myUpchar प्लस+ के साथ पूरेे परिवार के हेल्थ खर्च पर भारी बचत

జీలకర్ర ఓ సుగంధ మసాలా దినుసు. కేరెట్ మరియు పార్సులే కుటుంబానికి చెందినదీ సుగంధ మసాలా దినుసు. మీరు అంతర్జాతీయస్థాయి వంటలనాస్వాదించే వారైతే లేదా మీరు కేవలం ఆహార ప్రియులైతే తూర్పు యూరప్ మరియు ఆసియాప్రాంతాల్లోని అనేక రకాల వంటలలో జీలకర్రను  సాధారణ పదార్ధంగా వాడి ఉంటారన్న సంగతిని మీరు గమనించే ఉంటారు. జిలకర గింజలు ఆకారానికి సన్నని బియ్యంలా ఉంటాయి. భారతీయులందరికీ ప్రియమైన మసాలా దినుసు జీలకర్ర. ఇది దాదాపు ప్రతి భారతీయ వంటగదిలోనూ కన్పిస్తుంది మరియు వంటల్లో ఉపయోగించబడుతుంది. నిజానికి, మొరాకో ప్రాంతంలో స్థానికంగా మామూలుగా తినే వంటల్లో సుగంధ పరిమళంకోసం జీలకర్రను ప్రధానమైనదిగా వాడతారు.

ఇరాక్లో దొరికిన పురాతన వంట-సంబంధమైన గ్రంథాల్లో జీలకర్రకు సంబంధించిన వంటకాల గురించిన ప్రస్తావాన ఉందంటే మీకు ఆశ్చర్యం మరియు ఆనంద కలగొచ్చు. అయితే, జీలకర్ర ఉపయోగం కేవలం పాక ప్రపంచానికి మాత్రం పరిమితం కాలేదు. ఆయుర్వేద, జానపద ఔషధ విధానాల్లో రోగాల్ని నయం చేసే మూలికగా మరియు ఆరోగ్యనిర్మాణ వస్తువుగా ముఖ్యమైన స్థానాన్ని పొందిందని తెలుస్తోంది. అనేక జనసముదాయాల సంస్కృతులలో జీలకర్రను తల్లిపాలను వృద్ధి చేసేందుకు (గెలాక్టాగోగ్ ఉపయోగం కోసం) మరియు సూక్ష్మవిషజీవనాశినిగా (యాంటీమైక్రోబియాల్) గా ఉపయోగించబడుతోంది. కొందరు చరిత్రకారుల ప్రకారం, పురాతన ఈజిప్టులో జీలకర్రను ఓ ముఖ్యమైన “ఔషధ మసాలా”గా పరిగణించబడింది.

జీలకర్ర యొక్క ఆయుర్వేద వాడకాన్ని ధృవీకరించడానికి ఇప్పుడు అనేక పరిశోధనలు జరుగుతున్నాయి. నిజానికి, జీలకర్ర విత్తనాలు ఊబకాయం మరియు మధుమేహం యొక్క లక్షణాలను తగ్గించడానికి సమర్థవంతంగా పనిచేస్తాయని నిరూపించబడింది. మీ రుచికి ఇష్టపడే విధంగాను మరియు మీ శరీరానికి మేలు చేసే మసాలా దినుసుగా  కూడా జీలకర్రను ఉదాహరించవచ్చు కదా?

మీకు తెలుసా?  

జీలకర్ర మొక్క ఏడాది పాటూ మనగలిగేది. ఇది 1 నుండి 1.5 అడుగుల వరకు పెరుగుతుంది. జీలకర్ర మొక్క యొక్క కాండం సున్నితమైనది, నున్ననైంది మరియు మెత్తనైనది ఉంది పలు శాఖల్ని కల్గి ఉంటుంది. దీని ఆకులు పొడవుగా మరియు సమ్మిశ్రితమైనవిగా ఉంటాయి, మరి పువ్వులైతే చిన్నవిగా ఉండి తెలుపు లేదా ఎరుపు రంగులో ఉంటాయి. ఈ పూలు కొమ్మలపై గుత్తులు గుత్తులుగా పూస్తాయి. జీలకర్ర విత్తనాలు పొడవుగా ఉంటాయి కానీ అండాకారం దాల్చి ఉంటాయి మరియు వాటి ఉపరితలంపై గట్లు/నొక్కులు ఉంటాయి.

జీలకర్ర గురించిన కొన్ని ప్రాథమిక వాస్తవాలు:

  • ఓషధీశాస్త్రం (బొటానికల్) పేరు: కుమినమ్ సిమినం
  • కుటుంబం: అపియేసి
  • సాధారణ పేర్లు: క్యుమిన్, జీరా, జిరా. (తెలుగులో జిలకర అని జీలకర్ర అని పిలుస్తారు)
  • సంస్కృత నామం: జిరాకా.
  • ఉపయోగించే భాగాలు: విత్తనం.
  • స్థానిక ప్రాంతం మరియు భౌగోళిక పంపిణీ: కుమిన్ ఈజిప్టులో జన్మించింది , కానీ ఇది సాధారణంగా చైనా, మొరాకో మరియు భారతదేశంలో కూడా పెరుగుతుంది.
  • శక్తిశాస్త్రం: ఉష్ణం
  1. జీలకర్ర, కరావే మరియు నల్ల జీలకర్ర రకాలు - Cumin, Caraway and Black cumin varieties
  2. జీలకర్ర యొక్క ఆరోగ్య ప్రయోజనాలు - Health benefits of cumin in Telugu
  3. జీలకర్రలను ఎలా ఉపయోగించాలి - How to use cumin seeds in Telugu
  4. జీలకర్ర మోతాదు - Cumin dosage in Telugu
  5. జీలకర్ర దుష్ప్రభావాలు - cumin side effects in Telugu

జీలకర్ర, కరావే (సీమసోపు విత్తులు) మరియు నల్ల జీలకర్ర  పదాలు తరచూ పరస్పరం వాడతారు. వాస్తవానికి, ఈ మూడు పదాలు వివిధ జీల రకాలను సూచిస్తాయి. ఈ రకాలు అన్నింటిలో యొక్క కొన్ని ప్రాథమిక వ్యత్యాసాలను తెల్సుకుందాం.

  • జీలకర్ర: కుమినమ్ సిమినం లేక తెల్ల జిలకర (సఫీడ్ జిరా) అని కూడా పిలవబడే కుమినిన్ సైనియం వంటలో సాధారణంగా ఉపయోగించే జీలకర్ర. ఇది ఓ వెచ్చని సుగంధ రుచిని కలిగి ఉంటుంది. ఇది ఒకింత ఎండినకాయ రుచి మరియు తాజా మట్టి రుచిని తలపిస్తుంది.
  • సోంపు (Caraway): సోంపు లేక సోపు గింజల్ని కుమినం నిగ్రమ్ (Cuminium nigrum) అని, షాహి జీరా అని  లేదా కాశ్మీర జీరా (kashmiri jira) అని కూడా అంటారు. ఈ కాశ్మీర జీరా మీ వంటగదిలో ఉండే జీలకర్ర (cumin) కంటే కొంచెం తీక్షణమైన రుచిని కలిగి ఉంటుంది. జీలకర్ర విత్తనాలతో పోలిస్తే సోంపు ఆకారంలో కొంత వక్రతను మరియు రంగులో ముదురు రంగును కల్గి ఉంటాయి.  
  • నల్ల జీలకర్ర: నల్ల జిలాకారకు నిగిల్ల లేదా కలోంజి అని కూడా పేర్లు. కొందరు నల్ల జీలకర్రగా పిలిచే మసాలా దినుసు అసలు అది ఓ జీలకర్ర కానే కాదు. నల్ల జీలకర్ర పూర్తిగా వేరైంది. ఇది “రణ్న్కులసియే” కుటుంబానికి చెందినది. కొందరు చరిత్రకారుల ప్రకారం, నిగెల్ల విత్తనాలు పురాతన ఈజిప్టులో మమ్మిఫికేషన్ (చనిపోయినవారి శవాల్ని మమ్మీల  పేరిట భద్రపరచడం) పద్ధతులలో ఉపయోగించబడ్డాయి.

తరచుగా జీలకర్రతో గందరగోళానికి గురిచేసే మరొక మసాలా దినుసు “కాల్జిరి” లేదా “కలి జిరా”. కల్జిరి ఒకింత జీలకర్ర లాగే కనిపించినా జీలకర్రతో పోలిస్తే దీని రుచి చాలా ఎక్కువ చేదుగా మరియు తీక్షణంగా ఉంటుంది. అదనంగా, కల్జిరిని కొన్ని ప్రత్యేక వంటలలో మాత్రమే ఉపయోగిస్తారు.

జీర్ణశయాంతర ప్రేగుల (గట్) ప్రయోజనాల విషయానికొస్తే జీలకర్ర ఒక అద్భుతమైన మూలిక (హెర్బ్). ఇది పేగు వాయువు మరియు అపానవాయువు వంటి సాధారణ జీర్ణాశయ (గ్యాస్ట్రిక్) సమస్యల లక్షణాలను మాత్రమే గాక కడుపుబ్బరం లక్షణాలనూ తగ్గిస్తుంది. ఇది ప్రేగుల్లో మంట వ్యాధి చికిత్సకు కూడా ఓ మంచి  ఔషధం.

అంతే కాదండోయ్, జీలకర్ర విత్తనాలు సహజమైన సూక్ష్మ జీవనాశిని (యాంటీమైక్రోబయల్) మరియు అనామ్లజని (యాంటీఆక్సిడెంట్) కూడా. అందువలన, మొత్తానికి జీలకర్ర విత్తనాల సేవనం/వంటల్లో వాడకం ఆరోగ్యానికి ప్రోత్సాహకరంగా ఉంటాయి. ఇపుడు జీలకర్ర యొక్క కొన్ని ఆరోగ్య ప్రయోజనాల గురించి పరిశీలిద్దాం.

  • బరువు తగ్గుదలను ప్రోత్సహిస్తుంది: జీలకర్ర సంప్రదాయ వైద్యంలో బాగా తెలిసిన ఒక బరువు తగ్గుదల కర్త. జీలకర్ర పొడి ఒక్కటే లేదా నిమ్మకాయతో కలిపి తీసుకున్నపుడు ఊబకాయ వ్యక్తులలో బరువు తగ్గుదలను ప్రోత్సహిస్తుందని శాస్త్రీయంగా నిరూపితమైంది.
  • కడుపుకు జీలకర్ర ప్రయోజనాలు: జీలకర్ర విత్తనాలు చాలా కడుపు సమస్యలకు వ్యతిరేకంగా పనిచేస్తాయి. కడుపు నొప్పి, ఉబ్బరం మరియు గ్యాస్ నుండి ఉపశమనం కలిగించడమే కాక,   ప్రేగు మంట వ్యాధిని కూడా తగ్గిస్తాయి.
  •  మధుమేహ వ్యతిరేక లక్షణాలు: జీలకర్ర ఒక అద్భుతమైన హైపోగ్లైసిమిక్ ఏజెంట్ (రక్త చక్కెరను తగ్గిస్తుంది) అని అధ్యయనాలు సూచిస్తున్నాయి. ఇది మధుమేహంతో సంబంధం ఉన్న సమస్యల ప్రమాదాన్ని కూడా తగ్గిస్తుంది.
  • గుండెకు మంచిది: జీలకర్ర  కొలెస్ట్రాల్ ను తగ్గిస్తుంది మరియు రక్తపోటు స్థాయిలను నియంత్రిస్తుంది , గుండె వ్యాధులలోఈ  రెండు ప్రధాన ప్రమాద కారకాలు . జీలకర్ర ఒక అద్భుతమైన అనామ్లజని(antioxidant)మరియు ప్రతిస్కంధకం(anticoagulant,రక్తం గడ్డకట్టకుండా నిరోధిస్తుంది).క్రమమైన  వినియోగం గుండెపోటు నుండి  రక్షిస్తుంది మరియు వయసు-ఆధారిత సమస్యల నుండి గుండెను రక్షిస్తుంది.
  • చర్మం మరియు నుదురు ఆరోగ్యాన్ని మెరుగుపరుస్తుంది: జీలకర్ర ఒక అద్భుతమైన యాంటీ బాక్టీరియల్ మరియు యాంటీ ఫంగల్ ఏజెంట్. చర్మం మరియు నుదురుపై  వ్యాధికారక ఫంగస్ ను  మరియు బాక్టీరియా పెరుగుదలను ఇది నిరోధిస్తుంది. యాంటీఆక్సిడెంట్ గా ఉండటం వలన, చర్మం మరియు జుట్టు నెరవడాన్ని ఆలస్యం చేస్తుంది.
  • మెదడు పనితీరును మెరుగుపరుస్తుంది: జీలకర్ర  ఒత్తిడిని, ఆందోళనను తగ్గిస్తుంది. అది జ్ఞాపక శక్తి  మరియు జ్ఞానాన్నికూడా మెరుగుపరచడానికి సహాయం చేస్తుంది.
  1. బరువు కోల్పోయేందుకు జీలకర్ర - Cumin for weight loss in Telugu
  2. కొలెస్ట్రాల్ తగ్గుదలకు జీలకర్ర - Cumin for cholesterol in Telugu
  3. మధుమేహం కోసం జీలకర్ర - Cumin for diabetes in Telugu
  4. ప్రేగుల్లో మంట వంటి ఉదరవ్యాధులకు జీలకర్ర - Cumin for Irritable bowel syndrome in Telugu
  5. పొట్ట కోసం జీలకర్ర ప్రయోజనాలు - Cumin benefits for stomach in Telugu
  6. వాపు వ్యతిరేక ముందుగా జీలకర్ర - Cumin seeds as anti-inflammatory in Telugu

బరువు కోల్పోయేందుకు జీలకర్ర - Cumin for weight loss in Telugu

ప్రపంచ ఆరోగ్య సంస్థ (WHO) ప్రకారం, ఊబకాయం శరీరంలో గణనీయంగా అధిక కొవ్వు స్థాయిలు గుర్తించబడ్డాయి.

ఎక్కువగా కేలరీలను సేవించడం మరియు వాటిని అరిగించుకోవడంలో (burning of calories) కలిగే అసమతుల్యత కారణంగానే ఊబకాయం వస్తుంది. ఊబకాయం అనేది నేడు ప్రపంచంలోని ప్రధాన సమస్యల్లో ఒకటిగా మారింది. అధిక బరువు ఉండటం కేవలం శారీరకంగానే ఓ సవాలు కాదు, ఇది  మధుమేహం, రక్తపోటు మరియు కాలేయ సమస్యలు వంటి వ్యాధుల ప్రమాదాన్ని పెంచుతుందని కూడా నివేదించబడింది. అదృష్టవశాత్తూ, ఒక వ్యాధిగా ఊబకాయం అనేది పూర్తిగా మానదగ్గదిగా ఉంది.

ఇటీవలి అధ్యయనాలు జీలకర్రను ఒక శక్తివంతమైన బరువు తగ్గించే ఏజెంట్ గా పేర్కొంటున్నాయి.  ఓ యాదృచ్ఛిక అధ్యయనంలో 72 మంది ఊబకాయులకు రెండు వేర్వేరు మోతాదుల్లో జీలకర్ర మరియు సున్నం క్యాప్సూల్స్ (లేదా ప్లేస్బో) (ఎటువంటి విధంగానూ ఆరోగ్యానికి హాని చేయని పదార్ధం) రోజుకు రెండు సార్లు లెక్కన ఎనిమిది వారాల పాటు ఇవ్వబడింది. ఈ అధ్యయనం ముగిసిన నియమిత కాలానికి అధిక జీలకర్ర-సున్నం గుళికలను సేవించిన బృందం మొత్తం శరీర బరువులో గణనీయమైన తగ్గింపు చూపించిందని గమనించబడింది.

మరొక వైద్య అధ్యయనంలో, 88 మంది అధిక బరువు గల వ్యక్తుల బృందం 3 గ్రాముల జీలకర్రను   రోజుకు రెండు సార్ల చొప్పున 3 మాసాలపాటు సేవింపజేసి నిర్వహించారు. జీలకర్ర తీసుకున్నవారిలో గణనీయమైన బరువు తగ్గడం గమనించబడింది.

అందువల్ల, జీలకర్రను ఓ సురక్షితమైన మరియు సమర్థవంతమైన బరువును తగ్గించే ఏజెంట్ అని చెప్పవచ్చు. మీ శరీర తత్వాన్ని జీలకర్ర మందు యొక్క సరైన మోతాదు కోసం మీ వైద్యుడిని అడగటం మంచిది.

(మరింత సమాచారం: ఊబకాయం లక్షణాలు)

కొలెస్ట్రాల్ తగ్గుదలకు జీలకర్ర - Cumin for cholesterol in Telugu

కొలెస్ట్రాల్ మన శరీరంలో సహజంగా కనిపించే ఓ కొవ్వు రకం. ఇది మన శరీరంలోని ముఖ్యమైన భాగాల్లో ఒకటి మరియు కడుపులో ఆహారం యొక్క సరైన జీర్ణక్రియతో సహా పలు జీవక్రియల కోసం కొవ్వు (లేక కొలెస్ట్రాల్) అవసరమవుతుంది.

అయినప్పటికీ, కొలెస్ట్రాల్ స్థాయిలలో అసమతుల్యత కారణంగా “అథెరోస్క్లెరోసిస్ (కొవ్వు నిక్షేపణ వలన ధమనుల సంకుచితం) వంటి సమస్యాకర పరిస్థితులకు దారితీస్తుంది, తద్వారా గుండెపోటుల వంటి ప్రమాదాన్ని పెంచుతుంది. వైద్యుల ప్రకారం, అధిక కొలెస్ట్రాల్ సమస్యకు పరిష్కారం ఆరోగ్యకరమైన ఆహారం సేవించడం మరియు జీవనశైలిలో మార్పులు చేసుకోవడం. కొవ్వును సమర్థంగా కరిగించగల ఆహారాలను నిత్యాహారంతో పాటు అనుబంధంగా తీసుకోవటం వల్ల  కూడా అధిక కొలెస్ట్రాల్ సమస్య నుండి బయటపడేందుకు సహాయపడుతుంది.

ఫైటోథెరపీలో ప్రచురించబడిన ఒక సమీక్ష కథనం ప్రకారం, జీలకర్ర ఒక అద్భుతమైన హైపోలియోపిడెమిక్ (రక్త కొలెస్ట్రాల్ ను తగ్గించేది) అని కనీసం 6 వైద్య అధ్యయనాలు ధ్రువపర్చాయి. అంతేకాకుండా, జీలకర్ర యొక్క సాధారణ వినియోగం ఒక నిర్దిష్ట రకమైన శరీర కొవ్వు (ట్రైగ్లిజెరైడ్స్ కాని కొవ్వు రకం)ను మొత్తంను తగ్గిస్తుందని సూచించారు.

అంతేకాక, కొన్ని బరువు క్షీణత అధ్యయనాల్లో తెలింసిందేమంటే జీలకర్ర సేవనం వల్ల తక్కువ-సాంద్రత కొలెస్ట్రాల్ స్థాయిలలో గణనీయమైన తగ్గింపు సాధ్యమైందని. అందువల్ల, జీలకర్రకు ఓ బరువు కుదింపు (హైపోలియోపిడెమిక్) ఏజెంట్ గా మంచి భవిత  ఉందని సురక్షితంగా చెప్పవచ్చు.

మధుమేహం కోసం జీలకర్ర - Cumin for diabetes in Telugu

ఇటీవలి ఓ వైద్య అధ్యయనంలో, ఒక చక్కెరవ్యాధి రోగుల బృందానికి 8 వారాలపాటు రోజుకు ఒకసారి జీలకర్ర క్యాప్సూల్ లేదా ప్లేస్బో మోతాదు ఇవ్వబడింది. 8 వారాల ముగింపు సమయానికి,  జీలకర్రను పొందిన బృందం వారి రక్తంలో ఇన్సులిన్ స్థాయిలలో గణనీయమైన తగ్గింపును చూపించింది. అంతేకాకుండా, చక్కెరవ్యాధికి సంబంధించిన ఇతర అంశాలలో మరియు సంక్లిష్టతల్లో గణనీయమైన మెరుగుదల చూపాయని కూడా గుర్తించబడింది.

మరొక వైద్య అధ్యయనంలో, జీలకర్ర యొక్క ముఖ్యమైన నూనె యొక్క హైపోగ్లైసీమిక్ (రక్తంలో చక్కెరను తగ్గించేది) ప్రభావాలు విటమిన్ E. కంటే చాలా ప్రభావవంతమైనవిగా (ముఖ్యమైనవిగా) గుర్తించబడ్డాయి. అదనంగా, జీలకర్ర యొక్క ‘ముఖ్యమైన నూనె’ అనేది ఓ శక్తివంతమైన శోథ నిరోధకత గుణం కల్గి ఇది వాపును నొప్పిని తగ్గిస్తుందని అధ్యయనకారు సూచించారు.

అయితే, ఆరోగ్యానికి అనుబందాహారంగా జీలకర్రను తీసుకోవడానికి ముందు మీరు మీ డాక్టర్తో మాట్లాడాలని మీకు సిఫార్సు చేయదమైంది.

(మరింత సమాచారం: చెక్కెర వ్యాధి చికిత్స)

ప్రేగుల్లో మంట వంటి ఉదరవ్యాధులకు జీలకర్ర - Cumin for Irritable bowel syndrome in Telugu

పేగుళ్లో మంట లక్షణం సాధారణమైన ఉదార సమస్య, ఇది కడుపుబ్బరం, కడుపు నొప్పి, మలబద్ధకం మరియు అతిసారం వంటి లక్షణాల ద్వారా గుర్తించబడుతుంది. ఈ పేగుల్లో మంట (ఐబిఎస్) సమస్యకు ప్రస్తుత శ్రేణి చికిత్సలో ఆహార మార్పు లేదా జీవనశైలిలో మార్పులు ఉన్నాయి.

అయినప్పటికీ, ఈ సమస్యకు ఆధునిక ఔషధం మరింత మొక్క-ఆధారిత చికిత్సల వైపు వేగంగా దృష్టి సారిస్తోంది. ఈ ధోరణిలో, వివిధ రకాల పేగుళ్లో మంట  (ఐబిఎస్) లక్షణాలను ఉపశమనం చేయడంలో జీలకర్ర సామర్థ్యాన్ని పరీక్షించడానికి ఒక చిన్న-స్థాయి వైద్య అధ్యయనం జరిగింది. ఆ వైద్య అధ్యయనంలో 55 మంది ఐబియస్ (IBS) రోగులకు రోజుకు 20 చుక్కల జీలకర్ర నూనెను ఒక రోజు మోతాదుగా ఇచ్చారు.  అన్ని లక్షణాలు, మార్పులు లేదా మెరుగుదలను ఈ అధ్యయనంలో గుర్తించారు.

4 వారాల తరువాత, కడుపు నొప్పి యొక్క లక్షణాలలో గణనీయమైన తగ్గింపును గమనించారు. విరేచనాలు, మరియు ఉబ్బరం కూడా తగ్గిపోయాయి. అయినప్పటికీ, మీరు పేగు-సంబంధ మంట (ఐబిఎస్తో) తో బాధపడుతున్నట్లయితే, మీరు ఏ రూపంలోనైనా జీలకర్రను ముందుగా తీసుకోవడానికి ముందు మీ ఆయుర్వేద వైద్యుడితో సంప్రదించి వైద్యతనిఖీ చేయించుకోవడం మంచిది.

పొట్ట కోసం జీలకర్ర ప్రయోజనాలు - Cumin benefits for stomach in Telugu

జీలకర్ర, అజీర్తి, గ్యాస్ మరియు కడుపు పూతల వంటి చాలా రకాల సాధారణ జీర్ణాశయ-సంబంధ (కడుపు లేక గ్యాస్ట్రిక్) సమస్యలకు జిలకర ఓ సంప్రదాయ మందు. జంతువులపై జరిపిన  అధ్యయనాల ప్రకారం, జీలకర్ర యొక్క సాధారణ సేవనంవల్ల క్లోమగ్రంధు (ప్యాంక్రియాస్ ) ల నుండి జీర్ణ ఎంజైములు (లేక రాసాయనికామ్లద్రవము, ఫేనకద్రవము) స్రవించదానికి ఉద్దీపన ప్రభావాన్ని చూపుతుందని సూచిస్తున్నాయి.

అలిమెంటరీ ఫార్మకాలజీ అండ్ థెరాప్యూటిక్స్ లో ప్రచురించిన ఒక సమీక్ష వ్యాసం ప్రకారం, పెర్షియన్ జీలకర్ర లేదా కరేవ్ విత్తనాలు యాంటి-డిస్స్పెప్టిక్ (అజీర్ణాన్ని తగ్గించే) లక్షణాలు కలిగి ఉన్నాయని అనేక వైద్య అధ్యయనాలు సూచించాయి. అయినప్పటికీ, ఈ విషయంలో మరింత భద్రతాపరమైన జాగ్రత్తలతో వ్యవహరించడానికి తదుపరి అధ్యయనాలు చాలా అవసరం.

(మరింత సమాచారం: కడుపు తిప్పు చికిత్స)

“టేలర్ మరియు ఫ్రాన్సిస్ జర్నల్” లో ప్రచురితమైన మరొక సమీక్షలో విట్రో (ల్యాబ్-ఆధారిత) అధ్యయనం వివరించిన ప్రకారం జీలకర్ర నుండి తీసిన పదార్ధాలు సాధారణంగా కడుపులో  పుండుకు కారణమయ్యే బాక్టీరియా, “హేలికాబాక్టర్ పైలోరి”ని చంపడంలో శక్తివంతమైనవి. ఈ బాక్టీరియా యొక్క యాంటీబయాటిక్ నిరోధక జాతులపై జీలకర్ర సమర్థవంతంగా పనిచేస్తుందని కూడా చెప్పబడింది.

అయినప్పటికీ, ఈ విషయమై మనుషులపై అధ్యయనాలు లేనందున మీరు ఎలాంటి కడుపు-సంబంధమైన సమస్యలకు జీలకర్రను ముందుగా తీసుకోవటానికి ముందు మీ వైద్యుడిని సంప్రదించి సలహా పొందాల్సిందిగా మీకు సూచించడమైంది.

(మరింత సమాచారం: కడుపు నొప్పి ఉపశమనం)

వాపు వ్యతిరేక ముందుగా జీలకర్ర - Cumin seeds as anti-inflammatory in Telugu

ఇటీవలి ఓ ప్రయోగశాల అధ్యయనం జీలకర్ర విత్తనాల యొక్క నొప్పి-నిరోధక ప్రభావాలను సూచిస్తోంది. జీలకర్ర నిరోధక-ప్రతిక్షేపణ ప్రభావాలను మధ్యవర్తిత్వం చేయడానికి ఒక నిర్దిష్ట ప్రతిరక్షక అణువు యొక్క చర్యను నిరోధిస్తుందని ఈ అధ్యయనం సూచించింది.

జీలకర్రలో ఉండే సహజమైన రసాయన పదార్థం అయిన “క్యూమెనల్డిహైడ్”, ఈ మసాలా దినుసు (జీలకర్ర) యొక్క నొప్పి-నివారక గుణాలకు కారణమవుతుందని ఈ అధ్యయనం విశ్వసిస్తోంది.  అయితే, ఈ విషయమై వైద్య అధ్యయనాలు (క్లినికల్ స్టడీస్) లేకపోవటంతో, ఆరోగ్యానికి అనుబంధంగా జీలకర్రను తీసుకోవడానికి ముందు ఆయుర్వేద డాక్టర్తో సంప్రదించి తనిఖీ చేయించుకోవడం మంచిది.

జీలకర్ర విత్తనాలు మరియు దాని పొడిని దాని ప్రత్యేకమైన వాసన మరియు రుచి కోసం వివిధ వంటకాల్లో ఒక సంభారంగా ఉపయోగిస్తారు.

గరం మసాలా యొక్క ప్రాధమిక రుచులలో జిలకర యొక్క మృణ్మయ-సువాసన ఒకటి. జీలకర్ర భారతీయ మసాలా మిశ్రమానికి ఎంతో ప్రాచుర్యం పొందింది. అదనంగా, జీలకర్రను రొట్టెల (breads) తయారీలో సుగంధద్రవ్యంగా ఉపయోగిస్తారు. అప్పం తదితర పిండివంటల్లో (పైస్ మరియు ఇతర కాల్చి తయారు చేసే ఉత్పత్తులు) కూడా జీలకర్రను రుచికోసం కలుపుతారు.  

జీలకర్ర నూనెను వంటల్లో ఉపయోగిస్తారు. అయితే ఈ జీలకర్రను ఒక మూలికగా ఔషధాల తయారీలోను ఉపయోగిస్తారు. జీలకర్ర నూనెను సుగంధ పరిమళంకోసం కూడా వాడతారు. ఆవశ్యక తైల నిపుణులు జీలకర్ర యొక్క వాసనను వేడి కల్గించేదిగాను మరియు కఠినమైనఫలాల తైలంగా (నట్టిగా)ను  వర్గీకరిస్తారు. కొంతమంది ఆయుర్వేద వైద్యులు జీలకర్రను మాత్రలు మరియు క్యాప్సూల్స్ను గా తయారు చేసి ఆరోగ్య ఔషధంగా సూచించారు.

జీలకర్ర నీటిని ఎలా తయారు చేయాలి?

బరువు కోల్పోయేందుకు జీలకర్ర నీరు సాధారణంగా ఉపయోగించే సాధనాల్లో ఒకటి. శాస్త్రీయంగా, జీలకర్ర ఓ ప్రభావవంతమైన బరువు కోల్పోయేందుకు ఉపయోగించే ఏజెంట్ అని రుజువైంది. దీన్ని ఇంట్లోనే తయారు చేయడానికి ఇక్కడ ఓ పధ్ధతి ఉంది గమనించండి.  

  • ఒక కప్పులో కొన్ని జీలకర్ర విత్తనాలను తీసుకోండి.
  • ఒక పాన్ లో కావాల్సినంత నీరు కాగబెట్టండి, ఆ వేడినీటిని జీలకర్రను తీసుకున్న కప్ లోకి పోయాలి.
  • అలా కనీసం 5 నిమిషాల పాటు జీలకర్రను వేడినీటిలో నాననివ్వండి. మీరు ఈ జీలకర్ర టీని బాగా స్ట్రాంగ్ గా ఉండాలని కోరుకుంటే వేడినీటిలో జీలకర్రని కొంచెం ఎక్కువసేపు నాననివ్వండి  
  • ఇపుడు జీలకర్ర విత్తనాలను వడగట్టి జీలకర్ర యొక్క వేడి టీ ని తాగండి.  

మీరు జీలకర్ర టీ యొక్క వాసనను ఇష్టపడక పోతే, రుచిని పెంచుకోవటానికి మీరు తేనె, అల్లం లేదా నిమ్మకాయను ఈ జీలకర్ర టీ కి జోడించుకోవచ్చు. టీ లో జీలకర్రను కలపడమనేది మరింత రుచికోసం మాత్రమే కాకుండా అది మీ టీసేవనం యొక్క ఆరోగ్య ప్రయోజనాలను కూడా పెంచుతుంది.

ఆయుర్వేద వైద్యులు చెప్పిన ప్రకారం 1 గ్రాము మోతాదులో జీలకర్రను ప్రతిరోజూ తీసుకోవచ్చు. అయితే, జీలకర్ర మోతాదు వ్యక్తి యొక్క వయస్సు మరియు శారీరక స్థితిపై ఆధారపడి ఉంటుంది. అందువల్ల, ఆరోగ్య దృష్ట్యా జీలకర్రను సేవించాలనుకుంటే, డీనుండి గరిష్ట ప్రయోజనాల కోసం మరియు సరైన మోతాదును తెలుసుకోవడానికి మీరు ఆయుర్వేద డాక్టర్ను సంప్రదించడమే మంచిది.

  • భారతదేశంలోని కొన్ని భాగాలలో జీలకర్రను గర్భస్రావం కావడానికి ఉపయోగిస్తారు. అదనంగా, గర్భిణీ స్త్రీలలో జీలకర్ర ప్రభావాలను పరీక్షించడానికి ఎటువంటి వైద్య పరిశోధనలు జరగలేదు. అందువల్ల, గర్భిణీ స్త్రీలు జీలకర్రను ఏ రూపంలో తీసుకోవడానికైనా సరే ముందు వైద్యునితో సంప్రదించిన తర్వాతే సేవించాలని సిఫార్సు చేయడమైంది.  
  • ఓ పరిశోధనలో తెలిసిందేంటంటే జీలకర్ర ఓ సంభావ్య ప్రతిస్కందకం (రక్తం గడ్డకట్టడాన్ని  తగ్గిస్తుంది). కనుక, హేమోఫిలియ వంటి రక్తస్రావం వ్యాధులతో మీరు బాధపడుతున్నట్లయితే లేదా శరీరంలో గడ్డకట్టే లోపం ఉన్నట్లయితే జీలకర్ర జీవనాన్ని నిలిపేయడం ఉత్తమం.
  • జీలకర్ర ఓ శక్తివంతమైన హైపోగ్లైసిమిక్ (రక్తంలో చక్కెరను తగ్గించేది) గా పేర్కొనబడింది. కాబట్టి, మీరు సాధారణంగా రక్తంలో తక్కువ చక్కెర స్థాయిలను కలిగి ఉంటే లేదా మీరు చక్కెరవ్యాధికి మీరు మందులు సేవిస్తూ ఉన్నట్లయితే మీరు జీలకర్రను కూడా ఓ ముందుగా  ఉపయోగించకపోవాదమే ఉత్తమం.
  • జీలకర్ర అందరికీ బాగా తెలిసిన రక్తాన్ని పలుచబరిచే ఓ మందొస్తువు. కాబట్టి, మీరు ఏదైనా శస్త్రచికిత్స చేయించుకోవాలనుకుంటుంటే లేదా ఇప్పటికే ఇటీవల శస్త్రచికిత్స చేయించుకొని ఉంటే ఓ నిర్దిష్ట కాలవ్యవధి వరకూ జీలకర్రను తీసుకోకుండా ఉండడం ఉత్తమం. ఎందుకంటే, ఇలాంటి కీలకసమయంలో జీలకర్రను ముందుగా సేవించడం మీ ఆపరేషన్ వైద్యం ప్రక్రియ వేగాన్నితగ్గించొచ్చు.
  • జీలకర్రకు సహజంగా దుష్ప్రభావం (అలెర్జీ) అంటూ ఏదీ సాధారణంగా లేదు. కానీ ఇటీవల ఓ68 ఏళ్ల మహిళపై జరిపిన అధ్యయనంలో జీలకర్రవల్ల దుష్ప్రభావం నివేదించబడింది. కాబట్టి, మీరు కేవలం జీలకర్రను పథ్య-సంబంధమైన ఆహారంగా మొదలుపెడుతుంటే మొదట  జీలకర్రవల్ల దుష్ప్రభావాలు ( అలెర్జీ) కల్గుతాయేమోనన్నదాన్ని పరీక్షించుకోవడం లేదా జీలకర్ర జీవనాన్ని చిన్న మోతాదులతో ప్రారంభించడం ఉత్తమం.
और पढ़ें ...

References

  1. World Health Organization [Internet]. Geneva (SUI): World Health Organization; Obesity and overweight.
  2. Mohsen Taghizadeh et al. The Effect of Cumin cyminum L. Plus Lime Administration on Weight Loss and Metabolic Status in Overweight Subjects: A Randomized Double-Blind Placebo-Controlled Clinical Trial. Iran Red Crescent Med J. 2016 Aug; 18(8): e34212. PMID: 27781121
  3. Zare R, Heshmati F, Fallahzadeh H, Nadjarzadeh A. Effect of cumin powder on body composition and lipid profile in overweight and obese women. Complement Ther Clin Pract. 2014 Nov;20(4):297-301. PMID: 25456022
  4. National Heart, Lung, and Blood Institute [Internet]: U.S. Department of Health and Human Services; High Blood Cholesterol
  5. Hadi A1, Mohammadi H, Hadi Z, Roshanravan N, Kafeshani M. Cumin (Cuminum cyminum L.) is a safe approach for management of lipid parameters: A systematic review and meta-analysis of randomized controlled trials. Phytother Res. 2018 Nov;32(11):2146-2154. PMID: 30088304
  6. Sahar Jafari, Roghieh Sattari, and Sa'id Ghavamzadeh. Evaluation the effect of 50 and 100 mg doses of Cuminum cyminum essential oil on glycemic indices, insulin resistance and serum inflammatory factors on patients with diabetes type II: A double-blind randomized placebo-controlled clinical trial. J Tradit Complement Med. 2017 Jul; 7(3): 332–338. PMID: 28725629
  7. Ghatreh Samani Keihan, Mohammad Hossein Gharib, Ali Momeni, Zohreh Hemati, Roya Sedighin. A Comparison Between the Effect of Cuminum Cyminum and Vitamin E on the Level of Leptin, Paraoxonase 1, HbA1c and Oxidized LDL in Diabetic Patients. Int J Mol Cell Med. 2016 Autumn; 5(4): 229–235. PMID: 28357199
  8. InformedHealth.org [Internet]. Cologne, Germany: Institute for Quality and Efficiency in Health Care (IQWiG); 2006-. Irritable bowel syndrome: Overview. 2013 Sep 10 [Updated 2016 Oct 20].
  9. Shahram Agah, Amir Mehdi Taleb, Reyhane Moeini, Narjes Gorji, Hajar Nikbakht. Cumin Extract for Symptom Control in Patients with Irritable Bowel Syndrome: A Case Series. Middle East J Dig Dis. 2013 Oct; 5(4): 217–222. PMID: 24829694
  10. Thompson Coon J, Ernst E. Systematic review: herbal medicinal products for non-ulcer dyspepsia. Aliment Pharmacol Ther. 2002 Oct;16(10):1689-99. PMID: 12269960
  11. Juan Wei et al. Anti-Inflammatory Effects of Cumin Essential Oil by Blocking JNK, ERK, and NF-κB Signaling Pathways in LPS-Stimulated RAW 264.7 Cells. Evid Based Complement Alternat Med. 2015; 2015: 474509. PMID: 26425131
  12. Srivastava KC. Extracts from two frequently consumed spices--cumin (Cuminum cyminum) and turmeric (Curcuma longa)--inhibit platelet aggregation and alter eicosanoid biosynthesis in human blood platelets. Prostaglandins Leukot Essent Fatty Acids. 1989 Jul;37(1):57-64. PMID: 2503839
  13. Allahghadri T. Antimicrobial property, antioxidant capacity, and cytotoxicity of essential oil from cumin produced in Iran.. J Food Sci. 2010 Mar;75(2):H54-61. PMID: 20492235
  14. Kedia A, Prakash B, Mishra PK, Dubey NK. Antifungal and antiaflatoxigenic properties of Cuminum cyminum (L.) seed essential oil and its efficacy as a preservative in stored commodities.. Int J Food Microbiol. 2014 Jan 3;168-169:1-7. PMID: 24211773
  15. Koppula S, Choi DK. Cuminum cyminum extract attenuates scopolamine-induced memory loss and stress-induced urinary biochemical changes in rats: a noninvasive biochemical approach. Pharm Biol. 2011 Jul;49(7):702-8. PMID: 21639683
  16. National Institute on Aging [internet]: US Department of Health and Human Services; Alzheimer's Disease Fact Sheet