myUpchar प्लस+ के साथ पूरेे परिवार के हेल्थ खर्च पर भारी बचत

టెంకాయ లోని కొబ్బరి నుండి తీసేదే కొబ్బరి నూనె. పండిన టెంకాయలో లభించే కండ లేక గుజ్జు వంటి రుచికరమైన మరియు మనం తినదగిన భాగమే కొబ్బరి. మార్కెట్లో  వివిధ రకాల కొబ్బరి నూనెలు లభిస్తాయి, కొబ్బరి నుండి నూనెను సేకరించేందుకు చేపట్టే పధ్ధతిని బట్టి కొబ్బరి నూనె రకాలుంటాయి. కొబ్బరి నూనెలో సాధారణ రకాలు శుద్ధి చేసిన కొబ్బరి నూనె మరియు శుద్ధి చేయని (unrefined) కొబ్బరి నూనె అనే రకాలు ఉంటాయి.

కొబ్బరి నూనె గది ఉష్ణోగ్రత వద్ద సాధారణంగా గడ్డ కట్టి ఉంటుంది, ఎందుకంటే దాని అధిక ద్రవీభవన ఉష్ణోగ్రతా స్థానం - 76 ఫారిన్ హీట్ డిగ్రీలు. సరి అయిన రీతిలో భద్రపరిస్తే కొబ్బరి నూనె ఒక స్థిరమైన నిల్వ సామర్థ్యం (షెల్ఫ్ లైఫ్) కల్గి ఉంటుంది. కొబ్బరి నూనె  కొవ్వు ఆమ్లాల ప్రత్యేకమైన సమ్మేళనం మరియు మానవ శరీరంలో సానుకూల ప్రభావాలను కలిగిస్తుంది. అందువల్ల, ఈ నూనె వంటల్లో (తినడానికి) వాడటం కోసం బాగా అనుకూలంగా ఉంటుంది మరియు చర్మం మరియు జుట్టుకు తేమను కల్గించే ఏజెంట్ గా కూడా ఉపయోగపడుతుంది.

కొబ్బరి నూనె గురించిన కొన్ని ప్రాథమిక వాస్తవాలు:

  • కొబ్బరికాయ (టెంకాయ) శాస్త్రీయనామం: కొబ్బరి నూనెను కొబ్బరి నుండి సేకరించబడుతుంది. కొబ్బరి శాస్త్రీయ నామం కోకోస్ న్యూసిఫెరా (Cocos Nucifera).
  • కుటుంబం పేరు: కొబ్బరి చెట్టు అరెకాసియా అని పిలువబడే తాటి చెట్టు కుటుంబానికి చెందినది.
  • సామాన్యమైన పేరు: హిందీలో నారియల్ తేల్ (Nariyal tel), కొబ్బరి నూనె
  • స్థానిక ప్రాంతం: ప్రపంచంలోని 90 కంటే ఎక్కువ దేశాలు కొబ్బరి చెట్లను పెంచుతున్నాయి. ప్రపంచంలో కొబ్బరి నూనెను ఉత్పత్తి చేసే అతిపెద్ద ఉత్పత్తిదారు ఫిలిప్పీన్స్ దేశం, తరువాత ఇండోనేషియా మరియు భారతదేశం కొబ్బరినూనె ఉత్పత్తిలో వరుసగా రెండు, మూడో స్థానాల్ని ఆక్రమిస్తాయి. తమిళనాడు, కేరళ, పుదుచ్చేరి, కర్నాటక, గోవా, ఆంధ్రప్రదేశ్ మొదలైనవి భారతదేశంలో కొబ్బరి చెట్లని పెంచే కొన్ని రాష్ట్రాలు. కోకోనట్ డెవెలప్మెంట్ బోర్డ్ అఫ్ గవర్నమెంట్ ఆఫ్ ఇండియా వారి  2014-15 గణాంకాల ప్రకారం, దక్షిణ భారతదేశంలో కేవలం 4 రాష్ట్రాలు భారతదేశంలో మొత్తం కొబ్బరి ఉత్పత్తిలో 90% వాటాని కలిగివున్నాయి. కోయంబత్తూర్ మరియు తిరుపూర్ లు భారతదేశంలో అతి పెద్ద కొబ్బరి ఉత్పత్తిదారులు.
  • కొబ్బరిని గురించిన కొన్ని ఆసక్తికరమైన నిజాలు: కొబ్బరికాయ (coconut) యొక్క పుట్టుక (మూలం) గురించి సమాచారం తెలియదు, కానీ శాస్త్రవేత్తల ప్రకారం, కొబ్బరి అనేది దక్షిణ పసిఫిక్ నుండి వచ్చిన ఒక చరిత్రపూర్వకాలపు మొక్క. వాస్కో డా గామా యొక్క ఓడలో ఉన్న నావికులు కొబ్బరిచెట్టుకు దానికా పేరును (కోకోనట్) పెట్టి ఉంటారని నమ్ముతారు.
  1. కొబ్బరి నూనె పోషణ వాస్తవాలు - Coconut oil nutrition facts in Telugu
  2. కొబ్బరి నూనె ఆరోగ్య ప్రయోజనాలు - Coconut oil health benefits in Telugu
  3. కొబ్బరి నూనె దుష్ప్రభావాలు - Coconut oil side effects in Telugu
  4. ఉపసంహారం - Takeaway in Telugu

కొబ్బరి నూనె సంతృప్త కొవ్వురకానికి చెందిన లారిక్ యాసిడ్ ను పుష్కలంగా కల్గి ఉంటుంది. సంతృప్త కొవ్వులు ఆరోగ్యానికి మంచిది కానప్పటికీ, కొబ్బరి నూనెలోని సంతృప్త కొవ్వు రకం ఆరోగ్యానికి చాలా ఉపయోగకరంగా ఉండే మంచి కొవ్వుల (కొలెస్ట్రాల్) స్థాయిని పెంచుతుంది. మంచి కొవ్వులనే ఆంగ్లంలో HDL (high-density lipoproteins) గా వ్యవహరిస్తారు.

USDA న్యూట్రియెంట్ డేటాబేస్ ప్రకారం కొబ్బరి నూనె యొక్క పోషక విలువ క్రింది విధంగా ఉంది:

పోషకాలు

100 గ్రాములకు విలువ

నీరు

0.03 గ్రా

శక్తి

892 కిలో కే

ఫాట్స్

99.06 గ్రా

 

మినరల్స్

100 g లకు విలువ

కాల్షియం

1 mg

ఐరన్

0.05 mg

జింక్

0.02 mg

 

విటమిన్లు

100 g లకు విలువ

విటమిన్ ఇ

0.11 mg

విటమిన్ K

0.6 μg

 

కొవ్వులు / కొవ్వు ఆమ్లాలు

100 g లకు విలువ

సాచ్యురేటెడ్ (సంతృప్త)

82.475 g

అసంతృప్త

6.332 గ్రా

పాలీఅన్శాచ్యురేటెడ్ (పలు అసంతృప్త)

1.702 గ్రా

ట్రాన్స్

0.028 గ్రా

  • కొబ్బరి నూనెలో అధికంగా సాచురేటెడ్  ఫ్యాట్ ఉంటుంది. దీనిలో దాదాపు  50%  లారిక్ ఆసిడ్ ఉంటుంది. ఈ లారిక్ ఆసిడ్ మంచి కొలెస్టెరాల్ స్థాయిలు పెరగడానికి బాధ్యత వహిస్తుందని భావింపబడుతుంది. మంచి కొలెస్టెరాల్ గుండె ఆరోగ్యాన్ని నిర్వహించడంలో సహాయం చేస్తుంది. 
  • కొబ్బరి నూనెలో ఉండే ఫ్యాటీ యాసిడ్లు ఆకలిని తగ్గించడంలో సహాయపడతాయి. దీనిలో ఉండే లారిక్ ఆసిడ్ ఆకలిని తగ్గించడంలో బాధ్యత వహిస్తుంది. 
  • కొబ్బరి నూనెలో ఉండే గ్లిసెరాల్ మోనోలారెట్ మరియు లారిక్ ఆసిడ్లు కొన్ని రకాల బాక్టీరియాలపై ప్రభావంతమైన యాంటీమైక్రోబియల్ చర్యలు చూపుతాయని అధ్యయనాలు సూచించాయి. అలాగే శుద్ధి చెయ్యని కొబ్బరి నూనె కాండిడా వంటి ఫంగస్ పై వ్యతిరేక చర్యలను చూపుతుందని మరొక అధ్యయనం తెలిపింది.
  •  కొబ్బరి నూనె మంచి ‘మాయిశ్చరైజర్’ గా పనిచేస్తుంది మరియు దీనిని ఉపయోగించడం ద్వారా చర్మం పొడిబారిపోవడం లేదా జిరోసిస్ మరియు అటోపిక్ డెర్మటైటిస్ వంటి చర్మ సమస్యలను కూడా తగ్గిస్తుంది. 
  • కొబ్బరి నునె జుట్టుకు ప్రయోజనకరంగా ఉంటుందని నిర్దారించబడింది. దీని జుట్టు రాలడం పై వ్యతిరేకంగా పోరాడుతుంది, అంతేకాక జుట్టు ప్రోటీన్ల నష్టాన్ని తగ్గించి అధికంగా జుట్టు రాలడాన్ని నివారిస్తుంది. 
  • కొబ్బరి నూనెలో అధికంగా ఉండే లారిక్ ఆసిడ్ ఒక మీడియం చైన్ ట్రైగ్లిసరైడ్ (ఎంసిటి).  ఈ  ఎంసిటి  అధికంగా ఉండే ఆహారాలు తీసుకోవడం వలన అల్జీమర్స్  వ్యాధి ఉన్న రోగులలో మెదడు పనితీరు మెరుగు పడిందని తద్వారా అల్జీమర్స్ లక్షణాలు తగ్గాయని ఓక అధ్యయనం తెలిపింది.     
  • ఆయిల్ పుల్లింగ్ ఒక పురాతన ఆయుర్వేద ప్రక్రియ, దీనిని చేయడం వలన నోటి ఆరోగ్యం మెరుగుపడుతుందని మరియు దంత సమస్యలు తగ్గుతాయని భావిస్తారు . అధ్యయనాలు ఆయిల్ పుల్లింగ్ కోసం కొబ్బరి నూనెను ఉపయోగించడం వలన ఫలితాలు చర్మం సమర్థవంతంగా ఉంటాయని  సూచిస్తున్నాయి.    
  • అలెర్జీ (అసహనీయత) 
    కొబ్బరివల్ల లేదా కొబ్బరి నూనెవల్ల కల్గిన అసహనీయతల (అలెర్జీలు)కు  సంబంధించిన అనేకమైన కేసులేవీ నమోదు కాలేదు. ఒక సందర్భంలో, ఒక 8 నెలల శిశువు చేత  కొబ్బరిని కలిగిన ఒక పసిపిల్లల ఫార్ములాను సేవింపజేసిన తర్వాత తీవ్రమైన జీర్ణశయాంతర జబ్బు వచ్చిందని  నివేదించబడింది.చెట్టుకు కాచే గింజల్ని తినడంవల్ల అలెర్జీకి గురయ్యేవారు కొబ్బరి తినడంవల్ల కూడా  అలెర్జీకి గురవుతారని భావించడం కేవలం ఓ అపోహ మాత్రమే. కానీ వేరుశెనగ గింజలు మరియు ఇతర రకాల చెట్టు గింజలు తినడంవల్ల అలెర్జీకి గురైన 40 మంది పిల్లల్ని కల్గిన ఓ అధ్యయనంలో ఆ 40 మందిచేత కొబ్బరిని సేవింపజేసి చూడగా వారికెలాంటి అలెర్జీ కలగలేదని నిరూపితమైంది. మీరు ఇంతకు మునుపు కొబ్బరి నూనెను ఉపయోగించకపోతే, ఒక వైద్యుడిని సంప్రదించి, కొబ్బరినూనెతో కూడిన అలెర్జీ పరీక్ష చేయించుకున్న తర్వాతే కొబ్బరి నూనెను సేవించడం మంచిది.
  • కొబ్బరి నూనె మీ శరీరంలో చెడు కొలెస్టరాల్ యొక్క స్థాయిని పెంచుతుంది కొబ్బరి నూనెలో ఉన్న సంతృప్త కొవ్వులలో సగం లారిక్ యాసిడ్ ఉంటుంది. మన శరీరంలో మంచి కొవ్వుల (కొలెస్ట్రాల్) స్థాయిని పెంచుకోవడానికి లారిక్ యాసిడ్ బాధ్యత వహిస్తుంది. అయితే సంతృప్త కొవ్వులతో సంపన్నమైన ఏ ఆహారం  అయినా కూడా శరీరంలో చెడు కొలెస్ట్రాల్ (LDL) స్థాయినిపెంచుతుంది. చెడు కొవ్వుల (LDL) పెరుగుదల గుండె సమస్యలతో ముడిపడి ఉంటుంది. అందువల్ల, మీరు హృదయ సంబంధిత సమస్యలతో బాధపడుతున్నట్లయితే, కొబ్బరి నూనె సరైన ఎంపిక కాదు.

కొబ్బరి నూనెను "సూపర్ఫుడ్" అని పిలుస్తారు, ఇది నిజమే. ఇది చర్మం మరియు మెదడు ఆరోగ్యానికి చాలా ఉపయోగకరంగా ఉంటుంది, కొబ్బరి నూనెలో లారిక్ ఆమ్లం సమృద్ధిగా ఉంటుంది. మితంగా సేవిస్తే కొబ్బరి నూనె మన శరీరానికి అద్భుతాలే చేస్తుంది.

और पढ़ें ...

References

  1. Pishan Chang et al. Seizure control by ketogenic diet-associated medium chain fatty acids . Neuropharmacology. 2013 Jun; 69: 105–114. PMID: 23177536
  2. United States Department of Agriculture Agricultural Research Service. Basic Report: 04047, Oil, coconut. National Nutrient Database for Standard Reference Legacy Release [Internet]
  3. Health Harvard Publishing. Harvard Medical School [Internet]. The truth about fats: the good, the bad, and the in-between. Harvard University, Cambridge, Massachusetts.
  4. Health Harvard Publishing. Harvard Medical School [Internet]. Ask the doctor: Coconut oil and health. Harvard University, Cambridge, Massachusetts.
  5. Cardoso DA et al. A COCONUT EXTRA VIRGIN OIL-RICH DIET INCREASES HDL CHOLESTEROL AND DECREASES WAIST CIRCUMFERENCE AND BODY MASS IN CORONARY ARTERY DISEASE PATIENTS. Nutr Hosp. 2015 Nov 1;32(5):2144-52. PMID: 26545671
  6. Stubbs RJ, Harbron CG. Covert manipulation of the ratio of medium- to long-chain triglycerides in isoenergetically dense diets: effect on food intake in ad libitum feeding men. Int J Obes Relat Metab Disord. 1996 May;20(5):435-44. PMID: 8696422
  7. Van Wymelbeke V et al. Influence of medium-chain and long-chain triacylglycerols on the control of food intake in men. Am J Clin Nutr. 1998 Aug;68(2):226-34. PMID: 9701177
  8. Mumme K, Stonehouse W. Effects of medium-chain triglycerides on weight loss and body composition: a meta-analysis of randomized controlled trials. J Acad Nutr Diet. 2015 Feb;115(2):249-63. PMID: 25636220
  9. Kai Ming Liau et al. An Open-Label Pilot Study to Assess the Efficacy and Safety of Virgin Coconut Oil in Reducing Visceral Adiposity ISRN Pharmacol. 2011; 2011: 949686. PMID: 22164340
  10. Assunção ML et al. Effects of dietary coconut oil on the biochemical and anthropometric profiles of women presenting abdominal obesity. Lipids. 2009 Jul;44(7):593-601. PMID: 19437058
  11. Jon J. Kabara et al. Fatty Acids and Derivatives as Antimicrobial Agents . Antimicrob Agents Chemother. 1972 Jul; 2(1): 23–28. PMID: 4670656
  12. Ruzin A, Novick RP. Equivalence of lauric acid and glycerol monolaurate as inhibitors of signal transduction in Staphylococcus aureus. J Bacteriol. 2000 May;182(9):2668-71. PMID: 10762277
  13. Ogbolu DO, Oni AA, Daini OA, Oloko AP. In vitro antimicrobial properties of coconut oil on Candida species in Ibadan, Nigeria. J Med Food. 2007 Jun;10(2):384-7. PMID: 17651080
  14. Neal EG, Cross JH. Efficacy of dietary treatments for epilepsy. J Hum Nutr Diet. 2010 Apr;23(2):113-9. PMID: 20487176
  15. Liu YM. Medium-chain triglyceride (MCT) ketogenic therapy. Epilepsia. 2008 Nov;49 Suppl 8:33-6. PMID: 19049583
  16. Agero AL, Verallo-Rowell VM. A randomized double-blind controlled trial comparing extra virgin coconut oil with mineral oil as a moisturizer for mild to moderate xerosis. Dermatitis. 2004 Sep;15(3):109-16. PMID: 15724344
  17. Evangelista MT, Abad-Casintahan F, Lopez-Villafuerte L. The effect of topical virgin coconut oil on SCORAD index, transepidermal water loss, and skin capacitance in mild to moderate pediatric atopic dermatitis: a randomized, double-blind, clinical trial. Int J Dermatol. 2014 Jan;53(1):100-8. PMID: 24320105
  18. Burnett CL et al. Final report on the safety assessment of Cocos nucifera (coconut) oil and related ingredients. Int J Toxicol. 2011 May;30(3 Suppl):5S-16S. PMID: 21772024
  19. Mhaskar S et al. Hair breakage index: an alternative tool for damage assessment of human hair. J Cosmet Sci. 2011 Mar-Apr;62(2):203-7. PMID: 21635848
  20. Rele AS, Mohile RB. Effect of mineral oil, sunflower oil, and coconut oil on prevention of hair damage. J Cosmet Sci. 2003 Mar-Apr;54(2):175-92. PMID: 12715094
  21. Peedikayil FC, Sreenivasan P, Narayanan A. Effect of coconut oil in plaque related gingivitis - A preliminary report. Niger Med J. 2015 Mar-Apr;56(2):143-7. PMID: 25838632
  22. Stephen C. Cunnane et al. Can ketones compensate for deteriorating brain glucose uptake during aging? Implications for the risk and treatment of Alzheimer's disease. The New York Academy of Sciences, 14 January 2016
  23. Reger MA et al. Effects of beta-hydroxybutyrate on cognition in memory-impaired adults. Neurobiol Aging. 2004 Mar;25(3):311-4. PMID: 15123336
  24. Couturier P et al. [A case of coconut oil allergy in an infant: responsibility of "maternalized" infant formulas]. Allerg Immunol (Paris). 1994 Dec;26(10):386-7. PMID: 7702732
  25. Lisa M. Stutius et al. Characterizing the Relationship Between Sesame, Coconut, and Nut Allergy in Children . Pediatr Allergy Immunol. 2010 Dec; 21(8): 1114–1118. PMID: 21073539