సొరకాయ రసం ప్రయోజనాలు, ఉపయోగాలు మరియు దుష్ప్రభావాలు - Bottle gourd Juice Benefits, Uses and Side effects in Telugu

సొరకాయ చాలా ఎక్కువ నీటిని కలిగిఉంటుంది అందువల్ల ఇది వేసవిలో మీ శరీరాన్ని చల్లగా ఉంచుతుంది.  అలాగే, సొరకాయ రసం మీ శరీరం‌ పైన శీతలీకరణ ప్రభావం కలిగి ఉంటుంది.  అది మీ కడుపును చల్లబరుస్తుంది మరియు శరీరం నుండి వచ్చే వేడిని తగ్గిస్తుంది.

ఇది నీటిని భర్తీ చేయలేనప్పుడు, వేడిగా ఉండే వేసవికాలం మధ్యాహ్న సమయం‌లో ఇది ఖచ్చితంగా ఉపశమనం అందిస్తుంది.  మీ కోసం ఒక గ్లాసు సొరకాయ రసం కలుపుకొనండి మరియు ఒక వీరుడు వలె వేడిమితో పోరాడండి.

సొరకాయ రసం‌లో విటమిన్ సి సమృద్దిగా ఉంటుంది, ఇది చర్మం యొక్క పొడితనం మరియు ముడుతలు తగ్గించడానికి సహాయపడుతుంది.  విటమిన్ సి యాంటిఆక్సిడంట్ లక్షణాలను కలిగిఉంటుంది, ఒత్తిడి, కాలుష్యం మరియు ఆహార లేమికి సంబంధించిన ఆక్సీకరణ నష్టాన్ని ఇది తగ్గిస్తుంది. స్వేచ్ఛా రాడికల్స్ వృద్దాప్య ప్రక్రియను వేగవంతం చేస్తాయిచేస్తాయి మరియు విటమిన్ సి అధికంగా కలిగిన ఆహారం తీసుకోవడం ఈ ప్రక్రియ వేగాన్ని తగ్గించడం‌లో సహాయం చేస్తుంది.

ఇంకా, కొల్లాజెన్ యొక్క సంశ్లేషణలో విటమిన్ సి కీలక పాత్ర పోషిస్తుంది, ఈ కొల్లాజెన్ మీ చర్మం యొక్క నిర్మాణాత్మక సమగ్రతను కాపాడటం‌లో బాధ్యత కలిగిన ప్రొటీన్.  సొరకాయ రసం తీసుకోవడం, మీ రోజువారీ సిఫార్సు చేసిన విటమిన్ ‌సి మోతాదును వేగంగా చేరుకోవడం‌లో మీకు సహాయంచేస్తుంది, చర్మం వదులుకావడం మరియు ముడుతలు పడడం వంటి ప్రమాదాల నుండి ఇది మీకు ఉపశమనం కలుగచేస్తుంది.  

మీరు కూడా కొంత సృజనాత్మకతను ప్రదర్శించాలి మరియు ముఖమంతా విటమిన్‌ సి యొక్క సమయోచిత సరఫరా ఇవ్వడానికి  కొంత సొరకార రసాన్ని మీ ముఖం మీద ఉంచాలి.

సొరకాయ రసం దాని యొక్క బరువు తగ్గించే ప్రయోజనాల వల్ల అధికంగా ప్రోత్సహించబడుతుంది మరియు నిజంగా వేగంగా ఆ అదనపు బరువు ఇంచులను తగ్గించడం‌లో సహాయపడుతుంది.  దురదృష్టవశాత్తూ, ఈ వాదనకు ఆధారమైన ఎటువంటి శాస్త్రీయ పరిశోధన లేదు.  ఇంకా, ఊబకాయం నివారణ లో సహాయపడడం లేదా మీ బరువు తగ్గించే వ్యవస్థలో అదనంగా జతచేయడం వంటి కొన్ని లక్షణాలను సొరకాయ కలిగిఉంది.

మొదటగా, ఇది తక్కువ కొవ్వు మరియు చాలా ఎక్కువ నీటిని కలిగిఉంటుంది.  కాబట్టి, తక్కువ-కొవ్వు ఉండే మీ ఆహారాన్ని ఇది దెబ్బతీయదు లేదా మీరు కొవ్వు పదార్థాలను తగ్గించాలని చూస్తున్నప్పుడు ఇది ఎక్కువ కొవ్వును జోడించదు.

రెండవదిగా, ఇది విటమిన్ సి యొక్క ఒక గొప్ప వనరుగా ఉంది, ఇది శరీరం‌లో మొత్తం కొవ్వు పదార్థాన్ని తగ్గించడం‌లో సహాయ పడుతుంది మరియు బరువు తగ్గడాన్ని ప్రోత్సహిస్తుంది.  

స్వేచ్ఛా రాడికల్ చేరిక మరియు ఆక్సీకరణ ఒత్తిడి, అధిక బరువు యొక్క దుష్ప్రభావాలలో ఒకటిగా ఉండటం‌తో పాటుగా ఊబకాయం ఏర్పడటానికి కారణమైన అంశంగా ఉండవచ్చని అధ్యయనాలు సూచిస్తున్నాయి.  ఈ రసం‌లో ఉండే యాంటిఆక్సిడంట్లు, ఈ  స్వేచ్ఛా రాడికల్స్‌ను శుభ్రపరుస్తాయి, తద్వారా ఊబకాయం మరియు దాని ప్రతికూల ప్రభావాలను నివారిస్తాయి.  

చివరగా, ఇది రక్తం నుండి విష పదార్థాలను తొలగించడం‌లో కూడా సహాయపడుతుంది, అది జీవక్రియను మెరుగుపరుస్తుంది మరియు బరువు తగ్గడాన్ని ప్రోత్సహిస్తుంది.

(మరింత చదవండి: బరువు తగ్గే ఆహార పట్టిక)

సొరకాయ శరీరం పైన వ్యాధి నిరోధక వ్యవస్థ ప్రభావాన్ని కలిగి ఉంటుందని కనుగొనబడింది.  ఇది డబ్ల్యు‌బిసి యొక్క సంఖ్యను మరియు ఇతర రోగనిరోధక వ్యవస్థ కణాల సంఖ్యను పెంచుతుంది, మన శరీరం కోసం ఒక బలమైన కాపలాదారుడిని తయారుచేస్తుంది.  మొత్తం సొరకాయల నుండి తయారుచేయబడిన  సొరకాయ రసం ఖచ్చితంగా ఈ లక్షణాలను వారసత్వంగా పొందిఉంటుంది.  ఇది విటమిన్ సి ఉనికి కారణంగా కావచ్చు, ఇది రోగనిరోధక వ్యవస్థను మెరుగుపర్చడానికి సహాయపడుతుంది మరియు రోగ నిరోధక సూక్ష్మజీవులు మన శరీరం‌లోనికి ప్రవేశించకుండా నిరోధిస్తుంది.

ఇది ఒక యాంటిఆక్సిడం‌ట్‌గా కూడా పనిచేస్తుంది మరియు తెల్ల రక్త కణాల నష్టాన్ని నిరోధిస్తుంది.  సొరకాయ రసం‌లో ఉన్న ఇతర యాంటిఆక్సిడంట్ల‌తో పాటు, ఒత్తిడి మరియు స్వేచ్చా రాడికల్స యొక్క హానికరమైన ప్రభావాలను నిరోధించడం ద్వారా రోగనిరోధక వ్యవస్థను బలోపేతం చేయడంలో సహాయపడుతుంది.

(మరింత చదవండి: రోగనిరోధక శక్తిని పెంచే ఆహారాలు)

సంప్రదాయకంగా, జీర్ణక్రియను ప్రోత్సహించడం మరియు మలబద్ధకం ఉపశమనం కోసం సొరకాయ రసం చాలా మంచిదిగా భావించబడుతుంది.  ఈ రసం కొంత మొత్తం‌లో ఫైబర్ మరియు ఎక్కువ నీటిని కలిగిఉండడం దీనికి వాస్తవ కారణం కావచ్చు.  ఫైబర్ మీ ఆహారం‌లో ఎక్కువగా సమకూర్చబడినప్పటికీ, నీటి శాతం మన జీర్ణాశయాన్ని శుభ్రం చేయడం‌లో సహాయపడుతుంది.  కలిసి, ఇవి సులభంగా  ప్రేగు కదలికల్ని సులభతరం చేస్తాయి.   

తర్వాత, ఫైల్స్‌ ఏర్పడటానికి కారణమైన ఒక కారకంగా మలబద్ధకం భావించబడుతోంది.  సాధారణ ప్రేగు కదలికలకు భరోసా ఇవ్వడం ద్వారా, సొరకాయ రసం మీ ప్రేగు పైన అదనపు ఒత్తిడిని తగ్గించేందుకు సహాయపడుతుంది, తద్వారా మొలల వ్యాధిప్రమాదాన్ని తగ్గిస్తుంది. 

సొరకాయ రసం క్రమంగా తీసుకోవడం డయాబెటిక్ రోగులకు మరియు ఈ వ్యాధి యొక్క ప్రమాదం ఎక్కువగా ఉన్నవారికి కూడా చాలా ప్రయోజనకరంగా ఉంటుంది.  సొరకాయ గుజ్జు రక్తంలో చక్కెర స్థాయిల ఆకస్మిక పెరుగుదలను నిరోధిస్తుంది మరియు సాధారణంగా డయాబెటిక్ వ్యాధి గల వారిలో బలహీనపరచబడిన  క్లోమ గ్రంధి విధిని మెరుగుపరచడం‌లో సహాయపడుతుందని ప్రీక్లినికల్ అధ్యయనాలు నివేదికను ఇస్తున్నాయి.

ఇది మాత్రమే కాకుండా, సొరకాయ రసం హృదయ సంబంధ నష్టాన్ని తగ్గించడం‌లో మరియు డయాబెటిక్ వ్యక్తుల్లో గుండె వ్యాధుల ప్రమాదాన్ని తగ్గించడంలో కూడా సహాయపడవచ్చు.  సొరకాయ రసం జింక్‌ను కలిగిఉండడమే దీనికి కారణం, ఇది రక్తపోటును నిర్వహించడం‌లో మరియు రక్తం‌లో కొలెస్ట్రాల్ స్థాయిలు నిర్వహించడం‌లో చురుకుగా పనిచేస్తుంది.

(మరింత చదవండి: డయాబెటిస్ మేనేజ్‌మెంట్)

ఇన్‌ఫెక్షన్ మరియు గాయానికి వ్యతిరేకంగా మంట అన్నది మన శరీరం యొక్క సాధారణ ప్రతిస్పందన.  అయితే, క్రమమైన లేదా దీర్ఘ-కాల మంట ఒక అంతర్గత వ్యాధిని సూచిస్తుంది.  సాధారణంగా మంట కలిగించే కొన్ని వ్యాధులుగా  ఆర్థరైటిస్, కీళ్లవాతం, మరియు తాపజనక ప్రేగు వ్యాధి వంటివి ఉన్నాయి. ఇవి వాపు, ఎరుపుదనం మరియు నొప్పి వంటి లక్షణాల చేట వర్గీకరించబడ్డాయి మరియు ప్రధాన అసౌకర్యానికి ఒక కారణం కావచ్చు,  శుభవార్త ఏమిటం‌టే, ఒక గ్లాసు సొరకాయ రసం తీసుకోవడం, నొప్పి మరియు మంట రెండింటి నుండి ఉపశమనం పొందడం‌లో సహాయపడుతుంది.  సొరకాయ రసం తీసుకోవడం, ఎటువంటి దుష్ప్రభావాలను చూపించకుండా, మంట మరియు నొప్పిని గణనీయంగా తగ్గిస్తాయని జంతు అధ్యయనాలు సూచిస్తున్నాయి.  అయితే ఖచ్చితమైన చర్యా విధానం ఈ అధ్యయనం‌లో నిర్వచించబడలేదు.

ఈ రసం‌లో ఉండే విటమిన్ సి వంటి యాంటిఆక్సిడంట్ల ఉనికి యాంటి-ఇన్‌ఫ్లమేటరీ లక్షణానికి బాధ్యత వహించే ఒక కారకం కావచ్చు.  ఇది ఒక యాంటిఆక్సిడంట్ సమ్మేళనం కలిగిఉంటుంది, ఇది ఆక్సీకరణ ఒత్తిడిని తగ్గించడం ద్వారా మంట తగ్గింపుకు కారణమవుతుంది. 

(మరింత చదవండి: ఇన్‌ఫ్లమేటరీ వ్యాధుల రకాలు)

క్రమం తప్పకుండా సొరకాయ రసం త్రాగడం,  మూత్రనాళ ఇన్‌ఫెక్షన్లువచ్చే అవకాశాన్ని తగ్గిస్తుంది. ఇది వాటి చికిత్సలో కూడా సహాయపడుతుంది.  సొరకాయ ఒక మూత్రవిసర్జకం, అనగా మన వ్యవస్థలో మూత్రవిసర్జన తరచుగా రావడాన్ని పెంచుతుందని అర్థం.  తత్ఫలితంగా, అదనపు నీరు మరియు విషాలు శరీరం‌ నుండి బయటకు కొట్టుకుపోతాయి.  ఇది కాకుండా, శరీరం‌లో ఉండే విటమిన్ సి వంటి యాంటిఆక్సిడంట్లు మన మూత్రపిండాలకు సంభవించే ఆక్సీకరణ నష్టాన్ని నిరోధించడం‌లో సహాయపడుతుంది.

మన గుండెను ఆరోగ్యంగా ఉంచడం‌లో సొరకాయ రసం సహాయపడుతుంది.  ఈ రసం‌లో ఉండే జింక్ పరిమాణం, ఎల్‌డి‌ఎల్‌ లేదా చెడు కొలెస్ట్రాల్ స్థాయిల్ని తగ్గిస్తుందని, అలాగే హె‌చ్‌డి‌ఎల్ లేదా మంచి కొలెస్ట్రాల్ స్థాయిల్ని పెంచుతుందని కనుగొనబడింది.  దాని యాంటిఆక్సిడంట్ లక్షణాలతో పాటు, ఫలకం ద్వారా ధమనులు మూసుకుపోకుండా నిరోధించడం‌లో సహాయపడుతుంది.  అందువల్ల, హృదయ వ్యాధి ప్రమాదం తగ్గించబడుతుంది.  ఇంకా, రక్త పీడన స్థాయిలను ఉత్తమంగా నిర్వహించడం‌లో జింక్ కూడా సహాయపడుతుంది, గుండె మీద తక్కువ ఒత్తిడికి దారితీస్తుంది.  

ఆక్సీకరణ ఒత్తిడిని తగ్గించడం మరియు స్వేచ్చా రాడికల్ నష్టాన్ని తగ్గించడం ద్వారా యాంటిఆక్సిడంట్లు కూడా గుండె పనితీరును మెరుగుపరుస్తాయి.

(మరింత చదవండి: గుండె వ్యాధి నివారణ)

పైన పేర్కొన్న ఆరోగ్య ప్రయోజనాలే కాకుండా, సొరకార రసం కొన్ని ఇతర వైద్య ప్రయోజనాలను కూడా కలిగిఉంది.  మీ శరీరం మరియు ఆరోగ్యానికి సహాయ పడడం‌లో సొరకాయ యొక్క అదనపు మార్గాల జాబితా ఇక్కడ ఇవ్వబడింది.

• సొరకాయ రసం విషానికి విరుగుడుగా పనిచేస్తుంది, తేలు కాటు నుండి ఇది ఉపశమన ఫలితాన్ని ఇస్తుంది.
• ఇది ఆస్థమా, దగ్గు, మరియు  బ్రాంకైటిస్వంటి వ్యాధులతో బాధపడే ప్రజలకు ఒక టానిక్ వంటిది.
• సొరకాయ యొక్క ఆకుల నుండి సేకరించిన రసం కామెర్లచికిత్సలో సహాయపడుతుంది.
• ఇది మనం తేమను కలిగి ఉండేలా చేస్తుంది మరియు ఒత్తిడిని తగ్గిస్తుంది.
• మెగ్నీషియం, ఫాస్ఫరస్, జింక్, కాపర్, మాంగనీస్ మొదలైనటువంటి ఖనిజాలు సొరకాయ రసంలో ఉండడం వల్ల, ఎముకలను బలంగా ఉంచడం‌లో ఇది సహాయపడుతుంది.
• మనం పార్శ్వపు తలనొప్పిపొందకుండా ఇది రక్షిస్తుంది.
• ఇది పంటినొప్పికి ఒక సమర్థవంతమైన పరిష్కారంగా ఉంది.
• పురుగుల నుండి వచ్చే అంటురోగాలను నిరోధించడానికి ఇది సహాయపడుతుంది.
• జుట్టు అకాలంగా నెరయడాన్ని ఇది నిరోధిస్తుంది.