myUpchar प्लस+ के साथ पूरेे परिवार के हेल्थ खर्च पर भारी बचत

சுருக்கம்

வயிற்றில் வாயு என்பது இரைப்பையில் வாயு சேறும் ஒரு நிலை ஆகும். இது ப்லேடஸ் என்றும் அழைக்கப்படுகிறது. இதனால் ஏப்பம், வயிறு வீக்கம், வாயு வெளியேற்றம் மற்றும் அடிவயிற்றில் வலி போன்றவை ஏற்படுகின்றன. வாயு வெளியேற்றம் ஆசன வாய் வழியே வாயு பிரிதல் என்று குறிப்பிடப்படுகிறது (ப்லாடுலென்ஸ்). பொதுவாக நாம் சாப்பிடும் போதும் பேசும் போதும் வாய் வழியாக வாயில் வாயு நுழைகிறது. பெரிய குடலில் உள்ள பாக்டீரியா உணவுகளை செரிப்பதற்காக உடைக்கிறது, இது வாயு உற்பத்திக்கு வழிவகுக்கிறது. வாய் வழியாகவும் ஆசன வாய் வழியாகவும் வாயுவை வெளியேற்றுவது இயல்பானது. இதனால் எளிய அஜீரணத்திலிருந்து மிகவும் சிக்கலான பெருங்குடல் புண் போன்ற நிலைமைகளும் கூட வரக்கூடும். வழக்கமாக இந்த நோயை மருத்துவ அறிகுறிகளைக் கொண்டு அறியலாம். கடுமையான சந்தர்ப்பங்களில், அடிவயிற்று எக்ஸ்ரே, அல்ட்ராசவுண்ட், எண்டோஸ்கோபி அல்லது இரத்த பரிசோதனைகள் போன்ற சோதனைகளை அடிப்படை நிலைகளை உறுதிப்படுத்த உங்கள் மருத்துவர் உங்களிடம் எடுக்க கூறலாம். கடுமையான அசௌகரியம் அல்லது சமூகத்தில் சங்கடத்தை ஏற்படுத்தாத வரை குடல் வாயு சிகிச்சை தேவைப்படாது. அடிப்படை காரணத்தைக் கருத்தில் கொண்டு சிகிச்சை அளிப்பது நிவாரணம் அளிக்கிறது. குடல் வாயுவை உற்பத்தி செய்யும் சில உணவுகளை தவிர்ப்பது கூட உதவக்கூடும். குடல் வாயு சிக்கல்கள் அரிதாகவே ஏற்படுகிறது. மேலும் உடனடியாக சிகிச்சை பெறுதல் மற்றும் உணவு மாற்றம் மூலம் பெரிய அளவில் நன்மையை பெறலாம்.

  1. வயிற்றில் வாயு அறிகுறிகள் என்ன - Symptoms of Stomach Gas in Tamil
  2. வயிற்றில் வாயு காரணங்கள் என்ன - Causes of Stomach Gas in Tamil
  3. வயிற்றில் வாயு சிகிச்சை - Treatment of Stomach Gas in Tamil
  4. வயிற்றில் வாயு என்ன - What is Stomach Gas in Tamil
  5. வயிற்றில் வாயு க்கான மருந்துகள்
  6. வயிற்றில் வாயு டாக்டர்கள்

வயிற்றில் வாயு அறிகுறிகள் என்ன - Symptoms of Stomach Gas in Tamil

அதிகப்படியான வயிற்றில் உள்ள வாயுவின் அறிகுறிகள் பின்வருமாறு:

  • ஏப்பம்:
    முக்கியமாக செரிமான மண்டலத்தின் மேல் பகுதிகளில் (வயிறு மற்றும் சிறு குடல்) அதிகப்படியான வாயு சேறுவதால் (பேசும்போதோ அல்லது சாப்பிடும்போதோ) ஏப்பம் வருகிறது. 
  • ஆசன வாய் வழியே வாயு வெளியேற்றம்:
    இது முக்கியமாக அதிகப்படியாக பெருங் குடலில் காற்று அல்லது செரிமானத்தின் போது வெளிவரும் வாயு சேறுவதால் வருகிறது. இதற்கு முதன்மை காரணம் பாக்டீரியா மூலம் நொதிக்கப்பட்ட உணவு அல்லது தாவர நார்ச்சத்து அல்லது சிக்கலான கார்போஹைட்ரேட்-ன் முறிவு ஆகும். சில நேரங்களில் வாயு உணவின் முழுமையற்ற செரிமானம் காரணமாக உற்பத்தி செய்யப்படலாம்.
  • வயிற்று பொருமல்:
    இது அதிகப்படியான வாயு சேறாமலேயே வயிறு கும்மென்று உணருவது ஆகும். அடிவயிற்றில் அசௌகரிகமாக, ஏப்பம் விட முடியாமலோ ஆசன வாய் வழியே வாயு வெளியேற்றம் செய்ய முடியாமலோ மக்கள் கஷ்டப்படுவர். (மேலும் படிக்க - வயிற்று பொறுமலுக்கான வீட்டு மருந்துவம்)

ஆசன வாய் வழியே வாயு வெளியேற்றம் மற்றும் ஏப்பம் ஆகியவை ஒரு நாளைக்கு 25 தடவைக்கு மேல் வரலாம். தூக்கத்தில் இரவில் இது அதிகரிக்கலாம்.

வயிற்றில் வாயு காரணங்கள் என்ன - Causes of Stomach Gas in Tamil

காரணங்கள்

வயிற்றில் வாயுக்கான முக்கிய காரணம், நாம் சாப்பிடும் சில வகையான உணவாகும். சில உணவுகள் அதிகப்படியான வயிற்றில் வாயு உற்பத்திக்கு வழிவகுக்கும். அவை பின்வருமாறு:

  • தானியங்கள்
  • பீன்ஸ்
  • முட்டைக்கோஸ், காலிஃபிளவர், ப்ரோக்கோலி, பிரஸ்ஸெல் முளைகள் போன்ற காய்கறிகள்
  • பால் பொருட்கள்
  • பழச்சர்க்கரை போன்ற கார்போஹைட்ரேட்டுகள் அல்லது சார்பிட்டால் போன்ற செயற்கை இனிப்பு வகைகள் ஆகியவையாகும்.
  • சோடா மற்றும் பீர் போன்ற பானங்கள்
  • மது அருந்துதல்
  • உருளைக்கிழங்கு மற்றும் அரிசி போன்ற மாவுச்சத்து உணவுகள்
  • அதிகப்படியான சுவைங்கம் மற்றும் இனிப்புகள்
  • புகை பிடித்தல்

சில நேரங்களில் அதிகப்படியான வயிற்றில் வாயுவினால் பின்வரும் கோளாறுகள் ஏற்படலாம். அவை:

  • கணைய அழற்சி (ஆட்டோ இம்யூன் வகை)
    கணைய அழற்சி என்பது கணையத்தில் ஏற்படும் வீக்கம் ஆகும்.
  • ஜி.இ.ஆர்.டி (காஸ்ட்ரோரொபோபல் ரிஃப்ளக்ஸ் கோளாறு)
    வயிற்றில் உள்ள உணவு குழாயில் தொடர்ச்சியாக எதுக்குதல் அல்லது அதிகப்படியான ஏப்பம் விடுதல் போன்றவை ஏற்படும்.
  • நீரிழிவு
    உயர் இரத்த சர்க்கரை நீடித்திருப்பதற்கு காரணம், வயிறு உப்பசம், விரிவடைந்த தொப்பை அல்லது வாயு உற்பத்தி போன்றவையாகும்.
  • பெருங்குடல் அழற்சி அல்லது கிரோன் நோய்
    செரிமான பாதையில் வீக்கம் மற்றும் செரிமான பாதிப்பு ஆகியவற்றினால் ஏற்படக்கூடிய குடல் வாயு அதனுடன் சேர்ந்த வயிற்றுப்போக்கு, வயிற்று வலி, காய்ச்சல், எடை இழப்பு போன்ற அறிகுறிகளானது நீண்டகால அழற்சி நோய்கள் ஏற்பட காரணமாகும்.
  • எரிச்சல் கொண்ட குடல் நோய்க்கான அறிகுறிகள்
    மலச்சிக்கல் அல்லது வயிற்றுப்போக்கு, வீக்கம், மற்றும் பிடிப்புகள் போன்ற நிலையாகும்.
  • வயிற்று புண்
    வயிறு அல்லது குடலில் உள்ள பாதுகாப்பு தசை இழப்பின் காரணமாக புண்கள் (புண்கள்) ஏற்படலாம்.
  • செலியக் நோய்
    ஆட்டோ இம்யூன் கோளாறுக்கு, பசைத்தன்மை உள்ள உணவு அல்லது கோதுமை கொண்ட உணவுகளை உட்கொள்ளுவதால் குடல் நாளத்தில் சேதத்தை விளைவிக்கிறது.

வயிற்றில் வாயு சிகிச்சை - Treatment of Stomach Gas in Tamil

குடலில் வாயு உற்பத்தியைக் குறைப்பதற்கு குறிப்பிட்ட சிகிச்சை ஏதும் இல்லை; ஆனால் மிக முக்கியமாக உணவு பழக்கத்தில் மாற்றங்களை செய்வதால் இதை குறைக்கலாம். இது வழக்கமான ஒரு நோய் அறிகுறியாகும். குடல் வாயு காரணமாக ஏற்படும் அசௌகரியத்தில் இருந்து நிவாரணம் அளிக்கக்கூடிய ஓவர்-தி-கவுண்டர் மருந்துகள் கிடைக்கின்றன. கரி அடங்கிய மருந்துகள் ஆசன வாய் வழியே வாயு வெளியேற்றத்தை குறைக்கும். பிஸ்மத் சாலிசிலேட் பிரிந்த வாயுவில் இருந்து வெளியேற்றப்படும் சல்பேயிட் நாற்றத்தை குறைக்க உதவுகிறது. ஆல்ஃபா-டி- கேலக்டோசைடேஸ் சிக்கலான கார்போஹைட்ரேட்டுகளை செரிப்பதில் உதவுகிறது. ஐபீஎஸ் நோயால் பாதிக்கப்பட்டவர்கள் அதிகப்படியான குடல் வாயு காரணமாக ஏற்படக்கூடிய வலியினை குறைக்க, அன்டிஸ்பஸ்மொடிக்ஸ் மூலம் பயன் பெறலாம். அதிகரித்த பாக்டீரியா வளர்ச்சி உறுதிப்படுத்தப்பட்டால், அதை கடுப்படுத்த அன்டிபயாட்டிக்குகள் பயன்படுத்தப்படலாம்.

வாழ்க்கைமுறை மேலாண்மை

அதிக குடல் வாயு உற்பத்தியை குறைப்பதற்கு எளிய நடவடிக்கைகளை மேற்கொள்ளலாம். வயிற்றில் வாயு உற்பத்தியை அதிகரிப்பது போன்ற உணவினை குறைக்கும் உணவு பழக்கத்தின் மாற்றமே, வாழ்க்கை முறை மாற்றத்தில் முக்கியமானதாகும். முட்டைகோசு வகை காய்கறிகள், ஆப்பிள் போன்ற நார்த்தன்மையுள்ள பழங்கள், சர்க்கரை மற்றும் சர்க்கரை அடங்கிய பண்டங்கள், புகைபிடித்தல் மற்றும் மதுபானங்கள் ஆகியவற்றை தவிர்த்தல் போன்றவை உணவு பழக்க மாறுபட்டில் முக்கியமானவை. மன அழுத்தம் செரிமானம் தொடர்பான பிரச்சனைகளை ஏற்படுத்தக்கூடும், இது அதிகமான குடல் வாயு உற்பத்திக்கு வழிவகுக்கும். எனவே, மன அழுத்தத்தை குறைப்பது மிக முக்கியமானதாகும். வழக்கமான உடற்பயிற்சிகள் உடல், குறிப்பாக வயிற்று தசைகள் மற்றும் செரிமான உறுப்புகளை நன்றாக செயல்பட வைக்கின்றன.

வயிற்றில் வாயு என்ன - What is Stomach Gas in Tamil

மனிதர்களுக்கு இரைப்பையில் உணவுகளை செரிப்பதற்காக உதவும் பாக்டீரியாக்களாலும் கற்றினை விழுங்குவதாலும் வாயு உருவாகிறது. இதனால் ஏப்பம் அல்லது வயிற்றுப் பொருமல் ஏற்படுகிறது. குடல் நாளங்கள் 200 மில்லி க்கும் குறைவான வாயுவையே கொண்டுள்ளது அதேசமயம் 600-700 மில்லி வாயுவை தினமும் உடலில் இருந்து வாயு பிரிதல் மூலம் வெளியேறுகிறது. வயிற்றுப் பொருமல் ஒரு சாதாரண உடலியல் செயல்பாடு ஆகும். ஆசன வாய் வழியே வாயு பிரிதலின் அளவு ஆளுக்கு ஆள் மாறுபடும். இது அசௌகரியமாகவும் மற்றும் சிரமப்படுத்துவதாகவும் இருக்கும். ஆசன வாய் வழியே பிரியும் வாயு ஹைட்ரஜன், மீத்தேன் மற்றும் கார்பன் டை ஆக்சைடு போன்றவறைக் கொண்டுள்ளது. ஆசன வாய் வழியே பிரியும் வாயுவின் வாசனையானது ஹைட்ரஜன் சல்பைடு போல இருக்கும்.

Dr. Gaurav Chauhan

Dr. Gaurav Chauhan

सामान्य चिकित्सा

Dr. Sushila Kataria

Dr. Sushila Kataria

सामान्य चिकित्सा

Dr. Sanjay Mittal

Dr. Sanjay Mittal

सामान्य चिकित्सा

வயிற்றில் வாயு க்கான மருந்துகள்

வயிற்றில் வாயு के लिए बहुत दवाइयां उपलब्ध हैं। नीचे यह सारी दवाइयां दी गयी हैं। लेकिन ध्यान रहे कि डॉक्टर से सलाह किये बिना आप कृपया कोई भी दवाई न लें। बिना डॉक्टर की सलाह से दवाई लेने से आपकी सेहत को गंभीर नुक्सान हो सकता है।

Medicine NamePack SizePrice (Rs.)
RabletRablet 10 Mg Tablet65
R Ppi TabletR Ppi 20 Mg Tablet20
HelirabHelirab 20 Mg Injection49
RabiumRabium 10 Mg Tablet15
RantacRantac 150 Mg Tablet18
Rekool TabletREKOOL 10MG TABLET 15S56
RabelocRABELOC 10MG TABLET 10S36
ZinetacZinetac 150 Mg Tablet17
Gelusil MpsANTACID MPS SYRUP 170ML0
AcilocAciloc 150 Tablet17
Rablet D CapsuleRablet D Capsule120
Razo DRazo D 30 Mg/20 Mg Capsule179
Rekool DRekool 40 D Capsule109
RazoRazo 10 Tablet46
Veloz DVeloz D 30 Mg/20 Mg Capsule103
Pantocar LPantocar L 75 Mg/40 Mg Tablet128
Nexpro LNexpro L Capsule188
Erb DsrErb Dsr 30 Mg/20 Mg Capsule60
Reden OReden O 2 Mg/150 Mg Tablet33
SpasmokemSpasmokem 10 Mg/40 Mg Drops9
Raciper LRaciper L 75 Mg/40 Mg Capsule139
ZadorabZadorab Tablet34
R T DomR T Dom 10 Mg/150 Mg/20 Mg Tablet7
SpasmoverSpasmover Drop8
Raciper PlusRaciper Plus 75 Mg/40 Mg Capsule158

உங்களுக்கு அல்லது உங்கள் குடும்பத்தில் யாருக்காவது இந்த நோய் உள்ளதா? தயவு செய்து சர்வேயில் ஈடுபட்டு பிறருக்கு உதவுங்கள்

References

  1. International Foundation for Gastrointestinal Disorders. [Internet]. IFFGD,U.S. Controlling Intestinal Gas.
  2. National Institute of Diabetes and Digestive and Kidney Diseases [internet]: US Department of Health and Human Services; Symptoms & Causes of Gas in the Digestive Tract.
  3. MSDmannual professional version [internet].Gas-Related Complaints. Merck Sharp & Dohme Corp. Merck & Co., Inc., Kenilworth, NJ, USA
  4. National Institute of Diabetes and Digestive and Kidney Diseases [internet]: US Department of Health and Human Services; Gas in the Digestive Tract
  5. MedlinePlus Medical Encyclopedia: US National Library of Medicine; Gas
और पढ़ें ...