ஆப்பிள் சிடர் வினிகரின் நன்மைகள், பயன்கள் மற்றும் பக்க விளைவுகள் - Apple Cider Vinegar Benefits, Uses and Side Effects in Tamil

வினிகர் என்ற சொல், "புளிப்பான ஒயின்" என்ற அர்த்தத்தை உடைய, வின் ஐகர் என்ற பிரெஞ்சு வார்த்தையில் இருந்து உருவானதாகும். ஆப்பிள் சிடர் வினிகர் தயாரிப்பதற்கு, இரண்டு படிகளைக் கொண்ட ஒரு செயல்முறை பயன்படுத்தப்படுகிறது. முதலில், பிழியப்பட்ட ஆப்பிள்கள், சர்க்கரைகளை ஆல்கஹாலாக நொதிக்க வைத்து மாற்றக் கூடிய ஈஸ்ட் படும்படி வைக்கப்படுகின்றன. பிறகு, அதை மேலும் நொதிக்க வைத்து அசிட்டிக் அமில வடிவில் மாற்றுவதற்காக, அதனுடன் பாக்டீரியா சேர்க்கப்படுகிறது.வினிகரின் புளிப்பு சுவைக்கும், மற்றும் நெடி மிகுந்த மனதுக்கும் அசிட்டிக் அமிலமே காரணம் ஆகும். அசிட்டிக் அமிலம், உணவுகளில் இருந்து தாதுக்களைக் கிரகிக்கும் உங்கள் உடலின் ஆற்றலை அதிகரிக்கும் சக்தியுடையதாகும். கூடுதல் ஆய்வுகள், அசிட்டிக் அமிலம் இரத்த அழுத்தத்தைக் குறைக்கும் திறனுடையது என்று காட்டுகின்றன.

இயற்கையான, வடிகட்டப்படாத ஆப்பிள் சிடர் வினிகர், புரதங்கள், நொதிகள், மற்றும் நன்மை அளிக்கும் பாக்டீரியாக்களின் இழைகளாக உள்ள "மதர்" -ஐக் கொண்டிருக்கிறது. ஆப்பிள் சிடர் வினிகரின் கருமைக்குக் காரணம், "மதர்" ஆகும். மதரை தக்க வைத்துக் கொள்வது முக்கியமானது ஆகும். ஏனென்றால், சுத்திகரிக்கப்பட்ட ஆப்பிள் சிடர் அளிக்காத, முழுமையான ஆரோக்கிய நன்மைகளை அது அளிக்கிறது.

நுண்ணுயிர் கொல்லிகளுக்கு எதிரான திறனுடைய பாக்டீரியாக்கள், ஒரு முக்கியமான உலகளாவிய பிரச்சினையாக அதிரடியாக மாறிக் கொண்டிருக்கிறது. பல்வேறு மருந்துகளுக்கு எதிரான தடுப்பு திறனைக் கொண்ட நோய்க்கிருமிகளின் எண்ணிக்கை, தொடர்ந்து அதிகரித்துக் கொண்டே வருகிறது. ஆப்பிள் சிடர் வினிகரால், நோய்க்கிருமிகளை மற்றும் தீங்கு விளைவிக்கும் பாக்டீரியாக்களைக் கொல்வதற்கு உதவ முடியும். நவீன மருத்துவத்தின் தந்தையான ஹிப்போகிரேட்ஸ் அவர்கள், திறந்திருக்கும் காயங்களை சுத்தம் செய்யவும் மற்றும் அவற்றில் மேலும் நோய்த்தொற்று ஏற்படாமல் தடுக்கவும், வினிகரைப் பயன்படுத்தி இருப்பதாக அறியப்படுகிறது. வரலாற்றுரீதியாக 5000 வருடங்களுக்கும் மேலாக, வினிகர் தயாரிக்கப்பட்டு ஒரு வியாபாரப் பொருளாக விற்பனை செய்யப்பட்டு வருகிறது. அது, காதில் ஏற்படும் நோய்த்தொற்றுக்கள், பாலுண்ணிகள், பேன்கள் மற்றும் நகத்தில் ஏற்படும் பூஞ்சைத் தொற்றுக்களை கூட, சுத்தம் செய்வதற்கும் மற்றும் நோய்த்தொற்றை நீக்குவதற்கும் பயன்படுத்தப்பட்டு வருகிறது. வினிகர், ஒரு உணவு பதப்படுத்தியாகவும் கூடப் பயன்படுத்தப்பட்டு வருகிறது. அது, உணவில் பாக்டீரியாக்கள் வளர்வதையும், அதைக் கெடுப்பதையும் தடை செய்கிறது. ஒரு ஆய்வில், ஆப்பிள் சிடர் வினிகர், மனிதர்களுக்கு நோய்த்தொற்று ஏற்படக் காரணமான ஈ.கோலி, எஸ்.அவுரஸ் மற்றும் சி.அல்பிகன்ஸ் ஆகிய நுண்ணுயிரிகள் மீது, நேரடியான நுண்ணுயிர் எதிர்ப்பு பாதிப்புகளைக் கொண்டிருக்கிறது என்று கண்டறியப்பட்டது.

இது வரையிலான வினிகரின் மிகவும் வெற்றிகரமான பயன்பாடு, 2 ஆம் வகை நீரிழிவு நோயைக் கொண்ட நோயாளிகளிடம் காணப்பட்டு இருக்கிறது. 2 ஆம் வகை நீரிழிவு என்பது, இயல்பான அளவை விட உங்கள் இரத்த சர்க்கரை அளவுகள் அதிகரிக்கக் காரணமான ஒரு பிரச்சினை ஆகும். ஒரு ஆய்வு, மதிய உணவு அல்லது இரவு உணவுக்குப் பிறகு வினிகர் எடுத்துக் கொள்வது, இரத்த சர்க்கரை அளவைக் குறைப்பதில், ஒரு குறிப்பிடத்தக்க பாதிப்பைக் கொண்டிருக்கிறது எனக் காட்டியது. அடுத்தகட்ட ஆய்வுகளும், இரவு தூங்கும் நேரத்தில் வினிகர் எடுத்துக் கொள்வது, நீரிழிவு உள்ள நபர்களின் உணவுக்கு முந்தைய சர்க்கரை அளவை 4% அளவுக்கு குறைக்கிறது என நிரூபித்துள்ளன.

உங்கள் இரத்த சர்க்கரை அளவை முறைப்படுத்த மிகவும் பயனுள்ள முறையானது, சுத்திகரிக்கப்பட்ட கார்போஹைட்ரேட்கள் மற்றும் சர்க்கரையைத் தவிர்ப்பது ஆகும். ஆனால், ஆப்பிள் சிடர் வினிகரும் கூட, இரத்த சர்க்கரை அளவுகளைக் கட்டுப்பாட்டில் வைப்பதற்கான மிகவும் சக்திவாய்ந்த ஒரு விளைவைக் கொண்டிருக்கிறது.

(மேலும் படிக்க: நீரிழிவு அறிகுறிகள்)

ஆப்பிள் சிடர் வினிகரின் முக்கியமான உட்பொருளான அசிட்டிக் அமிலம் (AcOH), உடலில் கொழுப்பு படிமங்கள் ஏற்படுவதைக் குறைக்கின்றது என்று சமீபத்தில் கண்டறியப்பட்டு உள்ளது. உடல் பருமனைக் கொண்ட ஜப்பான் மக்களிடையே, உடலில் உள்ள கொழுப்புக்களைக் குறைப்பதற்காக வினிகர் எடுத்துக் கொள்வதால் ஏற்படும் விளைவுகளைப் பற்றி ஆராய, ஒரு ஆய்வு நடத்தப்பட்டது. அந்த ஆய்வில், ஆப்பிள் சிடர் வினிகர் எடுத்துக் கொண்ட நபர்களின் உடல் எடை, பி.எம்.ஐ, இடுப்பு சுற்றளவு, உள்ளுறுப்புகளின் கொழுப்பு பகுதி, மற்றும் ஊன் நீர் ட்ரைகிளிசரைட் அளவுகள் ஆகியவை குறைந்திருப்பதாக கண்டறியப்பட்டது. தினசரி வினிகர் எடுத்துக் கொள்வது, உடல் பருமன் ஏற்படாமல் தடுக்கவும் மற்றும் உடல் கொழுப்பைக் குறைக்கவும் கண்டிப்பாக உதவிகரமாக இருக்கும். ஆப்பிள் சிடர் வினிகர், வயிறு நிரம்பி இருப்பது போன்ற உணர்வை ஏற்படுத்தி, எடைக் குறைப்புக்கு வழிவகுக்கும் படி, அவர்கள் குறைவான அளவு சாப்பிட உதவுகிறது.

புற்றுநோய் என்பது, செல்களின் கட்டுப்பாடற்ற ஒரு வளர்ச்சியைக் கொண்டு குறிப்பிடப்படுகிற ஒரு நோய் ஆகும்.

பல்வேறு ஆய்வுகள், வினிகர் புற்றுநோய் எதிர்ப்பு பண்புகளைக் கொண்டிருக்கிறது மற்றும் புற்றுநோய் செல்களைக் கொல்கிறது மற்றும் கட்டிகளை சுருங்க செய்கிறது என்பதைக் காட்டுகின்றன. அது, மிகவும் சக்திவாய்ந்த கார்சினோஜெனிக் எதிர்ப்பு (புற்றுநோயைத் தடுக்கிற) பண்புகளைக் கொண்டிருக்கிறது. இரைப்பை புற்றுநோய் மற்றும் அநேகமாக பிற புற்றுநோய்களுக்கும் கூட சிகிச்சை அளிப்பதற்கு, அசிடிக் அமிலத்தை மேற்பூச்சாகப் பூசுவது தடவுவது ஒரு சாதகமான அணுகுமுறையாக இருக்கக் கூடும். இருந்தாலும், இது வரையில் நடத்தப்பட்டுள்ள அனைத்து ஆய்வுகளும், ஆய்வக அடிப்படையிலானவை அல்லது விலங்கு மாதிரிகளைக் கொண்டு நடத்தப்பட்டவை ஆகும். மருத்துவ ஆய்வுகள் இல்லாத காரணத்தால், ஆப்பிள் சிடர் வினிகரின், மனிதர்களுக்கு ஏற்படும் புற்றுநோய்க்கு எதிரான செயல்திறனை உறுதி செய்வது கடினமானதாக இருக்கிறது.

அமிலம் நிறைந்த நிலைகளில் பாக்டீரியா வளராது. எனவே பாக்டீரியாவின் வளர்ச்சியைக் குறைக்க, ஒரு வினிகர் வாய் கொப்பளிப்பான் உதவக் கூடும். அமிலத்தன்மை பி.எச் அளவுகளில் அளக்கப்படுகிறது. 7.0க்கும் கீழ் பி.எச் அளவுகளைக் கொண்ட சூழல்கள் அமிலத்தன்மை கொண்டதாக இருக்கின்ற வேளையில், 7.0 க்கும் அதிகமான பி.எச். அளவுகள் அடிப்படை அளவு எனவும் அறியப்படுகின்றன. பாக்டீரியாக்கள் பொதுவாக நியூட்ரோஃபைல்கள் ஆகும். அதாவது அவை, 7.0 க்கு மிகவும் நெருக்கமான ஒரு நடுநிலையான பி.எச் அளவில் நன்றாக வளர்கின்றவை ஆகும். வினிகர் இயற்கையாகவே அமிலத்தன்மை கொண்டதாக இருப்பதால், அது, பாக்டீரியாக்கள் வளர்வதற்கு பொருத்தமற்ற ஒரு சூழலாக இருக்கிறது. இது, வாய் துர்நாற்றத்தைக் குறைக்க அல்லது அதை இல்லாமல் போகுமாறு செய்ய உதவக் கூடும்.

வீட்டிலேயே ஒரு வாய்க் கொப்பளிப்பு கரைசலைத் தயாரிக்க, 1 கோப்பை நீரில், 2 மேஜைக்கரண்டி ஆப்பிள் சிடர் வினிகரைக் கலக்கவும்.

உலகில் நடைபெறும் பெரும்பாலான இளமைக்கால மரணங்கள், இதய நோய்களின் காரணமாக ஏற்படுகின்றன. பொதுவாக உடல் பருமன் போன்ற எண்ணற்ற உயிரியல் ரீதியான காரணிகள், வாழ்க்கைமுறை, மற்றும் உணவுப்பழக்கம் ஆகியவை, இதய நோய்களோடு தொடர்புபடுத்தப்படுகின்றன. வினிகர் எடுத்துக் கொள்வது, இதயநாள நோய்கள் ஏற்படும் அபாயத்தைக் குறைப்பதாக ஆய்வுகள் காட்டுகின்றன.

விலங்குகளை அடிப்படையாகக் கொண்ட ஒரு ஆய்வு, உணவுசார் அசிட்டிக் அமிலம், ஒரு கொழுப்பு சத்து நிறைந்த உணவில் உள்ள மொத்தக் கொழுப்புகளின் ஊன் நீர் அளவு, மற்றும் ட்ரைகிளிசோரல்களின் அளவு ஆகியவற்றைக் குறைக்கிறது என நிரூபித்திருக்கிறது. ஆய்வுகள் மேலும், ஆப்பிள் சிடர் வினிகர், இரத்த சர்க்கரை அளவுகளைக் குறைக்க, இன்சுலின் உணர்திறனை அதிகரிக்க, மற்றும் நீரிழிவு நோயை எதிர்த்துப் போராட உதவக் கூடியது என்றும் காட்டுகின்றன. இந்தக் காரணிகளும், இதய நோய்கள் ஏற்படும் அபாயம் குறைவதற்கு வழிவகுக்கிறது.

(மேலும் படிக்க: இதய நோய் அறிகுறிகள்\)

முகப்பரு, இளைஞர்களிடையே காணப்படும் மிகவும் பொதுவான ஒரு பிரச்சினை ஆகும். வினிகர், அதன் நுண்ணுயிர் எதிர்ப்பு மற்றும் நோய்க்கிருமி எதிர்ப்பு பண்புகளுக்காக அறியப்படுகிறது. ஆப்பிள் சிடர் வினிகர், அசிட்டிக், லாக்டிக், சுசினிக் மற்றும் சிட்ரிக் அமிலங்களைக் கொண்டிருக்கிறது. சுசினிக் அமிலம், முகப்பருவோடு தொடர்புடையதாக இருக்கின்ற ஒரு சரும பாக்டீரியாவான புரோபியோனிபாக்டீரியம் அஸென்ஸ் (பி.அஸென்ஸ்) வளர்ச்சியைத் திறம்படத் தடுக்கிறது எனறு ஆய்வு காட்டுகிறது. இந்த ஆய்வு முடிவுகளின்அடிப்படையில், உங்கள் சருமத்தின் மீது ஆப்பிள் சிடர் வினிகரைத் தடவுவது, அநேகமாக முகப்பருவை ஏற்படுத்தும் பாக்டீரியாவைக் கட்டுப்படுத்த உதவலாம்.

ஆப்பிள் சிடர் வினிகர் முடிகளுக்கு நன்மை அளிக்கக் கூடியது எனபதை நிரூபிக்கப் போதுமான ஆய்வுகள் இல்லை. பல்வேறு ஷாம்புகளின் பி.எச் அளவுகளின் மீதான ஒரு ஆய்வு, அதிக அளவு ஆல்கலைன்களைக் கொண்ட ஷாம்புகள், முடி உதிர்வு, வறட்சி, மற்றும் உடைதல் ஆகியவற்றை ஏற்படுத்தி, முடியின் வேர்க்கால்கள் சேதமடையக் காரணமாகின்றன என நிரூபித்து இருக்கின்றது. அந்த ஆய்வு, பெரும்பாலான ஷாம்புகள், ஆல்கலைனைக் கொண்டிருக்கின்றன என வாதிட்டது. மற்றொரு புறம் பார்க்கையில், ஆப்பிள் சிடர் வினிகர், பி.எச் அளவுகளைப் பராமரிக்க உதவி செய்து, அதன் மூலம் முடிகளைப் பாதுகாக்கிறது. அது, அமிலத்தன்மையை அதிகரிப்பது மற்றும் பி.எச் அளவுகளைக் குறைப்பதன் மூலம் முடிகளுக்கு பளபளப்பு, மென்மை மற்றும் வலிமையை வழங்கக் கூடியதாகும். ஆப்பிள் சிடர் வினிகர், நோய்க்கிருமி எதிர்ப்புப் பண்புகளையும் கூடக் கொண்டிருக்கிறது. அது உச்சந்தலையை பாக்டீரியா மற்றும் பூஞ்சைகளிடம் இருந்து பாதுகாத்து, அதன் மூலம் அரிப்பு ஏற்படாமல் தடுக்கிறது. ஆப்பிள் சிடர் வினிகர், பொடுகு அல்லது உச்சந்தலை வறண்டு போவதைத் தடுக்கக் கூடியது என்பதை நிரூபிக்கப் போதுமான ஆய்வுகள் இல்லை.

ஆப்பிள் சிடர் வினிகர், அதன் மூல வடிவத்தில், ஒரு அருமையான செரிமான மருந்து ஆகும். அது, உணவுகளை அதன் மூலக்கூறுகள் அளவில் நொறுக்கி, அதனை எளிதாக செரிமானம் செய்ய உதவுகின்ற, உயிருள்ள நொதிகளை செறிவான அளவில் கொண்டிருக்கிறது. ஆப்பிள் சிடர் வினிகரின் முக்கியமான உட்பொருள், செரிமானம் திறம்பட நடைபெற முதல் படியை அளிக்கின்ற அசிட்டிக் அமிலம் ஆகும். அந்த செரிமான திரவங்கள் சுரக்க உதவுவது, செரிமான நடைமுறையின் மற்ற செயல்பாடுகளுக்கு உதவுகிறது. அசிட்டிக் அமிலம், நாம் உண்ணும் உணவில் இருந்து, முடிந்த வரை தாதுக்களைக் கிரகிக்க உதவுவதாகக் கண்டறியப்பட்டு இருக்கிறது.