గోక్షూర ప్రయోజనాలు, ఉపయోగాలు, పోషక విలువలు మరియు దుష్ప్రభావాలు - Gokshura Benefits, Uses, Nutrition Facts and Side effects in Telugu

పరిశోధన ప్రకారం, ఎటువంటి దుష్ప్రభావాలు లేకుండా మూత్ర వాహిక ఇన్‌ఫెక్షన్లకు గోక్షూర విజయవంతంగా చికిత్స చేస్తుంది. దాని మూత్రవిసర్జన లక్షణం కారణంగా, మూత్రం యొక్క ప్రవాహాన్ని పెంచడం ద్వారా ఈ ఔషధ మొక్క మూత్రవాహిక నుండి వ్యాధికారక బ్యాక్టీరియాను తొలగిస్తుంది. 

నూతన బలాన్ని అంధించే లక్షణాలను గోక్షూర కలిగిఉందని నమ్ముతున్నారు. గోక్షూరను తీసుకోవడం వల్ల అది శరీరాన్ని తాకే అంటురోగాలను నిర్వీర్యం చేస్తుంది మరియు మూత్రనాళం మరియు మూత్రశయానికి సంబంధించిన అంటువ్యాధులకు వ్యతిరేకంగా రక్షణ కలుగజేస్తుంది. గోక్షూర సురక్షితమైనదిగా పరిగణించబడింది కాబట్టి, యాంటిబయాటిక్స్‌ కు మంచి ప్రత్యామ్నాయంగా ఇది ఉంది.      

ఇటీవలి సంవత్సరాలలో, అన్నిరకాల వయస్సులు గల స్త్రీలలో పిసిఓఎస్ చాలా ప్రబలంగా మారింది, ప్రత్యేకంగా పెద్దలు మరియు యవ్వనంలో ఉన్న అమ్మాయిల్లో ఎక్కువగా ఉంది. ఈ ఆరోగ్య రుగ్మత మొటిమలు, క్రమంగా లేని పీరియడ్లు, బరువు పెరుగుట, మానసిక కల్లోలం, జుట్టు రాలిపోవడం మొ.లగు వాటికి కారణమవుతుంది. తర్వాత, గర్భానికి సంబంధించిన జోక్యం ద్వారా స్త్రీ యొక్క సంతానోత్పత్తిని కూడా పిసిఓఎస్ ప్రభావితం చేస్తుంది మరియు గర్భధారణ సమయం‌లో సమస్యలను లేవనెత్తుతుంది.    

గోక్షూర తిత్తుల యొక్క పరిమాణం మరియు సంఖ్యను తగ్గిస్తుంది కాబట్టి, పిసిఓఎస్ వ్యాధితో బాధపడుతున్న స్త్రీలు, గోక్షూర ద్వారా ప్రయోజనం పొందవచ్చని పరిశోధన అధ్యయనం తెలియజేస్తుంది. 

గోక్షూర యొక్క క్రమమైన వినియోగం, శరీరం‌లో ఫోలికల్ స్టిమ్యులేటింగ్ హార్మోన్ స్థాయి పెరుగుదలకు దారితీస్తుందని మరొక అధ్యయనం సూచిస్తున్నది, ఈ హార్మోన్ అండాశయ ఫోలికల్స్ అభివృద్ధికి చాలా అవసరం. యునాని వైద్య‌ం‌లో, అశ్వగంధ మరియు గోక్షూర యొక్క కలయికను పిసిఓఎస్ లక్షణాలు తొలగించేందుకు ఉపయోగిస్తారు.   

పిసిఒఎస్ చేత ప్రభావితం చేయబడిన స్త్రీలు అవాంఛిత బరువు పెరుగుటను అదుపులో ఉంచుటకు కూడా ఇది సహాయపడుతుంది.  

అనేక కారణాల వల్ల మూత్రపిండాల్లో రాళ్లు పెరగడం చాలా దేశాల్లో పెరుగుతున్న సమస్యగా మారింది. ప్రపంచం‌లోని జనాభాలో 12% మంది మూత్రపిండాల్లో రాళ్లతో బాధపడుతున్నారని ఒక అధ్యయనం తెలియజేసింది మరియు ఈ సమస్య పునరావృతమయ్యే రేటు 50% మరియు 80% మధ్య ఉంటుంది. అనేక రకాల పద్దతుల ద్వారా  మూత్రపిండాల్లో రాళ్లు ఏర్పడటాన్ని తగ్గించేందుకు గోక్షూర కనుగొనబడింది.    

ఇది రక్తంలో క్యాల్షియం స్థాయిల్ని తగ్గించేందుకు సహాయపడుతుంది, దానివల్ల మీ మూత్రపిండాల్లో క్యాల్షియం చేరి నిల్వ ఉండకుండా గోక్షూర తొలగిస్తుంది.   

ఒక మూత్రవిసర్జకంగా, ఖనిజాలు మీ మూత్రపిండాల్లో చేరి నిల్వ ఉండేందుకు ముందే, రక్తం నుండి అదనపు ఖనిజాల్ని బయటకు పంపించేందుకు సహాయపడుతుంది.    

మరియు గోక్షూర యొక్క యాంటిఆక్సిడంట్ ప్రభావాలు, మూత్రపిండాల పనితీరును మెరుగుపరచడంతో పాటు, మూత్రపిండాల్లో రాళ్లు ఏర్పడటాన్ని నిరోధించడంలో సహాయం చేస్తాయి.  

గోక్షూర సాంప్రదాయకంగా ఒక కామోద్దీపకంగా తెలియజేయబడింది. మహిళల్లో లిబిడోను మెరుగుపరుచుకోవడంలో గోక్షూర యొక్క ప్రభావాలను అంచనా వేసేందుకు విస్తృతమైన అధ్యయనాలు చేయబడ్డాయి. రోజుకు 7.5 మి.గ్రా. గోక్షూర పదార్థాల వినియోగం, 4 వారాల లోపల ఉండే లైంగిక వైఫల్యాన్ని మెరుగుపరచడంతో పాటు మహిళల్లో లైంగిక కోరికలను మెరుగుపరచేందుకు దారి తీస్తుందని క్లినికల్ అధ్యయనాలు నిరూపించాయి.        

గోక్షూర యొక్క సాధారణ వినియోగం లైంగిక సంతృప్తిని పెంచుతాయని మరియు ముందుగా మరియు తర్వాత ఋతుక్రమం ఆగిపోయిన మహిళల్లో ఉద్రేకాన్ని పెంచుతాయని ప్రస్తుత క్లినికల్ అధ్యయనాలు సూచిస్తున్నాయి.     

పరిశోధన ప్రకారం, ట్రిబులుస్ టెర్రెస్ట్రిస్  లేదా గోక్షూర అన్నది దానిలో ఉండే యాంటిఆక్సిడంట్ల కారణంగా గుండె సంరక్షణ లక్షణాలను కలిగిఉంది. ఇది ఇన్ప్రాక్ట్ యొక్క పరిమాణాన్ని తగ్గించగలదు (రక్త సరఫరా నిలిచిపోవడం కారణంగా శరీరంలో చనిపోయిన కణజాల ప్రాంతం), ప్రభావిత ప్రాంతానికి తగినంత రక్త సరఫరా లేనప్పుడు ఏర్పడే పరిస్థితి. గోక్షూర, గుండెలో రక్త ప్రవాహాన్ని పెంచుతుంది మరియు శరీరంలో ఎటిపి స్థాయిల్ని పెంచడం ద్వారా గుండె పనితీరును మెరుగుపరుస్తుంది.    

ఈ ఔషధ మూలిక యొక్క క్రమమైన వినియోగం, ఎటువంటి దుష్ప్రభావాలు లేనటువంటి ఒక ముఖ్యమైన యాంటిహైపర్‌టెన్సివ్ ప్రభావం కలిగిఉంటుందని ఒక క్లినికల్ అధ్యయనం చూపించింది. వాస్తవంగా, తేలికపాటి రక్తపోటు స్థాయినుండి తీవ్రమైన రక్తపోటు స్థాయి కలిగిన వ్యాధితో బాధపడుతున్న రోగుల చికిత్సకు గోక్షూర ఎక్కువ కాలం ఉపయోగించేందుకు సురక్షితమైనదని అధ్యయనాలు సూచిస్తున్నాయి.    

ఎల్‌డిఎల్ లేదా చెడు కొలెస్ట్రాల్ స్థాయిల్ని తగ్గించడం ద్వారా శరీరం‌లోని కొలెస్ట్రాల్ స్థాయిల్ని నియత్రించడంలో కూడా ఈ మొక్క సహాయపడుతుంది. తర్వాత, ఇది లిపిడ్ పెరాక్సిడేషన్‌ ను నిరోధిస్తుంది, ఇది ఎథెరోస్క్లెరోసిస్ మరియు ఫలకం ఏర్పడటానికి బాధ్యత వహిస్తుంది.  

ఆందోళన మరియు నిరాశ ఈ రోజుల్లో బాగా ప్రబలంగా మారింది. లింగం‌తో సంబంధం‌ లేకుండా అన్ని వయస్సుల గుంపులను ప్రభావితం చేస్తుంది. తక్కువ దుష్ప్రభావాలతో గోక్షురా ఒక ప్రభావవంతమైన యాంక్సియోలైటిక్ మరియూ యాంటి‌డిప్రసంట్ ఔషధంగా ఉందని ప్రీ క్లినికల్ అధ్యయనాలు సూచిస్తున్నాయి మరియు ఆందోళన  మరియు కుంగుబాటు చికిత్సకు దీనిని విజయవంతంగా ఉపయోగించారు.   

తర్వాతి అధ్యయనాల్లో, గోక్షురలో ఉండే సాఫోని‌న్స్ కారణంగా, గోక్షుర యొక్క యాంటి-డిప్రెస్సివ్ ప్రభావాలు సేరం కార్టిసోల్ స్థాయిలు తగ్గించేందుకు కారణం అయ్యింది.   

గోక్షుర ఔషధం కండరాల బలం మరియు శరీర సమకూర్పును పెంచుతుంది కాబట్టి ఇటీవల బాడీ బిల్డర్ల మధ్య ఇది ప్రజాదరణ పొందింది. దీర్ఘకాలంపాటు గోక్షురాను తీసుకోవడం వల్ల మీరు బలాన్ని పెంచుకోవచ్చు మరియు కండరాలను పొందవచ్చు. ట్రిబులుస్ టెర్రెస్ట్రిస్ నైట్రిక్ ఆక్సైడ్ విడుదల ద్వారా లీన్ మాస్ మరియు టెస్టోస్టిరాన్‌ను పెంచుతుంది, ఈ నైట్రిక్ ఆక్సైడ్ రక్తనాళాల్ని విస్తరించే ఒక వాయువు, ఇది కండరాలకు ఆక్సిజన్‌ను బాగా సరఫరా చేస్తుంది. పురుషులు, ఈ రోజుల్లో ఫిట్‌గా ఉండటం కోసం స్టెరాయిడ్ ఇంజక్షన్లను తీసుకుంటున్నారు, దీర్ఘకాలంగా ఇవి హానికరమైనవిగా నిరూపించబడ్డాయి. గోక్షురా, ఒక సహజమైన మూలికగా, ఈ స్టెరాయిడ్లకు ఒక ఉత్తమమైన మరియు ఆరోగ్యకరమైన ప్రత్యామ్నాయంగా ఉంది. అయినప్పటికీ, ఎటువంటి ఆరోగ్య సమస్యల నుండైనా రోగుల్ని బయటకు తీసుకురావడానికి మరియు దీర్ఘకాలంగా ఈ మూలికను వాడడం ద్వారా మూలిక యొక్క భద్రతను నిర్ధారించేందుకు మరిన్ని అధ్యయనాలు ఇప్పటికీ అవసరమవుతాయి.            

• యువతలో చాలా ప్రబలంగా ఉండే మొటిమలు సమస్యను ఎదుర్కోవడం‌లో గోక్షురా సహాయపడుతుందని నమ్మడం జరిగింది. దురద, చర్మం వ్యాదులు, చర్మం పగలడం మరియు తామర మొదలగు వంటి వివిధ చర్మ సమస్యల చికిత్సలో కూడా ఇది ఉపయోగపడుతుంది.   
• ఈ మూలికను క్రమం తప్పకుండా తీసుకోవడం అన్నది ప్రారంభ వృద్దాప్య లక్షణాలను నిరోధించి, మీరు యవ్వనస్తులుగా కనిపించేలా చేస్తుందని నమ్ముతారు. ఇది ముడుతలను నిరోధించేందుకు సహాయపడుతుంది, శరీరంలోని కొవ్వు కంటెంట్‌ను విస్తరింపచేస్తుంది మరియు కండరాల క్షీణత విషయంలో పోరాడుతుంది.  
• తదుపరి, గోక్షుర యొక్క విత్తనాలను, ఒక పేస్టు రూపంలో అప్లై చేసినప్పుడు అది జుట్టు రాలిపోకుండా నియంత్రిస్తుంది మరియు నివారిస్తుందని నమ్ముతారు.  
• ఈ ఆయుర్వేద మూలిక తలనొప్పి మరియు మైగ్రేన్ల నుండి ఉపశమనం ఇస్తుందని కూడా నమ్ముతారు.
• దీని యాంటి-ఇన్ఫ్లమేటరీ లక్షణాల వల్ల, ఫిస్టులా మరియు ఫైల్స్ చికిత్సకు దీనిని ఉపయోగిస్తారు.
• చాలా కాలంగా, కంటి సమస్యల చికిత్సకు మరియు రోగ నిరోధక శక్తి పెంచేందుకు కూడా ప్రజలు గోక్షురాను ఉపయోగిస్తున్నారు.
• గోక్షురా యొక్క యాంటిఆక్సిడంట్ ప్రభావాలు డయాబెటిస్ లక్షణాలు నిర్వహణలో సహాయపడతాయని కనుగొనబడింది మరియు డయాబెటిస్ సంబంధిత సమస్యలను తొలగించడంలో సహాయపడతాయి.