அத்தியின் நன்மைகள், பக்க விளைவுகள் மற்றும் அத்தியை எவ்வாறு உண்பது - Anjeer Benefits, Side Effects and How to Eat Anjeer in Tamil

இளமை மற்றும் பிரகாசமாகத் தோற்றம் அளிக்க வேண்டும் என விரும்பும் நபர்களில் நீங்களும் ஒருவராக இருந்தால், உங்களுக்கு ஆக்சிஜனேற்ற எதிர்ப்பிகள் பற்றி தெரிந்து இருக்கக் கூடும்.அவை உடலில் இருந்து அடிப்படைக் கூறு சார்ந்த நச்சுக்களை (உடலுக்கு நச்சான தீமை தரும் ஆக்சிஜன்) துப்புரவு செய்வதில் உதவுவதோடு மட்டும் அல்லாமல், அவை, இதயம் மற்றும் கல்லீரல் போன்ற பல்வேறு உடல் உறுப்புகளின் ஆரோக்கியத்தைப் பராமரிப்பதிலும் மிகவும் பயன்மிக்கதாக இருக்கின்றன. அத்திப்பழங்களில் இருக்கின்ற பீனால்ஸ் மற்றும் ஃபிளவானோய்ட்ஸ் (இயற்கையில் கிடைக்கின்ற ஒரு வகை வேதியியல் மூலப்பொருள்) ஆகியவை, அத்திப்பழத்தை ஒரு அற்புதமான ஆக்சிஜனேற்ற எதிர்ப்பியாக்குகின்றன என அறிவியலாளர்கள் தெரிவிக்கின்றனர். இதற்கும் மேலாக, ஆக்சிஜனேற்ற எதிர்ப்பிகள், உடலில் நச்சுத்தன்மை அழுத்தத்தை குறைக்கின்றன மற்றும் முன்கூட்டியே தோன்றும் முதுமைத் தோற்றம் உட்பட, வயது தொடர்பான அதிக அளவிலான பிரச்சினைகளையும் குறைக்கின்றன.

(மேலும் படிக்க: ஆக்சிஜனேற்ற எதிர்ப்பி நிறைந்த உணவு)

அத்திப்பழங்களின் அதிக அளவிலான ஊட்டச்சத்து பண்புகள், அதனைக் கர்ப்பிணிப் பெண்களுக்கு மிகவும் பரிந்துரைக்கப்படும் உணவுகளில் ஒன்றாக மாற்றி இருக்கின்றன. அது, இந்த நேரத்தில், அவர்களுக்கு ஏற்படும் வைட்டமின்கள் மற்றும் தாதுக்களின் அதிகப்படியான தேவையைப் பூர்த்தி செய்ய உதவுகிறது. முதலில், கருவில் இருக்கும் சிசுவின் வளர்ச்சிக்கு மற்றும் தாயின் எலும்பு ஆரோக்கியத்தைப் பராமரிக்க, மிகவும் தேவைப்படுகிற தாதுக்களில் ஒன்றான சுண்ணாம்பு சத்தின் ஒரு நல்ல ஆதாரமாக அத்திப்பழங்கள் இருக்கின்றன. அடுத்தபடியாக, இந்தப் பழத்தில் இருக்கும் வைட்டமின் பி கூறுகள், கர்ப்ப காலத்தின் முதல் மூன்று மாதங்களில் ஏற்படும் காலை நேர பலவீனத்தை சமாளிக்க அவர்களுக்கு உதவுகின்றது. இருப்பினும், அளவுக்கு அதிகமாக உண்பது தவிர்க்கப்பட வேண்டும், மேலும், அத்திப்பழத்தை ஒரு மருந்து அல்லது கஷாயமாக எடுத்துக் கொள்ள நீங்கள் எண்ணினால், உங்கள் மருத்துவரிடம் முறையான அளவுகள் குறித்து பேசுவது எப்போதும் மிகவும் நல்லது.

எலும்புகள் உடலின் அடிப்படைக் கட்டமைப்பை உருவாக்குகின்றன, மேலும் ஒரு நல்ல எலும்புகள் ஆரோக்கியத்தைப் பராமரிப்பது, வாழ்க்கையின் அடிப்படைத் தேவைகளில் ஒன்று என்பதை நீங்கள் ஒப்புக் கொள்வீர்கள். துரதிர்ஷ்டவசமாக, நம் வயது அதிகமாக ஆக, எலும்புகளில் இருந்து, இயற்கையாகவே சுண்ணாம்பு சத்து குறையத் தொடங்குகிறது. இதனால், நமது உடலின் இயற்கையான சுழற்சி, எலும்புகள் பலவீனமாக வளர்வதற்கும் மற்றும் உடைதல் மற்றும் தேய்மானத்தினால் அதிக அளவு பாதிக்கப்படுவதற்கும், எளிதானதாக ஆக்குகிறது. அதன் விளைவாக, நமது முதுமைப் பருவத்தில் நாம் எலும்பு முறிவுகளால் பாதிக்கப்படுகிறோம் மற்றும் எலும்பு தேய்மானம் போன்ற வியாதிகளும் வரக் கூடும். அதிர்ஷ்டவசமாக, நமது உணவுடன் பிற்சேர்க்கையாக சுண்ணாம்பு சத்தினை எடுத்துக் கொள்வதன் மூலமாக, நமது எலும்புகள் முதுமை அடைவதைத் தவிர்க்க மற்றும் தாமதப்படுத்த நம்மால் இயலும். சந்தையில் எல்லா இடத்திலும், மிக அதிகமான வணிக ரீதியிலான சுண்ணாம்பு சத்து பிற்சேர்க்கைப் பொருட்கள் கிடைக்கின்ற அதே வேளையில், உடலில் அளவுக்கு அதிகமான சுண்ணாம்பு சத்து படிவங்கள் மற்றும் கற்களை உருவாக்கும் சாத்தியங்கள் உள்ள, சில சிறிய பக்க விளைவுகளை அவை கொண்டு இருக்கின்றன. உங்கள் எலும்புகள் மற்றும் பற்களை நீண்ட காலத்துக்கு ஆரோக்கியமாக வைத்துக் கொள்ள, உங்கள் உணவுடன் சேர்த்து ஒரு இயற்கையான சுண்ணாம்பு சத்து ஆதாரமாக இருக்கும் அத்திப்பழங்களை எடுத்துக் கொள்வது, அவற்றை விட மிக அதிக அளவில் நன்மை மிக்கதாக இருக்கும். அத்திப்பழத்தில் இருக்கும் சுண்ணாம்பு சத்தின் அளவு வெண்ணை எடுக்கப்பட்ட பாலில் (28 கிராம்கள் அளவுள்ள அத்திப்பழங்கள், உங்கள் தினசரி சுண்ணாம்பு சாது தேவையில் 5% பூர்த்தி செய்வதாகக் கூறப்படுகிறது) இருக்கும் சுண்ணாம்பு சத்துக்கு சமமாக இருப்பதாகக் கூறப்படுகிறது. அத்திப்பழங்கள், சுண்ணாம்பு சத்துடன் கூடவே, எலும்புகளை செறிவூட்டும் மற்ற இரண்டு தாதுக்களான மக்னீசியம் மற்றும் பாஸ்பரஸ் ஆகியவற்றையும் அதிக அளவில் கொண்டிருக்கின்றன.

ஆயுர்வேதத்தில், அத்தி இலைகள் ஒரு அறியப்பட்ட காய்ச்சல் தணிப்பியாக (உடல் வெப்பம் மற்றும் காய்ச்சலைக் குறைக்கிற) இருக்கின்றன. சமீபத்தில், அத்தி இலைகளில் இருந்து எடுக்கப்படும் எத்தனால் சாறு, அந்த சாற்றின் அளவைப் பொருத்தவாறு, சக்தி வாய்ந்த காய்ச்சல் தணிப்பு குணங்களைக் கொண்டிருக்கின்றன என மருத்துவ ஆய்வுகள் தெரிவிக்கின்றன. அதன் தாக்கம், மிகவும் வழக்கமான வணிக காய்ச்சல் தணிப்பிகளை விட மிக அதிக அளவில், 5 மணி நேரங்கள் வரையில் நீடிப்பது எடுத்துக் காட்டப்பட்டு இருக்கிறது.

(மேலும் படிக்க: காய்ச்சலுக்கான காரணங்கள் மற்றும் சிகிச்சை)

அத்திப்பழங்கள் இயற்கையான சிறுநீர் பிரிப்பு ஊக்கியாக இருப்பதாக அறியப்படுகின்றன, அதாவது, அவை உடலில் இருந்து நச்சுக்களை வெளியேற்றுகின்றன மற்றும் சிறுநீரகத்தில் இருந்து அதிகப்படியான உப்புக்கள் மற்றும் தண்ணீரை வெளியேற்றுகின்றன. அதன் மூலம் சிறுநீரகத்தை ஆரோக்கியமாகவும் மற்றும் உடலை நச்சுக்களில் இருந்து பாதுகாப்பாகவும் வைக்கின்றன. நச்சுக்கள் அற்ற ஒரு உடல் சிறப்பாக செயல்படுவது மட்டும் அல்லாமல், கூடவே அது முதுமை பெறுதலும் மென்மையாக நடைபெறுகிறது.

உயர் இரத்த அழுத்தம் என்பது, இன்றைய நாட்களில் நீங்கள் கடந்து செல்லக் கூடிய மிகவும் பெரும்பாலான பிரச்சினைகளில் ஒன்று ஆகும். ஒரு காலத்தில் நடுத்தர வயதினருக்கு ஏற்படும் ஒரு பிரச்சினையான இது, இன்றைய காலகட்டத்தில், உலகம் முழுவதும் உள்ள, அனைத்து வயதுப்பிரிவினர் மற்றும் பாலினத்தவர்களிடையே அதிகமாக காணப்படுவதாக மாறி இருக்கிறது. பெரும்பாலான நபர்களுக்கு, மன அழுத்தம், உயர் இரத்த அழுத்தத்தை ஏற்படுத்தும் காரணமாக இருக்கின்ற வேளையில்; வாழ்க்கைமுறை பிரச்சினைகள், உடல் பருமன் மற்றும் உணவுத் தேர்வுகள் ஆகியவை இதில் ஒரு பெரும் பங்கு வகிக்கின்றன, உப்பு மற்றும் காரம் அதிகம் நிறைந்த உணவுகளைத் தொடர்ந்து எடுத்துக் கொள்வது உடலில் உள்ள சோடியம் உப்பின் அளவை அதிகரிக்கிறது, அதனால் நமது உடலில் உள்ள உப்புக்களின் அளவுகளில் ஒரு சமமின்மையை உருவாக்குகிறது. உடலின் சோடியம் உப்பு அளவுகளை சீர்படுத்துவது பொட்டாசியம் ஆகும். தொடர்ந்து அத்திப்பழங்களை உட்கொண்டு வருவது, பொட்டாசியத்தின் ஒரு நல்ல ஆதாரம் என ஆய்வுகள் வெளிப்படுத்தி இருக்கின்றன. அது இரத்த அழுத்தத்தைக் குறைப்பதில் மிகவும் நன்மை மிகுந்ததாக இருக்கிறது. இந்தப் பழம், உடலில் இரத்த அழுத்த அளவுகளை இயல்பான அளவில் பராமரிக்கத் தேவையான, மிக முக்கியமான தாதுக்களில் ஒன்றான பொட்டாசியத்தை அதிக அளவில் கொண்டிருக்கிறது.

அத்திப்பழ சாறு இருமல் மற்றும் ஜலதோஷத்துக்கு எதிரான ஒரு நிவாரணமாக அறியப்படுகிறது. ஆயுர்வேதத்தில், அத்திப்பழ சாறு அருந்துவது, தொண்டையில் இருந்து அதிகப்படியான சளியை வெளியேற்றுகிறது மற்றும் தொண்டை தசைகளுக்கு ஊட்டச்சத்தினை வழங்குகிறது என அறியப்படுகிறது. அதனால், அத்தி, உங்களுக்கு தொண்டை வலியில் இருந்து நிவாரணம் அளிப்பது மட்டும் அல்லாமல், அந்தப் பிரச்சினை மறுபடி வரவதைத் தடுக்க போதுமான அளவுக்கு, உங்கள் தொண்டையை வலிமைப்படுத்தவும் உதவுகிறது. இந்தப் பண்புகள் இணைந்திருப்பதால், அத்திப்பழங்கள், நாள்பட்ட இருமல்கள் மற்றும் அது போன்ற மற்ற சுவாசம் சார்ந்த பிரச்சினைகளுக்கு எதிரான ஒரு திறன்வாய்ந்த காரணியாக இருக்கின்றன.

அத்திப்பழங்களின் ஊட்டம் மிக்க மற்றும் ஆக்சிஜனேற்ற எதிர்ப்பு விளைவுகள், பெரும்பாலான உச்சந்தலை பிரச்சினைகளைக் கையாள்வதில் நன்மை தருவதாக இருப்பதோடு மட்டும் அல்லாமல், அது முடிகளுக்கும் ஊட்டமளித்து அவற்றை நன்கு சீரமைக்கவும் செய்கிறது. அத்தி விதை எண்ணையை மேற்பூச்சாகப் பயன்படுத்துவது, உங்கள் முடிகளின் இயற்கையான பளபளப்பைப் பராமரிக்க மற்றும் முடி உதிர்வு ஏற்படுவதைத் தடுக்கத் தேவையான மிகவும் முக்கியமான வைட்டமின் இ மற்றும் வைட்டமின் கே ஆகியவற்றை உங்கள் முடிகளுக்கு வழங்குவதாக அறியப்படுகிறது.

அத்திப்பழங்கள், சொரியாஸிஸ், முகப்பரு மற்றும் சிரங்கு போன்ற தோல் நோய்களுக்கு சிகிச்சையளிப்பதில் உள்ள அதன் நன்மைகளுக்காக, பாரம்பரிய மற்றும் நாட்டு மருத்துவ நடைமுறைகளில் பயன்படுத்தப்பட்டு இருக்கின்றன. மேல்பூச்சாக அவற்றைத் தடவும் பொழுது, அவை தோலின் மீது ஒரு ஊட்டம் மிக்க மற்றும் ஆக்சிஜனேற்ற எதிர்ப்பு விளைவைக் கொண்டிருக்கின்றன. ஈரானில் மேற்கொள்ளப்பட்ட ஒரு ஆய்வு, மருக்களுக்கு சிகிச்சை அளிப்பதில், அத்திப்பழத்தின் பாலை மேற்பூச்சாகத் தடவுவது, கடுங்குளிர் சிகிச்சை (மிகவும் குறைந்த வெப்பநிலைக்கு உறைய வைத்து, பின்னர் அதனை வெட்டி எடுப்பது) போன்ற நிவாரணத்தைக் கொடுப்பதாகத் தெரிவிக்கிறது. செயல்படும் விதத்தின் சரியான முறை தெரியாமல் இருக்கிறது, ஆனால், மருக்களைத் திறம்பட நீக்குவதில் பெரும் பங்குடைய, சில புரதச்சிதைவு (புரதங்களை நொறுக்குதல்) செயல்பாடுகளை அத்தி பால் கொண்டிருப்பதாக அறிவியலாளர்கள் நம்புகிறார்கள்.

அத்திப்பழத்தினை உண்பது, இரத்த சர்க்கரை அளவுகளைக் குறைப்பதில் உதவிகரமாக இருப்பதாக ஆய்வுகள் தெரிவிக்கின்றன. அத்திப்பழங்களின் மேல் நடத்தப்பட்ட ஒரு ஆராய்ச்சி, இந்தப் பழத்தினை தொடர்ந்து உட்கொண்டு வருவது, சர்க்கரை மீது இன்சுலினின் உணர்திறனை அதிகரிக்கிறது, மற்றும் அதன் மூலம் இரத்தத்தில் இருந்து அதிக அளவு சர்க்கரை எடுத்துக் கொள்ளப்படுகிறது என சுட்டிக் காட்டுகிறது. இருந்தாலும், உங்கள் மருத்துவரிடம், குறிப்பாக நீங்கள் நீரிழிவு நோயினால் பாதிக்கப்பட்டு இருந்தால், பரிசோதித்துக் கொள்வது மிக நல்லது.

ஒரு சமீபத்திய ஆய்வின் படி, இந்தியாவில் உள்ள, 15-50 வயது கொண்ட பெண்களில் 51% அளவுக்கு இரத்த சோகை கொண்டவர்களாக உள்ளனர். இந்த பிரச்சினைக்கு முக்கிய காரணிகளில் ஒன்று, உணவில் இரும்புச்சத்து குறைபாடு இருப்பதே ஆகும். அத்திப்பழங்கள், ஹீமோகுளோபின் (உடலுக்குள் ஆக்சிஜனை பரிமாற்றம் செய்ய உதவுகிற, இரத்த அணுக்களில் காணப்படும் மூலக்கூறு) உடைய முக்கியமான அங்கங்களில் ஒன்றான இரும்புச்சத்து நிறைந்த ஒரு ஆதாரம் ஆகும். தொடர்ந்து அத்திப்பழங்களை உட்கொண்டு வருவது, இரத்தத்தின் ஹீமோகுளோபின் அளவை அதிகரிக்க மற்றும் இரத்த அணுக்களின் எண்ணிக்கையில் ஒரு பொதுவான அதிகரிப்பையும் ஏற்படுத்த வழிவகுக்கிறது, என ஆய்வுகள் வெளிப்படுத்தி இருக்கின்றன. இந்தப் பழத்தில் அடங்கியுள்ள புரதம் மற்றும் வைட்டமின் பி ஆகியவையும் இரத்தத்தின் சிவப்பு இரத்த அணுக்களின் எண்ணிக்கையை அதிகரிப்பதில் ஒரு பெரும் பங்கு வகிக்கின்றன.

(மேலும் படிக்க: இரத்த சோகை வகைகள்)

அத்திப்பழங்கள், உடலில் ஏற்படும் எந்த ஒரு வகையான ஆக்சிஜனேற்ற பாதிப்பிற்கும் எதிராக பாதுகாக்கின்ற, உடலின் சிறந்த எதிர்ப்பு சக்தியான ஆக்சிஜனேற்றம் எதிர்ப்பிகளின், ஒரு சிறந்த ஆதாரமாகும். அதன் ஊட்டச்சத்து பண்புகளுடன் இணைந்து, அத்திப்பழங்கள் கல்லீரலில் இருந்து நச்சுக்களை நீக்க மற்றும் கல்லீரலின் ஒட்டுமொத்த ஆரோக்கியத்தை மேம்படுத்த உதவுகின்றன. விலங்குகள் மீது நடத்தப்படும் ஆய்வுகள், இந்தப் பழத்தின் கல்லீரலைப் பாதுகாக்கும் திறன்களை நிரூபித்திருக்கின்றன, ஆனால் மனிதனின் கல்லீரல் மீதான இதன் விளைவுகளுக்கு ஆதாரங்கள் எதுவும் இல்லை. அதனால், உங்கள் கல்லீரல் மீதான அத்திப்பழத்தின் நேரடி விளைவுகளைப் பற்றி உங்கள் மருத்துவரிடம் கேட்குமாறு அறிவுறுத்தப்படுகிறது.

மூல நோய் என்பது மலம் கழித்தலின் போது வலி மற்றும் இரத்தப் போக்கினை ஏற்படுத்தக் காரணமாகிற, மலத்துவாரம் உள்ளே மற்றும் அதனை சுற்றி ஏற்படுகிற அழற்சியைக் குறிக்கிற ஒரு பிரச்சினையாகும். இந்த பிரச்சினைக்கான சரியான காரணம் தெளிவில்லாமல் இருக்கிறது. ஆனால், குறைவான நார்ச்சத்து உடைய உணவை உண்பதும் மற்றும் முறையற்ற மலம் கழிக்கும் பழக்கமும் மிகவும் பொதுவான காரணங்களில் ஒன்றாகும். அத்திப்பழங்கள் இந்த இரண்டுக்குமே தீர்வினைக் கொண்டிருக்கின்றன.அத்திப்பழங்களில் இருக்கின்ற அதிக அளவிலான நார்ச்சத்து மலம் கழித்தலை முறைப்படுத்தி, மலத்தினை இளக்கி, அதனால் மலத்துவாரத்தின் வழியாக அது எளிதாக வெளியேற உதவுகிறது. மலக்குடலில் கொடுக்கப்படும் அழுத்தத்தைக் குறைக்கிறது.

இரவில் தூங்க முடியவில்லையா? நீங்கள் தூக்கத்தைப் பெற இயலாமையால் (தூக்கமின்மை) பாதிக்கப்பட்டிருக்கிறீர்களா? நமது உடலின் தூக்க/விழிப்பு சுழற்சிகளைப் பராமரிப்பது, மெலட்டோனின் (ஒரு வகை ஹார்மோன்) உடைய பொறுப்பு என ஆய்வுகள் தெரிவிக்கின்றன. இந்த ஹார்மோனில் ஏற்படும் சமநிலையின்மை தூங்கும் பாங்கினை பாதிப்பதற்கு மட்டும் காரணம் ஆகாமல், மேலும் பதற்றமாக உணருதல் மற்றும் எளிதாக எரிச்சலடைதல் போன்றவற்றுக்கும் கூட வழிவகுக்கக் கூடும். அத்திப்பழங்கள், உடலில் மெலட்டோனின் அளவுகளை அதிகரிப்பதில் நேரடியான ஒரு விளைவைக் கொண்டிருக்கக் கூடிய, அமினோ அமில ட்ரிப்டோபன்- க்கான ஒரு நல்ல ஆதாரம் ஆகும். தொடர்ந்து அத்திப்பழங்களை உட்கொண்டு வருவது, உடலில் ட்ரிப்டோபன் அளவுகளை அதிகரிக்க வழிவகுக்கவும், அதன் மூலம் "தூக்க ஹார்மோன்" என மிகவும் சரியாக அழைக்கப்படுகிற மெலட்டோனின், சரியான நேரத்துக்கு வெளியிடப்படுவதைத் தூண்டவும் காரணமாகின்றன என ஆய்வுகள் தெரிவிக்கின்றன. தூங்க செல்லும் முன்பாக, ட்ரிப்டோபன் எடுத்துக் கொள்வது, மெலடோனின் அளவை சமநிலையில் வைக்க மற்றும் அதன் மூலம் நீங்கள் மேலும் எளிதாகத் தூங்குவதற்கு உதவுகிறது என எண்ணற்ற ஆய்வுகள் கூறுகின்றன.

இதற்கும் மேலாக, அத்திப்பழங்கள் மக்னீசியம் சத்தும் நிறைந்தவை, மருத்துவர்களின் கருத்துப்படி, மக்னீசியம் சத்து, இரவில் நீண்ட மற்றும் சிறந்த தூக்கத்தைப் பெற மிகவும் உதவிகரமானது ஆகும். அவ்வளவு தான் என நீங்கள் நினைக்கும் பொழுது, உங்கள் மூளையில் நேரடியாக செயல்படுகிற மற்றும் உங்களுக்கு ஒரு அமைதி மற்றும் மகிழ்ச்சியான உணர்வைத் தருகின்ற, செரோடோனின் என அழைக்கப்படும் மகிழ்ச்சியை அதிகரிக்கும் ஹார்மோனைத் தூண்டக்கூடிய ஒன்றாகவும், ட்ரிப்டோபன் செயல் புரிகிறது..

மேலும் கூடுதலாக, அத்திப்பழங்கள், மகிழ்ச்சியை அதிகரிக்கும் பண்புடையது என மருத்துவர்களால் கருதப்படும் இயற்கை சர்க்கரைகளை அதிக அளவில் கொண்டிருக்கின்றன. ஒரு நல்ல அளவிலான செரோடோனின் அளவுகள் இருப்பது, மனப்பதற்றம் மற்றும் மன அழுத்தம் போன்ற நரம்பு சார்ந்த பிரச்சினைகளைத் தவிர்க்க மிக அவசியமானது என அறியப்படுகிறது.

அத்திப்பழங்கள், கண்பார்வையைப் பராமரிக்கவும் மற்றும் கண்களை ஆரோக்கியமாக வைத்துக் கொள்ளவும் பொறுப்புடைய, மிகவும் முக்கியமான ஊட்டச்சத்தான வைட்டமின் ஏ- வுக்கான ஒரு நல்ல ஆதாரம் என அறியப்படுகின்றன. தொடர்ந்து அத்திப்பழங்களை உட்கொண்டு வருவது கண்களுக்கு நல்லது என நம்பப்படுவது மட்டும் அல்ல, தற்போதைய காலத்தில் குணப்படுத்த முடியாததாக இருக்கக் கூடிய, கண்களின் விழித்திரையின் செல்கள் இறப்பதன் காரணமாக ஏற்படக் கூடிய, படிப்படியாகப் பார்வை இழப்பை ஏற்படுத்துகின்ற கருவிழி சிதைவு போன்ற, முதுமை அடைவதன் காரணமாக தோன்றக் கூடிய கண்களின் குறைபாடுகள் ஏற்படுவதை தாமதப்படுத்துவதிலும், இவை உதவுவதாக அறியப்படுகிறது.

அத்திப் பழங்களில் உள்ள அதிக அளவிலான நார்ச்சத்து குடல்களில் திரட்சியாக இருக்கும் மற்றும், ஒரு மிக நீண்ட அளவிலான நேரத்துக்கு, வயிறு நிரம்பியிருப்பதைப் போன்ற உணர்வை உங்களுக்குத் தரும். இது உங்கள் உணவு அருந்துதல்களுக்கு இடையே உள்ள நேர இடைவெளியை அதிகரித்து, நீங்கள் குறைவாக உணவு உண்ண உதவும். கூடவே, அத்திப்பழங்கள் குறைவான கலோரிகளைக் கொண்டவை, எனவே, உங்களுக்கு வயிறு நிரம்பியிருப்பதைப் போன்ற உணர்வைக் கொடுத்தாலும் கூட, அவை உங்கள் கலோரிகளின் எண்ணிக்கையை அதிகரிப்பது கிடையாது. இதைப் போன்ற நல்ல சுவையான மற்றும் உங்கள் உடைகளை ஒரே இரவில் உங்களுக்கு மிகவும் இறுக்கமாக ஆக்காத, ஒரு உணவினை நாம் எல்லோரும் கனவு காணவில்லையா. இருப்பினும், அத்திப்பழங்கள் அதிக அளவு ஊட்டச்சத்துக்கள் நிறைந்தவை, பால் உடன் எடுத்துக் கொள்ளப்படும் போது, அது உடல் எடை அதிகரிப்புக்கும் வழிவகுக்கக் கூடும். அத்திப்பழங்களை உட்கொள்ளுவதற்கு முன்பாக, குறிப்பாக நீங்கள் உடல் பருமன் உள்ளவராக இருந்தால், உங்கள் மருத்துவரை ஒரு முறை ஆலோசிப்பது நல்லது.

(மேலும் படிக்க: எடை குறைப்புக்கான உணவுப் பழக்க அட்டவணை)

அத்திப்பழங்கள், உணவு சார்ந்த நார்ச்சத்து மிக்க ஒரு சிறந்த ஆதாரமாகும் மற்றும் ஒரு நார்ச்சத்து-மிகுந்த உணவின் மிகவும் முக்கியமான நன்மை என்னவெனில், அது உணவுக்கு திரட்சியை சேர்த்து மலத்தை இளகச் செய்து, அதன் மூலம் உடலில் இருந்து மலத்தை எளிதாக வெளியேற்ற உதவுகிறது. எனவே, ஒரு கிண்ணம் அத்திப்பழங்கள் துண்டுகளை எடுத்துக் கொள்ளுங்கள் மற்றும் மலச்சிக்கல் சோகத்தை பல மைல்கள் தூரத்துக்கு தள்ளி வையுங்கள்.