உயிர் வளியேற்ற எதிர்ப்பொருட்கள்: உணவு ஆதாரங்கள், நன்மைகள் மற்றும் பக்க விளைவுகள் - Antioxidants Food sources, Benefits and Side effects in Tamil

சருமத்தின் மீதான உயிர் வளியேற்ற எதிர்ப்பொருட்களின் நன்மைகள் மகத்தானவை ஆகும். அவை சருமத்தில் ஏற்படும் வரிகள், சுருக்கங்கள், மற்றும் பிற முதுமைக்கான அறிகுறிகளைக் குறைக்க, மற்றும் தாமதப்படுத்த உதவுகின்றன. உயிர் வளியேற்ற எதிர்ப்பொருட்களின் இந்த விளைவுகளை உருவாகும் செயல்முறையைத் தீர்மானிக்க, பல்வேறு ஆய்வுகள் மேற்கொள்ளப்பட்டு இருக்கின்றன. அந்த ஆய்வுகளில், ஊட்டச்சத்து மிக்க உயிர் வளியேற்ற எதிர்ப்பொருட்கள், குறிப்பாக வைட்டமின் E, வைட்டமின் C மற்றும் கெரோட்டினாய்டுகள் ஆகியவை, சருமம் முதுமை அடைவதைத் தாமதப்படுத்துவதில் மிகவும் பயனுள்ளதாக இருப்பதையும், மற்றும் ஒரு ஒளிப்பதுகாப்பு விளைவைக் (யு.வி. கதிர்களில் இருந்து பாதுகாக்கிறது) கொண்டிருக்கின்றன என்பதும் கண்டறியப்பட்டு இருக்கின்றன.

வைட்டமின் E ஒரு அழற்சி எதிர்ப்பு விளைவைக் கொண்டிருப்பதால், தோல் எரிச்சலைக் குறைப்பதற்காகப் பயன்படுத்தக் கூடியது ஆகும். அது சருமத்துக்கு இதமளிக்கும் விளைவுகளைக் கொண்டிருக்கிறது மற்றும் அது கொலாஜென் உற்பத்தியை அதிகரிக்கவும் கூடியது ஆகும். கொலாஜென் என்பது சருமத்தின் நெகிழ்தன்மையை அதிகரிக்க உதவுகின்ற மற்றும் காயம் ஏற்பட்டதை சரி செய்யும், மற்றும் குணமாக்கும் செயல்முறைகளோடு தொடர்புடைய, முக்கியமான அமைப்புரீதியான புரதம் ஆகும். உயிர் வளியேற்ற எதிர்ப்பொருள் உணவுகள், சரும ஆரோக்கியத்தை மிகவும் சிறப்பாக மேம்படுத்துகின்றன. எனவே, அவை நமது உணவுமுறையில் ஒரு முக்கியப் பகுதியாக இடம் பெற வேண்டும். 

வைட்டமின் C மற்றும் வைட்டமின் E ஆகிய இரண்டும் தனித்தனியாக அளிக்கும் விளைவுகளை விட, ஒன்றாக இணைந்து அளிக்கும் விளைவுகள் மிகவும் திறன்வாய்ந்ததாக இருக்கின்றன என ஆய்வுகள் மூலம் கண்டறியப்பட்டு இருக்கிறது. அதனால் தான் இரண்டும் இணைந்த கலவையைக் கொண்ட சருமக் களிம்பு பரிந்துரைக்கப்படுகிறது.

(மேலும் படிக்க: முகப்பரு சிகிச்சை)

முடியானது தினசரி அடிப்படையில், சூரியனில் இருந்து வெளிப்படும் புற ஊதாக் கதிர்கள், சுற்றுசூழல் மாசுக்கள், வேதிப்பொருட்கள் மற்றும் புகை போன்ற பல்வேறு வகையான சேதப்படுத்தும் காரணிகளால் பாதிக்கப்படுகின்றது. யு.வி.-ஏ சூரியக் கதிர்கள் உள்மூலக்கூறு சேதாரக் கூறுகளை அதிகரிக்கின்றன, மற்றும் யு.வி.-பி சூரியக் கதிர்கள் முடியில் உள்ள மெலனின் உட்பொருளைக் குறைக்கின்றன. மெலனின் என்பது முடிகள் மற்றும் சருமத்தின் நிறத்துக்குப் பொறுப்பான நிறமி ஆகும். இந்த இரண்டு விளைவுகளும் சேர்ந்து முடி நரைப்பதற்குக் காரணமாகின்றன.

பல்வேறு ஆய்வுகளின் மூலம், உயிர் வளியேற்ற எதிர்ப்பொருட்கள், சூரியனில் இருந்து வெளிப்படும் புற ஊதாக் கதிர்களினால் ஏற்படும் சேதத்தையும், மற்றும் முடி நரைத்தல் அல்லது முடி உதிர்வு போன்ற முதுமை தொடர்பான மாற்றங்களையும், குறைக்க உதவுகின்றன என்பது கண்டறியப்பட்டு இருக்கிறது. மேலும் அவை, முடிகளின் பொலிவையும் மற்றும் தோற்றத்தையும் மேம்படுத்துவதாகவும் கண்டறியப்பட்டு இருக்கிறது. அதனால், உங்கள் உணவு முறையில் உயிர் வளியேற்ற எதிர்ப்பொருள் நிறைந்த உணவுகளை சேர்த்துக் கொள்வது, பல்வேறு வழிகளில் நன்மை அளிக்கக் கூடியதாக இருப்பது நிரூபணமாகிறது. 

முதுமை தொடர்பான கருவிழி சிதைவு என்பது உலகம் முழுதும் ஏற்படும் பார்வை இழப்புக்கான முக்கியமான ஒரு காரணமாக இருக்கிறது. வைட்டமின் ஏ பற்றாக்குறையானது, முதுமை தொடர்பான கருவிழி சிதைவு (ஏ.எம்.டி) ஏற்படும் அபாயத்தை அதிகரிப்பதாக அறியப்படுகிறது. உயிர் வளியேற்ற எதிர்ப்பொருட்களை வைட்டமின்கள் மற்றும் தாதுக்களுடன் அதிக அளவில் எடுத்துக் கொள்வது, ஏ.எம்.டி ஏற்படுவதையும், அதன் காரணமாக ஏற்படும் பார்வை இழப்பையும் தடுக்கக் கூடியது என்று ஆய்வுகள் தெரிவிக்கின்றன.

உயிர் வளியேற்ற எதிர்ப்பொருட்கள், ஏ.எம்.டி ஏற்படும் அபாயத்தை 25% அளவுக்குக் குறைப்பதாகக் கண்டறியப்பட்டு இருக்கிறது. இந்த அபாயத்தினைத் தவிர்க்க, ஒவ்வொரு நாள் உணவு முறையிலும் ஐந்து முறை பழங்கள் மற்றும் காய்கறிகளையும், மற்றும் இரண்டு முறை பருப்புகள் மற்றும் விதைகளையும் எடுத்துக் கொள்வது பரிந்துரைக்கப்படுகிறது. மேலும் இது, முதியவர்கள் மத்தியில் ஏற்படுகின்ற பார்வை இழப்புக்கு மற்றொரு காரணியான கண்புரை ஏற்படும் அபாயத்தைக் குறைக்கவும் உதவுகிறது.

உள்மூலக்கூறு சேதாரக் கூறுகளும் உடலின் ஒரு முக்கிய உறுப்பான மூளையைப் பாதிக்கின்றன. வயது அதிகரிக்கின்ற போது உடலில் உள்ள உள்மூலைக்கூறு சேதாரக் கூறுகளின் சதவிகிதமும் படிப்படியாக அதிகரிக்கின்ற காரணத்தால், மனித உடலின் பாதுகாப்பு அமைப்புகள் செயலிழக்கின்றன. இந்த சேதாரக் கூறுகள் மூளையுடன் தீவிரமாக எதிர்வினை புரிந்து, நினைவாற்றல் மற்றும் அறிவாற்றல் உட்பட, அதன் செயல்பாடுகளை பாதிக்கின்றன.

உயிர் வளியேற்ற நச்சுத்தன்மையை அதிகரிக்கக் கூடிய, உயிர் வளியேற்ற எதிர்ப்பு உணவுகளின் ஊட்டச்சத்து பற்றாக்குறை, குறிப்பாக வைட்டமின் E -யில் ஏற்படும் பற்றாக்குறை, முதுமை அடைந்த நபர்களுக்கு ஏற்படும் ஞாபக மறதி பிரச்சினையுடன் தொடர்புடையதாகக் கண்டறியப்பட்டு உள்ளது. உயிர் வளியேற்ற எதிர்ப்பொருட்கள், இந்த எதிர்வினை வளியேற்ற இனங்களுக்கு எதிரான விளைவுகளைக் கொண்டிருப்பதாகவும், மற்றும் மூளையின் மீது அவை ஏற்படுத்திய சேதார பாதிப்புகளை மறு சீரமைக்கக் கூடியவை எனவும் அறியப்படுகின்றன. இது, முதுமை அடைந்த நபர்களுக்கு ஏற்படும் ஞாபக மறதி பிரச்சினையைக் குறைக்க அல்லது தடுக்க உதவலாம்.

குறிப்பிட்ட உயிர் வளியேற்ற எதிர்ப்பொருட்கள், அல்சைமர் நோய் ஏற்படக் காரணமான மூலக்கூறான பீட்டா-அமிலாய்டு அளவுகளையும் கூடக் குறைப்பதாக அறியப்படுகிறது. எனவே, உயிர் வளியேற்ற எதிர்ப்புப்பொருட்கள் நிறைந்த உணவுகள் எடுத்துக் கொள்ளும் அளவை, குறிப்பாக முதுமை அடையும் பருவங்களில் அதிகரிப்பது அறிவுறுத்தப்படுகிறது.

உயிர் வளியேற்ற நச்சுத்தன்மையானது, தமனித் தடிப்பு மற்றும் பிற இதயநாளக் கோளாறுகளுக்கான ஒரு முக்கியமான காரணமாக இருக்கிறது. உயிர் வளியேற்ற எதிர்[ப்பொருட்கள் நிறைந்த உணவுகளைப் போதுமான அளவில் எடுத்துக் கொள்ளாமல் இருப்பது, இதயத்துக்கு சேதாரத்தை ஏற்படுத்துகின்ற இந்த நச்சுத்தன்மை ஏற்பட ஒரு காரணமாக உள்ளது என்பது கண்டறியப்பட்டு உள்ளது. வைட்டமின் E மற்றும் வைட்டமின் C ஆகியவற்றை போதுமான அளவு எடுத்துக் கொள்வது இதய இரத்தக்குழாய் நோய் ஏற்படாமல் தடுக்கிறது எனக் கண்டறியப்பட்டு உள்ளது. இருப்பினும், இந்தக் கண்டுபிடிப்புகளுக்கு ஆதரவு அளிக்க அடுத்த கட்ட விரிவான ஆய்வுகள் தேவைப்படுகின்றன. 

உள்மூலக்கூறு சேதாரக் கூறுகள், செல்கள் மட்டத்தில் சேதாரத்தை, மற்றும் டி.என்.ஏ மாற்றங்களைக் கூட ஏற்படுத்தக் கூடிய திறனைக் கொண்டிருக்கின்றன. உடலில் உள்ள உயிர் வளியேற்ற எதிர்ப்பொருள் நொதிகள், உள்மூலக்கூறு சேதாரக் கூறுகளினால் ஏற்படுகின்ற அதிகப்படியான சேதத்தை எதிர்த்துப் போராடுகின்ற வேளையில், முதியவர்களின் உடலில் உள்ள உள்மூலக்கூறு சேதாரக் கூறுகளின் அளவானது அதிகமாக இருப்பது கண்டறியப்பட்டு உள்ளது. 

இது, வயது அதிகரிப்பதன் காரணமாக பாதுகாப்பு நொதிகள் மற்றும் பாதுகாப்பு அமைப்பில் ஏற்படுகின்ற குறைவின் காரணமாக ஏற்படுகிறது. இந்த செயல்முறையை எதிர்த்துப் போராட, உணவு முறையில் உயிர் வளியேற்ற எதிர்ப்பொருட்களை எடுத்துக் கொள்ளும் அளவினை அதிகரிக்குமாறு பரிந்துரைக்கப்படுகிறது. அது, சுருக்கங்கள் போன்ற முதுமை தொடர்பான, பார்வையில் தெரியக்கூடிய பாதிப்புகளின் மீது ஒரு சாதகமான விளைவை வெளிப்படுத்தக் கூடும்.

உயிர் வளியேற்ற எதிர்ப்பொருட்கள், உள்மூலக்கூறு சேதாரக் கூறுகளினால் ஏற்படும் உயிர் வளியேற்ற நச்சுத்தன்மையைக் குரைக்கின்றன. உள்மூலக்கூறு சேதாரக் கூறுகள் போன்ற எதிர்வினை உயிர் வளியேற்ற இனங்கள், தோல் புற்றுநோய், சிறுநீர்ப்பை புற்றுநோய், மூளைக் கட்டி, கல்லீரல் புற்றுநோய், வாய் புற்றுநோய் மற்றும் இரத்தப் புற்றுநோய் போன்ற பல்வேறு வகை புற்றுநோய்களோடு தொடர்புடைய உயிர் வளியேற்ற நச்சுத்தன்மை ஏற்படக் காரணமாகின்றன. இந்த புற்றுநோய்களின் ஒவ்வொரு வகையும் ஏற்படும் சாத்தியக்கூறுகள் மாறுபட்டவை ஆகும். இருப்பினும், உயிர் வளியேற்ற நச்சுத்தன்மையானது, ஒரு சாதாரணமான செல்லை ஒரு புற்றுநோய் செல்லாக மாற்றும் நடைமுறையுடன் தொடர்புடையதாகவே தோன்றுகிறது. 

உயிர் வளியேற்ற எதிர்ப்பொருட்கள், எதிர்வினை உயிர் வளியேற்ற இனங்களின் அளவுகளைக் குறைக்கின்ற காரணத்தினால், அவை புற்றுநோய் ஏற்படும் அபாயத்தைக் குறைப்பதில் ஒரு பங்கு வகிக்கின்றன. வைட்டமின் C மற்றும் வைட்டமின் E போன்ற உயிர் வளியேற்ற எதிர்ப்பொருள் வைட்டமின்களின் புற்றுநோய் தடுப்பு விளைவுகள், ஆய்வு சான்றுகளின் மூலம் நிரூபிக்கப்பட்டு இருக்கின்றன. இருப்பினும், கலவையான முடிவுகள் பெறப்பட்டு இருக்கின்றன மற்றும் ஒரு தீர்க்கமான முடிவு நிறுவப்பட முடியவில்லை. இருந்த போதிலும், புத்தம் புதிய பழங்கள் மற்றும் காய்கறிகள் பொதுவாகவே புற்று நோய் தடுப்பு பண்புகளைக் கொண்டிருப்பதால், அவற்றை உங்கள் உணவுமுறையில் அதிக அளவில் சேர்த்துக் கொள்வது ஒரு நல்ல யோசனை ஆகும்.

உடல் பருமன், இந்திய மக்கள் தொகையில் 5% அளவு மக்களைப் பாதித்திருக்கின்ற ஒரு மிகப் பெரிய பிரச்சினை ஆகும். உடல் பருமன் ஏற்படுத்தும் முக்கியமான அபாய காரணிகளாக ஆரோக்கியமற்ற உணவுமுறை, மற்றும் உடல் உழைப்பு இன்மை ஆகியவை உள்ளன. உடல் பருமன் ஒரு பெரிய பிரச்சினையாக இருக்கின்ற அதே வேளையில், அதுவே பல்வேறு இதயநாளக் கோளாறுகள், மற்றும் நீரிழிவு நோயை ஏற்படுத்தும், ஒரு நன்கு அறியப்பட்ட அபாய காரணியாகவும் இருக்கிறது.

வைட்டமின் C செறிவான உணவுகளைப் போன்ற குறிப்பிட்ட சில உயிர் வளியேற்ற எதிர்ப்பொருள் உணவுகள், கொழுப்புகளை வளர்சிதை மாற்றம் செய்யும் செயல்முறையில் உதவுகின்ற காரணத்தினால், அவை உடல் எடைப் பராமரிப்பில் திறன்மிக்கதாக இருப்பதாகக் கண்டறியப்பட்டு உள்ளது. மேலும் இந்த உணவுகள், உடல் எடைக் குறைப்பு செயல்முறையின் வேகத்தை அதிகரிக்கின்ற வகையில் வளர்சிதை மாற்ற செயல்முறையை மேம்படுத்தவும் உதவுகின்றன.

வைட்டமின் C செறிவான உணவுகள் தவிர, வைட்டமின் E, பசுமைத் தேநீர், இலவங்கப்பட்டை போன்ற மற்ற பல்வேறு உயிர் வளியேற்ற எதிர்ப்பொருட்களின் பங்களிப்பும், உடல் எடைக் குறைப்பில் திறன்மிக்கதாக உள்ளன. ஒரு சீரான உணவு மற்றும் போதுமான அளவில் உடல் செயல்பாடுகளுடன் உங்கள் உணவுமுறையில் இந்த உணவுகளை சேர்த்துக் கொள்வது, விரும்பிய எடைக் குறைப்பு இலக்குகளை அடைய உதவக் கூடியதாக இருக்கலாம்.

(மேலும் படிக்க: எடைக்குறைப்பு உணவுமுறை விளக்கப்படம்)