myUpchar प्लस+ के साथ पूरेे परिवार के हेल्थ खर्च पर भारी बचत

வைட்டமின் ஏ கொழுப்பை-கரையக்கூடிய வைட்டமின், இது சில உணவு பொருட்களில் இயல்பாகவே உள்ளது. இது புரோவைட்டமின் ஏ-வில் இருந்து பெறப்பட்டுகிறது மற்றும் பார்வை சுகாதார (கண்பார்வை) நலனுக்கு இது மிகவும் இன்றியமையாததாக உள்ளது. 

வைட்டமின் ஏ ரெட்டினோல் என்றும் அழைக்கப்படுகிறது, ஏனெனில் இது கண்களில் விழித்திரை உருவாவதற்கு காரணமான நிறமியை உற்பத்தி செய்வதற்கு உதவுகிறது. வைட்டமின் ஏ குறைபாடு தான் உலகளவில் பார்வை இன்மைக்கு மிகவும் பொதுவான காரணியாக இருக்கிறது என்று தெரிந்து கொள்ளும்போது உங்களுக்கு ஆச்சரியமாக இருக்கலாம்.

வைட்டமின் ஏ ஒரு சக்திவாய்ந்த ஆக்ஸிஜனேற்றி ஆகும், இது இலவச ராடிகல்களின் தீங்கு விளைவிக்கும் விளைவுகளிலிருந்து உங்களைப் பாதுகாக்கும். இது உங்கள் உடலின் சரியான வளர்ச்சி மற்றும் உருவாக்கத்தில் முக்கிய பங்கைக் கொண்டதாகக் கருதப்படுகிறது, இதனால் பச்சிளம் குழந்தைகளிலும் சிறார்களிலும் இது மிகவும் அவசியமாக உள்ளது.

இது உங்கள் தோல், திசுக்கள், சளி சவ்வுகள், எலும்புகள் மற்றும் பற்கள் ஆகியவற்றை பராமரிப்பதில் உதவுகிறது, மேலும் பல செல்லுலார் செயல்பாடுகளை பராமரிப்பது முக்கியமான ஒன்றாக உள்ளது. வைட்டமின் ஏ நோயெதிர்ப்பு மண்டலத்தின் செயல்பாட்டை மேம்படுத்துவதில் முக்கிய பங்கைக் கொண்டுள்ளது, இது தொற்றுநோய்களுக்கு எதிராக போராட உங்களுக்கு உதவுகிறது.

இந்த கட்டுரை பல்வேறு வயதினர்களுக்கான வைட்டமின் ஏ இன் முக்கிய செயல்பாடுகளை விவாதிக்கிறது. தினசரி வழ்க்கையில் இதன் தேவைப்பாடு, உணவு ஆதாரங்கள் மற்றும் வைட்டமின் ஏ-வின் கூடுதல் அளவுகளை எடுத்துக்கொள்வதனால் ஏற்படக் கூடிய பக்க விளைவுகள் ஆகியவற்றை விளக்குகிறது.

  1. தினசரி உட்கொள்ள வேண்டிய பரிந்துரைக்கப்பட்ட வைட்டமின் ஏ-ன் அளவு - Vitamin A recommended daily intake in Tamil
  2. வைட்டமின் ஏ அதிகம் உள்ள உணவுகள் - Vitamin A rich foods in Tamil
  3. வைட்டமின் ஏ இன் சுகாதார நன்மைகள் - Health benefits of vitamin A in Tamil
  4. வைட்டமின் ஏ பக்க விளைவுகள் - Vitamin A side effects in Tamil

தினசரி உட்கொள்ள வேண்டிய பரிந்துரைக்கப்பட்ட வைட்டமின் ஏ-ன் அளவு உங்கள் எடை, உயரம், பாலினம் மற்றும் வயது ஆகியவற்றை சார்ந்துள்ளது. இது நீங்கள் வசிக்கும் பகுதியையும் சார்ந்தது. வைட்டமின் ஏ குறைபாடு அல்லது ஊட்டச்சத்துக் குறைபாடு அதிகப்படியாக இருக்கும் ஒரு பகுதியில் வாழும் மக்களுக்கு இந்த வைட்டமினின் அதிக அளவு மருந்தளவு தேவைப்படுகிறது.

கர்ப காலம் மற்றும் பாலூட்டும் (லக்டடேஷன்) காலம் ஆகியவற்றின் போது குழந்தைகளுக்கு வைட்டமின் ஏ குறைபாடுகளைத் தடுக்க பெண்களுக்கு இது அதிகம் தேவைப்படுகிறது. மருந்தின் அளவு விகிதம் அதிகம் மாறுபடும் காரணத்தால், இந்த வைட்டமின் நுகர்வின் மேல் வரம்புகள் கீழே குறிப்பிடப்பட்டுள்ளன. பரிந்துரைக்கப்பட்ட அளவுக்கும் அதிகமாக வைட்டமின்களை எடுத்துக் கொள்ள வேண்டாம். 

பொதுவாக, 3000 IU (1 IU = 0.6 mcg பீட்டா கரோட்டின்) க்கும் அதிகமான அளவு தினசரி உட்கொள்ளல் பரிந்துரைக்கப்படுவது இல்லை. இந்த வைட்டமின் நாம் சாப்பிடும் உணவுகளிலேயே போதுமான அளவு இருப்பதாலும் மற்றும் இது உடலில் இயற்கையாகவே சேமிக்கப்படுவதாலும். எந்த மருத்துவ ஆலோசனையும் இல்லாமல் கூடுதல் வைட்டமின் வழங்கி மருந்துகளை உட்கொள்ள கூடாது என்பது பரிந்துரைக்கப்படுகிறது. 

வைட்டமின் ஏ வைட்டமின் வழங்கிகளை எடுத்துக் கொள்ள பரிந்துரைக்கப்படும் போது, கரோட்டின் (இது வைட்டமின் ஏ உருவாவதற்கு காரணமாக உள்ளது) வைட்டமின் ஏ-வுக்கு ஒரு முன்னோடியாக இருப்பதாலும் மற்றும் எடுத்துக்கொள்ளப்பட்ட  கரோட்டின் இயற்கையாகவே வைட்டமின் ஏ-வாக உடலால் மாற்றப்படும் என்பதாலும், ரெட்டினோலுக்குப் பதிலாக பீட்டா கரோட்டினை எடுத்துக்கொள்வது அறிவுறுத்தப்படுகிறது. மேலும், ரெட்டினோல் பக்கவிளைவுகளை ஏற்படுத்தக்கூடும் மற்றும் ஹைபர்விட்மினோசிஸை (தேவைக்கு அதிகமான வைட்டமின் சத்து) ஏற்படுத்தும், இது அதிக அளவில் உட்கொள்ளப்படும் போது உடலில் நச்சுத்தன்மையை ஏற்படுத்தும். வைட்டமின் ஏ-வின் பக்க விளைவுகள் கடைசி பகுதிகளில் விவரிக்கப்படும்.

வயது மற்றும் மருந்து அளவின் அதிகபட்ச வரம்பு:

  • பிறப்பு முதல் 3 வயது வரை: 600 எம்.சி.ஜி
  • 4 வயது முதல் 8 வயது வரை: 900 எம்.சி.ஜி
  • 9 வயது முதல் 13 வயது வரை: 1700 எம்.சி.ஜி
  • 14 வயது முதல் 18 வயது வரை: 2800 எம்.சி.ஜி
  • வயது வந்தோருக்கான மருந்து அளவு: 3000 எம்.சி.ஜி
  • கர்ப்ப காலம் மற்றும் பாலூட்டும் போது: 3000 எம்.சி.ஜி
  • 120,000 எம்.சி.ஜி இன் ஒற்றை தாய்வழி மருந்துகள் குழந்தைகளுக்கு குறைபாடுகளைத் தடுக்க கொடுக்கப்படுகின்றன. அவை வழக்கமாக நன்கு பொறுத்து கொள்ளப்பட்டு, தாயின் பாலின் தரத்தை பாதிக்காது.

வைட்டமின் ஏ இன் உணவு ஆதாரங்கள் பின்வருமாறு:

  • கேரட் மற்றும் சிவப்பு, பச்சை மற்றும் மஞ்சள் குடை மிளகாய் (கேப்சிகம்) போன்ற இயற்கை வண்ண நிறமிகள் (பீட்டா-கரோட்டின்) கொண்ட பிற காய்கறிகள்.
  • ப்ரோக்கோலி, காலே, கீரைகள், சீமை சுரைக்காய், ஸ்குவாஷ் போன்ற பச்சை இலை காய்கறிகள்.
  • மீன் எண்ணெய்
  • மாம்பழங்கள், பாப்பாளிகள், அப்ரிகாட்கள் போன்ற பழங்கள்
  • பூசணி
  • (பால், சீஸ், தயிர்) போன்ற பால் பொருட்கள்.
  • இறைச்சி, கோழி மற்றும் மீன், குறிப்பாக சால்மன் போன்ற விலங்கு பொருட்கள்.
  • முட்டையின் மஞ்சள் கரு
  • கல்லீரல்
  • காலை உணவு தானியங்கள் போன்ற சில பாக்கெட் செய்யப்பட்ட உணவுகள்

உங்கள் உணவில் இந்த வைட்டமின் இயற்கை ஆதாரங்களை அதிகம் சேர்த்துக்கொள்ள பரிந்துரைக்கப்படுகிறது. ஒரு மருத்துவரின் ஆலோசனை இல்லாமல் எந்தவொரு வைட்டமின் வழங்கி மருந்துகளையும் எடுத்துக்கொள்வதைத் தவிர்ப்பதற்கு நீங்கள் அறிவுறுத்தப்படுகிறீர்கள். குறிப்பாக குழந்தைகளில் பிறப்பு குறைபாடுகளை ஏற்படுத்தும் என்பதால் கர்ப்பிணி பெண்கள் மருத்துவரின் ஆலோசனை இல்லாமல் அவற்றை எடுத்துக்கொள்ளக் கூடாது.

வைட்டமின் ஏ-வில் உங்கள் உடல்நலத்திற்கு மிகவும் முக்கியத்துவம் வாய்ந்த நன்மைகள் உண்டு, குறிப்பாக உங்கள் பார்வை ஆரோக்கியம் மற்றும் நோய் எதிர்ப்பு சக்தி. இது ஒரு சக்தி வாய்ந்த ஆக்ஸிஜனேற்றியாகும், வெவ்வேறு வயதினருக்கான தனிநபர்களுக்கு பல்வேறு நலன்களைக் கொண்டுள்ளது, இதை பற்றி விரிவாக விவாதிக்கப்படும்.

  • பார்வையை காக்கும்: கண் பார்வை இழப்பு மற்றும் வயது தொடர்பான சீரழிவு ஆகியவற்றை தடுப்பதில் வைட்டமின் ஏ அதன் நன்மைகளுக்கு மிகவும் நன்கு அறியப்பட்டிருக்கிறது. இது கரோட்டினாய்டுகளால் ஆனது, அந்த கரோட்டினாய்டுகள் உங்கள் கண்களுக்கு ஏற்படும் ஆக்சிஜனேற்ற சேதத்தைத் தடுக்கிறது.
  • வயதான அறிகுறிகளை தடுக்கிறது: வைட்டமின் ஏ புதிய தோல் செல்களை உற்பத்தி செய்வவதில் ஒரு முக்கிய பங்கு வகிக்கிறது, அதன் ஆக்ஸிஜனேற்ற செயல்திறன் மற்றும் தோலின் முதிர்ச்சி அடையும் தன்மையைத் தடுப்பதில் இது சிறப்பாக செயல்படுகிறது. எனவே, இந்த வைட்டமினின் பரிந்துரைக்கப்பட்ட அளவை நீங்கள் எடுத்துக்கொண்டால், நீங்கள் உங்கள் தோலில் ஏற்படும் வரி மற்றும் சுருக்கங்களைப் பற்றி கவலைப்படுவதை நிறுத்திவிடலாம்.
  • கர்ப்பிணிப் பெண்களுக்கு: வைட்டமின் ஏ இன் குறைபாடு முன்கூட்டியே குழந்தை பிறப்பை மட்டும் ஏற்படுத்துவது அல்லாமல் இது கற்றல் குறைபாடு போன்ற பிறப்பு குறைபாடுகளுடன் தொடர்புடையது.
  • பச்சிளம் குழந்தைகளுக்கும் சிறார்களுக்கும்: வைட்டமின் ஏ குழந்தைகளை நோய்களில் இருந்து பாதுகாக்கவும், சரியான படிப்படியான வளர்ச்சிக்கும் உதவுகிறது. இது புதிதாக பிறந்த குழந்தைகளுக்கு நோய் எதிர்ப்பு சக்தியை மேம்படுத்துகிறது.
  • மூளை செயல்பாட்டை மேம்படுத்துகிறது: வைட்டமின் ஏ குழந்தைகளின் மூளை செல்களின் வளர்ச்சிக்கும் மற்றும் வளர்ச்சியை மேம்படுத்தவும் உதவுகிறது. மேலும் இது மன அழுத்தத்தை குறைக்க உதவும் மூளை செயல்பாட்டிற்கு உதவியாக இருக்கும், மூளையின் சர்க்காடியன் தாளங்களை பராமரிக்க உதவுகிறது.
  • தட்டம்மையின் நோய் ஏற்படுவதை குறைக்கிறது: வைட்டமின் ஏ இன் தசையூடான ஊடுருவல் ஊசி, ஊட்டச்சத்து குறைபாடுள்ள குழந்தைகளில் தட்டம்மை ஆபத்தை குறைப்பதாக கண்டறியப்பட்டுள்ளது. இது நோயுறுதலை தடுக்கவும் மற்றும் உயிர் பிழைப்பு விகிதத்தை அதிகரிக்கவும் பரிந்துரைக்கப்படுகிறது.
  1. கண்களுக்கு வைட்டமின் ஏ-ன் நன்மைகள் - Vitamin A benefits for eyes in Tamil
  2. வைட்டமின் ஏ மாலை கண் நோயை தடுக்கிறது - Vitamin A prevents night blindness in Tamil

கண்களுக்கு வைட்டமின் ஏ-ன் நன்மைகள் - Vitamin A benefits for eyes in Tamil

ஏற்கெனவே குறிப்பிட்டபடி, சரியான கண்பார்வைக்கு வைட்டமின் ஏ அவசியம். அதன் குறைபாட்டால் பல்வேறு கண் தொடர்பான பிரச்சனைகள் ஏற்படுகிறது, குறிப்பாக இரவில் மங்களான கண் பார்வை மற்றும் கண்களில் வறட்சியை ஏற்படுத்துகிறது. வைட்டமின் ஏ கரோட்டினாய்டுகளால் தயாரிக்கப்படுகிறது, இவை அவற்றின் ஆக்ஸிஜனேற்ற செயல்பாடுகள் மற்றும் பாதுகாப்பு செயல்பாடுகளால் அறியப்படுகின்றன.

நமக்கு வயதாகும்போது, உயிரியல் ஆக்சிஜனேற்றத்தின் விளைவுகள் அதிகமாகிறது, அதனால் கண்பார்வை பாதிக்கப்படுகிறது. வைட்டமின் வழங்கி மருந்துகள் வயது தொடர்பான தசைச்சீர்கேடுகளை (மெதுவாக குருட்டுத்தன்மை நோயை அதிகப்படுத்துவது) குறைக்கப் பயன்படுகிறது. இது ஒரு முதிர்ந்த வயதில் கூட நல்ல பார்வையை பராமரிக்க உதவுகிறது. கரோட்டினாய்டுகள் நிறைந்த உணவுகள் அடங்கிய உணவுப் பழக்கம், வைட்டமின் ஏ வழங்கி மருந்துகளை விட மிகவும் பயனுள்ளதாக இருக்கும்.

முதிற்சியடையும் வயதினறைத் தவிர, வைட்டமின் ஏ அனைத்து வயதினரின்பார்வைக்குமான பயனுள்ள விளைவுகளை கொண்டதாக அறியப்படுகிறது. இது பார்வை இழப்புக்கு காரணமான விழித்திரை சீரழிவை குறைக்க உதவுகிறது (விழித்திரை செல்கள் சீரழிதல்). கர்ப்ப காலத்தில் இந்த வைட்டமினின் போதுமான அளவு பராமரிக்கப்படுவது மிகவும் முக்கியம். கர்ப்ப காலத்தில் வைட்டமின் ஏ குறைபாடு ஏற்படுவது குழந்தைகளில் பிறப்பு குறைபாடுகளுக்கான ஒரு ஆபத்தான காரணியாகும். இருப்பினும், கூடுதல் ஆபத்துக்களை ஏற்படுத்தும் என்பதால், வைட்டமின் வழங்கிகளை எடுத்துக்கொள்ளாமலும் இருக்கலாம்.

வைட்டமின் ஏ மாலை கண் நோயை தடுக்கிறது - Vitamin A prevents night blindness in Tamil

மாலை கண் நோய் என்பதே விழித்திரை சீர்கேட்டிற்கு முதல் அறிகுறியாகும். இது ரெட்னீடிஸ் பிக்மென்டோஸா (மரபுவழி சீர்குலைவுகளின் ஒரு குழு)-வின் காரணமாக ஏற்படுகிறது. கண்களின் விழித்திரை ஒளி சமிக்ஞைகளை பார்வையாக மாற்றுவதற்கு பொறுப்பாகும். இந்த நிலையில் விழித்திரை சீர்குலைப்பு இளம் பருவத்தில் (டீனேஜ்) அல்லது பதின் பருவத்தில் தொடங்குகிறது, இதன் விளைவாக, பாதிக்கப்பட்டவர்களுக்கு 40 வயதில் பார்வை இழப்பு ஏற்படலாம்.

இது ஒரு மரபு வழியாக வரக்கூடிய கோளாறு ஆகும், மேலும் இந்த பிரச்சனை வருங்கால சந்ததியினரையும் பாதிக்கலாம். இதனாலேயே இந்த நிலைமையைத் தவிர்ப்பது என்பது மிகவும் இன்றியமையாத ஒன்றாகிறது. இந்த நிலைசி கிச்சையளிப்பதன் மூலமாக குணப்படுத்தப்படுவதில் வெற்றிகரமான ஒன்றாக இல்லை என்பதால், உங்கள் உணவில் வைட்டமின் ஏ அதிகம் சேர்த்து கொள்வதன் மூலம் அதன் அபாயத்தை குறைக்கலாம் என அறிவுறுத்தப்படுகிறது. இது வைட்டமின் ஏ விழித்திரைக்கு (மற்றும் பார்வைக்கு) ஒரு எரிபொருளாக இருப்பதாக அடிக்கடி கூறப்படுகிறது. எனவே வைட்டமின் ஏ-வை அதிக அளவு எடுத்துக் கொள்வது அவசியம்!

ரெட்டினோல் வடிவிலான அதிகப்படியான வைட்டமின் ஏ பின்வரும் பக்க விளைவுகளை ஏற்படுத்தலாம்:

வைட்டமின் ஏ உடலில் பெரிய அளவில் சேமித்து வைக்கப்பட்டால் கல்லீரல் பாதிப்பு போன்ற கடுமையான பக்க விளைவுகள் ஏற்படலாம். நரம்பு மண்டலத்தின் சீர்குலைவுகள் இத்தகைய சந்தர்ப்பங்களில் ஏற்படலாம், மேலும் ஆஸ்டியோபோரோசிஸ் வளரும் ஆபத்தும் அதிகரிக்கிறது.

வைட்டமின் ஏ இன் மிக அதிகமான அளவு இரத்தத்தில் குறைந்த ஆக்ஸிஜன் செறிவு அளவை ஏற்படுத்தும், இது குழந்தைகளில் மூச்சுத்திணறலை ஏற்படுத்தும். இதனால் வைட்டமின் ஏ அதிகப்படியான குழந்தைகளுக்கு கொடுக்கப்படக்கூடாது, குறிப்பாக  நிமோனியா-வால் பாதிக்கபட்ட அல்லது குணமாகி வரும் குழந்தைகளுக்கு.

(மேலும் வாசிக்க: சுவாசக் குறைவுக்கான சிகிச்சை)

और पढ़ें ...

References

  1. MedlinePlus Medical Encyclopedia: US National Library of Medicine; Vitamin A
  2. Duerbeck NB, Dowling DD. Vitamin A: too much of a good thing? Obstet Gynecol Surv. 2012 Feb;67(2):122-8. PMID: 22325302
  3. MedlinePlus Medical Encyclopedia: US National Library of Medicine; Vitamin A
  4. National Institutes of Health; Office of Dietary Supplements. [Internet]. U.S. Department of Health & Human Services; Vitamin A.
  5. World Health Organization [Internet]. Geneva (SUI): World Health Organization; Vitamin A deficiency.
  6. Clare Gilbert. The eye signs of vitamin A deficiency. Community Eye Health. 2013; 26(84): 66–67. PMID: 24782581
  7. MedlinePlus Medical Encyclopedia: US National Library of Medicine; Vitamin A
  8. Eggersdorfer M, Wyss A. Carotenoids in human nutrition and health.. Arch Biochem Biophys. 2018 Aug 15;652:18-26. PMID: 29885291
  9. Wu J, Cho E, Willett WC, Sastry SM, Schaumberg DA. Intakes of Lutein, Zeaxanthin, and Other Carotenoids and Age-Related Macular Degeneration During 2 Decades of Prospective Follow-up. JAMA Ophthalmol. 2015 Dec;133(12):1415-24. PMID: 26447482
  10. Zhou YM, Huang YF. Research on natural antioxidants in the treatment of retinal degeneration. Zhonghua Yan Ke Za Zhi. 2018 Apr 11;54(4):312-315. PMID: 29747361
  11. Kaukonen M et al. Maternal Inheritance of a Recessive RBP4 Defect in Canine Congenital Eye Disease.. Cell Rep. 2018 May 29;23(9):2643-2652. PMID: 29847795
  12. Sorg O, Saurat JH. Topical retinoids in skin ageing: a focused update with reference to sun-induced epidermal vitamin A deficiency. Dermatology. 2014;228(4):314-25. PMID: 24821234
  13. Radhika MS, Bhaskaram P, Balakrishna N, Ramalakshmi BA, Devi S, Kumar BS. Effects of vitamin A deficiency during pregnancy on maternal and child health. BJOG. 2002 Jun;109(6):689-93.
  14. Oliveira LM, Teixeira FME, Sato MN. Impact of Retinoic Acid on Immune Cells and Inflammatory Diseases. Mediators Inflamm. 2018 Aug 9;2018:3067126. PMID: 30158832
  15. World Health Organization [Internet]. Geneva (SUI): World Health Organization; Vitamin A supplementation in infants and children 6–59 months of age.
  16. Drugs and Lactation Database (LactMed) [Internet]. Bethesda (MD): National Library of Medicine (US); 2006-. PMID: 30000990
  17. McCaffery P, Zhang J, Crandall JE. Retinoic acid signaling and function in the adult hippocampus. J Neurobiol. 2006 Jun;66(7):780-91. PMID: 16688774
  18. Shearer KD, Stoney PN, Morgan PJ, McCaffery PJ. A vitamin for the brain. Trends Neurosci. 2012 Dec;35(12):733-41. PMID: 22959670
  19. Ransom J, Morgan PJ, McCaffery PJ, Stoney PN. The rhythm of retinoids in the brain. J Neurochem. 2014 May;129(3):366-76. PMID: 24266881
  20. Bichon A et al. Case report: Ribavirin and vitamin A in a severe case of measles. Medicine (Baltimore). 2017 Dec;96(50):e9154. PMID: 29390321
  21. Stephensen CB et al. Adverse effects of high-dose vitamin A supplements in children hospitalized with pneumonia. Pediatrics. 1998 May;101(5):E3. PMID: 9565436