myUpchar प्लस+ के साथ पूरेे परिवार के हेल्थ खर्च पर भारी बचत

“జీవితం నీకు నిమ్మకాయలిస్తే నిమ్మరసం చేసేయ్” అన్న సామెతను మీరు వినే ఉండవచ్చు.కానీ అందుకు బదులుగా జీవితం మీకు తియ్య తియ్యని బత్తాయినిస్తే? తాజా మరియు ఆరోగ్యకరమైన తీపి బత్తాయి రసం చేసి తాగేసేయండి. బత్తాయిని హిందీలో “మోసంబి” అని పిలుస్తారు, ఫ్రెంచ్లో దీనిని "లిమిటైర్ డౌక్స్ " అని పిలుస్తారు; వియత్నాంలో "క్విట్ గియా"; స్పానిష్లో "లిమా డూల్స్"; తెలుగులో "బత్తాయి పండు", తమిళం లో "కట్టుక్కూటీ”", మలయాళం లో "మధుర నారంగా" మరియు గుజరాతీలో "మోసంబి" అని పిలుస్తారు.

బత్తాయి పండు యొక్క మూలం ఇండోనేషియా మరియు చైనాతో సహా ప్రపంచంలోని వివిధ ప్రాంతాలల్లో ఉన్నట్లు కనబడుతుంది, కానీ దీనిని తరువాత భారతదేశానికి చెందిన పండుగా  పేర్కొన్నారు. బత్తాయి పండు మూలం మేఘాలయ మరియు నాగాలాండ్ పర్వతాలకు చెందినది అని ‘అగ్రికల్చర్ రివ్యూ, 2004 సంచికలో ప్రచురించిన ఓ నివేదికలో పేర్కొనబడింది. ఇది భారతదేశంలో అత్యంత ప్రజాదరణ పొందిన పండ్లలో ఒకటి మరియు జూలై మరియు ఆగస్టు నెలల్లో పుష్కలంగా లభిస్తుంది. బత్తాయిలు చెట్టుకు కాస్తాయి. బత్తాయి చెట్లను నాటాక 5 నుండి 7 సంవత్సరాల మధ్యలో పంట పండటం ప్రారంభమవుతుంది. బత్తాయి పండ్ల పంట ఉష్ణమండలాలు మరియు ఉపఉష్ణమండల ప్రాంతాల్లో కనిపిస్తుంది. ఈ బత్తాయి పండును  చూచి తరచుగా నిమ్మపండు లేదా పెద్దనిమ్మకాయనెమో అని పొరబాటుగా అనుకోవడం జరుగుతుంది, ఈ గందరగోళం ఎందుకంటే బత్తాయి పండు, నిమ్మ-గజనిమ్మ రెండింటి నుండి ఏర్పడ్డ సంకర జాతి కాబట్టి. నిమ్మ పండు మరియు గజనిమ్మకాయ రెండూ కూడా అదే నేపథ్యాన్నీ మరియు నిమ్మ జాతి (సిట్రస్) కి చెందినవి మరియు ఒకే రకమైన పోషక లక్షణాలను కలిగి ఉంటాయి. తేడా మాత్రం వాటి బాహ్య రూపాల్లో మాత్రమే చూడవచ్చు.

బత్తాయిలు సాధారణంగా నిమ్మకాయల లాగా కనిపిస్తాయి కానీ, పరిమాణంలో నిమ్మకాయ కంటే పెద్దవిగా ఉంటాయి మరియు రుచిలో తియ్యగా ఉంటాయి. రుచికి, బత్తాయిలు కొంతవరకు నారింజ పండు రుచిని  పోలి ఉంటాయి. బత్తాయి పండులో విటమిన్లు పుష్కలంగా ఉంటాయి, ముఖ్యంగా విటమిన్ B9 మరియు విటమిన్ సి లు సమృద్ధిగా ఉంటాయి.

బత్తాయి పండు గురించి ప్రాథమిక వాస్తవాలు

  • వృక్షశాస్త్రం (బొటనికల్) పేరు:   సిట్రస్ లిమేట్టా (Citrus limetta)
  • కుటుంబం: సిట్రస్ ఫ్రూట్, రూటేసియే
  • సాధారణ పేరు: స్వీట్ లైమ్ (తియ్యని నిమ్మ), మోసంబి
  • సంస్కృత నామం: జంబీరం
  • ఉపయోగించే భాగాలు: తొక్క, గుజ్జు, మరియు గింజలు
  • స్థానిక ప్రాంతం మరియు భౌగోళిక పంపిణీ: బత్తాయి ఇండోనేషియా మరియు చైనా నుండి ఉద్భవించిందని, మరియు భారతదేశం యొక్క కేంద్ర మరియు ఉత్తర ప్రాంతాలలో కూడా ఇది జన్మను దాల్చి ఉంటుందని నమ్ముతారు. నేడు, ఈజిప్టు, సిరియా, పాలస్తీనా, ఉష్ణమండల అమెరికా, ఆగ్నేయాసియాలోని భాగాలు మరియు మధ్యధరా ప్రాంతాలలో కూడా బత్తాయి పంటను పండిస్తున్నారు. బత్తాయి ఫ్లోరిడా మరియు కాలిఫోర్నియాలోని కొన్ని భాగాలలో బాగా ఇష్టపడి పండించే పండు.
  • ఆసక్తికరమైన వాస్తవం: క్రిస్టోఫర్ కొలంబస్ 1493 లో తన రెండో సముద్రయానంలో నిమ్మ జాతి పండ్ల విత్తనాలను, బహుశా నిమ్మపండ్ల  విత్తనాలే కావచ్చు, తనవెంట తీసుకెళ్లి వెస్ట్ ఇండీస్, మెక్సికో మరియు ఫ్లోరిడాల్లో విస్తృతంగా వ్యాపింపజేశాడు.
  1. బత్తాయి పండు యొక్క పోషక వాస్తవాలు - Nutritional facts of sweet lime in Telugu
  2. బత్తాయి పండు యొక్క ఆరోగ్య ప్రయోజనాలు - Health benefits of sweet lime in Telugu
  3. బత్తాయి పండు దుష్ప్రభావాలు - Side effects of sweet lime in Telugu
  4. ఉపసంహారం - Takeaway in Telugu

తక్కువ క్యాలరీలు మరియు తక్కువ కొవ్వుల్ని కల్గిన బత్తాయిలు అద్భుతాలే చేస్తాయి. బత్తాయి పండును చిన్న మొత్తాలలో తింటే 43 కేలరీలు లభిస్తాయి మరియు కేవలం 0.3 గ్రాముల కొవ్వు మాత్రమే ఉంటాయి. వైద్యపరంగా, బత్తాయిలు పొటాషియం మరియు విటమిన్ సి యొక్క గొప్ప మూలం, ఈ పండు శరీరాన్ని చల్లబరుస్తుంది. కార్బోహైడ్రేట్లను కూడా కలిగిఉన్న బత్తాయిలు క్యాలరీలకు ప్రధానమైన మూలం.

USDA న్యూట్రియెంట్ డేటాబేస్ ప్రకారం, 100 గ్రామూలా ముడి బత్తాయి రసంలో పోషకాలు క్రింది విధంగా ఉంటాయి.

పోషకాలు

100 గ్రామూలకు  

నీరు

90.79 గ్రా

శక్తి

25 గ్రా

ప్రోటీన్

0.42 గ్రా

కొవ్వు (ఫ్యాట్)

0.07 గ్రా

కార్బోహైడ్రేట్

8.42 గ్రా

ఫైబర్

0.4 గ్రా

చెక్కెరలు

1.69 గ్రా

మినరల్స్

 

కాల్షియమ్

14 mg

ఐరన్

0.09 mg

మెగ్నీషియం

8 mg

ఫాస్పరస్

14 mg

పొటాషియం

117 mg

సోడియం

2 mg

జింక్

0.08 mg

విటమిన్లు

 

విటమిన్ B1

0.025 mg

విటమిన్ B2

0.015 mg

విటమిన్ B3

0.142  mg

విటమిన్ B6

0.038 mg

విటమిన్ B9

10 µg

విటమిన్ సి

30.0 mg

విటమిన్ ఎ

2  µg

విటమిన్ ఇ

0.22 mg

విటమిన్ కె

0.6  µg

(మరింత చదువు - విటమిన్ బి ప్రయోజనాలు మరియు వనరులు)

పోషకాహారపదార్థాలను పుష్కలంగా కల్గిన బత్తాయి పండు తక్కువ కేలరీలు మరియు తక్కువ కొవ్వులు కల్గి ఉంటుంది. కానీ బత్తాయి పండు యొక్క అతి ముఖ్యమైన ప్రయోజనాల్లో దానిలో ఉండే  అధికమైన విటమిన్ సి పదార్థాలు. బత్తాయి పండులో ఉన్న విటమిన్ సి అంటువ్యాధులు మరియు వ్యాధులను నివారించడంలో సహాయపడటమే కాక దీనిసేవనం చర్మంపై వచ్చే మొటిమలు, నల్లమచ్చల వంటి వివిధ చర్మ రుగ్మతల్ని నయం చేస్తుంది. ఈ తీపి మరియు పుల్లపు కలగలిసిన బత్తాయి పండు యొక్క ప్రసిద్ధమైన మరియు శాస్త్రీయంగా నిరూపితమైన ఆరోగ్య ప్రయోజనాలు కొన్నింటిని గురించి చూద్దాం.  

జీర్ణశక్తిని మెరుగుపరుస్తుంది: బత్తాయి పండు మీ జీర్ణ వ్యవస్థకు అనేక ప్రయోజనాలను కలిగిస్తుంది. ఇది జీర్ణక్రియ ప్రక్రియను ప్రోత్సహిస్తుంది మరియు అజీర్ణం నుంచి ఉపశమనం కల్గిస్తుంది, కాలేయం నుండి పైత్యరసం విడుదలను ప్రేరేపిస్తుంది మరియు వికారం మరియు వాంతుల నియంత్రణలో సహాయపడుతుంది. బత్తాయి పండు కూడా ప్రేగుల నుండి మలం సులభంగా కదిలేట్లు చేస్తుంది, తద్వారా మలబద్ధకం నుండి ఉపశమనాన్ని కల్గిస్తుంది.

చర్మం ఆరోగ్యాన్ని మెరుగుపరుస్తుంది: బత్తాయి పండులో విటమిన్ సి మరియు యాంటీఆక్సిడెంట్ కాంపౌండ్లు సమృద్ధిగా ఉంటాయి, ఇది చర్మం రంగును మరియు చర్మం  యొక్క స్థితిస్థాపకతలను మెరుగుపర్చడంలో సహాయపడుతుంది. ఇది పొడి చర్మం సమస్యలను తగ్గించి, ముదురు మచ్చలు మరియు ముడతలు వంటి వృద్ధాప్య సూచనలను జాప్యం చేయడంలో సహాయపడుతుంది.

శరీరాన్ని విషరహితం చేస్తుంది: బత్తాయి పండు ఒక ప్రసిద్ధ నిర్విషీకరణ ఏజెంట్. ఇది ఆహార వ్యర్ధాల బహిష్కరణను ప్రోత్సహిస్తుంది కాని ఇది మన శరీరంలో స్వేచ్ఛా రాశుల పదార్థాలను  తగ్గిస్తుంది, తద్వారా మొత్తం ఆరోగ్యాన్ని ప్రోత్సహిస్తుంది.

రోగనిరోధక శక్తిని పెంచుతుంది: బత్తాయి విటమిన్ సి యొక్క గొప్ప వనరుగా ఉండటం, ఈ పండు రోగనిరోధక శక్తిని మెరుగుపరుస్తుంది. ఇది రోగనిరోధక వ్యవస్థ కణాల ఉత్పత్తిని ప్రేరేపిస్తుంది మరియు చర్మం అవరోధం పనితీరును మెరుగుపరుస్తుంది, అందువలన సాధారణ అంటురోగాలను నిరోధించదానికి సహాయపడుతుంది.

బరువు కోల్పోవడాన్ని ప్రోత్సహిస్తుంది: బత్తాయిపండులోని జల సంకలన చర్యతో కలిపి ఈ పండు యొక్క అధిక ప్రతిక్షకారిని పదార్ధం మరియు తక్కువ కాలరీల పదార్ధం బరువు కోల్పోవడానికి మీరు తీసుకునే ఏ ఆహారానికైనా ఒక అద్భుతమైన అదనపు  ఆహారంగా పని చేస్తుంది. బత్తాయి పండ్ల నుండి గరిష్ట ప్రయోజనాలను పొందటానికి రోజూ ఓ బత్తాయి పండు తినవచ్చు.

  1. ఆరోగ్యకరమైన చర్మానికి బత్తాయి - Sweet lime for a healthy skin in Telugu
  2. బరువు కోల్పోయేందుకు బత్తాయి - Sweet lime for weight loss in Telugu
  3. రోగనిరోధక శక్తికి బత్తాయి - Sweet lime for immunity in Telugu
  4. చిట్లిన వెంట్రుకలకు బత్తాయి - Sweet lime for split-ends in Telugu
  5. జీర్ణక్రియకు బత్తాయి - Sweet lime for digestion in Telugu
  6. డిటాక్స్ (నిర్విషీకరణానికి) కు బత్తాయి - Sweet lime for detox in Telugu

ఆరోగ్యకరమైన చర్మానికి బత్తాయి - Sweet lime for a healthy skin in Telugu

బత్తాయి పండు అమ్మాయిల బెస్ట్ ఫ్రెండ్, ఇది జుట్టుకు మాత్రమే కాక అద్భుత చర్మం పొందడానికి సహాయపడుతుంది. బత్తాయిలో విటమిన్ సి మరియు అనామ్లజనకాలు ఉండటంతో, ఈ పండు రసాన్ని అనేక చర్మ సంరక్షణ ఉత్పత్తులు అలాగే మందులు తయారీలో వాడుతున్నారు. ఇది కఠినమైన పొడి చర్మానికి తేమను కల్పించి ఆరోగ్యంగా ఉండేట్లు చేసి కాంతివంతంగా కనిపించేలా చేస్తుంది. ఇది చర్మం అందాన్ని పెంచుతుంది. విటమిన్ సి ప్రకాశించే చర్మాన్ని ఇవ్వడమే కాకుండా ఇది మచ్చలు, మొటిమలు మరియు నల్ల మచ్చల్ని తగ్గిస్తుంది. బత్తాయిని చెమట యొక్క మరియు శరీర దుర్వాసనను పోగొట్టే చికిత్సకు ఉపయోగిస్తారు. ఇది రక్తాన్ని శుభ్రపరుస్తుంది, అందుకే వివిధ చర్మ సమస్యలు ఉపశమనం చెందుతాయి. బత్తాయి లేక "మోసంబి" జ్యూస్ పగిలిన పెదాలను నయం చేయడంలో సహాయపడుతుంది. (మరింత సమాచారం - పిగ్మెంటేషన్ కోసం ఇంటి నివారణలు)

బరువు కోల్పోయేందుకు బత్తాయి - Sweet lime for weight loss in Telugu

ఈ తక్కువ క్యాలరీ పండు ఒక బరువు నష్టం ఏజెంట్ గా పనిచేస్తుంది. "మోసంబి" రసం యొక్క వినియోగం శరీరం  నుండి మీ అదనపు కిలోలను తొలగిస్తుంది కానీ దాహం తీర్చే ఓ ఒక ఆరోగ్యకరమైన పానీయం ఇది. బత్తాయి పండు చాలా తక్కువ కేలరీలు కలిగి ఉంటుంది మరియు దాని వినియోగం కూడా ఆకలిని చంపుతుంది. నిత్యం తేనెతో కలిపిన బత్తాయి రసాన్ని సేవిస్తే అదనపు కేలరీలు నశిస్తాయి .  

రోగనిరోధక శక్తికి బత్తాయి - Sweet lime for immunity in Telugu

బత్తాయి పండు లేదా దాని రసం రోగనిరోధక వ్యవస్థను బలపరుస్తుంది ఎందుకంటే ఇది విటమిన్ సి అలాగే యాంటీఆక్సిడెంట్లతో నిండి ఉంది. ఇది రక్తాన్ని శుద్ధి చేస్తుంది మరియు శరీరంలో సరైన రక్త ప్రసరణలో సహాయపడుతుంది. ఇది రోగనిరోధక వ్యవస్థకు ఒక గొప్ప పురోగతి. ఇది వాపు తగ్గడానికి మరియు అంటువ్యాధులను నిరోదించేందుకు సహాయపడుతుంది. అందరూ సాధారణ జలుబుకు గురవుతుంటారు, బత్తాయిలోని విటమిన్ సి దీనికి ఒక అద్భుతమైన పరిహారం. బత్తాయిలో విటమిన్ సి దండిగా ఉన్నందున, ఈ  నిమ్మజాతి పండును నిత్యం తినడంవల్ల బ్యాక్టీరియా మరియు ఇతర సూక్ష్మ జీవులకు వ్యతిరేకంగా రోగనిరోధక శక్తిని మన శరీరంలో అభివృద్ధి చేయడానికి సహాయపడుతుంది.

చిట్లిన వెంట్రుకలకు బత్తాయి - Sweet lime for split-ends in Telugu

బత్తాయి పండు  వ్యక్తిగత సంరక్షణ పరిశ్రమలో అత్యంత ప్రసిద్ధ వస్తువులలో ఒకటిగా మారింది. ఈ పండు యొక్క పదార్ధాలు   షాంపూస్, ముఖంపై ముసుగు పూతలులు మరియు ఔషధాల వంటి పలు జుట్టు ఉత్పత్తులలో ఉపయోగించబడతాయి. ఇది చుండ్రు మరియు జుట్టు రాలడం సమస్యల్ని తగ్గించడంలో సహాయపడుతుంది. వెంట్రుకలు చిట్లడం అనే జుట్టు సమస్య నివారణలో బత్తాయి అద్భుతంగా పనిచేస్తుంది. బత్తాయిలను తినడంవల్ల జుట్టు వేగంగా పెరుగుతుంది. అనేక పరిశ్రమలు సిట్రస్ ఆధారిత ఉత్పత్తుల తయారీలో బత్తాయి, ఇతర నిమ్మజాతి పండ్ల  ప్రయోజనాలను అర్థం చేసుకున్నాయి మరియు వాటిని నూనెలు, జుట్టు ముసుగులు (hair masks) మరియు షాంపూల ఉత్పత్తిలో చేర్చాయి.

జీర్ణక్రియకు బత్తాయి - Sweet lime for digestion in Telugu

తాజా బత్తాయిని తినడంవల్ల మలబద్ధకం మరియు అజీర్ణం వంటి జీర్ణశయాంతర రుగ్మతలు నయమవుతాయి. ఈ పండులోని పుష్కలమైన పీచు పదార్ధం (ఫైబర్) చిన్న ప్రేగుల్ని ఆరోగ్యకరంగా ఉంచడానికి సహాయపడుతుంది. ఫ్లేవనోయిడ్ల ఉనికి కారణంగా జీర్ణ రసాలను, పైత్య రసాన్ని మరియు జీర్ణాశయ వ్యవస్థను క్రియాశీలకంగా ఉంచే  ఆమ్లాన్ని పెంచడానికి దారితీస్తుంది. అజీర్ణానికి బత్తాయి రసాన్ని అత్యంత ఉన్నతంగా సిఫారస్ చేయడమైంది, ఎందుకంటే ఇది ఎంజైమ్ల స్రావంలోకి లాలాజల గ్రంధులను ప్రేరేపిస్తుంది మరియు జీర్ణక్రియ పెరుగుదలకు దారి తీస్తుంది. "మొసాంబి"  అతిసారం, వికారం మరియు వాంతులు నియంత్రించడంలో కూడా సహాయపడుతుంది .

డిటాక్స్ (నిర్విషీకరణానికి) కు బత్తాయి - Sweet lime for detox in Telugu

బత్తాయి రసం శరీరం యొక్క నిర్విషీకరణకు ఒక సహజమైన మరియు తిరుగులేని గొప్ప మూలం. "మోసంబి" లో అనామ్లజనకాలు, ఫ్లేవనాయిడ్స్ మరియు కేరోటినాయిడ్స్ ఉన్నందున ఇది ఖచ్చితమైన నిర్విషీకరణ ఏజెంట్ గా పనిచేస్తుంది మరియు శరీరంలో వ్యర్ధాలను మరియు విషాలను విసర్జించడంలో సహాయం చేస్తుంది. బత్తాయి రసం ఒత్తిడి మరియు కాలుష్యం కల్గించే హానికరమైన ప్రభావాల్ని తటస్థీకరిస్తుంది మరియు శరీరాన్నిశక్తివంతంగా ఉంచుతుంది. బత్తాయిలో పీచుపదార్థాలు (ఫైబర్) సమృద్ధిగా ఉంటాయి కాబట్టి మలబద్ధకాన్ని నివారించి పేగులలోని విషాన్ని తొలగించడంలో సహాయపడుతుంది.

  1. ఆమ్లతను కల్గిస్తుంది
    బత్తాయిలో సిట్రిక్ ఆమ్లాలు మరియు విటమిన్ సి ల ఉనికి కారణంగా, ఈ పండు యొక్క అధిక మోతాదు శరీరంలో ఆమ్లత (అసిడిటీ) సమస్యలు ఏర్పడవచ్చు.
  2.  నిమ్మ నూనె లేదా నిమ్మ-ఆధారిత నూనెను చర్మానికి పూయడంవల్ల అలర్జీ కలగొచ్చు
    నిమ్మ నూనెను ఉపయోగించిన తరువాత చర్మం సూర్యకాంతిలో సున్నితత్వాన్ని పొందుతుంది.  సున్నితమైన చర్మం కలిగి, నిమ్మ నూనెకు అలెర్జీ (దుష్ప్రభావం) ఉన్నవారు నిమ్మ చమురు కలిగి ఉన్న చర్మలేపన ఉత్పత్తులను కొనుగోలు చేసేటప్పుడు జాగ్రత్త  వహించాలి.
  3.  గ్యాస్ట్రోఎసోఫాజీయల్ రిఫ్లక్స్ వ్యాధి (GERD)/ఆమ్లత
    ఇది ఒక కడుపు-సంబంధమైన రుగ్మత. ఇందులో కడుపులోకి చేరిన ఆహార పదార్థాలు ఆమ్లంతో కూడి తిరిగి అన్నవాహిక ద్వారా తరచుగా గొంతులోకి ప్రవహించడం జరుగుతుంది. నిమ్మ జాతి  పండు ఏదైనా ప్రకృతిసిద్ధంగా ఆమ్లజనితంగా ఉండటం వలన, అలాంటి నిమ్మజాతి పండ్ల అధికసేవనంవల్ల, ఎక్కువైన నిమ్మజాతి పండ్ల యొక్క ఆమ్లం మన అన్నవాహికను ప్రేరేపిస్తుంది, తద్వారా  “గ్యాస్ట్రోఎసోఫాజీయల్ రిఫ్లక్స్ వ్యాధి”కి దారితీస్తుంది . (మరింత చదువు - ఆమ్లత్వం కారణాలు మరియు చికిత్స)
  4.  పంటి ఎనామెల్ క్షీణత
    బత్తాయిలోని సిట్రిక్ యాసిడ్ పంటి ఎనామెల్ (దంతాలపై మెరుస్తూ కనిపించే తెల్లటి పొర) క్షీణతకు దారి తీస్తుంది. ఆమ్లాలు పంటి ఎనామెల్ను కరిగించి దంత సున్నితత్వం మరియు నొప్పి వంటి సమస్యలకు దారి తీస్తుంది.
  5.  గర్భధారణ సమయంలో జాగ్రత్త వహించండి
    ఓ స్త్రీ గర్భవతి అయినప్పుడు, ఆమె బలహీనమైన రోగనిరోధక వ్యవస్థను కలిగి ఉంటుంది, అందుకే కడుపు-సంబంధమైన సమస్యలు రావచ్చు. మితిమీరిన స్థాయిలో బత్తాయి రసాన్ని సేవిస్తే అది హానికరంగా తయారవుతుంది. ఇది నొప్పులు మరియు కడుపు తిమ్మిరికి దారి తీస్తుంది మరియు అతిసారం కూడా వస్తుంది. (మరింత చదువు - కడుపు నొప్పికి కారణాలు మరియు చికిత్స)
  6. వికారం
    మోషన్ సిక్నెస్ (ప్రయాణ సమయంలో వికారం) లక్షణాలను తగ్గించడంలో బత్తాయి పండుసేవనం సహాయపడుతుంది, కానీ ఈ పండును అధిక పరిమాణంలో తింటే, అది వాంతులు మరియు కడుపు నొప్పులకు దారితీస్తుంది. ఇది విటమిన్ సి ని కలిగి ఉంటుంది, మరి, అధికమైన విటమిన్ సి వికారం వంటి సమస్యలను సృష్టించడానికి కారణమవుతుంది.

బత్తాయిపండు వల్ల చాలా అద్భుతమైన ఆరోగ్య ప్రయోజనాలున్నాయి. దీనిసేవనంవల్ల  ఇది మనల్ని సేదదీర్చి శక్తివంతంగా ఉంచుతుంది. బత్తాయివల్ల కొన్ని దుష్ప్రభావాలు కలగొచ్చు కానీ అవి తాత్కాలికమే. ఈ తక్కువ కాలరీల పండులో చాలా ఆరోగ్య ప్రయోజనాలు ఉన్నాయి. ఏదైనాసరే, మితసేవనం కీలకమని ఎల్లప్పుడూ గుర్తుంచుకోండి. అందువల్ల బత్తాయిపండ్ల నుండి రసం తీసేయ్ తాగేయ్!

और पढ़ें ...

References

  1. United States Department of Agriculture Agricultural Research Service. Basic Report: 09160, Lime juice, raw. National Nutrient Database for Standard Reference Legacy Release [Internet]
  2. Iness Jabri karoui, Brahim Marzouk. Characterization of Bioactive Compounds in Tunisian Bitter Orange (Citrus aurantium L.) Peel and Juice and Determination of Their Antioxidant Activities . Biomed Res Int. 2013; 2013: 345415. PMID: 23841062
  3. Lashkari S, Taghizadeh A. Nutrient digestibility and evaluation of protein and carbohydrate fractionation of citrus by-products. J Anim Physiol Anim Nutr (Berl). 2013 Aug;97(4):701-9. PMID: 22703299
  4. P. W. Bassett-Smith. LIME JUICE AND LEMON JUICE FOR PREVENTION OF SCURVY. Br Med J. 1925 Feb 21; 1(3347): 385.
  5. Ahmed Abdullah Khan et al J. Chem. Pharm. Res., 2016, 8(3):555-563
  6. Santa Cirmi et al. Anticancer Potential of Citrus Juices and Their Extracts: A Systematic Review of Both Preclinical and Clinical Studies . Front Pharmacol. 2017; 8: 420. PMID: 28713272
  7. I. W. Held, A. Allen Goldbloom. THE TREATMENT OF PEPTIC ULCER. Can Med Assoc J. 1931 Mar; 24(3): 372–383. PMID: 20318208
  8. Kometani T et al. Effects of alpha-glucosylhesperidin, a bioactive food material, on collagen-induced arthritis in mice and rheumatoid arthritis in humans. Immunopharmacol Immunotoxicol. 2008;30(1):117-34. PMID: 18306109
  9. Gironés-Vilaplana A, Moreno DA, García-Viguera C. Phytochemistry and biological activity of Spanish Citrus fruits. Food Funct. 2014 Apr;5(4):764-72. PMID: 24563112
  10. Aboelhadid SM et al. In vitro and in vivo effect of Citrus limon essential oil against sarcoptic mange in rabbits. Parasitol Res. 2016 Aug;115(8):3013-20. PMID: 27098160
  11. Adegoke SA et al. Influence of lime juice on the severity of sickle cell anemia. J Altern Complement Med. 2013 Jun;19(6):588-92. PMID: 23356250
  12. KRISTINA L. PENNISTON et al. Quantitative Assessment of Citric Acid in Lemon Juice, Lime Juice, and Commercially-Available Fruit Juice Products . J Endourol. 2008 Mar; 22(3): 567–570. PMID: 18290732