சைனஸ் (புரையழற்சி) - Sinusitis in Tamil

Dr. Ayush PandeyMBBS,PG Diploma

December 10, 2018

September 11, 2020

சைனஸ்
சைனஸ்

சுருக்கம்

சைனஸ் (புரையழற்சி) என்பது, மூக்கை சுற்றியுள்ள எலும்புகளில் உள்ள வெற்று காற்று இடைவெளிகள், எ.கா. குழிவுகள், வீங்கியிருக்கிற ஒரு பொதுவான பிரச்சினையாகும். கன்னங்கள், நெற்றி மற்றும் கண்களை சுற்றி இருப்பவற்றையும் , மூக்கோடு இணைக்கப்பட்ட மற்றும் ஒஸ்டியா எனப்படும் ஒன்றுக்கொன்று குறுகிய பாதையை உடைய, மூக்கை சுற்றி இருப்பவற்றையும் உள்ளடக்கியவை குழிவுகள் ஆகும். குழிவுகள், உள்ளே இழுக்கப்பட்ட காற்று நுரையீரலுக்குள் நுழைவதற்கு முன்னால், ஈரப்பதப்படுத்தப்படுவதில் ஒரு முக்கியப் பங்கு வகிக்கின்றன. குழிவுகளின் செல் உள்வரிப் பூச்சுகள், சளியை உற்பத்தி செய்து, நோய்த்தொற்றுகளைத் தடுக்கும் விதமாக, உள்ளே இழுக்கப்பட்ட மாசு மாற்று தூசி துகள்களைப் பிடித்துக் கொள்கின்றன. சைனஸ் (புரையழற்சி)யின் முக்கியக் காரணங்கள் சாதாரணமான ஜலதோஷம் மற்றும் ஒவ்வாமைகள் ஆகும். இது, ஒரு நோய்த்தொற்றினாலும் ஏற்படக் கூடும் மற்றும் வழக்கமாக இரண்டு முதல் மூன்று வாரங்களுக்குள் குணமாகி விடும். மூக்கடைப்பு, தலைவலி மற்றும் வீங்கிய முகம் ஆகியன பொதுவான அறிகுறிகளாகும். சைனஸ் (புரையழற்சி)யில் பல்வேறு வகைகள் இருக்கின்றன. ஒருவேளை, அது தானாகவே சரியாக நீண்ட நாட்களை எடுத்துக் கொண்டால், சிகிச்சைகள் தேவைப்படுகின்றன. நிறைய திரவங்கள், நீராவியை உள்ளிழுத்தல் மற்றும் மற்றவை நுண்ணுயிர் எதிர்ப்பு மருந்துகளோடு பரிந்துரைக்கப்படுகின்றன.

சைனஸ் (புரையழற்சி) என்ன - What is Sinusitis in Tamil

சைனஸ் (புரையழற்சி), நாசியழற்சி எனவும் அறியப்படுகிறது. ஏனென்றால் நாசிப்பாதையின் அழற்சி சைனஸ் (புரையழற்சி) போன்றே இருப்பதால் தான். உலகம் முழுவதும் மிகவும் அடிக்கடி காணப்படும் நோய்களில் இதுவும் ஒன்று. இந்திய மக்கள்தொகையில் 12.83% பேருக்கு நாள்பட்ட சைனஸ் (புரையழற்சி) இருப்பதாகக் கூறப்படுகிறது. சைனஸ் (புரையழற்சி), தீவிரமானது, திரும்ப வரக்கூடிய தீவிரமானது, ஓரளவு தீவிரமானது மற்றும் நாள்பட்டது என்ற வகைகளில் வகைப்படுத்தப்படுகிறது.

myUpchar doctors after many years of research have created myUpchar Ayurveda Urjas Capsule by using 100% original and pure herbs of Ayurveda. This ayurvedic medicine has been recommended by our doctors to lakhs of people for sex problems with good results.
Long Time Capsule
₹719  ₹799  10% OFF
BUY NOW

சைனஸ் (புரையழற்சி) அறிகுறிகள் என்ன - Symptoms of Sinusitis in Tamil

அனைத்து வகையான சைனஸ் (புரையழற்சி)களும் ஒரே விதமான குணங்களையும் அறிகுறிகளையும் கொண்டிருக்கின்றன. பொதுவாக சி.ஆர்.எஸ். உள்ள நபர்கள் குறைவான தீவிரமுடைய அறிகுறிகளைக் கொண்டிருக்கின்றனர். ஆனால், முகத்தசைகளில் வலி, வாய் துர்நாற்றம், வாசனையை அறிவதில் சிரமம், இருமல் மற்றும் தொண்டையில் நிலையான எரிச்சலைக் கொண்டிருக்கின்றனர். 

சைனஸ் (புரையழற்சி) உடைய நபர்களிடம் மிகவும் அடிக்கடி காணப்படும் அறிகுறிகள் பின்வருமாறு:

  • காய்ச்சல்
  • இரவுகளில் மோசமாகக் கூடிய, ஒரு இருமல்.
  • முன்புற (நெற்றி) தலைவலி
  • பல்வலி.
  • மூக்கடைப்பு.
  • மூக்கிலிருந்து வெள்ளை, மஞ்சள் அல்லது பச்சை திரவம் வடிதல்.
  • சுவை மற்றும் வாசனையை உணரும் திறன் குறைதல்.
  • கண்கள், மூக்கு, கன்னங்கள் மற்றும் நெற்றியின் பல்வேறு பகுதிகளில் மிருதுத்தன்மை மற்றும் வீக்கம்.
  • வாய் துர்நாற்றம்.

சைனஸ் (புரையழற்சி)யின் மற்ற அறிகுறிகளில் அடங்கியவை:

பல நேரங்களில், சைனஸ் (புரையழற்சி)யை, மூக்குப் பாதையோடு மட்டும் தொடர்புடைய நாசியழற்சி எனக் குழப்பம் ஏற்படுகிறது. அது, மூக்கு எரிச்சல் மற்றும் அழற்சி, மூக்கு ஒழுகுதல். சோர்வு மற்றும் மூக்கடைப்பு போன்ற அறிகுறிகளுக்கு காரணமாகிறது. இது ஒவ்வாமைகள் மற்றும் ஜலதோஷம் காரணமாகக் கூட ஏற்படக் கூடும்.

சைனஸ் (புரையழற்சி) சிகிச்சை - Treatment of Sinusitis in Tamil

ஒரு நல்ல தரமான வாழ்க்கையை வாழ சைனஸ் (புரையழற்சி)க்கு முறையான சிகிச்சை எடுப்பது அவசியமானது. சைனஸ் (புரையழற்சி) சிகிச்சை முறைகள் பின்வருமாறு:

  • ஹிஸ்டமினிக் எதிர்ப்பு மருந்துகள் 
    ஒவ்வாமையின் எதிர்விளைவுகளின் அறிகுறிகளுக்கு சிகிச்சையளிக்க இவை உதவுகின்றன. இவை குழிவுகள் மற்றும் மூக்கு குழிவுகளில் ஏற்படும் அழற்சியைத் தடுக்க உதவுகின்றன.
  • மூக்கடைப்பு நீக்கி ஸ்பிரே 
    மூன்று முதல் நான்கு நாட்களுக்குள் உள்ள குறுகிய காலகட்டத்திற்கு பயன்படுத்தப்பட்டால் இவை பயன்மிக்கதாக இருக்கக் கூடும்.குழிவுகளில் இருந்து சேகாரமாகும் திரவங்களை வடிகட்ட இவை உதவுகின்றன.இருப்பினும், இவற்றின் நீண்ட-கால பயன்பாடு, ஒருவேளை மூக்கடைப்பு நீக்கியைப் பயன்படுத்தாமல் இருந்தால், வீக்கம் மற்றும் சளியின் காரணமாக மூக்கின் பாதைகள் அடைபடக் கூடும் என்பதால் அதனை சார்ந்திருக்கும் நிலையை உருவாக்கலாம்.
  • மூக்கில் உப்புக்கரைசல் செலுத்துதல் 
    காய்ச்சி வடிகட்டிய அல்லது உப்புக்கரைசல் தண்ணீரின் உதவியோடு உங்கள் மூக்கு துவாரங்களை சுத்தம் செய்து, கெட்டியான சளியை துடைத்தல்.
  • மூக்கு மேற்பூச்சு கார்டிகோஸ்டெராய்டுகள் 
    இவை அழற்சிக்கு சிகிச்சையளிக்க பரிந்துரைக்கப்படுகின்றன. சாதாரண அளவுகளில் இந்த மருந்துகளை, எந்த ஒரு பக்க விளைவுகள் அல்லது அடிமையாதல் இல்லாமல் நீடித்த காலத்திற்கு பயன்படுத்தலாம்.
  • நுண்ணுயிர் எதிர்ப்பு மருந்துகள் 
    இது வழக்கமாக சைனஸ் (புரையழற்சி)களுக்கு பயன்படுத்தப்படும் சிகிச்சை கிடையாது. ஏனென்றால் 98% தீவிர சைனஸ் (புரையழற்சி) வைரஸ்களின் காரணமாக ஏற்படுகின்றன. நுண்ணுயிர் குழிவு நோய்த்தொற்றுகளுக்கான சிகிச்சையில் நுண்ணுயிர் எதிர்ப்பு மருந்துகள் முதன்மையான செயல்முறையாக இருக்கின்றன. நுண்ணுயிர் எதிர்ப்பு சிகிச்சையோடு கூடவே மற்ற மருந்துக்கடை மருந்துகளையும் பயன்படுத்தினால் அறிகுறிகளில் இருந்து  கட்டாயம் பெற வேண்டிய நிவாரணத்தை அவை அளிப்பதில்லை. நுண்ணுயிர் எதிர்ப்பு மருந்துகளுக்கு எதிரான சக்தி அதிகரித்து இருந்தால், பொதுவாக 7 முதல் 10 நாட்களுக்கும் மேலாக, நுண்ணுயிர் எதிர்ப்பு மருந்துகள் பரிந்துரைக்கப்படுகின்றன.
  • அறுவை சிகிச்சை 
    அனைத்து மருத்துவ முறைகளும் தோல்வியுறும் வேளையில் இதுதான் சிகிச்சைக்கான கடைசி வழிமுறை. இது பொதுவாக எலும்பைச் சார்ந்த குறைபாடுகள் ஏற்படும் பிரச்சினைகளில் அவசியமாகிறது மற்றும் இது, ஒரு ஓட்டோலாரின்காலஜிஸ்ட்-ஆல் செய்யப்படுகிறது. அறுவை சிகிச்சை, மூக்கின் பிரிக்கும் சுவரில் இருக்கும் தவறுகளை சரி செய்யவும், மூக்கிலுள்ள சிறு கட்டிகளை நீக்கவும் மற்றும் அடைபட்ட பாதைகளைத் திறக்கவும் உதவுகிறது. இருக்கும் நிலையைப் பொறுத்து இது, குறிப்பிட்ட இடத்தில் அல்லது பொதுவான மயக்க மருந்து கொடுத்து செய்யப்படுகிறது.

வாழ்க்கைமுறை மேலாண்மை

நீங்கள் ஒரு சிகிச்சை எடுத்துக்கொண்டு இருந்தாலும், சுயகவனிப்பும் சைனஸ் (புரையழற்சி)யை முழுமையாக தீர்ப்பதற்கு அவசியமானதாகும். முழுமையாக குணமடைய பின்வரும் படிகள் உங்கள் தினசரி நடவடிக்கைகளில் இணைக்கப்பட வேண்டும்:

  • அதிகமான ஓய்வு எடுங்கள்
    போதுமான அளவு ஓய்வு எடுப்பது, விரைவாக குணமடைந்து உங்கள் தினசரி இயல்பு வாழ்க்கை நடைமுறைக்குத் திரும்ப உதவும்.
  • உங்கள் உடலை நீர்ச்சத்தோடு வைத்திருங்கள்
    உங்கள் சளியை மெலிதாக்க உதவ அதிக அளவு திரவங்கள் அருந்துங்கள்.
  • புகைப்பிடித்தலைத் தவிருங்கள்
    புகைப்பிடித்தலில் இருந்து தள்ளி இருப்பது, மேலும் எரிச்சலைத்  தவிர்க்கவும் மூக்கு மற்றும் குழிவில் நீர்வற்றிப்போதல் ஏற்படுவதைத் தவிர்த்து விரைவாக குணமடையவும் உதவுகிறது.
  • நீராவியை மூக்கால் உறிஞ்சுதல் 
    நீண்ட நேரத்திற்கு சூடான ஷவரில் குளியுங்கள் அல்லது ஒரு பாத்திரத்தில் இருந்து கொதிக்கும் நீரில் நீராவியை மூக்கால் உறிஞ்சுங்கள். ஒரு நாற்காலியில் அல்லது தரையில் உட்கார்ந்து கொண்டு பாத்திரத்தை உங்கள் முன்னால் வைத்து பாத்திரத்தின் மேல்பகுதியை நோக்கி குனியுங்கள். அதிக நீராவியை உறிஞ்சுவதற்காகவும் தண்ணீர் குளிர்ச்சி அடைந்து விடுவதைத் தடுக்கவும் உங்கள் தலையை ஒரு கெட்டியான துணியினால் மூடிக் கொள்ளுங்கள்.
  • மூக்கு பாதைகளில் நீரை செலுத்துதல்
    உங்கள் மூக்கு பாதையை ஒரு உப்புத்தண்ணீர் கரைசலால் சுத்தம் செய்யுங்கள்.
  • தலையை உயர்த்திய நிலையில் தூங்குங்கள்
    வழக்கமாக உறங்கும் பொழுது உங்கள் தலையை கீழான நிலையில் வைக்கும் போது ஏற்படும் சளி தேங்குவதைத் தடுக்கிறது.
  • உயரமான இடங்களைத் தவிருங்கள் 
    இது விமானம் மூலமாகப் பறப்பதையும் உள்ளடக்கியது.இது ஏனென்றால், அழுத்த மாறுதல்கள் சைனஸ் (புரையழற்சி)யின் மீது ஒரு எதிர்மறை விளைவை உண்டாக்கி உங்கள் நிலையை மேலும் மோசமாக்கலாம்.
  • உணவுப் பழக்கம் 
    சாப்பிட வேண்டிய மற்றும் தவிர்க்க வேண்டிய சில உணவுகள் பின்வருமாறு:
அழற்சியை குறைக்கும் மற்றும் தடுக்கும் உணவுகள் அழற்சி அபாயத்தை அதிகரிக்கும் உணவுகள்
ஒமேகா-3 கொழுப்பு அமிலங்கள் நிறைந்த மீன். எ.கா. சாளை மீன்கள், வைல்ட் சாலமன், காட் மீன்கள் கரும்புச்சர்க்கரை அல்லது பழசர்க்கரை எனப் பெயரிடப்பட்ட பதப்படுத்தப்பட்ட சர்க்கரைகள்
வெண்ணையில் ஒமேகா-3 கொழுப்பு அமிலங்கள் நிறைந்திருக்கின்றது மற்றும் நோய் எதிர்ப்பு சக்தியை வலுப்படுத்துகிறது. பிஸ்சா மற்றும் பாலாடைக்கட்டி உட்பட பால்பொருட்கள் போன்ற அதிக முழுமையான கொழுப்பு நிறைந்த உணவுகள்
அவரை, மங், பின்டோ போன்ற மொச்சைகளில் ஒமேகா-3 கொழுப்பு அமிலங்கள் நிறைந்திருக்கின்றன. கேன்களில் அடைக்கப்பட்ட பதப்படுத்தப்பட்ட உணவுகளில் வழக்கமாக காணப்படும் மோனோசோடியம் குளுட்டமேட்
பச்சை காற்கறிகள் மற்றும் மொச்சைகளில் ஹிஸ்டமினை எதிர்த்து செயல் புரியக் கூடிய வைட்டமின் சி மற்றும் சுண்ணாம்புச்சத்து நிறைந்திருக்கிறது. ஹிஸ்டமின் உங்கள் உடலில் ஏற்படும் அழற்சிக்கான பொறுப்பு வகிப்பதாகும். சோள எண்ணெய், செந்தூர எண்ணெய், சூரியகாந்தி எண்ணெய் போன்றவற்றில் காணப்படும் அளவுக்கதிகமான ஒமேகா-6-கொழுப்பு அமிலங்கள்
நீர்வற்றிப்போதலால் ஏற்படும் தலைவலியைக் குறைக்க பசுமை தேநீர் மற்றும் மற்ற திரவங்கள் உதவக் கூடும். கம்பு, கோதுமை, பார்லி மற்றும் பால் பொருட்களில் காணப்படும் கோதுமைப்புரதம் மற்றும் பால்புரதம்
எலுமிச்சை மற்றும் வைட்டமின் சி அதிக அளவு உள்ள பழங்கள் எ.கா. தக்காளிகள். ஆப்பிள்கள் மற்றும் பேரிக்காய்கள், க்யூயர்சிடின் எனப்படும் இயற்கையான ஹிஸ்டமின் எதிர்ப்பியைக் கொண்டிருக்கின்றன. வேகவைத்த உருளைக்கிழங்கு மற்றும் தானியங்கள் போன்ற  சுத்திகரிக்கப்பட்ட மாவுப் பொருட்கள்
myUpchar doctors after many years of research have created myUpchar Ayurveda Urjas Energy & Power Capsule by using 100% original and pure herbs of Ayurveda. This Ayurvedic medicine has been recommended by our doctors to lakhs of people for problems like physical and sexual weakness and fatigue, with good results.
Power Capsule For Men
₹719  ₹799  10% OFF
BUY NOW


மேற்கோள்கள்

  1. MedlinePlus Medical Encyclopedia: US National Library of Medicine; Sinusitis
  2. Better health channel. Department of Health and Human Services [internet]. State government of Victoria; Sinusitis
  3. National Health Service [Internet]. UK; Sinusitis (sinus infection).
  4. Mustafa M, Patawari P, Iftikhar HM, Shimmi SC, Hussain SS, Sien MM. Acute and chronic rhinosinusitis, pathophysiology and treatment. Int J Pharm Sci Invent. 2015 Feb;4(2):30-36.
  5. World Allergy Organization. Rhinosinusitis: Synopsis. A World Federation of Allergy, Asthma and Clinical Immunology Societies [Internet]
  6. OMICS International [Internet]; Chronic Sinusitis
  7. Am Fam Physician. 2001 Jan 1;63(1):69-77. [Internet] American Academy of Family Physicians; Adult Rhinosinusitis: Diagnosis and Management.
  8. Bachert C, Pawankar R, Zhang L, Bunnag C, Fokkens WJ, Hamilos DL, et al. ICON: chronic rhinosinusitis. World Allergy Organ J. 2014;7:25. PMID: 25379119
  9. National Health Service [Internet]. UK; Nasal polyps.
  10. American College of Allergy, Asthma & Immunology, Illinois, United States. Sinus Infection
  11. National Institute of Health and Family Welfare. Sinusitis. Ministry of Health and Family Welfare [Internet]
  12. American College of Allergy, Asthma & Immunology, Illinois, United States. Allergic Rhinitis
  13. Center for Disease Control and Prevention [internet], Atlanta (GA): US Department of Health and Human Services; Sinusitis (sinus infection)
  14. American Academy of Allergy, Asthma & Immunology. Sinusitis. Milwaukee, WI [Internet]
  15. Health Harvard Publishing, Published: March, 2009. Harvard Medical School [Internet]. 5 easy steps to prevent sinusitis, from Harvard Women's Health Watch. Harvard University, Cambridge, Massachusetts.
  16. Baylor College of Medicine. Make your own saline rinse: Combat sinus infections. The Sinus Center at Baylor College of Medicine; August 20, 2014 [Internet]
  17. MedlinePlus Medical Encyclopedia: US National Library of Medicine; Sinusitis

சைனஸ் (புரையழற்சி) க்கான மருந்துகள்

Medicines listed below are available for சைனஸ் (புரையழற்சி). Please note that you should not take any medicines without doctor consultation. Taking any medicine without doctor's consultation can cause serious problems.