myUpchar प्लस+ सदस्य बनें और करें पूरे परिवार के स्वास्थ्य खर्च पर भारी बचत,केवल Rs 99 में -

వగరుగా, తియ్యగా మరియు కొద్దిగా పుల్లగా ఉండే నేరుడు పళ్ళు అంటే చాలా మందికి ఇష్టం. ఈ పండు అండాకారంలో దీర్ఘచతురస్రాకారంగా ఉంటుంది మరియు పచ్చిగా ఉన్నప్పుడు ఆకుపచ్చ రంగులో ఉంటుంది మరియు పండిన తర్వాత ఊదా రంగులోకి మారుతుంది. రుచిలో గొప్పగా ఉండటమే కాకుండా, నేరుడు పండు అనేక ఔషధ లక్షణాల కేంద్రంగా కూడా ఉంటుంది. ఇది అనేక ఆరోగ్య ప్రయోజనాలతో కూడిన వేసవిలో కాసే పండు. నేరుడు చెట్టు సాధారణంగా 60 నుండి 100 అడుగుల ఎత్తు వరకు పెరుగుతుంది మరియు ప్రతి ఏటా పండ్లను కలిగి ఉంటుంది. పువ్వులు 5 మిమీ వ్యాసం కలిగి ఉంటాయి మరియు చాలా సువాసనను కూడా కలిగి ఉంటాయి.

ఈ పండ్లలోని వివిధ భాగాలు రక్తస్రావ లోపాలు మరియు ఇతర వ్యాధుల చికిత్సకు ఉపయోగపడతాయని ఆయుర్వేదంలో పేర్కొన్నారు.  పళ్ళు తినడానికి ఉపయోగపడడంతో పాటు చెట్టు యొక్క అన్ని భాగాలు మరియు ప్రధానంగా విత్తనాలను అనేక రకాలైన వ్యాధులను నయం చేయడానికి ఉపయోగిస్తారు. వివిధ సాంప్రదాయ వైద్య విధానాలలో ఉపయోగించే ఒక ముఖ్యమైన మొక్కగా ఇది గుర్తించబడింది. మధుమేహం, వాపు, అల్సర్తో పాటు అతిసారం చికిత్సలో నేరేడును ప్రధానంగా ఉపయోగిస్తారు.

నేరేడు పళ్ళతో అనేక ఆరోగ్య పానీయాలు (హెల్త్ డ్రింక్స్), స్క్వాష్‌లు, జామ్‌లు, జెల్లీలు, ఐస్‌క్రీమ్‌లు, స్మూతీలు మొదలైనవి తయారు చేస్తారు. పండని నేరేడు కాయలను వెనిగర్ లేదా వైన్ తయారీకి ఉపయోగిస్తారు. నేరేడు పళ్ళను నీరు మరియు చక్కెరతో పాటు కలిపి ఉడికించి నిల్వచేసుకోవచ్చు. ఎండబెట్టి పొడి చేసినప్పుడు నేరేడు పండు గుజ్జు ఔషధంగా మారుతుంది.

నేరేడు భారతదేశం, చైనా యొక్క ప్రక్కనే ఉన్న ప్రాంతాలు మరియు క్వీన్స్ ల్యాండ్ కు చెందిన చెట్టు. ఈ చెట్టును 1911 లో ఫ్లోరిడాకు పరిచయం చేశారు మరియు ఇప్పుడు గయానా, సురినామ్ మరియు ట్రినిడాడ్ మరియు టొబాగోలలో కూడా పండిస్తున్నారు.

నేరేడు చెట్టు గురించి కొన్ని ప్రాథమిక వాస్తవాలు

  • శాస్త్రీయ నామం: సిజిజియం క్యుమిని (Syzygium cumini)
  • కుటుంబం: మైర్టేసి (Myrtaceae)
  • సాధారణ నామం: నేరేడు పండు 
  • సంస్కృత నామం: జంబులా, జంబు ఫలం
  • హిందీ పేరు: జమునా
  • ఉపయోగించిన భాగాలు: పండు చర్మం, గుజ్జు మరియు విత్తనం
  • స్థానిక ప్రాంతం మరియు భౌగోళిక విస్తీర్ణం: భారతదేశానికి చెందినది మరియు మడగాస్కర్, ఫిలిప్పీన్స్, ఇండీస్ మరియు థాయిలాండ్ వంటి కొన్ని ఇతర దేశాలలో కూడా చూడవచ్చు. ఇది గయానా, ట్రినిడాడ్ మరియు టొబాగో మరియు సురినామ్లలో కూడా పెరుగుతుంది.
  1. నేరేడు పళ్ళ యొక్క పోషక వాస్తవాలు - Nutritional facts of jamun in Telugu
  2. నేరేడు పళ్ళ ఆరోగ్య ప్రయోజనాలు - Health benefits of jamun in Telugu
  3. నేరేడు పళ్ళ యొక్క దుష్ప్రభావాలు - Side Effects of Jamun in Telugu
  4. ఉపసంహారం - Takeaway in Telugu

విటమిన్ బి మరియు విటమిన్ సి వంటి విటమిన్లు, మెగ్నీషియం, పొటాషియం, కాల్షియం వంటి ఖనిజాలతో నేరేడుపళ్ళు సమృద్ధిగా ఉంటాయి. ఇవి ప్రోటీన్లు, యాంటీఆక్సిడెంట్లు, గ్లూకోజ్, ఫ్రక్టోజ్ మరియు కొంత మొత్తంలో ఫైబర్లతో నిండి ఉంటాయి. యుఎస్‌డిఎ న్యూట్రియంట్ డేటాబేస్ ప్రకారం, 100 గ్రాముల నేరేడు పండ్లలో ఈ క్రింది పోషకాలు ఉంటాయి.

పోహాకాలు 

100 గ్రాములకు 

నీరు 

83.13 గ్రా

శక్తి

60 కిలోకేలరీలు

ప్రోటీన్

0.72 గ్రా 

ఫ్యాట్

0.23 గ్రా

కార్భోహైడ్రేట్

15.56 గ్రా

విటమిన్లు  

100 గ్రాములకు

విటమిన్ బి1 

0.006 mg

విటమిన్ బి2

0.012 mg

విటమిన్ బి3

0.260 mg

విటమిన్ బి6

0.038 mg

విటమిన్ సి

14.3 mg

మినరల్స్

100 గ్రాములకు 

కాల్షియం

19 mg

ఐరన్

0.19 mg

మెగ్నీషియం

15 mg

ఫాస్ఫరస్

17 mg

పొటాషియం

79 mg

సోడియం

14 mg 

అనేక పోషకాలకు నెలవుగా నేరేడుపళ్ళు అనేక ఆరోగ్య ప్రయోజనాలు కలిగి ఉంటాయి వాటిలో కొన్ని ఈ కింద వివరించబడ్డాయి. 

  • క్యాన్సర్ కోసం: నేరేడు విత్తన సారం రేడియోప్రొటెక్టీవ్ చర్యలు కలిగి ఉంటుంది, ఇది వారసత్వంగా వచ్చే క్యాన్సర్ ప్రమాదాన్ని తగ్గిస్తుంది. అలాగే నేరేడు పళ్ళు రొమ్ము క్యాన్సర్ ప్రమాదాన్ని కూడా తగ్గిస్తాయి. నేరేడు పళ్ళ గుజ్జు సారానికి శక్తివంతమైన క్యాన్సర్ నిరోధక లక్షణాలు ఉన్నట్లు క్యాన్సర్ల పైన నిర్వహించిన వివిధ అధ్యయనాలు తెలిపాయి.
  • యాంటీ మైక్రోబియల్: నేరేడు పళ్ళ గుజ్జు యాంటీ మైక్రోబియల్ చర్యలను కలిగి ఉంటుంది. చర్మ ఇన్ఫెక్షన్లు కలిగించే వివిధ బాక్టీరియా మరియు ఫంగస్ల పై వ్యతిరేక చర్యలను నేరేడు పళ్ళు చూపిస్తాయి.
  • జీర్ణ రుగ్మతలకు: నేరేడు పళ్లలో మంచి మొత్తంలో ఆంథోసైనిన్ అనే బయోఆక్టివ్ సమ్మేళనం ఉంటుంది ఇది ఒకరకమైన యాంటీ-యాక్సిడెంట్ ఇది కడుపులో ఆక్సిజన్ మరియు నైట్రోజన్ల యొక్క రెయాక్టీవ్ చర్యలను అణిచివేస్తుంది. అతిసారం, అజీర్ణం, ఉబ్బరం మొదలైనటువంటి జీర్ణాశయ సమస్యలను తగ్గించడంలో సహాయపడుతుంది.
  • చర్మం కోసం: నేరేడు పళ్లలో అనేక విటమిన్లు మరియు పోషకాలు ఉంటాయి అవి చర్మానికి కాంతిని అందిస్తాయి. వీటిలో ఉండే ఐరన్ రక్తాన్ని శుద్ధి చేసి మొటిమల సమస్యను తగ్గిస్తుంది.
  • కాలేయం కోసం: కాలేయంలో బైల్ జ్యూస్ ఉత్పత్తి తగ్గిపోతే కొలెస్టాసిస్ అనే సమస్య వస్తుంది. ఈ పరిస్థితి కడుపు నొప్పి చర్మం, కళ్ళు పసుపు రంగులోకి మారిపోవడం వంటి లక్షణాలను కలిగిస్తుంది. నేరేడు పళ్లలో ఉండే ఆంథోసైనిన్ ఈ లక్షణాలను తగ్గించడంలో సహాయం చేస్తుందని అధ్యయనాలు తెలిపాయి.
  • గుండెకు: గుండె ఆరోగ్యానికి కాపాడడంలో ముఖ్యపాత్ర వహించే ఒక ఖనిజం పొటాషియం. నేరేడు పళ్లలో అధికమొత్తంలో పొటాషియం ఉంటుంది అది రక్తపోటుని నిర్వహిస్తుంది తద్వారా గుండె రుగ్మతల ప్రమాదాన్ని తగ్గిస్తుంది.
  • అర్థిరైటిస్ కోసం: నేరేడు పళ్లలో ఉండే వివిధ విటమిన్లు మరియు ఖనిజాలు యాంటీ-ఇంఫలమేటరీ చర్యలను కలిగి ఉంటాయని పలు అధ్యయనాలు తెలిపాయి, ఈ లక్షణాలు అర్థిరైటిస్ చికిత్సకు ఉపయోగపడతాయి.
  1. వాపు కోసం నేరేడుపళ్ళు - Jamun for inflammation in Telugu
  2. ఆర్థరైటిస్ కోసం నేరేడు పళ్ళు - Jamun for arthritis in Telugu
  3. గుండెకు నేరేడు - Jamun for the heart in Telugu
  4. కాలేయానికి నేరేడు - Jamun for the liver in Telugu
  5. చర్మ ఆరోగ్యానికి నేరేడు పళ్ళు - Jamun for skin health in Telugu
  6. కొలెస్ట్రాల్ కోసం నేరేడు పళ్ళు - Jamun for cholesterol in Telugu
  7. జీర్ణ రుగ్మతలకు నేరేడు - Jamun for digestive disorders in Telugu
  8. మధుమేహం కోసం నేరేడు పళ్ళు - Jamun for diabetes in Telugu
  9. యాంటీ బాక్టీరియల్‌గా నేరేడు - Jamun as antibacterial in Telugu
  10. క్యాన్సర్ కోసం నేరేడు - Jamun for cancer in Telugu

వాపు కోసం నేరేడుపళ్ళు - Jamun for inflammation in Telugu

వాపు అంటే చర్మం ఎర్రగా, వేడిగా మారి, ఉబ్బుతుంది మరియు కొన్నిసార్లు నొప్పిని కూడా కలిగిస్తుంది. నేరేడు పళ్లలో వివిధ విటమిన్లు మరియు ఖనిజాలు ఉంటాయి, ఇవి వాపు నిరోధక లక్షణాలను ప్రదర్శిస్తాయి. ఈ పండు యొక్క వాపు నిరోధక సామర్థ్యాన్ని తెలుసుకోవడానికి ప్రీక్లినికల్ అధ్యయనాలు జరిగాయి. వాపు మరియు అల్సర్ను తగ్గించడానికి నేరేడు పళ్ళను ఒక సహజ ఔషధంగా తీసుకోవచ్చు. నేరేడు పళ్ళ యొక్క ఈ లక్షణం ప్రాణాంతక క్యాన్సర్ ప్రమాదాలను నివారించడంలో కూడా సహాయపడుతుంది.

ఆర్థరైటిస్ కోసం నేరేడు పళ్ళు - Jamun for arthritis in Telugu

ఆర్థరైటిస్, కీళ్ళ వద్ద కండరాలు బలహీనపడటం వల్ల వచ్చే వ్యాధి. 40 ఏళ్లు దాటిన మహిళలు, ఎముక సంబంధిత సమస్యలను ఎదుర్కొనే ప్రమాదం ఉంటుంది. ఇది దీర్ఘకాల చికిత్సతో నయం చేయగల పరిస్థితి. అనేక ప్రీ క్లినికల్ అధ్యయనాల ప్రకారం, నేరేడుపళ్ల విత్తనాలు శక్తివంతమైన యాంటీ-ఇన్ఫలమేటరీ ప్రభావాన్ని కలిగి ఉంటాయి, ఈ ప్రభావం ఆర్థరైటిస్ వంటి వ్యాధుల విషయంలో వాపును తగ్గించడానికి సహాయపడుతుంది. ఆర్థరైటిస్‌తో బాధపడుతున్న రోగులు వాపు మరియు నొప్పిని తగ్గించడానికి వారి ఆహారంలో నేరేడుపళ్లను చేర్చాలని సూచించబడుతుంది.

గుండెకు నేరేడు - Jamun for the heart in Telugu

నిత్యం పనితో నిండి ఉండే జీవనశైలిలో, శరీరాన్ని ఆరోగ్యంగా మరియు ఉత్సహంగా ఉంచడానికి సులభమైన మరియు ప్రయోజనకరమైన చిట్కాలను తెలుసుకోవడం చాలా అవసరం. పెరుగుతున్న వయస్సుతో పాటు, ప్రజలు గుండె జబ్బుల ప్రమాదాన్ని ఎక్కువగా ఎదుర్కొంటుంటారు. గుండెను ఆరోగ్యంగా ఉంచడంలో సహాయపడే ఒక ముఖ్యమైన ఖనిజం పొటాషియం.

తగినంత మొత్తంలోని పొటాషియం రక్తపోటును నియంత్రించడంలో సహాయపడుతుంది, మరియు  తద్వారా గుండెపోటు వచ్చే ప్రమాదాన్ని తగ్గిస్తుంది. నేరేడు పండ్లలో పొటాషియం పరిమాణం  చాలా ఎక్కువగా ఉంటుంది. పొటాషియం అధికంగా ఉండే నేరేడు పళ్ళను తీసుకోవడం ద్వారా అది రక్త నాళాలను (శరీరంలో రక్తం ప్రయాణించే పైపు) విస్తరించడం ద్వారా గుండెను ఆరోగ్యంగా ఉంచడంలో సహాయపడుతుంది, తద్వారా శరీరంలో వివిధ భాగాలకు రక్తం ప్రవహించడం సులభం అవుతుంది మరియు రక్తపోటును నిర్వహిస్తుంది.

కాలేయానికి నేరేడు - Jamun for the liver in Telugu

కొలెస్టాసిస్ కాలేయం యొక్క ఒక సాధారణ వ్యాధి. ఈ పరిస్థితిలో, కాలేయం నుండి పిత్త రసం (బైల్ జ్యూస్) యొక్క ఉత్పత్తి నిరోధించబడుతుంది. ఈ పరిస్థితి ఉదర ప్రాంతంలో నొప్పితో పాటు తీవ్రమైన దురద, కళ్ళు మరియు చర్మం పసుపు రంగులోకి మారడం, ముదురు మూత్రం, ఆకలి లేకపోవడం మరియు వికారం వంటి కొన్ని లక్షణాలను  కలిగిస్తుంది. కొలెస్టాసిస్ చికిత్సలో నేరేడు పళ్ళ యొక్క వివిధ ప్రభావాలు పరిశోధించబడ్డాయి.

నేరేడు యొక్క ఈ ప్రభావం దానిలో ఆంథోసైనిన్ అనే బయోఆక్టివ్ సమ్మేళనం ఉండటం వలన అని ప్రిక్లినికల్ అధ్యయనాలు తెలిపాయి. పండులో కనిపించే నీలం-ఊదా రంగుకు కారణం. కొలెస్టాసిస్‌తో ముడిపడి ఉండే వివిధ లక్షణాల నుండి ఉపశమనం కలిగించడం ద్వారా రోగికి ఉపశమనం అందించడంలో ఆంథోసైనిన్ సహాయపడుతుంది.

చర్మ ఆరోగ్యానికి నేరేడు పళ్ళు - Jamun for skin health in Telugu

నేరేడు పళ్లలో మల్టీవిటమిన్లు మరియు పోషక విలువలు ఉండటం వల్ల, చర్మానికి సౌందర్యం అందించడంలో ఇవి ప్రయోజనకరంగా ఉంటాయి. అలాగే వీటిలో ఉండే ఐరన్ రక్తాన్ని శుద్ధి చేయడానికి మరియు మొటిమల సమస్యలను నియంత్రించడానికి సహాయపడుతుంది. నేరేడు యొక్క మరొక ముఖ్యమైన పోషకం విటమిన్ సి ఇది, చర్మాన్ని తెల్లగా చేయడానికి సహాయపడుతుంది. మొటిమలు మరియు బ్లాక్ హెడ్స్ వల్ల చర్మం పై ఏర్పడిన మచ్చలు కూడా నేరేడు పళ్ళ విత్తనాల పొడిని ఉపయోగించడం ద్వారా తగ్గుతాయి. జిడ్డుగల చర్మం ఉన్నవారు రోజూ నేరేడుపళ్లను తినాలని సలహా ఇవ్వబడుతుంది ఎందుకంటే ఇది వారి చర్మాన్ని తాజాగా మరియు నిర్మలంగా చేస్తుంది.

కొలెస్ట్రాల్ కోసం నేరేడు పళ్ళు - Jamun for cholesterol in Telugu

నేరేడు పళ్ళను తీసుకోవడం అనేది కొలెస్ట్రాల్‌ను తగ్గించడంలో కూడా ప్రభావవంతంగా ఉంటుందని రుజువు చేయబడింది. నేరేడు విత్తనాల ఇథనాలిక్ సారం సీరం కొలెస్ట్రాల్ మరియు ట్రైగ్లిజరైడ్స్ యొక్క స్థాయిని తగ్గించే సామర్థ్యాన్ని కలిగి ఉంటుంది, అదేవిధంగా అధిక సాంద్రత కలిగిన కొలెస్ట్రాల్ మరియు తక్కువ-సాంద్రత గల కొలెస్ట్రాల్‌ యొక్క నిష్పత్తిని కూడా నిర్వహిస్తుంది. నేరేడు విత్తనాల యొక్క ఈ యాంటీ-హైపర్లిపిడెమిక్ ప్రభావం వాటిలో ఉండే టానిన్లు, ఆల్కలాయిడ్స్, ఫ్లేవనాయిడ్లు, సాపోనిన్, ఫినాల్స్ మరియు ట్రైటెర్పెనెస్ వంటి బయోయాక్టివ్ సమ్మేళనాలు ఉండటం వలన చెప్పవచ్చు.

జీర్ణ రుగ్మతలకు నేరేడు - Jamun for digestive disorders in Telugu

బలహీనమైన ప్రేగుల వ్యవస్థ ఉన్నవారు మలబద్ధకం, ఉబ్బరం, విరేచనాలు, తిమ్మిరి లేదా కడుపు నొప్పి వంటి వివిధ జీర్ణ సమస్యలతో బాధపడుతుంటారు. వివిధ విటమిన్లు మరియు ఖనిజాల ఉండడం వల్ల నేరేడు పండ్లకు జీర్ణక్రియకు సహాయం లక్షణాలు ఉంటాయి. ఇంతకు ముందు చెప్పినట్లుగా, నేరేడు పండ్లలో మంచి మొత్తంలో ఆంథోసైనిన్లు ఉంటాయి.

ఆంథోసైనిన్లు ఒక రకమైన యాంటీఆక్సిడెంట్లు మరియు ఇవి కడుపులోని ఆక్సిజన్ మరియు నైట్రోజన్ యొక్క రియాక్టివ్ ప్రభావాలను అణచివేయడంలో సహాయపడతాయి ఇది కడుపులోని ఆమ్ల (అసిడిక్) లక్షణాలను నియంత్రించడంలో మరియు ఉపశమనం కలిగించడంలో సహాయపడుతుంది. ఈ పండు ప్రేగుల పై ఒక టానిక్ లా పనిచేయడమే కాక చల్లదనం కూడా కలిగిస్తుంది. విత్తనాల పొడి మరియు నేరేడు చెట్టు యొక్క బెరడుతో తయారుచేసిన కషాయాన్ని తీసుకోవడం ద్వారా విరేచనాలు, అజీర్ణం,ఉబ్బరం వంటి వివిధ జీర్ణ సమస్యలు నయమవుతాయి.

అతిసారానికి అత్యంత ప్రభావవంతమైన నివారణ కోసం - రెండు మృదువైన నేరేడు ఆకులను తీసుకొని వాటిని నలిపి పేస్ట్ లా చెయ్యండి. దీనికి కొంచెం రాతి ఉప్పు కలిపి చిన్న మాత్రలుగా చుట్టండి. ప్రతిరోజూ రెండుసార్లు నీటితో తీసుకోండి.

మధుమేహం కోసం నేరేడు పళ్ళు - Jamun for diabetes in Telugu

నేరేడు పండ్ల విత్తనాలు మరియు గుజ్జు మధుమేహ రోగులలో అనేక ప్రయోజనాలకు సహాయపడతాయి.రక్తంలో గ్లూకోజ్ స్థాయిలను తగ్గించడం ద్వారా తిమ్మిరి లేదా కంటిశుక్లం వంటి మధుమేహ సమస్యలను ఆలస్యం చేయడం అనేది నేరేడు పళ్ళ యొక్క అనేక ప్రయోజనాలలో  ఒకటి. గ్లూకోజ్ అధికంగా ఉత్పత్తి అయినప్పుడు పిండి పదార్ధాలను (శరీరంలో ఉంటుంది) చక్కెరగా మారడాన్ని నియంత్రిచగల సామర్థ్యం నేరేడు విత్తనాలకు ఉంటుంది. అధిక దాహం మరియు తరచు మూత్రవిసర్జన వంటి మధుమేహ లక్షణాలను నయం చేయడంలో కూడా ఇది సహాయపడుతుంది.

యాంటీ బాక్టీరియల్‌గా నేరేడు - Jamun as antibacterial in Telugu

అనేక రకాల ఇన్ఫెక్షన్లకు బాక్టీరియా మరియు ఫంగస్లు ముఖ్యమైన కారకాలు. నేరేడు పండ్ల గుజ్జు దాని యాంటీమైక్రోబయల్ లక్షణాల కోసం పరీక్షించబడింది మరియు విత్తనాలు కూడా యాంటీ బాక్టీరియల్ ఏజెంట్‌గా పనిచేస్తాయి. నేరేడు యొక్క యాంటీ బాక్టీరియల్ లక్షణాలు చర్మ ఇన్ఫెక్షన్లకు కారణమయ్యే ఎస్చెరిచియా కోలి (Escherichia coli), స్టెఫైలోకోకస్ ఆరియస్ (Staphylococcus aureus), బాసిల్లస్ సబ్టిలిస్ (Bacillus subtilis) వంటి బ్యాక్టీరియా పెరుగుదలను ఆపడానికి లేదా తగ్గించడానికి సహాయపడతాయని కనుగొనబడ్డాయి. నేరేడు యొక్క ఎక్వస్ మరియు మిథనాల్ సారాలు కాండిడా అల్బికాన్స్ (Candida albicans) మరియు ట్రైకోఫైటన్ రుబ్రమ్ (Trichophyton rubrum) వంటి కొన్ని ఫంగస్ల పెరుగుదలను నిరోధిస్తాయి. ఇవి చర్మ వ్యాధులకు కారణమవుతాయి. కాబట్టి, అటువంటి అంటువ్యాధులన్నింటినీ నివారించడానికి మీ ఆహారంలో నేరేడు పళ్ళను చేర్చడం ఉత్తమం.

క్యాన్సర్ కోసం నేరేడు - Jamun for cancer in Telugu

క్యాన్సర్ అనేది శరీరంలో అసాధారణమైన కణాలు అనియంత్రితంగా పెరిగే పరిస్థితి. రసాయనాలు మరియు ఇతర పదార్ధాలకు గురికావడం వంటి క్యాన్సర్ ప్రమాద కారకాలుగా ఉంటాయి, వీటిని సాధారణంగా క్యాన్సర్ కారకాలు (కార్సినోజెన్స్) అని పిలుస్తారు.

వయస్సు మరియు కుటుంబ చరిత్ర వంటి కొన్ని విషయాలు కూడా క్యాన్సర్ కారకాలుగా ఉంటాయి. కొన్ని క్యాన్సర్ల నివారణకు నేరేడు పళ్ళు అద్భుతముగా పనిచేస్తాయి. వివిధ రకాల క్యాన్సర్ల చికిత్స కోసం, రేడియోథెరపీని విస్తృతంగా ఉపయోగిస్తారు. నేరేడు పండ్ల విత్తనాల సారం రేడియోప్రొటెక్టివ్ ప్రభావాన్ని కలిగి ఉంటుంది. ఇది వారసత్వంగా క్యాన్సర్ వచ్చే ప్రమాదాన్ని తగ్గించడంలో సహాయపడుతుంది. ఆహారంలో నేరేడు పళ్ళను చేర్చడం వల్ల అది రొమ్ము క్యాన్సర్ ప్రమాదాన్ని కూడా తగ్గిస్తుంది.

నేరేడు పండ్ల గుజ్జు యొక్క క్యాన్సర్ నిరోధక ప్రభావం మానవ గర్భాశయ క్యాన్సర్ కణాలపై కూడా నిరూపించబడింది. నేరేడు సారాలు కణితి కణాలలో అపోప్టోసిస్ (సెల్ డెత్) ను ప్రేరేపిస్తాయని మరియు మోతాదు-ఆధారిత పద్ధతిలో యాంటీ-ప్రొలిఫెరేటివ్ ప్రభావాన్ని కూడా ప్రదర్శిస్తాయని అధ్యయనం కనుగొంది. వివిధ ఆంకాలజికల్ (క్యాన్సర్ గురించిన) అధ్యయనాలు క్యాన్సర్ కణాలను నిరోధించడం మరియు వాటిని చంపడంలో నేరేడు పండ్ల గుజ్జు సారం యొక్క సామర్థ్యాన్ని వెల్లడించాయి.

ఇప్పటివరకు మనం నేరేడు పళ్ళ  యొక్క అనేక ప్రయోజనాలను తెలుసుకున్నాము. ఏదేమైనా, నియంత్రణ లేని వినియోగం ఈ క్రింద వివరించబడిన కొన్ని దుష్ప్రభావాలకు కారణం కావచ్చు.

  • వగరు రుచి కారణంగా, సులభంగా నేరేడు గొంతులో నొప్పిని కలిగించవచ్చు. కాబట్టి సీజన్ మారుతున్న సమయంలో నేరేడు తినకూడదని సిఫార్సు చేయబడుతుంది.
  • ఉబ్బసం ఉన్నవారికి నేరేడు పళ్ళ అతి వినియోగం వలన ఊపిరి ఆడకపోవచ్చు, ఇది దీర్ఘకాలికంగా లేదా తీవ్రంగా ఉండవచ్చు.
  • కొంతమందిలో నేరేడు వినియోగం వలన కొన్ని అలెర్జీలు అభివృద్ధి చెందవచ్చు. అటువంటప్పుడు, తినడాన్ని ఆపివేసి, వెంటనే వైద్యుడిని సంప్రదించండి.
  • నేరేడులో ఉండే అనేక విటమిన్లు మరియు ఖనిజాల కారణంగా, బలహీనమైన జీర్ణవ్యవస్థ ఉన్నవారిలో కడుపు నొప్పి కలిగించవచ్చు. కాబట్టి ఈ పండు వినియోగాన్ని నియంత్రణలో   ఉంచడం మంచిది.

ప్రస్తుత జీవనశైలి మరియు దాని వేగంతో, ప్రజలు మధుమేహం, అధిక కొలెస్ట్రాల్ మరియు రక్తపోటు వంటి వివిధ వ్యాధుల బారిన పడుతున్నారు. ఒత్తిడి స్థాయిని తగ్గించడం సాధ్యం కాదు కాని సరైన ఆహారం తీసుకోవడం ద్వారా అది శరీరంపై చూపే ప్రభావాన్ని మనం నియంత్రించవచ్చు. నేరేడు పండుకున్నఅనేక ఆరోగ్య ప్రయోజనాల వలన దానిని ఒక అద్భుత ఫలంగా పరిగణించవచ్చు. కానీ మనకు తెలిసినట్లుగా, సరైన మరియు పరిమిత మొత్తంలో తీసుకోవడం వలన ఏదైనా ఎల్లప్పుడూ ప్రయోజనకరంగా ఉంటుంది. నేరేడు పళ్ళను తగినంత పరిమాణంలో అందరు తీసుకోవచ్చు. తగినంత మాత్రమే తీసుకోవడం వలన ఈ పళ్ళను పూర్తిగా ఆస్వాదించవచ్చు మరియు దుష్ప్రభావాలను కూడా నివారించవచ్చు.

Medicine NamePack SizePrice (Rs.)
Divya Madhunashini VatiDivya Madhunashini189.0
Divya Madhu Kalp VatiDivya Madhu Kalp Vati54.0
Baidyanath Madhumehari GranulesBaidyanath Madhumehri Powder144.0
Dabur Madhu RakshakDABUR MADHU RAKSHAK POWDER 250GM333.0
Baidyanath Madhumehari YogBaidyanath Madhumehari Yog(Sy)546.25
Zandu Tribangshila TabletZandu Tribangshila Tablet63.0
और पढ़ें ...

References

  1. V. M. Jadhav et al. Herbal medicine : Syzygium cumini :A Review. Journal of Pharmacy Research 2009, 2(8),1212-1219
  2. Muniappan Ayyanar, Pandurangan Subash-Babu. Syzygium cumini (L.) Skeels: A review of its phytochemical constituents and traditional uses . Asian Pac J Trop Biomed. 2012 Mar; 2(3): 240–246. PMID: 23569906
  3. United States Department of Agriculture Agricultural Research Service. Basic Report: 09145, Java-plum, (jambolan), raw. National Nutrient Database for Standard Reference Legacy Release [Internet]
  4. Lanchakon Chanudom, Jitbanjong Tangpong. Anti-Inflammation Property of Syzygium cumini (L.) Skeels on Indomethacin-Induced Acute Gastric Ulceration . Gastroenterol Res Pract. 2015; 2015: 343642. PMID: 26633969
  5. Uthayashanker Ezekiel, Rita Heuertz. Anti-Inflammatory Effect of Syzygium cumini on Chemotaxis of Human Neutrophils. International Journal of Pharmacognosy and Phytochemical Research 2015; 7(4); 714-717
  6. Amal A. Mohamed, Sami I. Ali, Farouk K. El-Baz. Antioxidant and Antibacterial Activities of Crude Extracts and Essential Oils of Syzygium cumini Leaves . PLoS One. 2013; 8(4): e60269. PMID: 23593183
  7. Ajay C. Donepudi et al. The traditional Ayuverdic medicine, Eugenia Jambolana (Jamun Fruit) decreases liver inflammation, injury, and fibrosis during cholestasis . Liver Int. 2012 Apr; 32(4): 560–573. PMID: 22212619
  8. Debjit Bhowmiket al. Traditional and Medicinal Uses of Indian Black Berry. Journal of Pharmacognosy and Phytochemistry, IC Journal No: 8192 Volume 1 Issue 5
ऐप पर पढ़ें