myUpchar प्लस+ के साथ पूरेे परिवार के हेल्थ खर्च पर भारी बचत

భారతీయ ఉపఖండంలోని ఉప-హిమాలయన్ మైదానాలలో పండిస్తున్న అధిక పోషక-సమృద్ధమైన పండ్లలో “మామిడి” ఒకటి. మామిడి పండు ప్రత్యేకమైన కమ్మదనాన్ని, రుచిని మరియు సువాసనని కల్గి ఉంటుంది. మరి ఇలాంటి అద్భుతమైన పండును తర తరాల నుండి దాదాపు ప్రతి భారతీయుడు ఇష్టంగా తిని ఆస్వాదిస్తున్నారు. వేసవి కాలంలో భారతదేశంలో మామిడి లేదా మామిడిపండ్ల రసాన్ని ఎవరు ఇష్టపడరు చెప్పండి? వాస్తవానికి, మామిడి యొక్క అద్భుతమైన పరలోక రుచి (heavenly taste) కారణంగా దాన్ని'దేవతల ఆహారంగా' పిలువడం జరుగుతోంది. మామిడిని ప్రాచీన కాలం నుండి సాగు చేయడం  జరుగుతోంది. ప్రసిద్ధ కవి, కాళిదాస మామిడిపండ్ల రుచిని తన పురాణగ్రంథాల్లో పొగిడారని తెలుస్తోంది. అలాగే, మొఘల్ పాలకుడు, అక్బర్ చక్రవర్తి, ఆధునిక బీహార్ లో ‘దర్భంగా’ అని పిలువబడే ప్రదేశంలో 1,00,000 మామిడి చెట్లను నాటారు అని నమ్మడం జరుగుతోంది.

కానీ, మామిడిలో దాని రసభరితమైన (జ్యుసి) రుచి, కమ్మదనం కంటే అది అందించే లాభాలు ఎన్నో ఉన్నాయి. మామిడి పండులో విటమిన్లు, పాలీ ఫెనోలిక్ ఫ్లేవానోయిడ్ అనామ్లజనకాలు, ప్రీబయోటిక్ డైటరీ పీచుపదార్థాలు, మరియు ఖనిజాలు ఉంటాయి. దీనిలో విటమిన్ A, C మరియు D వంటి విటమిన్లు పుష్కలంగా ఉంటాయి, ఇది మొత్తం శరీర ఆరోగ్యాన్ని మెరుగుపరిచేందుకు చాలా ఉపయోగకరంగా ఉంటుంది. మామిడిపండ్లను పండుగా లేదా రసాలను తీసి జ్యూస్ గా/షేక్స్ లాగా సేవించవచ్చు, ఎలా తిన్నా కూడా మీరు దాని ఆరోగ్య ప్రోత్సహక లక్షణాల ఫలితాన్ని పొందుతారు. మామిడిపండులో ఉండే ఈ రెండింతల ప్రయోజనాలవల్లే బహుశా దానికి  "పండ్ల రాజు" అనే కీర్తి దక్కిందనొచ్చు.

మామిడి ఎక్కువగా ఉష్ణమండల దేశాల్లో పెరుగుతుంది, అయితే మామిడి ఉత్పత్తిలో భారతదేశం ప్రపంచంలోనే అతిపెద్ద ఉత్పత్తిదేశం. ఎందుకు కాకూడదు? మామిడి భారతదేశం యొక్క జాతీయ పండు కూడా. కొండ ప్రాంతాల మినహా, మామిడి భారతదేశం యొక్క దాదాపు అన్ని ప్రాంతాలలో సాగు చేస్తారు. ఒక్క భారతదేశంలోనే వంద రకాలకు పైగా మామిడి రకాలు ఉన్నాయని తెలిస్తే మీకెంతో ఎంతో ఆనందం కలిగక మానదు. మామిడిపండ్లు వివిధ ఆకారాలు, పరిమాణాలు మరియు రంగుల్లో వస్తాయి. భారతదేశంలో లభిచే మామిడిపండ్ల ప్రసిద్ధ రకాలు కొన్నిఏవంటేలాంగ్రా (Langra), బంగినపల్లి , చౌసా (Chausa), తోతాపురి (totaapuri), సఫేదా (Safeda),  ఆల్ఫోన్సో మామిడిపండ్లు మొదలైనవి

మామిడి సాధారణంగా అండాకారంలో ఉండి మీగడవంటి గుజ్జును మరియు కండను కలిగిఉంటుంది. వృక్షశాస్త్రజ్ఞులు మామిడిని టెంక (జీడు) గల్గిన కాయ (drupe) లేక రాతిపండు అని వర్ణించారు, లోపల విత్తనంకల్గిన టెంక (pit or stone)ను ఇది కల్గి ఉంటుంది. ఒక షెల్ (పిట్ లేదా రాయి) పరిసరాల్లో ఉన్న ఒక విత్తనాలతో చుట్టబడిన ఒక ప్రత్యేకమైన బయటి కండర భాగం కలిగి ఉంటుంది. శప్తాలుపండు (peach)కు మరియు అనానస్ (పైనాపిల్) పండుకు మధ్యన ఉండే రుచిని మామిడిపండు కల్గి ఉంటుందని ఆహారప్రియులు వర్ణిస్తారు.

మామిడి చెట్టు ఉష్ణమండల మరియు ఉపఉష్ణమండల ప్రాంతాల్లో పెద్ద చెట్టుగా, అటుపై మానుగా ఆకులతో కూడుకుని బాగా పెరుగుతుంది, ఇది సతతహరితమైన మాను (ప్రతి సంవత్సరం నాటాల్సిన అవసరం లేదు). మామిడి పండ్ల చర్మం రంగులో భిన్నంగా ఉంటుంది, అంటే రకరకాల మామిడిపండ్లు వేర్వేరు రంగుల్లో ఉంటాయి. సాధారణంగా,  ఆకుపచ్చ, ఎరుపు, పసుపు మరియు నారింజ రంగుల్లో మామిళ్ళు వస్తాయి. కానీ మామిడి పండు యొక్క అంతర్గత రసభరిత గుజ్జు మాత్రం సాధారణంగా బంగారు-పసుపు రంగులోనే ఉంటుంది. ఇంకా మాగని (పండని) మామిడికాయ పైన తొక్క (చర్మం) నునుపుగా మరియు ఆకుపచ్చగా ఉంటుంది, కానీ అది పండే వృక్షాన్ని బట్టి బంగారు పసుపు, పసుపు, క్రిమ్సన్ ఎరుపు, లేదా నారింజ-ఎరుపు వర్ణాలు మామిడి పండుకు రావడం  జరుగుతుంది. మామిడి పండ్లు సాధారణంగా ఫిబ్రవరి మరియు ఆగస్టు నెలల మధ్య పండుతాయి. పండిన మామిడి సాధారణంగా తియ్యగా ఉంటుంది, కానీ వాటిలో కొన్ని మాగి పండైనా కూడా ఇంకా పుల్లని రుచినే కలిగి ఉంటాయి.

మామిడిని తాజాగానే తింటారు. లేదా చట్నీ, ఎండిన మామిడి ఉత్పత్తులు, పురీ, ఊరగాయలు, కూరలు, మామిడితేనె మరియు ప్రపంచవ్యాప్తంగా ప్రసిద్ధి చెందిన డబ్బాల్లో భద్రపరిచే (క్యాన్డ్) ఘనీభవించిన మామిడి ముక్కలుగా తయారు చేయబడుతుంది. మనం పచ్చి మామిడికాయలనుండి “ఆమ్ పన్నా” మరియు పండిన మామిడి నుండి మామిడి మిల్క్ షేక్ (mango milkshake), మామిడి రసం (ఆమ్ రష్) చేసుకుంటాం. మామిడి కుల్ఫీ, (mango kulfi), సోర్బెట్లు (sorbets) మరియు మామిడి ఐస్ స్క్రీముల్ని పండిన మామిడి గుజ్జు నుండి తయారు చేయవచ్చు. మామిడి జాంలను ఎలా మర్చిపోగలం చెప్పండి! మామిడి జామ్ అంటే పిల్లలకు చాలా ఇష్టం.

పచ్చి మామిడి కాయని ముక్కలుగా కోసుకుని ఉప్పు -కారంతో తింటారు, చాలా రుచిగా ఉంటుంది.

మీకు తెలుసా?

పూర్తిగా పండిన మామిడిపండు సంపదను సూచిస్తుంది. నిజానికి, భారతదేశం ప్రపంచానికి ఇచ్చిన బహుమతి మామిడి పండే!

మామిడి గురించిన కొన్ని ప్రాథమిక వాస్తవాలు:

  • వృక్షశాస్త్రం (బొటానికల్) పేరు: మాంగిఫెరా ఇండికా (Mangifera indica)
  • కుటుంబము: అనకార్డియేసి (Anacardiaceae). 
  • సాధారణ పేరు: మామిడి,  ఆమ్
  • సంస్కృత నామం: అమ్రాం
  • ఉపయోగించే భాగాలు: చక్కెరవ్యాధి (మధుమేహం) చికిత్స కోసం మామిడి ఆకులు చాలా ఉపయోగపడతాయి. భారతదేశంలో పవిత్రమైన సందర్భాలలో లేదా పండుగ రోజులలో ప్రతి ఇంట్లోను తమ ముంగిటి తలుపులకు తోరణాల్ని కట్టడానికి మామిడాకులనే ఉపయోగిస్తారు. మామిడి విత్తనాలను చమురు తయారు చేయడానికి ఉపయోగిస్తారు. మామిడి పండును అందరూ ఇష్టపడతారు.
  • స్థానికత మరియు భౌగోళిక విస్తీర్ణం: మామిడి దక్షిణ ఆసియాకు చెందినది. దక్షిణ ఆసియాలో మామిడి సాగుచేయబడుతోంది, ప్రశంసించబడుతోంది మరియు పురాతన కాలం నుంచి తన మాతృభూమిలో అందరిచేత ఇష్టంగా చూడబడుతోంది, ఆరాధింపబడుతోంది. పెర్షియన్లు దీనిని క్రీ.శ 10 వ శతాబ్దంలో తూర్పు ఆఫ్రికాకు తీసుకువెళ్లారు అని చెప్పబడింది. 1833 లో మామిడిని యుకాటన్ నుండి కేప్ సబలే కు డాక్టర్ హెన్రీ పెరిన్ టెంకల నుండి మొలకెత్తిన మామిడి మొక్కల్ని రవాణా చేయబడ్డాయి కానీ అతను భారతీయులచే చంపబడిన తరువాత ఆ మామిడి  మొక్కలన్నీ బతకలేదు. 1862 లేదా 1863 లో డాక్టర్ ఫ్లెచర్ చే మామిడి విత్తనాలు వెస్ట్ ఇండీస్ నుండి మయామి లోకి దిగుమతి చేసుకోబడ్డాయి. బౌద్ధ సన్యాసులు మలయా మరియు తూర్పు ఆసియా ప్రాంతాల్లో మామిడిని కీ.పూ 4 వ మరియు 5 వ శతాబ్దం లో తీసుకువచ్చారని నమ్ముతారు. మామిడి 1782 లో జమైకాకు చేరుకుంది, మరియు 19 వ శతాబ్దం ప్రారంభంలో ఇది ఫిలిప్పీన్స్ మరియు వెస్టిండీస్ నుండి మెక్సికోకు చేరుకుంది.
  • మామిడి గురించిన తమాషా వాస్తవాలు (ఫన్ ఫాక్ట్స్): 1. ఒకరు మరొకరికి ఓ  బుట్ట నిండా మామిడి పండ్లను కానుకగా ఇవ్వడాన్ని స్నేహానికి గుర్తుగా భావిస్తారు.
    2. మామిడి ఆకుల్ని తరచుగా వివాహ సందర్భాల్లో ఉపయోగిస్తారు, కొత్తగా పెళ్లి చేసుకున్న జంటకు అనేకమంది పిల్లలు కలగాలని ఆకాంక్షిస్తూ మామిడాకుల్ని ఉపయోగిస్తారు.
  1. మామిడి పోషక వాస్తవాలు - Mango nutrition facts in Telugu
  2. మామిడి ఆరోగ్య ప్రయోజనాలు - Mango health benefits in Telugu
  3. మామిడి దుష్ప్రభావాలు - Mango side effects in Telugu
  4. ఉపసంహారం - Takeaway

ఒక కప్పు మామిడి పండు కేవలం 100 కేలరీలు అందిస్తుంది, కాబట్టి మామిడి పండు ఒక సంతృప్తికరమైన తీపి విందు. కాబట్టి ఒక మామిడి పండును ఎలాంటి సందేహం పెట్టుకోకుండా హాయిగా తినవచ్చు. ప్రతి మామిడిపండు సేవనం కొవ్వు రహితం మరియు సోడియం రహితం మాత్రమే కాదు, కొవ్వురహితం కొలెస్ట్రాల్ కూడా!

మామిడి ఒక అద్భుతమైన ఆహారంగా (సూపర్ఫుడ్) పరిగణించబడుతుంది, ఎందుకంటే ఇది 20 కంటే ఎక్కువ విభిన్న విటమిన్లు మరియు ఖనిజాలను కలిగి ఉంటుంది.

యూ.ఎస్.డి.ఏ(USDA) పోషకాహారాల దత్తఅంశాల (న్యూట్రియెంట్ డేటాబేస్) ప్రకారం, మామిడిపండు  యొక్క 100 గ్రాములు క్రింది విలువలను కలిగి ఉంటుంది.

 

పోషకాలు

100 గ్రాములకు

నీరు

83.46 గ్రా

శక్తి

60 kCal

ప్రోటీన్

0.82 గ్రా

ఫాట్స్

0.38 గ్రా

పిండిపదార్థాలు

14.98 గ్రా

ఫైబర్

1.6 గ్రా

చక్కెర

13.66 గ్రా

మినరల్స్

 

కాల్షియం

11 mg

ఐరన్

0.16 mg

మెగ్నీషియం

10 mg

ఫాస్ఫర్స్

14 mg

పొటాషియం

168 mg

సోడియం

1 mg

జింక్

0.09 mg

విటమిన్లు

 

విటమిన్ సి

36.4 mg

విటమిన్ B1

0.028 mg

విటమిన్ B2

0.038 mg

విటమిన్ B3

0.669 mg

విటమిన్ B6

0.119 mg

విటమిన్ B9

43 μg

విటమిన్ ఎ

54 μg

విటమిన్ ఇ

0.9 mg

విటమిన్ కె

4.20 μg

కొవ్వులు / కొవ్వు ఆమ్లాలు

 

సాచ్యురేటెడ్

0.092 గ్రా

మోనోఅన్శాచ్యురేటెడ్

0.14 గ్రా

పాలీఅన్శాచ్యురేటెడ్

0.071 గ్రా

మామిడి కేవలం వేసవిలో లభించే కమ్మనైన పండు మాత్రమే కాదు, ఇది ఒక క్రియాశీల సమ్మేళనాలను కలిగి ఉన్న ఒక ఆరోగ్యకరమైన మరియు పోషకాహారభరితమైన ఆహారం.  వివిధ ఆరోగ్య పరిస్థితులకు చికిత్సా ప్రభావాలతో కూడిన మామిడిపండు మన శరీరంలో మధ్యవర్తిత్వం జరిపి మేలు చేస్తుంది. శాస్త్రీయ రుజువులతో కూడిన మామిడి యొక్క ఆరోగ్య ప్రయోజనాలను ఇపుడు చూద్దాం.

  • మామిడి వడదెబ్బను (heat stroke) నిరోధిస్తుంది: మామిడి రసం (mango juice) లేదా ఆమ్ పన్నా, తాగడంవల్ల శరీరంలో శీతలీకరణ ప్రభావాన్ని కలిగిస్తుంది, ఆ కారణంగా, శరీరంలో వేడిని అరికట్టడానికి మామిడి ఒక అద్భుతమైన చిట్కా పరిహారం. వేసవి నెలలలో మీ శరీరానికి తగినంతగా నీటిని అందజేయడానికి మామిడిని ‘మ్యాంగో షేక్’ రూపంలో తీసుకోవచ్చు.
  • మామిడి మలబద్ధకాన్ని ఉపశమింపజేస్తుంది: పీచుపదార్థం (ఫైబర్) మంచి వనరుగా ఉండటంతో, మామిడి మలాన్ని మృదువుగా మార్చడానికి దోహదం చేస్తుంది మరియు ఎలిమెంటరీ కాలువ ద్వారా సులభంగా జారిపోయేటందుకు సహాయపడుతుంది, తద్వారా మలబద్ధకం తొలగించడం జరుగుతుంది.
  • రక్తంలో చక్కెర స్థాయిని నియంత్రిస్తుంది: మామిడికి అంతర్లీనంగా తక్కువ గ్లైసెమిక్ ఇండెక్స్ ఉంది, అంటే అవి మీ రక్తంలో చక్కెర స్థాయిలపై గణనీయమైన ప్రభావం చూపించవు. ఇంకా, ఈ పండులో ఉండే పీచుపదార్థాలు (ఫైబర్) మీ రక్తంలో చక్కెర స్థాయిలను నియంత్రించి పేగుల్లోంచి గ్లూకోజ్ శోషణను తగ్గిస్తుంది.
  • గుండె ఆరోగ్యాన్ని ప్రోత్సహిస్తుంది: మామిడ్లు సహజమైన హైపోలిపిడెమిక్ (కొలెస్టరాల్ను తగ్గించడం) గుణాన్ని కలిగినవి మరియు పొటాషియం యొక్క అద్భుతమైన మూలం, రెండోది ఇది రక్తపోటు స్థాయిలను నిర్వహించడంలోనూ  సహాయపడుతుంది. గుండె పోటు మరియు స్ట్రోక్ వంటి గుండె కండరాల (కార్డియోవాస్కులర్) రుగ్మతల ప్రమాదాన్ని తగ్గించడానికి మామిడి యొక్క ఈ లక్షణాలన్నీ కలిసి పనిచేస్తాయి.
  • చర్మం కోసం ప్రయోజనాలు: మామిడికాయలు విటమిన్ A మరియు C లను పుష్కకలంగా కలిగి ఉంటాయి, ఈ విటమిన్లు రెండూ కూడా చర్మపు పునరుత్పత్తి మరియు చర్మం సమగ్ర నిర్వహణలో ముఖ్యమైన పాత్రను కలిగి ఉంటాయి. ఈ రెండు విటమిన్లు చర్మం రంధ్రాలను శుభ్రం చేసి మోటిమలు రాకుండా నిరోధిస్తాయి.
  • కంటికి మంచిది: కంటి ఆరోగ్యాన్ని పెంపొందించే పోషకాలను మరియు విటమిన్లతో మామిడి నిండి ఉంటుంది. ఈ పండులోని విటమిన్ A మరియు కెరోటిన్ దృష్టి నష్టాన్ని నివారిస్తుంది మరియు వయసుకు సంబంధించిన కంటి వ్యాధులైన  మాక్యులార్ డిజెనరేషన్ మరియు కంటిశుక్లం వ్యాధుల ప్రమాదాన్ని మామిడి తగ్గిస్తుంది.
  1. కళ్ళకు మామిడి ప్రయోజనాలు - Mango benefits for eyes in Telugu
  2. చర్మానికి మామిడి ప్రయోజనాలు - Mango benefits for skin in Telugu
  3. బలమైన ఎముకలకు మామిడి - Mango for strong bones in Telugu
  4. కాలేయానికి మామిడి - Mango for liver in Telugu

కళ్ళకు మామిడి ప్రయోజనాలు - Mango benefits for eyes in Telugu

మామిడి మంచి పోషకాలతో నిండిఉంటుంది. మామిళ్ళు విటమిన్లు, కాల్షియం, మెగ్నీషియం మరియు ఇనుముతో నిండి ఉంటాయి. మామిడిలో ఉండే బీటా-కెరోటిన్ మరియు విటమిన్ ఎ కళ్ళ ఆరోగ్యానికి మరియు శ్రేయస్సుకు మంచిది. "వృద్ధాప్యానికి సమీపిస్తున్న కంటికి పోషకాహారం” అనే అధ్యయనం ప్రకారం, విటమిన్ E, విటమిన్ సి, మరియు బీటా-కెరోటిన్ వంటి ఆహార పదార్థాలు కంటిశుక్లం మరియు మక్యూలర్ డిజెనెరేషన్ వంటి వయసు-సంబంధిత కంటి వ్యాధులను నివారించడంలో చాలా ఉపయోగకరంగా ఉంటాయి. అందువల్ల, మామిడి యొక్క సాధారణ క్రమసేవనం మీ కళ్ళను  ఎక్కువ కాలం పాటు ఆరోగ్యంగా మరియు యవ్వనంగా ఉంచవచ్చు.

చర్మానికి మామిడి ప్రయోజనాలు - Mango benefits for skin in Telugu

మామిడిలో ఉండే విటమిన్లు చర్మాన్ని ఆరోగ్యంగా మరియు యవ్వనంగా ఉంచడానికి సహాయపడతాయి. మామిడిలోని విటమిన్ A మరియు విటమిన్ సి లు చర్మా న్ని  సరిచేయడానికి సహాయపడతాయి. ఇది రంధ్రాలను శుభ్రపరుస్తుంది మరియు మొటిమలు రాకుండా చేసి చర్మాన్ని రక్షిస్తుంది. అందువల్ల మామిడిని బాగా తినేవాళ్లు స్వచ్చమైన చర్మాన్ని కలిగి ఉంటారు. ముఖం అందానికి మెరుపు రావడానికి మీరు తేనె మరియు శనగ పిండిని  (besan flour) మామిడి గుజ్జుతో కలిపి ఇంట్లోనే ముఖంపై పట్టీని (face pack)  వేసుకోవచ్చు. మామిడిని తినడంవల్ల దాని యొక్క అనామ్లజని లక్షణాలు చర్మానికి అలెర్జీలు మరియు ముడుతలు కలగకుండా రక్షిస్తుంది.

బలమైన ఎముకలకు మామిడి - Mango for strong bones in Telugu

మామిడి లోని అధిక విటమిన్లు మరియు ఖనిజ పదార్థాలు ఎముక ఆరోగ్యానికి ఈ ఫలాన్ని ఓ పరిపూర్ణమైన ఫలంగా మారుస్తుంది. మామిడి పండ్లను తినడంవల్ల అది ఎముకలు విరగడాన్ని నివారిస్తుంది  ఇది ఎముక బలాన్ని మెరుగుపరుస్తుంది మరియు ఎముక సాంద్రతను పెంచుతుంది.

మంట-వాపును మానుపే (యాంటీ ఇన్ఫ్లమేటరీ) గుణాలు మరియు ప్రతిక్షకారిణి (యాంటీ- ఆక్సిడెంట్) అయిన మామిడి స్వేచ్చారాశులు (ఫ్రీ రాడికల్స్) కల్గించే ఎముక నష్టాన్ని  తగ్గించడంతో పాటుగా కీళ్లనొప్పుల (ఆర్థరైటిస్) యొక్క లక్షణాలను ఉపశమనం చేయటానికి సహాయపడుతుంది.

కాలేయానికి మామిడి - Mango for liver in Telugu

జంతు ఆధారిత వివో  అధ్యయనాలు సూచించిందేమంటే మామిడిలో కాలేయాన్ని రక్షించే (హెపాటోప్రొటెక్టివ్) లక్షణాలను కలిగి ఉండవచ్చునని. ‘మంగిఫెరిన్’ అనబడే ఒక ముఖ్యమైన రసాయన సమ్మేళనం మామిడిలో ఉంది, ఇది కాలేయ నష్టాన్ని తగ్గిస్తుంది. రక్త సరఫరా అకస్మాత్తుగా రభసగా వెనక్కి తిరిగి వచ్చినపుడు కణజాలాలకు గాయం కల్గించడం మూలంగా ఏర్పడే పేగు రెఫెర్ఫ్యూజన్ వలన కలిగే కాలేయ నష్టాన్ని మామిడిలోని మంగిఫెరిన్ తగ్గించగలదని అధ్యయనాలు సూచిస్తున్నాయి. ఈ చర్యను మంగిఫెర్న్ కొన్ని సిగ్నలింగ్ మార్గాల్లో జోక్యం చేసుకోవచ్చని సూచించబడింది. మామిడి యొక్క శోథ నిరోధక మరియు యాంటీఆక్సిడెంట్ లక్షణాలు మామిడి యొక్క కాలేయ రక్షక (హెపాటోప్రొటెక్టివ్) చర్యకు కూడా కారణమయ్యాయి.

మామిడి పండ్లను తినడం ద్వారా హ్యాంగోవర్ను తగ్గించవచ్చు. అంటే, మద్యపానంవల్ల రక్తంలో మిగులుండే మద్యం స్థాయిని (hangover) మామిడిపండు సేవనం తగ్గించగలదని మునుపటి అధ్యయనం పేర్కొంది.

  • కొందరు వ్యక్తులు మామిడిపండ్లను తింటే అలెర్జీలకు గురయ్యే అవకాశం ఉంది.
  • మామిడిపండ్లను దండిగా తింటే గనుక కడుపులో ప్రతికూల ప్రభావాన్ని కలిగించ వచ్చు మరియు అది అతిసారానికి దారి తీయవచ్చు .
  • మామిడి జిగట (latex) లేక రసం కూడా కొంతమందికి అలెర్జీని కల్గిస్తుంది. వాంతులు మరియు శ్వాసకోశ ఇబ్బందులు వంటివి మామిడి రసం అలెర్జీ వలన అనుభవించగల కొన్ని దుష్ప్రభావాలు.
  • చాలా దండిగా మామిడిపండ్లను తినడంవల్ల బరువు పెరగవచ్చు.
  • మామిడి పండ్లు తినడంవల్ల ఇప్పటికే చక్కెరవ్యాధితో (మధుమేహంతో) బాధపడుతున్న వ్యక్తుల రక్తంలో చక్కెర స్థాయి పెరుగుతుంది.
  • నేటి రోజుల్లో, మామిడికాయల్ని కృత్రిమంగా పండ్లుగా మార్చే పద్ధతిని పాటిస్తున్నారు. ఇటువంటి కృత్రిమ మాగుడు పధ్ధతిలో మాగిన మామిడిపండ్లను తినడంవల్ల క్యాన్సర్, నాడీ సంబంధిత రుగ్మతలు, కడుపులో నోప్పి ఉదర రుగ్మతలు వివిధ ఇతర వ్యాధులకు దారితీస్తుంది.

మామిడిపండ్లు తినడంవల్ల కలిగే ప్రయోజనాలు అద్భుతంగా ఉంటాయి. మీరు బలంగా మరియు ఆరోగ్యంగా ఉండటానికి మీ ఆహారంలో మామిడిపండ్లను కూడా చేర్చాలి. మామిడిపండ్లను తినడమంటే అందరికీ ఇష్టమే! విటమిన్లు మరియు ఖనిజాలు సమృద్ధిగా ఉన్నాయి దీనిలో, ఈ ఖనిజాలన్నీ మానవ శరీరానికి చాలా ముఖ్యమైనవి. మామిడిపండు లో యాంటీఆక్సిడెంట్లు, యాంటీ ఇన్ఫ్లమేటరీ (మంట-వాపును తగ్గించేది) మరియు యాంటీ-క్యాన్సర్ లక్షణాలు ఉన్నాయి. ఈ కారణంగా, ఇంకా, దాని బహుముఖ జీవరసాయనిక చర్యలు మరియు ఆరోగ్యాన్ని మెరుగుపరిచే లక్షణాలను పొందడం కోసం ఈ పండును ప్రతి ఒక్కరూ తమ ఆహారంలో చేర్చదిగింది.

और पढ़ें ...

References

  1. United States Department of Agriculture Agricultural Research Service. Basic Report: 09176, Mangos, raw . National Nutrient Database for Standard Reference Legacy Release [Internet]
  2. El-Sayyad SM, Soubh AA, Awad AS, El-Abhar HS. Mangiferin protects against ‭intestinal ischemia/reperfusion-induced ‭liver injury: ‬‬Involvement of PPAR-‭γ, GSK-3β and Wnt/β-catenin pathway‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬. Eur J Pharmacol. 2017 Aug 15;809:80-86. PMID: 28506911
  3. Marianna Lauricella et al. Multifaceted Health Benefits of Mangifera indica L. (Mango): The Inestimable Value of Orchards Recently Planted in Sicilian Rural Areas. Nutrients. 2017 May; 9(5): 525. PMID: 28531110
  4. Helen M Rasmussen, Elizabeth J Johnson. Nutrients for the aging eye . Clin Interv Aging. 2013; 8: 741–748. PMID: 23818772
  5. So-Hyun Kim et al. Ameliorating effects of Mango (Mangifera indica L.) fruit on plasma ethanol level in a mouse model assessed with 1H-NMR based metabolic profiling. J Clin Biochem Nutr. 2011 May; 48(3): 214–221. PMID: 21562641
  6. Marc P. McRae. Vitamin C supplementation lowers serum low-density lipoprotein cholesterol and triglycerides: a meta-analysis of 13 randomized controlled trials J Chiropr Med. 2008 Jun; 7(2): 48–58. PMID: 19674720