myUpchar प्लस+ के साथ पूरेे परिवार के हेल्थ खर्च पर भारी बचत

கொத்தமல்லி அல்லது தனியா என்பது, இந்திய பாரம்பரிய சமையல் முறைகளில் மிகவும் பரவலாகப் பயன்படுத்தப்படுகின்ற ஒரு வருடாந்திர மூலிகை ஆகும். கோரியண்டிரம் சாட்டிவும், உணவுசார் நார்ச்சத்தின் ஒரு நல்ல ஆதாரமாகவும், அதேபோல் ஏராளமான மருத்துவப் பயன்களையும் கொண்டிருக்கிறது. பல்வேறு கலாச்சார மக்கள், கொத்தமல்லியை ஒரு பாரம்பரிய நிவாரணியாக, மற்றும் நறுமண சுவையூட்டும் காரணியாகப் பயன்படுத்தி வந்திருக்கின்றனர். கொத்தமல்லி செடி முழுவதுமே, பெட்ரோசெலினிக் அமிலம் போன்ற கொழுப்பு அமிலங்கள் மற்றும் அத்தியாவசிய எண்ணெய்களின் செறிவான ஒரு ஆதாரமாக இருக்கிறது.

தெற்கு ஐரோப்பாவின் பிராந்தியங்கள், மற்றும் வடக்கு மற்றும் தென்கிழக்கு ஆப்பிரிக்காவை சேர்ந்த கொத்தமல்லி செடி, வழக்கமாக 50 செ.மீ வரை வளரக் கூடிய ஒரு மென் மூலிகை ஆகும். அதன் இலைகள், அடிப்பகுதியில் பிளவுபட்ட மடல்களுடன் அகலமாக, மற்றும் வெளிப்புற விளிம்புகளை நோக்கிய மெல்லிய, மற்றும் இறகு போன்ற அமைப்பில், மற்றும் பல்வேறு வடிவங்களில் காணப்படுகின்றன. ஆயுர்வேதத்தில் கொத்தமல்லி, பசியை அதிகரிப்பது, செரிமானத்துக்கு உதவுவது மற்றும் நோய்த்தொற்றுக்களை எதிர்த்து போராடுவது ஆகியவற்றின் மூலம், ஒரு முப்பலன்கள் (மூன்று நன்மைகளை வழங்குகிறது) மூலிகை என்று பெரிதும் பாராட்டப்படுகிறது.

கொத்தமல்லியின் பல்வேறு பாகங்கள், பல்வேறு மருத்துவப் பண்புகளை வெளிப்படுத்துவதற்கு காரணமான பல உயிரி செயல்பாட்டு மூலக்கூறுகளை, அது கொண்டிருக்கிறது. அவற்றுள், நீரிழிவு எதிர்ப்பு, ஆக்சிஜனேற்ற-எதிர்ப்பு, நுண்ணுயிரி-எதிர்ப்பு, வலிப்பு-எதிர்ப்பு (வலிப்பு ஏற்படுவதைத் தடுக்கிறது), மனச்சோர்வு-எதிர்ப்பு, அழற்சி-எதிர்ப்பு (வீக்கத்தைக் குறைக்கிறது), கொழுப்பு -எதிர்ப்பு (கொழுப்பு மற்றும் ட்ரைகிளிசெரைடுகள் போன்ற இரத்த கொழுப்பு அமிலங்களைக் குறைக்கிறது), நரம்பு பாதுகாப்பு (நினைவுத்திறன் செல்களைப் பாதுகாக்கிறது), இரத்த அழுத்த-எதிர்ப்பு (இரத்த அழுத்தத்தைக் குறைக்கிறது) மற்றும் சீறுநீர் பெருக்கு (சிறுநீர் கழிப்பதை அதிகரிக்கிறது) பண்புகளும் அடங்கும். 

கொத்தமல்லியைப் பற்றிய சில அடிப்படை விவரங்கள்

  • தாவரவியல் பெயர்கோரியண் டிரம் சாட்டிவும்
  • குடும்பம்: அப்பியசியயி
  • பொதுவான பெயர்கள்: கொத்தமல்லி, தனியா, சீன கோசு
  • சமஸ்கிருதப் பெயர்தனியா
  • பயன்படும் பாகங்கள்: இலைகள், தண்டு, விதைகள்
  • சொந்த பிராந்தியம் மற்றும் புவியியல் பரவுதல்: தெற்கு ஐரோப்பா, வட ஆப்பிரிக்கா, தென்கிழக்கு ஆப்பிரிக்கா
  1. கொத்தமல்லி ஊட்டச்சத்து விவரங்கள் - Coriander nutrition facts in Tamil
  2. கொத்தமல்லி தழையின் நன்மைகள் - Coriander leaf benefits in Tamil
  3. கொத்தமல்லி தழைகள் சாற்றின் நன்மைகள் - Coriander leaves juice benefits in Tamil
  4. கொத்தமல்லியின் மருத்துவப் பயன்கள் - Medicinal Benefits of Coriander in Tamil
  5. கொத்தமல்லியின் பிற நன்மைகள் - Other benefits of Coriander in Tamil
  6. எவ்வாறு கொத்தமல்லி சாறு தயாரிப்பது - How to make coriander juice in Tamil
  7. கொத்தமல்லியின் பக்க விளைவுகள் - Side effects of coriander in Tamil

கொத்தமல்லி, அதன் ஆரோக்கியம் அளிக்கும் நன்மைகளுக்காக மிகவும் பிரபலமானது ஆகும். யு.எஸ்.டி.ஏ -வின் படி, 100 கி கொத்தமல்லியில் உள்ள ஊட்டச்சத்து அளவுகள், இந்த அட்டவணையில் உள்ளவாறு இருக்கின்றன.

ஊட்டச்சத்து 100 கிராமில் உள்ள அளவு
கார்போஹைட்ரேட்கள் 3.67 கி
உணவுசார் நார்ச்சத்து 2.80 கி
கொழுப்புகள் 0 கி
கொழுப்பு 0.52 கி
புரதம் 2.13 கி
வைட்டமின்கள்
வைட்டமின் ஏ 67.48 மி.கி
வைட்டமின் சி 27 மி.கி
வைட்டமின் இ 2.50 மி.கி
வைட்டமின் கே 310 மி.சி.கி
தியாமின் 0.067 மி.கி
நியாசின் 1.114 மி.கி
ரிபோஃபிலாவின் 0.162 மி.கி
பைரிடாக்சின் 0.149 மி.கி
பென்டோதெனிக் அமிலம் 0.570 மி.கி
தாதுக்கள்
கால்சியம் 67 மி.கி
மெக்னீஷியம் 26 மி.கி
இரும்புச்சத்து 1.77 மி.கி
மாங்கனீஸ் 0.426 மி.கி
செலீனியம் 0.9 மி.கி
பாஸ்பரஸ் 48 மி.கி
துத்தநாகம் 0.50 மி.கி
எலெக்ட்ரோலைட்டுகள்
பொட்டாசியம் 521 மி.கி
சோடியம் 46 மி.கி

கொத்தமல்லி, பெரும்பாலான உணவுகளில் ஒரு சுவையூட்டும் பொருளாக (சுவையை அதிகரிக்கும் பொருள்) பயன்படுத்தப்படுகிறது. கூடுதலாக, கொத்தமல்லியைப் பயன்படுத்துவது, பல ஆரோக்கிய நன்மைகளை விளைவாகக் கொண்டிருப்பதும் காணப்பட்டிருக்கிறது. ஒரு சிறந்த ஆரோக்கியத்தை ஊக்குவிப்பதில் கொத்தமல்லியின் பயன்களைப் பற்றி, இந்தக் கட்டுரையில் விவாதிக்கப்பட்டு இருக்கிறது. 

கொத்தமல்லி செடியின் மொத்த உடல் பாகமும், பல்வேறு பயன்களையும் மற்றும் நன்மைகளையும் கொண்டிருக்கிறது. இருந்தாலும், மிகவும் சிறந்த பயனைக் கொண்டிருக்கும் அந்த தாவரத்தின் பாகம், கொத்தமல்லியின் தழைகள் ஆகும். கொத்தமல்லி தழைகளின் பயன்கள் மற்றும் ஆரோக்கிய நன்மைகளைப் பற்றி நாம் கீழே காணலாம்.

  1. சிறுநீரகத்துக்காக கொத்தமல்லி தழைகள் - Coriander leaves for kidney in Tamil
  2. கொழுப்பு அளவுகளுக்காக கொத்தமல்லி தழைகள் - Coriander leaves for cholesterol in Tamil
  3. கல்லீரலுக்காக கொத்தமல்லி தழைகள் - Coriander leaves for the liver in Tamil
  4. நல்ல நினைவாற்றலுக்காக கொத்தமல்லி தழைகள் - Coriander leaves for good memory in Tamil
  5. இரத்த அழுத்தத்துக்காக கொத்தமல்லி தழைகள் - Coriander leaves for blood pressure in Tamil
  6. ஆக்சிஜனேற்ற எதிர்ப்பிகளாக கொத்தமல்லி தழைகள் - Coriander leaves as antioxidants in Tamil

சிறுநீரகத்துக்காக கொத்தமல்லி தழைகள் - Coriander leaves for kidney in Tamil

கொத்தமல்லியில், பொட்டாசியம், கால்சியம், இரும்பு, மாங்கனீஸ், மற்றும் மெக்னீஷியம் போன்ற தாதுக்களின் தொகுதி காணப்படுகிறது. கொத்தமல்லி தழைகளில், வைட்டமின் ஏ, வைட்டமின் சி, வைட்டமின் பி மற்றும் பீட்டா-கெரட்டின் (வைட்டமின் ஏ உருவாக்கத்துக்குப் பொறுப்பான ஒரு நிறமி) போன்ற, தகுந்த உடல் ஆரோக்கியத்தைப் பராமரிக்க அவசியமான வைட்டமின்கள் காணப்படுகின்றன. கொத்தமல்லி தழைகள், ஒரு சிறுநீர் பெருக்கியாக செயல்பட்டு, சிறுநீர் வெளியேறும் அளவை அதிகரிப்பது, மற்றும் உடலில் இருந்து நச்சுத்தன்மை கொண்ட கழிவுகளை வெளியேற்றுவது ஆகியவற்றின் மூலம், சிறுநீரகங்களை சுத்தம் செய்யும் நடைமுறையில் உதவுகின்றது.

கொழுப்பு அளவுகளுக்காக கொத்தமல்லி தழைகள் - Coriander leaves for cholesterol in Tamil

கொத்தமல்லியில் உள்ள உயிரி செயல்பாட்டு மூலக்கூறுகள், சக்திவாய்ந்த ஆக்சிஜனேற்ற எதிர்ப்பிகளாக செயல்படுகின்றன. இந்த மூலக்கூறுகள் உடலில் உள்ள கொழுப்பை அளவுகளை முறைப்படுத்த உதவுகின்றன. இதயநாள நோய்களை உடைய நோயாளிகளுக்கு, கொத்தமல்லியின் தொடர்ச்சியான பயன்பாடு காரணமாக, குறை-அடர்த்தி கொழுப்பு (எல்.டி எல்) மற்றும் மிக-குறைந்த-அடர்த்தி கொழுப்பு (வி.எல்.டி.எல்) அளவுகள், குறைந்த சதவிகிதத்தில் இருப்பது கண்டறியப்பட்டு இருக்கிறது.

மேலும் கொத்தமல்லி, இரத்தத்தில் உள்ள டிரைகிளிஸெரைட்களை குறைப்பதன் மூலம் கொழுப்பு அளவுகளைக் குறைக்கவும், மற்றும் நல்ல கொழுப்பு எனவும் அறியப்படும், உயர்-அடர்த்தி கொழுப்பு அளவை அதிகரிக்கவும் உதவுகிறது. 

(மேலும் படிக்க: உயர் கொழுப்பு அளவுகள்

கல்லீரலுக்காக கொத்தமல்லி தழைகள் - Coriander leaves for the liver in Tamil

மனித உடலில் நடைபெறும் முக்கிய வளர்சிதை மாற்றங்களில் மிக அதிகமானவை, கல்லீரல் மூலம் நடைபெறுகின்றன. கோரியண்டிரம் சாட்டிவும், ஆக்சிஜனேற்ற எதிர்ப்பிகளை செறிவாகக் கொண்டுள்ளதால், கேட்டலஸ், குளுட்டாதியோன் பெராக்சிடேஸ், மற்றும் சூப்பராக்ஸைட் டிஸ்முடேஸ் போன்ற குறிப்பிட்ட நொதிகளின் செயல்பாட்டை அதிகரிப்பதன் மூலமாக, ஒரு ஈரல் பாதுகாப்பு (கல்லீரலைப் பாதுகாக்கிறது) பொருளாக செயல்படுகிறது. இந்த நொதிகள், ஹைட்ராக்சில் சேதாரக் கூறுகள் (சேதாரத்தை உருவாக்கும் காரணிகள்) போன்ற நச்சுத்தன்மை வாய்ந்த காரணிகளை நீக்குவதிலும், மற்றும் கல்லீரலின் முறையான செயல்பாட்டை மேம்படுத்தவும் உதவுகின்றன.

நல்ல நினைவாற்றலுக்காக கொத்தமல்லி தழைகள் - Coriander leaves for good memory in Tamil

கொத்தமல்லியைப் பற்றிய விரிவான ஆய்வுகள், இந்த மூலிகை குறிப்பிடத்தக்க வகையில் நினைவாற்றல் செயல்பாட்டை மேம்படுத்துகிறது என உறுதியாகத் தெரிவிக்கின்றன.

நினைவாற்றல் செயல்பாட்டை மேம்படுத்துவதில் கொத்தமல்லியின் உதவியின் முக்கியமான அம்சம், அசிட்டைல்சோலின் என்ற ஒரு நரம்பியல் கடத்தியை (நரம்புகளின் சமிஞ்கைகளை அனுப்புவதில் உதவுகிறது) சேதப்படுத்துகிற, சோலிநெஸ்டரைஸ் நொதியை (மைய நரம்பு மண்டலத்தில் காணப்படும் ஒரு நொதி) தடுப்பது ஆகும்.

அசிட்டைல்சோலின், உடலில் உள்ள தசை செல்களின் செயல்பாட்டுக்கு அவசியமான ஒன்றாகும். கொத்தமல்லி, சோலிநெஸ்டரைஸ் நொதியின் செயல்பாட்டைத் தடுக்கிற, மற்றும் அசிட்டைல்சோலின் உற்பத்தியை ஊக்குவிக்கிற வகையில், மூளையில் ஏற்படும் ஆக்சிஜனேற்ற நச்சுத்தன்மையின் அளவுகளைக் குறைக்கிறது. 

இரத்த அழுத்தத்துக்காக கொத்தமல்லி தழைகள் - Coriander leaves for blood pressure in Tamil

கொத்தமல்லி தழைகளை சேர்த்து தயாரிக்கப்படும் பழக்கூட்டு, உயர் இரத்த அழுத்தத்தால் பாதிக்கப்பட்டுள்ள நோயாளிகளுக்கு மிகவும் நன்மை அளிக்கக் கூடியதாக இருப்பது, அடிக்கடி கண்டறியப்பட்டு இருக்கிறது.

கொத்தமல்லி, இரத்த அழுத்தத்தை விடுவிக்கிற பொறுப்பையுடைய அசிட்டைல்சோலினுடன் வினை புரிகின்ற கால்சியத்தை செறிவான அளவில் கொண்டிருக்கிறது.

அதனால், கொத்தமல்லி எடுத்துக் கொள்வது, இரத்த அழுத்த அளவுகளைக் குறைக்கும் திறனைக் கொண்டிருக்கிறது. கொத்தமல்லியின் இந்தப் பண்பு, மாரடைப்பு மற்றும் பக்கவாதம் போன்ற பல்வேறு இதயநாள (இதயம்) பிரச்சினைகள் ஏற்படும் வாய்ப்புக்களைக் குறைக்கிறது.

ஆக்சிஜனேற்ற எதிர்ப்பிகளாக கொத்தமல்லி தழைகள் - Coriander leaves as antioxidants in Tamil

மனித உடலானது, சுற்றுப்புற சூழ்நிலைகளில் உள்ள வெளிப்புற நச்சுத்தன்மை மிக்கவற்றால், தொடர்ந்து தாக்கப்படும் அபாயத்தில் இருக்கிறது.

இந்த நச்சுத்தன்மை மிக்கவற்றுக்கு எதிர்வினையாக, செல்களை சேதப்படுத்தக் கூடிய சேதார மூலக்கூறுகளை உடல் உற்பத்தி செய்கிறது. அது நாளடைவில், இதய நோய்கள், நீரிழிவு நோய் மற்றும் புற்றுநோய் போன்ற நோய்களை ஏற்படுத்துகிறது.

கொத்தமல்லி ஆக்சிஜனேற்ற எதிர்ப்பிகளின் நல்ல ஒரு ஆதாரம் ஆகும். கொத்தமல்லி தழைகளில் இருந்து எடுக்கப்படும் சாறு, குளுட்டாதியோன் போன்ற பல ஆக்சிஜனேற்ற எதிர்ப்பிகளின் செயல்பாட்டின் வழியாக, ஆக்சிஜனேற்ற நச்சுத்தன்மையைக் குறைக்கிறது, மற்றும் சேதார மூலக்கூறுகளால் ஏற்படும் சேதத்தையும் குறைக்கிறது. 

பச்சை கொத்தமல்லி தழைகளில் இருந்து நீரில் தயாரிக்கப்படும் சாறு, பல்வேறு ஆரோக்கியமளிக்கும் நன்மைகளைக் கொண்டிருக்கிறது. மேலும், கொத்தமல்லி தழைகளை அரைத்து, அதை மற்ற உட்பொருட்களுடன் கலந்து, பல்வேறு கஷாயங்கள் (கலவைகள்) தயாரிக்கப்பட்டு, அவை பலவித ஆரோக்கிய நன்மைகளுக்காகப் பயன்படுத்தப்படுகின்றன. கொத்தமல்லி தழைகளைக் கொண்டு தயாரிக்கப்படும் சாற்றில் இருந்து பெறப்படும் முக்கியமான நன்மைகள் கீழே விவரிக்கப்பட்டு உள்ளன. 

  1. எடைக் குறைப்புக்காக கொத்தமல்லி தழைகளின் சாறு - Coriander leaves juice for weight loss in Tamil
  2. முடி உதிர்வுக்காக கொத்தமல்லி தழைகளின் சாறு - Coriander leaves juice for hair loss in Tamil
  3. ஆரோக்கியமான சருமத்துக்காக கொத்தமல்லி தழை சாறு - Coriander leaves juice for healthy skin in Tamil

எடைக் குறைப்புக்காக கொத்தமல்லி தழைகளின் சாறு - Coriander leaves juice for weight loss in Tamil

வல்லுநர்கள், திறன்மிக்க எடைக் குறைப்பு நடவடிக்கைக்காக, கொத்தமல்லி தழைகளின் சாற்றினை, திரும்பத் திரும்ப பரிந்துரைத்து இருக்கின்றனர்.

கொத்தமல்லி தழைகளின் அத்தியாவசிய எண்ணெய்கள், விரும்பத்தகாத நுண்ணுயிரிகளை அழிப்பது, மற்றும் வயிறு வீங்குதலுக்குக் காரணமான நச்சுப்பொருட்களை நீக்குவது ஆகியவற்றின் மூலம், இரைப்பையை சுத்தம் செய்ய உதவுகின்றன.

மேலும், கொத்தமல்லி தழைகளில் உள்ள பாலிஃபெனொல்கள், கொழுப்புகளை எதிர்த்துப் போராட மற்றும் அவற்றின் சேர்மானத்தைத் தடுக்க உதவுகின்றன. கொத்தமல்லி தழை சாற்றின் இந்தப் பண்புகள் அனைத்தும் சேர்ந்து, தனி நபர்களுக்கு உடல் எடைக் குறைப்பை ஊக்குவிக்கின்றன. 

முடி உதிர்வுக்காக கொத்தமல்லி தழைகளின் சாறு - Coriander leaves juice for hair loss in Tamil

கொத்தமல்லி தழை சாறு அல்லது பசை, முடி உதிர்வைத் தடுக்க உதவக் கூடியதாகும். கொத்தமல்லி, வைட்டமின் ஏ, வைட்டமின் பி, மற்றும் வைட்டமின் கே ஆகிய வைட்டமின்களை செறிவாகக் கொண்டுள்ளது. கெரட்டின் என்பது, முடிகளின் வேர்க்கால்களை வலிமையாக்கவும், மற்றும் உடைவதில் இருந்து முடிகளைப் பாதுகாக்கவும் தேவைப்படுகிற ஒரு புரதம் ஆகும்

கேரட்டின் உற்பத்திக்கு வைட்டமின் கே மிகவும் அத்தியாவசியமானது ஆகும். கொத்தமல்லி தழை சாறு அருந்துவது, கேரட்டின் உற்பத்தி மற்றும் சேர்மானத்துக்கு உதவி செய்து, முடி வளர்ச்சியை அதிகரிக்கச் செய்கிறது. மேலும் அது முடிகளுக்கு அதிக அடர்த்தி, மற்றும் பளபளப்பை (பொலிவு) வழங்குகிறது. 

ஆரோக்கியமான சருமத்துக்காக கொத்தமல்லி தழை சாறு - Coriander leaves juice for healthy skin in Tamil

கொத்தமல்லியின் தழைகள் சாறாக அருந்தப்படும் பொழுது, அல்லது ஒரு பசை போன்று தடவப்படும் பொழுது, முகப்பரு மற்றும் கரும்புள்ளிகளைக் குறைக்கக் கூடியதாகும். எண்ணெய்ப்பசை நிறைந்த சருமத்தைக் கொண்டவர்களும் கூட, சரும ஆரோக்கியத்தை மேம்படுத்த, கொத்தமல்லி தழை சாறு அல்லது பசையைப் பயன்படுத்தலாம்.

கொத்தமல்லி தழை சாறு, நுண்ணுயிர் எதிர்ப்பு மற்றும் பூஞ்சை எதிர்ப்பு பண்புகளைக் கொண்டிருக்கிறது. அது, எண்ணெய்ப்பசை அதிகமான சருமம், மற்றும் பிற தோல் தொடர்பான பிரச்சினைகளை ஏற்படுத்துகின்ற, நுண்ணுயிர் மற்றும் பூஞ்சையை நீக்குகின்ற ஒரு சுத்தப்படுத்தியாக செயல் புரிகிறது. 

கொத்தமல்லி, மேலே குறிப்பிடப்பட்ட ஆரோக்கிய நன்மைகளைத் தவிர்த்து, பல்வேறு நோய்களுக்கான, பல்வேறு பயன்மிக்க மருத்துவ நன்மைகளைக் கொண்டிருக்கிறது. கொத்தமல்லியின் மருத்துவப் பயன்களைப் பற்றி கீழே விரிவாக விவரிக்கப்பட்டு இருக்கிறது. 

  • உடலின் நச்சுத்தன்மையை நீக்குகிறது: கொத்தமல்லி, நமது உடலின் இயற்கை நச்சுத்தன்மை நீக்கி உறுப்புகளான கல்லீரல் மற்றும் சிறுநீரகங்களின் செயல்பாட்டை மேம்படுத்துகிறது. மேலும் அது, சிறுநீர் வெளியேறுவதை அதிகரித்து, இரத்தத்தில் இருந்து நச்சுக்களை வெளியேற்றுவதை அதிகரிக்கிறது.
  • மூளையின் செயல்பாட்டை மேம்படுத்துகிறது: கொத்தமல்லி தழைகள் மூளையின் மீது, நினைவாற்றல் மற்றும் அறிவாற்றலை மேம்படுத்துகிறது எனக் கண்டறியப்பட்டுள்ள, ஒரு ஆக்சிஜனேற்ற எதிர்ப்பு விளைவைக் கொண்டிருக்கிறது. மேலும் அது, ஒரு மன அழுத்த எதிர்ப்பு, மற்றும் மனச்சோர்வு எதிர்ப்பு விளைவை அளிப்பதுடன், கூடவே நரம்பு சிதைவு நோய்கள் ஏற்படும் அபாயத்தையும் குறைக்கிறது.
  • எடைக் குறைப்பை ஊக்குவிக்கிறது: கொத்தமல்லியின் நச்சுத்தன்மை நீக்கும் விளைவுகள், அதனை ஒரு மிகச் சிறந்த எடைக் குறைப்பு நிவாரணியாக ஆக்குகிறது. மேலும் அது, உடலில் ஏற்படும் கொழுப்பு சேர்மானத்தைக் குறைக்கிறது மற்றும் இரைப்பை நுண்ணுயிரிகளை மேம்படுத்துகிறது. அதன் மூலம் உடல் எடைக் குறைப்பை ஊக்குவிக்கிறது.
  • சருமத்துக்கான நன்மைகள்: கொத்தமல்லி பசை அல்லது சாறு, உட்கொள்ளப்படும் பொழுது அல்லது மேற்பூச்சாகத் தடவப்படும் பொழுது, முகப்பரு மற்றும் கரும்புள்ளிகளைக் குறைப்பதாக அறியப்படுகிறது. மேலும் அது, சருமத்தில் உள்ள நுண்ணுயிர்கள் மற்றும் பூஞ்சைகளையும் குறைக்கிறது, மற்றும் குறிப்பாக எண்ணெய்ப் பசை மிக்க சரும வகைகளுக்கு உதவிகரமாக இருக்கிறது.
  • வாய் சுகாதாரத்தை மேம்படுத்துகிறது: கொத்தமல்லி, மேல்வாயை சுத்தம் செய்து, வாய் துர்நாற்றத்தைக் குறைக்கிற இயற்கையான ஒரு நுண்ணுயிர் எதிர்ப்பி ஆகும். மேலும் அது, வாய்ப் புண்களைக் குணப்படுத்துவதிலும் திறன்மிக்கதாக இருப்பதாகத் தெரிவிக்கப்பட்டு உள்ளது.
  • சிறுநீர் பாதை நோய்த்தொற்றுக்களுக்காக: கொத்தமல்லி, யு.டி.ஐ அறிகுறிகளைப் போக்குவதில் இரட்டை நன்மையைக் கொண்டிருக்கிறது. அது, உடலில் இருந்து நோய்க்கிருமிகளை வெளியேற்றுவதில் உதவுவதோடு மட்டும் அல்லாமல், சிறுநீர்ப் பாதையில் நுண்ணுயிரிகளின் வளர்ச்சியையும் தடுக்கிறது.

கொத்தமல்லி, அதன் ஆரோக்கியமளிக்கும் மற்றும் மருத்துவப் பயன்களைத் தவிர, தினசரி உணவுப் பழக்கத்தில் சேர்த்துக் கொண்டால், குறிப்பிட்ட பிற கவனிக்கத்தக்க நன்மைகளுக்கும் வழிவகுக்கக் கூடியது ஆகும். கொத்தமல்லியின் பிற பயன்கள் இங்கே பட்டியலிடப்பட்டு இருக்கின்றன.

  1. ஆரோக்கியமான கண்களுக்காக கொத்தமல்லி - Coriander for healthy eyes in Tamil
  2. வாய் சுகாதாரத்துக்காக கொத்தமல்லி - Coriander for oral hygiene in Tamil
  3. நுண்ணுயிர் நோய்த்தொற்றுக்களுக்காக கொத்தமல்லி - Coriander for microbial infections in Tamil
  4. உணவு நஞ்சாதலைத் தடுக்க கொத்தமல்லி - Coriander for food poisoning in Tamil
  5. அடர்த்தியான உலோகங்களை நீக்குவதற்காக கொத்தமல்லி - Coriander for removing of heavy metals in Tamil

ஆரோக்கியமான கண்களுக்காக கொத்தமல்லி - Coriander for healthy eyes in Tamil

கொத்தமல்லி, பார்வைத்திறனில் உதவுகின்ற கண்களின் தண்டு மற்றும் கூம்பு செல்களின் வளர்ச்சிக்கு மிகவும் அத்தியாவசியமான வைட்டமின் ஏ -யின் ஒரு செறிவான ஆதாரம் ஆகும். கொத்தமல்லியில் இருக்கின்ற அதிக அளவு வைட்டமின் ஏ, கண்களைப் பாதுகாக்க உதவுகிறது. மேலும் அது, மாலைக்கண் நோய் ஏற்படுவதைத் தடுக்கவும் உதவுகிறது. கொத்தமல்லியில் இருக்கின்ற வைட்டமின் ஏ, பீட்டா-கெரட்டின் (வைட்டமின் ஏ உற்பத்தி செய்ய காரணமான காரணி) வடிவத்தில் உள்ள கெரொட்டினாய்டுகளில் இருந்து கிடைக்கிறது, அதனால் மிக அதிக அளவில் எடுத்துக் கொண்டாலும் கூட, அது நச்சுத்தன்மையை உருவாக்காது.

வாய் சுகாதாரத்துக்காக கொத்தமல்லி - Coriander for oral hygiene in Tamil

வாய் சுகாதாரத்துக்காக கொத்தமல்லியைத் தனியாகவோ, அல்லது கிராம்பு போன்ற மற்ற சுத்திகரிக்கும் காரணிகளுடன் இணைந்த கலவையாகவோ, மிகவும் திறன்மிக்க வகையில் பயன்படுத்த இயலும்.கொத்தமல்லியில் இருக்கின்ற சிட்ரோநெலோல் எனப்படும் அத்தியாவசிய எண்ணெய், கிருமிநாசினியாக செயல்படுகிறது. இந்தப் பண்பு, வாய்ப்புண்களைக் குணப்படுத்த மற்றும் சுவாசத்தை சுத்திகரிக்க உதவுகிறது. கொத்தமல்லி பசையைத் தடவுவதன் மூலம், வாய்ப் புண்கள் குறிப்பிடத்தக்க அளவில் குறைகின்றன என்று ஆய்வுகள் தெரிவிக்கின்றன. 

நுண்ணுயிர் நோய்த்தொற்றுக்களுக்காக கொத்தமல்லி - Coriander for microbial infections in Tamil

கொத்தமல்லி, அதன் அத்தியாவசிய எண்ணெய்யில் நீண்ட-வரிசை ஆல்டிஹைட்களைக் கொண்டிருப்பதன் காரணமாக, பல்வேறு நுண்ணுயிர் நோய்த்தொற்றுகள் ஏற்படாமல் தடுக்க உதவக் கூடியது ஆகும். பல்வேறு தொடர்ச்சியான நோய்த்தொற்றுக்களின் தொகுப்புக்கு காரணமாகக் கூடிய லிஸ்டெரியா மோனோசைட்டோஜென்கள், எஸ்செரிச்சியா கோலி, பாகில்லஸ் சப், ஸ்டாஃபிலோகஸ் அவுரஸ், மற்றும் கேண்டிடா அல்பிகன்ஸ் போன்ற நோய்க்கிருமிகளால் ஏற்படும் நோய்த்தொற்றுக்களினை, கொத்தமல்லி உட்கொள்வதன் மூலம் தடுக்க இயலும்.

உணவு நஞ்சாதலைத் தடுக்க கொத்தமல்லி - Coriander for food poisoning in Tamil

கொத்தமல்லியை உட்கொள்வது, இரைப்பையை சுத்திகரிக்க, மற்றும் நுண்ணுயிர் நோய்த்தொற்றுக்கள் ஏற்படாமல் தடுக்க உதவுகிறது. ஆரோக்கியமற்ற சூழ்நிலைகளில் சமைக்கப்பட்ட உணவுகளை உட்கொள்வதன் காரணமாக, மற்றும் அதன் வழியாக, விரும்பத்தகாத நுண்ணுயிர் மற்றும் பூஞ்சைகள் போன்ற நோய்க்கிருமிகள் உடலுக்குள் நுழையலாம். கொத்தமல்லியின் நுண்ணுயிர் எதிர்ப்பு பண்புகள், உணவில் தொன்றும் நோய்க்கிருமிகளால் ஏற்படும் எந்த வகையான உணவு நஞ்சாதலையும் தடுப்பதற்கும், மற்றும் நோய்த்தொற்றுக்கள் ஏற்படாமல் தடுப்பதற்கும் உதவிகரமாக இருக்கிறது.

அடர்த்தியான உலோகங்களை நீக்குவதற்காக கொத்தமல்லி - Coriander for removing of heavy metals in Tamil

ஒரு ஆய்வின் படி, கொத்தமல்லி, சுற்றுச்சூழல் மாசுவின் காரணமாக, உடலில் காணப்படும் நச்சுத்தன்மை மிகுந்த அடர்த்தியான உலோகங்களை நீக்குவதற்கு, மற்றும் அவற்றின் காரணமாக ஏற்படும் சேதத்தைக் குறைப்பதற்கு உதவக் கூடியது ஆகும். காரீயம், காட்மியம், அர்செனிக், பாதரசம் போன்ற அடர்த்திமிகு உலோகங்கள், உடலில் உள்ள இயற்கையான அழுத்தத்தைப் போக்கி, ஹெர்பெஸ் சிம்ப்ளெக்ஸ் மற்றும் சால்மிடியா டிராச்சோமோட்டிஸ் போன்ற நோய்க்கிருமிகளால், மறுபடி மறுபடி ஏற்படும் நீடித்த தொற்றுநோய்களை ஏற்படுத்தக் கூடிய வகையில், பல்வேறு முக்கிய உறுப்புகளின் சேதத்துக்கு காரணமாகின்றன. கொத்தமல்லி, அவை போன்ற நச்சுத்தன்மை கொண்ட உலோகங்களை, உடலில் இருந்து வெளியேற்றி, உடலை நுண்ணுயிர் எதிர்ப்பு மருந்துகளுக்கு அதிக ஒத்துழைப்பை அளிக்க வைக்க, உதவக் கூடியதாகும்.

எண்ணற்ற ஆரோக்கியமளிக்கும் நன்மைகளுக்காக அருந்தப்படும் கொத்தமல்லி சாறை, கீழே உள்ள எளிய படிகளைப் பின்பற்றி வீட்டிலேயே தயாரிக்க முடியும்.

  • ஒரு கையளவு கொத்தமல்லி தழைகள், முழுவதும் சுத்தப்படுத்தப்பட்ட பின்னர் நன்கு நறுக்கப்பட வேண்டும்.
  • அந்த கொத்தமல்லி தழைகளை, சுமார் 1/2 கோப்பை அளவு தண்ணீரில் போட்டு, அதை மிக்ஸியில் இட்டு அரைக்கவும்.
  • ஒரு வடிகட்டி மூலம் அந்த சாறை வடிகட்டி, உடனடியாகப் பரிமாறவும்.  அருந்துவதற்காக அந்த சாற்றுடன் சிறிது கூடுதல் தண்ணீரும் (சுமார் 1/4 கோப்பை) கூடசேர்த்துக் கொள்ளலாம்.

பொதுவாகக் கொத்தமல்லி வழக்கமான அளவுகளில், மற்றும் பரிந்துரைக்கப்பட்ட மருத்துவரீதியான அளவில் கூட, எடுத்துக் கொள்ளப்படும் பொழுது பாதுகாப்பானது ஆகும். இருப்பினும், பின்வருவனவற்றை உள்ளடக்கிய குறிப்பிட்ட பக்க விளைவுகளும் தோன்றலாம்.

  • கொத்தமல்லி சில நபர்களுக்கு வயிற்று வலி மற்றும் வயிற்றுப்போக்கு ஆகியவற்றை ஏற்படுத்திய சில நிகழ்வுகள் தெரிவிக்கப்பட்டு இருக்கின்றன. ஒருவேளை அந்தப் பிரச்சினை நீடித்தால், அந்த நபர் ஒரு மருத்துவரை ஆலோசிக்க வேண்டியது முக்கியமானது ஆகும்.
  • கொத்தமல்லியை அளவுக்கு அதிகமாக எடுத்துக் கொள்வது, சில நபர்களுக்கு ஒவ்வாமை எதிர் விளைவுகளை ஏற்படுத்தக் கூடும். ஒருவேளை, ஏதேனும் வகை ஒவ்வாமை ஏற்பட்டால், உடனடியாக உங்கள் மருத்துவரை ஆலோசிக்கவும், மற்றும் தகுந்த ஆலோசனை பெறும் வரையில் கொத்தமல்லியைப் பயன்படுத்துவதை நிறுத்தவும்.
  • கொத்தமல்லியை அளவுக்கு அதிகாமாக எடுத்துக் கொள்வது, சில குறிப்பிட்ட நபர்களுக்கு இரத்த அழுத்தம் மிகவும் குறைவதற்கு காரணமாகக் கூடும். அது, தலைசுற்றல் உணர்வு அல்லது நினைவிழப்பு ஏற்பட வழிவகுக்கக் கூடும்.
  • சுவாசக் கோளாறுகள் போன்ற பிரச்சினைகளைக் கொண்ட குறிப்பிட்ட சில நபர்களுக்கு கொத்தமல்லி எடுத்துக் கொண்டதால், மூச்சிரைப்பு மற்றும் சுவாசிக்க கோளாறுகள் ஏற்பட்டதாகத் தெரிவிக்கப்பட்டு இருப்பதால், அது போன்ற பிரச்சினைகளைக் கொண்டவர்கள், கொத்தமல்லியை எடுத்துக் கொள்ளும் முன், ஒரு மருத்துவரைக் கலந்தாலோசிப்பது அவசியமான ஒன்றாகும்.
  • கொத்தமல்லியில் உள்ள அமில மூலக்கூறுகள், சில நபர்களுக்கு சூரிய ஒளியின் மீதான உணர்திறன் ஏற்படக் காரணமாகலாம்.
  • கொத்தமல்லியை உட்கொண்டதன் காரணமாக சில நபர்களுக்கு நெஞ்சு வலி ஏற்பட்டதாகத் தெரிவிக்கப்பட்டு இருக்கிறது. அதனால், மருத்துவப் பயன்களுக்காக கொத்தமல்லியை உட்கொள்ள ஆரம்பிப்பதற்கு முன்பாக, ஒரு மருத்துவருடன் ஆலோசிப்பது மிகவும் அத்தியாவசியமானது ஆகும். 
  • கொத்தமல்லி, மனித இனப்பெருக்க சுரப்பியின் செயல்பாடுகளுக்குத் தீங்கு விளைவிக்கக் கூடும் மற்றும் அது, கர்ப்பிணிப் பெண்களின் கருவில் உள்ள குழந்தையின் வளர்ச்சியைப் பாதிக்கக் கூடும். அதனால், கொத்தமல்லியை அளவுக்கு அதிகமாக எடுத்துக் கொள்ளக் கூடாது.
और पढ़ें ...

References

  1. Liu QF et al. Coriandrum sativum Suppresses Aβ42-Induced ROS Increases, Glial Cell Proliferation, and ERK Activation. Am J Chin Med. 2016;44(7):1325-1347. Epub 2016 Oct 25. PMID: 27776428
  2. van Dort JB, Ketelaars GA, Daems WT, de Bruijn WC. Ultrastructural electron probe X-ray microanalytical reaction product identification of three different enzymes in the same mouse resident peritoneal macrophage. Histochemistry. 1989;92(3):243-53. PMID: 2777642
  3. Samojlik I, Lakić N, Mimica-Dukić N, Daković-Svajcer K, Bozin B. Antioxidant and hepatoprotective potential of essential oils of coriander (Coriandrum sativum L.) and caraway (Carum carvi L.) (Apiaceae). J Agric Food Chem. 2010 Aug 11;58(15):8848-53. PMID: 20608729
  4. Wattanathorn J. Anticataractogenesis and Antiretinopathy Effects of the Novel Protective Agent Containing the Combined Extract of Mango and Vietnamese Coriander in STZ-Diabetic Rats. Oxid Med Cell Longev. 2017;2017:5290161. PMID: 28904737
  5. Aissaoui A, El-Hilaly J, Israili ZH, Lyoussi B. Acute diuretic effect of continuous intravenous infusion of an aqueous extract of Coriandrum sativum L. in anesthetized rats. J Ethnopharmacol. 2008 Jan 4;115(1):89-95. Epub 2007 Sep 16. PMID: 17961943
  6. Sahib NG et al. Coriander (Coriandrum sativum L.): a potential source of high-value components for functional foods and nutraceuticals--a review. Phytother Res. 2013 Oct;27(10):1439-56. PMID: 23281145
  7. Tang EL, Rajarajeswaran J, Fung SY, Kanthimathi MS. Antioxidant activity of Coriandrum sativum and protection against DNA damage and cancer cell migration. Format: AbstractSend to BMC Complement Altern Med. 2013 Dec 9;13:347. PMID: 24517259
  8. Patel DK et al. Cardio protective effect of Coriandrum sativum L. on isoproterenol induced myocardial necrosis in rats. Food Chem Toxicol. 2012 Sep;50(9):3120-5. PMID: 22750725