myUpchar प्लस+ के साथ पूरेे परिवार के हेल्थ खर्च पर भारी बचत

భారతీయ ఆహారంలో పాలు ఒక అనివార్యమైన భాగం. పాలను మీరు వెచ్చగా లేక వేడిగా, చల్లగా లేదా అదనపు రుచులతో కలిపి తాగడానికి ఇష్టపడినా, పాలు ఖచ్చితంగా అనేక ఆరోగ్య ప్రయోజనాలను కలిగి ఉంటాయి. శరీరం యొక్క పోషక అవసరాలను తీర్చడానికి మరియు శరీర పనితీరును చక్కగా పొందడానికి పాలు తాగడం చాలా ముఖ్యం.

పాలలో బలమైన ఎముకలు నిర్మించడానికి అవసరమైన అన్ని పోషకాలు ఉన్నాయి. ఇంకా, ఇది ఊబకాయం, టైప్ 2 డయాబెటిస్ మరియు హృదయ సంబంధ రుగ్మతల ప్రమాదాన్ని తగ్గిస్తుంది. పాలు తాగడం వల్ల అనేక రకాల క్యాన్సర్ వచ్చే ప్రమాదాన్ని తగ్గిస్తుందని పరిశోధకులు అంటున్నారు. పాలు తాగడం అందరికీ ముఖ్యం అయితే, శిశువులకు ఇది చాలా ముఖ్యమైనది.

ఇప్పుడు, ఏ పాలు తాగాలనేది చర్చ: ఆవు పాలా లేదా మేక పాలా? మీలో చాలామంది ప్రతిరోజూ ఆవు పాలను తాగుతుండొచ్చు, కానీ మేక పాలు వల్ల కలిగే ఆరోగ్య ప్రయోజనాల గురించి మీకు తెలుసా? అవును, మేక పాలు అనేక ప్రయోజనాలను మనకు కలిగిస్తాయి. ఆ ప్రయోజనాలేమిటో తెలుసుకోవడానికి ముందుకు చదవండి.

  1. మేక పాల పోషకాంశాలు - Goat milk nutrition in Telugu
  2. మేక పాల ప్రయోజనాలు - Goat milk benefits in Telugu
  3. మేక పాలు ఎలా తాగాలి - How to drink goat milk in Telugu
  4. మేక పాలు దుష్ప్రభావాలు - Goat milk side effects in Telugu

అమెరికా వ్యవసాయ శాఖ (యుఎస్‌డిఎ) ప్రకారం, 1 కప్పు మేక పాలు కింది పోషకాంశాల్ని కల్గి ఉంటాయి:

మాంసకృత్తులు, కొవ్వులు, కార్బోహైడ్రేట్లు మరియు కాల్షియం అధికంగా ఉన్నందున, మేక పాలు అనేక ముఖ్యమైన ఆరోగ్య ప్రయోజనాలను కలిగి ఉన్నాయి, ఈ విభాగంలో మేకపాల ప్రయోజనాల గురించి చర్చించబడతాయి.

  • బరువు తగ్గుదల కోసం: మేకపాలులో  ఉండే అధిక ప్రోటీన్ పరిమాణం మరియు ప్రభావంతమైన పోషకలు, అవసరమైన కొవ్వులు ఆమ్లాలు వాటిని ఒక తృప్తినిచ్చే (కడుపు నిండిన భావనను కలిగించే) ఆహారంగా చేసాయి. పరిశోధనలు ఆవు పాల కంటే మేకపాలు కడుపు నిండిన భావనను వేగంగా కలిగిస్తాయని తెలిపాయి. ఇవి ఆకలిని అణిచివేసే సామర్ధ్యాన్ని కలిగి ఉంటాయి తద్వారా అదనపు కేలరీలను కరిగిస్తాయి.
  • మంచి జీర్ణక్రియకు: మేక పాలలో తక్కువ చైన్లుగల ఫ్యాటీ యాసిడ్లు ఉంటాయి మరియు ఫ్యాట్ మొలిక్యూల్స్ కూడా చిన్నవి ఉంటాయి. మరియు ఇవి ఆవు పాల కంటే ఎక్కువ ఆల్కలైన్ గా ఉంటాయి ఈ అన్ని లక్షణాలు కలిపి మేక పాలు తేలికగా జీర్ణమయ్యేలా చేస్తాయి. జీర్ణ సమస్యలతో బాధ పడుతున్నవారు వారి రోజువారీ దినచర్యలో ఒక కప్పు ఆవు పాలకి బదులు ఒక కప్పు మేకపాలను తీసుకుంటే సహాయకరంగా ఉంటుంది.
  • ఎముక ఆరోగ్యం కోసం: ఆవు పాల కంటే మేక పాలలోకాల్షియం అధికంగా ఉంటుందని అధ్యయనాలు తెలిపాయి. జంతు-ఆధారిత అధ్యయనం మేక పాలను ఆహారంలో భాగంగా తీసుకుంటే అవి ఎముక శిధిలతను (రిసోర్ప్షన్) నయం చేస్తుందని సూచించింది. అదనంగా ఎముకలలో అధిక కాల్షియం శాతం కూడా గమనించబడింది.
  • రుమటాయిడ్ అర్థరైటిస్ కోసం: రుమటాయిడ్ అర్థరైటిస్ అనేది ఒక ఆటోఇమ్మ్యూన్ రుగ్మత దీనిలో శరీరంలో వివిధ జాయింట్లలో వాపు ఏర్పడుతుంది ఇది ఆస్టియోపోరోసిస్ ప్రమాదాన్ని కూడా కలిగిస్తుంది. అటువంటి సందర్భాలలో మేక పాలు త్రాగడం అనేది ఆస్టియోపోరోసిస్ ప్రమాదాన్ని నివారిస్తుంది.
  • క్యాన్సర్కు: అనేక ఆరోగ్య ప్రయోజనాలతో పాటుగా మేక పాలు కొన్ని రకాల క్యాన్సర్ల ప్రమాదాన్ని కూడా తగ్గిస్తాయి. ఒక ఇన్ వివో అధ్యాయంలో మేక పాలు మరియు సొయా పాల యొక్క క్యాన్సర్ ప్రభావాలను పోల్చడం జరిగింది. సొయా పాలలో అధిక యాంటీఆక్సిడెంట్ చర్య ఉన్నపటికీ మేక పాలు క్యాన్సర్ ప్రక్రియను నిరోధించచడంలో సమర్థవంతంగా ఉన్నట్లు కనుగొనబడింది.
  • శిశువులకు: ఆవు పాలకు ఎలర్జీ (అసహనం) ఉండే వారు మేక పాలకు సహనం కలిగి ఉంటారని అనేక పరిశోధకులు తెలియజేసారు. మేక పాలలో ఉండే తక్కువ లాక్టోస్ శాతం దీనికి కారణం అని చెప్పవచ్చు. అయితే మరికొన్ని పరిశోధనలు దీనికి విరుద్ధంగా ఉన్నాయి కాబట్టి దీనిపై మరిన్ని ఆధారాలు అవసరం.

అనారోగ్యాలు మరియు అంటువ్యాధుల (ఇన్ఫెక్షన్ల) ప్రమాదాన్ని నివారించడానికి మేక పాలను వేడి చేసి (కాచి) తాగడం ముఖ్యం. పాశ్చరైజ్డ్ మేక పాలను ఎన్నుకోవడం చాలా ముఖ్యం మరియు మేకపాలను తప్పకుండా వేడి చేసుకునే తాగాలి, వేడిచేసిన మేకపాలు  తాగడంవల్ల పాలలోని అన్ని హానికరమైన సూక్ష్మజీవులు నశిస్తాయి, తద్వారా మనకు ఆరోగ్యం సమకూరుతుంది. 

శిశువులకు మేక పాలు తాపేందుకు ముందు, మీరు ఈ క్రింది వాటిని నిర్ధారించుకోవాలి:

  • పాలు బాగా వేడి చేయండి, పాశ్చరైజ్ చేసిన పాలనే వాడండి. 
  • పాలు నమ్మదగిన మూలం నుండి (అంటే పాల ఉత్పత్తిదారు లేదా డెయిరీ) నుండి మాత్రమే పొందండి
  • పాలు పితికే జంతువు క్షయ, బ్రూసెల్లోసిస్ వంటి అంటువ్యాధులకు పరీక్షించబడి ఉండాలి
  • పాలను పరిశుభ్రమైన వాతావరణంలోనే పితకాలి. 
  • మేక పాలు మూడింటా ఒకపాలు నీటికి కలిపి వాడాలి.  
  • నీళ్లు కలపని మేకపాలు శిశువులకు సురక్షితం కాదు
  • 6 నెలల కంటే తక్కువ వయస్సు ఉన్న శిశువులకు మేక పాలను ఇవ్వకూడదు, నీళ్లు కలపని పాలను కూడా తాపకూడదు. 
  • అలాంటి ఆరు నెలల కంటే తక్కువ వయసున్న చిన్నపిల్లలకు తల్లిపాలే  అనువైనవి.

మేకపాలవల్ల అనేక ఆరోగ్య ప్రయోజనాలు ఉన్నప్పటికీ, ఈ పాలు కొన్ని దుష్ప్రభావాలను కలిగిస్తాయి. ముఖ్యంగా పచ్చి మేకపాలను సేవిస్తే ఆ దుష్ప్రభావాలు కలుగుతాయి. పచ్చి మేక పాలు తాగడంవల్ల కలిగే దుష్ప్రభావాలు క్రిందిస్తున్నాం:

మేక పాలను వేడి చేయకుండా అలాగే పచ్చిపాలు తాగడంవల్ల మన శరీరానికి పైన పేర్కొన్న నష్టాలు వాటిల్లి ఆసుపత్రిలో చేరడానికి కారణం కావచ్చు. తీవ్రమైన సందర్భాల్లో, ఇది ప్రాణాంతక ప్రమాదాన్ని కూడా కలిగిస్తుంది. కాబట్టి, మేకపాలు పచ్చివి వాడకుండా ఉండడం మంచిది. పచ్చి మేక పాలు అనేక సూక్ష్మజీవులకు నిలయం, అలాంటి మేకపాలను కాంచకుండా మనుషులమైన మనం తాగితే ఆరోగ్యానికి హాని కల్గి వ్యాధికారకంగా తయారవుతుంది. కాబట్టి, పశువుల ఆరోగ్యం, పాల పాశ్చరైజేషన్ (పాలు పులియకుండా 140 డిగ్రీలకు వెచ్చజేసియుంచు పద్ధతి) యొక్క స్థితి మరియు పశువుల పాక యొక్క పరిశుభ్రత పట్ల జాగ్రత్త తీసుకోవాలి.

అలెర్జీ ప్రతిచర్యల ప్రమాదం కారణంగా, శిశువులకు మేక పాలు తాపడం లేదా మేక పాల అనుపానాది ఉత్పత్తులు సిఫారసు చేయబడవు. లాక్టోస్ అసహనం మరియు పాలకు అలెర్జీ ఉన్నవారు కూడా మేకపాలను తాగకూడదు.

ఇంకా, మేక పాలలో కొవ్వులు మరియు కొలెస్ట్రాల్ అధికంగా ఉంటాయి.  మేకపాలను అధికంగా తాగడంవల్ల బరువు పెరగడానికి మరియు రక్తంలో అధిక కొలెస్ట్రాల్ స్థాయి పెరిగేందుకు దోహదం చేస్తుంది.

और पढ़ें ...

References

  1. Tanja Kongerslev Thorning et al. Milk and dairy products: good or bad for human health? An assessment of the totality of scientific evidence . Food Nutr Res. 2016; 60: 10.3402/fnr.v60.32527. PMID: 27882862
  2. United States Department of Agriculture Agricultural Research Service. Full Report (All Nutrients): 45366311, GOAT MILK. National Nutrient Database for Standard Reference Legacy Release [Internet]
  3. Elehazara Rubio-Martín et al. Comparison of the Effects of Goat Dairy and Cow Dairy Based Breakfasts on Satiety, Appetite Hormones, and Metabolic Profile . Nutrients. 2017 Aug; 9(8): 877. PMID: 28809789
  4. Turck D. Cow's milk and goat's milk. World Rev Nutr Diet. 2013;108:56-62. PMID: 24029787
  5. Dhartiben B. Kapadiya et al. Comparison of Surti goat milk with cow and buffalo milk for gross composition, nitrogen distribution, and selected minerals content . Vet World. 2016 Jul; 9(7): 710–716. PMID: 27536031
  6. Laura Toxqui, M. Pilar Vaquero. Chronic Iron Deficiency as an Emerging Risk Factor for Osteoporosis: A Hypothesis . Nutrients. 2015 Apr; 7(4): 2324–2344. PMID: 25849944
  7. Díaz-Castro J et al. [link] J Dairy Sci. 2011 Jun;94(6):2752-61. PMID: 21605744
  8. Nestares T et al. Calcium-enriched goats' milk aids recovery of iron status better than calcium-enriched cows' milk, in rats with nutritional ferropenic anaemia. J Dairy Res. 2008 May;75(2):153-9. PMID: 18474131
  9. National Institute of Arthritis and Musculoskeletal and Skin Diseases [Internet]. NIH Osteoporosis and related Bone diseases; National research center: National Institute of Health; What People With Rheumatoid Arthritis Need To Know About Osteoporosis.
  10. Shostak NA et al. [Clinical efficacy instant goat milk in the complex therapy and prevention of osteoporosis in patients with rheumatoid arthritis]. Vopr Pitan. 2014;83(5):79-85. PMID: 25816630
  11. Better health channel. Department of Health and Human Services [internet]. State government of Victoria; Milk
  12. Center for Disease Control and Prevention [internet], Atlanta (GA): US Department of Health and Human Services; Breastfeeding
  13. Center for Disease Control and Prevention [internet], Atlanta (GA): US Department of Health and Human Services; Mycobacterium bovis (Bovine Tuberculosis) in Humans
  14. Center for Disease Control and Prevention [internet], Atlanta (GA): US Department of Health and Human Services; Raw Milk Questions and Answers
  15. Food Standards Australia New Zealand. Microbiological Risk Assessment of Raw Goat Milk . [Internet]