గ్లోమెరులోనెఫ్రైటిస్ - Glomerulonephritis in Telugu

గ్లోమెరులోనెఫ్రైటిస్ అంటే ఏమిటి?

గ్లోమెరులోనెఫ్రైటిస్ అనేది కిడ్నీగ్లోమెరూలి (రక్తం నుండి వ్యర్ధాలను మరియు ద్రవాలను ఫిల్టర్ [వడకట్టడానికి] చేయటానికి సహాయపడే మూత్రపిండాల లోపల ఉండే చిన్న వడపోతలు)కి నష్టం కలిగించే ఒక మూత్రపిండాల వ్యాధి . ఇది సాధారణంగా ఆరోగ్యకరమైన మూత్రపిండాల కణజాలంపై రోగనిరోధక వ్యవస్థ దాడి చేయడం కలుగుతుంది/సంభవిస్తుంది.

దాని ప్రధాన సంకేతాలు మరియు లక్షణాలు ఏమిటి?

గ్లోమెరులోనెఫ్రైటిస్ తో ముడిపడి ఉండే సంకేతాలు మరియు లక్షణాలు:

• అలసట
• శ్వాస తీసుకోవడం కష్టం
• కాళ్ళు లేదా శరీర ఇతర భాగాల వాపు (ఎడిమ)
• అధికరక్తపోటు
• కీళ్ళ నొప్పి
• దద్దుర్లు
• మూత్రంలో అధిక మోతాదులో ప్రోటీన్లు  ఉండడం

దీని ప్రధాన కారణాలు ఏమిటి?

గ్లోమెరులోనెఫ్రైటిస్ యొక్క ప్రధాన కారణాలు:

• వాస్కులైటిస్ మరియు సిస్టమిక్ ల్యూపస్ ఎరిథమాటోస్ (SLE) వంటి రోగనిరోధక వ్యవస్థ యొక్క సమస్యలు/వ్యాధులు.
• కొంత మంది వ్యక్తులలో, కొన్ని అంటువ్యాధులు (ఇన్ఫెక్షన్) రోగనిరోధక వ్యవస్థలో అసాధారణతలను ప్రేరేపిస్తాయి. అవి:
  • గుండె కవాటాలు (హార్ట్ వాల్వ్) కు సంక్రమించే ఎండోకార్డైటిస్
  • హెపటైటిస్ బి మరియు హెపటైటిస్ సి వంటి కాలేయపు వైరల్ ఇన్ఫెక్షన్లు
  • హ్యూమన్ ఇమ్మ్యూనో డెఫిసియన్సీ వైరస్ (HIV)
• వారసత్వంగా సంభవిచే అవకాశం ఉంది

దీనిని ఎలా నిర్ధారించాలి మరియు చికిత్స ఏమిటి?

లక్షణాల సరైన వివరాలు తెలుసుకున్న తర్వాత వైద్యులు ఈ కింది పరీక్షలను ఆదేశించవచ్చు:

• రక్త పరీక్షలు:
  • క్రియాటినిన్ (Creatinine) స్థాయిలు, ఇవి మూత్రపిండాల రుగ్మతలు ఉన్న వ్యక్తులలో అధికంగా ఉంటాయి.
  • ఎస్టిమేట్డ్ గ్లోమెరులర్ ఫిల్టరేషన్ రేటు (eGFR, Estimated glomerular filtration rate), ఇది కిడ్నీ వ్యాధులలో తగ్గుతుంది.
• ఆటో ఇమ్యూన్ రియాక్షన్ (స్వయం ప్రతిరక్షక దాడిని) ప్రేరేపించే వివిధ రకాల యాంటీబాడీల తనిఖీ కోసం పరీక్షలు.
• మూత్ర పరీక్ష: మూత్రంలో రక్తం లేదా ప్రోటీన్ల ఉనికిని తనిఖీ చేసేందుకు.
• అల్ట్రాసౌండ్ స్కాన్: మూత్రపిండాలలో ఏవైనా సమస్యలు ఉంటే తనిఖీ చేయడానికి, అడ్డంకులు వంటివి ఏవైనా ఉంటే వాటి తనిఖీ కోసం.
• జీవాణుపరీక్ష (బయాప్సీ): మూత్రపిండ కణజాల నమూనాను సేకరించి దానిని మైక్రోస్కోప్ తో పరిశీలిస్తారు.

గ్లోమెరులోనెఫ్రైటిస్ చికిత్స వ్యాధి తీవ్రతను బట్టి, లక్షణాలు బట్టి ఉంటుంది. తేలికపాటి కేసుల్లో, చికిత్స అవసరం లేదు.

చికిత్స పద్ధతుల్లో కొన్ని ఈ విధంగా ఉంటాయి:

• ఆహార విధాన మార్పులు: అధిక రక్తపోటును నియంత్రణలో ఉంచేందుకు ఉప్పు, పొటాషియం అధికంగా ఉండే ఆహార పదార్ధాలు మరియు ద్రవాలను తీసుకోవడం తగ్గించాలి.
• పొగ త్రాగడం ఆపివేయాలి: ధూమపానాన్ని నివారించాలని సలహా ఇస్తారు, ఎందుకంటే ఇది గ్లోమెరులోనెఫ్రైటిస్ను మరింత తీవ్రతరం చేస్తుంది మరియు గుండె జబ్బులు, స్ట్రోక్ ల ప్రమాదాన్ని పెంచుతుంది.
• మందులు:
  • ఆంజియోటెన్సెన్ రిసెప్టర్ బ్లాకర్స్ (ARBs,angiotensin receptor blockers), యాంజియోటెన్సిన్-కన్వర్టింగ్ ఎంజైమ్ (ACE, angiotensin-converting enzyme) ఇన్హిబిటర్లు, డైయూరిటిక్స్ మరియు మొదలైన మందుల వంటి రక్తపోటును తగ్గించే మందులు.
  • వాపు తగ్గించడానికి మరియు రోగనిరోధక వ్యవస్థ ప్రతిచర్యలు అణిచివేసేందుకు (తగ్గించేందుకు), కార్టికోస్టెరాయిడ్స్ (ప్రిడ్నిసోన్ [prednisone]) సూచించబడతాయి.
  • రోగనిరోధక వ్యవస్థలో సమస్యలు ఎదురైనప్పుడు, టాక్రోలిమస్ (tacrolimus), సైక్లోస్పోరిన్ (cyclosporine), అజాథయోప్రైన్ (azathioprine), రిట్యుక్సిమాబ్ (rituximab) లేదా మైకోఫెనోలట్ మోఫేటిల్ (mycophenolate mofetil) వంటి ఇమ్యునోసప్రెసెంట్స్ సూచించబడవచ్చు.
  • తక్కువ మోతాదులలో సైక్లోఫాస్ఫమైడ్ (Cyclophosphamide) కూడా ఇమ్యునోసప్రెసెంట్స్ గా  ఉపయోగిస్తారు.
  • వైరల్ ఇన్ఫెక్షన్ ఉన్నవారికి యాంటీవైరల్ మందులు ఇవ్వబడతాయి.
  • గ్లోమెరులోనెఫ్రైటిస్  ఉన్నవారిలో సాధారణంగా కొలెస్ట్రాల్ స్థాయిలు ఎక్కువగా ఉంటాయి, అందువల్ల కొలెస్ట్రాల్-తగ్గించే మందులు సూచించబడతాయి.

• తీవ్ర సందర్భాలలో ప్లాస్మా మార్పు జరుపవచ్చు

1. National Health Service [Internet] NHS inform; Scottish Government; Glomerulonephritis.
2. National Health Service [Internet] NHS inform; Scottish Government; Glomerulonephritis.
3. National Kidney Foundation. [Internet]. New York, United States; What is Glomerulonephritis?.
4. The American Kidney Fund. [Internet]. North Bethesda, Maryland, United States; Glomerulonephritis.
5. MedlinePlus Medical Encyclopedia: US National Library of Medicine; Glomerulonephritis.