சாம்பல் அல்லது பழுப்பு நிறத்தை கொண்டதும், நீள் வடிவினை அல்லது முட்டை வடிவினைக் கொண்டதும்  ஆன சியா விதைகள் சால்வியா ஹிஸ்பனிக்கா என்னும் பெயரைக் கொண்ட சியா செடியின் விதைகள் ஆகும். ஒரு மில்லிமீட்டர் குறுக்களவு கொண்ட சியா விதைகள் ஆற்றலின் சேமிப்புக் கூடமாக விளங்குகிறது என்று ஆராய்ச்சிகள் கூறுகின்றன. வலிமை என்னும் பொருளைக் கொண்ட  பண்டைய மாயன் சொல்லில் இருந்து பெறப்பட்ட பெயரே சியா விதைகள் ஆகும். ஊட்டச்சத்துக் களஞ்சியமாக விளங்குகிறது சியா விதைகள். வரலாற்ற்று ஆசிரியர்கள் பலரின் கூற்றுப் படி சியா விதைகளை முதன் முதலில் அறுவடை செய்தது ஆஸ்டெக்ஸ் பழங்குடி இனத்தவர்கள் தான் என்பதாகும். நவீன காலத்தின் மெக்ஸிகோ மற்றும் குவாதமாலா என்று சொல்லப்படுகிற நாடுகளுக்கு அருகாமையில் தான் இந்த ஆஸ்டெக்ஸ் பழங்குடி இனத்தவர்கள் வாழ்ந்து வந்ததாக வரலாற்று சான்றுகள் கூறுகின்றன. சியா விதைகள் என்னில் அடங்காத பல ஆற்றல்களை தன்னுள் கொண்டுள்ளதால், சியா விதைகளை புனிதத்தின் ஒரு அடையாளமாக கருதினர் அமெரிக்க இந்திய பழங்குடியினர். இதன் காரணமாக ஆஸ்டெக்ஸ் குருக்கள்களுக்கு சியா விதைகளை காணிக்கையாகவும் பிரசாதமாகவும் படைத்தது வந்தனர் பழங்குடியினர்.

நவ நாகரிக காலத்தில், சியா விதைகளை தென் அமெரிக்கா, மத்திய அமெரிக்கா, மற்றும் ஆஸ்திரேலியா போன்ற நாடுகளில் வணிக ரீதியாக பயிரிட்டு வருகின்றன.

பண்டைய காலம் முதல் சியா விதைகளை உபயோகித்து வந்த வரலாறுகள் பல இருந்தாலும், நவீன கால கட்டத்தில் அதன் மகத்துவத்தையும் நன்மைகளையும் புரிந்து அதனை உபயோகிக்குமாறு பிரபலப்படுத்தி வருகின்றனர். இதன் செய்முறையில் பலரும் தூண்டப்பட்டு, சியா விதையை தனது  தினசரி உணவின் ஒரு பங்காக உபயோகிக்கின்றனர். இதன் காரணமாக சியா விதைகளை நவீன காலத்தின் சூப்பர்ஃபுட்  என்று புகழ்கின்றனர். ஒமேகா 3 கொழுப்பு அமிலங்கள் மற்றும் நார் சத்துக்களை அதிகமாக கொண்ட சியா விதைகள், மேலும் பல ஊட்டச்சத்துக்களை உடலில் சேர்க்க உதவுகிறது. அவை - அதிகப்படியான ஆன்டிஆக்சிடண்ட்ஸ் , வைட்டமின்கள், மற்றும் தாதுக்கள் ஆகும். உடலின் ஊட்டச்சத்தை அதிகரிப்பதோடு, உடலில் ஏற்படும் செரிமான கோளாறுகள், இதய நோய்கள், மற்றும் உயர் இரத்த அழுத்தம் போன்ற பிரச்சனைகளை எதிர்த்து போராடி, நோய்கள் நம்மை பாதிக்காமல் காத்து நிற்கிறது. இத்தகைய நற்குணங்களை கொண்ட சியா விதைகள் உண்மையில் ஒரு ஊட்டச்சத்து மிகுந்த உணவாகும்.

சியா விதைகள் பற்றிய சில முக்கிய தகவல்கள்

  • தாவரவியல் பெயர் சால்வியா ஹிஸ்பனிக்கா
  • குடும்பம் லேபியாடே
  • வேறு பெயர்கள் மெக்ஸிகன் சியா அல்லது சல்பன் சியா
  • பரவலாக காணப்படும் இடங்கள் மெக்ஸிகோ மற்றும் குவாதமாலா ஆகிய இடங்களை தன் தாயகமாகக் கொண்ட சியா விதைகள் அர்ஜென்டினா, ஆஸ்திரேலியா, பொலிவியா, ஈக்வடார், நிகரகுவா, பெரு மற்றும் அமெரிக்கா ஆகிய நாடுகளிலும் வணீக ரீதியாக பயிரிடப்பட்டு வருகிறது.
  • வேடிக்கையான உண்மைகள் கலிஃபோர்னியாவில் உள்ள ஜோசப் என்டர்ப்ரைசஸ் லிமிடெட் என்னும் நிறுவனத்தைச் சேர்ந்த ஜோ பேடட் சியா விதைகளின் விளைச்சலை பிரபலப்படுத்த விலங்குகள் வடிவிலான டெரக்கோட்டாவினை வடிவமைத்து விற்று வந்தார். சில தினங்களுக்கு தண்ணீர் பாய்ச்சிய பிறகு, சியா விதைகளை பயிரிட்டனர். சியா செடிகள் வளர்ந்து வரும்பொழுது அவை விலங்குகளின் மென்மையான முடி போல அழகாக தோற்றம் அளித்தது. 2007 ஆம் ஆண்டில், அமெரிக்காவில் மட்டும் சுமார் ஐந்து லட்சம் சியா பெட்ஸ் என்று சொல்ல கூடிய விலங்குகள் வடிவிலான டெரக்கோட்டாக்கள் விற்பனை ஆகின.
  1. சியா விதைகள் vs சப்ஜா விதைகள் - Chia seeds vs sabja seeds in Tamil
  2. சியா விதைகளின் ஊடச்சத்து விவரங்கள் - Chia seeds nutrition facts in Tamil
  3. சியா விதைகளின் ஆரோக்கியம் சார்ந்த நன்மைகள் - Chia seeds health benefits in Tamil
  4. சியா விதைகளை எவ்வாறு பயன்படுத்த வேண்டும் - How to use Chia seeds in Tamil
  5. சியா விதைகளின் பக்க விளைவுகள் - Chia seeds side effects in Tamil
  6. முக்கியக் குறிப்புகள் - Takeaway in Tamil

மக்களிடையே சியா விதைகளுக்கும் சப்ஜா விதைகளுக்கும் இடையே குழப்பம்  இருந்து வருகிறது. ஆனால்  சியா விதைகளும் சப்ஜா விதைகளும் வேறு வேறு ஆகும்.

  • சியா விதைகள் சியா விதைகளில் இருந்து பெறப்படுகிறது. சப்ஜா விதைகள் ஒரு வித துளசியில் இருந்து பெறப்படுகிறது.
  • அமெரிக்காவை தாயகமாகக் கொண்டது சியா விதைகள். இந்தியாவை தாயகமாக கொண்டது சப்ஜா விதைகள்
  • சியா விதைகள் சாம்பல்  அல்லது பழுப்பு நிறத்திலும், வெள்ளை அல்லது கருப்பு நிறத்திலான புள்ளிகளைக் கொண்டும் இருக்கும் , சப்ஜா விதைகள் கருப்பு நிறத்தில் இருக்கும்.
  • சப்ஜா விதைகளோடு ஒப்பிடும் பொழுது சியா விதைகள் அளவில் பெரியதாக இருக்கும்.
  • சியா விதைகள் ஓவல் வடிவத்திலும், சப்ஜா விதைகள் கண்ணீர்துளியின் வடிவத்திலும் இருக்கும்.
myUpchar doctors after many years of research have created myUpchar Ayurveda Urjas Capsule by using 100% original and pure herbs of Ayurveda. This ayurvedic medicine has been recommended by our doctors to lakhs of people for sex problems with good results.
Long Time Capsule
₹719  ₹799  10% OFF
BUY NOW

ஆல்பா-லினோலினிக் அமிலம் என்று சொல்லக்கூடிய தாவரங்களில் இருந்து மனித உடலுக்கு கிடைக்க கூடிய ஒமேகா - 3 கொழுப்பு அமிலம் சியா விதைகளில் அதிக அளவில் காணப்படுகிறது என்று அறிவியல் ஆரய்ச்சியாளர்கள் கூறுகின்றனர். உலர்த்திய சியா விதைகளில் அதிக அளவிலான கார்போஹைட்ரேட்கள் காணப்படுகின்றன. இது மட்டுமல்லாது சியா விதைகளில் அதிக அளவினான புரதம், ஆன்டிஆக்சிடண்ட்ஸ், கொழுப்புச் சத்துக்கள் மற்றும் நார் சத்துக்களைக் கொண்டுள்ளது. சியா விதைகளில் மேலும் பல ஊட்டச்சத்துக்கள் உள்ள. அவை யாதெனில் - கால்சியம், பொட்டாசியம், மற்றும் மெக்னீசியம் ஆகும். சியா விதையில் உள்ள இந்த சத்துகள் பாலில் உள்ளதை விட அதிகமாகும். மேலும், ஐரோப்பிய ஒன்றியம் சியா விதைகளை ஒரு நோவல் உணவாக அதாவது ஒரு புதிய நூதனமான உணவாக அறிவித்துள்ளது. ஐரோப்பிய பாராளுமன்றம் சியா விதைகளை செயல்பாட்டு உணவாக அறிவித்துள்ளது. நோவல் உணவு மற்றும் செயல்பாட்டு உணவு என்ற பெயர்களைக் கொண்டதால், சியா விதைகள் வளர்ந்த நாடுகளான ஜப்பான், கனடா, நியூசிலாந்து, மற்றும் ஆஸ்திரேலியா ஆகிய நாடுகளில் புகழ்பெற்று விளங்குகிறது.

யுஎஸ்டிஏ ஊட்டச்சத்து தரவுத்தளத்தின் விவரங்கள் படி, சியா விதைகளில் உள்ள ஊட்டச்சத்துக்கள் கீழே கொடுக்கபட்டுள்ளது

ஊட்டச்சத்துக்கள் 100 கிராமில் உள்ள அளவு
தண்ணீர் 5.80 கி
ஆற்றல் 486 கி.கலோரி
புரதம் 16.54 கி
கொழுப்பு 30.74 கி
கார்போஹைட்ரேட் 42.12 கி
நார் சத்து 34.4 கி
தாதுக்கள்  
கால்சியம் 631 மி.கி
இரும்புச்சத்து 7.72 மி.கி
மெக்னீஷியம் 335 மி.கி
பாஸ்பரஸ் 860 மி.கி
பொட்டாசியம் 407 மி.கி
சோடியம் 16 மி.கி
துத்தநாகம் 4.58 மி.கி
வைட்டமின்கள்  
வைட்டமின் சி 1.6 மி.கி
வைட்டமின் பி1 0.620 மி.கி
வைட்டமின் பி2 0.170 மி.கி
வைட்டமின் பி3 8.830 மி.கி
வைட்டமின் ஏ 54 மி.கி
வைட்டமின் ஈ 0.50 மி.கி
கொழுப்புகள் / கொழுப்பு அமிலங்கள்  
செறிவூட்டப்பட்ட (சாச்சுரேட்டட்) 3.330
மோனோஅன்சாச்சுரேட்டட் 2.309
பாலிஅன்சாச்சுரேட்டட் 23.665
டிரான்ஸ் 0.140

சமீப காலங்களில், உடல் ஆரோக்கியத்திற்கும், சத்துக்கள் நிறைந்த உணவுகளை உண்ண வேண்டும் என்ற எண்ணத்திற்கும் முக்கியத்துவம் கொடுத்து வருகின்றனர் மக்கள். ஆரோக்கியமான வாழ்க்கை முறையை பின்பற்ற வேண்டும் என்ற விழிப்புணர்வும் மக்களிடையே காணப்படுகிறது. எந்த உடற்பயிற்சியை மேற்கொள்ள வேண்டும், எந்த உணவுப் பொருளில் என்ன சத்துக்கள் நிறைந்துள்ளன என்பதை ஆராய்ந்து அறிய மக்கள் ஆர்வம் காட்டி வந்தனர். அத்தகைய நேரங்களில், மக்கள் செயற்கைச் சத்துக்களை நாடிச் சென்றனர். ஆனால் செயற்கைச் சத்துக்களில் உள்ள பக்க விளைவுகளை பற்றி விழிப்புணர்வு  ஏற்பட்ட பிறகு, ஊட்டச்சத்து நிபுணர்கள் இயற்கை முறையில் கிடைக்கும் சத்துக்களை தேடி செல்ல ஆரம்பித்தனர். உலகில் உள்ள ஆரோக்கியம் நிறைந்த விதைகளில், சியா விதைகளே முதன்மை வகிக்கின்றன. மேலும் சியா விதைகள், பல்வேறு உடல் செயல்பாடுகளையும் சரிவர செய்ய உதவி புரிகிறது.

ஆல்பா-லினோலினிக் அமிலம் மற்றும் ஒமேகா -3 கொழுப்பு அமிலங்களை அதிக அளவில் கொண்டுள்ள சியா விதைகள் , மனிதனின் இதயத்தை பேணிக் காத்திட உதவுகிறது. உணவில் இருந்து பெறப்படும் நார்ச்சத்து, உயர்தர புரதங்கள், ஆன்டிஆக்சிடண்ட்ஸ், கனிமங்கள் மற்றும் வைட்டமின்கள் அதிகம் உள்ள சியா விதைகள் செரிமான கோளாறுகள், மன நோய்கள் மற்றும் நீரிழிவு நோய்களை அழிக்கும் மருந்தாக பயன்படுகிறது. வீக்கத்தையும் மன அழுத்தத்தையும் குறைக்கும் ஒரு முகவர் ஆக வலம் வருகிறது சியா விதைகள். சியா விதைகளின் நன்மைகளை அறிய மேற்கொள்ளப்பட்ட பல ஆராய்ச்சிகளின் முடிவுகளில், ஆரோக்கியமான வாழ்க்கை முறையை கடைபிடித்து, ஊட்டச்சத்து மிகுந்த உணவுகளோடு சியா விதைகளையும் உண்டு வந்தால் மனிதனின் ஆரோக்கியமானது சீராக இருக்கும் என்று அறிவியல் வல்லுநர்கள் கூறுகின்றனர்.

  • மலச்சிக்கலைக் குறைக்க
    நார் சத்துக்கள் அதிகம் கொண்ட சியா விதைகள் மலச்சிக்கல் பிரச்சனையை குணப்படுத்த உதவும். குடல் இயக்கங்களை ஒழுங்குபடுத்தி, குடலில் சேரும் அசுத்தங்களை உடலில் இருந்து வெளியேற்ற சியா விதைகள் மிகுந்த உதவியாக இருக்கும் என்று ஆராய்ச்சியாளர்கள் கூறுகின்றனர்.
  • நீரிழிவு நோயை குணப்படுத்த
    நீரிழிவு நோயால் பாதிக்கப்பட்டவர்களுக்கு, உணவுக்குப் பின்,இரத்தத்தில் உள்ள சர்க்கரையின் அளவானது அதிகரிக்கும். இந்நிலையை தடுக்க சியா விதைகள் மிகுந்த உதவியாக இருக்கின்றன என்று மருத்துவமனையில் மேற்கொள்ளப்பட்ட ஆய்வின் முடிவுகள் கூறுகின்றன. எளிதில் கிடைக்கக் கூடியதாகவும், பக்க விளைவுகள் இல்லாத உணவுப் பொருளாக இருப்பதால், நீரிழிவு நோய் உள்ளவர்களுக்கு சியா விதைகள் ஒரு நல்ல ஆரோக்கியமான சிற்றுண்டி உணவு ஆகும்.
  • வீக்கத்தைக் குறைக்க
    வாதம் மற்றும் மூச்சுக்குழாய் அழற்சி போன்ற நோய்களால் பாதிக்கப் பட்டவர்களுக்கு அவ்வப்பொழுது வீக்கம் மற்றும் சிவப்பு தன்மை உடலில் காணப்படும். இத்தகைய வீக்கத்தையும் சிவப்பு தன்மையையும் போக்கும் சேர்மங்கள் சில சியா விதையில் இருப்பதால், இவ்விதைகள் அழற்சி நீக்கியாக செயல்படுகிறது என்று ஆராய்ச்சியின் முடிவுகள் விளக்குகின்றன. எனவே பாதிக்கப்பட்ட நபர்களுக்கு இந்நோய்களால் ஏற்படும் அறிகுறிகளுக்கு நிவாரணம் வழங்குகிறது சியா விதைகள்.
  • உடல் எடையைக் குறைக்க
    சியா விதைகளை தயிருடன் காலை பதினொரு மணி அளவில் சாப்பிடும்பொழுது, வயிறு நிரம்பிய உணர்வை கொடுப்பதால், தேவையற்ற நேரங்களில் உண்ணும் உணவை தடுக்க உதவுகிறது. உடலில் உள்ள மொத்த கலோரி எண்ணிக்கையை குறைவாக வைத்துக் கொள்ள உதவுவதால், உடல் எடை குறைகிறது என்று ஆய்வுகள் விளக்குகின்றன.
  • சரும பராமரிப்பிற்கு
    சியா விதைகள் மற்றும் சியா விதைகளில் இருந்து தயாரிக்கப்படும் எண்ணெய், சருமத்தை பேணிக் காத்திட உதவுகிறது. சருமம் வறண்டு போகாமல் இருக்க இனிமையான உணர்வைத் தர வல்லது சியா விதைகள். சருமத்தில் ஏற்படும் அரிப்பு மற்றும் தொற்றுக்களைக் குறைக்கவும், சிரங்கு போன்ற தோல் நோய்கள் வராமல் தடுக்கவும் சியா விதைகள் மிகுந்த பயன் அளிக்கின்றன.
  • பாலூட்டும் தாய்மார்களுக்கு
    டிஹெச்ஏ என்றழைக்கப்படும் ஒரு வகை கொழுப்பு அமிலம் குழந்தைகளின் மூளை வளர்ச்சியை அதிகரிக்க உதவும். டிஹெச்ஏ ஆனது சியா விதைகளில் அதிக அளவில் இருப்பதால், பாலூட்டும் தாய்மார்கள் இதனை உட்கொள்ளுமாறு மருத்துவர்கள் பரிந்துரைக்கின்றனர். கர்ப்பிணிப் பெண்களும் சியா விதைகளை எடுத்துகொள்வது பிறக்கப்போகும் குழந்தைக்கு தேவையான ஊட்டச்சத்தை கொடுக்க உதவும்.

உடல் எடையை குறைக்க உதவும் சியா விதைகள் - Chia seeds for weight loss in Tamil

சியா விதைகள் எவ்வாறு உடல் எடையை குறைக்க உதவுகின்றன என்பதை அறிய பல அறிவியல் ஆய்வுகள் மேற்கொள்ளப்பட்டன. அவ்வாறு மேற்கொள்ளப்பட்ட ஆய்வு ஒன்றில் சியா விதைகளை தயிரோடு கலந்து, காலை பதினொரு மணியளவில் சிற்றுண்டியாக கொடுக்கப்பட்டது. இந்த ஆய்வில் பங்கெடுத்தவர்களுக்கு சியா விதைகள் கொடுக்கப்பட்ட பிறகு, பசியின்மை உருவானது. இதன் காரணமாக அவர்கள் தேவையில்லாத நேரங்களில் பலகாரங்கள் உண்ணுவது தவிர்க்கப்பட்டது. மேலும் ஆரோக்கியமான உணவுகள் அவர்களுக்கு கொடுக்கப்பட்டது. எனவே உட்கொள்ளும் கலோரியின் அளவு குறைந்தது, நல்ல உணவுகளை உட்கொள்ளும் பழக்கமும் அதிகரித்தது. சியா விதைகளை, உடல் பருமனைக் குறைக்க உபயோகிக்கலாம் என ஆய்வுகளின் முடிவால் அறிய முடிகிறது.

myUpchar doctors after many years of research have created myUpchar Ayurveda Kesh Art Hair Oil by using 100% original and pure herbs of Ayurveda. This Ayurvedic medicine has been recommended by our doctors to more than 1 lakh people for multiple hair problems (hair fall, gray hair, and dandruff) with good results.
Bhringraj Hair Oil
₹425  ₹850  50% OFF
BUY NOW

சீலியாக் நோயாளிகளுக்கு கொடுக்கப்படும் சியா விதைகள் - Chia seeds for celiac patients in Tamil

சீலியாக் என்பது தன்னுணர்வை சீர்குலைக்கும் ஒரு நிலையாகும். இதனால் உடலில் க்ளுட்டன் சகிப்புத்தன்மை இன்மை உருவாகும். அதோடு பசையும் தொடர்பான வீக்கம் குடலில் ஏற்படும். இத்தகைய நோயாளிகளில் குடல் உறிஞ்சுதல் தன்மையில் குறைபாடு ஏற்படுகிறது. ஆகையால் உடலுக்கு தேவையான கால்சியம், பாஸ்பரஸ், மெக்னீசியம் மற்றும் துத்தநாகம் போன்ற முக்கியமான கனிமங்கள் குறைவான அளவில் உறிஞ்சப்படும். சியா மாவு ஊட்டச்சத்துக்கள் மற்றும் தாதுக்கள் நிறைந்த ஆதாரமாக அறியப்படுகிறது. மேலும், பசையும் இல்லாத பொருட்களோடு சியா மாவை கலந்து சீலியாக் நோய் உள்ளவர்களுக்கு கொடுக்கும் பொழுது, அவர்களுக்கு தேவையான ஊட்டச்சத்துக்கள் பூர்த்தி செய்யப்படுகிறது.

புற்று நோயை தடுக்க உதவும் சியா விதைகள் - Chia seeds prevent cancer in Tamil

சியா  விதையின் புற்று நோயயை எதிர்க்கும் பண்பை பரிசோதிக்க எண்ணி அறிவியல் ஆராய்ச்சியார்கள் பல ஆய்வுகளை மேற்கொண்டனர். ஆனால் அவ்வாறு மேற்கொள்ளப்பட்ட ஆய்வுகளின் முடிவுகள் அனைத்தும் சர்சைக்குரியதாகவே உள்ளது. ஜப்பானின், நோயியல் ஜர்னலில் வெளிவந்த பகுப்பாய்வு ஒன்றில், சியா விதைகளில் இருக்கும் ஆல்பா-லினோலினிக் அமிலம் (ஏஎல்ஏ) மற்றும் பியூஃப்ஏ சேர்மங்கள் புற்று நோயை எதிர்த்து அழிக்கும் தன்மை கொண்டவை என்று கூறப்பட்டுள்ளது. இந்த அமிலங்கள் புற்று நோயை உண்டாக்கும் கட்டிகளின் வளர்ச்சியை தடுக்க உதவுகின்றன மேலும் புற்று நோய் வேறு உறுப்புகளுக்கு பரவாமல் இருக்க உதவுகின்றன. இருப்பினும் ஆல்பா லினோலினிக் அமிலத்தின் வளர்சிதை மாற்றங்களால் புற்று நோயை உண்டாக்கும் கட்டிகளின் வளர்ச்சி தூண்டப்படலாம் என்னும் கூற்றும் பரவலாக உள்ளது.

எனவே சியா விதைகளை புற்று நோய்க்கான சிகிச்சையில் உபயோகிக்கலமா வேண்டாமா என்ற கேள்விக்கான ஆய்வுகள் இன்னும் மேற்கொள்ளப்பட வேண்டும் என்று அறிவியல் ஆராய்ச்சியாளர்கள் கூறுகின்றனர்.

மிக சிறந்த ஆன்டிஆக்சிடண்ட்டாக விளங்கும் சியா விதைகள் - Chia seeds are excellent antioxidants in Tamil

ஜீவத்துவ பரிணாம செயல்பாட்டில் வெளியேற்றப்படும் பிராண வாயுவானது ரேடிக்கல்ஸ் ஆக உடலில் இருக்கும். அளவுக்கு மீறிய ரேடிக்கல்ஸ் உடலுக்கு தீங்கை விளைவிக்கும். இதனால் உடலில் விஷத்தன்மை வாய்ந்த அழுத்தம் ஏற்படும். உடலின் வலிமை குறைய ஆரம்பிக்கும். இவ்வாறு வலுவிழந்த உடலானது வேறு பல நோய்களையும் தொற்றுக்களையும் வரவேற்கும். இத்தகைய ரேடிக்கல்ஸ்  ஐ அழிக்க உடலில் ஆன்டிஆக்சிடண்ட்ஸ் தேவைப்படும். சியா விதைகள் ஆன்டிஆக்சிடண்ட்ஸ் மற்றும் பினாலிக் அமிலங்கள் நிறைந்ததாகும். இந்த பண்பானது உடலில் உள்ள நோய் எதிர்ப்பு சக்தியை அதிகரிக்க உதவி புரியும்.

தாய்மார்களுக்கு உதவும் சியா விதைகள் - Chia seeds for nursing mothers in Tamil

பிறந்த குழந்தைக்கு தேவையான அனைத்து சத்துக்களும் அம்மாவின் தாய்ப் பாலில் இருந்து தான் குழந்தைக்கு கிடைக்கும். பாலூட்டும் தாயிடம் ஏதேனும் சத்துக்குறைபாடு காணப்பட்டால் அது குழந்தையை நேரடியாக பாதிக்கும். இதனால் குழந்தையின் வளர்ச்சியையும் நோய் எதிர்ப்பு சக்தியையும் பாதிக்கும். சியா விதைகள் அதிக அளவிலான ஆல்பா-லினோலினிக் அமிலத்தை தன்னுள் கொண்டுள்ளது. ஆல்பா-லினோலினிக் அமிலமானது உடலில் உள்ள டிஹெச்ஏ என்று சொல்லப்படுகிற டோகோசாஹெக்சநோயிக் அமிலத்தின் அளவை அதிகரித்திட உதவி புரியும். டோகோசாஹெக்சநோயிக் அமிலம் அல்லது டிஹெச்ஏ என்றல் என்ன? டிஹெச்ஏ ஒரு வித ஒமேகா - 3 கொழுப்பு அமிலத்தைச் சார்ந்தது ஆகும். இந்த அமிலமானது ஒரு மனிதனின் மூளை வளர்ச்சிக்கும், கண் பார்வைக்கும் மிக முக்கியமானது ஆகும்.

சிலி நாட்டில் நடைபெற்ற ஆய்வு ஒன்றில் கர்ப்பிணி பெண்களுக்கும் பாலூட்டும் தாய்மார்களுக்கும் சியா விதையும் சியா விதை எண்ணெயும் கொடுக்கபட்டது. முதல் மூன்று மாதங்கள் கொடுக்கப்பட்ட நிலையில் அவர்களை பரிசோதித்த பொழுது அவர்கள் உடலில் உள்ள டிஹெச்ஏ யின்  அளவு அதிகரித்திருப்பதைக் கண்டனர். டிஹெச்ஏ தாய்மார்களுக்கும் கர்ப்பிணி பெண்களுக்கும் மட்டுமல்லாது குழந்தைகளும் அவர்களின் மூளை வளர்ச்சிக்கும் அத்தியாவசியமான ஒன்றாகும்.

கர்ப்பிணி பெண்களின் மூன்றாம் மும்மாத கர்ப்ப காலத்திலும், பாலூட்டும் தாய்மார்களும் தவறாது சியா விதைகளை எடுத்துக்கொள்ள வேண்டும் என்று மருத்துவர்கள் அறிவுறுத்துகின்றனர்.

சரும பராமரிப்பிற்கு உதவும் சியா விதைகள் - Chia seeds for skin in Tamil

சியா விதைகளில் ஒமேகா - 3 கொழுப்பு அமிலம் உள்ளதால் அது சருமத்திற்கு ஒரு நண்பனாக திகழ்கிறது. சியா விதைகள் மற்றும் சியா விதைகளில் இருந்து தயாரிக்கப்படும் எண்ணெய், சருமத்தை பேணிக் காத்திட உதவுகிறது. சருமம் வறண்டு போகாமல் இருக்க இனிமையான உணர்வைத் தர வல்லது சியா விதைகள். சருமத்தில் ஏற்படும் அரிப்பு மற்றும் தொற்றுக்களைக் குறைக்கவும், சிரங்கு போன்ற தோல் நோய்கள் வராமல் தடுக்கவும் சியா விதைகள் மிகுந்த பயன் அளிக்கின்றன.

அழற்சி நீக்கியாக பயன்படும் சியா விதைகள் - Chia seeds as an anti-inflammatory in Tamil

மூச்சுக்குழாய் அழற்சி மற்றும் வாதம் ஆகிய நோய்களால் பாதிக்கப்பட்டவர்களுக்கு வீக்கம், வெப்பம் மற்றும் சிவப்புத்தன்மை நேரும். சியா விதைகளில் உள்ள பாலிஅன்சாச்சுரேட்டெட் கொழுப்பு அமிலம், உடலில் வீக்கத்தை உண்டாக்கும் மத்தியஸ்தர்களான சிஓஎக்ஸ் - 2 ஐ தடுத்து உடம்பில் வீக்கம் ஏற்படாமல் தடுக்கிறது. சியா விதைகளை உட்கொள்வதாலும், விதைகளினால் தயாரிக்கப்பட்ட எண்ணையை உபயோகிப்பதாலும் உடலில் ஏற்படும் வீக்கத்தின் வழியையும் தாக்கத்தையும் குறைக்க முடியும் என்று ஆய்வுகள் கூறுகின்றன.

இதயத்தின் ஆரோக்கியத்திற்கு உதவும் சியா விதைகள் - Chia seeds for heart in Tamil

சியா விதையில் ஆல்பா-லினோலினிக் அமிலம் மற்றும் நார் சத்துகள் அதிகம் உள்ளதால், இதயத்தின் ஆரோக்கியத்தைப் பேணிக் காத்திட சியா விதைகள் பெரும் பங்கு வகிக்கும் என்று அறிவியல் வல்லுநர்கள் கூறுகின்றனர். உயர் இரத்த அழுத்தம் மற்றும் ரத்தக்குழாய் சார்ந்த இதய நோய்களை குணப்படுத்த சியா விதைகள் உதவுவதோடு மட்டுமல்லாமல் இதயத்தின் ஆரோக்கியத்தையும் சீரான நிலையில் வைக்க உதவி புரிகிறது. கனடாவில் நடைபெற்ற ஆய்வு ஒன்றில் இரண்டாம் வித நீரிழிவு நோயால் பாதிக்கப்பட்ட நோயாளிகள் பங்கேற்றனர். இந்த ஆய்வில் அவர்களுக்கு பன்னிரண்டு வாரங்கள் ஆய்வு மேற்கொள்ளப்பட்டது. ஆய்வின் ஒரு அங்கமாக அவர்களுக்கு தினமும் சியா விதைகள் கொடுக்கப்பட்டு வந்தன. பன்னிரண்டு வாரங்கள் கழித்து ஆய்வின் முடிவில் முறையாக தினமும் சியா விதைகளை சாப்பிடுவோருக்கு இருதயம் சார்ந்த நோய்களின் அறிகுறிகள் வெகுவாகக் குறைந்ததையும், மேலும் ரத்தத்தில் உள்ள சர்க்கரையின் அளவு கட்டுப்பாட்டிற்குள் கொண்டு வரப்பட்டதையும் கண்டனர்.

(மேலும் விவரங்களுக்கு இதய நோய் தடுப்பு முறைகள்)

உயர் இரத்த அழுத்தத்தைக் குறைக்க உதவும் சியா விதைகள் - Chia seeds reduce blood pressure in Tamil

உயர் இரத்த அழுத்தத்தினால் பாதிக்கப்பட்ட நோயாளிகள் இருபத்தி ஆறு பேர் மீது ஒரு ஆராய்ச்சி நடத்தப்பட்டது. இந்த ஆராய்ச்சியின் மூலம் சியா விதைகள் உயர் இரத்த அழுத்தத்தைக் குறைக்க உதவுமா என்று கண்டறிய விரும்பினர். இருபத்தி ஆறு நோயாளிகளுக்கு பன்னிரண்டு நாட்களுக்கு தினமும் சியா விதையில் இருந்து தயாரிக்கப்பட்ட மாவு கொடுக்கப்பட்டு வந்தது. இந்த சோதனையின் முடிவில் மருந்துகள் எடுத்துக்கொண்டிருக்கும் உயர் இரத்த அழுத்தத்தால் பாதிக்கப்பட்ட நோயாளிகளிடம், மருந்துகள் என்ன மாற்றத்தைக் கொண்டு வந்ததோ, அதே மாற்றத்தை சியா விதைகள் கொண்டு வந்தது என்பதை உறுதி செய்தனர். இதைக் கொண்டு, சியா விதைகளை உயர் இரத்த அழுத்தத்தைக் குறைக்க உபயோகிக்கலாம் என்பது விளக்கப்பட்டுவிட்டது.

(மேலும் விவரங்களுக்கு உயர் இரத்த அழுத்தம் ஏற்பட காரணங்கள்)

செரிமானத்திற்கு உதவும் சியா விதைகள் - Chia seeds for digestion in Tamil

சியா விதைகள் அதிக அளவிலான நார் சத்துக்களை கொண்டவை. நார் சத்துக்களை அதிக அளவில் உட்கொள்ளும்பொழுது குடலின் செயல்பாடானது சீர் செய்யப்பட்டு, கழிவுகள் வெளியேற்றப்படுகிறது. எனவே மலசிக்கல் பிரச்சனையில் இருந்து விடுபட சியா விதைகள் உதவும்.

இதை தவிர்த்து வேறு எந்த செரிமானம் தொடர்பான நன்மைகளையும் சியா விதைகள் அளிப்பதில்லை என ஆய்வுகள் கூறுகின்றன.

நீரிழிவு நோயை குணப்படுத்த உதவும் சியா விதைகள் - Chia seeds for diabetes in Tamil

சியா விதைகளில் நீரிழிவு நோயை இவ்வாறு குணப்படுத்த உதவுகின்றன என்பதை கண்டறிய பல ஆராய்ச்சிகள் மேற்கொள்ளப்பட்டன. அவ்வாறு நடத்தப்பட்ட ஆராய்ச்சி ஒன்றில், ஆரோக்கியமான சில மனிதர்களுக்கு சியா விதைகள் கொடுக்கப்பட்டன. இயல்பாக ஒரு மனிதன் உணவு அருந்திய சில நேரங்களில், அவனது ரத்தத்தில் உள்ள சர்க்கரையின் அளவானது அதிகரிக்கும். இதுவே நீரிழிவு நோய் உள்ளவர்களுக்கு சர்க்கரையின் அளவு அதிகமாக  இருக்கும். ஆனால் சியா விதைகளை அருந்தியவர்களுக்கு, இரத்தத்தில் இருக்கும் சர்க்கரையின் அளவானது அதிக அளவில் அதிகரிக்கவில்லை என்பதை கண்டறிந்தனர். நீரிழிவு நோய்க்கான மற்ற மருந்துகளை போல சியா விதைகளில் எந்த பக்க விளைவுகளும் இல்லை.

எப்பொழுது மற்றும் எந்த அளவில் வேண்டுமானாலும் பயன்படுத்திக் கொள்ளலாம் என்ற தன்மையை சியா விதைகள் கொண்டதனால், நீரிழிவு நோய் உள்ளவர்களுக்கு இது ஒரு சிறந்த இயற்கை உணவாகும்.

ஆஸ்டெக் பழங்குடியினர் மற்றும் மாயன் பழங்குடியினர் சியா விதைகளை உணவுகள், மருந்துகள் மற்றும் ஒப்பனைப் பொருட்களில் அதிக அளவில் உபயோகப்படுத்தினார்கள்.கொலம்பியாவில் வாழ்ந்த வரலாற்றுச் சமுதாயங்கள் சோளத்துக்கு அடுத்து இரண்டாவது முக்கியமான உணவாக சியா விதைகளை கருதினர். முழு விதைகள், மாவு மற்றும் எண்ணெய் வடிவில் சியா விதைகளை உணவுகளாக, மருந்துகளாக, ஒப்பனைப் பொருட்களாக மற்றும் மத சடங்குகளில் உபயோகித்தனர்.

நவீன உலகில் மிருதுவாக்கிகள், காலை உணவு தானியங்கள், எரிசக்தி பார்கள், க்ரானோல பார்கள், தயிர், மற்றும் ரொட்டி ஆகியவற்றை தயாரிப்பதற்கு சியா விதைகள் உபயோகப்படுகின்றன. சாறுகள் மற்றும் பாலிலும் கலந்து உபயோகிக்கின்றனர். கேக் தயாரிக்கும்பொழுது உபயோகிக்கும் முட்டை மற்றும் எண்ணெய்யின் கால் பங்கிற்கு பதில் சியா ஜெல் உபயோகப்படுத்தப்படுகிறது. வெளிப்புற மூடுதலோடு உண்ணக்கூடிய சியா விதைகள் உடலில் இருந்து வெளியேற்றப்படுகின்றன. எனவே, சியா விதைகளின் முழுமையான ஆரோக்கிய நன்மைகளை உணர வேண்டுமானால், அவற்றை பொடி செய்து உட்கொள்வதே சிறந்த முறை ஆகும்.

சியா விதைகளின் பயன்களை ஆய்வுகள் மூலம் தெரியப்படுத்தி இருந்தாலும், இன்னும் போதிய அளவிலான சான்றுகளும் ஆய்வுகளும் நடத்தப்பட வேண்டும். அதிக அளவிலான சியா விதைகளை உட்கொள்ளும்பொழுது ஏதேனும் பக்க விளைவுகள் ஏற்படுகின்றனவா என்பதை அறிய மேலும் பல ஆராய்ச்சிகள் மேற்கொள்ள வேண்டி இருக்கும். தற்சமயம், நம்மிடம் உள்ள ஆய்வுகள் கூறிய ஒரு சில பக்க விளைவுகளைக் கீழே காணலாம்

  1. சியா விதைகள் செரிமான செயல்பாடுகளில் பாதகமான விளைவுகளை ஏற்படுத்தலாம்
    சியா விதைகள் அதிக நார் சத்துக்களை கொண்டுள்ளது. எனவே கூறப்படும் அளவில் சியா விதைகளை எடுத்துக் கொண்டால் உடலில் மலச்சிக்கல் பிரச்சனையில் இருந்து விடுபடலாம். ஆனால் அளவிற்கு அதிகமாக எடுத்துக்கொள்ளும் பொழுது வேறு சில செரிமான கோளாறுகளான வீக்கம், வாயு, மலச்சிக்கல், வாந்தி போன்ற பிரச்சனைகள் நிகழ வாய்ப்புள்ளது. எனவே உங்கள் தினசரி நார் சத்துக்களை உட்கொண்ட பின்னர் போதுமான அளவு தண்ணீர் குடிப்பது நல்லது.
  2. மூச்சுக் குழாயில் அடைப்பு ஏற்படுத்தும்
    சியா விதைகள் தன்னுடைய அளவை விட 10 - 12 தடவை அதிக நீரை தன்னுள் உறிஞ்சி வைத்துக் கொள்ள முடியும். எனவே சியா விதைகளை உண்ட உடனே தண்ணீர் குடிப்பதை தவிர்க்கவும். 39 வயது ஆண் மேல் நடத்தப்பட்ட ஆய்வு ஒன்றில், சியா விதைகளை உண்ட பிறகு தண்ணீர் குடித்ததால் உணவுக்குழாயில் அடைப்பு ஏற்பட்டு அவதிப்பட்டார். எனவே ஊறவைத்த சியா விதைகளை குழந்தைகளுக்கு கொடுப்பதே சிறந்ததாகும் அல்லது சியா விதைகளை உண்ட பின்னர் தண்ணீர் குடிக்கக் கூடாது.
  3. அதிக அளவிலான சியா விதைகள் புற்று நோய்க்கு வழிவகுக்கும்
    சியா விதைகளின் மிக முக்கிய கூறு ஒமேகா - 3 கொழுப்பு அமிலம் தான். ஆய்வு ஒன்றில், முன்பே இரத்தத்தில் அதிக அளவிலான  ஒமேகா - 3 கொழுப்புக்கு அமிலம் உள்ளவர்கள் சியா விதைகளை உட்கொண்ட பொழுது அது புற்று நோய்க்கு வழி வகுக்கிறது என்று கண்டறியப்பட்டது. இருப்பினும், இந்த துறையில் மேலும் பல ஆராய்ச்சிகள் மேற்கொள்ளப்பட வேண்டும் என்கின்றனர் ஆராய்ச்சியாளர்கள்.
  4. சியா விதைகள் ஒவ்வாமையை ஏற்படுத்தலாம்
    மற்ற  உணவு பொருட்களைப் போல சியா விதைகளும் ஒரு சில மனிதர்களுக்கு ஒவ்வாமையை ஏற்படுத்தும். அவற்றுள் சில -  வாந்தி, அரிப்பு, வயிற்றுப் போக்கு, சுவாசத்தில் சிரமம் போன்றவை ஆகும்.
  5. சியா விதைகள் வேறு மருந்துகளோடு எதிர் விளைவுறுத்தும்
    உயர் இரத்த அழுத்தத்தையும், இரத்தத்தில் இருக்கும் உயர் சர்க்கரை அளவையும் குறைக்கும் தன்மை கொண்டது சியா விதைகள். எனவே, நீரிழிவு மாத்திரை மற்றும் இரத்த அழுத்த மாத்திரை எடுத்துக் கொள்ளும் நோயாளிகள் அதோடு சியா விதைகளை எடுத்துக் கொள்ளக்கூடாது என்று அறிவுறுத்தப்படுகிறார்கள்.
myUpchar doctors after many years of research have created myUpchar Ayurveda Urjas Energy & Power Capsule by using 100% original and pure herbs of Ayurveda. This Ayurvedic medicine has been recommended by our doctors to lakhs of people for problems like physical and sexual weakness and fatigue, with good results.
Power Capsule For Men
₹719  ₹799  10% OFF
BUY NOW

சியா விதைகள் சத்து நிறைந்த உணவாகும் என்பதால் சியா விதைகளை சூப்பர்ஃபூட்ஸ் அல்லது செயல்பாட்டு உணவுகள் என்றும் அழைக்கின்றனர். ஆல்பா-லினோலெனிக் அமிலங்கள், புரதங்கள், ஆக்ஸிஜனேற்றங்கள், தாதுக்கள் மற்றும் வைட்டமின்கள் போன்ற ஊட்டச்சத்துக்கள் அதிகமாக சியா விதைகளில் இருப்பதால் உடலின் ஆரோக்கியத்தை பேணிக் காத்திட உதவுகிறது. சியா விதைகளை முழு விதைகளாகவும், பொடியாகவும், எண்ணெய்யாகவும் பயன்படுத்தலாம் என்பதால்  சியா விதைகள் ஒரு சிறந்த உணவு விருப்பம் ஆகிறது. பேக்கரி பொருட்களிலும், சாலட்களில் தூவுவதற்கும் மற்றும் புட்டிங் செய்யும்பொழுது சியா விதைகளை உபயோகிக்கின்றனர். இருப்பினும், அளவுக்கு அதிகமாக எடுத்துக்கொள்ளப்படும் சியா விதைகளால் உடலில் பக்க விளைவுகள் ஏற்படும். மேலும், சியா விதைகளுக்காக நடத்தப்பட்ட ஆய்வுகள் மிக குறைவே. எனவே சியா விதையை பிரபலப்படுத்துவதற்கு முன், இன்னும் பல ஆராய்ச்சிகள் மேற்கொள்ளவேண்டும்.


Medicines / Products that contain Chia Seeds

மேற்கோள்கள்

  1. United States Department of Agriculture Agricultural Research Service. Basic Report: 12006, Seeds, chia seeds, dried. National Nutrient Database for Standard Reference Legacy Release [Internet]
  2. Ho H et al. Effect of whole and ground Salba seeds (Salvia Hispanica L.) on postprandial glycemia in healthy volunteers: a randomized controlled, dose-response trial. Eur J Clin Nutr. 2013 Jul;67(7):786-8. PMID: 23778782
  3. Toscano LT et al. Chia flour supplementation reduces blood pressure in hypertensive subjects. Plant Foods Hum Nutr. 2014 Dec;69(4):392-8. PMID: 25403867
  4. Vuksan V et al. Supplementation of conventional therapy with the novel grain Salba (Salvia hispanica L.) improves major and emerging cardiovascular risk factors in type 2 diabetes: results of a randomized controlled trial. Diabetes Care. 2007 Nov;30(11):2804-10. Epub 2007 Aug 8. PMID: 17686832
  5. Valenzuela R et al. Modification of Docosahexaenoic Acid Composition of Milk from Nursing Women Who Received Alpha Linolenic Acid from Chia Oil during Gestation and Nursing. Nutrients. 2015 Aug 4;7(8):6405-24. doi: 10.3390/nu7085289. PMID: 26247968
  6. Hacer Levent. Effect of partial substitution of gluten-free flour mixtures with chia (Salvia hispanica L.) flour on quality of gluten-free noodles . J Food Sci Technol. 2017 Jun; 54(7): 1971–1978. PMID: 28720954
  7. Rahman Ullah et. Nutritional and therapeutic perspectives of Chia (Salvia hispanica L.): a review. J Food Sci Technol. 2016 Apr; 53(4): 1750–1758. PMID: 27413203
  8. Jing Yang, Hai-Peng Wang, Li Zhou, Chun-Fang Xu. Effect of dietary fiber on constipation: A meta analysis. World J Gastroenterol. 2012 Dec 28; 18(48): 7378–7383. PMID: 23326148
  9. Aylin Ayaz et al. Chia seed (Salvia Hispanica L.) added yogurt reduces short-term food intake and increases satiety: randomised controlled trial. Nutr Res Pract. 2017 Oct; 11(5): 412–418. PMID: 28989578
  10. Yuan-Qing Fu, Ju-Sheng Zheng, Bo Yang, Duo Li. Effect of Individual Omega-3 Fatty Acids on the Risk of Prostate Cancer: A Systematic Review and Dose-Response Meta-Analysis of Prospective Cohort Studies. J Epidemiol. 2015; 25(4): 261–274. PMID: 25787237
  11. National Research Council (US) Committee on Diet and Health. Diet and Health: Implications for Reducing Chronic Disease Risk. Washington (DC): National Academies Press (US); 1989. 10, Dietary Fiber.
Read on app