myUpchar प्लस+ के साथ पूरेे परिवार के हेल्थ खर्च पर भारी बचत

நிலக்கடலை என அழைக்கப்படும் வேர்கடலை ஃபேபேசீஸ் குடும்பத்திற்கு சொந்தமானது, மேலும் வேர்க்கடலை அதன் சாப்பிடக் கூடிய விதைகளுக்காக முக்கியமாக பயிரிடப்படுகிறது. மற்ற பயிர் தாவரங்களை போலல்லாமல், வேர்கடலை தரையில் இல்லாமல் நிலத்திற்கு அடியில் வளரும் ஒரு தாவரம் ஆகும்.

பிரேசில் அல்லது பெரு நகரில் வேர்க்கடலை உருவானது எனவும், அங்கு சடங்கு விழாக்களில் முதலில் சாகுபடியான காட்டு வேர்கடலைகள் சூரிய கடவுளுக்கு படைக்கப்பட்டது எனவும் நம்பப்படுகிறது.

வேர்கடலையில் புரதங்கள், எண்ணெய் மற்றும் நார்ச்சத்துகள் மிகுந்த அளவில் இருக்கிறது என்று கூறப்படுகிறது. எனவே உங்கள் நாவின் சுவை மொட்டுகளுடன் சேர்த்து நம் உடலுக்கும் வேர்கடலை ஒரு விருந்து ஆகும்.

பாலிபினால்கள், ஆக்ஸிஜனேற்றிகள், வைட்டமின்கள் மற்றும் தாதுக்கள் போன்ற பிற செயல்பாட்டு சேர்மங்களும் இந்த மொறுமொறுப்பான கொட்டைகளில் உள்ளன. வேர்க்கடலைகள், ரெஸ்வெராட்ரோல், பீனாலிக் அமிலங்கள், ஃபிளாவோனாய்டுகள் மற்றும் பைட்டோஸ்டெரோல்கள் போன்ற கலவைகளின் ஒரு பெரிய ஆதாரமாக இருப்பது அடையாளம் காணப்பட்டுள்ளது, இது நம் உணவில் இருந்து கெட்ட கொழுப்பு உறிஞ்சப்படுவதைத் தடுக்க உதவுகிறது மற்றும் இதய ஆரோக்கியத்தை பராமரிக்க உதவுகிறது.

எண்ணெய் உற்பத்தியைத் தவிர, அவை வேர்க்கடலை வெண்ணெய், இனிப்பு தின்பண்டம், வறுத்த வேர்க்கடலை, சிற்றுண்டி பொருட்கள், சூப்கள் மற்றும் சாலட் தயாரிப்புகளில் பயன்படுத்தப்படுகின்றன.

வேர்கடலை  பற்றி சில அடிப்படை தகவல்கள்:

  • அறிவியல் பெயர்: அராசிஸ் ஹைபோகாகியா
  • பொதுவான பெயர் (கள்): வேர்க்கடலை,அராசிஸ் ஹைபோகாகியா, முங்ஃபலி
  • குடும்பம்: ஃபேபசீஸ் / லெகுமினினோசே - பீ குடும்பம் 
  • பொதுவான இந்தி பெயர்: मूँगफली (முங்ஃபலி)
  • வேர்கடலையின் பிராந்தியம் மற்றும் புவியியல் பரப்பு: வேர்க்கடலை தாவரங்கள் பிரேசில் அல்லது பெருவில் தோன்றியதாக நம்பப்படுகின்றன, இருப்பினும் இதை நிரூபிக்க எந்த தொல்பொருள் பதிவுகளும் இல்லை. ஆனால் தென் அமெரிக்காவில் உள்ள மக்கள் (3,500 ஆண்டுகள் அல்லது அதற்கும் முன்பு) வேர்க்கடலை வடிவில் மட்பாண்டம் செய்து வந்தனர். சீனா உலகிலேயே வேர்க்கடலை உற்பத்தியில் மிகப்பெரிய உற்பத்தியாளராக உள்ளது. இந்தியாவில், ஆந்திரா, தமிழ்நாடு, கர்நாடகா ஆகிய இடங்களை தொடர்ந்து குஜராத் மிகப்பெரிய அளவில் நிலக்கடலையை உற்பத்தி செய்கிறது.
  • வேடிக்கையான உண்மை: ஒரு ஜாடி வேர்க்கடலை வெண்ணெய் செய்ய கிட்டத்தட்ட 540 வேர்கடலைகள் வேண்டும். ஜார்ஜ் வாஷிங்டன் கார்வர் "வேர்க்கடலை மனிதன்" என்று அழைக்கப்படுகிறார், ஏனென்றால் வேர்க்கடலிலிருந்து தயாரிக்கப்படும் நூறாயிரத்திற்கும் மேற்பட்ட பொருட்களை அவர் உருவாக்கியுள்ளார்.
  1. வேர்க்கடலையின் ஊட்டச்சத்து பற்றிய தகவல்கள் - Peanuts nutrition facts in Tamil
  2. வேர்க்கடலையின் சுகாதார நலன்கள் - Peanuts health benefits in Tamil
  3. வேர்க்கடலையின் பக்க விளைவுகள் - Peanuts side effects in Tamil
  4. புரிந்து கொண்டது - Takeaway in Tamil

வேர்க்கடலைகள் புரத மற்றும் நார் சத்து நிறைந்த ஆதாரமாக உள்ளன. 100 கிராம் வேர்க்கடலையில் ஒரு 49.24 கிராம் கொழுப்பு இருப்பினும், இந்த கொழுப்புகள் உண்மையில் இதயத்திற்கு ஆரோக்கியமான கொழுப்பு அல்லது நிறைவுறா கொழுப்புகளாக உள்ளன. வேர்கடலை ரெஸ்வெராட்ரால் என்று அழைக்கப்படும் ஒரு ஆக்ஸிஜனேற்றியை கொண்டிருப்பதாக அறியப்படுகிறது. இது சிவப்பு ஒயின்லில் காணப்படும் அதே ஆக்ஸிஜனேற்றியாகும், மேலும் இது புற்றுநோய், இருதய மற்றும் அல்சைமர் நோய்களின் ஆபத்தை குறைப்பதாக அறியப்படுகிறது.  

யுஎஸ்டிஏ ஊட்டச்சத்து தரவுத்தளத்தின் படி, 100 கிராம் வேர்கடலை பின்வரும் ஊட்டச்சத்துக்களைக் கொண்டிருக்கின்றன:

ஊட்டக்கூறு 100 கிராமுக்கான மதிப்பு
நீர் 6.5 கிராம்
ஆற்றல் 567 கி.கே.
புரதம் 25.8 கிராம்
கொழுப்பு 49.24 கிராம்
கார்போஹைட்ரேட் 16.13 கிராம்
நார்ச்சத்து 8.5 கிராம்
சர்க்கரைகள் 4.72 கிராம்
கனிமங்கள்  
கால்சியம் 92 மிகி
இரும்பு 4.58 மிகி
மக்னீசியம் 168 மிகி
பாஸ்பரஸ் 376 மிகி
பொட்டாசியம் 705 மிகி
சோடியம் 18 மி.கி.
துத்தநாகம் 3.27 மி.கி
வைட்டமின்கள்  
வைட்டமின் பி1 64 மிகி
வைட்டமின் பி1 0.135 கிராம்
வைட்டமின் பி3 12.066 கிராம்
வைட்டமின் பி6 0.348 மி.கி.
ஃபோலேட் 240 μg
வைட்டமின் ஈ 8.33 மி.கி.
கொழுப்புகள் / கொழுப்பு அமிலங்கள்  
சாசுரேட்டேட் 6.279 கிராம்
மோனோஅன்சாசுரேட்டேட் 24.426 கிராம்
பாலிஅன்சாசுரேட்டேட் 15.558 கிராம்

உங்கள் சாலடுகள் மற்றும் ஞாயிறு ஐஸ் கிரீம்கள் மீது கூடுதல் மொறு மொறுப்புக்காக சேர்க்கப்படும் வேர்க்கடலை எவ்வளவு ஆரோக்கியமானது தெரியுமா? ஒரு நாளைக்கு ஒருசில வேர்க்கடலையை எடுத்துக்கொள்வது உங்கள் ஆரோக்கியத்திற்காக அதிசயங்களை செய்ய முடியும் என்பதை நீங்கள் அறிந்துகொள்வதில் மகிழ்ச்சி அடைவீர்கள். என்ன நல்லது? அதை நிரூபிக்க அறிவியல் உண்மைகள் உள்ளன. வேர்க்கடலையை ஒரு ஆரோக்கியமான சிற்றுண்டியாக அதன் பல குணப்படுத்தும் பண்புகளை நாம் இப்போது பார்ப்போம்:

  • எடை இழப்புக்கு: வேர்க்கடலைகளில் நார் சத்து நிறைந்திருக்கின்றன, அவை ஒரு ஆரோக்கியமான நொறுக்கு சிற்றுண்டியாக வேர்க்கடலையை மாற்றுகின்றன. எனவே, வேர்கடலை நீண்ட நேரத்திற்கு நம் வயிற்றை நிறைத்து வைத்திருக்க உதவுவதோடு, நம்மை குறைவாக சாப்பிட வைக்கிறது. வேர்கடலை உணவு புரதங்கள் நிறைந்தவை மற்றும் அனைத்து அத்தியாவசிய அமினோ அமிலங்களையும் கொண்டிருக்கின்றன. நம் உடலின் தசையை அதிகமாக்குவதில் புரோட்டீன்கள் உதவுகின்றன.
  • தோலுக்கு: வேர்கடலை நம் தோலை மென்மையான வைத்திருப்பதுடன் காயங்களை குணப்படுத்தும் செயல்முறையிலும் உதவுகிறது.
  • கொழுப்புக்காக: வேர்கடலை எச்.டி.எல் அதிகரிக்கும் போது எல்.டி.எல் ஐ குறைக்க உதவுகிறது. இது ஒரு நல்ல வகை கொழுப்பு வகையை சேர்ந்தது. ஒரு உணவூண்டு முடித்த பின்பு உடனே கொழுப்பு அளவுகளை பராமரிக்கவும் வேர்கடலைகள் உதவுகின்றன.
  • இதயத்திற்கு: கொழுப்பைக் குறைப்பதன் மூலமும், வைட்டமின் ஈ இருப்பதன் காரணமாகவும், வேர்க்கடலை அதிரோஸ்கிளிரோஸ், இதயத் தாக்குதல் மற்றும் கரோனரி இதய நோய் போன்ற அபாயத்தை குறைக்க உதவுகிறது.
  • மன ஆரோக்கியத்திற்கு: வேர்கடலையை தொடர்ந்து சாப்பிடுவதால், அதில் இருக்கும் அதிக அளவு ஆக்ஸிஜனேற்ற மற்றும் வைட்டமின்கள் கலவைகளில் காரணமாக மன அழுத்தம், பதட்டம் மற்றும் அல்சைமர் நோய் ஆகியவற்றின் குறைப்புக்கு இது தொடர்புடையதாக உள்ளது.
  • பித்தப்பை கற்களுக்கு: வேர்கடலையை தொடர்ந்து சாப்பிடுவது, பித்த அமிலங்களின் உற்பத்தியில் குறுக்கீடு செய்வதன் காரணமாக பித்தப்பை கற்களை தடுக்க உதவும்.
  • புற்றுநோய்க்கு எதிராக: வேர்கடலை சப்பிடுவது புற்றுநோயின் அபாயத்தை மாற்றியமைக்க முடியும், குறிப்பாக வயிற்றில் ஏற்படக்கூடிய புற்றுநோயை தடுக்கிறது.
  1. வேர்கடலை கொழுப்பை குறைக்கிறது - Peanuts reduce cholesterol in Tamil

வேர்கடலை கொழுப்பை குறைக்கிறது - Peanuts reduce cholesterol in Tamil

வேர்கடலை பெரும்பாலும் நிறைவுறா கொழுப்புகளால் செய்யப்பட்டிருக்கின்றன என்பதால், வேர்கடலையின் ஹைபோலிபிடிமிக் (கொழுப்பு குறைதல்) பண்புகளை பற்றி விரிவான ஆய்வுகள் செய்யப்பட்டுள்ளன. விவோ (விலங்கு அடிப்படையிலான) ஆய்வுகள் வேர்கடலை உடலில் எல்.டி.எல் கொழுப்பை பராமரிக்க உதவுகிறது, அதே சமயத்தில் ஹெச்.டி.எல் கொலஸ்டிரால் அளவுகளை குறைக்கின்றன என்பதையும் காட்டுகிறது.

கானாவில் செய்யப்பட்ட ஒரு மருத்துவ ஆராய்ச்சியில், வழக்கமான வேர்க்கடலை நுகர்வு 4 வாரங்களுக்குள் கொழுப்பு அளவுகளை சமநிலைப்படுத்துவதாக  கண்டுபிடிக்கப்பட்டது.

ஊட்டச்சத்து இதழில் வெளியான ஒரு சமீபத்திய மருத்துவ ஆய்வு படி, அதிக கொழுப்பு கொண்ட உணவை சாப்பிட்ட பிறகு 85 கிராம் வேர்க்கடலை சாப்பிடுவதால், இரத்த கொழுப்பு அமிலங்களின் உச்ச பட்ச அளவு எட்டுதலை குறிக்கும் உணவுக்குப் பின்பான ஹைபர்லிபிடிஸ்மியாவை மேம்படுத்த உதவுகிறது. 

(மேலும் வாசிக்க: உயர் கொழுப்பு சிகிச்சை)

  • வேர்கடலை ஒவ்வாமை மிகவும் பொதுவான உணவு ஒவ்வாமை வகைகளில் ஒன்றாகும். பொதுவாக  வயிற்று வலி, பிடிப்புகள், குமட்டல், மற்றும் மூச்சு திணறல் போன்ற தீவிரமான நிலைகளுடன் இந்த ஒவ்வாமை தொடர்புடையது.
  •  ஆஸ்பெர்ஜிலஸ் ஃப்ளவாஸ்  எனப்படும் ஒரு பூஞ்சையினால் உருவாகும் அஃப்ளாடாக்சின் மாசுபாடு வேர்க்கடலைக்கு பாதிப்பு ஏற்படுத்துகிறது. அஃப்ளாடாக்சின்கள் உடல்நலத்திற்கு ஆபத்தானவை, அவை உங்கள் தோலில் வீரியமான அஃப்ளாடாக்சின்களின் வளர்ச்சியை உண்டாக்க கூடியவை. வேர்க்கடலை மஞ்சள் நிறமாகிவிட்டால், அது ஆபத்தானது மற்றும் சாப்பிடபடக் கூடாதவை.
  • வேர்கடலை எடை இழப்புக்கு உதவுவதாக அறியப்படுகிறது. இருப்பினும்,  அவை நிறைய கலோரிகளை வழங்குகின்றன, இதனால் அதிக அளவு வேர்கடலை  உட்கொண்டால் எடை மேலாண்மைக்கு இது மிகவும் பயனுள்ளதாக இருக்காது.
  • வேர்கடலையில் பொட்டாசியம் நல்ல அளவில் உள்ளது என்றாலும், அது சோடியம் நிறைந்ததாக இருக்கிறது. இந்த சோடியம்  கனிமத்தை அதிகம் எடுத்துக்கொள்வது உங்கள் இதயத்திலும் ஆரோக்கியத்திலும் எதிர்மறையான விளைவுகளை ஏற்படுத்தும்.
  • வறுத்த மற்றும் உப்பு வேர்கடலையை தவிர்ப்பது நல்லது, ஏனெனில் அது டிரான்ஸ் கொழுப்புகள் மற்றும் சோடியம் ஆகியவற்றை அதிக அளவில் கொண்டிருக்கும் என்பதால் நன்மையை விட அதிக தீங்கு விளைவிக்கும்.

உங்கள் உடலுக்குத் தேவைப்படும் அனைத்து ஊட்டச்சத்துக்களையும் வேர்க்கடலைகள் கொண்டிருக்கின்றன. புரதங்கள், நிறைவுறா கொழுப்பு, கால்சியம், பாஸ்பரஸ் மற்றும் பொட்டாசியம் போன்ற பல்வேறு கனிமங்கள் மற்றும் பலவிதமான வைட்டமின்கள் ஆகியவற்றின் ஆதாரமாக உள்ளது வேர்கடலை. வேர்கடலை பொதுவாக ஒரு ஏழை மனிதனின் புரதமாக குறிப்பிடப்படுகிறது. ஒவ்வாமை இல்லாத மக்கள் வேர்கடலையை மிதமான அளவு சாப்பிடுவதால் உடல் மற்றும் மனதில் அதிசயங்கள் செய்ய முடியும்.

और पढ़ें ...

References

  1. Shalini S. Arya, Akshata R. Salve, and S. Chauhan. Peanuts as functional food: a review. J Food Sci Technol. 2016 Jan; 53(1): 31–41. PMID: 26787930
  2. Sales JM, Resurreccion AV. Resveratrol in peanuts. Crit Rev Food Sci Nutr. 2014;54(6):734-70. PMID: 24345046
  3. United States Department of Agriculture Agricultural Research Service. Basic Report: 16087, Peanuts, all types, raw. National Nutrient Database for Standard Reference Legacy Release [Internet]
  4. Health Harvard Publishing. Harvard Medical School [Internet]. Ask the doctor: Why is peanut butter "healthy" if it has saturated fat?. Harvard University, Cambridge, Massachusetts.
  5. Griel AE et al. Improved diet quality with peanut consumption. J Am Coll Nutr. 2004 Dec;23(6):660-8. PMID: 15637214
  6. Tricia Y. Li et al. Regular Consumption of Nuts Is Associated with a Lower Risk of Cardiovascular Disease in Women with Type 2 Diabetes1,2. J Nutr. 2009 Jul; 139(7): 1333–1338. PMID: 19420347
  7. Petrovski G, Gurusamy N, Das DK. Resveratrol in cardiovascular health and disease.. Ann N Y Acad Sci. 2011 Jan;1215:22-33. PMID: 21261638
  8. Shalini S. Arya, Akshata R. Salve, and S. Chauhan. Peanuts as functional food: a review. J Food Sci Technol. 2016 Jan; 53(1): 31–41. PMID: 26787930
  9. Griel AE et al. Improved diet quality with peanut consumption. J Am Coll Nutr. 2004 Dec;23(6):660-8. PMID: 15637214
  10. Hashemian M, Murphy G, Etemadi A, Dawsey SM, Liao LM, Abnet C. Nut and peanut butter consumption and the risk of esophageal and gastric cancer subtypes. Am J Clin Nutr. 2017 Sep;106(3):858-864. PMID: 28768652
  11. Lang Wu et al. Nut consumption and risk of cancer and type 2 diabetes: a systematic review and meta-analysis. Nutr Rev. 2015 Jul; 73(7): 409–425. PMID: 26081452
  12. American College of Allergy, Asthma & Immunology, Illinois, United States. Tree Nut Allergy
  13. Lokko P, Lartey A, Armar-Klemesu M, Mattes RD. Regular peanut consumption improves plasma lipid levels in healthy Ghanaians. Int J Food Sci Nutr. 2007 May;58(3):190-200. PMID: 17514537
  14. Ghadimi Nouran M, Kimiagar M, Abadi A, Mirzazadeh M, Harrison G. Peanut consumption and cardiovascular risk.. Public Health Nutr. 2010 Oct;13(10):1581-6. PMID: 20025830
  15. Gabriel E Njeze. Gallstones. Niger J Surg. 2013 Jul-Dec; 19(2): 49–55. PMID: 24497751
  16. Tsai CJ et al. Frequent nut consumption and decreased risk of cholecystectomy in women. Am J Clin Nutr. 2004 Jul;80(1):76-81. PMID: 15213031
  17. Morris MC. Dietary niacin and the risk of incident Alzheimer's disease and of cognitive decline. J Neurol Neurosurg Psychiatry. 2004 Aug;75(8):1093-9. PMID: 15258207
  18. Rembe JD, Fromm-Dornieden C, Stuermer EK. Effects of Vitamin B Complex and Vitamin C on Human Skin Cells: Is the Perceived Effect Measurable?. Adv Skin Wound Care. 2018 May;31(5):225-233. PMID: 29672394
  19. Trisha A. Jenkins et al. Influence of Tryptophan and Serotonin on Mood and Cognition with a Possible Role of the Gut-Brain Axis. Nutrients. 2016 Jan; 8(1): 56. PMID: 26805875
  20. Mikkelsen K, Stojanovska L, Apostolopoulos V. The Effects of Vitamin B in Depression. Curr Med Chem. 2016;23(38):4317-4337. PMID: 27655070