myUpchar प्लस+ के साथ पूरेे परिवार के हेल्थ खर्च पर भारी बचत

இஞ்சி செடி, ஜிஞ்சிபிராசியயி குடும்பத்தை சார்ந்த, மஞ்சளைப் போன்று மருத்துவ அற்புதங்களைக் கொண்ட ஒரு தாவரம் ஆகும். அது, உலகம் முழுவதும் உள்ள எந்த ஒரு சமயலறையிலும் காணப்படுகின்ற, முக்கியமான மசாலாப் பொருட்களில் ஒன்றாக இருக்கிறது. சொல்லப் போனால், ஏராளமான பிரபல சமையல் தயாரிப்பு முறைகளில், அதன் காரமான மற்றும் புத்துணர்ச்சியூட்டும் சுவைக்காக, இஞ்சி ஒரு முக்கிய உட்பொருளாக  இருக்கிறது. ஆனால், இந்த சுவையூட்டும் பொருளின் திறன் சமையலறையுடன் மட்டும் முடிந்து விடுவது இல்லை.

பல ஆயிரம் ஆண்டுகளாக இஞ்சி, ஆயுர்வேதம், யுனானி மற்றும் சித்த மருத்துவத்தில், ஒரு குணமளிக்கும் காரணியாகப் பயன்படுத்தப்பட்டு வருகிறது. அது, குமட்டல், வாந்தி, வாயு, மற்றும் வயிற்றுப் பொருமல் ஆகியவற்றைக் குறைக்கப் பயன்படுத்தப்படும் முக்கியமான மூலிகைகளில் ஒன்றாக இருக்கிறது. இஞ்சி தேநீர், உடலில் ஏற்படுத்தும் அதன் வெப்பமூட்டும், மற்றும் கிளர்ச்சியூட்டும் விளைவுகளுக்காக, அநேகமாக இந்தியாவில் அருந்தப்படும் மிகவும் பொதுவான பானமாக இருக்கிறது. வீழ்ச்சிப் பருவத்தில், கிறிஸ்துமஸ் விழாவில் சுவைக்கப்படும் பெரும்பாலான இனிப்புகள், மற்றும் அலங்காரங்களுக்கு, இஞ்சி மிட்டாய்கள் மற்றும் அலங்காரங்கள் பயன்படுத்தப்படுகின்றன.

இஞ்சி என்ற பெயர், அநேகமாக இஞ்சி வேர்களின் அமைப்பைப் விளக்குகின்ற வகையில் "ஊதுகுழல் இசைக்கருவி வேர்" என்ற பொருள்படும்படியான ஸ்ரங்கவெரும் என்ற சம்ஸ்கிருத வார்த்தையில் இருந்து வந்ததாகும்.

உங்களுக்குத் தெரியுமா?

இஞ்சி விழுது எனப் பிரபலமாக அறியப்படும் இஞ்சி, உண்மையில் ஒரு வேர்த்தண்டு அல்லது ஒரு திருத்தப்பட்ட தண்டு ஆகும். 14 ஆம் நூற்றாண்டில் ஒரு பவுண்டு இஞ்சியின் மதிப்பு, ஒரு செம்மறி ஆட்டின் மதிப்புக்கு சமமாகக் கருதப்பட்டது என்பதை அறிந்தால், நீங்கள் ஆச்சரியப்படுவீர்கள். இன்றைய தேதியிலும், இஞ்சி அதன் மருத்துவ மற்றும் சமையல் பயன்களுக்களாக, ஒரு விலை உயர்ந்த பொருளாக நீடிக்கிறது.

இஞ்சியைப் பற்றிய சில அடிப்படை விவரங்கள்:

  • தாவரவியல் பெயர்: ஜிஞ்சிஃபெர் ஆஃபிசினலே
  • குடும்பம்: ஜிஞ்சிபிராசியயி
  • பொதுவான பெயர்கள்: இஞ்சி, மெய் இஞ்சி, அட்ராக்
  • சமஸ்கிருதப் பெயர்: அட்ராகா
  • பயன்படும் பாகங்கள்: தண்டு
  • சொந்த பிராந்தியம் மற்றும் புவியியல் பரவுதல்:
  • இஞ்சி, ஆசியாவின் வெப்ப மண்டல பகுதிகளை சேர்ந்தது. அது, இந்தியா, ஆப்பிரிக்கா, மற்றும் அமெரிக்காவின் சில பகுதிகளில் பரவலாக வளர்க்கப்படுகிறது.
  • ஆற்றலியல்: வெப்பமூட்டுதல்
  1. இஞ்சியின் ஊட்டச்சத்து விவரங்கள் - Ginger nutrition facts in Tamil
  2. இஞ்சியின் ஆரோக்கியம் அளிக்கும் நன்மைகள் - Ginger health benefits in Tamil
  3. இஞ்சியை எவ்வாறு பயன்படுத்துவது - How to use ginger in Tamil
  4. ஒரு நாளுக்கு எவ்வளவு இஞ்சி எடுத்துக் கொள்ளலாம் - How much ginger can be taken per day in Tamil
  5. இஞ்சியின் பக்க விளைவுகள் - Ginger side effects in Tamil

100 கி இஞ்சியில் உள்ள ஊட்டச்சத்துக்களின் அளவு விவரங்கள் பின்வருமாறு:

விவரங்கள் அளவு
தண்ணீர் 78.9 கி
கார்போஹைட்ரேட்கள் 17.7 கி
நார்ச்சத்து 2 கி
புரதச்சத்து 1.8 கி
கொழுப்புகள் 0.75 கி
கால்சியம் 16 மி.கி
மெக்னீஷியம் 43 மி.கி
பொட்டாசியம் 415 மி.கி
வைட்டமின் சி 5 மி.கி

  ஆற்றல்: 80 கலோரிகள்

இஞ்சி, கிட்டத்தட்ட உடலின் முக்கியமானஅனைத்து செயல்பாடுகளுக்குமான மருத்துவ குணம் கொண்ட, ஒரு உயர்ந்த உணவாக இருக்கிறது. இந்த ஆயுர்வேத அற்புதத்தின் அனைத்து மருத்துவ நன்மைகளையும், ஒரே நேரத்தில் கணக்கிடுவது மிகவும் கடினமானது ஆகும்.

இஞ்சி, ஒரு வாந்தி அடக்கி (குமட்டல் மற்றும் வாந்தியை நிறுத்துகிறது), இருமல் அடக்கி (இருமலைக் அடக்குகிறது), அழற்சி எதிர்ப்பான், நுண்ணுயிர் எதிர்ப்பி மற்றும் ஒரு அருமையான ஆக்சிஜனேற்ற எதிர்ப்பி ஆகும். மேலும், அதன் சர்க்கரைக்குறைப்பு (இரத்த சர்க்கரை அளவைக் குறைக்கிறது), மற்றும் கொழுப்புக்குறைப்பு (கொழுப்பு அளவுகளைக் குறைக்கிறது) விளைவுகள், இதய ஆரோக்கியத்தைப் பராமரிக்க மிகவும் நன்மை அளிக்கின்றதாகக் கண்டறியப்பட்டு உள்ளது. இந்த இடத்தில் மிகவும் விரிவான விவரங்களுக்குள் போகாமல், இஞ்சி விழுதின் நிரூபிக்கப்பட்ட ஆதாரங்களின் அடிப்படையிலான ஆரோக்கிய நன்மைகளை, நாம் காணலாம்.

  • குமட்டலைக் குறைக்கிறது: இஞ்சி, குமட்டல் மற்றும் வாந்தியை நிறுத்துவதற்கான சிறந்த நிவாரணிகளில் ஒன்றாகும். அது, கர்ப்ப காலத்தில், மற்றும் பயண சுகவீனத்தினால் ஏற்படும் குமட்டலைக் குறைப்பது மட்டும் அல்லாமல், கூடவே அறுவை சிகிச்சைக்குப் பின்னர், மற்றும் கீமோதெரபியின் காரணமாக ஏற்படும் குமட்டலையும் குறைப்பதில், திறன்மிக்கதாக இருப்பது கண்டறியப்பட்டு இருக்கிறது.
  • எடையைக் குறைக்க உதவுகிறது: இஞ்சி, உடல் எடையைக் குறைப்பதில் திறன்மிக்கதாகப் பாரம்பரியமாக அறியப்படுகிறது. இந்த மூலிகையானது, பசியுணர்வைக் கடிவாளமிட்டுக் கட்டுப்படுத்துவது, கொழுப்பு வளர்சிதை மாற்றத்தில் குறுக்கிடுவது, மற்றும் உடல் வெப்பத்தை அதிகரிப்பது ஆகிய செயல்களின் மூலம், உடல் எடைக் குறைப்பை ஊக்குவிக்கிறது என இப்பொழுது அறிவியல்பூர்வமாக நிரூபிக்கப்பட்டு இருக்கிறது.
  • இருமல் மற்றும் ஜலதோஷத்துக்கு: இஞ்சி, காய்ச்சல் மற்றும் ஜலதோசத்தைக் குறைக்கக் காரணமாகுமாறு, உடலில் உள்ள பித்தத்தை அதிகரிக்கிறது. மேலும் அது, இருமலில் இருந்து நிவாரணம் அளிக்கிறது எனக் கண்டறியப்பட்டுள்ள ஒரு நுண்ணுயிர் எதிர்ப்பு விளைவையும், மற்றும் செயல்திறன் மிக்க தொகுதிகளையும் கொண்டிருக்கிறது.
  • செரிமான சக்தியை அதிகரிக்கிறது: இஞ்சி, செரிமான சக்தியையும், மற்றும் குடல்களில் இருந்து உணவைக் கிரகிப்பதையும் அதிகரிப்பதாக அறியப்படுகிறது. மேலும் அது வயிறு வீங்குதல் மற்றும் வயிற்று வாயுவையும் குறைக்கிறது
  • பெண்களுக்கான நன்மைகள்: இஞ்சி, மாதவிடாய் தசைப்பிடிப்புகளுக்கு நன்கு அறியப்பட்ட ஒரு நிவாரணி ஆகும். மருத்துவ ஆய்வுகள், மாதவிடாய் ஆரம்பிப்பதற்கு 3 நாட்களுக்கு முன்பிருந்து, மாதவிடாயின் முதல் 2 நாட்கள் முடிய, இஞ்சியை உட்கொள்வது, மாதவிடாய் வலியில் இருந்து விடுபட உதவுகிறது எனத் தெரிவிக்கின்றன. மேலும் அது, மாதவிடாயின் போது ஏற்படும் அதிகப்படியான இரத்தப்போக்கையும் குறைக்கிறது.
  • இரத்த அழுத்தத்தைக் குறைக்கிறது: ஆயுர்வேத மருத்துவத்தில் இஞ்சி, ஒரு அழுத்தக் குறைப்பானாக (இரத்த அழுத்தத்தைக் குறைக்கிறது) பயன்படுத்தப்படுகிறது. அது இரத்த அழுத்தத்தைக் குறைக்க உதவுகிற வகையில், இரத்தக் குழாய் சுவர்களுக்கு ஒரு ஓய்வளிக்கும் விளைவைக் கொண்டிருப்பதாகக் கண்டறியப்பட்டு உள்ளது.
  1. காலை நேர சுகவீனத்துக்காக இஞ்சி - Ginger for morning sickness in Tamil

காலை நேர சுகவீனத்துக்காக இஞ்சி - Ginger for morning sickness in Tamil

காலை நேர சுகவீனம் என்பது, கர்ப்ப காலத்தில் பெரும்பாலான பெண்களுக்கு ஏற்படுகின்ற குமட்டல் மற்றும் வாந்தி பிரச்சினைகளைக் குறிக்கப் பயன்படுத்தப்படும் ஒரு பதமாகும். காலை நேர சுகவீனத்தைக் குறைப்பதற்காக கிடைக்கின்ற வழக்கமான மருந்துகள், அவற்றின் சொந்தமான பக்க விளைவுகளின் இணைப்புகளோடு வருகின்றன. அதற்கும் மேல், பெரும்பாலான கர்ப்பிணிப் பெண்கள், கருவில் இருக்கும் குழந்தைக்கு ஏதேனும் பாதிப்பை ஏற்படுத்தக் கூடும் என்ற அச்சத்தில், எந்த வகை குமட்டல் எதிர்ப்பு மருந்துகளையும் எடுத்துக் கொள்வதில்லை.

மற்றொரு புறம் பார்க்கையில், அது போன்ற நிலைகளில் மூலிகை பொருட்கள் மிகவும் விரும்பத்தக்கவையாக இருக்கின்றன. அவை விரும்பி பயன்படுத்தப்படுவதற்கும், மற்றும் பரவலாக நன்கு அறியப்பட்டு இருப்பதற்கும் அவற்றின் செயல்திறன் மட்டும் அல்லாமல், கூடவே அவை, சில மருந்துகள் கொண்டிருக்கும் எந்த விதப் பக்கவிளைவுகளையும் கொண்டிருக்காததும் ஒரு காரணமாகும். இஞ்சி, குமட்டல் மற்றும் வாந்திக்கு நன்கு அறியப்பட்ட ஒரு நிவாரணி ஆகும்.

காலை நேர சுகவீனத்தின் அறிகுறிகளைக் குறைப்பதில் இஞ்சியின் திறனைப் பரிசோதிக்க, எண்ணற்ற ஆய்வுகள் நடத்தப்பட்டு இருக்கின்றன. வீட்டு மருத்துவத்துக்கான அமெரிக்க குழுவின் நாளேட்டில் வெளியிடப்பட்டுள்ள ஒரு ஆய்வுக்கு கட்டுரையின் படி, குறைந்தபட்சம் ஆறு மாறுபட்ட மருத்துவ ஆய்வுகள், கர்ப்ப காலத்தின் ஆரம்ப கட்டத்தில் ஏற்படும் காலை நேர சுகவீன அறிகுறிகளின் கடுமையைக் குறைப்பதில் இஞ்சி உதவிகரமாக இருப்பதை சுட்டிக் காட்டுகின்றன. இருப்பினும், அது செயல்படும் சரியான செயல்பாட்டு முறை இதுவரை கண்டறியப்படவில்லை.

இஞ்சி மிகவும் பொதுவாக ஒரு மசாலாப் பொருளாக, மற்றும் ஒரு சுவையூட்டும் காரணியாகப் பல்வேறு ஆசிய உணவு தயாரிப்பு முறைகளில் பயன்படுத்தப்படுகிறது. இஞ்சியின் நறுமணம் மிக்க சுவையானது, இஞ்சி மிட்டாய், மாவுப்பண்டங்கள், கேக்குகள், மற்றும் இஞ்சி சார்ந்த இனிப்பு வகைகளின் பிரத்யேக அடையாளமாக இருக்கிறது. மேலும் அது, இஞ்சி மதுவின் முதன்மையான நறுமண சுவையூட்டும் பொருளாகவும் இருக்கிறது. தோல் அழற்சி மற்றும் நோய்த்தொற்றுக்களை குறைப்பதற்கு, இஞ்சி எண்ணெய் மேற்பூச்சாகத் தடவப்படுகிறது.

கரம் மசாலா எனப்படும் பிரபலமான மசாலா கலவையின் முக்கிய உட்பொருட்களில் ஒன்றாக இஞ்சிப் பொடி இருக்கிறது. மேலும் அது, பானக்கம் (வெல்லம் மற்றும் உலர்ந்த இஞ்சியைக் கொண்டு தயாரிக்கப்படும் இந்திய பானம்) போன்ற பானங்கள், மற்றும் பல்வேறு உணவுகளில் ஒரு பிரத்யேகமான காரத்தை அளிப்பதற்காகவும் பயன்படுத்தப்படுகிறது.

இஞ்சி மாத்திரைகள் மற்றும் குழாய் மாத்திரைகள் ஆகியவையும், பல்வேறு ஆரோக்கியம்-தொடர்பான பிரச்சினைகளுக்கு சிகிச்சை அளிக்கப் பயன்படுத்தப்படுகின்றன.

எவ்வாறு இஞ்சித் தண்ணீர் தயாரிப்பது

இஞ்சித் தண்ணீர் அல்லது இஞ்சித் தேநீர், செரிமான அசௌகரியத்துக்கான வீட்டு நிவாரணியாக, மிகவும் பரவலாகப் பயன்படுத்தப்படுகின்ற  ஒன்று ஆகும். இஞ்சி, எலுமிச்சை மற்றும் தேன் ஆகியவற்றைக் கொண்டு தயாரிக்கப்படும் தேநீர், உடல் எடையைக் குறைக்கவும் கூட பயன்படுத்தப்படுகிறது. சொல்லப் போனால், ஏராளமான பிரபல நிறுவனங்கள், தங்கள் சொந்த தயாரிப்பாக தேன், இஞ்சி கலந்த தேநீர் அல்லது எலுமிச்சை, இஞ்சி மற்றும் தேன் கலந்த தேநீர் ஆகியவற்றை விற்பனை செய்கின்றன. ஒரு சமீபத்திய ஆய்வின் படி, இஞ்சி மற்றும் பசுமை தேநீர், அவை தனியாக வெளிப்படுத்தும் ஆக்சிஜனேற்ற எதிர்ப்பு செயல்பாட்டுடன் ஒப்பிடும் பொழுது, இரண்டும் சேர்ந்து மிகவும் வலிமையான செயல்பாட்டினை வெளிப்படுத்துகின்றன. இஞ்சித் தண்ணீர் தயாரிக்கும் ஒரு எளிய வழிமுறை இங்கே கொடுக்கப்பட்டிருக்கிறது:

  • ஒரு பாத்திரத்தில் இரண்டு கோப்பை அளவு தண்ணீரைக் கொதிக்க வைக்கவும்.
  • ஒரு சிறு துண்டு இஞ்சி விழுதினை கொதிக்கும் தண்ணீரில் போடவும்.
  • அதை 5-6 நிமிடங்களுக்கு நன்கு கொதிக்க விடவும்.
  • அடுப்பில் இருந்து பாத்திரத்தை இறக்கி, அந்தத் தண்ணீரை வடிகட்டி, பின்னர் வெதுவெதுப்பான சூட்டில் அருந்தவும்.

உங்கள் இஞ்சி தேநீரின் நுண்ணுயிர் எதிர்ப்பு, மற்றும் ஆக்சிஜனேற்ற எதிர்ப்பு பண்புகளை அதிகரிக்க, மற்றும் அதன் சுவையை மேலும் அதிகரிக்க, உங்கள் இஞ்சி தண்ணீரில், நீங்கள் சிறிதளவு தேன் மற்றும் எலுமிச்சை சாறும் கூட கலந்து கொள்ளலாம்.

சில மருத்துவ ஆய்வுகளில், எந்த வித குறிப்பிடத்தகுந்த பக்க விளைவுகளும் இன்றி, ஒரு நாளுக்கு 1-3 கிராம் அளவு இஞ்சிப் பொடி பயன்படுத்தப்பட்டு இருக்கிறது. இஞ்சி எடுத்துக் கொள்ளும் பொருத்தமான அளவானது, தனிநபரின் உடல் அமைப்பு மற்றும் அறிகுறிகளைப் பொறுத்து இருக்கும்.

  • இஞ்சி, இயற்கையில் ஒரு வெப்பமூட்டும் மூலிகையாகும். அதனால், அளவுக்கு அதிகமாக எடுத்துக் கொள்வது, நெஞ்செரிச்சல், வயிற்றுப்போக்கு அல்லது பிற வயிறு தொடர்பான பிரச்சினைகள் ஏற்படக் காரணமாகக் கூடும்.
  • இஞ்சி, இரத்த அழுத்தத்தைக் குறைக்கிறது என்று ஆய்வுகள் தெரிவிக்கின்றன. எனவே, நீங்கள் இயற்கையாகவே குறைந்த இரத்த அழுத்தத்தைக் கொண்டிருந்தால், அல்லது இரத்த அழுத்தக் குறைப்பு மாத்திரைகளை எடுத்துக் கொண்டு இருந்தால், இஞ்சியைத் தவிர்ப்பது மிகவும் நல்லது ஆகும்.
  • ஒருவேளை நீங்கள் வேறு ஏதேனும் வகை மருந்துகளை எடுத்துக் கொண்டிருந்தால், எந்த ஒரு வடிவத்திலும் இஞ்சியை எடுத்துக் கொள்ளும் முன்னர், உங்கள் மருத்துவரின் ஆலோசனையைப் பெறுவது மிகவும் நல்லது ஆகும்.
  • இஞ்சி, கர்ப்பிணிப் பெண்களுக்கு ஏற்படும் காலை நேர சுகவீனத்தின் அறிகுறைகளைக் குறைக்க உதவிகரமாக இருப்பதாகத் தெரிவிக்கப்பட்டு இருக்கிறது. ஆனால், கர்ப்ப காலத்தின் போது இஞ்சி எடுத்துக் கொள்ளும் பொழுது, கண்டிப்பாக ஒரு மிதமான போக்கைக் கடைப்பிடிக்க வேண்டும்.
और पढ़ें ...

References

  1. Bode AM, Dong Z. The Amazing and Mighty Ginger. In: Benzie IFF, Wachtel-Galor S, editors. Herbal Medicine: Biomolecular and Clinical Aspects. 2nd edition. Boca Raton (FL): CRC Press/Taylor & Francis; 2011. Chapter 7.
  2. United States Department of Agriculture Agricultural Research Service. Basic Report: 11216, Ginger root, raw. National Nutrient Database for Standard Reference Legacy Release [Internet]
  3. Lacroix R, Eason E, Melzack R. Nausea and vomiting during pregnancy: A prospective study of its frequency, intensity, and patterns of change. Am J Obstet Gynecol. 2000 Apr;182(4):931-7. PMID: 10764476
  4. Pongrojpaw D, Somprasit C, Chanthasenanont A. A randomized comparison of ginger and dimenhydrinate in the treatment of nausea and vomiting in pregnancy. J Med Assoc Thai. 2007 Sep;90(9):1703-9. PMID: 17957907
  5. Ozgoli G, Goli M, Simbar M. Effects of ginger capsules on pregnancy, nausea, and vomiting. J Altern Complement Med. 2009 Mar;15(3):243-6. PMID: 19250006
  6. Thomson M, Corbin R, Leung L. Effects of ginger for nausea and vomiting in early pregnancy: a meta-analysis. J Am Board Fam Med. 2014 Jan-Feb;27(1):115-22. PMID: 24390893
  7. National Health Service [Internet]. UK; Motion sickness.
  8. Grøntved A, Hentzer E. Vertigo-reducing effect of ginger root. A controlled clinical study. ORL J Otorhinolaryngol Relat Spec. 1986;48(5):282-6. PMID: 3537898
  9. Holtmann S, Clarke AH, Scherer H, Höhn M. The anti-motion sickness mechanism of ginger. A comparative study with placebo and dimenhydrinate. Acta Otolaryngol. 1989 Sep-Oct;108(3-4):168-74. PMID: 2683568
  10. Stewart JJ, Wood MJ, Wood CD, Mims ME. Effects of ginger on motion sickness susceptibility and gastric function. Pharmacology. 1991;42(2):111-20. PMID: 2062873
  11. Martin R Tramèr. Treatment of postoperative nausea and vomiting. BMJ. 2003 Oct 4; 327(7418): 762–763. PMID: 14525850
  12. Jamal Seidi, Shahrokh Ebnerasooli,2 irous Shahsawari, Simin Nzarian. The Influence of Oral Ginger before Operation on Nausea and Vomiting after Cataract Surgery under General Anesthesia: A double-blind placebo-controlled randomized clinical trial. Electron Physician. 2017 Jan; 9(1): 3508–3514. PMID: 28243400
  13. Chaiyakunapruk N et al. The efficacy of ginger for the prevention of postoperative nausea and vomiting: a meta-analysis. Am J Obstet Gynecol. 2006 Jan;194(1):95-9. PMID: 16389016
  14. Bloechl-Daum B, Deuson RR, Mavros P, Hansen M, Herrstedt J. Delayed nausea and vomiting continue to reduce patients' quality of life after highly and moderately emetogenic chemotherapy despite antiemetic treatment.. J Clin Oncol. 2006 Sep 20;24(27):4472-8. PMID: 16983116
  15. Alizadeh-Navaei R et al. Investigation of the effect of ginger on the lipid levels. A double blind controlled clinical trial. Saudi Med J. 2008 Sep;29(9):1280-4. PMID: 18813412
  16. Ghayur MN, Gilani AH. Ginger lowers blood pressure through blockade of voltage-dependent calcium channels. J Cardiovasc Pharmacol. 2005 Jan;45(1):74-80. PMID: 15613983
  17. A. S. Rex, Aagaard, J. Fedder. DNA fragmentation in spermatozoa: a historical review. Andrology. 2017 Jul; 5(4): 622–630. PMID: 28718529
  18. Yong Miao et al. 6-Gingerol Inhibits Hair Shaft Growth in Cultured Human Hair Follicles and Modulates Hair Growth in Mice. PLoS One. 2013; 8(2): e57226. PMID: 23437345
  19. Parvin Rahnama. Effect of Zingiber officinale R. rhizomes (ginger) on pain relief in primary dysmenorrhea: a placebo randomized trial. BMC Complement Altern Med. 2012; 12: 92. PMID: 22781186
  20. KALRA M, KHATAK M, KHATAK S. Cold And Flu: Conventional vs Botanical & Nutritional Therapy. International Journal of Drug Development & Research | Jan-March 2011 | Vol. 3 | Issue 1