ஆளி விதைகள் (அல்சி): நன்மைகள், பயன்கள், பக்கவிளைவுகள் மற்றும் அளவு - Flax seeds (Alsi): Benefits,Uses, Side Effects and Dosage in Tamil

ஆளி விதைகள், நன்மை பயக்கும் ஊட்டச்சத்துக்களின் குட்டி புதையல்கள் ஆகும்.  அதிலுள்ள ஒமேகா 3 கொழுப்பு அமிலங்கள், வேறு எந்த தானியத்தில் இருப்பதை விட அதிகம் ஆகும், மற்றும் நீங்கள் கடல் உணவுகளை சாப்பிடுபவராக இருந்தால், உங்கள் உடலின் கொழுப்பு அமிலங்களின் தேவைகளுக்கு, ஆளி விதைகள் ஒரு சிறந்த மாற்றாக இருக்க இயலும். ஆளி விதைகளின் சில பொதுவான ஆரோக்கிய நன்மைகளை இப்பொழுது ஆராயலாம்:

• எடைக் குறைப்பை ஊக்குவிக்கின்றன: ஆளி விதைகள், எடைக் குறைப்புக்கான ஒரு அருமையான பேரூட்ட  சத்தான, நார்ச்சத்தினை செறிவாகக் கொண்டு இருக்கின்றன. அது உங்களை நீண்ட நேரத்திற்கு வயிறு நிரம்பியது போல் உணர வைக்கிறது மற்றும் அதிகப்படியாக உண்பதைக் குறைக்கிறது. கூடவே, நார்ச்சத்து, உடலில் இருந்து , உடன் பருமனுக்கு முக்கிய பங்களிப்பான, கொழுப்பை வெளியேற்றுவதை அதிகரிக்கிறது.
• அத்தியாவசியமான ஊட்டச்சத்துக்களை வழங்குகின்றன:  ஆளி விதைகள், ஊட்டச்சத்துக்கள் மிகுந்த தாவர வகை உணவுகளில் ஒன்று. அவை, ஒமேகா-3 கொழுப்பு அமிலங்கள், வைட்டமின்கள் ஏ, டி, எஃப் மற்றும் துத்தநாகம், இரும்பு மற்றும் மக்னீசியம் போன்ற தாதுக்கள் ஆகிவற்றை நல்ல அளவில் வழங்குகின்றன. 
• கொழுப்பைக் குறைக்கின்றன: ஆளி விதைகளில் தோன்றுகின்ற கரையக்கூடிய நார்ச்சத்து, ரத்தத்தில் தோன்றுகின்ற கொழுப்புகளை கட்டுப்படுத்தி அவற்றை உடலிலிருந்து அழிப்பதற்கு உதவுகின்றன. குறைந்த கொழுப்பு அளவுகள், பதிலுக்கு இதய பிரச்சினைகளைத் தடுத்து உங்கள் உடல் எடையைக் கட்டுக்குள் வைக்கிறது.
• மூளை முடக்குவாதத்தைத் தடுக்கின்றன: ஆளி விதைகளில் தோன்றும் ஆலா, மூலையில் ரத்த சுழற்சியை  மேம்படுத்த மற்றும் பாதிப்பிலிருந்து விடுபடுவதற்கான மூளையின் இயற்கையான திறனை அதிகரிப்பதாக கண்டறியப்பட்டு இருக்கிறது.
• திறன்மிக்க நீரிழிவு-எதிர்ப்பு சக்தி:  இந்தியாவில் செய்யப்பட்ட ஆய்வுகள், ஆளி விதைகளில் தோன்றும் ஒமேகா-3 கொழுப்புகள், ரத்தத்திலிருந்து  சர்க்கரை உள்வாங்குதலை அதிகரிக்க உதவதாக தெரிவிக்கின்றன. அதனால், ஆளி விதைகள், நீரிழவு உள்ளவர்களுக்கு ஒரு ஆரோக்கியமான உணவுத் தேர்வாக இருக்க முடியும்.
• இதய ஆரோக்கியத்தை மேம்படுத்துகின்றன: ஒமேகா 3 கொழுப்புகள், குறிப்பாக ஆலாவின் ஒரு நல்ல வழங்கு  மூலமாக இருப்பதால், ஆளி விதைகள், உங்கள் இதயத்துக்கு ஆரோக்கியமான ஒரு உணவை உண்டாக்குகிறது. இது கொழுப்பு படிவுகள் உருவாகும் அபாயத்தைக் குறைப்பதாகக் கண்டறியப்பட்டு இருக்கிறது, அதனால், மாரடைப்பு மற்றும் பக்க வாதத்தைத் தடுக்கின்றது
• மாதவிடாய் நின்ற பெண்களுக்கான: ஆராய்ச்சி ஆதாரங்கள், ஆளி விதைகள், சூடான நீர் வெளியேற்றம் மற்றும் ஹார்மோன் சமநிலையின்மை போன்ற மாதவிடாய் நின்ற பிறகான அறிகுறிகளுக்கான சிகிச்சையில் திறன்மிக்கதான, லிக்னினை கொண்டிருப்பதாகத் தெரிவிக்கின்றன. ஆனால், இந்த நன்மையை உறுதி செய்ய மேலும் ஆய்வுகள் தேவைப்படுகின்றன.
• இளைமையான மற்றும் மலர்ச்சியான சருமத்தை அளிக்கின்றன: ஆளி விதைகள், நீங்கள் எளிதில் பெறக்கூடிய சிறந்த சரும கவனிப்பு வினையாற்றிகளில் ஒன்று. அது வீக்கத்தை மற்றும் முகப்பருக்களை குறைப்பதோடு மட்டும் அல்லாமல், கூடவே அது உங்கள் சருமத்தை ஈரப்பதமாகவும் ஆரோக்கியமாகவும் வைத்து, அதனை இளமையாகவும் மற்றும் அதிக புத்துணர்ச்சியுடனும் வைக்கிறது.
• நீண்ட மற்றும் பளபளப்பான முடி: ஆளி விதைகள் உங்கள் முடிக்கு பயன்படுத்தும் போது, உங்கள் முடி வேர்க்கால்களை புத்துணர்ச்சியூட்டுகிறது மற்றும் உங்கள் தலையின் மேற்பகுதிக்கு மிகவும் அவசியமான ஈரப்பதத்தை வழங்குகின்றன. இது உங்கள் முடியை வேகமாக வளர செய்கிற அதே வேளையில், இயற்கையான பளபளப்புடன் மின்னச் செய்கிறது.
• மணிக்கட்டு பாதை வலியை நீக்குகிறது: மருத்துவமனை ஆய்வுகள், மணிக்கட்டு பாதை குறைபாட்டில், ஆளி விதை கூழ்மத்தின் ஆற்றலை நிரூபிக்கின்றன. அது , இந்தப் பிரச்சினையோடு இணைந்த வலி மற்றும் பிற அறிகுறிகளைக் குறைப்பதில் சக்தி வாய்ந்தது என கண்டறியப்பட்டு உள்ளது. இருந்தாலும், இந்த பிரச்சினைக்கு ஆளி விதை கூழ்மத்தை பயன்படுத்துவதற்கு முன்னர், ஒரு மருத்துவரிடம் சென்று ஆலோசிப்பது நல்லது.
• மார்பக புற்றுநோய் அபாயத்தைக் குறைக்கின்றன: ஆளி விதைகள், மாதவிடாய் நின்ற பெண்களின் மார்பக-புற்றுநோய் அபாயத்தைக் குறைக்கப் பரிந்துரைக்கப்படுகிற, பைட்டோஸ்ட்ரோஜென்ஸ் ( தாவர வகை ஈஸ்ட்ரோஜென்) உடைய, ஒரு இயற்கையான ஆதாரம் ஆகும்.

வழக்கமாக, மக்கள், ஆளி விதைகளை எடுத்துக் கொள்வதில் பல்வேறு வழிகளை தெரிவிக்கிறார்கள். ஆளி விதைகளை எடுத்துக் கொள்வதற்கு சிறந்த வழியைக் கண்டுபிடிப்பதில், குறிப்பாக, முதலில் அதனை எடுக்கத் தொடங்கியிருக்கும் மக்களுக்கு, நிறைய குழப்பங்கள் இருக்கின்றன. சிறிய பழுப்பு விதைகள், சந்தையில் இரண்டு வடிவத்தில் கிடைக்கின்றன. பழுப்பு ஆளி விதைகள் மற்றும் பொன்னிற ஆளி விதைகள். இந்த இரண்டு விதைகளின் தரத்தில் கணிசமான வித்தியாசம் இல்லாத போது, ஆயினும், நுகர்வோர் கணக்கீடுப்பின் படி, பழுப்பு ஆளி விதைகள், பொன்னிற ஆளி விதைகளை விட, சிறிது அதிக சுவையாக இருப்பதாக தெரிய வந்துள்ளது.

ஆளி விதை எண்ணெய் மருத்துவ குணமுடையதாக அறியப்படுகிறது மற்றும் சமையலுக்குப் பயன்படுத்தப்படுகிறது. வியாபார ரீதியாக, ஆளிவிதைகள், பொடி,  மாத்திரைகள், குழாய் மாத்திரைகள், ஆளி விதை எண்ணெய், மாவு, மற்றும் மிட்டாய்கள் வடிவில் கிடைக்கின்றன. ஆனால், ஆளை விதையை, பொடி வடிவில் எடுத்துக் கொள்வது அறிவுறுத்தப்படுகிறது, ஆய்வுகள்,முழு ஆளி விதைகளை எடுத்துக் கொள்வதை விட, பொடியாக்கப்பட்ட ஆளி விதைகளை  நமது உடல், அதிக திறம்பட எடுத்துக் கொள்வதாகக் கூறுகின்றன.

உங்களுக்குத் தெரியுமா?

ஆளி செடியின்  தண்டு, இழைகளை உருவாக்கப்ப பயன்படுத்தப்படுகிறது. இந்த இழைகள் வணிக ரீதியாக, இழைநார் துணி, நூல்கள், ஓவிய துணி வகை ஆகியவற்றை உருவாக்கப் பயன்படுத்தப்படுகின்றன. இது உங்களுக்கு ஒரு ஆச்சரியமாக இருக்கலாம், ஆனால், மோட்டார் வாகனத் துறையில், கரிம இழைகளின் இடத்தை மெதுவாக ஆனால் படிப்படியாக ஆளி விதைகள் பிடித்துக் கொண்டு வருகின்றன. கூடுதலாக, ஆளி விதை எண்ணெய், மெழுகு சாலை அமைத்தல், பெயிண்ட்கள், வார்னிஷ்கள், இன்ன பிறவற்றைத் தயாரிக்கப் பயன்படுத்தப்படுகிறது.

வீட்டில் தயாரிக்கப்படும் ஆளி விதை “எண்ணெய்” அல்லது தைலம்: ஆளி விதைக் கூழ்மம் என்பது, விதைகளை தண்ணீரில் வேக வைத்து அதன் அனைத்து சத்துக்களையும் பிரித்து எடுப்பது ஆகும். ஆளி விதைக் கூழ்மம் தயாரிக்க:

ஒரு பாத்திரத்தை எடுத்துக் கொண்டு, அதில் 2 மேசைக் கரண்டி அளவு ஆளி விதைகளை, ஒரு கோப்பை அளவு தண்ணீரில் போட்டு அதிக வெப்பத்தில் கொதிக்க விடுங்கள். தண்ணீர் நுரை நுரையாய் மற்றும் ஒரு கூழ் போன்ற நெருக்கத்தன்மையுடனும் மாறுவதை நீங்கள் காணலாம். இப்பொழுது வெப்பத்தைக் குறைத்து மற்றும் ஒரு நடுத்தரமான வெப்பத்தில், அதைக் கொதிக்க விடுங்கள். விதைகள் கட்டியாக சேர்ந்து கொள்வதைத் தவிர்க்க, தொடர்ந்து கலக்கி விடுங்கள். ஆளி விதைகள் மேலே வந்து மிதக்க ஆரம்பிக்கும் போது, சூட்டிலிருந்து பாத்திரத்தை எடுத்து விடுங்கள். தெளிவான கூழ்மத்தைத் பெற, இந்தக் கரைசலை வடிகட்டுங்கள்.

ஆளி விதைக் கூழ்மம், ஒரு வாரம் வரையில் குளிரூட்டியில் வைத்திருக்க முடியும், ஆனால், அதனை அதிக நாட்கள் வைத்திருக்க, வைட்டமின்- இ போன்ற பதனப்படுத்திகளை நீங்கள் சேர்க்கலாம். அதன் ஈரப்பதத்துக்கும் மற்றும் கெட்டு போவதைத் தடுக்கவும், நீங்கள் விரும்பும் ஏதேனும் அத்தியாவசியமான எண்ணெய்களை, நீங்கள் ஒரு சில துளிகள் சேர்க்கவும் செய்யலாம்.

ஒரு வார்த்தை எச்சரிக்கை: கூழ்மத்தில் நீங்கள் சேர்க்கப் போகும் அத்தியாவசிய எண்ணைய் பற்றி தயவு செய்து படியுங்கள். எப்போதும், நல்ல தரமான, முடிந்த வரை, தூய்மைக்கான சான்றிதழ் பெற்ற, அத்தியாவசிய எண்ணெய்களை வாங்குங்கள்.

ஆளி விதைகளில் இருக்கும் நார்ச்சத்து க்களில் மூன்றில் ஒரு பங்கு வரை, நீரில் கரையக்கூடிய நார்ச்சத்து மற்றும் இந்த நார்ச்சத்து, இரத்தத்தில் உள்ள கொழுப்புகளைக் கட்டுப்படுத்தி, அவற்றை நீருடன், அந்த அமைப்பிலிருந்து வெளியேற்றுகிறது என ஆய்வுகள் சுட்டிக் காட்டுகின்றன. ஆகவே, ஆளி விதைகளை தொடர்ச்சியாக எடுத்துக் கொள்வது, அந்த தீங்கு விளைவிக்கு கொழுப்பை அழித்து ஒழிக்க மற்றும், ஒரு எளிதான மற்றும் ஆரோக்கியமான வழியில், எடையைக் குறைக்க உங்களுக்கு உதவும். மேலும், குறைந்த அளவு கொழுப்பு இதய பிரச்சினைகளின் அபாயத்தையும் கூடக்  குறைக்கிறது.

(மேலும் படிக்க: மிகை கொழுப்பு சிகிச்சைகள்)

உடலின் நரம்பியல் பிரச்சினைகளில், ஆல்ஃபா-லினோலெனிக் கொழுப்பு அமிலங்களின் (ஆளி விதைகளின் ஒரு முக்கிய பாகம்) விளைவை ஆய்வு செய்ய,  சுதந்திரமான பல ஆய்வுகள் நடத்தப்பட்டு இருக்கின்றன மற்றும் அந்த ஆய்வுகள் அனைத்திலும், ஆளி விதைகளில் உள்ள அந்த ஏ.எல்.ஏ (கொழுப்பு அமிலங்கள்), மன அழுத்தத்தின் அறிகுறிகளை நீக்குவதோடு இணைந்து, பக்கவாதம் வருவதற்கான வாய்ப்புகளையும் குறைப்பதாக கூறப்பட்டு இருக்கின்றன. ஏ.எல்.ஏ -வின் இந்த பொதுப் பண்பின் உண்மையின் காரணமாக, மூளை அணுக்கள் முறையான இயக்கத்துக்குப் பொறுப்பான ஒரு குறிப்பிட்ட புரதத்தின் (மூளை-வருவித்த நரம்பு நோய் காரணி), அளவை அதிகரிக்க அது உதவுவதாகக் கூறப்பட்டிருக்கிறது. கூடவே, ஏ.எல்.ஏ,, நரம்பு மைய தமனிகள் விரிவடைய செய்யவும் மற்றும் மூளையின் நரம்பியல் நெகிழ்வுத்தன்மையை மேம்படுத்தவும் கூட உதவுகிறது. பக்கவாதத்தை நோய் நீக்கும் சிகிச்சை மற்றும் பிற நரம்பியல் நோய்களில், இந்த கொழுப்பு அமிலத்தைப் பயன்படுத்தும் நம்பத் தகுந்த ஆராய்ச்சி இன்னமும் நடந்து கொண்டு இருக்கிறது.

இந்தியாவில் நடத்தப்பட்ட ஒரு ஆய்வு, ஆளி விதைகளைத் தொடர்ந்து உட்கொள்வது, நீரிழிவு நேயாளிகளின், சாப்பாட்டுக்கு முந்தைய இரத்த சர்க்கரை நிலைகளின் அளவுகள் குறைகிறது எனக் கூறுகிறது. ஆளி விதைகளின் இரத்த சர்க்கரை குறைப்பு ( சர்க்கரை அளவு குறைதல்) பண்புகள், ஒமேகா 3 கொழுப்பு அமிலங்கள் தோன்றுவதன் காரணமாக ஒரு முக்கியப் பங்கு வகிப்பதாக நம்பப்படுகிறது. ஆளி விதைகளில் தோன்றுகிற கொழுப்பு அமிலங்கள், நீரிழிவு நோயாளிகளின் இன்சுலின் எடுத்துக் கொள்ளும் சர்க்கரையின் அளவை அதிகரிக்கிறது அதன் மூலம் அவர்களின் இரத்த சர்க்கரை அளவுகளை முறையாகப் பராமரிக்க உதவுகிறது.

(மேலும் படிக்க: நீரிழிவு நோயின் அறிகுறிகள்)

ஒரு ஆரோக்கியமான இதயத்தைப் பராமரிப்பது, நமது வாழ்வின் முதன்மையான அக்கறையுடைய விஷயங்களில் ஒன்றாக இருக்க வேண்டும், ஆனால், இந்த வேக வேகமான வாழ்க்கை முறை, அது  அத்தியாவசியமாக  இருப்பதற்கு மாறாக ஒரு ஆடம்பரமாக மாற்றி இருக்கிறது. ஒரு சிலருக்கு, அவர்களின் பரபரப்பான வாழ்க்கை அட்டவணையில் ஒரு 5 நிமிடங்கள் கூட, தங்களது ஆரோக்கியத்துக்காக எடுத்துக் கொள்வது  கடினமானதாக இருக்கிறது. நீங்கள் அதற்காக மிகவும் கடினமாக உழைக்க வேண்டியது இல்லை என்று உங்களிடம் யாராவது வந்து சொன்னால்? ஆமாம், நீங்கள் கணித்துக் கொண்டிருப்பது சரி தான், ஆளி விதைகளில் உள்ள ஒமேகா 3 கொழுப்பு அமிலங்கள், இரத்தக் குழாய்களில் பதிவுகளை உருவாக்காத, செறிவூட்டப்படாத கொழுப்பு அமிலங்கள் ஆகும், அதனால், தமனித் தடிப்பு (இரத்தக் குழாய்களில் கொழுப்பு படிதல்) அபாயத்தை தவிர்க்கிறது என ஆராய்ச்சியாளர்கள் கூறுகின்றனர்.பாஸ்டனில் (யு.எஸ்.ஏ) செய்யப்பட்ட ஒரு ஆய்வு ஏ.எல்.ஏ.வை உட்கொள்வது, மாரடைப்பு மற்றும் பக்க வாதம் வரும் அபாயத்தைக் குறைக்கிறது என சுட்டிக் காட்டி இருக்கிறது. ஆனால், இங்கே கொஞ்சம் செயலில் ஆர்வம் தேவைப்படுகிறது , இன்னும் நீங்கள் தான் சமயலறைக்கு நடந்து சென்று, நீங்களே ஒரு ஆளி விதை ஆகாரத்தை ஊற்றிக் கொள்ள வேண்டும் என்பதை நினைவில் கொள்ளுங்கள்.

(மேலும் படிக்க: இதய நோய்கள் காரணங்கள் மற்றும் சிகிச்சை)

சமீபத்திய ஆய்வுகள், ஆளி விதைகளில் காணப்படும் லிக்னன்கள் புற்றுநோய் எதிர்ப்பு சாத்தியமுள்ள பண்புகளை, குறிப்பாக மாதவிடாய் நின்ற பெண்களுக்கு,கொண்டிருப்பதாகக் கூறுகின்றன. இந்த லிக்னன்களின் செயல்பாடு, மார்பகப் புற்றுநோய் அபாயத்தைக் குறைப்பதாக நம்பப்படும், உடலில் உள்ள பெண்மை ஹார்மோன் "ஈஸ்ட்ரோஜென்" செயல்பாட்டை மிகவும் ஒத்ததாக இருக்கிறது. தொடர்ந்த ஆய்வுகளும், உடலில் உள்ள புற்றுநோய் செல்களின் அளவு மற்றும் எண்ணிக்கையைக் குறைப்பதோடு ஒமேகா 3 கொழுப்பு அமிலங்களை தொடர்புபடுத்துகின்றன. இந்த கொழுப்பு அமிலங்கள், புற்றுநோய் செல்களை ஒரு குறிப்பிட்ட, திட்டமிடப்பட்ட செல் இறப்புக்கு (செல்கள் தானே இறத்தல்) உட்பட செய்து, அதன் மூலம் புற்றுநோயின் தீவிரத்தைக் குறைக்கிறது என அவை தெரிவிக்கின்றன. இந்த நோயை எதிர்த்துப் போராடும், ஆளி விதைகளின் செயல்படும் முறை மற்றும் செயல்படும் திறனை உறுதி செய்ய, ஆய்வுகள் இன்னமும் மேற்கொள்ளப்பட்டுக் கொண்டிருக்கின்றன.

ஆளி விதைகளில் உள்ள லிக்னின்கள், சூடான நீர் வெளியேற்றம் மற்றும் ஹார்மோன் சமநிலையின்மை உட்பட, பெண்களின் மாதவிடாய் நின்ற பிறகான அறிகுறிகளைக் குறைப்பதில் நன்மை தருவதாகக் கூறப்படுகிறது, ஆனால், ஆதாரங்கள் எதுவும் கண்டுபிடிக்கப்படவில்லை என ஒரு ஆராய்ச்சியில் கூறப்பட்டு இருக்கிறது. எனவே, இந்த காரணியின் உறுதித் தன்மை இன்னும் ஆராய்ச்சி அளவிலேயே இருக்கிறது.

ஆளி விதைகள் மூலப்பொருட்களின் ஒரு பிரித்தெடுத்தலை, உங்கள் சருமத்துக்காக மட்டுமே கொண்டிருக்கின்றன. இது, இந்த விதைகளின் ஒரு ஒற்றை கரண்டி அளவில், இயற்கையின் அனைத்து நன்மைகளையும் பெறுவது போன்றது ஆகும். முதலில், இதன் எரிச்சல் எதிர்ப்பு மற்றும் ஆக்சிஜனேற்ற எதிர்ப்பு பண்புகள், எந்த ஒரு தடிப்பு, முகப்பரு மற்றும் தோல் எரிச்சலைக் கையாளவும் உங்களுக்கு உதவும். பிறகு, வயதாவதற்கான முதலில் தோன்றும் அனைத்து குறிகளையும் எதிர்த்து போராட உங்களுக்கு உதவும் மற்றும் இறுதியாக, இது உங்கள் சருமத்தை ஈரப்பதமாக்க மற்றும் சருமத்திலிருந்து அனைத்து இறந்த செல்களையும் நீக்கி, உங்களுக்கு ஒரு ஆரோக்கியமான மற்றும் மின்னுவது போன்ற ஒரு தோற்றத்தைக் கொடுக்க உதவுகிறது. கூடுதலாக, ஆளி விதைகள், உங்கள் சருமத்தின் மீதான அதனுடைய ஊட்டச்சத்து விளைவுகள் காரணமாக உங்களை மலர்ச்சி மற்றும் இளமையாக வைத்திருக்கக் கூடிய, வைட்டமின்- இ எனப்படும் இயற்கையின் வயது மூப்பு-எதிர்ப்பு வைட்டமின் உடைய ஒரு நல்ல ஆதாரம் ஆகும்.

அநேகமாக எல்லோருமே, தினசரி மாசுக்களாலும், அதனால் ஏற்படும் தலைமுடி சேதத்தினாலும் பாதிக்கப்படுகின்றனர். முடி உதிர்வும், கடினமான முடியும் அனைவரையும் கவலைக்கு உள்ளாக்குகின்றன மற்றும் யார் தான் பளபளப்பான முடிகளையும் மற்றும் ஒரு ஆரோக்கியமான உச்சந்தலையைப் பெறுவதைப் பற்றியும் கனவு காண மாட்டார்கள். நல்ல செய்தி என்னெவென்றால், நிவாரணம் சரியாக உங்கள் கைகளிலேயே இருக்கிறது. ஆளி விதைகளை வாய்வழியாக எடுத்துக் கொள்வது அல்லது ஒரு கூழ்ம வடிவில் தடவுவது, முடி வேர்க்கால்களை ஊட்டப்படுத்துகிறது மற்றும் உச்சந்தலைக்கு ஈரப்பதம் கொடுக்கிறது, அதன் மூலம் முடிகளுக்கு நீளத்தையும் பளபளப்பையும் வழங்குகிறது. ஆளி விதை எண்ணையை தொடர்ந்து தடவுவதும், பொடுகு உடன்போராடி, முடி இழப்பை குறைக்க உதவுகிறது.

மணிக்கட்டுப் பாதை நோய்க்குறி எனறால் என்ன? அது, உங்கள் மணிக்கட்டு, உள்ளங்கை மற்றும் விரல்களில், மரப்புத்தன்மை, வலி மற்றும் வீக்கம் போன்ற அறிகுறிகளுக்கு வழிவகுக்கும், உங்கள் கையில் உள்ள ஒரு நரம்பின் மீது ஏற்படும், ஒரு தொடர்ந்த அழுத்தத்தின் காரணமாக ஏற்படுகிற ஒரு பிரச்சினையாகும். தொடர்ச்சியான தட்டச்சு செய்தல், மூட்டழற்சி அல்லது தைராய்டு சுரப்பு குறை என காரணங்கள் பல வகைகளில் உள்ளன. வழக்கமான சிகிச்சைகளில் கைகளுக்கு எலும்பு முறிவை இணைக்க கட்டப்படும் கட்டை அல்லது ஸ்டெராய்டு மருந்துகள் அல்லது அறுவை சிகிச்சை ஆகியவை அடங்கும். ஆனால், 96 நபர்கள் கொண்டு ஒரு குழுவின் மீது நடத்தப்பட்ட ஆளி விதை எண்ணெய் கூழ்மத்தின் விளைவிக்க பற்றி சோதிக்க சமீபத்தில் ஒரு ஆய்வு  நடத்தப்பட்டது,  அது மேற்பூச்சாகப் பயன்படுத்தப்படும் ஆளி விதை எண்ணெய், கூழ்மம், மணிக்கட்டுப் பாதை வலிகளைக் குணப்படுத்துவதில் மிக மிக அதிக திறனுள்ளதாக இருப்பதாக, முடிவுக்கு வந்திருக்கிறது.இருந்தாலும், இந்த மணிக்கட்டுப் பாதை வலிக்கு ஆளி விதைகள் கூழ்மத்தைப் பயன்படுத்துவதை, வீட்டில் முயற்சிக்கும் முன்பு, ஒரு மருத்துவரிடம் ஆளி விதையின் திறன் மற்றும் மருத்துவப் பயன்பாடுகள் குறித்து ஆலோசிக்குமாறு நீங்கள் அறிவுறுத்தப்படுகிறீர்கள்.