தேன் நன்மைகள், கலோரிகள், பயன்கள், பக்க விளைவுகள், ஊட்டச்சத்து விவரங்கள் - Honey Benefits, Calories, Uses, Side effects, Nutrition facts in Tamil

இதயநாள நோய்கள் என்பவை, இதயம் மற்றும் இரத்தக் குழாய்களோடு தொடர்புடைய,  பரந்த அளவிலான பிரச்சினைகளை உள்ளடக்கியது ஆகும். உயர் கொழுப்பு, உயர் இரத்த அழுத்தம் மற்றும் உடல் பருமன் போன்ற பிரச்சினைகள் இதயநாள நோய்களோடு இணைந்திருக்கின்ற சில வழக்கமான அபாய காரணிகள் ஆகும். ஆய்வுகள், தேனில் உள்ள பாலிஃபெனோல்கள், இதய நோய்களுக்கு சிகிச்சை அளிப்பதில் மிகவும் பயன்மிக்கதாக இருக்கக் கூடும் என்று தெரிவிக்கின்றன. இந்த பாலிஃபெனோல்கள், இரத்த உறைவு ( இரத்தக் குழாய்களில் இரத்தம் கட்டியாகுதல்) மற்றும் இசிஸ்செமியா (இதய இரத்தக் குழாய்களில் சேதம்) ஆகியவை ஏற்படாமல் தடுக்கின்றன. மேலும், அவை இரத்தக் குழாய்களை விரிவடைய வைப்பதன் மூலம் இரத்த அழுத்தத்தைக் குறைக்கின்றன.

பாலிஃபெனோல்களைத் தவிர, தேன், வைட்டமின் சி, மோனோஃபெனோல்கள் மற்றும் ஃபுளோவோனாய்டுகள் ஆகியவற்றையும் கொண்டிருக்கிறது. இந்த அனைத்து மூலக்கூறுகளும், தேனின் ஆக்சிஜனேற்ற எதிர்ப்பு பண்புகளுக்கு பொறுப்பானவையாக இருந்து, இதய நோய்கள் மற்றும் மாரடைப்பு ஏற்படுவதைத் தடுக்கின்றன.

தேன், நீரிழிவு நோயாளிகளுக்குப் பாதுகாப்பானது அல்ல என்ற ஒரு தவறான பொது அபிப்பிராயம் இருக்கிறது. ஆனால் ஆய்வுகள், தேன், உண்மையில், நீரிழிவினை முறையாகக் கையாள உதவக் கூடிய ஒரு நீரிழிவு எதிர்ப்புக் காரணி எனத் தெரிவிக்கின்றன. பல்வேறு முன் மருத்துவ ஆய்வுகள், தேன் உட்கொள்வது, இன்சுலின் அளவுகளை அதிகரித்து, இரத்த சர்க்கரை அளவுகளைக் குறைக்கிறது என்பதை சுட்டிக் காட்டுகின்றன. தேனில் இருக்கின்ற ஃபுரூக்டோஸ் அளவானது, தேனின் நீரிழிவு எதிர்ப்பு பண்புகளுக்குக் காரணமாக இருக்கிறது என சமீபத்திய ஆய்வுகள் காட்டுகின்றன.

மற்றொரு ஆய்வின் படி, தேனில் உள்ள ஆக்சிஜனேற்ற எதிர்ப்பு பண்புகள், ஆக்சிஜனேற்ற நச்சுத்தன்மைக்கு எதிராகத் திறன்வாய்ந்ததாக அதை ஆக்குகிறது, அதன் மூலம் இரத்தத்தில் அதிக சர்க்கரை (மிகை இரத்த சர்க்கரை) பிரச்சினைக்கு சிகிச்சை அளிக்கத் தேவையான திறனுள்ளதாக இருக்கிறது. தேன், சர்க்கரையுடன் ஒப்பிடும் பொழுது, குறைந்த சர்க்கரை அதிகரிப்பு குறியீட்டெண்ணைக் (ஜி.எல்) கொண்டிருக்கிறது. இதன் அர்த்தம், தேன் இரத்த சர்க்கரை அளவுகளை அதிகரிக்க நீண்ட நேரத்தை எடுத்துக் கொள்கிறது என்பதாகும்.

(மேலும் படிக்க: நீரிழிவு அறிகுறிகள்)

புற்றுநோய் என்பது, இயற்கையான உடல் செல்களின் அசாதாரணமான ஒரு பெருக்கம் ஆகும். அதனுடன் தொடர்புடையதாக, வாழ்க்கைமுறை (புகைப்பிடித்தல், மது), நாள்பட்ட வியாதிகள், அழற்சி அல்லது மரபணு ரீதியானது உட்பட, பல்வேறு அபாய காரணிகள் இருக்க இயலும். அதிசயமாக, இந்த அனைத்துக்கும் எதிரான ஒரு சிகிச்சையாகத் தேன் இருக்கிறது. தேன், கேட்டசின்கள், ஃபுளோவோனாய்டுகள், குவார்செட்டின் மற்றும் கீம்ப்ஃபெரோல் உட்பட, மிகவும் பிரபலமான புற்றுநோய் எதிர்ப்பு மூலக்கூறுகளின் களஞ்சியமாக இருக்கிறது. மேலும் இந்தப் பட்டியல், முடிவானது கூட அல்ல.

ஆதாரங்கள் அடிப்படையிலான நிறைவை உண்டாக்கும் மற்றும் மாற்று மருத்துவம் என்ற நாளேட்டில் வெளியிடப்பட்ட ஒரு கட்டுரையின் படி, தேன், புற்றுநோய்க்கு எதிரான இயற்கையான ஒரு தடுப்பு மருந்து ஆகும். அது எவ்வாறு என்று இங்கே காணலாம்:

• ஒரு ஆகிசிஜனேற்ற எதிர்ப்பியாக தேன், புற்றுநோய் வளர்ச்சியில் ஒரு குறிப்பிடத்தக்க பங்கு வகிக்கின்ற அதீதமான உள்மூலக்கூறு சேதாரக் கூறுகளை அழித்து ஒழிக்கின்றது. மது அருந்துதல், புகைப்பிடித்தல் மற்றும் மன அழுத்தம் ஆகியவை, உள்மூலக்கூறு சேதாரக் கூறுகள் குவிவதற்கான, மிகவும் பொதுவான சில காரணிகள் ஆகும்.

• தேன் மிகச் சிறந்த ஒரு நுண்ணுயிர் எதிர்ப்பி ஆகும். எனவே அது, நாள்பட்ட நோய்த்தொற்றுக்களை, அவை கட்டிகளாக அல்லது புற்றுநோயாக மாறாமல் தடுக்கிறது.

• தேன், தோலின் சுவர்கள் (உட்புற சுவர்கள் மற்றும் வெளிப்புற சுவர்  இரண்டும்) சேதமடைவதில் இருந்து தடுக்கும் விதத்தில், காயங்களையும் விரைவாகக் குணமாக்குகிறது. அதன் மூலம், புற்றுநோயாக மாறக் கூடிய முனைப்பை வெளிப்படுத்தும் நாள்பட்ட காயங்களைத் தடுக்கிறது.

• நீண்ட கால அழற்சி, புற்றுநோயை ஏற்படுத்தும் மற்றொரு அபாய காரணி ஆகும். ஒரு அழற்சி எதிர்ப்புக் காரணியாக தேன், அந்த மாதிரி அழற்சிக்கள், புற்றுநோயாக மாறாமல் இருப்பதை உறுதி செய்கிறது.

அதிகரித்த கொழுப்பு அளவுகள், உடல் பருமன், மாரடைப்பு மற்றும் தமனித் தடிப்பு உட்பட, பல்வேறு ஆரோக்கியப் பிரச்சினைகள் ஏற்படும் அபாயத்தை அதிகரிக்கின்றன. தேன், உடலில் அதிக கொழுப்பு பிரச்சினை (உயர் கொழுப்பு) உள்ள நபர்களுக்கு ஒரு பாதுகாப்பான தேர்வாக அதனை ஆக்குகின்ற வகையில், கொழுப்புகள் அற்றதாக இருக்கிறது. இது மட்டும் அல்லாமல் கூடவே, அது உடலில் உள்ள அதிகமான கொழுப்பு அளவுகளைக் குறைக்கவும் உதவுகிறது.

அதிக கொழுப்பு அளவுகளைக் கொண்ட 38 நபர்களிடம் நடத்தப்பட்ட ஒரு மருத்துவ ஆய்வில், தேனை உட்கொள்வது, 30 நாட்களுக்குள், குறை அடர்த்திக் கொழுப்புகள் எல்.டி.எல் (கெட்ட கொழுப்பு) மற்றும் ட்ரைகிளிசரைடை குறைக்கக் காரணமாகிறது என்று காட்டியது. 70 ஆண்களிடையே நடத்தப்பட்ட மற்றொரு ஆய்வு, 4 வார கால் அளவுக்கு, தினசரி 70 கி தேனை எடுத்துக் கொள்வது, எல்.டி.எல் அளவு மற்றும் மொத்தக் கொழுப்பு அளவைக் (டி.சி) குறைத்ததை சுட்டிக் காட்டியது. மேலும், எச்.டி.எல் (நல்ல கொழுப்பு) அளவில் ஒரு அதிகரிப்பும் கூட காணப்பட்டது. எனவே, உங்கள் கொழுப்பு அளவுகளைப் பற்றிய கவலை இன்றி, உங்கள் உணவுப்பொருட்களில் நிச்சயமாக நீங்கள் தேனை சேர்த்துக் கொள்ள முடியும்.

(மேலும் படிக்க: உயர் கொழுப்பு அறிகுறிகள்)

தேன், இரைப்பை அமைப்புக்காக எண்ணற்ற நன்மைகளைக் கொண்டிருக்கிறது. பாரம்பரியமாக தேன், செரிமானத்தை மேம்படுத்துவதற்கு நல்லது என்று கருதப்படுகிறது. ஒரு ஆய்வு, குழந்தைகளுக்கு ஏற்படும் வயிற்று அழற்சியைக் (இரைப்பை குடல் அழற்சி) குணப்படுத்த, தேன் உதவக்கூடியது என்று காட்டியது. மேலும் அது, வயிற்றுப்போக்கு ஏற்படுவதைத் தடுக்கவும் உதவுகிறது.

குடல்களின் சுவர்களில் நுண்ணுயிரிகள் ஒட்டிக் கொள்வதைத் தடுப்பது, வழக்கமான வயிற்று நோய்த்தொற்றுக்களைத் தடுப்பதில் உதவிகரமாக இருக்கலாம் எனக் கண்டறியப்பட்டு இருக்கிறது. சமீபத்திய ஆய்வுகள், உள்மூலக்கூறு சேதாரம் மற்றும் அழற்சி ஏற்படுத்தும் சைடோகைன்களைக் குறைப்பது, மற்றும் சளி தடுப்புக்களை மேம்படுத்துவது ஆகியவற்றின் மூலம் நடைபெறும், தேனின் புண்கள் எதிர்ப்புத் திறனை நிரூபிக்கின்றன.

மருத்துவ ஆய்வுகள், தேன், இரைப்பை உள் சவ்வில் (வயிற்றின் உட்புற சுவர்கள்) ஏற்படும் அபோப்டோசிஸ் -ஸைத்(செல்-இறப்பு) தடுப்பதன் மூலம், இரைப்பை புண்கள் ஏற்படும் அபாயத்தைக் குறைக்கிறது எனத் தெரிவிக்கின்றன.

வழக்கமாகக் காயங்கள், முறையாகக் கவனம் எடுத்துக் கொள்ளப்பட்டால், குணமாவதற்கு அதிக நாட்களை எடுத்துக் கொள்ளாது. ஆனால், ஒரு தீவிரமான பாதிப்பின் காரணமாக ஏற்படுகிற காயங்கள், குணமாக அதிக நாட்களை எடுத்துக் கொள்ளும். ஆய்வின் அடிப்படையில் தேன், குறிப்பிடத்தக்க அளவில் காயங்களைக் குணப்படுத்தும் பண்புகளைக் கொண்டிருக்கிறது. 10 காயமடைந்த நபர்களிடைய நடத்தப்பட்ட ஒரு மருத்துவ ஆய்வு, தேனை மேற்பூச்சாகத் தடவுவது குணமாகும் நடவடிக்கையில் கணிசமான முன்னேற்றத்தைக் கொடுப்பதைக் காட்டியது. மேலும் 80% அளவுக்கு வலி மற்றும் வீக்கமும் குறைந்து காணப்பட்டன. அதில் உள்ள நுண்ணுயிர் எதிர்ப்பு மற்றும் அழற்சி எதிர்ப்பு பண்புகள், தேனின் இந்த குணமளிக்கும் நன்மைகளின் காரணம் எனத் தெரிவிக்கப்பட்டு இருக்கிறது. அது, காயத்தை சுத்தமாக மற்றும் ஈரப்பதத்துடன் வைத்திருக்கிறது. மேலும், தோல் புத்துயிர் பெறுவதில், மற்றும் ஒரு மென்மையான மற்றும் இதமான தழும்பு மேற்பரப்பை உருவாக்குவதில் உதவுக் கூடிய, பைபிரின்களின் உற்பத்தியை அதிகரிக்கிறது.

மருத்துவரீதியான சான்றுகள், தேன், தீப்புண்களையும் குணப்படுத்துகிறது எனத் தெரிவிக்கின்றன. தீப்புண் காயங்களை உடைய 50 நபர்களுக்கு, தேனை மேற்பூச்சாகத் தடவும் சிகிச்சை அளிக்கப்பட்டது. சிகிச்சையின் முதல் வாரத்திலேயே, கணிசமான அளவு குணமடைந்தது கண்டறியப்பட்டது. மேலும் அந்த ஆய்வு, தேன் தடவுவது, அந்தக் காயங்களில் ஏற்படக் கூடிய நோய்த்தொற்று மற்றும் அழற்சியைக் கட்டுப்படுத்துகிறது என்பதையும் வெளிப்படுத்தியது.

ஆஸ்துமா என்பது, சுவாசப்பாதைகள் குறுகலாக மாறி, சுவாசிப்பதை சிரமம் ஆக்கக் கூடிய ஒரு அழற்சி பிரச்சினை ஆகும். ஆஸ்துமா உள்ள நபர்கள், அடிக்கடி இருமல் (குறிப்பாக இரவு நேரங்களில்), மூச்சுத்திணறல் மற்றும் நெஞ்சு வலியால் அவதிப்படுவார்கள். ஜலதோஷம் மற்றும் இருமலுக்கு சிகிச்சை அளிக்க, தேன் நீண்ட காலமாகப் பயன்படுத்தப்பட்டு வருகிறது. முன் மருத்துவ ஆய்வுகள், தேன், ஆஸ்துமாவின் அறிகுறிகளுக்கு சிகிச்சை அளிக்க, திறன்வாய்ந்ததாக இருக்கின்றன என்று சுட்டிக் காட்டுகின்றன. தேனை நுகர்வது, சளியை சுரக்கும் வேலையைக் கொண்ட கோப்ளேட் செல்களின் அதீதமான வளர்ச்சியைத் தடுக்க உதவக் கூடியது ஆகும்.

இதற்கும் மேலாக, தேன், ஆஸ்துமாவில் ஏற்படும் அழற்சியைக் குறைக்க உதவிகரமாக இருக்கக் கூடிய அழற்சி எதிர்ப்பு பண்புகளைக் கொண்டிருக்கிறது. அதன்மூலம் ஒரு தற்காலிக நிவாரணத்தை வழங்குகிறது. இருப்பினும், மனிதர்களிடையே இத்தகைய நடைமுறைகளைப் பின்பற்றுவதில் உள்ள பாதுகாப்பை உறுதி செய்கின்ற, மருத்துவ ஆய்வுகள் எதுவும் இதுவரையில் மேற்கொள்ளப்படவில்லை.

ஹேங்ஓவர் என்பது, அளவுக்கு அதிகமாக மது அருந்துவதால் ஏற்படும் அசௌகரியமான அறிகுறிகளின் தொகுப்பைக் குறிக்கிறது. வழக்கான அறிகுறிகளில் அடங்கிய தலைவலி, குமட்டல், தலைசுற்றல், மற்றும் ஒரு நீர் வற்றிப்போதல் உணர்வு ஆகியவை, சிலநேரங்களில் 24 மணி நேரம் வரை நீடிக்கக் கூடும். ஆய்வுகள் தேன், அதீதமாக மது அருந்திய பின்னர் ஏற்படும் நச்சுத்தன்மைக்கு எதிரான விளைவுகளைக் கொண்டிருக்கிறது எனத் தெரிவிக்கின்றன.

ஒரு முன் மருத்துவ ஆய்வு, தேனை வாய்வழியாக உட்கொள்வது, ஹேங்ஓவர் ஏற்படுவதைத் தடுக்க உதவக் கூடும் என நிரூபித்தது. தேனில் உள்ள ஃபுரூக்டோஸ் காரணமாக இந்த நன்மை ஏற்படுகிறது. இந்த சர்க்கரை, இரைப்பை பாதைக்குள் மது கிரகிக்கப்படுவதைத் தடுக்கிறது மற்றும் மதுவை நமது உடலில் இருந்து நீக்க உதவுகிறது. இவ்வாறு ஹேங்ஓவர் அறிகுறிகளைக் குறைக்கிறது.

தேன், மிகச் சிறந்த ஒரு ஆக்சிஜனேற்ற எதிர்ப்பி மற்றும் ஈரப்படுத்தி ஆகும். அதாவது, அது உங்கள் உச்சந்தலையை ஈரப்பதத்துடன் வைக்க உதவுகிறது மற்றும் உள்மூலக்கூறு சேதாரத்தைக் குறைக்கிறது. அதன் மூலம், உங்கள் முடிகளுக்கு ஒரு உயிரோட்டமான பளபளப்பைக் கொடுக்கிறது. ஒரு எமோல்லியண்ட்டாகத் தேன், உங்கள் உச்சந்தலை மற்றும் முடிகளுக்கு இதமளிக்கிறது மற்றும் அவற்றை மென்மையாக்குகிறது. மென்மையான மற்றும் பளபளப்பான முடிகளைப் பெற வீட்டிலேயே தயாரிக்கப்படும் தேன் முகத்திரையை விட சிறந்தது எது?

ஊறல் தலை அழற்சி என்பது, உச்சந்தலையை பாதிக்கின்ற ஒரு பிரச்சினை ஆகும். இதன் வழக்கமான அறிகுறிகளில், பொடுகு, செதில் போன்ற புள்ளிகள் மற்றும் சிவந்து போதல் ஆகியவை அடங்கும். ஆயினும், இந்தப் பிரச்சினை, முகம், நெஞ்சுப்பகுதி மற்றும் கண்புருவங்கள் போன்ற மற்ற பகுதிகளையும் கூட பாதிக்கக் கூடும். 30 நபர்களின் மீது நடத்தப்பட்ட ஒரு மருத்துவ ஆய்வு, தேனைக் கொண்டு, ஒரு சில நிமிடங்களுக்கு உச்சந்தலையில் மசாஜ் செய்வது, ஒரு சில வாரங்களில் அரிப்பைத் தடுக்கவும் மற்றும் உச்சந்தலையில் இருந்து செதில்களை  நீக்குவதிலும் உதவக் கூடியது என்று தெரிவித்தது. மேலும் அது, முடி உதிர்வை மற்றும் சரும சிதைவுகளைத் தடுக்கவும் கூட உதவுகிறது. அந்த ஆய்வுக்குப் பிறகு, 6 மாதங்கள் வரை, வாரத்துக்கு ஒரு முறை தேனைத்  தடவுவதைத் தொடர்ந்த நபர்களுக்கு எந்த வித பாதிப்புகளும் ஏற்படவில்லை. ஆனால் சிகிச்சையின் முதல் மூன்று மாதங்களுக்குள், தேன் தடவுவதை நிறுத்தியவர்களுக்கு, பிரச்சினை மறுபடி ஏற்பட்டதாகத் தெரிவிக்கப்பட்டது. அந்த ஆய்வில், வாரந்தோறும் தேன் தடவுவது, ஊறல் தலை அழற்சியின் அறிகுறிகளைக் குறைப்பதில் பயன்மிக்கதாக இருக்கலாம் என்ற முடிவுக்கு வரப்பட்டது.