வெல்லம் நன்மைகள், பயன்கள் மற்றும் பக்க விளைவுகள் - Jaggery Benefits, Uses And Side Effects in Tamil

உடலில் இரத்தத்தில் உள்ள ஹீமோகுளோபின் அளவு மிகக் குறைவாக இருக்கும் நிலை அனீமியா அல்லது ரத்த சோகை என அழைக்கப்படுகிறது. இதன் விளைவாக, ஆக்ஸிஜன் ஒழுங்காக திசுக்களுக்கு எடுத்திச் செல்லபடுவது இல்லை. இதனால் மன அழுத்தம் மற்றும் சோர்வு போன்ற பல்வேறு சிக்கல்கள் ஏற்படக் கூடும். வெல்லம் இரும்புச் சத்து நிறைந்ததாக இருக்கிறது. இதனால் இரத்த சோகையை அது தடுக்க உதவுகிறது என்று ஆராய்ச்சி காட்டுகிறது.

இரும்புச் சத்து குறைபாட்டினால் பாதிக்கபட்ட அனீமியா நோயாளிகளாக இருக்கும் இளம் பருவ பெண்களைக் கொண்டு வெல்லம் மற்றும் இன்னும் சில இயற்கை மூலப்பொருட்களுடன் சேர்த்து செய்யப்பட்ட  மூலிகை சாறின் விளைவுகளையும் தீர்மானிக்க ஒரு ஆய்வு மேற்கொள்ளப்பட்டது. வெல்லம் சாப்பிடுவது உடலில் உள்ள ஹீமோகுளோபின் அளவை அதிகரிக்க உதவுகிறது, இதனால்  இரத்த சோகை தடுக்கப்படுகிறது என்று அந்த ஆய்வு உறுதி செய்தது.

உடலில் ஆக்ஸிஜன், ஊட்டச்சத்துக்கள் மற்றும் பிற ஹார்மோன்களைச் சுமந்து செல்வதற்கு இரத்தமே பொறுப்பு. அதே போல நமது இரத்தம் கழிவுப்பொருட்களை உடலில் இருந்து வெளியேற்றவும் பொறுப்பேற்கிறது, ஆனால் வாழ்க்கை மற்றும் உணவுத் தேர்வு போன்ற காரணிகள் இரத்தத்தில் உள்ள நச்சுகளின் அளவு அதிகரிக்க வழிவகுக்கலாம். அதிகப்படியான நச்சுகள் சாதாரண உடல் செயல்பாட்டை மோசமாக மாற்றும். கல்லீரலும் சிறுநீரகமும் உடலில் இருந்து கழிவுகள் அகற்றப்படுவதற்கு முக்கிய காரணமாக உள்ளது, இதனால் இரத்தம் சுத்தப்படுத்தப்படுகிறது. ஆனால் ரத்தத்தை இயற்கையாகவே சுத்தமாக வைத்திருக்கும் சில உணவுகள் உட்பட சில உணவு மாற்றங்களை நமது உணவுப் பழக்கத்தில் செய்யலாம்.

இரத்தத்தை சுத்திகரிப்பு செய்யும் திறனைக் கொண்டிருக்கும் ஒரு பொருளாக வெல்லம் இருக்கிறது என்று ஆராய்ச்சி காட்டுகிறது. அளவான வெல்லத்தின் வழக்கமான நுகர்வு உடலில் இருந்து தீங்கு விளைவிக்கும் நச்சுகளை அகற்ற உதவும். பண்டைய மருத்துவ நூல்  சுஷ்ரதா சமிதா கூட வெல்லத்தின் இரத்த சுத்திகரிப்பு திறனை பற்றி குறிப்பிடுகிறது. இரத்தம் சுத்திகரிக்கப்படுவதால் கல்லீரல் மற்றும் சிறுநீரகம் ஆகியவற்றை ஆரோக்கியமானதாக மாறுகிறது, இது வெல்லத்தை நச்சு நீக்கும் நன்மைகளின் பயனில் சேர்க்கிறது.

இரும்பு, பொட்டாசியம், சோடியம், மெக்னீசியம் போன்ற கனிமங்கள் வெல்லத்தில் உள்ளது. இதில் கால்சியம், துத்தநாகம் மற்றும் பாஸ்பரஸ் அதிக அளவில் அடங்கி இருக்கிறது. வெல்லம் பதப்படுத்தப்படாததால், அதில் அனைத்து கனிமங்களும், வைட்டமின்களும் அப்படியே உள்ளன, இதனால் வெள்ளை சர்க்கரைக்கு ஒரு ஆரோக்கியமான மாற்று வெல்லம் ஆகும். அனைத்து முக்கிய வைட்டமின்கள் மற்றும் தாதுக்கள் நிறைந்திருப்பதால் வெல்லம் ஊட்டச்சத்து குறைபாடுள்ள குழந்தைகள் மற்றும் பெரியவர்களுக்கு இனிப்பு பயன்பாட்டிற்கான ஒரு சிறந்த தேர்வாக இருக்கிறது.

நுரையீரல் தொடர்ந்து தீங்கு விளைவிக்கும் தூசி துகள்கள் மற்றும் மாசுபாடுகளுக்கு ஆட்படுத்தப்படுகிறது. நம் நுரையீரல்கள் இந்த தூசி துகள்களைத் தானாக அகற்றுவதற்கு பாதுகாப்புக் கருவிகளைக் கொண்டிருப்பினும், தூசிக்கு நீண்டகாலமாக ஆட்படுத்தப்படுவதால் நுரையீரல் நோய்களுக்கு வழிவகுக்கும். கட்டுமானப் பணியாளர்கள், சுரங்க தொழிலாளர்கள் மற்றும் சில இரசாயன தொழில்களில் பணியாற்றும் மக்கள் போன்ற மாசுபட்ட சுற்றுச்சூழல்களில் வேலை செய்யும் மக்களில் நுரையீரல் நோய்கள் பொதுவாகக் காணப்படுகிறது. முன் மருத்துவ ஆராய்ச்சிகள் நுரையீரலில் இருந்து தூசி துகள்களை அகற்றுவதில் வெல்லத்தின் ஆற்றலைப் பரிந்துரைக்கின்றன. நிலக்கரி மண்ணால் ஏற்பட்ட நுரையீரல் காயங்களைக் குறைப்பதில் வெல்லம் பயனுள்ளதாக இருப்பதாக இந்த ஆய்வு தெரிவிக்கிறது.

மற்றொரு ஆய்வில், வெல்லத்தில் உள்ள நுட்பமான ஊட்டசத்துக்கள் புற்றுநோய் எதிர்ப்பு பண்புகளைக் கொண்டிருப்பதாகவும், இதன் விளைவாக நுரையீரல் புற்றுநோய் ஏற்படாமல் பாதுகாக்கப்படுவதாகவும் காட்டபட்டது.

இலவச ராடிகல்களால் ஏற்படும் தீங்கு விளைவிக்கும் விளைவுகளுக்கு எதிராக உடலால் எதிர்த்து போரிட இயலாத போது (எதிர்வினை ஆக்ஸிஜன் இனங்கள்) நச்சுத்தன்மை அழுத்தம் ஏற்படலாம். புற்றுநோய், கீல்வாதம் மற்றும் இதய நோய்கள் போன்ற நோய்களில் இது ஒரு ஆபத்தான காரணியாக இருக்கலாம். இந்த தீங்கு விளைவிக்கும் இலவச ராடிகல்களை செயல்படாமல் தடுக்க ஆக்ஸிஜனேற்றிகள் பொறுப்பேற்றுக் கொள்கின்றன, இதனால் இலவச ராடிகல்களால் நோய்கள் ஏற்படாமல் தடுக்கப்படுகிறது. ஆராய்ச்சியின் படி, வெல்லத்தில் மெக்னீசியம் நிறைந்திருக்கிறது, மேலும் இது செலினியமுடன் சேரும் போது இலவச ரடிகல்களால் ஏற்படும் சேதத்தைத் தடுக்க உதவுகிறது, இதன்மூலம் பல்வேறு நோய்களுக்கு எதிராக உங்கள் உடலின் நோய் எதிர்ப்பு சக்தி அதிகரிக்கிறது. மற்றொரு ஆய்வு, வெல்லத்தில் உள்ள அத்தியாவசிய பினோலிக் அமிலங்கள், ஆக்ஸிஜனேற்ற சேதத்திற்கு எதிராக 97% பாதுகாப்பு வழங்கியதைக் காட்டியது.

(மேலும் வாசிக்க: ஆக்சிஜனேற்றிகள் அதிகம் உள்ள உணவுகள்)

வெல்லத்தை தொடர்ந்து சாப்பிடுவது உங்களை புத்திசாலியாக்கும் உங்களுக்கு தெரியுமா?

நரம்பு மண்டலம் ஒரு குழுவான நரம்புகள் மற்றும் செல்களால் ஆனது, அது மூளை, தண்டு வடம் மற்றும் உடலின் பல்வேறு பகுதிகளுக்கு செய்திகளை அனுப்புவதிலும் அந்த பகுதிகளில் இருந்து வரும் சமிக்கைகளை மூளை பெற்றுக்கொள்ளவும் உதவுகிறது. நரம்பு மண்டலத்தில் ஏதாவது சமநிலை மாற்றம் அல்லது சேதம் ஏற்பட்டால் வலிப்பு, நினைவக இழப்பு, அல்சீமர் நோய் போன்ற பல்வேறு நரம்பியல் கோளாறுகள் ஏற்படலாம்.

வெல்லம் என்பது மாங்கனீசுக்கு நல்ல ஆதாரமாக உள்ளது, இது மத்திய நரம்பு மண்டலத்தின் சரியான செயல்பாட்டிற்கு அவசியமான மிக முக்கியமான கனிமமாகும். மூளையில் நரம்பியக்கடத்திகளின் செயல்பாட்டை மாங்கனீசு ஒழுங்குபடுத்துகிறது. இதனால் உணர்வுசார் சமிக்ஞைகள் உடலின் வழியாக விரைவாக மூளைக்கு செல்கின்றன என்பது உறுதிப்படுத்தப்படுகிறது என்று ஆராய்ச்சியாளர்கள் தெரிவிக்கின்றனர்.

மக்னீசியம் நரம்பியல் பாதுகாப்பு பண்புகளை வெளிப்படுத்துகிறது, மேலும் அது நரம்பு மண்டலத்தை பலப்படுத்துகிறது.

ஆஸ்துமா என்பது நுரையீரலின் காற்று பாதைகளில் அலற்சி மற்றும் மூச்சு விடுவதில் சிரமம் ஆகிய பிரச்சனைகளை ஏற்படுத்தும் ஒரு நீண்ட கால வியாதி ஆகும். ஆஸ்துமா எல்லா வயதினருக்கும் மிகவும் பொதுவானது. வெல்லம் சுத்தப்படுத்தும் மற்றும் ஆஸ்துமா எதிர்ப்பு பண்புகளை கொண்டுள்ளதால், நுரையீரல் மற்றும் நாசி சைனஸை சுத்தப்படுத்துகிறது. இதனால் மூச்சுத் திணறல், இருமல் மற்றும் ஜலதோஷம் போன்ற ஆஸ்துமாவின் அறிகுறிகளைக் குறைக்கிறது என்று ஆராய்ச்சி கூறுகிறது. இது குறிப்பாக தூசி மற்றும் பிற மாசுபடுதல்களால் ஒவ்வாமை கொண்டவர்களுக்கு உதவியாக இருக்கும். பல ஆயுர்வேத மருந்துகள் மற்றும் டானிக்குகளில், அதன் ஒவ்வாமை எதிர்ப்பு பண்புகளின் காரணமாக வெல்லம் ஒரு முக்கிய பொருளாக சேர்க்கப்படுகிறது.

பெரும்பாலான பெண்கள் மாதவிடாய் காலத்தில் பல்வேறு அறிகுறிகளை அனுபவிக்கின்றனர். இவை வயிறு உப்புசம், வயிற்றுப் பிடிப்புகள் (மாதவிடாய் கால வயிற்று வலி), மனநிலை நிலையின்மை, தலைவலி மற்றும் தசைப்பிடிப்பு. இந்த பிரச்சனைகளுக்கு வெல்லம் ஒரு வீட்டு வைத்தியமாக பயன்படுத்தப்படுகிறது. ஆய்வுகளின் படி, மாதவிடாயின் போது வெல்லம் சாப்பிடுவதால் தடையற்ற இரத்த ஓட்டம் கிடைக்கிறது. வெல்லத்தில் இரும்பு சத்து நிறைந்திருப்பதால், பெண்களுக்கு அவர்களது மாதவிடாய் காலங்களில் இரத்த சோகை ஏற்படுவதை தடுக்கலாம்.

இன்றைய உலகில் எல்லோரும் எடை இழப்புக்கு விரைவான மற்றும் எளிதான தீர்வை தேடுகிறார்கள். வெல்லத்தில் அதிக சர்க்கரையின் உள்ளடக்கம் இருந்தாலும், அது எடை இழக்க உதவுகிறது என்று தெரிந்து கொள்ள உங்களுக்கு ஆச்சரியமாக இருக்கலாம். 

சர்க்கரை மற்றும் வெல்லம் இரண்டும் ஒரே அளவு கலோரிகளையே கொண்டுள்ளன. ஆனால் இரண்டிற்கும் இடையே உள்ள வேறுபாடு என்னவென்றால், சர்க்கரை வெற்று கலோரிகளைக் கொண்டுள்ளது, ஆனால் வெல்லம் பல கனிமங்களையும், வைட்டமின்களையும் உடலுக்கு சாதகமாக பயன்படுத்துகிறது. வெல்லம் எடையை குறைக்க உதவுகிறது என்று ஆராய்ச்சி காட்டுகிறது. வெல்லத்தில் பொட்டாசியம் நிறைந்திருக்கிறது. அது உடலில் சோடியம் அளவுகளை சமநிலைப்படுத்துவதன் மூலமும் உடலில் நீர் வற்றிப்போகாமல் தக்க வைத்துக் கொள்கிறது. இதனால் அடிக்கடி சிறுநீர் வெளியேற்றம் தூண்டப்படுகிறது. வளர் சிதை மாற்றம் என்பது நாம் உண்ணும் உணவில் உள்ள கலோரிகளை நம் உடல் எவ்வளவு வேகமாக எரிக்கிறது என்பதே ஆகும். அந்த கூடுதல் கலோரிகளை பற்றி சிந்திக்க விரும்பும் மக்களுக்கு இது ஒரு முக்கிய காரணியாகும். வெல்லம் சாப்பிடுவது, நம் வளர் சிதை மாற்றத்தை அதிகரிக்க உதவுகிறது. இது எடை இழப்புக்கு வழிவகுக்கும் என்று ஆராய்ச்சி கூறுகிறது.

(மேலும் வாசிக்க: உடல் பருமன் சிகிச்சை)