కడుపు (గ్యాస్ట్రిక్) క్యాన్సర్ - Stomach Cancer in Telugu

Dr. Ayush PandeyMBBS,PG Diploma

May 20, 2019

September 11, 2020

కడుపు క్యాన్సర్
కడుపు క్యాన్సర్

సారాంశం

కడుపు గోడల (లైనింగ్) యొక్క మూడు పొరల్లో ఏదో ఒక పొరలో అసాధారణ కణాలు అనియంత్రితంగా పెరిగినప్పుడు కడుపు క్యాన్సర్ (గ్యాస్ట్రిక్ క్యాన్సర్) సంభవిస్తుంది. కడుపు (గ్యాస్ట్రిక్) క్యాన్సర్ సాధారణంగా కడుపు లోపలి పొరలో మొదలై బాహ్య (బయట) పొరలకు వ్యాపిస్తుంది. ఇది దగ్గరలోని అవయవాలు లేదా శరీరం యొక్క సుదూర భాగాలకు కూడా వ్యాప్తి చెందుతుంది. కడుపులో అనేక రకాలైన క్యాన్సర్లు సంభవించవచ్చు, వీటిలో సర్వసాధారణమైన అడెనోకార్సినోమా (adenocarcinoma). క్యాన్సర్  యొక్క కుటుంబ చరిత్ర కలిగి ఉండడం మరియు కడుపుకి సంబంధించిన ఆరోగ్య పరిస్థితులు కాకుండా, కొన్ని జీవనశైలి మరియు ఆహార ఎంపికలు కూడా వ్యక్తిని గ్యాస్ట్రిక్ క్యాన్సర్ ప్రమాదానికి గురిచేయగలవు. ప్రారంభ దశల్లో, కడుపు (గ్యాస్ట్రిక్) క్యాన్సర్ రోగికి  ఎటువంటి లక్షణాలు ఉండకపోవచ్చు లేదా అర్థంకాని బరువు తగ్గుదల లేదా అజీర్ణం వంటి లక్షణాలు ఉంటాయి. తర్వాతి (చివరి) దశల్లో బరువు పూర్తిగా కోల్పోవడం, ఆకలిలేమి లేదా అనియంత్రితమైన వాంతులు వంటి మరింత తీవ్రమైన లక్షణాలు అభివృద్ధి చెందుతాయి.

చికిత్స ఆరోగ్య చరిత్ర, వ్యాధి యొక్క పురోగతి మరియు వ్యక్తి యొక్క పూర్తి ఆరోగ్యం మీద ఆధారపడి ఉంటుంది. క్యాన్సర్ కాలేయానికి వ్యాపించి చర్మం పసుపు రంగులోకి మారడం (కామెర్లు), కణితి కారణంగా కడుపు ద్వారముకు అడ్డంకి ఏర్పడడం, కడుపులో రక్తస్రావం, పొత్తికడుపు లేదా ఊపిరితిత్తుల చుట్టూ ద్రవం నిలిచిపోవడం (పెరిటోనియల్ మరియు ప్లూరల్ ఎఫ్యూషన్లు) అలాగే ఆకలిలేమి కారణంగా తిండి సరిపోకపోవడం వలన బలహీనత మరియు అలసట సంభవించడం. మొదట రోగ నిర్ధారణ జరిగిన సమయంలో ఉన్న వ్యాధి వ్యాప్తి పై ఆధారపడి కడుపు క్యాన్సర్ యొక్క పరిణామాలు ఉంటాయి. కడుపు క్యాన్సర్ సంభవించిన ఎవరైనా ఇద్దరు వ్యక్తులు భిన్నంగా ఉంటారు మరియు చికిత్సకు ప్రతిస్పందన ఒకవ్యక్తి నుండి మరొక వ్యక్తికి మారుతూ ఉంటుంది. సాధారణంగా, ముందుగా వ్యాధి గుర్తించబడితే, నయమయ్యే  అవకాశాలు ఎక్కవగా ఉంటాయి.

కడుపు క్యాన్సర్ రకాలు - Types of stomach cancer in Telugu

కడుపు క్యాన్సర్ రకాలు యొక్క రకాలు ఈ క్రింద ఇవ్వబడ్డాయి:

సాధారణ రకం

  • అడెనోకార్సినోమా (Adenocarcinoma)
    ఇది అత్యంత సాధారణ రకం మరియు గ్యాస్ట్రిక్ క్యాన్సర్ కేసుల్లో ఇది దాదాపు 90 శాతంగా ఉంది. కడుపు యొక్క ఎడెనోక్యార్సినోమా శ్లేష్మం-ఉత్పత్తి చేసే కణాల్లో కడుపు లోపలి పొరను ఏర్పరుస్తున్న కణాలలో ప్రారంభమవుతుంది, ఇది శ్లేష్మం.

అరుదైన రకాలు

వీటిలో:

  • కార్సినోడ్ కణితులు (Carcinoid tumours)
    ఇవి నాడీ వ్యవస్థ యొక్క కణాలు (నరాల (నెర్వ్) కణాలు మరియు ఫైబర్స్ యొక్క కాంప్లెక్స్ నెట్వర్క్ ఇది శరీర వివిధ భాగాల మధ్య నెర్వ్ ఇంపల్స్ [nerve impulses] ను బదిలీ చేస్తుంది) మరియు ఎండోక్రైన్ వ్యవస్థ (హార్మోన్ల వ్యవస్థ) నుండి మొదలై నెమ్మదిగా పెరిగే ఒక అరుదైన రకమైన కడుపు కణితులు.
  • గ్యాస్ట్రిక్ లింఫోమా (Gastric lymphoma)
    ఈ రకమైన క్యాన్సర్ కడుపు యొక్క శోషరస కణజాలం [లింఫెటిక్ కణజాలం](మన రోగనిరోధక వ్యవస్థలో ఒక భాగం) లో అభివృద్ధి చెందుతుంది. శోషరస కణజాలం అంటువ్యాధులతో పోరాడటానికి మరియు టాక్సిన్లను శరీరం నుండి బయటకు నెట్టివేయడానికి సహాయపడుతుంది.
  • గాస్ట్రోఇంటస్టినల్ స్ట్రోమల్ కణితులు (Gastrointestinal stromal tumours [GIST])
    ఈ రకమైన కణితుల క్యాన్సర్ కానివిగా (నిరపాయమైన) లేదా క్యాన్సర్ (ప్రాణాంతకమైన) విగా ఉంటాయి. కడుపు గోడలో మృదు కండర కణజాలపు (కాజల్ యొక్క మధ్యంతర కణాలు [interstitial cells of Cajal]) కణాల నుంచి ఇవి అభివృద్ధి చెందుతాయి.
myUpchar doctors after many years of research have created myUpchar Ayurveda Urjas Capsule by using 100% original and pure herbs of Ayurveda. This ayurvedic medicine has been recommended by our doctors to lakhs of people for sex problems with good results.
Long time capsule
₹719  ₹799  10% OFF
BUY NOW

కడుపు క్యాన్సర్ యొక్క దశలు - Stages of stomach cancer in Telugu

కడుపు క్యాన్సర్ దశ అనేక అంశాలపై ఆధారపడి ఉంటుంది. కడుపు క్యాన్సర్ యొక్క దశలను గుర్తించడానికి మరియు నిర్ధారించడానికి ఉపయోగించే అత్యంత సాధారణ మార్గం టిఎన్ఎం సిస్టం (TNM system) అని పిలువబడే వర్గీకరణ వ్యవస్థ.

  • టి (T) ప్రాథమిక (అసలు) కణితి పరిమాణాన్ని మరియు సమీపంలోని కణజాలం/అవయవానికి కణితి వ్యాపించిందా అనే విషయాన్ని వివరిస్తుంది.
  • ఎన్ (N) క్యాన్సర్ తో ముడిపడి ఉన్న సమీపంలోని (ప్రాంతీయ) శోషరస కణుపుల (లింఫ్ నోడ్స్) గురించి వివరిస్తుంది.
  • ఎం (M) శరీరంలోని ఒక భాగం నుండి మరొక భాగానికి క్యాన్సర్ వ్యాపించిందా అనే విషయాన్ని వివరిస్తుంది (మెటాస్టాసిస్ గురించి తెలియజేస్తుంది).

కొన్ని రకాల పరీక్షలు కూడా (ఎండోస్కోపిక్ అల్ట్రాసౌండ్, లాపరోస్కోపీ, జీవాణుపరీక్షలు [బియోప్సీలు] మరియు సిటి స్కాన్ల వంటి ఇమేజింగ్ పరీక్షలు వంటివి) కడుపు క్యాన్సర్ యొక్క దశలను గుర్తించడానికి సహాయపడతాయి.

కడుపు క్యాన్సర్ లక్షణాలు - Stomach cancer symptoms in Telugu

గ్యాస్ట్రిక్ క్యాన్సర్ యొక్క లక్షణాలను రెండు విభిన్న దశలుగా వర్గీకరించవచ్చు:

  • ప్రారంభ దశ లక్షణాలు
  • తర్వాతి (చివరి) దశ లక్షణాలు

ప్రారంభ దశ లక్షణాలు

గ్యాస్ట్రిక్ క్యాన్సర్ ప్రారంభ దశలో ఉన్న చాలా మంది వ్యక్తులలో ఎటువంటి లక్షణాలు అభివృద్ధి చెందవు. కానీ ఈ కణితి పెరుగుతూ మరియు వ్యాపిస్తున్నపుడు, ప్రారంభ దశలోనే, ఇది కొన్ని సంకేతాలు మరియు లక్షణాలను చూపిస్తుంది.

లక్షణాలు వీటిని కలిగి ఉంటాయి:

కడుపు క్యాన్సర్ యొక్క ప్రారంభ దశ లక్షణాలు తేలికపాటి కడుపు సమస్యల లక్షణాల మాదిరిగానే ఉంటాయి అందువల్ల వాటిని పట్టించుకోకపోవచ్చు లేదా తప్పుగా నిర్ధారించబడతాయి. క్యాన్సర్ నిర్ధారణ ముందుగా జరిగితే, మరింత విజయవంతంగా చికిత్స చేయవచ్చు.

తర్వాతి (చివరి) దశ లక్షణాలు

కడుపు క్యాన్సర్ యొక్క తర్వాతి దశ లక్షణాలు చాలా తీవ్రంగా ఉంటాయి. కణితి పెరిగి మరియు వ్యాపించేకొద్దీ, పెద్దప్రేగు మరియు కాలేయం వంటి సమీపంలోని అవయవాలను ప్రభావితం చేస్తుంది.

కడుపు లేదా పెద్ద ప్రేగులలో అడ్డంకిని ఏర్పరిచేంత పెద్దగా కణితి పెరిగినట్లయితే, రోగి ఈ కింది లక్షణాలను అనుభవించవచ్చు:

  • అనియంత్రిత వాంతులు.
  • ఆకలిలేమి.
  • గణనీయమైన బరువు తగ్గుదల.

కడుపు క్యాన్సర్ కాలేయానికి కూడా వ్యాపిస్తే, అప్పుడు వీటిని అనుభవించవచ్చు:

  • చర్మం లేదా కళ్ళు పసుపు రంగులోకి మారడం (కామెర్లు).
  • ద్రవం చేరడం వలన కడుపు విస్తరించడం (జలోదరం).

కడుపు క్యాన్సర్ కారణాలు మరియు ప్రమాద కారకాలు - Stomach cancer causes and risk factors in Telugu

కడుపు క్యాన్సర్కు ఎటువంటి ప్రత్యేక కారణాలు లేవు. అయినప్పటికీ, బాక్టీరియల్ ఇన్ఫెక్షన్, జన్యు ఉత్పరివర్తనలు (జీన్ మ్యుటేషన్లు), కుటుంబ చరిత్ర, అంతర్లీన ఆరోగ్య పరిస్థితులు, ఆహార విధానం మరియు జీవనశైలి వంటి కొన్ని కారణాలు కడుపు క్యాన్సర్ అభివృద్ధి చెందే ప్రమాదాన్ని పెంచుతాయి. వాటిలో ఇవి ఉంటాయి:

  • కుటుంబ చరిత్ర
    గ్యాస్ట్రిక్ క్యాన్సర్ ఉన్న రక్త సంబంధీకులు (సోదరి, సోదరుడు, తండ్రి, తల్లి) ఉండడం వలన కూడా గ్యాస్ట్రిక్ క్యాన్సర్ సాంభావ్య ప్రమాదం ఉంటుంది.
  • వారసత్వమైన మరియు జన్యుపరమైన మ్యుటేషన్లు (Heredity and Genetic Mutations)
    క్రింద పేర్కొన్నటువంటి కొన్ని వంశపారంపర్య పరిస్థితులు మరియు జన్యు ఉత్పరివర్తనాల (మ్యుటేషన్లు) యొక్క కుటుంబ చరిత్ర ఉంటే, కడుపు క్యాన్సర్ వచ్చే అవకాశాలు ఎక్కువగా ఉంటాయి.
    • టైప్ ఏ (A) బ్లడ్ గ్రూప్
      కారణం తెలియకపోయినా, టైప్ ఏ (A) బ్లడ్ గ్రూప్ కలిగిన వ్యక్తులకు కడుపు క్యాన్సర్ వచ్చే ప్రమాదం ఎక్కువగా ఉందని తరచూ గమనింపబడుతుంది.
    • వంశపారంపర్యమైన పాలిపోసిస్ కాని కొలొరెక్టల్ క్యాన్సర్ (Hereditary non-polyposis colorectal cancer)
      ఈ కింది జీర్ణవ్యవస్థ యొక్క క్యాన్సర్ వంశానుగత జన్యు ఉత్పరివర్తనాలతో (మ్యుటేషన్ల) ముడిపడి ఉంటుంది.
    • BRCA1 లేదా BRCA2 జన్యు ఉత్పరివర్తనలు
      ఈ జన్యు ఉత్పరివర్తనలు కడుపు క్యాన్సర్ అభివృద్ధితో సంభందం కలిగి ఉంటాయి.
  • ఫ్యామిలియల్ అడెనోమాటస్ పాలిపోసిస్ (Familial adenomatous polyposis)
    దీనిలో పెద్ద ప్రేగు అంతటా పాలీప్లు (polyps) అభివృద్ధి చెందడం జరుగుతుంది.

వ్యక్తి ఈ పరిస్థితులలో వేటికైనా కుటుంబ చరిత్రను కలిగి ఉంటే, జన్యు పరీక్ష మరియు కౌన్సిలింగ్ గురించి వైద్యునితో మాట్లాడాలి.

కొన్ని నిర్దిష్ట కడుపు సమస్యలు కడుపు క్యాన్సర్ సంభవిచే ప్రమాదాన్ని పెంచుతాయి. ఈ సమస్యలు:

  • కడుపులో పాలిప్స్
    కడుపులో చిన్న పెరుగుదలలు (పాలిప్స్) ఏర్పడే పరిస్థితి.
  • హెలికోబాక్టర్ పైలోరి (Helicobacter pylori) సంక్రమణ
    ఇది కడుపులో పుండుకు కారణమయ్యే మరియు కడుపు పొరలకు హాని కలిగించే ఒక బాక్టీరియల్ సంక్రమణ. ఈ బాక్టీరియా వలన కలిగే అంటువ్యాధి/సంక్రమణ కడుపు క్యాన్సర్కు ప్రధాన కారణం, ముఖ్యంగా కడుపు దిగువ భాగంలో సంభవించే క్యాన్సర్లలో.
  • మునుపటి కడుపు యొక్క శస్త్రచికిత్స
    ఇదివరకు కడుపు పూతల/పుండ్ల వలన కడుపులో ఒక భాగమును తొలగించటానికి శస్త్రచికిత్స జరిగినట్లయితే, కడుపులో క్యాన్సర్ సంభవించే ప్రమాదం అధికంగా ఉంటుంది.
  • పెర్నషియస్ (మెగాలోబ్లాస్టిక్) రక్తహీనత (Pernicious [Megaloblastic] anaemia)
    ఇది విటమిన్ బి12 ను గ్రహించడం/శోషించడంలో కడుపు యొక్క అసమర్థత కారణంగా సంభవించే ఒక రకమైన రక్తహీనత.
  • మెనేట్రియర్స్ వ్యాధి (Menetrier's disease)
    ఇది అరుదైన వ్యాధి, దీనిలో అసాధారణమైన కడుపు పోర చాలా తక్కువ ఆమ్లాన్ని (ఆసిడ్) ఉత్పత్తి చేస్తుంది.
  • ఆహారం మరియు జీవనశైలి ఎంపికలు
    • పచ్చళ్ళు, ఉప్పు లేదా పొగపెట్టిన, ప్రాసెస్ చేసినటువంటి నైట్రేట్ ఎక్కువగా ఉండే ఆహారాలు అధికంగా తీసుకోవడం వంటివి కడుపు క్యాన్సర్ సంభవించే ప్రమాదాన్ని పెంచుతాయి.
    • ఊబకాయం కడుపు క్యాన్సర్ వచ్చే ప్రమాదాన్ని పెంచుతుంది.
    • ధుమపానం లేదా ఇతర పొగాకు ఉత్పత్తుల ఉపయోగం కూడా కడుపు క్యాన్సర్ అభివృద్ధి అవకాశాలను పెంచుతుంది.

పైన పేర్కొన్న అంశాలు మాత్రమే కాకుండా, ఒక వ్యక్తికి  గ్యాస్ట్రిక్ క్యాన్సర్ కలిగే అవకాశం ఉన్న అనేక ఇతర హాని కారకాల గురించి కూడా కొన్ని పరిశోధనలు తెలిపాయి, అవి.

  • లింగం
    మహిళల కంటే పురుషులలో కడుపు క్యాన్సర్ వచ్చే అవకాశాలు ఎక్కువ.
  • వయసు
    50 సంవత్సరాల వయసు దాటిన తర్వాత కడుపు క్యాన్సర్ సంభవించే అవకాశం పెరుగుతుంది.
  • జాతి
    హిస్పానిక్ కాని శ్వేతజాతీయులతో (non-Hispanic whites) పోలిస్తే, హిస్పానిక్ అయిన అమెరికన్లు, స్థానిక అమెరికన్లు, ఆఫ్రికన్ అమెరికన్లు మరియు ఆసియా/పసిఫిక్ ద్వీపవాసులలో కడుపు క్యాన్సర్ ఎక్కువగా సంభవిస్తుంది.
  • భౌగోళిక (Geography)
    ప్రపంచవ్యాప్తంగా, దక్షిణ మధ్య ఆసియా, ఉత్తర మరియు పశ్చిమ ఆఫ్రికా మరియు ఉత్తర అమెరికాలలో కంటే జపాన్, చైనా, దక్షిణ మరియు మధ్య అమెరికా మరియు దక్షిణ మరియు తూర్పు ఐరోపాల్లో కడుపు క్యాన్సర్ ఎక్కువగా కనిపిస్తుంది.
  • కొన్ని వృత్తుల వారు
    లోహ (మెటల్), బొగ్గు మరియు రబ్బరు పరిశ్రమల్లోని కార్మికులకు గ్యాస్ట్రిక్ క్యాన్సర్ వచ్చే ప్రమాదం ఎక్కువ
myUpchar doctors after many years of research have created myUpchar Ayurveda Kesh Art Hair Oil by using 100% original and pure herbs of Ayurveda. This Ayurvedic medicine has been recommended by our doctors to more than 1 lakh people for multiple hair problems (hair fall, gray hair, and dandruff) with good results.
Bhringraj hair oil
₹425  ₹850  50% OFF
BUY NOW

కడుపు క్యాన్సర్ నివారణ - Prevention of stomach cancer in Telugu

కడుపు క్యాన్సర్ను నివారించడానికి దాని ప్రమాద కారకాలను తెలుసుకోవడం అవసరం. కొన్ని హాని కారకాలు మన నియంత్రణలో ఉండవు (వారసత్వం లేదా లింగం వంటివి). కానీ ధూమపానం మరియు ఆహార విధానం వంటి ఇతర హాని కారకాలు మన చేతుల్లోనే ఉంటాయి. కడుపు క్యాన్సర్ ప్రమాదాన్ని తగ్గించే మార్గాలు ఈ కింది విధంగా ఉంటాయి:

  • దూమపానం వదిలేయండి.
  • ఉప్పు చేపలు మరియు మాంసాలు మరియు పొగపెట్టిన (స్మోక్డ్) మరియు పచ్చళ్లు వంటి  ఆహారాలు తీసుకోవడం మానుకోండి లేదా పరిమితం చేయండి,.
  • ఒక ఆరోగ్యకరమైన ఆహార విధానాన్ని అనుసరించండి మరియు ఫైబర్, విటమిన్ ఎ మరియు విటమిన్ సి పుష్కలంగా ఆహారాలు తీసుకోండి . తాజా పండ్లు, కూరగాయలు మరియు ధాన్యాలు (బియ్యం మరియు జొన్నలు వంటివి) మీ ఆహారంలో చేర్చండి.
  • ఆరోగ్యకరమైన బరువును నిర్వహించండి. ఊబకాయం లేదా అధిక బరువు ఉంటే, వ్యాయామ నిపుణుడు మరియు డైటీషియన్ సహాయంతో క్రమంగా బరువును తగ్గించుకోండి.
  • ఆల్కహాల్ (మద్యం) తీసుకోవడం తగ్గించండి.

కడుపు క్యాన్సర్ నిర్ధారణ - Diagnosis of stomach cancer in Telugu

కడుపు క్యాన్సర్ యొక్క అత్యంత సాధారణమైన లక్షణాలను వ్యక్తి ఎదుర్కొంటుంటే, వెంటనే వైద్యులను సంప్రదించడం అవసరం. వాటిలో ఇవి ఉంటాయి:

  • చర్మం పసుపు రంగులోకి మారడం (కామెర్లు).
  • వాంతులు.
  • అర్ధంకాని బరువు తగ్గుదల.
  • కడుపులో తీవ్రమైన నొప్పి.

పూర్తి శారీరక పరిశీలన కాకుండా, వైద్యులు ఈ కింది ప్రశ్నలను కూడా అడుగుతారు

  • ఏదైనా నొప్పి / అసౌకర్యం గురించి.
  • క్యాన్సర్కు, ముఖ్యంగా కడుపు క్యాన్సర్ సంభందించిన కుటుంబ చరిత్ర గురించి తెలుసుకోవడం.
  • వ్యక్తి జీవనశైలి అలవాట్లు సాధారణ ఆహావిధానం మరియు ధూమపాన అలవాటు గురించి.
  • గ్యాస్ట్రిక్ అల్సర్లు లేదా శస్త్రచికిత్సల యొక్క చరిత్ర.

కడుపు క్యాన్సర్ నిర్ధారణకు సహాయపడే అనేక అధునాతన పరీక్షలు ఉన్నాయి. అవి వీటిని కలిగిఉంటాయి:

  • ఫీకల్ ఓకల్ట్ రక్త పరీక్ష (Faecal occult blood test [FOBT])
    మలంలో దాగి ఉన్న రక్త తనిఖీ కోసం.
  • బేరియం స్వాలో (Barium swallow)
    జీర్ణ వ్యవస్థ ఎగువ భాగపు అవయవాలను పరిశీలించే ఒక పరీక్ష, (అన్నవాహిక, కడుపు, మరియు చిన్న ప్రేగు యొక్క మొదటి విభాగం). ఈ పరీక్షలో, బేరియం (ఇది ఒక తెల్లటిద్రవం) అని పిలువబడే ఒక ద్రవం త్రాగించబడుతుంది తరువాత ఎక్స్-రే నిర్వహించబడుతుంది. అవయవాల లోపలి పొరల పై బేరియం పైపూతను ఏర్పరుస్తుంది, తద్వారా వాటిని (అవయవాలను) సులభంగా ఎక్స్- రేతో అంచనా వేయవచ్చు.
  • హెలికోబాక్టర్ పైలోరి (Helicobacter pylori) పరీక్ష
    ఈ పరీక్ష బయాప్సీ (జీవాణుపరీక్ష) ద్వారా హెలికోబాక్టర్. పైలోరీ బాక్టీరియా ఉనికిని గుర్తిస్తుంది.
  • ఎండోస్కోపీ
    అసాధారణ కణాల ఉనికిని తనిఖీ చేస్తుంది.
  • లాప్రోస్కోపీ
    కడుపు ప్రాంతంలో చిన్న కాటులు(కోతలు) పెట్టి కడుపు లోపలికి భాగాలను పరిశీలించడానికి మరియు జీవాణుపరీక్ష కోసం కణజాల నమూనాలను తీసుకోవడానికి దీనిని ఉపయోగిస్తారు. ఇది ఒక అతి చిన్న శస్త్రచికిత్స.

గ్యాస్ట్రిక్ క్యాన్సర్ కింది సమస్యల నుండి వేరు చేయబడాలి, ఈ సమస్యలు కూడా అదే సంకేతాలు మరియు లక్షణాలను చూపిస్తాయి.

  • తీవ్రమైన గ్యాస్ట్రైటిస్: కడుపు లోపలి పొరలలో వాపు పరిస్థితులు.
  • దీర్ఘకాలిక గ్యాస్ట్రైటిస్: గ్యాస్ట్రిక్ పొరలలో(లైనింగ్) దీర్ఘకాలిక వాపు.
  • ఇసోఫాగైటిస్: ఇసోఫాగస్ (అన్నవాహిక) యొక్క వాపు .
  • వైరల్ గ్యాస్ట్రోఎంట్రైటీస్: వైరస్ వలన ఏర్పడే ప్రేగు సంబంధిత సంక్రమణం నీళ్ల  విరేచనాలు మరియు వాంతులు కలిగిస్తుంది.
  • పెప్టిక్ అల్సర్స్ వ్యాధి: కడుపు లోపలి భాగంలో మరియు చిన్న ప్రేగు యొక్క ఎగువ భాగంలో ఏర్పడే బహిరంగ పుండ్లు.
  • అట్రోఫిక్ గ్యాస్ట్రైటిస్: కడుపు శ్లేష్మ పొర యొక్క దీర్ఘకాలిక వాపు, చివరకు ఇది గ్యాస్ట్రిక్ కణాల నష్టానికి, ఇంటస్టినల్ మరియు ఫైబ్రాస్ కణాల భర్తీకి దారితీస్తుంది.
  • బాక్టీరియల్ గ్యాస్ట్రోఎంటిరైటీస్: బాక్టీరియా వలన కడుపు మరియు ప్రేగుల వాపు
  • ఇసోఫేగల్ స్ట్రిక్చర్ (Oesophageal Stricture): అన్నవాహిక (ఫుడ్ పైప్) యొక్క సంకుచిత్వం.
  • ఇసోఫేగల్ క్యాన్సర్: అన్నవాహిక యొక్క క్యాన్సర్.
  • చిన్న ప్రేగు యొక్క మాలిగ్నేంట్ నియోప్లాసమ్లు: చిన్న ప్రేగు యొక్క అరుదైన క్యాన్సర్ రకం.
  • నాన్-హోడ్కిన్ లింఫోమా: తెల్ల రక్త కణాల (లింఫోసైట్లు) క్యాన్సర్.

కడుపు క్యాన్సర్ చికిత్స - Stomach cancer treatment in Telugu

కడుపు క్యాన్సర్ యొక్క చికిత్స రెండు రకాలుగా ఉంటుంది:

  • స్థానిక (లోకల్) చికిత్స
    ఈ చికిత్స కణితి మరియు దాని చుట్టుపక్కల ప్రాంతాల కణాలను మాత్రమే లక్ష్యంగా చేసుకుంటుంది. దీనిలో శస్త్రచికిత్స మరియు రేడియేషన్ థెరపీలు ఉంటాయి.
  • సిస్టమిక్ చికిత్స
    ఈ చికిత్స రక్తప్రవాహం ద్వారా శరీరంలో ఉన్న అన్ని కణాలకు చేరుతుంది. దీనిలో కెమోథెరపీ ఉంటుంది.

రోగికి స్థానిక లేదా సిస్టమిక్ లేదా రెండు రకాలైన చికిత్సలను ఇవ్వవచ్చు. చికిత్స వీటి ద్వారా నిర్ణయించబడుతుంది:

  • కణితి యొక్క స్థానం, రకం మరియు పరిమాణం.
  • క్యాన్సర్ దశ.
  • ప్రయోగశాల పరీక్షల ఫలితాల ఆధారంగా.
  • వయసు మరియు పూర్తి  ఆరోగ్య స్థితి.

శస్త్రచికిత్స (సర్జరీ)

శస్త్ర చికిత్స అనేది కడుపు క్యాన్సర్కు అత్యంత సాధారణమైన చికిత్స. కణితి మొత్తాన్ని మరియు సమీపంలో వ్యాపించిన క్యాన్సర్ కణాలను తొలగించడానికి దీనిని ఉపయోగిస్తారు. క్యాన్సర్ దశ ఆధారంగా, దీనిని ఒక చికిత్సా ఎంపికగా ఎంచుకుంటారు.

కీమోథెరపీ

దీనిలో క్యాన్సర్-వ్యతిరేక మందులను ఉపయోగిస్తారు, సిరలలోకి (వెయిన్స్) ఎక్కిస్తారు లేదా నోటి ద్వారా ఇస్తారు, అప్పుడు రక్తప్రవాహంలోకి ప్రవేశించి శరీరంలో అన్ని భాగాలకు చేరుతుంది. క్యాన్సర్ శరీరంలోని ఇతర భాగాలకు వ్యాపించినప్పుడు కెమోథెరపీ  ఉపయోగపడుతుంది.

రేడియేషన్ థెరపీ

దీనిలో ఒక నిర్దిష్ట శరీర భాగంలో క్యాన్సర్ కణాలు చంపడానికి అధిక శక్తి కణాలను (high-energy particles) లేదా కిరణాలను (rays) ఉపయోగిస్తారు.

టార్గెటెడ్ థెరపీలు

రేడియేషన్ మరియు కీమోథెరపీలా కాకుండా, ఆరోగ్యకరమైన కణజాలాన్ని ప్రభావితం చేయకుండా టార్గెటెడ్ థెరపీలు క్యాన్సర్ కణాలను మాత్రమే దాడి చేస్తాయి. ఈ మందులు క్యాన్సర్ కణాల యొక్క నిర్దిష్ట అణువులకు అడ్డంకి కలిగించడం ద్వారా క్యాన్సర్ వృద్ధి మరియు వ్యాప్తిని తగ్గిస్తాయి.

బయోలాజిక్ థెరపీ

బయోలాజిక్ థెరపీలో శరీరంలో సహజంగా తయారు చేయబడే పదార్ధాలతో లేదా అంశాలతో క్యాన్సర్ కణాల పెరుగుదల నిరోధించబడుతుంది. ఉదాహరణలలో ఇంటర్ఫెరోన్లు (interferons), ఇంటర్లుకిన్లు (interleukins) మరియు నాన్ స్పెసిఫిక్ ఇమ్మ్యూనో-మాడ్యులేటింగ్ ఎజెంట్లు (nonspecific immune-modulating agents) ఉంటాయి.

జీవనశైలి నిర్వహణ

ఒక వ్యక్తి కడుపు క్యాన్సర్తో బాధపడుతున్నట్లయితే, ఈ క్రింది జీవనశైలి మార్పులు సహాయపడవచ్చు:

  • క్యాన్సర్తో బాధపడుతున్న ఇతరులతో మాట్లాడండి. సహాయం అందించే వారి గురించి తెలుసుకోండి.
  • పరిస్థితి గురించి తెలుసుకోండి మరియు ఏవైనా సందేహాలు ఉంటే వైద్యులను అడగండి.
  • క్యాన్సర్ కోసం శస్త్రచికిత్స జరిగితే, అప్పుడు నయం కావడానికి సమయం పడుతుంది. సాధారణ స్థితికి తిరిగి రావడానికి తగిన సమయం తీసుకోండి.
  • కెమోథెరపీ మరియు రేడియేషన్ థెరపీ వంటి చికిత్సలు వ్యక్తికి చాలా నీరసం కలిగిస్తాయి, మరియు అప్పుడు రోజువారీ పనుల నుండి కొంత విరామం తీసుకోవాలి.
  • కడుపులో  చిన్న భాగాన్ని తొలగించడానికి శస్త్రచికిత్స (పాక్షిక గ్యాస్ట్రెక్టమీ) చేస్తే, కొద్దీకాలం పాటు వ్యక్తి కొంచెం మొత్తంలో మాత్రమే తినడానికి ఉంటుంది, క్రమంగా అది సాధారణ స్థితికి వస్తుంది.
  • కడుపులో ఎక్కువ భాగాన్ని తొలగించడం కోసం శస్త్రచికిత్స  (పూర్తి గ్యాస్ట్రెక్టమీ) చేస్తే, సాధారణ ఆహారపు అలవాట్లను పునఃప్రారంభించడానికి మరికొంత సమయం పడుతుంది. ఆరోగ్య సంరక్షక బృందం ఆహార నియమాల గురించి సలహా ఇస్తారు. పూర్తి గ్యాస్ట్రెక్టమీలో రక్తహీనత మరియు నరాల సమస్యలను నివారించడానికి క్రమముగా విటమిన్ బి12 యొక్క ఇంజెక్షన్లు కూడా అవసరమవుతాయి. (మరింత సమాచారం - విటమిన్ బి ప్రయోజనాలు మరియు వనరులు)
myUpchar doctors after many years of research have created myUpchar Ayurveda Urjas Energy & Power Capsule by using 100% original and pure herbs of Ayurveda. This Ayurvedic medicine has been recommended by our doctors to lakhs of people for problems like physical and sexual weakness and fatigue, with good results.
Power capsule for men
₹719  ₹799  10% OFF
BUY NOW

కడుపు క్యాన్సర్ రోగసూచన & సమస్యలు - Stomach cancer prognosis & complications in Telugu

రోగసూచన

వయస్సు, పూర్తి ఆరోగ్యం మరియు క్యాన్సర్ దశ వంటి అనేక అంశాలపై ఆధారపడి పరిణామాలు ఉంటాయి. అయితే, తరచుగా, కడుపు క్యాన్సర్ నిర్ధారణ చివరి దశలలోనే జరుగుతుంది, ప్రారంభదశ లక్షణాలను పట్టించుకోకపోవడం లేదా ఆ లక్షణాలు అనేక ఇతర అనారోగ్యాల మాదిరిగా ఉండడం వలన ఇది జరుగుతుంది.

సమస్యలు

కడుపు క్యాన్సర్ క్రింది సమస్యలతో సంబంధం కలిగి ఉంటుంది:

  • పెరిటోనిల్ ఎఫ్యూషన్: కడుపు క్యావిటీలో ద్రవం నిలిచిపోవడం.
  • ప్లురల్ ఎఫ్యూషన్స్: ఊపిరితిత్తుల చుట్టూ ద్రవం నిలిచిపోవడం.
  • కడుపు ద్వారం, కడుపు-ఇసోఫ్యాగస్ జంక్షన్ లేదా చిన్న ప్రేగుకు అవరోధం ఏర్పడడం.
  • కడుపులో రక్తస్రావం.
  • చర్మం పసుపురంగులోకి మారడం: కాలేయపు వాపు వల్ల ఇది కలుగుతుంది.
  • అలసట మరియు తీవ్రమైన బలహీనత: ఇది కణితుల ఫలితంగా ఆకలి లేమి వలన ఏర్పడుతుంది.

కడుపు క్యాన్సర్ అంటే ఏమిటి What is stomach cancer in Telugu

ప్రపంచవ్యాప్తంగా, పురుషులు మరియు స్త్రీలలో, క్యాన్సర్ సంబంధిత మరణాలలో గ్యాస్ట్రిక్ క్యాన్సర్ అనేది మూడవ ప్రధాన కారణం. ఊపిరితిత్తుల క్యాన్సర్, రొమ్ము క్యాన్సర్, కొలొరెక్టల్ క్యాన్సర్ మరియు ప్రోస్టేట్ క్యాన్సర్ తర్వాత ఇది ప్రపంచంలోని ఐదవ అత్యంత సాధారణ రకమైన క్యాన్సర్. 70% కన్నా ఎక్కువ కేసులు అభివృద్ధి చెందుతున్న దేశాల్లో జరుగుతున్నాయి, అయితే మొత్తం కడుపు క్యాన్సర్లలో సగం తూర్పు ఆసియా ప్రాంతంలో ముఖ్యంగా చైనాలో ఉంది సంభవిస్తున్నాయి.

కడుపు క్యాన్సర్ అంటే ఏమిటి?

కడుపు క్యాన్సర్ సాధారణంగా కడుపు లోపలి పొర (శ్లేష్మ పొర [mucosa]) లో మొదలవుతుంది మరియు అది బయటి పొరలలోకి వ్యాపిస్తుంది. ఇది అనేక సంవత్సరాల పాటు నెమ్మదిగా అభివృద్ధి చెందుతుంది. అసలు క్యాన్సర్ అభివృద్ధి చెందడానికి ముందు, క్యాన్సర్కు ముందు వచ్చే మార్పులు (pre-cancerous changes) కడుపు యొక్క శ్లేష్మ పొర (అంతర్గతపొర) లో మొదలవుతాయి. ఈ ప్రారంభ మార్పులు అరుదుగా లక్షణాలను కలిగిస్తాయి మరియు అవి తరచుగా గుర్తించబడవు.



వనరులు

  1. Stanford Health Care [Internet]. Stanford Medicine, Stanford University; Stomach Cancer
  2. American Cancer Society [Internet] Atlanta, Georgia, U.S; What Is Stomach Cancer?.
  3. World Health Organization [Internet]. Geneva (SUI): World Health Organization; Stomach Cancer.
  4. National Health Service [Internet]. UK; Stomach cancer.
  5. American Cancer Society [Internet] Atlanta, Georgia, U.S; Stomach Cancer Risk Factors.
  6. Stanford Health Care [Internet]. Stanford Medicine, Stanford University; Upper GI series
  7. Stanford Health Care [Internet]. Stanford Medicine, Stanford University; Targeted Therapy: About this Treatment
  8. American Cancer Society [Internet] Atlanta, Georgia, U.S; Radiation Therapy for Stomach Cancer.

కడుపు (గ్యాస్ట్రిక్) క్యాన్సర్ వైద్యులు

Dr. Anil Heroor Dr. Anil Heroor Oncology
22 Years of Experience
Dr. Kumar Gubbala Dr. Kumar Gubbala Oncology
7 Years of Experience
Dr. Patil C N Dr. Patil C N Oncology
11 Years of Experience
Dr. Vinod Kumar Mudgal Dr. Vinod Kumar Mudgal Oncology
10 Years of Experience
ఆడియో కొద్దిగా ఆలస్యం కావచ్చు