myUpchar प्लस+ के साथ पूरेे परिवार के हेल्थ खर्च पर भारी बचत

గర్భధారణ మరియు రుతుస్రావం (ముట్టు కావడం) మధ్య ఉన్న సంబంధం తరచూ అంతగా అర్థం కాదు. అంటే ఇది పూర్తిగా అర్థం కాని విషయంగానే మిగిలిపోతుంటుంది. మీరు వెంటనే గర్భం పొందాలని చూస్తున్నా లేదా మార్గాలు వెతుకుతున్నా ముట్లు మరియు గర్భం గురించిన ప్రశ్న ఎదో ఒక సమయంలో మీ మనసులో మెదిలి ఉండే  ఉండవచ్చు. మరి సరిగ్గా అలాగే, ఈ విషయాన్ని ప్రతి మహిళా బాగా అర్ధం చేసుకోవడం చాలా ముఖ్యం.

గర్భం అనేది ఒక సంక్లిష్టమైన ప్రక్రియ. గర్భం దాల్చడమనేది కేవలం లైంగికసుఖం పొందండం అనేదాన్ని మించి అనేక ఇతర అంశాలను కలిగి ఉంటుంది. అండోత్సర్గము నుండి గర్భం దాల్చడం వరకూ ఉన్న దశలు, వాటికి ఆవలి దశలు గర్భం యొక్క ఫలితం మరియు దాని సాధ్యతను నిర్ణయించడానికి సంబంధించినవి.

గర్భం పొందడమనే సంభావ్యత మీ అండోత్సర్గ చక్రం మీద ఆధారపడి మారుతూ ఉంటుంది, ఇది కొన్ని రోజులలో గర్భందాల్చేందుకు ఎక్కువ అవకాశం ఉందని సూచిస్తుంది. ఇంకా  కొన్ని రోజులున్నాయి, ఆ రోజుల్లో అయితే గర్భం పొందే అవకాశాలు చాలామటుకు ఉండనే ఉండవు. కాబట్టి, మీరు గర్భవతి కావాలని చూస్తున్నట్లయితే, మీ ఋతు చక్రంపైన దృష్టి ఉంచి గమనించడం చాలా ముఖ్యం, ఎందుకంటే ఇది (ఋతు చక్రం) మీ అండోత్సర్గము యొక్క సూచికగా  ఉంటుంది కాబట్టి.

ఏ మహిళను అయినా ఆశ్చర్యానికి గురిచేసే మూడు ప్రశ్నలు:

  • నేను నా ఋతుస్రావానికి కొద్దిగా ముందు గర్భం దాల్చవచ్చా?
  • నేను నా ఋతుస్రావ సమయంలో గర్భం దాల్చవచ్చా?
  • నా ఋతుస్రావం అయిన 2, 3, 5 లేదా 7 రోజుల తరువాత గర్భం  దాల్చవచ్చా?

ఈ వ్యాసం పేర్కొన్నపై మూడు ప్రాథమిక ప్రశ్నలకు సమాధానాలిస్తుంది. కాని, మొదట, గర్భధారణ అనేది ఎలా సంభవిస్తుందో చూద్దాం.

  1. గర్భధారణ ఎలా సంభవిస్తుంది - How does conception occur in Telugu
  2. అండోత్పాదనను అర్థం చేసుకోవడం - Understanding ovulation in Telugu
  3. మీరు మీ ఋతుస్రావానికి ముందు గర్భం పొందగలరా? - Can you get pregnant just before your period? in Telugu
  4. మీరు మీ ఋతుస్రావ సమయంలో గర్భం పొందగలరా? - Can you get pregnant during your period in Telugu
  5. మీరు మీ ముట్టు అయింతర్వాత గర్భం పొందవచ్చా? - Can you get pregnant after your period in Telugu
  6. ఉపసంహారం - Takeaway
  7. ఋతుస్రావానికి ముందు, తర్వాత లేదా ఋతుస్రావ సమయంలో గర్భం దాల్చవచ్చా? వైద్యులు

విజయవంతమైన ఫలదీకరణం జరిగిన తర్వాత గర్భధారణ లేదా బిడ్డను గర్భమందు మోయడం అనేది జరుగుతుంది. గర్భం దాల్చడమనేది స్త్రీ శరీరంలో స్త్రీ-పురుషుల అసమ సంయోగ బీజాల (gametes) కలయిక ప్రక్రియ ద్వారా జరుగుతుంది. గర్భధారణ సంభవించడానికి, మగ మరియు ఆడ బీజాలు లేక అసమ సంయోగ బీజాలు అంటే, పురుషబీజకణం (వీర్యం లేక స్పెర్మ్) మరియు అండాణువులు (ova) కలుసుకోవాలి.

మగవారి వృషణాల లోపల వీర్యకణాలు నిల్వ చేయబడి ఉంటాయి మరియు లైంగిక క్రియ జరుగుతున్నపుడు ఈ వీర్యకణాలు ఎల్లప్పుడూ అంకురించగల శక్తిని కలిగిఉంటాయి,  అదే స్త్రీ బీజకణాల విషయంలో అలా కాదు. గుడ్డు లేదా అండాణువులు (ova) స్త్రీలలో అండోత్పాదన (అండోత్సర్గము) సమయంలో మాత్రమే విడుదల చేయబడతాయి.  పురుషులలో అయితే అనేక వీర్యకణాలు తయారై వృషణాల్లో నిల్వ చేయబడతాయి, స్త్రీలలో అయితే అలా కాదు, ఒక నెలలో ఒక గుడ్డును మాత్రమే స్త్రీ దేహం విడుదల చేస్తుంది. ఇది సాధారణంగా మీ ఋతు చక్రం మధ్యలో సంభవిస్తుంది, ఖచ్చితంగా చెప్పాలంటే, మీ తదుపరి ఋతుచక్రం ప్రారంభానికి సుమారు 14 రోజులు ముందుగా మీ  దేహం (స్త్రీ దేహం) గుడ్డును విడుదల చేస్తుంది.

(మరింత చదువు: టెస్టోస్టెరాన్ స్థాయిల్ని పెంచడానికి గృహ చిట్కాలు)

ఒకసారి గుడ్డు లేక స్త్రీ బీజాణువు విడుదలైతే, ఫలదీకరణం కోసం స్త్రీ అండాణువు (ova) తక్షణం అందుబాటులో ఉండదు మరియు మీ తదుపరి ఋతుచక్రం వరకు అంటే నెల వరకు ఎప్పుడైనా గర్భం రావడమనేది జరగొచ్చు. స్త్రీ అండాణువు ఏర్పడిన తర్వాత సుమారు 12-24 గంటల వరకూ మాత్రమే అంకురించగల శక్తిని కల్గి ఉండడం జరుగుతుంది. ఈ విధంగా, మీరు శిశువును పొందడానికిగాను ప్రసవానికి ఎదురు చూస్తుంటే, లైంగిక క్రియలో పాల్గొనేందుకు ఇదే ఉత్తమ సమయంగా పరిగణించబడుతుంది, మరి అలా కాకపొతే (గర్భం) వీలు కాకపోవచ్చు.

(మరింత చదువు: ప్రెగ్నెన్సీ కిట్ ను ఎలా ఉపయోగించాలి)

గర్భధారణ గురించిన ప్రశ్నకు తిరిగి వస్తున్నాం. ఒకసారి గుడ్డు ఏర్పడిన తర్వాత, అది ఫాలోపియన్ ట్యూబ్లోకి విడుదల అవుతుంది, ఇది మహిళా పునరుత్పత్తి అవయవాల్లో ఓ భాగం. ఇప్పటికే చెప్పినట్లుగా, ఫెలోపియన్ ట్యూబ్లోకి వచ్చి చేరిన గుడ్డు ఫలదీకరణం కోసం 12 నుంచి 24 గంటల వ్యవధిపాటు అందుబాటులో ఉంటుంది. ఈ సమయంలో స్త్రీ అండాణువు (ova) మరియు పురుషుడి వీర్యకణాల (స్పెర్మ్) యొక్క మిలనం సంభవిస్తే, ఫలదీకరణం జరుగుతుంది. ఫాలోపియన్ ట్యూబ్ చివరిలో సాధారణ ఫలదీకరణం ఏర్పడుతుంది.

ఇది సంభవించడానికి, స్త్రీ అండాణువు (ova) సరైన వీర్యకణాలతో కలవడం కూడా చాలా అవసరం. అన్ని పురుష వీర్య కణాలు ఫలదీకరణం జరిగే స్థలంలోకి రాలేవు, వాటిలో చాలా కణాలు గర్భాశయ శ్లేష్మం ద్వారా సహజంగా తిరస్కరించబడతాయి. ఎంపిక చేసుకున్న వీర్యకణం అప్పుడు గర్భాశయం చేరుకుంటుంది మరియు ఫెలోపియన్ ట్యూబ్ చేరే ముందు పరిపక్వ చక్రంలోకి వస్తుంది. వీర్యకణాలు 5 రోజులవరకూ అంకురించగల శక్తిని కలిగిఉంటాయి, లైంగిక సంబంధం తర్వాత ఫలదీకరణం సంభవించవచ్చు, దీనిలో సమయం విండో (time window)ని వీర్యకణం నిర్ణయిస్తుంది. ఫలదీకరణ గుడ్డు లేదా సంయుక్తబీజము (zygote) అప్పుడు ఏర్పడుతుంది. ఈ ఫలదీకరణ గుడ్డు (సంయుక్తబీజము) ఫెలోపియన్ ట్యూబ్ ద్వారా క్రమంగా పైకి వెళ్లి గర్భాశయం చేరుకొంటుంది, ఇక్కడ అమరిక ఏర్పడుతుంది.

ఈ విధానంలో, సంయుక్తబీజము (zygote) అనేకసార్లు బహుకణ మావి లేక పిండభస్త్రిక (multicellular blastocyst) ను ఏర్పరుస్తుంది. ఇది ఫలదీకరణం అయిన ఒక వారం తర్వాత సంభవిస్తుంది. ఇది గర్భాశయాన్ని చేరుకొని దాని లైనింగ్లో పొడగడం జరుగుతుంది, దీన్నే  “ఎండోమెట్రియం” లేక గర్భాశయం లోపలి పొర అని కూడా పిలువబడుతుంది. ఈ లైనింగ్ ఫలదీకరణ గుడ్డును అందుకోవడం కోసం రక్తనాళాలు మరియు పోషకాలతో కూడుకుని మందంగా ఉంటుంది. ఈ లైనింగ్ గుడ్డును అందుకోవడం మరియు దాన్ని  పట్టి ఉంచడంలో సహాయపడుతుంది, మరియు అది పెరిగే కొద్దీ ఆ పిండానికి పోషణ అందించడంలో సహాయపడుతుంది.

ఇప్పుడు, మీ ముట్టుకు ముందు, ముట్టు సమయంలో లేదా ముట్టు అయిన తర్వాత గర్భధారణను (pregnant) పొందే అవకాశం గురించి చర్చిద్దాం.

(మరింత చదువు: గర్భం దాల్చడం ఎలా)

సంభోగానికి సరైన సమయం నిర్ణయించుకునేందుకు మీ ఋతు చక్రం మరియు అండోత్పత్తి చక్రాల గురించి అర్థం చేసుకోవడం చాలా ముఖ్యం. 4 నుండి 6 గంటల అండోత్పత్తి లోపల ఫలదీకరణం జరిగితే, అది అత్యధిక గర్భం రేట్లను నివేదించవచ్చని నిపుణులు చెబుతారు. అండోత్పత్తి ప్రక్రియకు దగ్గరగా సంభోగం సంభవిస్తే, ఫలదీకరణం మరియు గర్భధారణ ప్రాప్టించే సంభావ్యత కూడా ఎక్కువే అని సూచించడం జరిగింది.

మీరు గనుక సాధారణ ఋతు చక్రం కల్గిఉంటే, ఋతు చక్రానికి సంబంధించి మీ అండోత్సర్గమ చక్రాన్ని అంచనా వేయడం సులభం కావచ్చు. అయితే, మీకు తక్కువ లేదా సుదీర్ఘమైన రుతుచక్రం ఉంటే, మీ అండోత్పత్తిని అంచనా వేయడానికి, అండోత్సర్గ పరీక్ష లేదా కిట్ను ఉపయోగించడం ఉత్తమం. వాణిజ్యపరంగా లభించే అండోత్సర్గ ప్రిడిక్టర్ పరీక్షలు 5 నుండి 7 కర్రలతో (sticks) కూడి వస్తాయి. అండోత్పత్తి సంభవించేందుకు ముందుగా, లూటినీజింగ్ హార్మోన్ లేదా ఎల్హెచ్ (LH ) స్థాయిని పెంచుకోవటానికి మీరు పదేపదే తనిఖీ చెయ్యాలి. కాబట్టి, ఈ హార్మోన్ పెరుగుదల ఇటీవలి అండోత్పత్తిని  సూచిస్తుంది.

మీరు గర్భం ధరించేందుకు సిద్ధమవుతున్నారంటే, LH స్థాయిల్లో పెరుగుదల నేపథ్యం అనుసరించి 24 నుంచి 36 గంటల్లో అండోత్పత్తి సంభవిస్తుంది, ఈ సమయమే మీరు సంభోగంలో పాల్గొనేందుకు ఉత్తమ సమయంగా సూచించడమైంది. ఉత్తమ ఫలితాలకోసం వైద్యులు చాలాసార్లు సిఫార్సు చేసేదేమంటే మీ మునుపటి చక్రం మొదటి రోజు నుండి లెక్కించేటప్పుడు 11 వ రోజు ప్రారంభమయ్యేవరకూ కిట్ను అనేకమార్లు ఉపయోగించాలని. సానుకూల ఫలితం సాధించకపోతే 11 నుండి 14 వ రోజు వరకు లేదా తర్వాత వరకు పరీక్షించటం ముఖ్యం. మీరు ఒక రోజును తప్పిస్తే, LH ఉప్పెన తప్పిపోయే సాధ్యత ఉంది, మరియు మీరు మీ అండోత్పత్తిని తెలుసుకోలేరు.

మీరు ఆరోగ్యకరమైన రుతుచక్రం కలిగి ఉంటే, మీరు ప్రత్యామ్నాయంగా ఒక వ్యక్తిగతీకరించిన అండోత్పత్తి ట్రాకర్ను ఉపయోగించవచ్చు, దీనిలో మీరు మీ ఋతు చక్రాల రోజులను గుర్తించాల్సి ఉంటుంది. తదుపరి రుతుచక్రం ప్రారంభించటానికి 14 రోజుల ముందుగా,  అందాజు (approximate) అండోత్పత్తి సమయం గా లెక్కించవచ్చు.

అవును, మీరు మీ ముట్టుకు ముందే గర్భవతి కావచ్చు, కానీ మీకు సాధారణ ఋతుచక్రం మరియు అండోత్సర్గ చక్రాలు ఉంటే గర్భం వచ్చే సంభావ్యత చాలా తక్కువగా ఉంటుంది.

మీరు గర్భవతి కావడానికి ప్రయత్నిస్తున్నట్లైతే

మీరు గనుక  28 రోజుల సాధారణ ఋతు చక్రం కల్గిన వారైతే, మీ తదుపరి ముట్టుకు  14 రోజుల ముందుసమయాన్ని గర్భం దాల్చడానికి ఉత్తమమైనదిగా భావించడమైంది. అందాజుగా ఇది అండోత్సర్గము (అండోత్పత్తి) సంభవించే సమయం. కానీ చాలామంది మహిళలకు 28 రోజులు పరిపూర్ణ ఋతు చక్రం ఉండదు కాబట్టి, ఇది మారవచ్చు.

(మరింత చదువు:  ఋతుక్రమ నొప్పి నివారణలు)

మీరు గర్భవతి కావాలని చూస్తున్నట్లయితే, మీరు ఋతు చక్రం 7 నుండి 20 రోజుల మధ్య  అనేకసార్లు సంభోగం పొందాలని సూచించడమైంది. మహిళలలో అండోత్పత్తి యొక్క ఖచ్చితమైన సమయాన్ని అంచనా వేయడం చాలా కష్టతరమైనది కాబట్టి దీన్ని ఆరోగ్య ప్రదాతలు సిఫార్సు చేస్తున్నారు. మీరు అనేక సార్లు సంభోగంలో పాల్గొంటే మీరు గర్భం పొందే సంభావ్యత ఎక్కువవుతుంది.

మీరు గర్భధారణను తప్పించుకోవాలని చూస్తున్నట్లయితే

అయినప్పటికీ, మీరు గర్భం పొందకూడదని భావిస్తున్నట్లైతే, ఈ దశలో, ముఖ్యంగా గర్భనిరోధకాల వాడకం లేకుండా, సంభోగంలో పాల్గొనకుండా ఉండండి.

కాబట్టి, సంభోగం పొందుతూనే మీరు గర్భవతి కాకూడదని అనుకుంటున్నట్లైతే ఈ సమయమే అతి సురక్షితమైన సమయం (safest time) అని భావిస్తారు. అయితే, ఇది 28 రోజుల సాధారణ రుతుచక్రం కలిగినవారికి మాత్రమే వర్తిస్తుందని మీరు గమనించాల్సి ఉంటుంది. తక్కువ రుతు చక్రాలతో సురక్షితమైన రోజుల సంఖ్య తగ్గుతుంది.

ఏమైనప్పటికి, గర్భిణీ అయ్యే ప్రమాదం లేకుండా మీ భాగస్వామితో సురక్షితమైన అన్యోన్యతను పొందడానికి సురక్షితమైన సమయం ఏదంటే మీ ముట్టుకు ముందు సమయమే. మీ అండోత్సర్గము పరీక్షలో మీరు సానుకూల ఫలితం సాధించినట్లయితే, సంభోగం పొందేందుకు 36 నుంచి 48 గంటల వరకు వేచి ఉండటం సురక్షితం, ఎందుకంటే అండాణువులు అంతవరకూ అంకురాశక్తిని కల్గి ఉండొచ్చుగనుక. దీని తరువాత సమయం సంభోగానికి సురక్షితమైన సమయంగా భావిస్తారు.

(మరింత చదువు: లైంగిక సామర్ధ్యాన్నిపెంచే ఆహారాలు)

పునరుత్పాదక వయస్సు గల మహిళల్లో సాధారణంగా తలెత్తే మరో ఆందోళన ఏదంటే తాము ముట్టు అయిన సమయంలో పాల్గొనే సంభోగం యొక్క భద్రత గురించినది. తతదుపరి రుతు చక్రం ప్రారంభించటానికి 14 రోజుల ముందుగా గుడ్డును విడుదలచేసే సాధారణ అండోత్పత్తి చక్రం ప్రకారం మీరు మీ ముట్టుసమయంలో సంభోగంలో పాల్గొన్నట్లైతే మీకు గర్భం రావడమనేది జరగకపోవచ్చు.

మహిళల సాధారణ 'సంతానోత్పత్తి విండో' తరువాతి చక్రం ప్రారంభం కావడానికి 10 నుండి 17 రోజుల మధ్య ఉంటుంది, ఇది ముట్టుకాలాల్లో గర్భం దాల్చడమనేది చాలా అరుదుగా ఉంటుంది.

అయినప్పటికీ, సాధారణ ఋతుచక్రం మరియు అండోత్పత్తి చక్రాల విషయంలో ఈ ముట్టుసమయంలో సంభోగించినా గర్భం రాకపోవడమనేది ఉంటుంది. పరిశోధనల ఆధారాల ప్రకారం, కేవలం 30% మహిళలు మాత్రం ముట్టు అయినపుడు సంభోగించినా గర్భం రాకుండా తప్పించుకుంటున్నారు. సంతానోత్పత్తి విండో మరియు గర్భం వచ్చే  అవకాశాలు స్త్రీ నుండి స్త్రీకి మారుతుంటాయని ఇది సూచిస్తుంది. కొంతమంది మహిళలు ఇతరులకన్నా ముందుగా సంతానోత్పత్తి విండోను అనుభవిస్తారు, మరికొందరు ఊహించడానికే వీల్లేకుండా దాన్ని చాలా ఆలస్యంగా అనుభవించవచ్చు. స్త్రీరోగవైద్యులు చెప్పేదాన్నిబట్టి చూస్తే, మహిళలో సాధారణ ఋతుచక్రం ఏర్పడ్డా,  క్రమరహిత ఋతు చక్రం ఏర్పడినా వీటితో సంబంధం లేకుండా ఇది నిజమే అయింది. కాబట్టి, మీకు మీరు మీ ముట్టు సమయంలో అండోత్పత్తి కాదులెమ్మని, అసురక్షిత సంభోగాన్ని పొందవచ్చులే అని ఊహించేసుకోకూడదు.

(మరింత చదువు: కండోమ్ను ఎలా ఉపయోగించాలి)

గర్భధారణ ప్రమాదం తక్కువ చక్రాలతో మరియు ఋతుస్రావం తరువాతి రోజులలో ఎక్కువగా ఉంటుంది. చాలామంది మహిళలు ఋతుస్రావం యొక్క ప్రారంభ రోజులలో భారీ ఋతు రక్తస్రావం చెందుతారు, అందువల్ల వారు ఋతుస్రావం తరువాతి రోజులలో సంభోగం పొందాలనుకుంటారు, ఇది సురక్షితమని కూడా వారు భావిస్తారు. కాబట్టి, ఒక స్త్రీ తన ఋతు చక్రం యొక్క చివరి రోజున సంభోగంలో పాల్గొంటే మరియు పురుషవీర్యకణం ఫెలోపియన్ ట్యూబ్ వరకు చేరుకుంటుంది మరియు అక్కడ కొన్ని రోజులు ఉంటుంది, ఇలాంటి సందర్భంలో గర్భం రావడం జరుగుతుంది ఎందుకంటే ఇది అండోత్సర్గము కాలానికి దగ్గరగా ఉంటుంది గనుక. ఈ ప్రమాదం తక్కువ చక్రాల ఉన్న మహిళలకు ఎక్కువగా ఉంటుంది, ఎందుకంటే వారు ముందుగా అండోత్పత్తిని పొందుతారు గనుక.

దీనికి మినహాయించి, కొంతమంది మహిళలు తక్కువ యోని రక్తస్రావం కలిగి ఉంటారు లేదా అండోత్సర్గము అయినప్పుడు మచ్చలుగట్టడం (spotting) కల్గిఉంటారు, ఇది LH హార్మోన్ను అధికంగా కలిగి ఉండటంవల్ల. వారు దీన్ని ముట్టుకు సంబంధించిన రక్తం అని పొరబాటుగా భావించవచ్చు. అండోత్పత్తి (Ovulatory) దశ మహిళకు గర్భం దాల్చేందుకు  అత్యంత ఫలవంతమైన సమయం కాబట్టి, ఈ సమయంలోనే గర్భం రావడానికి అధిక అవకాశం ఉంది. కాబట్టి, మీ అండోత్సర్గచక్రం మరియు ఋతు చక్రం గురించి తెలుసుకోవడం చాలా అవసరం.

దీనికి ఖచ్చితంగా “ఔను” అనే సమాధానమే ఉంటుందెప్పుడూ. మీరు మీ రుతుస్రావం (ముట్టు) అయింతర్వాత క్రమంగా లైంగిక క్రియలో పాల్గొంటూ వస్తే మీరు ఖచ్చితంగా గర్భవతి కావచ్చు. ముట్టు సమయంలో లేక ముట్టు కాక ముందు కంటే ఇలా ముట్టు అయింతర్వాత గనుక మీరు లైంగిక క్రియలో పాల్గొన్నపుడే గర్భం పొందే సంభావ్యత చాలా ఎక్కువగా ఉంటుంది.

నిజానికి, గర్భం పొందడం కోసం లైంగికక్రియలో పాల్గొనడానికి ముట్టు తర్వాతి కాలాన్నే ఉత్తమ సమయంగా భావిస్తారు. అండోత్సర్గము జరిగేంత వరకు ఈ సమయంలో లైంగికక్రియలో పాల్గొనే ప్రతి రోజు కూడా గర్భం పొందడానికి ఎక్కువ అవకాశాన్ని కల్గి ఉంటుంది.

మీ ముట్టు (periods) అయిన వెంటనే లైంగికక్రియలో (సంభోగంలో) పాల్గొంటే గర్భం రాదా అంటే రావచ్చు అదేం అసాధ్యం కాదు, కాకపొతే ముట్టు అయిన తర్వాత కొన్ని రోజులపుడు, అంటే ముట్టు అయిన ఒకవారం తర్వాత, సంభోగంలో పాల్గొంటే గర్భం వచ్చే అవకాశాలు ఎక్కువగా ఉంటాయి. ఎందుకంటే, పురుషుడి వీర్యకణాలు, కొన్నిసార్లు ఐదు రోజుల వరకు మహిళ పునరుత్పాదక వ్యవస్థలో అంకురశక్తిని నింపుకుని మనుగడ సాగిస్తాయి. ఒక అధ్యయనం ప్రకారం, పురుష వీర్యకణం ఏడు రోజులవరకూ కూడా మహిళ పునరుత్పాదక వ్యవస్థలో అంకురశక్తిని కల్గిఉంటుందని నివేది0చి0ది.

మీ ముట్టు (periods) కాలం ముగిసిన తర్వాత ఒక రోజు లేదా రెండు రోజులకు సంభోగంలో పాల్గొంటే, మరియు మీరు తక్కువ రుతుచక్రాన్నికలిగిఉంటే, మీరు గర్భవతి కావడానికి చాలా ఎక్కువగా అవకాశం ఉంటుంది. కేవలం 24 రోజుల చిన్న ఋతుచక్రం మరియు తదుపరి రుతుచక్రం ప్రారంభమవడానికి సుమారు 14 రోజుల ముందుగా అండోత్పత్తి సంభవించే స్త్రీ యొక్క పునరుత్పాదక వ్యవస్థలో చేరిన పురుష వీర్యకణం తన అంకురశక్తిని తిరిగి స్త్రీలో అండోత్పత్తి జరిగేవరకూ నిలుపుకుని ఉండేందుకు చాలా ఎక్కువ అవకాశం ఉంది. అలాంటి సందర్భాలలో, ఫలదీకరణం మరియు గర్భం సాధ్యమే.

(మరింత చదువు:  గర్భస్రావానికి కాల పరిమితి)

మీరు గర్భవతి కావాలని ప్రయత్నిస్తున్నట్లయితే, ఇందుకుగాను లైంగిక క్రియలో పాల్గొనడానికి ఉత్తమ సమయం ఏదంటే మీరు ముట్టు (రుతుస్రావం) అయిన తర్వాత కొన్ని రోజులప్పుడు మీలో అండోత్పాదన జరిగినప్పుడు.

అయితే, మీరు గర్భం ఇపుడే వద్దు అని భావించినట్లైతే మీరు లైంగికచర్యలో పాల్గొన్నపుడల్లా, అన్ని సమయాలలో, గర్భనిరోధకాల్ని ఉపయోగించడం మంచిది. విశ్వవ్యాప్తంగా ఎటువంటి ప్రత్యేక సమయం లైంగికచర్యలో పాల్గొనడానికి సురక్షితం కాదు; ఇది మీ శరీరం యొక్క పనితీరు మీద ఆధారపడి ఉంటుంది.

Dr. Abdul Haseeb Sheikh

Dr. Abdul Haseeb Sheikh

सेक्सोलोजी

Dr. Ghanshyam Digrawal

Dr. Ghanshyam Digrawal

सेक्सोलोजी

Dr. Srikanth Varma

Dr. Srikanth Varma

सेक्सोलोजी

और पढ़ें ...

References

  1. healthdirect Australia. Getting pregnant. Australian government: Department of Health
  2. Denny Sakkas et al. Sperm selection in natural conception: what can we learn from Mother Nature to improve assisted reproduction outcomes? Hum Reprod Update. 2015 Nov; 21(6): 711–726. PMID: 26386468
  3. Steven Dowshen. Female Reproductive System. KidsHealth, Nemours Foundation [Internet]
  4. MedlinePlus Medical Encyclopedia: US National Library of Medicine; Pregnancy - identifying fertile days
  5. MedlinePlus Medical Encyclopedia: US National Library of Medicine; Ovulation home test
  6. American Pregnancy Association. [Internet]; Can You Get Pregnant On Your Period?.
  7. Allen J Wilcox, David Dunson, Donna Day Baird. The timing of the “fertile window” in the menstrual cycle: day specific estimates from a prospective study. BMJ. 2000 Nov 18; 321(7271): 1259–1262. PMID: 11082086
  8. Prashant Verma, Kaushalendra Kumar Singh, Anjali Singh. Pregnancy risk during menstrual cycle: misconceptions among urban men in India. Reprod Health. 2017; 14: 71. PMID: 28606153
  9. National Health Service [Internet]. UK; Can I get pregnant just after my period has finished?.