కాఫీ ప్రయోజనాలు, ఉపయోగాలు, మరియు దుష్ప్రభావాలు - Coffee Benefits, Uses and Side Effects in Telugu

కాఫీ త్రాగడం మీ జీవితాన్ని పొడిగిస్తుందని మీకు తెలుసా?  కాఫీ త్రాగడం మరియు జీవితం యొక్క దీర్ఘాయువు మధ్య ఒక సానుకూల సంబంధం ఉందని అనేక అధ్యయనాలు సూచిస్తున్నాయి.  కాఫీ త్రాగడం, వివిధ కారణాల వలన సంభవించే మరణం యొక్క ప్రమాదాన్ని తగ్గిస్తుందని పరిశోధన చూపిస్తుంది.

కాఫీ త్రాగడం మరియు వివిధ రోగాల వలన వచ్చే మరణం మధ్య విలోమ సంబంధం ఉందని 5 లక్షల మంది కంటే ఎక్కువగా కాఫీ త్రాగేవారిపై  నిర్వహించిన ఒక అధ్యయనం పరిశీలించింది.   

ఇటీవలి ఒక పరిశోధన ప్రకారం, ప్రతీ రోజూ 1-4 కప్పుల కాఫీ త్రాగడం జీవితం పొడిగించబడటానికి సహాయపడుతుంది.

ఋతు క్రమం ఆగిపోయిన స్త్రీలు, రొమ్ము క్యా‌న్సర్‌కు గురయ్యే అవకాశాలు ఎక్కువగా ఉన్నాయని పరిశోధన చూపిస్తుంది.  కాఫీ వినియోగం మరియు రొమ్ము క్యా‌న్సర్ ప్రమాదం మధ్య సహవాసం కనుగొనుటకు ఒక అధ్యయనం నిర్వహించబడింది.  ప్రతీ రోజూ కనీసం 4 కప్పుల కాఫీ తీసుకునే స్త్రీలు  రొమ్ము క్యా‌న్సర్యొక్క అభివృద్ధికి  10% తక్కువ ప్రమాదం కలిగి ఉన్నారని ఒక అధ్యయనం చూపించింది. ఋతుక్రమం ఆగిపోయిన మహిళల విషయం‌లో ఇది ముఖ్యంగా వాస్తవంగా ఉంది.

క్రుంగుబాటు అన్నది ఒక మానసిక రుగ్మత, విచారం, నిరాశ యొక్క స్థిరమైన భావన మరియు సహజంగా ఆసక్తి లేకపోవడం వంటి వాటి ద్వారా ఇది సాధారణంగా వర్గీకరించబడుతుంది.  వివిధ మానసిక, జన్యు మరియు పర్యావరణ పరిస్థితుల కారణంగా ఇది ఏర్పడవచ్చు.  అయితే  క్రుంగుబాటుకు ప్రత్యేకమైన కారణమంటూ ఇప్పటివరకూ నమోదు చేయబడలేదు.

కాఫీ వినియోగం క్రుంగుబాటు యొక్క ప్రమాదం తగ్గడానికి దారి తీస్తుందని 3 లక్షల కంటే ఎక్కువ మంది సభ్యుల పైన జరిగిన ఒక క్లినికల్ అధ్యయనం కనుగొనింది.  ఈ లక్షణం కాఫీలో ఉండే కెఫీన్ కంటెంట్ వలన దానికి ఆపాదించబడింది.  మెదడులో డోపమైన్ స్థాయిలు పెరగడానికి కెఫీన్ కారణమవుతుందని మరొక పరిశోధన చూపించింది.  దోపమైన్ శరీరం యొక్క సం‌తోష హార్మోన్‌గా తెలుపబడింది, అది మెదడులోని భావావేశభావావేశ కేం‌ద్రాలను ఇది ప్రేరేపిస్తుంది, ఆనందం మరియు సంతృప్తి భావనను మీకు ఇస్తుంది.

ప్రపంచవ్యాప్తంగా ఉండే ప్రజలు రెటినాల్ డిజనరేటివ్ వ్యాధులతో బాధపడుతున్నారు.  రెటినా యొక్క కాంతి-గ్రహించే కణాలు దెబ్బతిన్నప్పుడు రెటినాల్ డిజనరేషన్ ఏర్పడుతుంది.  మానవులలో రెటినాల్ నష్టానికి, ఆక్సీకరణ ఒత్తిడి ఒక ప్రధాన కారణంగా ఉంది.  దృష్టి నష్టం మరియు గ్రుడ్డితనం‌తో ఇది సాధారణంగా సంబంధం కలిగిఉంటుంది.  కాఫీ అధిక పరిమాణం‌లో క్లోరోజెనిక్ ఆమ్లాలు కలిగిఉందని, ఇవి రెటినాల్ డిజనరేషన్ నుండి కళ్లను రక్షించడం‌లో సహాయపడతాయని ఒక పరిశోధన చూపించింది.  రెటినాల్ కణాల మరణాన్ని తగ్గించడం ద్వారా క్లోరోజెనిక్ ఆమ్లం, రెటినాల్ డిజనరేషన్ నిరోధిస్తుందని ఇది మరలా సూచించింది.

(ఇంకా చదవండి: మాక్యులర్ డిజనరేషన్ చికిత్స)

దంత క్షయం అన్నది ఎనామిల్ లేదా దంత ధాతువులో ఏర్పడుతుంది, నోటిలో ఆమ్లాన్ని ఉత్పత్తి చేసే బ్యాక్టీరియా కారణంగా ఇది ఏర్పడుతుంది. ఈ బ్యాక్టీరియాను చంపే సామర్థ్యం మరియు దంత క్షయాన్ని నిరోధించే సామర్థ్యం  బ్లాక్ కాఫీ కలిగిఉందని ఒక క్లినికల్ అధ్యయనం చూపించింది.  కాఫీకి పాలు లేదా చక్కెర కలపడం, దాని యాంటి-క్షయ లక్షణాలను తగ్గిస్తుందని కూడా పరిశోధన సూచించింది.

కాఫీ బయోయాక్టివ్ సమ్మేళనాలు సమృద్ధిగా కలిగిఉంది, ఇవి శక్తివంతమైన యాంటికార్సినోజెనిక్ ప్రభావాలు కలిగిఉంటాయి.  కాఫీ త్రాగడం మరియు  కొలరెక్టల్ క్యా‌న్సర్ మధ్య సహ సంబంధాన్ని పరిశీలించడానికి జపాన్‌లో ఒక అధ్యయనం నిర్వహించబడింది. జపాన్ స్త్రీలలో,  కాఫీ త్రాగడం, పెద్ద ప్రేగు క్యా‌న్సర్  యొక్క ప్రమాదాన్ని తగ్గించడం‌తో సంబంధం కలిగిఉందని ఫలితాలు చూపించాయి.

మల్టిపుల్ స్లెరోసిస్ అన్నది ఒక పరిస్థితి, ఇందులో మెదడు మరియు వెన్నుపాములోని నరాల యొక్క రక్షణ కవచం దెబ్బతింటుంది.  కాఫీ ప్రతీరోజూ తీసుకోవడం  మల్టిపుల్ స్లెరోసిస్అభివృద్ధి చెందే ప్రమాదం తగ్గించడానికి సహాయపడుతుందని ఒక ప్రిక్లినికల్ అధ్యయనం పరిశీలించింది. కెఫీన్, న్యూరోప్రొటెక్టివ్ లక్షణాలు కలిగిఉందని అధ్యయనాలు సూచిస్తున్నాయి.  ప్రొఇన్‌ఫ్లమేటరీ సైటోకై‌న్స్ అని పిలువబడే ఒక నిర్ధిష్ట రకం సంకేత అణువుల ఉత్పత్తిని నెమ్మదించడానికి ఇది సహాయపడుతుంది, ఈ వ్యాధి అభివృద్ధి చెందడం‌లో ఈ అణువులు బాధ్యత వహిస్తాయి.

గాయపడిన లేదా ఇన్‌ఫెక్షన్ సోకిన కాలేయం, అధిక స్థాయి ఎంజైములను ఉత్పత్తి చేస్తుంది, ఇది రక్త పరీక్షల నుండి స్పష్టంగా తెలుస్తుంది.   కాఫీ యొక్క క్రమమైన వినియోగం, పొటె‌న్షియల్ హెపోప్రొటెక్టివ్ చర్యను సూచించడం ద్వారా కాలేయ ఎంజైముల యొక్క స్థాయిల్ని తగ్గిస్తుందని ఒక క్లినికల్ అధ్యయనం నిరూపించింది.  ప్రతీరోజూ రెండు కప్పుల కాఫీ త్రాగడం  కాలేయ సిరోసిస్, ఫైబ్రోసిస్, మరియు కాలేయ క్యా‌న్సర్యొక్క అవకాశాలను తగ్గిస్తుందని మరొక అధ్యయనం చూపించింది.

అల్జీమర్స్ ఒక పురోగమిస్తున్న వ్యాధి, ఇది ఆలోచనా నైపుణ్యాలు మరియు జ్ఞాపకశక్తిని నాశనం చేస్తుంది, సాధారణమైన పనులు చేయడం కూడా వారికి కష్టంగా తయారవుతుంది.  ఈ వ్యాధి ముసలి వారైన పెద్దలలో మరింత ఎక్కువగా ఉంటుంది, జీవనశైలి మరియు వ్యక్తిగత జన్యువులు వంటి వివిధ కారకాలు అల్జీమర్స్‌తో సంబంధం కలిగిఉంటాయి.  కెఫీన్ న్యూరోప్రొటెక్టివ్ ప్రభావాలు కలిగిఉందని 54 మంది వ్యక్తుల సమూహం పై నిర్వహించిన ఒక క్లినికల్ అధ్యయనం చూపించింది, ఈ ప్రభావం ఎడిని నిరోధించే న్యూరాన్ల యొక్క మరణాన్ని నివారించే సామర్థ్యాన్ని కలిగిఉంటుంది.

టైప్ 2 డయాబెటిస్ అన్నది శరీరం ఇ‌న్సులిన్‌ను సమర్థవంతంగా ఉపయోగించుకునే సామర్థ్యం లేనటువంటి ఒక పరిస్థితి, ఇది రక్తం‌లో గ్లూకోజ్ స్థాయిలు పెరగడానికి దారితీస్తుంది.  క్లోరోజెనిక్ ఆమ్లం మరియు ట్రిగోనెల్లిన్ ‌లను కాఫీ సమృద్దిగా కలిగిఉంది, ఇవి రెండూ కూడా రక్తం‌లో గ్లూకోజ్ స్థాయిల్ని తగ్గించడం‌లో సహాయం చేస్తాయని ఒక అధ్యయనం చూపించింది.

ప్రస్తుత డయాబెటిస్ సమీక్షలలో ప్రచురితమైన ఒక మెటా-విశ్లేషణ ప్రకారం, ప్రతీ రోజూ 4 కప్పుల కాఫీ త్రాగడం గణనీయంగా  డయాబెటిస్ప్రమాదాన్ని తగ్గిస్తుంది. కాఫీ వినియోగం, ఋతుక్రమం ఆగిపోయిన స్త్రీలలో డయాబెటిస్ యొక్క తక్కువ ప్రమాదం‌తో సంబంధం కలిగిఉందని మరొక క్లినికల్ అధ్యయనం నిరూపించింది. కాఫీ యొక్క యాంటి-డయాబెటిక్ చర్య అన్నది కాఫీలో ఉండే  కొన్ని ఖనిజాలు, ఫైటోరసాయనాలు, మరియు యాంటిఆక్సిడంట్ల వలన దానికి ఆపాదించబడిందని 25000 మంది కంటే ఎక్కువ ఋతుక్రమం ఆగిపోయిన, మధుమేహం లేనటువంటి  స్త్రీల పైన తర్వాత జరిగిన ఒక అధ్యయనం నిరూపించింది.

కార్డియోవాస్కులర్ వ్యాధికి సంబందించి, అధిక రక్తపోటు, అధిక స్థాయిలో కొలెస్ట్రాల్, పొగత్రాగడం వంటి కొన్ని సాధారణం కారకాలను కలిగిఉంటుంది.  ఒకవేళ కాఫీ వినియోగం, కార్డియోవాస్కులర్ వ్యాధుల యొక్క ప్రమాదం తగ్గించడంతో సంబంధం కలిగిఉన్నది లేనిది అంచనా వేయడానికి ఒక అధ్యయనం నిర్వహించబడింది.  ప్రతీ రోజూ 3 కప్పుల కాఫీ తీసుకోవడం స్ట్రోక్, గుండె పోటు, మరియు కొరొనరీ గుండె వ్యాధివంటి వ్యాధులు వచ్చే అవకాశాలను తగ్గిస్తుందని అధ్యయనం సూచించింది. కాఫీ యొక్క రెగ్యులర్ వినియోగం, కార్డియాక్ రోగులలో మరణం యొక్క ప్రమాదాన్ని తగ్గిస్తుందని కూడా ఇది సూచించింది.

(ఇంకా చదవండి: గుండె వ్యాధి కారణాలు)