வெள்ளை முசிலியின் நன்மைகள், பயன்கள், அளவு மற்றும் பக்க விளைவுகள் - Safed Musli Benefits, Uses, Dosage and Side Effects in Tamil

இன்றைய தலைமுறையின் அழுத்தம் மிகுந்த மற்றும் விரைவான வாழ்க்கைமுறை, அதனை ஆண்கள் மற்றும் பெண்கள் இருவருக்குமே பாலுறவு வீரிய இழப்பினை அடையும் வாய்ப்புள்ளதாக ஆக்குகிறது. இதில் கவனத்தில் எடுத்துக் கொள்ளப்பட வேண்டிய விஷயங்கள் மிக அதிகமாக இருக்கின்றன, மேலும் பிரச்சினைகள் குவிகின்றன என நீங்கள் அறிந்து கொள்வதற்கு முன்பே கூட. விசேஷமான ஆய்வுகள், பாலுறவு நாட்டத்தில் ஏற்படும் குறைபாடு, ஒரு உணரக்கூடிய வாய்ப்புக்குப் பதிலாக ஒரு மனரீதியான பிரச்சினையாக மாறுகிறது எனக் கூறுகின்றன. இருந்தாலும், மன அழுத்தம் மட்டுமே ஒரு காரணம் அல்ல, ஒரு பற்றாக்குறை பாலுறவு நாட்டத்துக்கு, உடலில் உள்ள ஹார்மோன்களின் சமநிலையின்மையும் பங்கு வகிக்க கூடும். நீங்கள் இன்றைய நாட்களின் விரைவான அவசரத்தில் தொலைந்து போன நபர்களில் ஒருவராகவோ அல்லது பாலுறவு ஹார்மோன்களில் உளவியல் சமநிலையின்மையால் பாதிக்கப்பட்டவராகவோ இருந்தால், வெள்ளை முசிலி, உங்களுக்குப் பொருத்தமான ஒரு மூலிகையாக இருக்கக் கூடும். வெள்ளை முசிலி, குறைந்த பாலுறவு நாட்டத்துக்காக, குறிப்பாக ஆண்களுக்கு, அளிக்கப்படும் சிகிச்சைக்கு, ஒரு நன்கு அறியப்பட்ட ஆயுர்வேத நிவாரணம் ஆகும். அந்த அளவுக்கு பெண்களுக்குப் பிரபலம் ஆகவில்லை என்றாலும், வீரியத்தை அதிகரிப்பது என வரும் பொழுது, இது ஆண்கள் மற்றும் பெண்கள் இருபாலருக்கும் பயனளிப்பதாக அறியப்பட்டு இருக்கிறது. ஒரு ஆராய்ச்சியில், இந்த வேரை உட்கொள்வது, ஆண்கள் மற்றும் பெண்கள் இருவருக்கும், ஒரு நல்ல பாலுறவு நாட்டத்தை அளிக்கும் பொறுப்புடைய காரணிகளில் ஒன்றான, டெஸ்டோஸ்டெரோன் அளவுகளை அதிகரிப்பதில் ஒரு நேரடியான விளைவைக் கொண்டிருக்கிறது எனத் தெரிவிக்கப்பட்டு இருக்கிறது.

ஆயுர்வேதத்தில், வெள்ளை முசிலி, ஆண்களுக்கு ஒட்டுமொத்த பாலுறவு ஆரோக்கியத்தை மேம்படுத்த மற்றும் பராமரிக்க உதவும் அதன் நன்மைகளால் அறியப்படுகிறது. இது, ஆயுர்வேதத்தில் வஜிகரண சிகிட்ஷாவில் பயன்படுத்தப்படும் பெரிய மூலிகைகளில் ஒன்று ஆகும். ஆயுர்வேதத்தில் மேற்கொள்ளப்படும் இந்த முறை, பாலுறவுத் திறனை அதிகரிப்பது மட்டும் அல்லாமல், பிறக்கும் குழந்தையின் ஆரோக்கியம் மற்றும் தகுதியை உறுதி செய்வதிலும் உதவிகரமாக இருக்கிறது.

நவீன கால விஞ்ஞானம், இந்த அற்புதத்தைப் பற்றி நீண்டகாலத்துக்கு அறியாமல் இருந்து இருக்கலாம், ஆனால், அறிவியல் ஆய்வுகளின் முன்னேற்றத்தின் காரணமாக, மேற்கத்திய மருத்துவ நடைமுறையும், மனித உடலின் மீதான இந்த மூலிகையின் உயிரிவேதியியல் மற்றும் உளவியல் விளைவுகளை தெரிந்து கொண்டு இருக்கிறது. வெள்ளை முசிலியின், நீரில் கரையக்கூடிய சாற்றின் மீது நடத்தப்பட்ட ஒரு சமீபத்திய ஆய்வு, ஆண்களுக்கு விந்தணு எண்ணிக்கை, விந்து அளவுகள் மற்றும் டெஸ்டோஸ்டெரோன் அளவுகள் அதிகரித்தலில் ஒரு குறிப்பிடத்தக்க விளைவை வெளிப்படுத்தி இருக்கிறது. இருந்தாலும், இதன் செயல்பாட்டின் சரியான விதம் என்னவென்று இன்னும் அறியப்படவில்லை. வெள்ளை முசிலி, இயற்கையாக உருவாகின்ற சில வேதியியல் கூறுகளைக் கொண்டிருக்கிறது, அவை ஆண்களுக்கான ஒட்டுமொத்த பாலுறவு ஆரோக்கியத்தை மேம்படுத்துவதைத் தூண்டுகிற ஒன்றாக செயல்படுகின்றன எனக் கூறப்படுகிறது.

வெள்ளை முசிலியை உட்கொள்வது, ஆண்களுக்கு ஏற்படும் விறைப்புத்தன்மை குறைபாடுக்கான சிகிச்சையில் மிகவும் சக்தி வாய்ந்தது என அறியப்பட்டு இருக்கிறது. ஆயுர்வேதத்தின் படி, இது விறைப்புத்தன்மை குறைபாட்டுக்கு நன்மை விளைவிப்பது மட்டும் அல்லாமல், கூடவே, நீண்ட நேரத்துக்கு விறைப்புத்தன்மை குறையாமல் பராமரிக்கவும் உதவுகிறது என அறியப்படுகிறது. இது, உடலில் உள்ள ஒரு குறிப்பிட்ட வழித்தடத்தை (ரோ கினேஸ் 2) தடை செய்வதன் மூலம் செய்யப்படுவதாக நம்பப்படுகிறது, இல்லையெனில், ஆண்குறிக்கு செல்லும் இரத்த ஓட்டம் குறைந்து விடும். இருந்தாலும், உடலில் இதன் செயல்பாட்டு முறை மற்றும் அதன் பங்கு பற்றி விவரங்களை மேலும் அறிய, ஆய்வுகள் நடைபெற்றுக்கொண்டு இருக்கின்றன.

ஆண்களுக்கான பாலுறவு மற்றும் உளவியல் செயல்பாடுகளின் ஆரோக்கியம் மற்றும் அவை நன்றாக இருப்பதற்காக, வெள்ளை முசிலியின் பயன்கள் பற்றி, அதிகமான தகவல்கள் இருக்கின்றன, ஆனால், அது முழுக்க ஆண்களை மட்டுமே கவனிக்கிற ஒரு மூலிகை அல்ல. தொடர்ச்சியாக வெள்ளை முசிலியை உட்கொள்வது பெண்களுக்கும் கூட சில பயனுள்ள நன்மைகளைக் கொண்டிருக்கிறது. முதலாவதாக, இது பெண்களுக்கும் பாலுறவு நாட்டத்தை அதிகரிக்கிறது என அறியப்பட்டு இருக்கிறது. அடுத்ததாக, இது ஒரு திறன்மிக்க அடாப்டஜென், அதாவது இது, ஆண்களின் பிரச்சினையாக இருக்கிற மாதிரியே பெண்களுக்கும் இருக்கிற பிரச்சினையான மன அழுத்தத்தைக் குறைக்க உதவுகிறது. மேலும் இறுதியாக, வெள்ளை முசிலி, உடலின் வலிமையை அதிகரிப்பதில் நன்மையளிக்கிற ஊட்டச்சத்து பண்புகளை அதிகமாகக் கொண்டிருக்கிறது. வெள்ளை முசிலியை உட்கொள்வது, முன்கூட்டியே முதுமை தோற்றம் ஏற்படும் வாய்ப்புக்களை குறைக்கிறது, மேலும், பொதுவாகவே உடலின் ஆரோக்கியத்தை மேம்படுத்துகிறது. வெள்ளை முசிலி, ஒரு மிகச் சிறந்த ஹார்மோன் சீரமைப்பான் என அறியப்படுகிறது. அது, ஈஸ்ட்ரோஜென் போன்ற பெண்மை ஹார்மோன்களை சீரமைக்க மற்றும் சமன்படுத்த உதவுகிறது. தொடர்ச்சியாக இந்த மூலிகையை உட்கொண்டு வருவது, பெண்களின் மாதவிடாய் சுழற்சியை சீரமைக்க உதவுவதாக அறியப்பட்டு இருக்கிறது.

இந்தியாவில் வெள்ளை முசிலி கொண்டு நடத்தப்பட்ட சமீபத்திய ஆய்வுகள், வகை 2 நீரிழிவு நோயினால் பாதிக்கப்பட்ட நோயாளிகளின் இரத்த சர்க்கரை அளவுகளைக் குறைப்பதில், வெள்ளை முசிலி மிகவும் திறன்வாய்ந்ததாக இருக்கிறது எனக் கூறுகிறது. இருந்தாலும், ஆயுர்வேத மருத்துவர்களின் கருத்துப் படி, சரியான அளவில் வெள்ளை முசிலியை எடுத்துக் கொள்ளும் நபர்களுக்கு மட்டுமே அது பயன்மிக்கதாக இருக்கிறது. அதை எடுத்துக் கொள்வதற்கு முன்னர், தயவு செய்து உங்கள் மருத்துவரை ஆலோசியுங்கள் .

வெள்ளை முசிலி, உடலில் குறை-அடர்த்தி கொழுப்பு அளவுகளைக் குறைக்கின்ற அதே வேளையில், உயர்-அடர்த்தி கொழுப்பு அளவுகளை (நல்ல கொழுப்பு) அதிகரிப்பதாக அறியப்பட்டு இருக்கிறது. உயர்-அடர்த்தி கொழுப்பு, கல்லீரலை உடலில் இருந்து கொழுப்பை நீக்குமாறு செய்ய வைத்து, உடலின் ஒட்டு மொத்த கொழுப்பு அளவுகளைக் குறைவாக வைத்திருக்க உதவுகிறது. இது, பதிலுக்கு, உடலில் படிமங்கள் (இரத்தக் குழாய்களில் சேரும் கொழுப்பு) சேரும் வாய்ப்புக்களை குறைக்கும். அதன் மூலம் இதய பிரச்சினைகள் மற்றும் மாரடைப்பு போன்றவை ஏற்படும் அபாயத்தைக் குறைக்கிறது.

(மேலும் படிக்க: உயர் கொழுப்புக்கான சிகிச்சை)

விந்து முந்துதல் என்பது, அந்த நபர் விறைப்புத்தன்மையை நீண்ட நேரத்துக்கு பராமரிக்க இயலாமல் இருப்பது மற்றும் சரியாக உள்ளே நுழைப்பதற்கு முன்னர் அல்லது உள்ளே நுழைத்த உடனே விந்து வெளியேறி விடுகிற ஒரு பிரச்சினை ஆகும். இந்தப் பிரச்சினையின் சரியான காரணம் தெரியாமல் இருக்கின்ற வேளையில், மன அழுத்தம், பலவீனம் மற்றும் ஹார்மோன் சமநிலையின்மை அல்லது வீரியக் குறைபாடு ஆகியவை இந்தப் பிரச்சினைக்கு காரணமாக இருக்கக் கூடும் என ஊகிக்கப்படுகிறது. எப்படி இருந்தாலும், ஒரு பாலுணர்வுத்தூண்டியான வெள்ளை முசிலி, டெஸ்டோஸ்டெரோன் (ஆண்களின் பாலுணர்வு ஹார்மோன்) அளவை அதிகரிப்பதோடு மட்டும் அல்லாமல், கூடவே ஒரு மன அழுத்த நீக்கியாவும் செயல்பட்டு, நீங்கள் விறைப்புத்தன்மை அடையவும் விந்து தாமதமாக வெளியேறவும் உதவுகிறது. ஆயுர்வேத மருத்துவர்கள், விறைப்புத்தன்மை குறைபாடு, உடலில் உள்ள வாதம் மற்றும் பித்தத்தின் சமநிலையின்மை காரணமாக ஏற்படுகிறது எனக் கூறுகின்றனர். இந்த இரண்டையும் வெள்ளை முசிலி சமன்படுத்துவதால், அதன் மூலம் விந்து வெளியேறுதல் பிரச்சினைகளைத் தீர்ப்பதில் உதவுகிறது.

வெள்ளை முசிலி, ஒரு நன்கு அறிமுகமான அழற்சி - எதிர்ப்பு மூலிகை மற்றும் அதன் நன்மைகளுக்காக ஆயுர்வேதத்தில் நீண்ட காலங்களாகப் பயன்படுத்தப்பட்டு வந்திருக்கிறது. அது, மூட்டழற்சி உள்ள நோயாளிகளுக்கு ஏற்படும் மூட்டு வீக்கங்களைக் குறைப்பதில் மிகவும் திறன்மிக்கது எனக் கண்டறியப்பட்டு இருக்கிறது. ஆயுர்வேதத்தில், வெள்ளை முசிலி, மூட்டழற்சி உள்ள நோயாளிகளுக்கு, மூட்டறை திரவத்தின் (மூட்டுக்களில் இருக்கின்ற திரவங்கள்) அளவுகளை அதிகரிப்பதாக நம்பப்படுகிறது. இதனால், மூட்டுக்களுக்கு அதிக வழவழப்பினை வழங்கி, அவர்களின் மூட்டுக்களில் ஏற்படும் கிழிதல் மற்றும் உடைதலைக் குறைக்கிறது. மூட்டழற்சிக்கான சிகிச்சைகளில் இந்த மூலிகையினைப் பயன்படுத்துவதைப் பற்றிய தனிப்பட்ட ஆய்வுகள் நடைபெற்றுக் கொண்டு இருக்கின்றன.

வெள்ளை முசிலி ஒரு நன்கு அறியப்பட்ட கெலாக்ட்டோகோஜி, அதாவது, அது, பாலூட்டும் தாய்மார்களுக்கு பால் சுரப்பை அதிகரிப்பதில் உதவக் கூடியது ஆகும். மேலும், இதன் ஊட்டமளிக்கும் பண்புகள், புதிதான தாய்மார்களுக்கு ஏற்படும் பேறுகாலத்துக்கு பிந்தைய குறைபாடுகளை சரி செய்யவும் உதவுகிறது. அதன் மூலம் அவர்கள் நல்ல ஆரோக்கியத்தைத் திரும்பப் பெற உதவுகிறது. இருந்தாலும், ஒரு ஆயுர்வேத மருத்துவரை ஆலோசித்த பிறகு, வெள்ளை முசிலியை எடுத்துக் கொள்ளுமாறு நீங்கள் அறிவுறுத்தப்படுகிறீர்கள்.

(மேலும் படிக்க: பாலூட்டும் தாய்மார்களுக்கான உணவுத் திட்டம்)

வெள்ளை முசிலியின் ஊட்டமளிக்கும் மற்றும் அடாப்டஜெனிக் பண்புகள், அதனை உடல் எடை அதிகரிப்புக்கான ஒரு மிகச் சிறந்த இயற்கையான மாற்றுப் பொருளாக ஆக்குகின்றன. சொல்லப் போனால், பெரும்பாலான உடல் எடை அதிகரிப்பு பொருட்கள், வெள்ளை முசிலியை அதன் சேர்மானங்களில் ஒன்றாகக் கொண்டிருக்கின்றன. ஆயுர்வேத மருத்துவர்கள், வெள்ளை முசிலியின் ஊட்டமளிக்கும் மற்றும் எடை அதிகரிக்கும் கோணங்களில் அதன் பலன்களை முழுமையாகப் பெற, அதனை 2-3 மாதங்கள் தொடர்ந்து பயன்படுத்தும்படி அறிவுறுத்துகிறார்கள். மேலும், நோய் எதிர்ப்பு அமைப்புக்கு அது மிகவும் சிறந்தது மற்றும் தசைகளுக்கு வலிமையை வழங்குகிறது, அதற்கு அர்த்தம், திசுக்கள் நிலையில் கோளாறுகளை சரி செய்யும் அதே வேளையில், அது உங்கள் உடலுக்கு, நோய்த்தொற்றுகள் உடன் விரைவாகவும் மற்றும் அதிக திறனுடனும் போராட உதவுகிறது.

(மேலும் படிக்க: உடல் எடை அதிகரிப்புக்கான உணவுப் பட்டியல்)

உங்களை எளிதாக நோய்த்தொற்றுகள் தாக்குகின்றனவா? மிகவும் வழக்கமான நோய்த்தொற்றுக்களுக்கு எதிராகப் போதுமான அளவு வலிமையுடன் இல்லாமல் இருப்பதற்காக, நீங்கள் தொடர்ந்து உங்கள் உடலை சபிக்கிறீர்களா? இது உங்கள் உடலின் பலவீனமான நோய் எதிர்ப்பு மண்டலத்தின் காரணமாக ஏற்படுவதாக இருக்கலாம். உங்களுக்கு ஏற்கனவே தெரிந்திருக்கக் கூடியவாறு, உடலின் நோய் எதிர்ப்பு மண்டலம் என்பது, நோய்களுக்கு எதிராகப் பாதுகாப்பளிக்கும் அதன் முக்கியமான பாதுகாப்பு படையாகும். அது நோய்த்தொற்றுக்களுக்கு எதிராக உங்கள் உடல் போராடுவதற்கும் உங்களை நோய்களில் இருந்து பாதுகாப்பாக வைப்பதற்கும் உதவுகிறது, ஆனால், ஒரு சமரசமான அல்லது மெதுவான நோய் எதிர்ப்பு மணடலம், ஒரு ஆரோக்கியமான உடலின் தேவைகளோடு பொருந்திப் போக முடியாது. நல்ல செய்தி என்னவென்றால், அதற்கான நிவாரணம் உங்களிடமிருந்து தூரத்தில் இல்லை. வெள்ளை முசிலி, உடலின் நோய் எதிர்ப்பு மண்டலத்தின் ஒட்டுமொத்த எதிர்வினையை மேம்படுத்தவும் மற்றும் எளிதாகத் தாக்கக் கூடிய புதிய நோய்த்தொற்றுக்களில் இருந்து, உங்களைத் தள்ளி வைக்கவும் உதவுவதாக அறியப்பட்டு இருக்கிறது. வெள்ளை முசிலியின் எத்தனால் கூறுகள், மிகவும் சக்தி வாய்ந்த நோய் எதிர்ப்பு ஊக்குவிப்பான்கள் என ஆய்வுகள் காட்டி இருக்கின்றன. இதற்கு அர்த்தம், வெள்ளை முசிலி, பல்வேறு நோய்களுக்கு எதிராக உடலின் நோய் எதிர்ப்பு மண்டலத்தின் எதிர்வினையை மேம்படுத்த உதவுகிறது என்பதாகும். அதே ஆய்வில், வெள்ளை முசிலி, பொதுவான நோய் எதிர்ப்பு அமைப்பை மேம்படுத்த உதவுவதோடு மட்டும் அல்லாமல், கூடவே, நோய் எதிர்ப்பு அமைப்பின், நோய்க் கிருமிகளை கொல்லும் திறனையும் அதிகரிக்க உதவுகிறது எனக் கணடறியப்பட்டு உள்ளது.

(மேலும் படிக்க: நோய் எதிர்ப்பு சக்தியை அதிகரிக்கும் உணவுகள்)

வெள்ளை முசிலி, சருமத்தின் மீதான ஒரு தூண்டுதல் விளைவைக் கொண்ட, குறிப்பிட்ட பாலிசாக்கரிடைகளை அதிக அளவில் கொண்டிருப்பதாக அறியப்படுகிறது. இந்தியாவில் நடத்தப்பட்ட ஒரு ஆய்வு, வெள்ளை முசிலியால், சருமத்தின் ஈரப்பசையை அதிகரிக்கிற மற்றும் கூடவே சருமத்தை மென்மையாக மற்றும் சுத்தமாக வைத்திருக்க உதவுகிற, சில வளர்சிதை எதிர் விளைவுகளை செயல்பட வைக்க இயலும் எனக் கூறுகிறது. எவ்வாறாயினும், சரும மேம்பாட்டுக்காக, வெள்ளை முசிலியை எந்த ஒரு வடிவத்திலும் பயன்படுத்தும் முன்னர், உங்கள் ஆயுர்வேத மருத்துவரை ஆலோசியுங்கள்.