிறது எனவும் கூறியுள்ளது.

டெஸ்டோஸ்டிரோன் அளவை அதிகரிக்க நீங்கள், ஆலிவ் எண்ணெய், செந்தூர எண்ணெய், பனை எண்ணெய், தேங்காய் எண்ணெய் போன்ற செறிவற்ற பாலி கொழுப்பு அமிலங்களை எடுத்துக் கொள்ளலாம். மேலும் அது, பதப்படுத்தப்பட்ட உணவுகளில் இருக்கக் கூடிய டிரான்ஸ் கொழுப்பு அமிலங்களை உட்கொள்வதைத் தவிர்க்குமாறும் அறிவுறுத்துகிறது.

டெஸ்டோஸ்டிரோன் அளவுகள் மீதான வைட்டமின் டி பிற்சேர்க்கை பொருட்களின் பாதிப்பினை பரிசோதிக்க, 200 ஆண்களிடையே ஒரு ஆய்வு நடத்தப்பட்டது. ஒரு குறிப்பிட்ட கால அளவுக்கு, உடற்பயிற்சியுடன் கூடவே, வைட்டமின் டி பிற்சேர்க்கை பொருட்களும்  அவர்களுக்கு வழங்கப்பட்டன. இறுதியில், பிற்சேர்க்கை பொருட்களை எடுத்துக் கொள்ளாத ஆண்களோடு ஒப்பிடும் போது, வைட்டமின் டி பிற்சேர்க்கை பொருட்களை எடுத்துக் கொண்ட ஆண்களுக்கு,  டெஸ்டோஸ்டிரோன் அளவுகள் அதிகரித்து இருப்பது கண்டறியப்பட்டது.

அதனால், உங்கள் உடலில் டெஸ்டோஸ்டிரோன் அளவை அதிகரிக்கச் செய்ய, உங்கள் உடலில் வைட்டமின் டி அளவுகளை இயற்கையான முறையில் அதிகரிக்க, நீங்கள் காலை நேர சூரிய ஒளியில் குறைந்தபட்சம் 10-15 நிமிடங்கள் இருக்குமாறு அறிவுறுத்தப்படுகிறீர்கள். அத்துடன், நீங்கள் வைட்டமின் டி பிற்சேர்க்கை பொருட்களை எடுத்துக் கொள்ளும் சரியான அளவு மற்றும் எவ்வளவு காலத்துக்கு நீங்கள் எடுத்துக் கொள்ள வேண்டும் என்பனவற்றைப் பற்றி அறிய, உங்கள் மருத்துவரிடம் கலந்தாலோசியுங்கள். நீங்கள் சுயமாகவோ அல்லது மருத்துவரின் பரிந்துரை இல்லாமலோ பிற்சேர்க்கை பொருட்களை எடுத்துக் கொள்ளாமல் இருப்பது மிகவும் நல்லது.

துத்தநாகம், நமது உடலால் சேமித்து வைக்க முடியாத ஒரு அத்தியாவசியமான தாதுவாகும். அதனால், துத்தநாகம் சார்ந்த உடலின் செயல்பாடுகள் முறையாக வேலை செய்ய, அது உணவுடன் சேர்த்து தவறாமல் எடுத்துக் கொள்ளப்பட வேண்டும். துத்தநாகத்துக்கும் உடலில் உள்ள டெஸ்டோஸ்டிரோன் அளவுக்கும் இடையேயான தொடர்பைத் தீர்மானிக்க, ஆண்களின் மீது நடத்தப்பட்ட ஒரு ஆய்வு, உடலில் ஏற்படும் துத்தநாகக் குறைபாடு, குறைந்த டெஸ்டோஸ்டிரோன் அளவுகளுடன் இணைந்திருக்கிறது எனத் தெரிவித்தது. ஆயினும், அந்த ஆய்வு ஒரு சிறிய அளவிலேயே நடத்தப்பட்டது.

2018 ஆம் ஆண்டு, இனப்பெருக்கம் மற்றும் மலட்டுத்தன்மைக்கான நாளேட்டில் வெளியிடப்பட்ட, ஒரு சமீபத்திய கட்டுரை, துத்தநாகம் உடலுக்கு அத்தியாவசியமான ஒரு கூறு எனக் கூறுகிறது. அது, டெஸ்டோஸ்டிரான் போன்ற உடலில் உள்ள ஹார்மோன்களின் சமநிலையைப் பராமரிக்க உதவுகிறது மற்றும் அது ஆண்களின் கருவாக்க திறனுக்கு மிகவும் அவசியமானதாகும்.

அதனால், டெஸ்டோஸ்டிரோன் அளவு மற்றும் உங்கள் இனப்பெருக்க செயல்பாட்டை அதிகரிக்க, இறைச்சி, முட்டைகள், கொட்டைகள், பருப்பு வகைகள் (கொண்டைக்கடலை, அவரை, துவரம் பருப்பு) போன்ற, துத்தநாகம் அடங்கிய உணவுகளை உங்கள் உணவுப் பழக்கத்தில் இணைத்துக் கொள்ள வேண்டும். பாலுறவு ஆரோக்கியத்துக்காக துத்தநாக பிற்சேர்க்கை பொருட்களைப் பற்றி மேலும் அறிந்து கொள்ள நீங்கள், உங்கள் மருத்துவர் அல்லது ஒரு சிறப்பு மருத்துவ நிபுணரிடம் கூட ஆலோசிக்கலாம்.

அதீதமாக ஆல்கஹால் எடுத்துக் கொள்வது, ஆண்களின் இனப்பெருக்க அமைப்பு மற்றும் அதனுடன் தொடர்புடைய ஹார்மோன்களில் எதிர்மறையாகப் பாதிக்கிறது.

ஆல்கஹால் மற்றும் ஆண்களின் இனப்பெருக்க அமைப்பின் மீதான ஒரு மதிப்பீடு, அதிகமான அளவு மது அருந்துவது, உடலில் உள்ள டெஸ்டோஸ்டிரோன் அளவைக் குறைப்பது மட்டும் அல்லாமல் கூடவே, மற்ற இனப்பெருக்க ஹார்மோன்களையும் பாதிக்கிறது எனத் தெரிவிக்கிறது. அதனால், உங்கள் மது அருந்தும் அளவைக் கட்டுப்பாட்டில் வைப்பது விவேகமானது. ஏற்கத்தக்க அளவில் மது அருந்துவது, உங்கள் பாலுறவு ஆரோக்கியத்துக்குத் தீங்கு விளைவிப்பதாகக் கருதப்படவில்லை.

மெக்னீஷியம், உடலின் பல ஆற்றல் - உற்பத்தி செயல்பாடுகளில் ஒரு முக்கியப் பங்கு வகிக்கின்ற, மற்றுமொரு தாது ஆகும். உடலின் உடலியல் செயல்பாடுகளில் மெக்னீஷியம் மற்றும் டெஸ்டோஸ்டிரோன் ஆகியவற்றின் நன்மை தரும் விளைவுகளை அடிப்படையாகக் கொண்ட ஆய்வுகளின்  மீது, ஒரு மதிப்பீடு மேற்கொள்ளப்பட்டது. அது, மெக்னீஷியம் ஆண்களின் டெஸ்டோஸ்டிரோன் செயல்பாட்டின் மீது ஒரு நேர்மறையான விளைவைக் கொண்டிருக்கிறது எனக் கூறுகிறது.

அதனால், பச்சை இலைகளைக் கொண்ட காய்கறிகள், பருப்பு வகைகள், வாழைப்பழம், அவகோடா போன்ற பழங்கள், வஞ்சிரம், சூரை மீன் போன்ற கடல் உணவுகள் போன்ற மெக்னீஷியம் செறிவான உணவுகளை எடுத்துக் கொள்ளுதல், உங்கள் உடலில் டெஸ்டோஸ்டிரோன் அளவுகளை அதிகரிக்க உதவக் கூடும். உங்களுக்கு மெக்னீசியம் பிற்சேர்க்கைப் பொருட்கள் எடுத்துக் கொள்ள வேண்டிய தேவை இருக்கிறதா என்பதை அறிந்து கொள்ள ஒரு மருத்துவரிடம் ஆலோசித்து, பின்னர் அவற்றை பரிந்துரைத்தபடி எடுத்துக் கொள்ளுமாறு நீங்கள் அறிவுறுத்தப்படுகிறீர்கள்.

இனப்பெருக்க குறைபாடு உள்ள ஆண்களின் டெஸ்டோஸ்டிரோன் அளவுகளை அதிகரிப்பதற்கான உணவு பிற்சேர்க்கை பொருட்கள்" என்ற தலைப்பில், ஆண்களின் ஆரோக்கியத்துக்கான அமெரிக்க நாளேட்டில் வெளியிடப்பட்ட ஒரு கட்டுரை, விண்மீன் கடற்பாசி (கொக்ஷுரா) எனவும் அறியப்படும் டிரிபுலஸ் டெரஸ்ட்ரிஸ் என்ற பூ பூக்கும் தாவரம், ஊன் நீர் டெஸ்டோஸ்டிரான் அளவை அதிகரிப்பதில் நன்மை அளிப்பதாகக் கூறுகிறது.

கோக்ஷுரா பிற்சேர்க்கை பொருட்களை எவ்வாறு மற்றும் எப்பொழுது எடுத்துக் கொள்வது என்ற விவரங்களை அறிய, நீங்கள் உங்கள் மருத்துவர் அல்லது ஒரு ஆயுர்வேத மருத்துவரிடம் ஆலோசிக்க வேண்டும்.

புற்றுநோய் மீதான ஹார்மோன் மற்றும் உணவுப்பழக்கம் பற்றிய பிரிட்டானிய இதழால் வெளியிடப்பட்ட ஒரு இதழ், சைவ உணவுகளில் அதிக அளவில் டெஸ்டோஸ்டிரோன் இருப்பதாகத் தெரிவிக்கிறது. அதனால், முழு தானியங்கள், பருப்பு வகைகள், கொட்டை வகைகள், பழங்கள், அரிசி, சோளம் போன்றவற்றைக் கொண்ட சைவ உணவை உட்கொள்வது, உங்கள் ஊன் நீர் டெஸ்டோஸ்டிரோன் அளவை அதிகரிக்க உதவும்.

சைவ உணவுகள் என்பவை, விலங்கு உணவுகளான முட்டைகள், பால், மற்றும் பால் பொருட்கள் ஆகியவை முற்றிலும் இல்லாமல் இருக்கின்றதாகும். அதனால், இந்த உணவுப் பழக்கத்தை ஆரம்பிக்கும் முன்னர், சைவ உணவை எவ்வாறு எடுத்துக் கொள்வது என்பது பற்றிய முழுமையான வழிகாட்டுதல்களைப் பெற, ஒரு ஊட்டச்சத்து நிபுணர் அல்லது ஒரு மருத்துவரிடம் கலந்தாலோசிப்பது மிகவும் நல்லதாகும். சைவ உணவுப் பழக்கத்தை முறையற்றுப் பின்பற்றுவதன் காரணமாக மக்கள், அடிக்கடி ஊட்டச்சத்து குறைப்பாடுகளால் பாதிக்கப்படுகின்றனர். ஒரு ஊட்டச்சத்து நிபுணர்/ உணவு நிபுணர், விலங்குகள் சார்ந்த உணவுப்பொருட்களைத் தவிர்த்த பிறகு, அதன் காரணமாக ஏற்படக்கூடிய ஊட்டச்சத்துப் பற்றாக்குறைகள் உங்களுக்கு ஏற்படாமல் தடுக்க உதவி செய்வார்.

இஞ்சி, உலகத்தில் மிகவும் பரவலாகப் பயன்படுத்தப்படும் மூலிகைகளில் ஒன்று ஆகும். ஆண்களுக்கு ஏற்படும் நீரிழிவு விகிதத்தின் மீது 2013 ஆம் ஆண்டு நடுத்தப்பட்ட ஒரு ஆய்வு, இஞ்சி வேர்களை உட்கொள்வது உடலில் டெஸ்டோஸ்டிரோன் அளவை அதிகரிப்பது மட்டும் அல்லாமல் கூடவே, விந்துவின் தரத்தை அதிகரிக்கவும் உதவுகிறது எனத் தெரிவிக்கிறது.

அதனால், இஞ்சி உட்கொள்வது உங்கள் டெஸ்டோஸ்டிரோன் அளவுகளை அதிகரிக்க உதவக் கூடும். நீங்கள், இஞ்சி தேநீர், இஞ்சி துண்டுகள், இஞ்சி மிட்டாய் போன்றவற்றை எடுத்துக் கொள்வது மற்றும் நன்கு சீவப்பட்ட இஞ்சியை உங்கள் சாப்பாட்டில் சேர்த்துக் கொள்வது, ஆகிய பல வடிவங்களில் இஞ்சியை எடுத்துக் கொள்ள இயலும்.

வெந்தயம், தங்களின் ஆரோக்கியம் சார்ந்த நன்மைகளுக்காக மூலிகைகளைப் பயன்படுத்தும் ஆரோக்கியத்தில் அக்கறை கொண்ட மக்களிடையே மிகவும் பிரபலமான ஒன்று ஆகும்.

வெந்தயத்தின் உடலியல் சார்ந்த விளைவுகளின் மீது நடத்தப்பட்ட ஒரு மருத்துவ ஆய்வு, வெந்தயம், வீரியத்தை அதிகரிப்பதில் மற்றும் உடலில் இயல்பான அளவில் டெஸ்டோஸ்டிரோன் அளவைப் பராமரிப்பதில் உதவுகிறது எனத் தெரிவிக்கிறது.

அதனால் நீங்கள், ஒரு நல்ல பாலுறவு ஆரோக்கியத்துக்காக வெந்தயத்தை உட்கொள்ளலாம். உங்கள் கூட்டின் மீது வெந்தயத்தை  தூவவோ, அல்லது அதை உங்கள் தயிருடன் சேர்த்தோ, அல்லது வெந்தய பிற்சேர்க்கை பொருட்களையோ நீங்கள் பயன்படுத்தலாம். நீங்கள், வெந்தய பிற்சேர்க்கை பொருட்களை எடுத்துக் கொள்ளும் சரியான அளவு மற்றும் சரியான வழிமுறை ஆகியவை பற்றி அறிந்து கொள்ள, உங்கள் மருத்துவரை அல்லது ஒரு ஆயுர்வேத மருத்துவரை ஆலோசியுங்கள்.

அஸ்வகந்தா, ஆயுர்வேதத்தில் மிகவும் புகழப்படும் மூலிகைகளில் ஒன்றாகும். அது, அதன் ஆரோக்கியமளிக்கும் நன்மைகளுக்காகப் பரவலாக ஏற்றுக்கொள்ளப்பட்டு இருக்கிறது.

தசைகளின் வலிமை மீதான அஸ்வகந்தாவின் விளைவுகளை மதிப்பிட, 2015 ஆம் ஆண்டு நடத்தப்பட்ட ஒரு ஆய்வு, அஸ்வகந்தா, தசைகளின் நிறையை அதிகரிப்பதில் மற்றும் உடற்பயிற்சிக்குப் பிறகு ஏற்படும் தசை சேதாரத்தைத் தடுப்பதில் மிகவும் திறன் வாய்ந்தது எனத் தெரிவிக்கிறது.

அந்த ஆய்வில், அஸ்வகந்தா எடுத்துக் கொண்ட ஆண்களுக்கு டெஸ்டோஸ்டிரோன் அளவும் கணிசமாக  அதிகரித்து இருப்பது கண்டறியப்பட்டது.

அதனால், உங்கள் டெஸ்டோஸ்டிரோன்அளவை அதிகரிக்க, உங்கள் ஆயுர்வேத மருத்துவரின் மேற்பார்வையின் கீழ், நீங்கள் அஸ்வகந்தாவை எடுத்துக் கொள்ளலாம்.