కాఫీ అనేది అద్భుతమైన శక్తులు గల ఒక అద్భుతమైన పానీయము. ఒక శీతాకాలపు చలి రోజున ఒక కప్పు కాఫీ అంటే ఎవరు ఇష్టపడరు! ఈ ముదురు రంగు కషాయము రుచిలో కాస్త చేదుగా మరియు కొంతవరకు ఎసిడిక్ గా కూడా ఉంటుంది. ఐతే, ఆవిర్లు గ్రక్కుతున్న కాఫీ లేకుండా ఏ బ్రేక్‌ఫాస్ట్ కూడా పూర్తి కాదు. ప్రపంచవ్యాప్తంగా రోజుకు 400 బిలియన్ కప్పుల కాఫీ త్రాగుతున్నారనే అంచనా తెలిస్తే మీకు ఆశ్చర్యం కలుగవచ్చు. 

మనకు తెలిసిన సువాసన గల కాఫీ గింజలు, వాస్తవంగా కాఫీ కాయల నుండి తీసి వేయించబడిన విత్తనాలు. కాఫీ యొక్క సువాసన మరియు రుచి, కాఫీ గింజలు వేయించిన స్థాయిపై ఆధారపడి ఉంటుంది. అరేబికా మరియు రోబస్టా అనేవి కాఫీ యొక్క అత్యంత ప్రజాదరణ గల రెండు రకాలు. అయినప్పటికీ, అరబిక్ కాఫీ అత్యంత శ్రేష్టమైన కాఫీగా పరిగణించబడుతోంది మరియు అది శ్రేష్టమైన పరిమళము మరియు రుచిని కలిగి ఉంటుంది. కాఫీ ఎక్కువగా వేడిగానే ఇవ్వబడుతుంది.  ఐతే చల్లని కాఫీ కూడా ఒక ప్రముఖమైన పానీయం.

ప్రపంచములో బ్రెజిల్ కాఫీ పంట యొక్క అతి పెద్ద ఉత్పాదక దేశంగా ఉంది. ఇండియాలో, అత్యంత ఎక్కువగా కాఫీ పండించే రాష్ట్రాలుగా, మొత్తం కాఫీ ఉత్పత్తిలో 71% ఆక్రమిస్తున్న కర్ణాటక, ఆ తర్వాత కేరళ మరియు తమిళనాడు ఉన్నాయి. కర్ణాటక రాష్ట్ర కాఫీ ఉత్పత్తిలో చిక్కమగళూరు మరియు కొడగు ప్రాంతాలు 80% కంటే ఎక్కువగా ఉత్పత్తి చేస్తున్నాయి.

ఒక పానీయముగా కాఫీ విజయానికి అత్యంత ప్రధాన దోహదాంశము కెఫెయిన్ పదార్థాంశము, అది మానవ శరీరముపై శక్తినిచ్చు ప్రభావాలను కలిగి ఉంటుంది. ఐతే, ఇది అనేక ఇతర ఆరోగ్య ప్రయోజనాలను కలిగియుంది. అది, క్రుంగుబాటును నయం చేయడానికి, రొమ్ము క్యాన్సర్ ని నివారించుటకు సహాయపడగలుగుతుంది మరియు కాలేయమును రక్షించుటకు కూడా తోడ్పడుతుంది.  ఇది, శరీరాన్ని ఉత్తేజపరచేందుకు సహాయపడే  యాంటీఆక్సిడంట్లు మరియు ఇతర జైవిక సమ్మేళనాలకు ఒక సమృద్ధమైన మూలము.

కాఫీ గురించి కొన్ని ప్రాథమిక వాస్తవాలు:

  • వృక్షశాస్త్ర సంబంధిత నామము: కాఫియా
  • కుటుంబము: రుబియాసియే
  • సాధారణ నామము: కాఫీ
  • సంస్కృత నామము: కాఫీ (Coffee) / పీయుష్ (Piyush)
  • ఉపయోగించబడే భాగాలు: కాఫీ గింజలు
  • జన్మస్థానము మరియు భౌగోళిక పంపిణీ: కాఫీ మొక్క యొక్క పుట్టుక ఇథియోపియా యొక్క కఫ్ఫా ప్రాంతములో జరిగినట్లు విశ్వసించబడుతోంది. దీని జన్మస్థానము, ఆఫ్రికాలోని సహారా-ఉప ప్రాంతపు ఉష్ణమండల ప్రదేశము. హవేలీ, మెక్సికో, ప్యుయెర్టో రికో, కోస్టా రికా, కొలంబియా, బ్రెజిల్, ఇథియోపియా, కెన్యా, ఇండియా మరియు యెమెన్ దేశాలు కాఫీ మొక్కలను పండించే కొన్ని ప్రదేశాలుగా ఉన్నాయి.
  • ఆసక్తికరమైన వాస్తవము: చమురు తర్వాత కాఫీ, ప్రపంచములో అత్యంత సాధారణంగా విక్రయించబడే రెండవ ఉత్పాదనగా ఉంది.
  1. కాఫీ పోషక వాస్తవాలు - Coffee nutrition facts in Telugu
  2. కాఫీ ఆరోగ్య ప్రయోజనాలు - Coffee health benefits in Telugu
  3. కాఫీ దుష్ప్రభావాలు - Coffee side effects in Telugu
  4. తీసుకువెళ్ళుట - Takeaway in Telugu

కాఫీలో కెఫెయిన్ సమృద్ధంగా ఉంటుంది మరియు విస్తృతమైన ఆరోగ్య ప్రయోజనాలను కలిగియుంది. భాస్వరము, మెగ్నీషియం, పొటాషియం, మరియు మ్యాంగనీస్ వంటి వివిధ ఖనిజ లవణాలకు కాఫీ ఒక మంచి మూలము.

USDA పోషకాహారాల డేటాబేస్ ప్రకారము, 100 గ్రాముల ఇన్‌స్టంట్ కాఫీలో ఈ క్రింది పోషకపదార్థాలు ఉంటాయి:

పోషక విలువ 100 గ్రాములకు
నీరు 3.1 గ్రా
శక్తి 353 కిలోకేలరీలు
మాంసకృత్తులు 12.2 గ్రా
మొత్తం లిపిడ్లు (కొవ్వు) 0.5 గ్రా
కార్బోహైడ్రేట్ 75.4 గ్రా
ఖనిజాలు  
క్యాల్షియం 141 మి.గ్రా
ఇనుము 4.41 మి.గ్రా
మెగ్నీషియం 327 మి.గ్రా
భాస్వరము 303 మి.గ్రా
పొటాషియం 3535 మి.గ్రా
సోడియం 37 కిలోగ్రాములు
జింకు 0.35 మి.గ్రా
విటమిన్  
విటమిన్ B1 0.008 మి.గ్రా
విటమిన్ B2 0.074 మి.గ్రా
విటమిన్ B3 28.173 మి.గ్రా
విటమిన్ B6 0.029 మి.గ్రా
విటమిన్ కె 1.9 µg
క్రొవ్వు/క్రొవ్వు ఆమ్లములు  
సంతృప్త 0.197 గ్రా
ఏకసంతృప్త పదార్థాలు 0.041 గ్రా
బహుసంతృప్త పదార్థాలు 0.196 గ్రా
కెఫైన్ 3142 మి.గ్రా
  • వివరణ కొరకు: హార్మోన్ డోపమైన్ పై కాఫీ యొక్క ప్రభావం కారణంగా కాఫీ తీసుకోవడం క్రుంగుబాటు నివారణలో సహాయపడుతుంది.
  • దృష్టి కొరకు: కాఫీ, రెటీనా పాడుకాకుండా సహాయపడుతుంది కాబట్టి, అది దృష్టికి మంచిది.
  • నోటి ఆరోగ్యము కొరకు: పాలు మరియు పంచదార లేకుండా కాఫీ తీసుకోవడం వల్ల దంతక్షయం యొక్క ముప్పు తగ్గుతుంది.
  • మధుమేహవ్యాధి కొరకు: కాఫీ సేవనము 2 వ రకం మధుమేహవ్యాధి నివారణకు తోడ్పడుతుంది.
  • గుండె కొరకు: ప్రతిరోజూ 3 కప్పుల కాఫీ త్రాగడం వల్ల స్ట్రోక్, గుండెపోటు, మరియు కరోనరీ గుండెజబ్బుల వంటి అనేక కార్డియో వాస్కులర్ రుగ్మతలు తగ్గుతాయి.
  • సుదీర్ఘ జీవితం కొరకు: కార్డియో వాస్కులర్ రుగ్మతల కారణంగా మీకు కలిగే మరణం ముప్పును కాఫీ తగ్గిస్తుంది మరియు ప్రతి రోజూ 4 కప్పులు తీసుకున్న వ్యక్తులలో దీర్ఘకాలిక జీవితం సైతమూ మెరుగుపడినట్లు తెలుస్తోంది.
  • క్యాన్సర్ కు వ్యతిరేకంగా: కాఫీ త్రాగడం వల్ల మహిళల్లో మెనోపాజ్ అనంతర దశలో రొమ్ము క్యాన్సర్ యొక్క ముప్పు 10% వరకూ తగ్గింది. ఇది, కొలొరెక్టల్ క్యాన్సర్ యొక్క ముప్పును తగ్గించడంలో కూడా సహాయపడవచ్చు. అదనంగా, ఇది మీకు మల్టిపుల్ స్లెరొసిస్ యొక్క ముప్పును మార్చవచ్చు.
  • కాలేయము కొరకు: కాఫీని క్రమం తప్పకుండా తీసుకోవడం వల్ల కాలేయము ఎంజైములపై ప్రభావము చూపి హెపటోప్రొటెక్టివ్ ప్రభావమును కలిగి ఉంటుంది.
  • మెదడు కొరకు: కాఫీ త్రాగడం న్యూరోప్రొటెక్టివ్ చర్యను కూడా కలిగిఉంది, ఈ చర్యలో ఇది అల్జీమ‌ర్స్ యొక్క ప్రమాధాన్ని తగ్గించడం‌లో సహాయపడుతుంది.

సుదీర్ఘ జీవితానికి కాఫీ - Coffee for longevity in Telugu

కాఫీ త్రాగడం మీ జీవితాన్ని పొడిగిస్తుందని మీకు తెలుసా?  కాఫీ త్రాగడం మరియు జీవితం యొక్క దీర్ఘాయువు మధ్య ఒక సానుకూల సంబంధం ఉందని అనేక అధ్యయనాలు సూచిస్తున్నాయి.  కాఫీ త్రాగడం, వివిధ కారణాల వలన సంభవించే మరణం యొక్క ప్రమాదాన్ని తగ్గిస్తుందని పరిశోధన చూపిస్తుంది.

కాఫీ త్రాగడం మరియు వివిధ రోగాల వలన వచ్చే మరణం మధ్య విలోమ సంబంధం ఉందని 5 లక్షల మంది కంటే ఎక్కువగా కాఫీ త్రాగేవారిపై  నిర్వహించిన ఒక అధ్యయనం పరిశీలించింది.   

ఇటీవలి ఒక పరిశోధన ప్రకారం, ప్రతీ రోజూ 1-4 కప్పుల కాఫీ త్రాగడం జీవితం పొడిగించబడటానికి సహాయపడుతుంది.

మెనోపాజ్ అనంతర దశలో రొమ్ము క్యాన్సర్ కొరకు కాఫీ - Coffee for post menopausal breast cancer in Telugu

ఋతు క్రమం ఆగిపోయిన స్త్రీలు, రొమ్ము క్యా‌న్సర్‌కు గురయ్యే అవకాశాలు ఎక్కువగా ఉన్నాయని పరిశోధన చూపిస్తుంది.  కాఫీ వినియోగం మరియు రొమ్ము క్యా‌న్సర్ ప్రమాదం మధ్య సహవాసం కనుగొనుటకు ఒక అధ్యయనం నిర్వహించబడింది.  ప్రతీ రోజూ కనీసం 4 కప్పుల కాఫీ తీసుకునే స్త్రీలు  రొమ్ము క్యా‌న్సర్యొక్క అభివృద్ధికి  10% తక్కువ ప్రమాదం కలిగి ఉన్నారని ఒక అధ్యయనం చూపించింది. ఋతుక్రమం ఆగిపోయిన మహిళల విషయం‌లో ఇది ముఖ్యంగా వాస్తవంగా ఉంది.

క్రుంగుబాటు కొరకు కాఫీ - Coffee for depression in Telugu

క్రుంగుబాటు అన్నది ఒక మానసిక రుగ్మత, విచారం, నిరాశ యొక్క స్థిరమైన భావన మరియు సహజంగా ఆసక్తి లేకపోవడం వంటి వాటి ద్వారా ఇది సాధారణంగా వర్గీకరించబడుతుంది.  వివిధ మానసిక, జన్యు మరియు పర్యావరణ పరిస్థితుల కారణంగా ఇది ఏర్పడవచ్చు.  అయితే  క్రుంగుబాటుకు ప్రత్యేకమైన కారణమంటూ ఇప్పటివరకూ నమోదు చేయబడలేదు.

కాఫీ వినియోగం క్రుంగుబాటు యొక్క ప్రమాదం తగ్గడానికి దారి తీస్తుందని 3 లక్షల కంటే ఎక్కువ మంది సభ్యుల పైన జరిగిన ఒక క్లినికల్ అధ్యయనం కనుగొనింది.  ఈ లక్షణం కాఫీలో ఉండే కెఫీన్ కంటెంట్ వలన దానికి ఆపాదించబడింది.  మెదడులో డోపమైన్ స్థాయిలు పెరగడానికి కెఫీన్ కారణమవుతుందని మరొక పరిశోధన చూపించింది.  దోపమైన్ శరీరం యొక్క సం‌తోష హార్మోన్‌గా తెలుపబడింది, అది మెదడులోని భావావేశభావావేశ కేం‌ద్రాలను ఇది ప్రేరేపిస్తుంది, ఆనందం మరియు సంతృప్తి భావనను మీకు ఇస్తుంది.

కళ్ళ కొరకు కాఫీ ప్రయోజనాలు - Coffee benefits for eyes in Telugu

ప్రపంచవ్యాప్తంగా ఉండే ప్రజలు రెటినాల్ డిజనరేటివ్ వ్యాధులతో బాధపడుతున్నారు.  రెటినా యొక్క కాంతి-గ్రహించే కణాలు దెబ్బతిన్నప్పుడు రెటినాల్ డిజనరేషన్ ఏర్పడుతుంది.  మానవులలో రెటినాల్ నష్టానికి, ఆక్సీకరణ ఒత్తిడి ఒక ప్రధాన కారణంగా ఉంది.  దృష్టి నష్టం మరియు గ్రుడ్డితనం‌తో ఇది సాధారణంగా సంబంధం కలిగిఉంటుంది.  కాఫీ అధిక పరిమాణం‌లో క్లోరోజెనిక్ ఆమ్లాలు కలిగిఉందని, ఇవి రెటినాల్ డిజనరేషన్ నుండి కళ్లను రక్షించడం‌లో సహాయపడతాయని ఒక పరిశోధన చూపించింది.  రెటినాల్ కణాల మరణాన్ని తగ్గించడం ద్వారా క్లోరోజెనిక్ ఆమ్లం, రెటినాల్ డిజనరేషన్ నిరోధిస్తుందని ఇది మరలా సూచించింది.

(ఇంకా చదవండి: మాక్యులర్ డిజనరేషన్ చికిత్స)

కాఫీ దంతక్షయాన్ని నివారిస్తుంది - Coffee prevents cavities in Telugu

దంత క్షయం అన్నది ఎనామిల్ లేదా దంత ధాతువులో ఏర్పడుతుంది, నోటిలో ఆమ్లాన్ని ఉత్పత్తి చేసే బ్యాక్టీరియా కారణంగా ఇది ఏర్పడుతుంది. ఈ బ్యాక్టీరియాను చంపే సామర్థ్యం మరియు దంత క్షయాన్ని నిరోధించే సామర్థ్యం  బ్లాక్ కాఫీ కలిగిఉందని ఒక క్లినికల్ అధ్యయనం చూపించింది.  కాఫీకి పాలు లేదా చక్కెర కలపడం, దాని యాంటి-క్షయ లక్షణాలను తగ్గిస్తుందని కూడా పరిశోధన సూచించింది.

కాఫో కొలెక్టరల్ క్యాన్సర్ యొక్క ముప్పును తగ్గిస్తుంది - Coffee reduces the risk of colorectal cancer in Telugu

కాఫీ బయోయాక్టివ్ సమ్మేళనాలు సమృద్ధిగా కలిగిఉంది, ఇవి శక్తివంతమైన యాంటికార్సినోజెనిక్ ప్రభావాలు కలిగిఉంటాయి.  కాఫీ త్రాగడం మరియు  కొలరెక్టల్ క్యా‌న్సర్ మధ్య సహ సంబంధాన్ని పరిశీలించడానికి జపాన్‌లో ఒక అధ్యయనం నిర్వహించబడింది. జపాన్ స్త్రీలలో,  కాఫీ త్రాగడం, పెద్ద ప్రేగు క్యా‌న్సర్  యొక్క ప్రమాదాన్ని తగ్గించడం‌తో సంబంధం కలిగిఉందని ఫలితాలు చూపించాయి.

మల్టిపుల్ స్లెరోసిస్ కొరకు కాఫీ - Coffee for multiple sclerosis in Telugu

మల్టిపుల్ స్లెరోసిస్ అన్నది ఒక పరిస్థితి, ఇందులో మెదడు మరియు వెన్నుపాములోని నరాల యొక్క రక్షణ కవచం దెబ్బతింటుంది.  కాఫీ ప్రతీరోజూ తీసుకోవడం  మల్టిపుల్ స్లెరోసిస్అభివృద్ధి చెందే ప్రమాదం తగ్గించడానికి సహాయపడుతుందని ఒక ప్రిక్లినికల్ అధ్యయనం పరిశీలించింది. కెఫీన్, న్యూరోప్రొటెక్టివ్ లక్షణాలు కలిగిఉందని అధ్యయనాలు సూచిస్తున్నాయి.  ప్రొఇన్‌ఫ్లమేటరీ సైటోకై‌న్స్ అని పిలువబడే ఒక నిర్ధిష్ట రకం సంకేత అణువుల ఉత్పత్తిని నెమ్మదించడానికి ఇది సహాయపడుతుంది, ఈ వ్యాధి అభివృద్ధి చెందడం‌లో ఈ అణువులు బాధ్యత వహిస్తాయి.

కాలేయము కొరకు కాఫీ ప్రయోజనాలు - Coffee benefits for liver in Telugu

గాయపడిన లేదా ఇన్‌ఫెక్షన్ సోకిన కాలేయం, అధిక స్థాయి ఎంజైములను ఉత్పత్తి చేస్తుంది, ఇది రక్త పరీక్షల నుండి స్పష్టంగా తెలుస్తుంది.   కాఫీ యొక్క క్రమమైన వినియోగం, పొటె‌న్షియల్ హెపోప్రొటెక్టివ్ చర్యను సూచించడం ద్వారా కాలేయ ఎంజైముల యొక్క స్థాయిల్ని తగ్గిస్తుందని ఒక క్లినికల్ అధ్యయనం నిరూపించింది.  ప్రతీరోజూ రెండు కప్పుల కాఫీ త్రాగడం  కాలేయ సిరోసిస్, ఫైబ్రోసిస్, మరియు కాలేయ క్యా‌న్సర్యొక్క అవకాశాలను తగ్గిస్తుందని మరొక అధ్యయనం చూపించింది.

అల్జీమర్స్ నివారణ కొరకు కాఫీ - Coffee for Alzheimer's prevention in Telugu

అల్జీమర్స్ ఒక పురోగమిస్తున్న వ్యాధి, ఇది ఆలోచనా నైపుణ్యాలు మరియు జ్ఞాపకశక్తిని నాశనం చేస్తుంది, సాధారణమైన పనులు చేయడం కూడా వారికి కష్టంగా తయారవుతుంది.  ఈ వ్యాధి ముసలి వారైన పెద్దలలో మరింత ఎక్కువగా ఉంటుంది, జీవనశైలి మరియు వ్యక్తిగత జన్యువులు వంటి వివిధ కారకాలు అల్జీమర్స్‌తో సంబంధం కలిగిఉంటాయి.  కెఫీన్ న్యూరోప్రొటెక్టివ్ ప్రభావాలు కలిగిఉందని 54 మంది వ్యక్తుల సమూహం పై నిర్వహించిన ఒక క్లినికల్ అధ్యయనం చూపించింది, ఈ ప్రభావం ఎడిని నిరోధించే న్యూరాన్ల యొక్క మరణాన్ని నివారించే సామర్థ్యాన్ని కలిగిఉంటుంది.

మధుమేహం కొరకు కాఫీ - Coffee for diabetes in Telugu

టైప్ 2 డయాబెటిస్ అన్నది శరీరం ఇ‌న్సులిన్‌ను సమర్థవంతంగా ఉపయోగించుకునే సామర్థ్యం లేనటువంటి ఒక పరిస్థితి, ఇది రక్తం‌లో గ్లూకోజ్ స్థాయిలు పెరగడానికి దారితీస్తుంది.  క్లోరోజెనిక్ ఆమ్లం మరియు ట్రిగోనెల్లిన్ ‌లను కాఫీ సమృద్దిగా కలిగిఉంది, ఇవి రెండూ కూడా రక్తం‌లో గ్లూకోజ్ స్థాయిల్ని తగ్గించడం‌లో సహాయం చేస్తాయని ఒక అధ్యయనం చూపించింది.

ప్రస్తుత డయాబెటిస్ సమీక్షలలో ప్రచురితమైన ఒక మెటా-విశ్లేషణ ప్రకారం, ప్రతీ రోజూ 4 కప్పుల కాఫీ త్రాగడం గణనీయంగా  డయాబెటిస్ప్రమాదాన్ని తగ్గిస్తుంది. కాఫీ వినియోగం, ఋతుక్రమం ఆగిపోయిన స్త్రీలలో డయాబెటిస్ యొక్క తక్కువ ప్రమాదం‌తో సంబంధం కలిగిఉందని మరొక క్లినికల్ అధ్యయనం నిరూపించింది. కాఫీ యొక్క యాంటి-డయాబెటిక్ చర్య అన్నది కాఫీలో ఉండే  కొన్ని ఖనిజాలు, ఫైటోరసాయనాలు, మరియు యాంటిఆక్సిడంట్ల వలన దానికి ఆపాదించబడిందని 25000 మంది కంటే ఎక్కువ ఋతుక్రమం ఆగిపోయిన, మధుమేహం లేనటువంటి  స్త్రీల పైన తర్వాత జరిగిన ఒక అధ్యయనం నిరూపించింది.

కార్డియోవాస్కులర్ వ్యాధుల కొరకు కాఫీ ప్రయోజనాలు - Coffee benefits for cardiovascular diseases in Telugu

కార్డియోవాస్కులర్ వ్యాధికి సంబందించి, అధిక రక్తపోటు, అధిక స్థాయిలో కొలెస్ట్రాల్, పొగత్రాగడం వంటి కొన్ని సాధారణం కారకాలను కలిగిఉంటుంది.  ఒకవేళ కాఫీ వినియోగం, కార్డియోవాస్కులర్ వ్యాధుల యొక్క ప్రమాదం తగ్గించడంతో సంబంధం కలిగిఉన్నది లేనిది అంచనా వేయడానికి ఒక అధ్యయనం నిర్వహించబడింది.  ప్రతీ రోజూ 3 కప్పుల కాఫీ తీసుకోవడం స్ట్రోక్, గుండె పోటు, మరియు కొరొనరీ గుండె వ్యాధివంటి వ్యాధులు వచ్చే అవకాశాలను తగ్గిస్తుందని అధ్యయనం సూచించింది. కాఫీ యొక్క రెగ్యులర్ వినియోగం, కార్డియాక్ రోగులలో మరణం యొక్క ప్రమాదాన్ని తగ్గిస్తుందని కూడా ఇది సూచించింది.

(ఇంకా చదవండి: గుండె వ్యాధి కారణాలు)

  • కాఫీ రక్తపోటును పెంచుతుంది
    కాఫీ వినియోగం రక్తనాళాల ధృఢత్వాన్ని పెంచుతుందని, అవి రక్తపోటును పెంచుతాయని ఒక క్లినికల్ అధ్యయనం సూచించింది. కాబట్టి, అధిక రక్తపోటుతో బాధపడే ప్రజలకు, అధికంగా కాఫీ త్రాగకూడదని వారికి సూచించబడింది.  (ఇంకా చదవండి: అధిక రక్తపోటుకు చికిత్స)
  • కాఫీ నిద్రలేమికి కారణమవుతుంది
    ఒక క్లినికల్ అధ్యయనం‌లో, 18 మంది పెద్ద వయస్సు గల పురుషులకు కెఫీన్, రెగ్యులర్ కాఫీ, మరియు కెఫీన్ లేనటువంటి కాఫీని సమాన మోతాదులో,  నిద్రపోవడానికి 30 నిమిషాల ముందు ఇవ్వడం జరిగింది. రెగ్యులర్ కాఫీ మరియు కెఫీన్,  నిద్రపోయే విధానం‌లో ఒక మార్పుకు కారణమయిందని, అది  నిద్రలేమిని కలుగజేసిందని పరిశీలించబడింది.
  • అజీర్ణం మరియు తలనొప్పికి కాఫీ కారణమవుతుంది
    కెఫీన్ అధికంగా తీసుకోవడం ఆరోగ్యం పైన వివిధ ప్రతికూల ప్రభావాలు కలిగిఉందని, దాని ద్వారా అజీర్ణం, గుండెదడలు, మరియు తలనొప్పివంటి వివిధ సమస్యలకు కారణమవుతుందని పరిశోధన చూపిస్తుంది. కెఫీన్, కాఫీ యొక్క ప్రధాన పదార్థాలలో ఒకటి, కాబట్టి ప్రతీరోజూ ఎక్కువ కాఫీ త్రాగడం మంచిది కాదు.
  • కాఫీ గర్భస్రావానికి దారితీస్తుంది
    ఒక అధ్యయనం ప్రకారం, ఒకవేళ ఎవరైనా జంట ఎక్కువగా కాఫీలు త్రాగుతుంటే, మహిళలు గర్భస్రావం పొందే అవకాశం, ముఖ్యంగా గర్భధారణ సమయం‌లో ఎక్కువగా ఉంటుంది. గర్భం వచ్చిన మొదటి ఏడు వారాల సమయంలో, రెండు కప్పుల కంటే ఎక్కువ కాఫీ త్రాగడం, గర్భస్రావానికి దారి తీస్తుందని పరిశోధన కూడా పేర్కొంది.
  • ఫైబ్రోసిస్టిక్ రొమ్ము యొక్క ప్రమాదాన్ని కాఫీ పెంచుతుంది
    ఫైబ్రోసిస్టిక్ రొమ్ము వ్యాధి,  సాధారణంగా ఫైబ్రోసిస్టిక్ రొమ్ము అని పిలుస్తారు, ఈ వ్యాధి క్యా‌న్సర్ కానటువంటి రొమ్ము గడ్డల ద్వారా వర్గీకరించబడుతుంది. ఇది తీవ్రమైన వైద్య పరిస్థితి కానప్పట్టికీ, ఇది స్థిరమైన అసౌకర్యం మరియు నొప్పికి దారితీస్తుంది.  ఒక అధ్యయనం‌లో, ప్రతీరోజూ అధికంగా కెఫీన్ తీసుకునే మహిళలు, ఫైబ్రోసిస్టిక్ రొమ్ము వ్యాధి ద్వారా ప్రభావితం చేయబడే అవకాశం అధికంగా ఉందని పరిశీలించబడింది.

యాంటిఆక్సిడంట్లు, ఫైటోరసాయనాలు, ఖనిజాలు మరియు కెఫీన్‌లను కాఫీ సమృద్ధిగా కలిగిఉంటుంది, ఇది వివిధ వ్యాధుల చికిత్సకు సామర్థ్యం కలిగిఉంది.  పోస్ట్‌ మెనోపాజల్ రొమ్ము క్యా‌న్సర్, హృదయ సంబంధ వ్యాధులు, టైప్ 2 డయాబెటిస్, మరియు క్రుంగుబాటు వంటి పరిస్థితులకు కాఫీ వ్యతిరేకంగా ప్రభావవంతంగా పనిచేస్తుంది.   అయితే, కాఫీ అధికంగా త్రాగడం సమస్యలకు దారితీస్తుంది, ప్రత్యేకంగా ఒకవేళ మీరు నిద్రలేమి వ్యాధి బాధపడుతుంటే లేదా ఒకవేళ గర్భం పొందాలని మీరు ప్రయత్నిస్తుంటే, ఇటువంటి  సమస్యలకు కాఫీ అధికంగా త్రాగడం  కారణమవుతుంది.  అందువలన, ప్రతీ రోజూ ఎన్ని కప్పుల కాఫీ మీరు త్రాగుతున్నారో చూసుకోవడం ఉత్తమం.


उत्पाद या दवाइयाँ जिनमें Coffee है

వనరులు

  1. United States Department of Agriculture Agricultural Research Service. Basic Report: 14214, Beverages, coffee, instant, regular, powder. National Nutrient Database for Standard Reference Legacy Release [Internet]
  2. Gunter MJ et al. Coffee Drinking and Mortality in 10 European Countries: A Multinational Cohort Study. Ann Intern Med. 2017 Aug 15;167(4):236-247. PMID: 28693038
  3. Erikka Loftfield, Marilyn C. Cornelis, Neil Caporaso, et al. Association of Coffee Drinking With Mortality by Genetic Variation in Caffeine Metabolism. JAMA Intern Med. 2018;178(8):1086-1097.
  4. Aruna Surakasula, Govardhana Chary Nagarjunapu, K. V. Raghavaiah. [link[. J Res Pharm Pract. 2014 Jan-Mar; 3(1): 12–18. PMID: 24991630
  5. Lafranconi A et al. Coffee Intake Decreases Risk of Postmenopausal Breast Cancer: A Dose-Response Meta-Analysis on Prospective Cohort Studies. Nutrients. 2018 Jan 23;10(2). pii: E112. doi: 10.3390/nu10020112. PMID: 29360766
  6. Wang L, Shen X, Wu Y, Zhang D. Coffee and caffeine consumption and depression: A meta-analysis of observational studies. Aust N Z J Psychiatry. 2016 Mar;50(3):228-42. PMID: 26339067
  7. N D Volkow et al. Caffeine increases striatal dopamine D2/D3 receptor availability in the human brain Transl Psychiatry. 2015 Apr; 5(4): e549. PMID: 25871974
  8. Holim Jang et al. Chlorogenic Acid and Coffee Prevent Hypoxia-Induced Retinal Degeneration. J. Agric. Food Chem.2014621182-191 Publication Date:December 2, 2013
  9. PC Anila Namboodiripad, Sumathi Kori. Can coffee prevent caries?. J Conserv Dent. 2009 Jan-Mar; 12(1): 17–21. PMID: 20379435
  10. Wadhawan M, Anand AC. Coffee and Liver Disease. J Clin Exp Hepatol. 2016 Mar;6(1):40-6. PMID: 27194895
  11. Maia L, de Mendonça A. Does caffeine intake protect from Alzheimer's disease? Eur J Neurol. 2002 Jul;9(4):377-82. PMID: 12099922
  12. Aimée E. van Dijk et al. Acute Effects of Decaffeinated Coffee and the Major Coffee Components Chlorogenic Acid and Trigonelline on Glucose Tolerance. Diabetes Care 2009 Jun; 32(6): 1023-1025.
  13. Muley A, Muley P, Shah M. Coffee to reduce risk of type 2 diabetes?: a systematic review. Curr Diabetes Rev. 2012 May;8(3):162-8. PMID: 22497654
  14. Pereira MA, Parker ED, Folsom AR. Coffee consumption and risk of type 2 diabetes mellitus: an 11-year prospective study of 28 812 postmenopausal women. Arch Intern Med. 2006 Jun 26;166(12):1311-6. PMID: 16801515
  15. Anne Gulland. Scientists wake up to coffee’s benefits. BMJ 2017;359:j5381
  16. National Institutes of Health; [Internet]. U.S. Department of Health & Human Services; Couples’ pre-pregnancy caffeine consumption linked to miscarriage risk.
  17. Baker JA, Beehler GP, Sawant AC, Jayaprakash V, McCann SE, Moysich KB. Consumption of coffee, but not black tea, is associated with decreased risk of premenopausal breast cancer. J Nutr. 2006 Jan; 136(1): 166-71. PMID: 16365077.
  18. Jiang W, Wu Y, Jiang X. Coffee and caffeine intake and breast cancer risk: an updated dose-response meta-analysis of 37 published studies. Gynecol Oncol. 2013 Jun; 129(3): 620-9. PMID: 23535278.
  19. Avisar R, Avisar E, Weinberger D. Effect of coffee consumption on intraocular pressure. Ann Pharmacother. 2002 Jun; 36(6): 992-5. PMID: 12022898.
  20. Varma Shambhu D. Effect of coffee (caffeine) against human cataract blindness. Clinical Ophthalmol. 2016; 10: 213–220. PMID: 26869755.
  21. Machida Tatsuya, et al. Severe Periodontitis Is Inversely Associated with Coffee Consumption in the Maintenance Phase of Periodontal Treatment. Nutrients. 2014 Oct; 6(10): 4476–4490. PMID: 25338270.
  22. Sharma Rama, et al. Antimicrobial and anti-adherence activity of various combinations of coffee-chicory solutions on Streptococcus mutans: An in-vitro study. JOMFP. 2014 May-Aug; 18(2): 201–206. PMID: 25328299.
  23. Song In-Seok, et al. Coffee Intake as a Risk Indicator for Tooth Loss in Korean Adults. Sci Rep. 2018; 8: 2392. PMID: 29402943.
  24. Gan Yong, et al. Association of coffee consumption with risk of colorectal cancer: a meta-analysis of prospective cohort studies. Oncotarget. 2017 Mar 21; 8(12): 18699–18711. PMID: 27078843.
  25. Arendash GW, Cao C. Caffeine and coffee as therapeutics against Alzheimer's disease. J Alzheimers Dis. 2010; 20 Suppl 1: S117-26. PMID: 20182037.
  26. Larsson Susanna C., Orsini Nicola. Coffee Consumption and Risk of Dementia and Alzheimer’s Disease: A Dose-Response Meta-Analysis of Prospective Studies. Nutrients. 2018 Oct; 10(10): 1501. PMID: 30322179.
  27. Wierzejska Regina. Can coffee consumption lower the risk of Alzheimer’s disease and Parkinson’s disease? A literature review. Arch Med Sci. 2017 Apr 1; 13(3): 507–514. PMID: 28507563.